حبك إلي وملكي

البارت 2

انثى 💜 ملائكيه

حبك إلي وملكي

تنويه الأسماء حقيقيه و القصه حقيقيه

قررت يومين نشر ويوم استراحه الي أريده تصويت ضغط على نجمه وتعليق للتشجيع وبين الفقرات لطفاً..

أحَتاجك وبِقوة ، فقطَ حاول أن تَجد مكان مَا لِتأتي بهِ إلى عالمي ، لنَ أمانع ، مَيزني عن الكُل مهما كان ، لا تتَخلى عني بِسبب تافه ، انا فقط كُنت ولا زِلتُ احتاجك .

السنه 2008

المحافظه البصرة..

لقاء..كدرت أجمع فلوس كلما اروح بابا ينطيني مصرف وعمتي فاشتريت تلفون حتى اغير من حياتي جان بوقتها اسمه الملك سويت فيس ودخلت بگروب لمة الحلوين والحلوات وكلنه حركات .

دخلت وتفاعلت وبقيت انشر علقلي شخص اسمه حيدر وكمت اضحك ويه واشاقه

وبعدين دخلي للخاص حجيت ويه بس گتله اني متزوجه وسولفتله عن كل حياتي جنت شلون الغيمه ومحمله امطار واجه وقت شتاء وزخت كل حملها حجيت كل لبگلبي

ما جان عندي شخص اسولفله أو حجي ويه عن مشاعري حسيت بنفسي هذا شي غلط بس بداخلي شي ينجذب الى

ماعرف مشاعري بهذا وقت كلشي صار فجئه بقيت احجي ويه ومن يطلع علي للشغل اخلص شغلي بساع وبكل حماس اركض للفون حتى احجي ويه حسيت رجعت الحياة تضحكلي

هوا هم عنده مشاكل ومتزوج بنت خالته ومايحبها وعنده ابنيه وثلاث ولد

استمرت صداقتنه سنه ونسيت اصلا أني متزوجه نضحك ونسولف ونشاقه

وليله من اليالي رحت لاهلي وسهرت ويه بالتليفون بس نحجي مخابره ..

حيدر ..يتكلم بهدوء و رومنسيه...لقاء اني أحبج ..

لقاء ...توتر والخجل سيطر عليه وگلبي رجف لون وجهي تغير وصرت حمره لزمت گصتي اني صدگ سمعته گال أحبج لو متوهمه بس علي أجه بالي وسحبني من ارض الاحلام الي طايره بين الغيوم إلى واقع مؤلم و موحش حجيت بغصه ...حيدر اني متزوجه..

حيدر...بنكسار .لقاء فهميني شنو أسوي اني وگعت بحبج ..

لقاء...واني الزم نفسي حتى ما أبجي مسحت دمعتي بطرف عيني وعضيت شفتي بقهر...
اني ماعرف حيدر ...

اتخذت صمت موقفي وما گتله احبك هوا من بغداد واني من البصرة واني ماعرف شعوري متقلب جنت اكول هوا مجرد صديق بقيت افكر بكلامه

مر شهرين واني ما احجي ويه بس ايقنت اني احبه وماكدر بدون مستوطن تفكيري طول الوقت

ضل تفكيري يدور بمتاهه ماعرف شنو اسوي احبه ومتزوجه عائلتني شلون محافظاتنه بعيده شلون أنجو من هاي المتاهه واخلص نفسي