Unicode
" ငါလိုက်ပို့မယ် "
သူ့စကားကို ပြူးကြောင်ကြောင်ပြန်ကြည့်နေသော ပြည့်စုံ၏မျက်လုံးများက တကယ်ကို အကြည်ဓာတ်လေး။
ငါမရှိတဲ့အချိန်တွေတုန်းက မင်းကိုမကာကွယ်နိုင်ခဲ့ပေမဲ့ ငါရှိနေချိန်မှာတော့ ငါ့အရိပ်အောက်မှာနေလှည့်ပါ။
" ကောင်းကောင်းဖြေခဲ့ ... "
ကျောင်းဝန်းထဲဝင်သွားခဲ့သည့် ကျောပြင်သေးသေးလေးသည်ကား အခုချိန်ထိ မဝံ့ရဲသေးသော ရပ်တည်မှုတစ်ခုလို။ မနှစ်သက်သောရပ်ဝန်းထဲ ကျောင်းကိုတောင် အားတင်းတက်ခဲ့ရသူသည် သည်ရပ်ဝန်းထဲဘယ်သို့သောသတ္တိမျိုးနှင့်......
ပါလာခဲ့သော အင်္ဂလိပ်မီးနင်းစာအုပ်လေးကို ဖွင့်ဖတ်ရင်း ကျောင်းရှေ့ဖွင့်ထားသည့် ကွမ်းယာခုံဘေးရှိ ခုံတန်းရှည်ပေါ် ထိုင်ချလိုက်တော့သည်။
" အရီး "
မသိမကျွမ်းသော်ငြား တွေ့နေကျမို့ ကွမ်းယာဆိုင်အရီးက သူ့ကိုပြန်ထူးလာ၏။
" ဝေ "
" ကျောင်းရှေ့ ကွမ်းယာခုံဖွင့်တာ ပညာရေးမှူးရုံးက ဘာမှမပြောဘူးလား "
" ဘာပြောရဖို့ "
(ဒေသစကားသံအနည်းငယ် ဝဲပါမည်)
" ယော် ကျောင်းရှေ့မှာ ကွမ်းယာဆိုင်ဖွင့်တာက ကျောင်းသားတွေအတွက်မှမကောင်းတာ "
" မပြောနှော .... ဘာဖြစ်လဲ သူတို့လဲ စားကြတာပဲ ... ကွမ်းစားလို့ ဘဝမပျက်ပါဟယ် ... "
" ခက်လိုက်တာ အရီးရယ် ..... ကွမ်းက ရိုးရိုးစားရင်တော့ ဘာမှမဖြစ်ဘူးပေါ့ ... ဆေးတွေထည့်စားပြီး အလွန်အကျွံဖြစ်လာရင် ခံတွင်းကင်ဆာ လည်ချောင်းကင်ဆာ ဖြစ်တတ်တယ် ... အရီးရဲ့သားလေး အဲ့လို ကွမ်းစွဲကုန်ရင် မခက်ဘူးလား "
" ငါ အပျိုဟဲ့ "
သို့သော်လည်း နောက်နေ့မှစ၍ ထိုအရီးသည် ကွမ်းယာမရောင်းတော့ပါ။ မုန့်၊ အချိုရည်တို့ကိုသာ ရောင်းတော့သည်။
ခက်သည်။ တားရမည်ကိုမတားပဲ သည်အတိုင်း ထားသတဲ့လား။ သည်လိုနှင့် စာမေးပွဲ ခြောက်ရက်လုံး အနှောင့်အယှက်မရှိ ကျော်ဖြတ်ခဲ့တော့၏။
YOU ARE READING
သူ သူ သူ ကြၽန္ေတာ့္ရည္းစား - သူ သူ သူ ကျွန်တော့်ရည်းစား
Romanceငါ က မင်းကို ချစ်တယ် ပေါ့ .. ဖိုးပြည့် (ခ) လင်းပြည့်ဦး အူကြောင်ကြောင်လေး လုပ်မနေနဲ့ ဖိုးပြည့် ငါက ချစ်တယ်လို့ပြောရင် မင်းက ဟင့်အင်းလို့ပြောလို့မရဘူး ငါ့ကို ချစ်တယ် လို့ပဲ ပြောရမယ် .. ဟာ ပြောနေတယ်လေ .. ငါ့ကို အူကြောင်ကြောင် ကြည့်မနေနဲ့လို့ ... သီဝို...
