كان العالم توقف عند عينيك

البارت ٣٢👋🏻☃️

سحر : انتي عارفه ان فحوصاتك سلبيه مره صح
سوزان تنهدت: ايش اقدر اسوي بس لاتقولين تنويم مارح يرضون خالد يكون معي
سحر : سوزان انتي تخافين تخسرين خالد صح ؟
سوزان : فيه احد مايخاف يخسر قطعه منه
سحر ابتسمت بحنيه : تمام انتهت الفحوصات بوصف لك العلاجات بس لازم تجيني كل يوم عادي لو خالد فالدوام تجيني اذا ماتبين يحاتيك او يقلق
سوزان: اكيد تمام اجل رح اجيك بوقته
طلعت من عندها ومشت بالممر انتبهت لوسام اللي واقف بالممر
وسام: سوزان كيفك
سوزان: الحمدلله
وسام: كيف الفحوصات
سوزان ابتسمت: كل شي كويس
سحر من وراها: مافي شي كويس قلت لك هالاسبوع تجين لي فاهمه
سوزان فتحت عيونها بصدمه انها تكلمت قدام وسام: سحر
وسام ضحك: علشان ماتكذبين علينا وانك تتهربين من المواعيد معروفه حركات سحر هذي
سحر ابتسمت : وش اسوي والله من خوفي عليها ولا مستحيل اسوي كذا
وسام : عارف عارف
سوزان: خالد وين ؟
وسام: مع راشد ورائد داخل الغرفه
سوزان كانت بتدخل
وسام: سوزان اسمعي
سوزان التفتت له : هلا
وسام: بصير اداوم بمدرسه خالد كمدرس عاد ليه لاتساليني لان مراد طالب هالشي
سوزان بستغراب : بس هو من فتره طويله مستقيل من الوزاره وطمني ان الامور كلها كويسه وش صار الحين ؟
وسام لما شافهم طالعين من الغرفه : نتكلم بعدين
رائد : نروح ؟
سوزان: اي يلا
بعد رجوعهم للبيت
سيف بغضب: انتي كيف تقدرين تسامحينه ؟
سوزان عضت شفايفها بقوه
قرب منه بهدوء غريب : رائد معه عذره مثل ما انت كان لك عذر تختفي ٣ شهور
سيف لف له بصدمه: كيف تعرف ؟
راكان : كل اللي صار بحياه اخوي او بنته عارف عنها فا لاتقول اني ماعرف
سيف تنهد : بكيفك مارح اتدخل فيك اكثر
سوزان تكلمت بهمس : امي اتصلت علي
سيف بستغراب لف عليها مو فاهم شي : ايش ؟
سوزان: امي اتصلت علي وقالت لي انها عرفت من اللي يكون اخوي فيكم
سيف بلع ريقه بتوتر : وايش قالت ؟
سوزان: للحين مو عارفه قالت بتتصل علي بس ارجع من الفحص
سيف : اتصلي عليها طيب بعد ما يرجع وتحملين كل هالمشاعر له بالاخير لايطلع هو اخوك
سوزان اتصلت على امها وهي ترجف اما راكان كان جالس وهادي بمكانه سيف اللي يدور بالغرفه اما سوزان اللي سمعت الاجابه من امها وجلست على الارض بتعب
سيف بشهقه: ايش ؟
سوزان نزلت دموعها وبغصه : انت
سيف وقف متفاجئ ومصدوم : انا ؟
سوزان : انت اخوي ياسيف
سيف بصدمه قرب منها ومسك كتفها: انتي متاكده
سوزان يعني
سوزان هزت راسها بايجاب : ايي امي تقول انها متاكده من كل هالكلام
سيف مايدري وش يسوي يحس انه ضايع وبنفس الوقت مو قادر يعبر بالكلام
راكان انسحب بهدوء وراح بتجاه القصر الكبير اول مادخل
مراد: وين كنت لي ساعه ادورك
راكان رفع راسه وبسرحان: هم وش بغيت
مراد : وين كنت ؟
راكان: انت كنت عارف صح ؟
مراد بهدوء: عن سيف ؟
راكان : اي
مراد جلس بالكرسي القريب منه: اي اعرف بس ليه سوالك ؟
راكان : تعرف وساكت ؟
مراد : لا توني عرفت من سيريا اتصلت علي بعد ماطلعو المستشفى
بمكان ثاني
فهد : طيب وبعدين
راشد حط الاوراق على الطاوله: شوف الفحوصات ومو راضيه تجي تتعالج فهد انت كيف تركتها
فهد ابتسم وكانه بباله شي : من اليوم رح تجي هنا بنتظام وبدون ماتعارضك بشي بس بشرط
راشد عقد حواجبه: شتقصد ؟
فهد: روح لرائد وقول له عن حالتها
راشد بستغراب: فهد صار فيك شي انت كيف تبيني اقول لرائد عن اللي فيها ومراد مايعرف
