حبك إلي وملكي

البارت 1

انثى 💜 ملائكيه

حبك ألي وملكي

تصويت وتعليق بين الفقرات ❤️

وكُنا أثنانَ ولكن كُل مِنا داخل جَسدِ الآخر مَسروق قَلبهُ ، كُنا شخصان وأصَبحنا ذات لَيلة واحد ، كُنت فقط أريدُ أن أرممَ ما دُمر بيننا ونَجحت ولكنهُ هدمهُ في دقائق مَعدودة كُنت فقط أشاهدهُ ، عاد ولكنهُ لم يَتغير خُطف قلبهُ وتغير حَاله واصبحتَ انظر فَقط .

السنه 2004

الموقع البصرة

اركض وضحكاتي تصدح ب أرجاء المكان وفستاني يتطاير ب الهواء خصلات شعري متناثرة مر الوقت و تعبت من الركض وعطشت رحت اشرب المي دخلت للبيت واني اتنفس بضيق من التعب وصدري يعلى ويهبط جانت عمتي موجوده خطار دنگت أخذ دولكة المي

رفعت عيوني انتبهت تباوعلي وتبتسم رديت الها ابتسامه جانبيه

هي الوحيده جانت تحبني اكثر وحده ودائما دافعلي وتوكف وياي واني حيل احبها

شربت مي وأبوي كاعد بصفها يفر بسبحته

شفت امي تنكل المواعين مالغدا رحت للمطبخ أخذت ماعون تمن لأن ماعون المرگه ماسيطر عليه واخاف ينگلب واحترگ

تمشيت على كيف واني استمع لعمتي من حجت رفعت نظري واديه رجفن لا أرادياً....

ام علي ....خويه اريد افاتحك بموضوع ..

ابو لقاء....تفضلي ام علي أن شالله خير ...

ام علي... خويه اني رايده لقاء لعلاوي ...

ابو لقاء....شگلج يا ام علي هيه بنتج گبعي واخذيها...

لقاء...من سمعت رد ابوي وگع الماعون من أيدي ترجف لحظه وحده بس جانت بداية كابوس..

نزلت واني احاول مابين خوفي واسيطر على رجفة ايدي وألم بالماعون المكسر إلى أشلاء صغيرة تخايلت گلبي نفس المنظر

التخايلات هجمت عليه من كل صوب شهكت بألم من جرح ايدي نزلت ادموعي وحده بعد الثانيه وكانو سبب حتى ابجي گمت اشهك ولازمه اصبعي المجروح الي ينزف دم على الگاع ولونها بلون الاحمر القاتم ..

اجتي امي وهي خايفه لفت ايدي وأخذت المكناسه ونضفت المكان رحت للغرفه النوم كعدت واني امسح دموعي بطرف ردن الثوب دخلت امي وشكلها مزعوج ...

ام لقاء...بحنان .شبيج بنتي ..

لقاء...ركضت حضنتها وشهكاتي علت...يمه الله عليج لاتزوجوني بعدني صغيرا وعمري13 وحتى ماشبعت منكم ...

ام لقاء...يمه من انتي صغيرا وعمتج تريدج لابنها كلهم زوجتهم وبقى علي تريدج إلى واني حالي من حالج ماكدر ارفض ...

لقاء..برجاء...يمااااا حاجي ابوي فدوة ...

ابو لقاء...شبيها بنيتي الحلوة...