كان العالم توقف عند عينيك

بارت ١٣👋🏻☃️

بعد نص اليوم
راشد بمحاوله يائسه : خالد افتح الباب
صحت من النوم عيونها حمرا ومزاجها معكر ومصدعه فتحت الباب وتسندت على الجدار : نعم ؟
راشد: ينعم بحالك خير وش هالحاله ؟
سوزان : تبغى شي ولا تبي تسالني هالاسئله بس لاتخاف طمن مراد اني بكون بالبيت مارح اروح مكان
راشد: طيب
سمع جواله يدق ورد اول اسم نطقه : رائد ؟
سوزان لفت له بسرعه وتكلمت بثقل :رائد مين ؟
راشد ناظرها بستغراب : رائد صاحبي بالمستشفى شفيك ؟
سوزان تداركت وضعها : لا ولاشي
تركته ورجعت لغرفتها وبالاصح لسريرها
راشد طلع من الشقه ويتكلم : اي الطبيب رائد ايش الحاله طلع من الشقه والعماره بكبرها ونسى ردت الفعل اللي صارت مع سوزان
الليل الساعه ٢ سمعت صوت الجرس وتكرر دق الجرس تاففت وقامت من السرير وبصرخه : متعب وينك ؟
دورته غريبه نادر مايكون برا البيت بالليل هالوقت تنهدت وهي تقرب للباب وتشوف من الفتحه لانو مو اي شخص بيجي هالوقت استغربت ملامح اللي قدامها وخصوصا انه لابس ماسك *كمام *على وجهه
سوزان من وراء الباب : من ؟
تكلم ببحه غريبه : افتح خالد لاتخاف
سوزان فتحت الباب ما لاحظت لبسها اللي كانت لابسه شورت ولابسه فنيله كبيره توصل لنص فخذها عقدت حواجبها : نعم اخوي ؟ كيف تعرفني ليكون انت الحارس اللي ارسله الوزير لي
ابتسم بداخل الماسك : اوف وطلع لك هيبه ياخالد شكلك ماشتقت لي
ميل نفسه عليها وفزت بخوف بعدت بسرعه : من انت وش تسوي هنا عمر مرسلك
عقد حواجبه بعصبيه : وش جاب سيرته ؟
سوزان: لا اكيد انت مرسول منه اكيد يبي
قطع كلامها ببوسه على شفايفها صدمتها فتحت عيونها بوسعها كان بين شفايفهم الماسك بس لازالت مصدومه من الحركه دفعته بعيد عنها
سوزان ركضت للمطبخ وجابت سكين : اطلع
انصدم من السكين وفك الماسك : اهدى خالد
سوزان بدت تركز بملامحه غمضت عيونها وفتحتها بثقل تحاول انها تستوعب الشخص اللي قدامها ماعرفته عرف من ملامح وجهها انها ماعرفته نزل بلوزته للجرح اللي بصدره ابتسم وهو يشوف ملامحها ترتخي وعيونها تمتلي دموع
سوزان: رائد ؟
رائد ابتسم شافها طاحت على الارض تحاول تكتم شهقاتها قرب منها وضمها له : اشش
سوزان تمسكت فيه: سيف راح سيف راح بين يديني يارائد
رائد بلع ريقه واضح ان اللي بداخلها مو قليل : بس ياخالد تكفى سيف كذا بيتضايق
سوزان : بس * سكتت تلقط انفاسها* انا السبب
رائد بعدها عنه ببتسامه : انا حلمت بسيف من يومين
سوزان بصدمه: صدق ؟
رائد : وهو اللي طلب مني ارجع ادورك وقال لي عن مكان امك وانها للحين بنفس مكانها واني اقول لك لاتبكي عليه وانه مات وهو معك احسن من يكون بعيد عنك
سوزان رجعت شهقاتها تعلى وكانها تفرغ اكثر من اللي بداخلها اما هو كان وراء الجدار مبتسم بانه انزاح شوي من الضغط اللي فيها واللي تحس به قرر يتركهم ويرجع لقصره بعد ماتطمن صادف راشد تحت
راشد بستغراب : مراد ؟
مراد ضحك: انت ماتعرف تناديني بشوي ادب ترا مو بعمرك
راشد انحرج: اسف بس يعني انا نفس الشي بالحيره
مراد : تعال معي
راشد بستغراب: بس خالد ؟
مراد : خلاص خالد عنده اللي يهتم فيه
جاء متعب من وراهم بعد ماوقف سيارته
راشد عقد حواجبه : وسام بالقصر وياسر معه انا ومتعب هنا من اللي معه ؟
مراد اكتفى بابتسامه: بعدين تعرفونه يلا نروح
راشد بصدمه: جاء ؟
مراد : اي تفاجئت بتصال ام خالد تطلب مني اني اروح استقبل احد بالمطار وهي بالعاده ترسل من اهلها بس استغربت هالشخص ولما تعرفنا عرفت انه هو
راشد ببتسامه: يارب يرجع خالد لطبيعته
