حبك إلي وملكي

البارت 6

انثى 💜 ملائكيه

حبك إلي وملكي

لمحتُ فِي عينيكِ
" وطني الضائع
‏وأشيائي المفقُودة
‏وأمنياتي المُعلقة
‏وكأنَ الحُب خُلق لك

.
.
.

لقاء...ضحكت عمتي كتلها..يمه ماكتيلي حفيدج حلو لا ..

ام حيدر...يمه نعمة من الله المهم الله يديمكم ويلم شملكم أن شالله يمي..

لقاء...أن شالله يمه ..

استمر الضحك والسوالف نور تعودت عليه وتعودت عليها حجيت وياها هواي وعرفت شنو تحب وشنو تكره هي كذلك عرفت عني هواي اشياء حسيتها طيبه بس وي حيدر جافه كزوجه ...

نور ...تدرين حيدر داگ اسمج على صدره من 2008 وهسا أخته دخلنه 2017..

لقاء..مادري بي والله وماقبلت عليه من شفت الوشم.....

نور..ترى انتي عايشه وياي من 2008مو هسا ..

لقاء...اسفه..

نور...لاحبي لا تتأسفين اني صوج بيه ماحافظت على زوجي وحسبالي من يكلي ترى ازوج إذا تبقين هيج هاجرتني جنت اكله لا مسويها حيل بيه المهم طحت بيج انتي احسن من غيرج يجوز لأن غيرج تخلي يطلگتي بس انتي بنت أوادم خليتي يحافظ عليه .....

بعد مرور سنه

لقاء...تعال حبيبي حيادر امشي ...

موگفته وضهرا على الحائط واني واكفه مسافه متر وفاتحه اديه وأئشر تعالي وهوا يرمش وأيده بحلكه يعض بيها أخذته بحضني اوبس بي ونزلته رفعت اديه أمشي بي دخل حيدر وشال حيادر يبوس بي ونذل يضوج من لحيه ويعمص اعيونه مزعوج ...

حيدر....ضميته ح بحضني وحجيت ..لقو ..

لقاء...ها حبي...

حيدر..مو كافي نبقى هنا خلينه ننتقل لبغداد دوامي هناك ..

لقاء..بكيفك گلبي ..

رحت لبيت اهلي وكعدت وي ابوي حجيت ويه...حيدر لازم يستقر واريد ابني يتعود على عليه وعلى خوانه ...

ابو كرار...براحتج بنيتي ...

لقاء..حظرت اموري وبديت ألم بالغراض والنقل حيل متعب وخاصه من محافظه لمحافظه جنت متحمسه ومتوترا بنفس الوقت اخذت أثاثي.

.و حيدر بتهم جبير ف قسملي خلالي غرفه وصاله جبيره ومطبخ وباحه وصحيات وباقي البيت الهم هوا ومرته واطفاله وأبو وأمه .

صار جدول يوم يمي ويوم يمهم

ابني تعود على خوانه وهم حبو وميقبلون واحد يحاجي أكثر الأوقات بيتهم مو يمي واني مرات الصباحيه اكضيها يمهم

أضل يم عمتي اسبحه وابدللها واشوف شنو الي ينقصها واخفف على حمل نور خطيه بدون مشاكل مكضينها ضحك وسوالف وهي مثل اختي