Unicode
ထိုသို့ဖြင့် ဖိုးပြည့်တစ်ယောက် သူ့ဘဝထဲ ထပ်မံဝင်ရောက်လာခဲ့ပါတော့သည်။
" အဖေရော "
" အဖေက ရွာမြောက်ပိုင်းက မုဆိုးမတစ်ယောက်နဲ့ အိမ်ထောင်ပြုလိုက်တယ် "
တစ်အိမ်လုံးက တိတ်ဆိတ်နေခဲ့ပြီ။ ကားဝင်းထဲရှိ ကားအဝင်အထွက်အသံတစ်ချို့ကတော့ ကြိုကြားကြိုကြား ကြားနေရသည်။
ပစ္စည်းအတင်အချအသံများ၊ ပစ္စည်းစစ်နေသံများ၊ ပစ္စည်းထည့်ရာ ဂိတ်ခန်းတံခါးများကို ဆွဲဖွင့်နေသံများ။
အမေတို့အိပ်မောကျနေသံများနှင့် တစ်ချို့ဟောက်သံများကို သူတို့ ကြားနေရသည်။
သူ့ကိုကျောပေးကာအိပ်စက်နေသောကောင်လေးသည်လည်း မအိပ်နိုင်သေးမှန်း သူသိနေသည်။
" ဒီဘက်လှည့်ပါဦးလား ... မတွေ့ရတာကြာလို့ သတိရနေတာကို "
" ကိုသီဝိုင်းချစ် .. မီးပိတ်ထားတာလေ... ကျွန်တော်လှည့်လာတော့ရော မြင်ရမှာလား "
" ရင်ဘတ်ချင်းနီးတယ်ခံစားရတယ်လေကွာ ... လာစမ်းပါ လှည့် "
သူ့အားကို ဖိုးပြည့်တစ်ယောက် ဘယ်လိုခုခံနိုင်မှာလဲလေ။ ဇတ်ခနဲ ဆွဲလှည့်လေတော့ သူ့ဘက်မျက်နှာပေးရတော့တာပါပဲ။
" ငါ့ကိုရော သတိမရဘူးလား "
" ရပါတယ် "
" အခု ဒီမှာ အပြီးနေတော့မှာလား ... "
" မနေလို့လည်းမရတော့ဘူး ... အရီးမှာ သမီးတစ်ယောက်ပါလာတယ် ... အဖေက ဘာမှမပြောပေမဲ့ အရီးက ကျွန်တော့်ကို သိပ်မကြည်ချင်ဘူး ... သူ့သမီးကို ကျွန်တော်နဲ့ အနေနီးသွားမှာ စိတ်ပူနေပုံရတယ် .. နောက်ပြီး .. "
" ဘာဖြစ်လဲ "
သူတို့မြို့၏ညများက အေးစက်လှသည်။ အမြဲလိုလို ခြေထောက်အေးတတ်သော သူက စောင်ခြုံထားလည်း နွေးမလာ။ ထို့ကြောင့်အတူအိပ်နေသူ၏စောင်ထဲ ခြေထောက်ထိုးထည့်ကာ အိပ်စက်ရသည်။ တစ်ယောက်တည်းအိပ်သောညများဆိုလျှင် တစ်ညလုံး ခြေအေးကြီးဖြင့် အိပ်ပါလေတော့။
ဖိုးပြည့်၏ စောင်ထဲသူ့ခြေထောက်တွေ ထိုးထည့်တော့ ဖိုးပြည့်က ခြေသလုံးကို အသာဟပေးသည်။ သူ့ခြေထောက်များကို ဖိုးပြည့်က ခြေသလုံးပိန်ပိန်လေးများဖြင့် ညှပ်ပေးထားတော့ အနည်းငယ်နွေးလာလေတော့သည်။
YOU ARE READING
သူ သူ သူ ကြၽန္ေတာ့္ရည္းစား - သူ သူ သူ ကျွန်တော့်ရည်းစား
Romanceငါ က မင်းကို ချစ်တယ် ပေါ့ .. ဖိုးပြည့် (ခ) လင်းပြည့်ဦး အူကြောင်ကြောင်လေး လုပ်မနေနဲ့ ဖိုးပြည့် ငါက ချစ်တယ်လို့ပြောရင် မင်းက ဟင့်အင်းလို့ပြောလို့မရဘူး ငါ့ကို ချစ်တယ် လို့ပဲ ပြောရမယ် .. ဟာ ပြောနေတယ်လေ .. ငါ့ကို အူကြောင်ကြောင် ကြည့်မနေနဲ့လို့ ... သီဝို...
