حبك إلي وملكي

النهاية

حبك الي وملكي

الكاتبة آنثى ملائكية

الأصعب من فُقدان شخص تُحبّه : هو المجهود الّذي تبذله كل يوم للتأقلُم على غيابه ، أن تُحاول جاهداً ألّا تبكي ، و أن تعتاد الأيّام بدونِه ، ثُمّ في لحظة عابرة صورة أو أغنية تُذكّرك بكُلّ شيء فـ تبكي..

لقاء ..

من بعد أنفصالي وسوالف سحر الصارت  بقيت يم اهلي 6اشهر رجعت الحياتي الطبيعيه وكأنو ماصاير شي وأهم شي ابني بحضني وتناسيت الموضوع   

صادف يوم خميس الساعة اربعة العصر  ندك الباب محد موجود بيتنه بس اني ومرت اخوي  تسائلت منو الي اجه خليت الحجاب على راسي وكفت ورى الباب وصحت.. منو

اجاني صوته الخشن ..اني ..

ما نتبهت  المنو هذا صوت كتله ..كول منو انتَ ..

رجع كال ... اني علي  ..

لقاء ..حقيقه نصدمت وماكدرت فتح الباب  مدري خوف مدري قلق بس استحيت من عنده و فتحته وجت عيني بعينه ونزلت عيني بسرعة كتله واني اعدل حجابي وخجلانه .. هلا علي تفضل ..دخل للصاله وكعد على تخم و كال..

علي ..ايي لقاء شلونج شخبارج

لقاء .. تمام انتَ شلونك ..نصيت راسي وعيوني بالكاع وحيل متوترة احس الغرفه كبتت على نفسي هوا سكت شوي وبعدين كال بكل جرئة وهوا يباوعلي

علي ..تكلم بجرئة و لهفه ..مشتاقلج لقاء

لقاء ..عيوني جانو بلكاع فكيتهم على وسعهم من الصدمه وكلبي صار يخفق بقوة كمت واني متوترة وكتله بفهاوة ..هااا ..بلعت ريكي بصعوبة وطلعت من صالة ركض وكفت بالمطبخ زاني اباوع لكف ايدي يرجف يربي شبيه شنو صارلي اخذت كلاص غسلته وصبيتله مي  ورحت قدمته اله ..

علي .. وين خالي ..

لقاء .. موهنا بالنجف  ..

علي .. تمام ..

لقاء ..بقيت كاعده يمه اني ومرت اخوي بس مرتبكه وخايفه وقلقانه  ونظراته قلقني حقيقه هو من كبر  حليان اكثر من قبل رغم هوا جبير بس احس هسه حليان اكثر الشيب مخالط لحيته وزايدة هيبة و وقار ومرتب نفسة اكثر من قبل مو مثل قبل ابد

  من بعد صمت كسر الهدوء و كال..

علي .بهدوء ... لقاء

لقاء ..بتسأل ..  ها علي ؟

علي ... احبج ..نطقها من كل كلبة

لقاء ..بلعت ريكي بصعوبة و فتحت عيوني ورديت عليه بنترا .. شنو تحبني شبيك علي ؟!!

علي .. اريدج لقاء واريد أرجعج على ذمتي وانسي الي صار وابنج ابني وخليج بعيوني ..

لقاء ... ضحكت بستهزاء ...هههه و كتله ..تريد تاخذني من حيدر..