حنين قلبي

Part 21

بارت 21..
•.•.•.•.•.
الكاتبة:زايا
.•.•.•.

"‏أَنَا مُذْ رَأَيْتُكِ غَاب عنّي مَنْطقي
‏حتَّى القَصَائد خانها التعبيرُ"
.•.•.•.•.•.•.•.•.•.•.•

حنين:-شكد حاولت اكون قويه وماابين عليه اي توتو ولا خوف بس البشر كلمه وحده يسمعها يحس بخوف وضياع ونعاس وتوتر وبالاخص اذا كان الشخص اهله مو ويا واذا كان الشخص هو شخص مشابه لطبايع لهيب!!

-من سمعتهم كالوا راح يدخل العريس كمت مااعرف شنو اسوي احس انعمه ع عيوني وعقلي كمت مااعرف شنو اسوي احس ضعت احس عيوني غوشت من الدموع لحد ما شميت عطره الي يسطر الراس..

-اسمع صوت هلاهل وضحك وسوالف رفعت راسي عليه من دخل بثقه ورزانه لابس قاط اسود وقميص ابيض..

-عيونه مشخصها عليه صدره ارتفع ونزل بأبتسامة..

-بس سرعان ما تلاشت هالابتسامة ورجع لشكله العابس اجه بصفي وكف دنگ شويه الي وگال بدون ميباوع بوجهي وع وجهه ابتسامه مجامله للناس:-

-هاي ٩٩ غلط وصح واحد شعجب لابسه شال ماادري اليوم الله لو يحبچ لو يحبني..

-مجاوبته بس باوعت عليه وشفايفي يرجفن وجسمي يرجف من الخوف والتوتر..

-بقه شويه واكف بعدين دخلوا ازواج خالاتي وسلمنوني اله وكاموا يحجون ويا ويوصوا:-

ابو بارق:- ابنا انت لهيب راح ننطيك امانه بقت عدنا وامانه اجت عندك هاي روح اهلها جانت نريدك تصونها وتحافظ عليها ولا عبالك ماعدها اهل لا احنا اهلها وبظهرها شوكت متلتفت تلكانا وراها منريد فد يوم تجيبها النا ودمعتها ع خدها انطناك ياها معززه مكرمه لترجعها النا مكسوره وهاي حلالك وتوكلوا بالله

-وحده من ايديه لهيب لازمني بيها والايد الخ حاطتها ع حلكي وابجي من كل كلمه هو كالها ابجي ع حياتي ونفسي ابجي ع نفسي الي صارت ملك للهيب اجه ابو سالم هم حجه ووصا وسلموني اله..

-خنگة بداخلي مو طبيعية احس اختنكت اني چان يجينا للبيت شويه ويروح ابقه ارجف من الخوف انوب هسه بمكان واحد اني ويا لالا مااتحمل والله!!..

-سحبني من ايدي قوي لزمها وعصرها طلعنا بره جانوا مفوتين السياره مال زفه جوه بالطرمه..

-رحت صعدت بالكوه وبمساعده من البنات وعلياء وهو صعد بصفي هو الي جان يسوق كمت اسمع الرمي مالت اصدقائه احس راح يغمى عليه شويه وتجي طلقه بنص راسي..