كان العالم توقف عند عينيك

البارت ٣٤👋🏻☃️

خالد فتح الباب شافها جالسه ترجف وتنفسها بدا يثقل توسعت عيونه بخوف : ماما
طلع يصرخ لسيف : سييييف اميي اميي
سيف وراشد اللي سمعو صوته وبخوف راحو يركضون بتجاه مكان الصوت شافوها طايحه على الارض ولون وجهها اصفر
سيف بخوف : خالد شوف الادراج دور البخاخ
خالد طلع اللي بجيبه وعطاه سيف اللي سكر فمها على البخار بحيث تاخذ نفس ويدخل لصدرها
بعد دقايق بدت تكح بقوه طلع دم من شفايفها
خالد بخوف بداء يتراجع : ماما دمم ؟
سوزان ابتسمت على طول : مافي شي لاتخاف دم عادي
خالد تنهد بعد ماجلست بسرير وارتاحت شوي من بعد الازمه اللي جات لها
راشد: اخر مره جاتك ازمه متى ؟
سوزان : قبل اسبوعين
راشد بتفكير: وش سببها الحين
سوزان : مدري فجاءه حسيت كذا بضيق
راشد: تمام ارتاحي الحين واخذي العلاج خالد خليك معها
بعد يومين
سوزان بدت تتحسن صحتها وبنفس الوقت نظامها الصحي والنوم متخربط اما سيف يجيها كل يوم واحيان ياخذ خالد يطلع معه رائد من يومين ماشافته مراد مشغول مع الشركه اللي افتتحها بعد ماتقاعد من الوزاره راكان مع سوزان اغلب الوقت راشد يجي ويروح يتطمن عليهم ياسر مع سيريا حارس شخصي لها وسام ماخذ اجازه ومسافر
سوزان : خالد جاهز ؟
خالد تقدم لها بشنطته : اي ماما للحين ماقلتي لي وين بنروح ؟
سوزان : مفاجئة قلت لك
خالد ابتسم: يسسلام اذا رجعت بعد الاجازه بقول لاصحابي عن سفريتنا هذي
سوزان نزلت بمستواه: مارح نسافر
خالد عبس وزعل : مارح نسافر ليه نجهز شنط طيب ؟
سوزان : بنسوي شي احسن من السفر
خالد استغرب سوزان بتكمله : مو قلت لك خله مفاجئه يلا تعال نروح
ركبو السياره اللي كان راكان يسوقها وبجنبه مراد سيف ودعهم من البيت راحو وطلعو المنطقه دخلو بطريق صحراوي بعد فتره وصلو لفيلا كبييييييره مو فيلا بقد انها شاليه بمواصفات خياليه
خالد بصدمه: شالييه ؟
سوزان ضحكت على ردت فعله : اي شاليه
خالد ضمها بقوه مو مصدق : ماما صدق شاليه
سوزان : اي صدق حبيبي
خالد ضحك وهو ينتظر بس متى يدخلون
بعد مادخلو شاف تقسيمات الغرف والحديقه الخياليه والمسبح والزينه اللي حولها وبفرح : ماما مسبح
سوزان ابتسمت له : اي ياروحي انبسطط
خالد راح يركض بين الممرات وشاف الغرف غرفه كبيره وكانت واضح انها تناسب لسوزان راح يركض لها : تعالي معي
سوزان راحت معه : شوفي هذي غرفتك تمام
سوزان ضحكت عليه انه جالس يوزع الغرف على كيفه : غلط ماما هذي الغرفه لجدو وجده
خالد ناظرها لفتره: جده سيريا بتجي ؟
سوزان: ايي وجدو مراد بيبقى هنا
* طبعا رح تستغربون انها قالت انهم بغرفه وحده
سيريا رجعت لمراد بعد سنتين من ولاده خالد بس تحب تروح لفرنسا اوقات كثيره
مراد : ها خالد اعجبك الشاليه
خالد والفرحه مو سايعته : كثييييير شكرا جدو
مراد : مو انا اللي اخترته هذي امك
خالد ضمها بحب كبير
بعد يوم
كانو جالسين بالحديقه سيريا كانت جالسه ولابسه شال ثقيل لان الوقت كان شتاء سوزان اللي كانت جالسه وسرحانه خالد اللي يلعب بالرمل مع سيف وراكان ويبنون
بيوت بالرمل
سيريا بهمس : مراد مالذي يجري مع سوزان انها ليست بخير
مراد: لا اعلم ولكن بالتاكيد قريبا سوف تاتي لتقول لنا
سوزان طلعت من سرحانها على جوالها اللي يدق دخلت لداخل انتبه لها سيف وكان بيروح وراها لولا نظرات مراد له بانه يتركها
سوزان خذت جوالها كان رقم غريب : الو
رد بصوت هادي: اهلين معي خالد ؟
سوزان اللي استغربت كم لها ماحد قال لها خالد : اي هذا جواله من معي ؟
رد بنفس النبره: انا صاحبه عادي تقولين له اني ابيه ؟
سوزان : تمام
ابتعدت عنهم ودخلت لغرفتها : الو
تنهد براحه: خالد شخبارك ؟
سوزان : بخير وانت
تردد يقول لها او لا : بخير انا
سوزان: ماعرفت من معي ؟
انفتح الباب وطل سيف من الباب
