حنين قلبي

Part 8

البارت الـ 8
.•.•.•.•.•.
الكاتبة: زايا
.•.•.•.•.•

مـا زلـت أؤمـن أن الأنسـان لا يـموت
دفـعه واحـدة
وإنما يموت بطريقة الأجزاء:
كلما رحـل صديق مات جـزء
كلما غادرنـا حبيب مات جزء
وكلما قتل حلم من احلامنا مات جزء، فيأتي الموت الأكبر ليجد كل الاجزاء ميته فيحملها ويرجع
.•.•.•.•.•.•.•.

**

"حنين"

-سأله حارث:- اي سيدي وشنو تبين وياك؟؟

-هي سالفة باب السطح مفتوح مستحيل ابو البيت يعوفه مفتوح!! اكيد العمال يعني هي بالمختصر من نلزم واحد منهم هذا هو نوصل للباقين وانتو الكم الصافي وهم يراد صبر وخلگ طووويل..

-قاطعتهم:- عفيه هاهيه اوثق بيك؟؟

-توجهت انظارهم عليه ضحك حارث وارتسمت ابتسامه ع شفايف لهيب ذب نفس وكال:- اكيد يابه حقچ وحق اهلچ يجيچ مدوزن بس ع اتفاقنا انفذ وتنفذين!!..

-هزيت راسي اي.. يعني شنو هو فلوس قصدك؟؟

ضحك بصوت عالي وكال:- اخر همي، بوقتها ان شاء الله تعرفين..

-گام وگف وگال لحارث:- اني خلصت شغلي واخذت الاريده وهسه اترخ...

-گام حارث ديشوف البره واني گمت دا اطلع بس وگف گدامي ومدلي كارت وگال:-هذا رقمي اذا حبيتي تعرفين شي او اذكرتي شي بخصوص القضيه اتصلي عليه..

-باوعت لايده ترددت اخذه بس من سمعت خطوات حارث بسرعه مديت ايديه واخذته وفتت جوه..

-هو راح وحارث اجه صاح حتى نقفل الباب..
طلعت ورا قفلته وانداريت حسيت بحراره تصير بخدودي نكتت وجهي وحطيت ايديه ع خدي اخفف من الجمر الي اشتعل بي..

-دخلت جوه واني ببالي احاول الگه تفسير لكلامه.. شنو يريد اذا اخر همه لفلوس!!؟

-فتت جوه مروه چانت تتعارك شافتني واجتي فاتحه عيونها وتهز ايدها:-
لچ هاهي هاي الحيوانه تخبلت فوتي شوفيها ولج فوتي وكملت..

-كتلها منيه مجاوبت.. عفتها وفتت جوه لگيت نرجس گاعده بمكانة وتشم بالقنفه الي گاعد عليها وتصيح:- افييييشششش..

-هزيت ايدي وغميتها:- مو صاحيه انتي ونبي!!..

-مروه صاحت من ورايه:- بيها خير خل تسويها گدام امها غير الا لا تسويها وصلتين!!..

-مغمضه نرجس وتحچي:- افيش تعالن شمن العطر مالته اني عطري حده لباب الغرفه ويروح هذا غير اذا يحضني اسرسح!!..