كان العالم توقف عند عينيك

البارت الثامن ☃️👋🏻

سمعو صوت قفل الباب
راشد التفت عليه : شوف خلك هادي معه لنا٣ شهور ماشفناه الا بايام العزا من بعدها اختفى وصار اذا رجع الشقه يقفل عليه
متعب ابتسم: تطمن
فتح الباب ودخلو حصلوها جالسه وتناظر بالفراغ قدامها
نحفت كثيير عيونها والهالات السودا اللي تحتها احمرار عيونها وجهها الاصفر كان التكييف بارد مره راشد بداء يدور ريموت التكييف يخفف درجه الحراره
متعب قرب منها : اخبارك خالد ؟
سوزان ماردت
متعب رفع نظره لراشد: لاتسالني له مده طويله كذا مايتكلم
متعب باصرار : خالد متى اخر مره كليت
المكان كان نظيف والمطبخ فاضي بداء يتجول بالشقه ورجع جلس بجنبها وجلس : خالد كلمني
وقفت وفتحت الدولاب بالمطبخ وحطت كاسين راحت لغرفتها وطلعت كان فيه علبتين عصير وكوبين حطتهم قدامهم
راشد ارسل له : فتح لنا الباب بس حالته ابدا ماتطمن
مراد اللي كان بالنص الثاني من الكوكب اخذ نفس وهو يلوم نفسه على اللي صار لبنته وهو مو اقل منها بحالته
قرر يرجع بعد يومين ويحبرها تروح معه للقصر
راشد : خالد مو زين اللي تسويه بنفسك ترا
رفعت نظره له وتجاهلته رجعت تجلس وضمت رجلها لصدرها ومانطقت بشي
راشد اخذ نفس قبل يطلع الامل الاخير في انه يطلعها من اللي هي فيه طلع جواله وفتح محادثته مد الجوال لها استغربت رفعت راسها للجوال وشافت انها محادثه سيف رجفت يدها وهي تاخذ الجوال امتلت عيونها دموع راشد ناظر متعب بانهم يتركونها شوي ويرجعون
انتبهت للتسجيل الموجود : راشد اخبارك اسمع ابيك تحفظ هالرساله مدري ليه بس احس اني مو بخير واخاف يصير فيني شي فا اتمنى منك توصل هالرساله لخالد اذا صار لي شي * شهقه طلعت منها * خالد اسمعني اكيد اذا انت تسمع هالفويس انا مو معك او صار لي شي خالد * خنقته العبره وتغيرت نبره صوته* خالد لاتوقف حياتك تذكر لما فقدنا صاحبنا لما كنا صغار انا مابغاك توصل للحاله اللي وصلت لها تكفى يا خالد لاتتعب نفسك واكيد اللي صار ربي كاتبه لاتحمل نفسك اللوم وتشيل بنفسك شي قاسي عليك خالد اطلع وعيش حياتك كذا انا بكون بخير وين ماكنت بس انك تدخل بحالتك مستحيل اكون بخير او رح اكون مبسوط باي مكان تكفى وسام وياسر وراشد حولك لاتتركهم يتاثرون ابوك اللي توك حصلته لاتبتعد عنه وخلك قريب منه لاتبعد عن حضنه وعمر انساه بيحصل جزاه انا احبك وببقى احبك باي وقت وبكل ساعه وفي اي مكان فا بحق غلاتي عندك لاتتعب وتلعب بنفسك انتبه لنفسك
انتهى الفويس دخلت بموجه بكاء راشد اخذ نفس قبل يدخل ويضمها له تمسكت فيه : ليه مو انا اللي مت ياراشد ليه هو اللي راح
راشد رفع راسه مانع دموعه تسترسل : خالد هذا قدر والقدر مكتوب مانقدر نقول شي سيف لو كان موجود كان بيتمنى انك عايش حياتك وبخير
متعب جلس مقابلها: خالد اهدى
سوزان بدت تغمض عيونها بتعب : انا اسف
غمضت عيونها وارتخى راسها على صدر راشد اللي مسكها : اسف متعب مثل منت شايف حالته
متعب ربت على كتف راشد: خلك قريب منه بما انك اجازه اليوم
راشد : سكر الباب معك
طلع متعب تاركهم وطلع
اليوم الثاني صحت وشافت نفسها بالسرير صحت بتعب دخلت غسلت وجهها : طلب مني اكمل حياتي
حاولت تبتسم بصعوبه استغربت من ريحه الطبخ الموجوده بالشقه طلعت من الحمام بعد ماغسلت وجهها وطلعت شافته واقف : سيف ؟
راشد لف لها : عيونه
سوزان انحرجت بس كان عندها امل : اسف
راشد: ولايهمك
سوزان : ببدل واجي
راشد : تمام
دخلت لغرفتها وانتبهت لجوالها اتصلت عليه على طول
المدير : هلا والله خالد
سوزان: سيدي ممكن اسال اذا الوزير عنده رحلات هالفتره ؟
المدير : اي والله فيه بس هو طلب مني اني الغي رحلاتك لفتره طويله لحد ماهو يقوله
