كان العالم توقف عند عينيك

بارت ١٤👋🏻☃️

وصلو للعماره اول ماوصلو نزل رائد قبلها بنيه انه يمنعها تدخل انصدم ان السياره تحركت مبتعده عنه وكانت سياراتهم توها واصله
رائد بصرخه: الحقوه
راحت سياره العيال وراء سياراتها اما مراد وقف يركب رائد من جهه ثانيه
خذت جوالها واتصلت عليه: اذا رجال تعال بروحك برسل لك العنوان
عمر ضحك: تدري اني احبك لما تكون فاهمني وفاهم خططي ونيتي
سكرت بوجهه ومشت مبتعده اول ما انتبهت لسيارتين اللي وراها غيرت اتجاه سيارتها ووقفت الاشاره
راشد بخوف : اقطع الاشاره
ياسر : مجنون ذا ؟
وسام ابتسم : لانكم ماتدرون باللي بداخله اسالو مجرب
راشد : ياليت تسكت وتسوق فاهم
وسام كمل سواقه وراها دخلت لحواري لما اختفت عن انظارهم ضرب الدركسون بغضب انها اختفت من قدامه
من جهه ثانيه انتبه لها وغير طريقه بحيث يوقف بوجهها
انصدمت بالسياره اللي توقف قدام سيارتها انصدمت بابوها اللي ينزل من السياره ويوقف قدام سيارتها
مراد بصوت عالي : تبي تروح له امش يلا
سوزان امتلت عيونها دموع ونزلت راسها عضت شفايفها وكانت بترجع بالسياره انصدمت بسياره وسام وراها عرفت انها ماعاد رح تروح دق جوالها رفعته برجفه
عمر بضحكه: واضح خطتك فشلت اجلها شوي لما تكون بروحك وانا بنفسي بجيك لاتخاف بس اترك عنك حركات الحرس واوعدك تكون تحت التراب مع ابوك
توسعت عيونها وهي تسمع صوت الخط اللي فصل
مراد قرب من الباب بخوف من انها تتوتر لان على كلام رائد معه ان بنته فاقده للواقعيه ودخلت بموجه غضب مستحيل تطلع منها الا بصدمه فتح الباب بشويش وقرب منها فتح الحزام ومسك يدها عيونها اللي مليانه دموع وجسمها اللي نحف من بعد فقد سيف واللي تسويه بنفسها هالفتره قربت منه ابتسم : حضن ابوك موجود دايم
سوزان سندت راسها على صدره : يبه ليه انا عايش
انصدمو كلهم من الكلام وبعدها طاحت بين يدينه مغمي عليها
راشد اخذ جوالها من السياره وشاف اخر اتصال من كم دقيقه رقم بس عرف انه لعمر اخذ نفس وسكر الجوال : انا باخذ سيارته روحو انتو
مراد شالها بين يدينه وراح للسياره
بعد وصولهم للقصر
مراد : رائد ابي اكلمك بكذا شغله عن ماضي خالد
رائد : وانا مستعد لكل اللي تبغاه وبجاوب عليه المهم خالد يكون بخير
تغيرت تعابيره للغضب حواجبه معقده وعيونه نظراتها الحاده
راشد : انت تعرف عمر ؟
رائد : عمري مانسيته قبل اجي هنا رحت لام خالد كنت متوقع انه للحين بنفس القصر تكلمت معي عنه وعن انه انتقل ماسالت عن وجود عمر بالقصر بس بعد ماقال لي خالد كانت صدمه بالنسبه لي لما شفته طالع من القصر حسيت بداخلي وكاني ابي افجر السياره فيه
وسام بصدمه: لها الدرجه
رائد رفع نظره له: واكثر من كذا بزود
ياسر : ايش اللي صاير ومن متى يعرف خالد
رائد : من كان عمره ٧ سنوات بعد ماتعرف سيف عليه عرفني على خالد وكانت علاقتنا سطحيه الا بعمر ال١٤ بعد الحادثه تعمقت علاقتنا انا وسيف وعدنا خالد بانا بنكون معه ونحميه من عمر ومن ابوه
مراد بستغراب: ابوه ؟
رائد سند ظهره على الكرسي : اي ابوه كان له يد بالحاله اللي وصفتها لي بان خالد صار فيها
مراد بستعجال ومو قادر يفهم من تلميحات رائد : قول كمل كمل وش صاير؟ ليه ابوه السبب
رائد : بعمر ال ١٤ انتبهنا انا وسيف مره على تقرب عمر من خالد وتكلمنا معه خالد كان يقول هذا عمي صاحب ابوي لما بدا يتقرف من الحركات اللي تصير له بسبب تحرش عمر فيه حاولنا نطلب من امه اننا نطلع بس ماقدرنا وبفتره زعلت ام خالد من ابوه وراحت لبيت الضيوف وهو بقى مع ابوه وبيوم مدري دخل عمر له وتكلم معه وطلع بعد ماطلع انجن ابو خالد
