حنين قلبي

Part 1

البارت 1
.•.•.•.•
الكاتبة: زايا
.•.•.•.•.•

في مكان ما يعمه الفرح واصوات الضحك ودفو وحنان العائله في مكان لايوجد فيه اثر للحقد والكراهيه
نعم انهم العائله
ف العائله:حب..سند..قوه..عزوه..ذخر..امان..ملجأ
.٠.٠.٠.٠.٠.٠.٠.

احد ازقة بغداد الجميله مساءً الساعه 8:17

حنين:- ميلت راسي وبقيت انصت الها بشغف وهي تحچي..

مروه:- خبصني بيچ خبص حنين شگُله؟؟

-ذبيت نفس بقلة حيره وتعب جاوبتها:- مروه صدگ تحچين انتي؟؟ بارق نذل وسخيف..

-مروه:: اوووي خاله دصيح امشينا ننزل يمعوده..

**

حنين:-واكفه واني مبتسمه والفرحه مو سايعتني بين اهلي وصديقاتي وخواتي وخالاتي وبناتهم احسهم نعمه من ربي الي احسهم سند وطمأنينه مجرد مااشوف واحد منهم فرحان ومبتسم اني افرح حتلو جنت مريضه ..

-يعني صدك (جيش المرء عائلته)..

-اباوع ع واحد واحد بيهم الكل فرحان ويضحك وكلهم لابسين كبابيس مال عيد ميلاد وعيونهم تلالي من الفرح ويحطون انواع الهدايا كدامي ويعايدوني

-اني واكفه اباوعلهم وعيوني مليانه دموع وفرحانه هذا يمكن جان اكبر عيد ميلاد الي انو صديقاتي كلهن موجودات وخالتي الي بمصر اجتي..

-وأخيرًا اني حنين بهاليوم دخلت بالـ١٨..

-يمكن اذا اگول عائلتي مثاليه ما انطيهم حقهم!!اي والله..

- عندي اثنين اخوات مينا ويمامه!!..

- بابا او صديقي او حبيبي او اخويه كلشي صارلي بهالدنيا..

- جان بهاليوم عيد ميلادي جان بالنسبه الي احلا ميلاد والله احس اني محظوظه بهيچ اهل وهيچ صديقات وخالات..

-كصينا الكيكه وكملنا وصديقاتي انطوني هدايا وعايدوني وراحوا بقوا بس خالاتي ابويه راح يم رياجيل خالاتي وولدهم واحنا بقينا بالهول اجتي نرجس وكالت:-

نرجس:: نصعد فوگ حنين؟

باوعتلها وشلت قطعة كيكه انطيتها لفهد وضحكت:-شنو عود تستحين؟؟