حبك إلي وملكي

اعلان

انثى 💜 ملائكيه

حبك إلي وملكي

حسابي تابعو
mmlaakee

القصه حقيقيه وبيها جثير رومنسيه وحب وبطلتي الجديده من محافظة البصرة والبطل بغدادي🙈
واني حبيت اسميها البصراوية وابن بغداد بس نسبتاً لحبهم الجبير والحلو قررت اسميها حبك ألي وملكي

‏إنْ الله إذا أرادَ قَلباً لِقلبْ ، قَال لهُ : ‏﴿كُنْ فَيكونْ ‏﴾حتىْ لو كآنتْ المَسافة أرْضاً وسمَاء🧿🦋💕.

مشهد الأول

محافظة البصرة

لقاء......بخطوات مثقله ومليئه بالتعب جان الجو لطيف وهوا بارد يضرب وجهي الا گلبي عبارة عن جمر شديت ايدي على عباتي من اجت هبة هوا التفت عليه وهوا عاقد حواجبه ضليت مركزا بعيونه ادور حنيه ادور نفسي بين عيونه ماشوف بس الغضب

عضيت شفتي ودنكت العبرة خنگتني واحنه نمشي وصلنه يم الامام موسى الكاظم عليه السلام باوعت على القبة ونزلت دمعتي وقشعريرة مشت بجسمي رحنه للمكتب مالسيد دخلنه وگعد بصفي ولفحني عطرا گلبي ضل يرعد خوف وشي بداخلي يصرخ اني ماريد اتزوج اني عمري 13سنه وهوا اكبر مني ب 15سنه

بلعت ريگي بس هيهات حنجرتي يابسه مثل صحراء قاحله صرت عبارة شي هامش مايعرف ايفكر أو يحجي متخذ الصمت سلاحه رفعت نظري وشتت أفكاري من تكلم السيد وكال

السيد ...ابني خلي ايدك بيدها وردد وراي ...

لقاء....خله ايده بيدي وضل يردد واني گلبي عن خفقان و بعدين كررت الجمله ...نعم وانت وكيلي ....

..عمتي من الفرحه هلهلت كمت باوستني وحضتني ونوب راحت على ابنها هم باسته وحضنته اتغدينه ورجعنه للفندق والأهل راحو للبيت

جان هذا زواجنه نعم عرسي بدون حفله أو فستان عرس بدون فرحه اشوف الكل الفرحان الا اني وهوا حسبالك ناصبين عزا وجوهنه تلطم بس نبتسم من أحد يحجي ويانه ضلينه لليله بالفندق ومالمسني وماتقربلي جنت طفله خايفه اتمنى ارجع لفراشي ولعابتي احضنها وانام واني مافكر بالمستقبل ولا اتعب نفسي باوعتله كأنو مجبور عليه لا يمكن يكرهني أصلاً ومايطيقني

.
.
.

مشهد الثاني

لقاء....نايمه الضهر فزيت مرعوبه على الهجوم الصار على الباب وحدي بالبيت احس گلبي تشنج من الخوف ابني حيادر ضل يبجي من الخوف شلته اسكت بي واني أتوجه للباب فتحت باب المطبخ المطل على الطرمه جان تهجم عليه نور وتصيح وتغلط ادفع بيها ماكو ذبت ثگلها عليه اريد تفاهم شي ماكو دفعتها ...شبيج تخبلتي شكووو...

نور....كح ....بربووو...حيدر يريد يطلكني ...

لقاء...فتحت اعيوني وتخصرت ...واني شعلي بالله وجايه لبيتي تتهجمين عليه ذاك رجلج وحاجي...

نور...انتي بسببج أخذتي رجلي مني وزيتي عليه خليتي يكرهني الله لاينطيج ...

لقاء...فتحت حلگي اني سبب ترى يحبني قبل لايتزوجج انتي ....بهل اثناء دخل حيدر وشكله تعبان جاي من شغل عقد حاجبه من شاف نور والغضب سيطر عليه عضيت شفتي من منظرا واني اتخايل شلون راح تتعاقب هالمرة....

هلوووووز ياحلوين يا أمورين صباح العسل والقشطه

هاي مشهد من القصه الجديدة وحيل حلوه متحمسه اكتبها وان شالله بس تصعد ابلش بيها عليكم بس تصويت ومنشن حتى يشوفها متابعينكم وشنو رائيكم بيها ومتحمسين الها لو لا😁😅