كان العالم توقف عند عينيك

البارت السابع 👋🏻☃️

طلعت من غرفه مراد متوجهه لدور الارضي شافت سيف اللي ساند نفسه على الجدار
سوزان بتردد : سيف
سيف التفت بسرعه: صار لك شي شفيك ؟
سوزان لعبت بشعرها : اسف
سيف تنهد وجلس على الارض : خوفتني عليك ماتقول لي وش صاير انهبلت
سوزان : تعال وصلني وبقول لك
سيف عقد حواجبه: اوصلك
سمعو صوته من اعلى الدرج: سيف وصل خالد وابقى معه اليوم ماعاد فيه شغل عندي شغل خاص ومابغى مرافقين
سوزان كانت نظراتها متعلقه فيه بانه وش صاير
مراد ابتسم: روح معه وبتصل عليك
سوزان اومئت بالايجاب
سيف مشى وراها: والله اني مو فاهم شي ابد
سوزان ضحكت: بتفهم اذا وصلنا عند العيال
توجهو للشقه بعد ما اتصلت عليهم انها بالطريق للشقه
بعد تجمعهم كلهم
سيف : صبر قبل تحكي عن موقفك مع امك بقول لهم على اللي سويته اليوم
سوزان حمر وجهها : لاتقول
سيف بنظره شر: ليه ماقول ولا خايف لايقولون وش هالمهبول قسسم اني توقعتك متعاطي شي
سوزان غطت وجهها وهو يحكي لهم عن الموقف اللي صار
كلهم انصدمو الا شخص كان هادي جدا من الموقف
وسام : مجنون انت وش مسوي وسلامات تسوي كذا انت عارف لو يسحبك مارح ترجع تشوف نور الشمس
همهم : بعذره يسوي كذا
سوزان انتبهت له : راشد ؟
راشد وقف : بسوي لي قهوه احد يبي
وقفت سوزان معه : بجي معك
ياسر بحلطمه: توك بتحكي اللي صار مع امك
سوزان ابتسمت : السالفه تنتظر شوي
سيف بستفسار : وسام اخوك دايم كذا بارد
وسام: لا شخصيته مرحه بس في الاشياء ااقريبه منه تحصل حالته تتغير فجاه
سيف حرك كتفه بعدم اهتمام
بالمطبخ
سوزان: راشد ؟
راشد : عارف وش بتسال وش فيني كذا وتصرفاتي
سوزان بنفي : لا لا انت متضايق مني ؟
راشد ناظرها بستغراب : متضايق ؟ منك مستحيل خالد ليه تفكر كذا
سوزان بضيق: مدري بس تصرفاتك تقول كذا
راشد : لاتفكر بشي مثل كذا ثاني مره فاهم بس فيك تقول كنت شاك من البدايه
سوزان رفعت حاجبها : شاك بايش ؟
راشد : ابوك
سوزان شهقت وغطت فمها : انت تعرف ؟
راشد : مو الوزير مراد من اول ما التقينا فيه كانت تصرفاته معك مو طبيعيه كنت متوقعه شخص منحرف ويبي يصيدك بس بس لما شفت توديعه لك بالمطار وتصرفاته بالاهتمام فيك بالطياره ولما جاك وسالك عن حاله تنفسك عرفت ان فيه شي بس وش مو عارف والحين لما وصلنا هنا وقلت لنا عن امك وانو ابوك شخص غير عرفت انه يصير لك او يقرب لابوك او هو ابوك بنفسه بس ماحبيت اتكلم وارفع امالك بس انت كيف عرفت
شوزان اللي كانت ترتب الاكواب بتاخذها للصاله : امي طلعت صوره لي وقالت انو كنت معه من كم يوم وهذا اللي زاد استغرابي لما شفته احس اني انجنيت وابغى افرغ غضبي فيه بس * سكتت تاخذ نفس * بس ماقدرت لما شفته ماقدرت احس كل اللي براسي اختفى مو قادر اتكلم معه او اقول له اللي بداخلي
راشد : والحين ؟
سوزان : مدري احس اني محتاجه بجنبي خصوصا اليوم بعد معرفتي احس انه مو حقيقه
ابتسم راشد وربت على راسها: اجل بعد ماتخلص قهوتك ارجع مع سيف له
سوزان : تتوقع يستقبلني
راشد قرص خدها على دخوله : لاتخاف بيتقبلك غصب
وسام بستغراب : من اللي يتقبله؟
راشد ابتسم : تعالو نشرب القهوه ويحكي لكم خالد
عن كل شي
جلسو وبدت تحكي لهم عن اللي صار وسبب انزعاجها وتصرفها مع مراد
سيف بشهقه: ابوووك ؟
وسام بضحكه ومو مصدق كلامها: لا يا خالد يمكن غلطان ولاشي
ياسر : سنه صغير كيف كذا ؟
سوزان : هذا اللي صار كل الوقت
سيف : طيب ليه من اول ماشفناه او انتبهنا عليه
سوزان : يمكن لاننا ماكنا مركزين على هالشي ؟
وسام: بس معقوله بعد هالعمر يطلع ابوك لا وتوه صغير لو تطلع معه يقولون اخوان
سوزان : هذا اللي صار
سيف : وانا اقول اهتمامه غريب ويقول لي من متى تعرفه احك لي عن طفولتكم سوا