سوزان: لاتخاف سيدي الوزير كان يحاتي اني مارح اكون بخير بس الحين انا بخير تطمن
المدير ببتسامه: اجل عنده رحله لازم تكون بمطار امريكا الساعه١١ الليل
انتبهت لساعتها تو الناس : حاضر سيدي وشكرا لك
المدير : العفو ولو
طلعت ببدله الكابتن راشد كان يرتب الطاوله : يلا تعال افطر وكل لك شي لاننا بنطلع اليوم كله
سوزان بدت ترتب ازرار الجاكيت : ماقدر اليوم راشد اجلوها عندي رحله بروح اجيب ابوي
راشد بدهشه لف لها وبفرح ضمها : اوووه اخيرا
سمعو صوت الجرس : هذا اكيد العيال
فتح الباب حصلهم قدامه دخلو وبصدمه: خالد ؟
سوزان حاولت تبتسم بس ماقدرت : ياهلا تعالو افطرو
ياسر بغصه : انت لابس وين رايح ؟
راشد سكر الباب ؛ عنده رحله الليل
وسام بفرح : اخيرا نقول رجع لنا خالد ؟
سوزان : لا لسه بس نقول ان شاء الله
وسام: يصير نروح معك ؟
سوزان بنفي : لا هالفتره ابي اكون بالطلعات بروحي
ياسر بستفسار : انت تتجنبنا ولا وش السالفه
سوزان تنهدت: ياسر وسام راشد اتمنى انكم ماتعارضون اي شي اسويه او اقوله
وسام وقف : اجل مالنا داعي من اول ولا ؟
سوزان خذت نفس : ياعيال افهموني
ياسر وقف : يلا وسام
وسام: راشد بتجي
راشد هز راسه بالنفي
مشو طالعين
اما هي ناظرت باللي واقف : مارح تروح معهم ؟
راشد جلس واحتى وجهها بيدينه : خالد افهمني انت مهما سويت مارح تقدر تبعدنا عن الاذى لو احد ناويه
طاحت دموعها ومسحها : اسمعني احنا نبي نكون بقربك مانبيك تكون بروحك وترجع لك الافكار والهواجس بانك السبب بكل شي يصير
سوزان: بس
راشد ابتسم وباس راسها: لاتهتم الحين العيال اكيد بيتفهمون
سوزان ابتسمت بثقل حس انه لازم يكون بجنبها بهالوقت
بالسياره
وسام بعصبيه ضرب المقود : وش مفكر عننا
ياسر: يبي يحمينا
وسام لف له : يحمينا ؟
ياسر تنهد وسند راسه: اي يحمينا
وسام بتفكير : من ايش ؟ وليه
ياسر : انت مو ببالك بس اهو يلوم نفسه على موت سيف ويحس لو طلع مع احد بيموت بسببه وعلشان كذا يبي يبعدنا عنه لفتره
وسام : بس هو ماله حق ؟ اتوقع لنا راي بهالموضوع ولا
ياسر : اخخ والله اني ماعدت عارف شي ياوسام احس هالولد مستحيل يرجع لوضعه بعد ال٣ شهور
وسام: تدري شي مستحيل انه طلع كذا ويبي يروح برحله على طول من بعد ماكان الباب مايفتحه لنا اكيد فيه سر
ياسر: والسر هذا عند راشد
وسام لف لياسر: راشد وايش دخله ؟
ياسر : انت مو شفته بدري الصبح عنده والغطاء على الكنب اكيد نايم عنده
بعيد عنهم بالشقه
راشد : يلا علشان اوصلك
سوزان خذت شنطه صغيره حطت لها بدله وجواز سفرها وكوب قهوه مغلق مع البوك والاشياء اللي تحتاجها
طلعو سوا للمطار وصلو وونزلت
سوزان: عادي تنتظر معي ؟
راشد ابتسم : اي ولو تبي اروح معك ماعندي مانع
سوزان ابتسمت برتياح دخلو للمطار وانتبهت للمدير واقف مع شخص بس ماعرفته من ظهره قربت منهم
المدير بفرح: هلا والله خالد تو مانور المطار
سوزان حاولت تبتسم: هلابك سيدي
التفت لهم وبعدت يدها عن المدير ورجفت لاحظ رجفتها وقرب منها حط يده على كتفها مد يده للمدير : راشد صاحب خالد
المدير : انت اللي كنت من مرافقين الوزير باخر رحله لخالد؟
راشد اومئ
قرب منهم ببتسامه مستفزه: اوووه خالد الحمدلله على السلامه وين الناس اشتقنا لك
المدير : عبدالله اليوم بيرافقك يا خالد ماقدر اخليك تطلع بهالرحله بروحك
سوزان فتحت عيونها بصدمه: سيدي بس انا مابي مرافقين معي ؟ يكفي سالم
المدير بتفكير : سالم طالع في رحله ولا يقدر يرجع الا بعد وقت علشان كذا اخترت عبدالله مرافق لك
سوزان رجعت وصدمت بصدره رفعت راسها له : راشد تروح ؟
راشد ابتسم يطمنها : اي بروح انا اصلا خذت اجازه من امس