فهد رجع نفسه للكرسي : مو تبيها تجيك تستمر بالعلاج قول لرائد ولا اقول لك لاتتدخل انا اللي بقول له علشان ماتزعل منك
راشد رفع كتفه: انتو غريبين
فهد وكانه يتذكر : صح وش قلت لرائد انت ؟
راشد : وش ؟
فهد : جاني وسام يقول انه فيه عريس ومدري ايش ؟
راشد ضحك: ايي
حكى له اللي صار
فهد بغضب: مجنون انت رائد بس حس انها رح تتزوجك اختفى اجل كيف الحين
راشد: لا انا متاكد هالمره مستحيل يروح مكان
فهد : اتمنى صراحه لان لو يصير شي رح تتحمل المسووليه
اليوم الثاني
طلعت مع سيف وخالد يوصلونه ويروحون للموعد بعد ماعرف سيف انه اخوها حتى ولو كان مو من امها وابوها يكفي انه مرتبط فيها قرر انه يتكفل بكل شي يخصها
وصلو لمدرسه خالد
سيف: خالد ابوي انتبه لنفسك زين واذا تضايقت رقمي مع المدير روح له وقول له تمام
خالد ابتسم وقرب من سوزان باس خدها : باي ماما ولاتنسين تروحين الموعد
سوزان فتحت عيونها بصدمه: كيف عرف ؟
سيف : موعد ايش ؟
سوزان : عندي موعد بالمستشفى ولازم اروح له
سيف بتفهم: صدق كيف عرف ؟
سوزان: مدري
قرب من سيارتهم : سيف ؟
سيف رفع راسه للي واقف بجنب سيارته تنهد وهو يشوفه: نعم بغيت شي ؟
رائد: بغيت اكلمك
سيف : ماتوقع بينا كلام
سوزان : سيف روح معه وبالمره تقول له
رائد انقبض قلبه وربط هالشي بموضوع زواجها
سيف تنهد : تمام بس بوصل سوزان وارجع لك
رائد: رح ارسل لك اللوكيشن
سيف حرك سيارته وبنص الطريق : ليه تقولين كذا
سوزان ناظرت النافذه : سيف تدري شي اكتشفت ان الدنيا ماتسوى اليوم عايشين بكرا ماندري نكون موجودين ولا لا فا لاتترك اي خلاف بينك وبين رائد وانت كنت تراقب احواله من بعيد لبعيد
سيف تنهد : تمام يلا انزلي بس تخلصين اتصلي علي
سوزان: تمام
نزلت وقابلت بوجهها فهد: همم موعد ياحلوه ؟
سوزان: يب مالي خلق بس خالد قال انه بيتصل على راشد من وراي وانا اعرف انه يسويها وراشد مايقصر
جات من وراهم : اووه سوزان جيتي للفحص
سوزان ناظرتها بشر
ضحك فهد: ماسوت شي ترا لو ماقالت كنت دخلت الكشوفات وبحثت عن بياناتك كلها
سوزان : انا مدري ليه تكرهوني
فهد قرب منها وضمها: افا ما اكرهك من قال
سوزان: وينه راعي المشاكل بقى بس ابوي اللي ماعرف عن السالفه
راشد اللي جاي بتاجههم : ابوك يدري اصلا قبل الكل
سوزان وقفت مصدومه: ابوي عرف ؟
راشد: يب
سوزان للحينها مصدومه : وبكل وقاحه تقولها
راشد ابتسم: امم فيك تقولين كذا ليه بعني المفروض ابوك قبل الكل ولا تبين اقول لرائد ولا اقول لابوك
سوزان رجف جسمها بخوف وعيونها توسعت بخوف: لا لا رائد لا تكفى لا
راشد رفع راسه لفهد وعرف ايش كان يقصد اليوم اللي راح : ليه رائد لا
سوزان قربت من فهد ومسكت يده: تكفى فهد قول له رائد لا
فهد انصدم من حالتها كان يعرف ان رائد ممكن ياثر عليها بس مو كذا : خلاص مارح يقول له شي
بعدت عنه وناظرت بسحر : نروح نخلص برجع اخذ خالد من دوامه
سحر ابتسمت بحنيه: تمام يلا نروح
خذتها سحر معها وراحو لغرفه الفحص
فهد تنهد وسند ظهره على الجدار وراه: كنت متوقع ان له تاثير عليها بس الخوف اللي اشوفه الحين مختلف ليه ؟
راشد: مو يمكن صاير شي بينهم ؟
فهد : مدري بس لازم اعرف ليه ردت الفعل هذي
بعيد عنهم
سيف: يعني ؟
رائد: ابي نرجع نفس قبل واحسن
سيف ناظره لفتره ومد يده: تمام بحاول ارجع مثل قببل وانت استحملني واذا عدت الحركه او اختفيت فجاءه لاتلوم الا نفسك تمام
رائد ابتسم بامتنان : اكيد