سوزان اشرت له يسكت
كان متوتر اول مره يكلمها من مده : انا عادي ما اقول لك من انا ؟
سوزان تكلمت بصوت خالد: كيف ؟
هنا سيف انصدم من تكلم بهالاسلوب وليه ؟
اخذ نفس قبل يتكلم: انا شخص اعرفك من مده طويله وحبيت اتطمن عليك بس
سوزان: طيب ماتقول لي من انت ؟
ابتسم بحب: لا مايحتاج يكفي اني اتطمن عليك واني تطمنت الحين انك بخير وعايش انت مبسوط ؟
سوزان بسوال: انت تسالني ؟
اخذ الكوب من الطاوله: اي اسالك انت مبسوط ومرتاح ؟
سوزان: اي مبسوط مشكور
تنهد بتعب: تمام انتبه لنفسك الحين انا بروح تامرني بشي ؟
سوزان: مارح تقول لي من انت ؟
ابتسم * ماتغيرت انت نفسك واصرارك * : لا ماقدر اقول لك بيجي الوقت المناسب وبتشوفني وجه لوجه
سوزان: ماتوقع
تكلم بخوف وصدمه: ليه ؟
سوزان : بس
بدا يناظر المكان حوله: تمام انتبه لنفسك الحين
سكر بوجهها استغربت وسكرت الجوال
سيف : من هذا ؟
سوزان: مدري رديت عليه بصوتي العادي قال انه يبي يكلم خالد صعدت غرفتي علشان ما احد ينتبه لي وتكلمت معه قال لي انه يبي يتطمن علي وانه ارتاح لما عرف اني بخير وانه بعد مده بيقابلني
سيف بتفهم: اها طيب ماقال لك من ؟
سوزان نفت براسها: قال لي انه يعرفني من مده طويله ومايحتاج ادور من هو لانه بيجي
سيف بتفكير : بيجي ؟ غريبه انتي تعرفين احد غيرنا ؟
سوزان : لا وهذا اللي محيرني مثلك يعني مافي احد الا انت ورائد وفهد اللي اعرفهم
سيف : عطيني رقمه
سوزان برفض شديد: لا سيف مو كل احد بنجلس نحقق فيه وواضح من صوته انه يعرفني وبينا معرفه قويه بس هو ماقال لي من وعلشان كذا مستعده انتظر واعرف من هو ولا اني ادور وراه واتمنى انك ماتقول لاحد
سيف باصرار: ولا احد طيب على الاقل ابوك ؟
سوزان: لا ولا احد الا لما اعرف منهو
كانو جالسين ويسولفون
خالد بنعاس: ماما بروح انام
سوزان قامت معه وراحو اما سيريا استئذنت انها بتنام بعد تركتهم وراحت
مراد بقلق: صاير شي سيف ؟
سيف اللي كان يفكر وانتبه لاسمه: هاه لا ولاشي
مراد: مو عاجبني وضعكم من اللي كان يتصل  من شوي
سيف : راشد كان يتطمن على صحتها وعلى خالد وانها مستمره على العلاج
مراد للحين شاك بالوضع اول مادخل سيف طلع جواله اما راكان اللي كان جالس بجنبه ضحك
مراد: ايش فيك ؟
راكان : مو راضي تصدقهم بتتصل على راشد
مراد عطاه نظره ورجع يناظر بجواله : لاتتدخل
راكان بجديه: مراد سوزان كبرت مو بزر تتابع وراها ترا
ماعاد يفيد كلام راكان لان راشد رد
مراد: الو
راشد: هلا والله
مراد: شخبارك
راشد: بخير وانت
مراد: كويس ابسالك
راشد: قول
مراد : امم انت اتصلت على سوزان ؟
راشد: اي توني اتصلت من شوي اسالها عن صحتها واذا خذت علاجاتها وعن خالد
مراد انتبه لانها جات هي وسيف غير الموضوع: اي رجع وسام من السفر
سوزان التفتت لسيف : غريبه من يتصل على ابوي باخر الليل
راكان اللي جالس ومستمتع بالجو وكانه له مده طويييييله ماكان بمثل هذي الاجواء
سيف اللي جلس وهو كاتم ضحكته : اي وايش مخططاتكم لبكرا
راكان: برجع القصر انا
سوزان بقلق : صاير شي ؟
راكان : لا بس فيه شخص بيزورني من معارفي بفرنسا اللي عرفتهم من مجال العمل يعني
بعيد عنهم
راشد اللي اول ماسكر بدا يضحك بشكل مو طبيعي
رائد: شصاير
راشد حكى له اللي صار مع مراد : اتصل علي سيف قبل يتصل مراد وقال لي انو اقول له كذا
رائد بتفكير : طيب يعني ماتعرف من اللي متصل عليها
راش : وكيف بعرف
فهد اللي رفع جواله من سمعه يدق وكان المتصل راكان
راكان: ابيك بالقصر باسرع وقت
فهد استغرب بس راح له

بكذا يتبقى البارت الاخير وتنتهي الروايه 😔♥️ وللامانه زعلانه عليها مره بس بما انه عندي فكره جديده للروايه الجديدددددده فا انتظر تعليقاتكم وحماسكم علشان انزل البارت الاخير وبيكون فيه بارتات اضافيه عن حياه خالد بعمر ال ٢٠ 😍😍😍♥️