حنين قلبي

Part 22

بارت 22
.•.•.•.•.•.
الكاتبة: زايا
.•.•.•.•.•.

"حنين"

-بعد ما حجه ويايه هيچ حسته چذب بس كدامهم..

-هي من شافتنه هيج عوجت حلكها ولافت وجها وراحت نزل انظاره عليه وگال:-
لتصدكين روحچ اني مناسيلچ الحچي مال عرس..

-ابتعد عني مسافه ودار وجهه ع خالاته سلم عليهن وراح للأستقبال..

-واني بقيت يمهم الي اجتي باست لهيب اسمها رنا معافتني ولا نزلت عينها عني..

-نقذتني علياء من مدت راسها وگالت:- تعالوا يمنا بالمطبخ حنين ورنا..

-جاوبتها عمتي:-علياء حنين تبقه حالها من حالج انتي للسبعه يلا اشتغلتي وهي هم..

-حچت وحده من خالاته:- يا ام ادهم صدگ تحچين حالها من حال علياء سوه خليهم ينضفن ويشتغلن ترى باچر تصير مو خوش!!..

-غلست علياء عن حچيها وضحكت وگالت لخاله:- لا خاله والله ماخليها تشتغل تكعد يمنا ع واهسنا واني والبنات دنسوي اكل..

-ابتسمت وگتلها:- عادي اني جايه يمج..

-كمت ورحت گعدت يمها هي بقت تفتر بالمطبخ وتسولف وتضحك وي الكل وكلهم يحبوها..

-شويه واجه من باب المطبخ واحد دگ الجامه باوعنا چان امير صار قريب ع الباب صاح:- ام عبدالله هذا الاكل تعالي اخذي..

-بقيت اباوع هذا مو صديقة للهيب شنو هالميانه!!.

-انداريت ع سؤال اريج بنت خالته للهيب من گالت:-

اريج:- حنين صارت وياكم قصة حب لو هيچ ع حب الله!!؟

-ضحكت بقوه وگتلها:- لا ع حب الله ع گولتچ..

-شلون يعني وين شافچ!!؟

-اهلي انقتلوا وهو چان المسؤول عن قضيتهم وشافني وتزوجني..

-نطت رنا من مكانها وحچت بنتر:- هي معروفه الحظ للـ*** شلون لفلفتي وضميتي الج ماادري..عني طريقة زواجكم حتى العقل ميستوعبها..

-فتحت عيوني ع وسعها مصدومه من كلامها وحتى استهضمت منو هيَ داتحجي هالشكل عليه ردت اجاوبها سمعت صوت من ورايه..

-كلنا التفتنا ع مصدر الصوت وجان ادهم واكف بالباب وبأيده صينية الچاي وگال بصوت عالي:-

-رنااااااا اوزني حچاياتچ انتي دايسه بساطنه لتخليني احچي غير حچي واذا وصل الحچي الي گلتي لزوجها ترى يسويها مو خوش!!

-باوعت عليه بكره ورجعت تباوع لأدهم:- واني قابل شگتلها ادهم..

-اعتذري رنا..

-وسعت عيونها وگالت:- هاي صدگ تحچي! شلون غيرتكم علينا!!

-جابوها بتململ وضجر:- هاي مو وياچ خواتچ وبنات خالاتچ حچينا شي غلط وياچن يابه! إذًا جري عدل رنا واحترمي نفسچ لا يصيرلنا غير حچي وگومي اعتذري..