سوزان للمدير : بطلع مع راشد مرافق للرحله
المدير بستسلام : تمام
طلعو للرحله بعد ماتطمنو عن كل شي راشد كل شوي يتطمن عليها عبدالله قرر يكون ساكت بهالفتره ويتركها
وصلو للمطار نزلو لحد مايجي وقت تحرك الرحله بعيد عنهم بغرفته الخاصه قرب منه الحارس
الحارس بهمس: وصلت الطياره
مراد : روح قول للكابتن اننا بناجل السفر كم ساعه
الحارس : الكابتن طالب مقابلتك على انفراد والا مارح يطير بالطياره
مراد انصدم : من هذا اللي يتجراء يقول مثل هالكلام لي ؟
الحارس حس بالخوف من نبره مراد
دق الباب
مراد : اطلع واذا كان الكابتن اتركه يدخل بس خليكم قريب
الحارس اومئ فتح الباب وشافها واقفه : الوزير يقول لك تفضل
عبدالله بحلطمه: هذا ناوي يقطعون راسه مسوي يمون على الوزير ؟
راشد تجاهله متوجه لباب الغرفه وربت على كتفها وبهمس مايسمعه الا هم : روح له اكيد مشتاق لك
سوزان خذت نفس قبل تفتح الباب شافته واقف وظهره بتجاهها وبطريقه صارمه
مراد.: من انت حتى يكون لك الحق تطلب تقابلني على انفراد
سوزان قربت منه : يبه
مراد لف لها بسرعه وكانت عيونهم تتكلم باللي بداخلهم قربت منه وضمها بلهفه وشوق باليوم اللي كانو فيه سوا مرت ٣ اشهر ثقيله عليهم بشكل كبير خسارتهم لسيف مو شي سهل وبنفس الوقت الحمل اللي كان مثقل على مراد انه بعيد عنها وهي مو راضيه تشوف احد
مراد بفرح: كيف ؟ متى جيتي
سوزان ابتسمت : بس شي عادي تطلب من راشد يجي
مراد عقد حواجبه: راشد ؟
سوزان مسكت يد ابوها: فيك تشكره لانه السبب باني هنا
مراد : ياحارس
دخل الحارس : امرني
مراد : اترك راشد يدخل
مراد ضمها له : اشتقت لك
سوزان ببتسامه: اشتقت لك اكثر
دخل راشد وشافهم ابتسم : اخبارك ياعم
مراد بنظره حقد : عم ؟ مره وحده عم توني صغير ليه تحب تكبرني
راشد ضحك: عاد احترت اقول يالوزير ولا يامراد
مراد : لا ابد قول مراد عادي وشكرا لك
راشد ابتسم : ولو ماسوينا شي خالد اخوي الصغير ولازم اهتم فيه
مراد : الرحله رح تتاخر صح ؟
راشد : اي بتتاخر ساعتين بسبب الجو بس انا لازم اطلع
مراد استغرب : وين تطلع
راشد : معنا شخص مو لازم يكون هنا فا بروح اجلس معه علشان مايشك فيه واتمنى مايعرف عن علاقتك مع خالد
مراد حس بنبره راشد تحذير : تمام
طلع راشد منهم اما هو مسك يدها وجلسها على الكنب : تعال ارتاح شوي
سوزان ابتسمت: لو ابي ارتاح برتاح بحضنك يبه لاتتركني انت بعد
مراد حس بضيق على حاله بنته :مستحيل اتركك
برا
عبدالله : ليه ماطلع للحين
راشد اخذ كوبه ومارد عليه
عبدالله كان يحترق من داخله: انت ماتتكلم ولا شسالفتك ؟
راشد اخذ كوبه وابتعد عنه
عبدالله : طيب طيب مثل ما انهينا حياه واحد منكم اقدر
ماكمل كلامه من اندفاع راشد له وخنقه له
الحرس انصدمو دقو باب الغرفه دخل الحارس :سيدي السيد اللي طلع من شوي يتهاوش مع الكابتن الثاني
سوزان بعدت عن مراد بسرعه وراحت تركض انصدمت وهي تشوف عبدالله يتنفس بصعوبه وكان المكان شبه خالي الا من الحرس قربت منه وحاولت تبعده عنه
سوزان: مجنون راشد اتركه
راشد ارخى يده والتفت عليها : خالد ارجع داخل ولاتتدخل
سوزان بغضب: متوقع راح  اتركك واخسرك انت بعد بعد عنه
راشد بغضب وقله صبر مسك يدها ودفعها على احد الحراس : روح عند ابوك ماله داعي تواجدك مع قاتل
خذت نفس قبل تتكلم : اعرف
راشد وقف مصدوم وفتح عيونه بوسعها : ايششش ؟

       مثل ماوعدتكم بارت اليوم ♥️♥️😩 رح انتظر التعليقات الحلوه وايش مصير علاقه سوزان مع الكل وايش دخل متعب بحياتها ومستقبلها وهل قربها وابتعادها عن وسام رح ياثر عليها ولا راشد قربه وحمايته لها وعدم اكتراثه باحد مراد وتطور العلاقه مع بنته 👏🏻♥️