مراد : اتمنى تركتهم فوق وبعدين بجلس معه اعرف بالاشياء اللي صارت بخالد
راشد: تمام
مراد : يلا تعالو معي
متعب بحلطمه لراشد بصوت خفيف علشان مايسمعه مراد : كنت بروح اكل جوعان
مراد ضحك: لاتخاف بتاكل هناك كثير
بعد وصولهم للقصر
وسام يناظرهم : كلكم هنا خالد وين ؟
مراد : عنده شغله بس يخلصها بيجي
بعيد عنهم
عمر بحده : وش قلت ؟
عبدالله : انا معك بس من بعيد لبعيد ماعاد ابي ادخل نفسي وخصوصا انه تم نقلي من الطياران للاستقبال
عمر : بامر مين
عبدالله: مدري بس مديري ارسل لي هالرساله الصباح
عمر بغضب ضرب الجدار: هذا اكيد خالد مايبغاك تقرب منه اكيد
بعيد عنهم بشقتها
رائد بتذكر: صح انا شفت عمر طالع من القصر وش صاير ؟
سوزان ابتسمت بالم: صارت اشياء كثيير من بعد مارحت انت
رائد: متى انتقل سيف
سوزان ابتسمت بالم: بعدك ب٣ سنوات ولما جيت هنا اكتشفت انه يشتغل مع ابوي
رائد ناظرها لفتره: ابوك توفى ؟
سوزان: اي مو انت تعرف ان ابوي غير عن اللي انا باسمه
رائد بشهقه فزت منها : ليييكون
سوزان : ايش ؟
رائد : امك اتصلت على واحد اسمه مراد
سوزان سكتت فتره وبعدها ضحكتت: انت لو تعرف مراد من
رائد : من ؟
سوزان مسحت دموعها : مراد يكون ابوي الحقيقي واللي هو الوزير لبريطانيا وبنفس الوقت انا الطيار الخاص فيه
رائد فتح فمه بعدم تصديق : تمزح معي صح ؟
سوزان : لا شوي واخذك له
رائد بلع ريقه: وانا امشي معه ببرود وشايفه كانه مرافق بس
سوزان: ماعليك اكيد بيتفهم
رائد قرب منها ومسك وجهها : وبعدين قول لي ليه وجهك نحفان كذا وعيونك متورمه بسك تبكي
سوزان ابتسمت بالم : بعد ماتوفى سيف صرت اشوف كوابيس عن الماضي ومطارده عمر لي هو اللي زايدها علي ولا الوضع بيكون شوي ريلاكس
رائد لعب بشعرها : تبي نطلع الحين ؟
سوزان : اي يلا
رائد : ماعندي سياره عندك!
سوزان : اي تعال نروح
رائد راح معها واول ماوصلو لكراج السيارات انتبه للسياره اللي رايحين لها لف لها: تمزززح سياره احلامك !
سوزان ابتسمت : يب قررت اني اشتغل على نفسي واجيب الرنج روڤر علشان اذا قابلتكم اكون حققت نص احلامي
بالطريق دق جوالها
عبدالله بخوف : تكفى قول انك مو بالشقه
عقدت حواجبها : شفيك عبدالله انا طالع
عبدالله تنهد بقوه : اووه
سوزان : شصاير فهد
عبدالله : عمر طلع مني وهو يتوعد فيك مدري كيف عرف بس يعرف ان عندك ضيف غريب
سوزان : كيف عرف
عبدالله : لاتسالني المهم انتبه لنفسك واذا تقدر اجلس عند ابوك هالكم ييوم
سوزان : تمام مشكور عبدالله
سكرت منه
رائد : شصاير؟
سوزان لفت بالسياره بسرعه راجعه للشقه : عمر بيروح للشقه
رائد بصدمه: وانت رايح له
سوزان : اذا فيها موت مو مشكله نلحق سيف
رائد مسك كتفها بصدمه: مجنون خالد
سوزان كانت بتتكلم قطع عليهم صوت جوالها اخذه ولما شاف اسم مراد رد : هلا
سوزان بغضب: رائد
رائد : مراد اسمع خالد راجع للشقه وعمر هناك اذا تقدر تجي باسرع وقت
سوزان عرفت انه مستحيل تسكته لفت بالسياره بقوه انصدم منها وطاح الجوال بعيد عنه
مراد اللي كان بالقصر ويسمع اللي يصير نزل جواله بتعابير جامده : رايح لعمر برجليه ؟
راشد ووسام وياسر اول ماسمعو راحو للسياره متوجهين لها بس بنص الطريق ؟؟
وسام: هو وينه اصلا اللي رايحين له
راشد : بشقته
ياسر اتصل على مراد اللي بدوره ركب سيارته هو وكم حارس مع متعب : اي بشقته
كلهم توجهو للمكان اما عمر اللي كان معاه٢ من الناس المعضلين وبباله انه بيمسك سوزان وياخذها معه
عمر بالطريق : مهما صار ابيه عندي فاهمين
الحرس : تامر