အီကြာကွေးကာပယ် One short Collection

I still love you Ge 1

Unicode

Note:
ဒါလေးက အစ်ကို့ကိစ္စမဖြစ်ခင်
၂ရက်လောက်ကရေးထားတာလေးပါ
၂ပိုင်းပဲပြီးသေးပေမယ့်
ကျန်တာကိုတော့ ရက်နည်းနည်းလောက်ကြာတာနဲ့
ဆက်ရေးမှာပါ
I still be at the top of the mountain
until Han Ge comeback to us❤️💙😑

"ဟဲ့ နင်သိလား ဒီနေ့ ငါတို့ဌာနမှာ မန်နေဂျာအသစ်ရောက်တယ်တဲ့"

"ဟဲ့ဟဲ့ CEOရဲ့သားလို့ပြောနေကြတယ်
နောက်ပြီး အရမ်းချောတယ်တဲ့
အခုမှနိုင်ငံခြားကပြန်ရောက်တာတဲ့နော်"

"အမယ်လေး ငါCEOရုံးခန်းထဲမှာ
ပုံတွေ့ဖူးတယ် ပုံထဲမှာတောင်ချောတယ်ဟယ်"

ကျန်းကျဲဟန်နေ့လည်စာစားရင်း ဘေးဝိုင်းမှ
ဝန်ထမ်းမိန်းကလေးများပြောသံက နားထဲမှာ
အတိုင်းသားကြားနေရသည်။ သူ့မှာနားချိန်ဆိုလို့
ဒီချန်လေးပဲရှိတာ။ ဒါကို မယ်မင်းကြီးမတွေက
ဘေးနားမှာလာပြီး ပေါက်ပေါက်ဖောက်နေကြသည်။
လက်ကျန်ခေါက်ဆွဲကိုမြန်မြန် လက်စဖြတ်ပြီးတာနဲ့
အအေးဗူးကိုကိုင်ကာ ငါးလွှာက ပန်းခြံ‌ဆီသို့
ထွက်လာလိုက်သည်။

ဘုတ်

အာ သွားပါပြီ ငါ့ရဲ့ အအေးဗူးလေး

တိုက်မိတဲ့လူကို ရန်ပြန်တွေ့မယ်ဆိုပြီး
ထလိုက်တဲ့အချိန် ခေါင်းကမိုက်ခနဲတစ်ချက်ဖြစ်သွားသည်။

"ဒီမှာ အဆင်ပြေရဲ့လား"

"ရတယ် ရတယ် အဆင်ပြေတယ်
ဟင် ကုန်းကျွင်း"

သူတို့နှစ်ယောာက်ရဲ့ ငါးနှစ်ကြာပြီးတဲ့နောက်တွေ့ဆုံမှုက
အနည်းငယ်ကသိကအောက်ဆန်လှသည်။

"ဟက်"

ခနဲ့သလိုထွက်လာတဲ့ သူ့ရဲ့အသံ

မူးနေတဲ့ခေါင်းကို လျစ်လျူရှူပြီး
ထိုလူသားရှေ့ကထွက်သွားဖို့ပြင်လိုက်သည်။

"ခဏနေပါဦး အစ်ကိုကျန်းရဲ့
လောလှချည်လား အကြာကြီးနေမှ ပြန်တွေ့တာ
စကားလက်ဆုံလေးပြောသင့်တာပေါ့"

တမင်တကာ ရွဲ့ပြီး ပြောနေမှန်းသိသာလှသည်။
ကျန်းကျဲဟန်ဘာမှမပြောဘဲ တစ်ချက်သာကြည့်ပြီး
ထွက်လာလိုက်သည်။