مراد رص على اسنانه وتكلم : لاتسميه ابوه انا ابوه
رائد ابتسم بالم: لو انك معه من طفولته ماصار له اللي يصير له الحين
وسام بحزم : رائد
راشد التفت لوسام: وسام لاتتدخل
وسام قرر يسكت ويسمع للنهايه
رائد : دخل علينا وتكلم مع خالد بانه سارق من عمر اوراق مهمه انصدم خالد طول اليوم معنا ولا طلع تكلمنا معه بس الكلمه الجمله الوحيده اللي نطقها * انت اطرم ماتتكلم ليه يردون عنك * بعدها ضربه قدامنا حاولنا نبعده عنه ماقدرنا بعدها طردنا وطلب الحرس يطلعونا من البيت بس اتذكر ان * مسك يدينه بقوه مع بعض*
اتذكر ان خالد جلس اسبوع كامل بسرير وهذا اللي اقدر افسره انه دخل بنفس حاله الصدمه الاولى لما تكلم معه الممرض
راشد : كنت متوقع وراء الموضوع سالفه
مراد :كمل كمل
رائد : بعدها رجعنا نلتقي ب خالد بالسر لان اوليفر كان يدخلنا لما اهو يطلع من القصر وكنا نجلس عنده ودايم يقول انه يحس فيه شي غلط بس مايدري ايش وليش عمر يسوي فيه كذا بعد ماكبرنا بهذاك اليوم كان الجو مطر غزير جاني خطاب بانه تم نقلي لشركه برا بريطانيا وانه اذا مارحت رح انفصل ورح يصدر قرار بانه ما عاد احد يوظفني او يتعامل معي لو اقرر افتح لي بزنس خاص شكيت فيها وجلست مع سيف وخالد بيومها كان توهم الاثنين داخلين للكليه وانا مثلهم بس كنت متوظف بنفس الوقت قالو لي اروح ووعدني سيف انه يهتم بخالد بس اكتشفت من خالد ان سيف انتقل بعدي ب٣ سنوات كانها كانت مقصوده اننا نبتعد عنه بس كان ابوه متوفي وهذا اللي ريحني وانتقاله لهنا ولقائه مع عمر وانه له اوراق تخص اللي اهتم بخالد بس اكتشفت من امه انه كل ممتلكات زوجها اللي مات تسجلت باسم خالد يعني الاوراق اللي يوقعها خالد لعمر ويروح يستلمها لها وضع ثاني وانا شاك بشي بس ابي اتاكد
مراد بعدم فهم: كيف يعني
رائد : بوقت رحلتي وسعت بحثي وبما اني الكتروني وبالمباحث وبنفس الوقت وظيفه مدنيه اقدر اخترق كل الانظمه اكتشفت نشاطات لعمر غريبه ولها اتجاه غلط
مراد : تقصد ؟
رائد : انا مو متاكد اذا الاوراق اللي يوقعها خالد هي نفس الاوراق اللي يستعملها بتجاره البشر او المخدرات لانه عنده ارقام كثير واغلبها بمسمى الضحيه وفيه كم اسم بيع اعضاء فا علشان كذا ماتكلمت مع خالد بهالموضوع بخوف انه يبدي ردت فعل او يصير له شي
مراد بتفكير : لك يوم استخدم سلطتي بالبحث وانتو ياعيال من يعرف
راشد قاطعه: عبدالله تكلم مع خالد وقال له انه مايبي يصير له شي كان يتوقع ان خالد يلاحق عمر ويبي يسلمه للشرطه ولما اكتشف العكس وهدف عمر الحقيقي لخالد قال انه بيساعده ممكن ترسل احد من الحراس لان عمر اكيد يعرفنا تجيبه هنا وانا متاكد رح يساعدنا كثيير
مراد : روح اجل انت لك هالمهمه انا بروح اشوف خالد اذا صحى او لا
دخل للغرفه اول مافتحها انصدم بانها مو بالسرير اللي كان فاضي دق باب الحمام وهو بعد فاضي ركض بالممرات لعله يحصلها بس للاسف كانت اماله غلط راح لقاعه الاجتماعات
مراد بمحاوله انه يلقط انفاسه : مو موجود
راشد رفع الجوال لانه دق : خالد وينك
سوزان تتنفس بثقل : بالدرج
راشد : شفيك
سوزان حاولت تاخذ نفس : البخاخ
راشد لف لمراد اللي فهم وطلع البخاخ وراح يركض للدرج بعد ما انتظم تنفسها
سوزان بشهقات قويه: يبه لاتبعدني عن حضك تكفى يبه تعبت من الدنيا ومن كل شي بحياتي
مراد رفع راسه بمحاوله انه يخفي دموعه بس انتبهت له مسكت وجهه بين يدينها الصغيره : تبكي يبه
مراد ببتسامه خفيفه : ياقمر دنياي حضني لك سماء لاتضيقين ضيقك يكسر بخاطري الف كسره

     ♥️♥️♥️♥️♥️♥️♥️♥️♥️♥️♥️♥️♥️♥️♥️😩
      احس تحمست كثير بهالبارت وطلعت مشاعر كثييير