حبك إلي وملكي

البارت 8

انثى 💜 ملائكيه

حبك إلي وملكي

چنت أشتكيلك گبل وبـ حضّنك تضمني ..
مهضوم وأرد أشتكي بس أنتَ هاضمني !

- مرتضى الحمد

.
.
.
.
.

حيدر...بدون ما تكوليلي ماترحين..

لقاء...باوعتله بنظرات حاده...مو بكيفك اني رايحه وي اهلي الرضيت والرفضت اني ماكدر اعيش وياك بعد ابد ....

حيدى...جريتها وكعدتها على جربايه لزمت أيدها وباوعت بعيونها...لقو ادري حالتج تعبانه بس هوا هم ابني مو بس ابنج اني هم مثلج تعبان ومريض وتردين تعوفيني بعد ما عافني ابني انتي تعوفيني شنو ذنبي ليش ترديني اموت نفسي حتى ترتاحين ..

لقاء...قبل لا يكمل كلامه خليت ايدي على شفايفه لأن رغم زعلي وتعبانه بس ما تمنه إلى الموت لأن اني اموت من بعده صح اني متناقضه بس حيدر حبيبي ماكدر انكر هذا الشي ..

...حيدر ادري تعبتك وياي ومحملتك السبب بس ترى اني ماكدر ابقى هنا ماكدر راح تصير علاقتي بيك تنهار إذا ابقى لأن داشوف حيادر بكل مكان ما تحمل فراكه عوفني يم اهلي ارتاح ...عيونه تجري دموع  ...حيدر إذا تحبني عوفني اروح ..

حيدر...دموعي تجري ماگدر اشوفها وهي بهاي الحاله مو لقاء تضحك وتشاقه وفرحانه هاي دنيا ماتحب واحد مرتاح لازم تضمله شي حتى  تأذي وهذا جان نصيبنه من الفرح انضربنه كف من الدنيا كتلها...تمام لقاء روحي الله وياج اني ما راح اضغط عليج ...أئشرت على گلبي...بس صدگي راح تأخذين گلبي وياج راح اصير شبه ميت من بعدج ...بستها برأسها بعمق وطلعت ..

لقاء...حضرت كل اموري وطلعنه بالوحده ظهر
رحنه زرنه الامام الكاظم عليه السلام ورحنه لكربلاء والنجف ورجعنه للبصرة وصلنه يمكن ساعه 1باليل اهلي واخواني ونسوان اخوتي منتظرين جيتي استقبلتني حلا مرت اخوي حظنتني وهي تبجي اني صرخت بوجها جان كل ظني اروح لاهلي واحتفل بعيد ميلاده تاليتها رحت وحدي واني مكسورة

سلمو عليه خواني ويواسوني واني فاقده بس ابجي ..

ابو لقاء...كافي خلوها ترتاح لاتقهرونها أكثر اختكم تعبانه اريد ديرون بالكم عليها ..

بقيت اسبوع يم اهلي شويه نفسيتي تغيرت صار شهر لوفاة حيادر

بعد مرور 6اشهر كعدت من نوم على صوت رنت موبايل خليته صامت وغمضت عيوني بملل يعني مايمل من رسائل والاتصال ووف كمت رحت للحمام غسلت ورحت وي اهلي اتريگ دائما يضحكون ويسولفون يغيرون من نفسيتي ..

العصر خابر عمي اول حيدر على ابوي

ابو حيدر...ابو كرار انت اخذت بنتك زعلانه من يمنه...

ابو لقاء ..لاحشا أخذته راضيه بس هي متفقه وي زوجه وجاي يتخابرون ويكلها ابقي ارتاحي ...