حبك إلي وملكي

البارت 9

انثى 💜 ملائكيه

حبك إلي وملكي

‏الأمر أشبه،
بأن تصاب مشاعرك بنزلة برد ، فتفقدك القدرة تمامًا على تمييز الأشياء، فيصبح مذاق كل شيء بعدها واحدًا

.
.
.

حيدر....لقااء ..

لقاء...ماكدر احجي احس حبل على رگبتي مخنوگه عيوني حاوطها ظلام وبدى سحبني ماحسيت غير وكعت على الگاع ...

بعد فتره..

احس أيد تضرب على وجهي على كيف ويصيح لقاء تمنيت كابوس الي شفته واصحى منه بس للاسف الي صار بالواقع
افتح اعيوني وارجع اغمضهم ماعرف شلون قويت نفسي وفتحت عيوني باوعت ام هشام تباوعلي

ام هشام...لقاء صحصحي...

لقاء...وعيت وأحس نفسي بعالم ثاني حضنتها وهي متفاجئه وصرخت حيل من حرگة گلبي ..هي تصير عليه وتواسيني مامفتهمه شي واني بس ابجي واصرخ..

ام هشام...استهدي بالرحمٰن خيه شجابج هنا ماتگليلي ...

لقاء....واني غصه بحنجرني وكوا انطق سولفتلها كلشي هي تعجبت ...

ام هشام...يروحلج فدوة خيولي ...

لقاء...وكفت ويايه شكد ماهي تحب اخوها بس حجت عليه ومارضت على تصرفه لأن هي حقانيه ...

ام هشام ..أمشي كومي وياي ..

لقاء...شديت حيلي وكفت على رجلي طلعت وياها الليل كله واني بس ابجي وروحي محتركه اتمنى الگاله عذر منين ما اجيبها الكه نفسي منهاره خابرني نفس رقم الغريب جاوبت  ..

...هاا لقاء شفتي حيدر شيسوي من ورى ضهرج وهوا مسوي روحه يحبج وهوا اصلا مايحب بس نفسى عمره ماحب وهوا الي يعوف مرته على مودج هم يجي يوم ويعوفج على مود ثانيه ..

لقاء...سدت الخط عضيت شفتي بقهر ماعرفتها منو هاي عدوه الي تريد تحرگ گلبي لو محبةً وتريد تفطني ماعرف شنو من أفكار براسي لا اكل ولا أشرب تغذيت على الالم والخذلان يجي الليل ما أكدر انام وأسهر على الأفكار السودة تعبت من تفكير اروح لاهلي لو شنو اسوي بس لازم يطلگني مستحيل ابقى ويه لانه خاين

بقيت افكر بالماضي اكيد هاي حوبة علي وارجع اكول لا اني ما خنته

وهواي تجي بالي افكار يأست من الحياة بشكل جبير ماعندي ثقه بكل شي أكثر انسان حبيته وعشت لحظات حلوة ويا هدم كلشي خلال لحظه تمنيت ما شايفه هذا المشهد بعيوني أكثر انسان بالعالم تحبه من كل گبك تلاكي بأحضان غيرك كتمت صوت شهگاتي بأيدي احس حنرجتي تريد تتمزق من كثر الالم وشهكه القويه

عضيت اصبعي ندم بدل مره الف كوا غفيت نفسي او بس ريحت عيوني احس عقلي بعدا يفكر بس جسمي استلسم للنوم كعدت لاذان الفجر كمت كوا اشي بنفسي رحت للحمام وتوضيت كعدت على المصلايه عيوني وحدها تجري استمريت ابجي على الحب الي كبر بگلبي يوم ورى يوم لو على ابني الي مات لو على خيانت حيدر الي تمنيت ينطيني تبرير واحد على فعلته صليت وستغفرت ربي ورجعت خليت راسي على المخده وتليفوني رن كاتبه وتيني &عافيتي ضحكت على الاسم الي كاتبته ما جاوبته اجتني رساله على الوتساب
..حيدر...لقيه احبج..