وسام : ليه انتو من كنتو صغار سوا ؟
سيف : تقريبا يعني انا اعرفه من كان صغير بس ماكان يطلع كثير * التفت لها * صدق ليه ماكنت تطلع وامك دايم تهاوشك علشان ماتطلع ؟
سوزان ابتسمت: مدري
سيف وقف : يلا انا بروح الحين
سوزان : دقيقه ببدل واجي معك
سيف عقد حواجبه: وين بتجي ؟
سوزان كانت رايحه غرفتها: بروح لابوي
سيف ابتسم : انتظرك بالسياره
سوزان : تمام
نزل سيف وركب السياره التهى بجواله ما انتبه للي يمشي بيدخل الفندق بعد دقايق دخل وراه اللي يركض بسرعه
وتوجه بالدرج للدور اللي انذكر له انتبه لها جايه بتمشي مسكها بقوه وبعدها عن الممر سحبها وراه للدرج انصدمت من شكله اللي لابس اسود وكمام ما قدرت تنتبه لملامحه مسكها وغطاء فمها وانتبه للي يطلع من المصعد ويتوجه للشقه ووراه سلاح
فتحت عيونها بصدمه سحب جوالها وهمس باذنها : ارسل للي داخل الشقه بسرعه لايفتحون الباب بسرعه الباقي بحله انا
سوزان خذت جوالها وارسلت لياسر ووسام وراشد بوقت واحد : لا احد يفتح باب الشقه
العيال اللي كانو داخل الشقه سمعو صوت الجرس وانتبهو لجوالاتهم
ياسر بهمس : شصاير ؟
سوزان بدت تخاف شافته ومعاه مسدس
انتبهت للي فتح المصعد وطلع منه كان شخص امريكي
انتبه لعمر اللي واقف عند باب شقتهم وبستفسار : هل تريد من بهذه الشقه ؟
عمر انتبه له وهو يطلع من المصعد وخبى المسدس : نعم هل تعلم اين هم ؟
الاجنبي : لا اعلم ولاكني رايتهم يخرجون ٤ اشخاص
عمر عقد حواجبه : هل انت متاكد ؟
الاجنبي : نعم متاكد
عمر تنفس بغضب وهو يمشي متجه للاصنصير ونزل معه اما هو اول ماشافه ابتعد واختفى سوزان بعدت يده بقوه عنها وبخوف : من انت
شال الكمام : انا
سوزان : مر . سكتت وكانها تذكرت شي . يبه ؟ وش تسوي هنا
مراد اخذ نفس ومسك يدها متوجهين للشقه وقف قدام الاجنبي : شكرا لك مايك اعتذر لازعاجك بهذا الوقت
مايك : لاتقلق سيد مراد فا ابنك له مكانته مثلك تماما
مراد ابتسم : شكرا لك
سند نفسه على بنته انتبهت لجوالها اللي يدق ردت : الو
سيف بخوف : انت وينك عمر عمر طالع من الفندق
سوزان ابتسمت وناظرت ابوها: تعال للشقه وبتفهم
دقت الباب وبصوت: افتحو ياعيال
وقف وسام وفتح الباب انتبه للي لابس الكمام وراها انصدم: خالد ؟؟؟ * وبهمس قرب منها * من هذا
سوزان : ندخل اول
وسام فتح الباب ودخلو
ياسر وقف وبغضب : وش هالحركه ؟
سوزان : اي حركه
ياسر بغضب متجاهل الشخص اللي واقف : يعني منت عارف ترسل لاتفتحون الباب وانت تختفي بدقيقه ونتصل على سيف يقول ماجاني؟ سلامات
راشد كانت انظاره على اللي واقف ونظراته عليهم : اجلس ياسر بنفهم الحين كل شي
دخل سيف لان باب الشقه مفتوح مشى بتجاهه ومسك كتفها: صار لك شي عمر قرب منك
انصدمو كلهم : عمر ؟؟
سوزان ابتسمت: اي عمر
ياسر قرب بيضربها : وتضحك بعد لك وجه تضحك
مسك يده بقوه : وقف عندك
ياسر ابعد نظره : من انت وكيف دخلت ومن متى انت هنا ؟
مراد ابتسم وشال الكمام والكبوس اللي على راسه
وسام فتح فمه وهو يسكر الباب : الوزير ؟
راشد عرف انه هو من عيونه بس ياسر اللي ماكان منتبه له من اول وانتبه : سيدي الوزير
مراد ابتسم : اسف على جيتي بهالطريقه
سوزان : يبه فهمنا ؟
سيف بلع ريقه : سيدي متى وصلت
مراد : مافيه تفضل
وسام قرب منه وبعجل : تفضل تفضل اسفين
مراد بعد ماجلس وجلست بجنبه مسك يدها : امك اتصلت علي وقالت ان عمر سمع كل شي واكيد انه رح يجيك وياخذك كرهينه يهددني بك اول ماسمعت الكلام كنت توك طالع مني ووقفت عند الفندق متفق مع مايك على كل شي واول ماشفته يدخل دخلت وراه شفتك ماشي للاصنصير وجيتك اخذتك وهو طلع مع مسدس وصار اللي صار
ياسر بلع ريقه: وصلت للقتل ؟