قصة مريم

البارت-٦-

البارت-٦-

عتگ بالي و صوركم هنه هنه.

فزيت صبح على حلم شفت مينا بنية شابة حلوة وشعرها طويل كلش ولابسة بدلت لعرس وفجأة ينكص شعرها وتبجي وتصرخ فزيت اباوع بلغرفة مينا ماكو اول مرة تنام برة لغرفة كمت غيرت ملابسي وطلعت اروح للمدرسة جانت ايام امتحانات انتظر لسيارة تجي واني بالحديقة اباوع على سما اسمع صوت اقدام حسيت هذا مصطفى لان ماكو غيرة يكعد كمت اروح اختل مااريد اشوف احد ختلت وهوة طلع كعد بنفس مكاني شوية واسمع صوت سيارة اريد اطلع مااكدر ضليت خاتلة
مصطفى:ها سلام عليكم بس هسة تنزل ليوم من وكت ؟!
صاحب سيارة :اي والله كلت امتحانات وهنا بنات خطية شوية يدرسن يشوفن اسمائهن .
مصطفى:اي والله صحيح الله يساعدك خوية ويرزقك.
صاحب سيارة :مشكور
طلع برة على صاحب سيارة كلت اخذها فرصة واطلع طلعت بسرعة بدون مااكول صباح لخير ركبت سيارة وكعت اسوالف وية لبنات مااريد اباوع بجها ،خلصت يومي ورجعت للبيت تعبانة اول مادخلت جان لبيت شبه فارغ دخلت بلاستقبال شفت مينا نايمة ومحد مغطيها غطيتها ورحت لغرفتي نمت مااحسيت الا على مينا كاعدة وتبجي
مينا:اسفة والله اسفة بعد ماعيدها انت اختي واحبج واموت عليج.
مريم:اطلعي برة لو انت اختي جان مدرتي وجهج عني واني بأسوء حالاتي اتفقنا نكون سوة مو بس ظاهر غفرانو غسلت مخشج اطلعي برة بسرعة.
واني اصرخ علية دخل عمو جاسم
جاسم:ليش هيج مريم اجتي تعتذر يعني حاسة بخطأها
مريم:لا عمو مينا اذتني بتصرفها حييل ولبارحة على نظراتها الي مخلتني اشفق عليها بعد.
جاسم:ميخالف عمو مو اختج هاي يلة صالحو لتخلون احد يشمت.
تصالحنا سوة واجتي بحظني مثل لطفلة تبجي رغم هي عمرها ٧سنوات كعدتها يمي سئلني عمو اذا اكلت كتلة لا خابر على دلفري وصالنا اكل واكلنا،نجيبة من تطلع يتيه لبيت صدك غفران تستغل غيابها وتكضيها اكل ونوم ولا احد يدخل محمد ينام يطلع للشغل يرجع بغرفتة ميطلع ليكلك ساحرتة عمو مالة دخل بهاي سوالف ابد وهي مستغلة غياب نجيبة ،خلصنا عشة طلب عمو منا ننزل جوة نزلنا اني ومينا وكعدنا نضحك ونتفرج مسلسل مصحك وية عمو واجة مصطفى هم ويانة وبدينا نصحك بلحظتها ندكت لباب دخلت نجيبة هي واخوها طلعنا من صالة وبدو يحجون مااعرف شيحجون شوية وصاحني عمو جاسم دخلت جانت بس نجيبة درت وجهي مردت اشوفها صاحني عمو كلي ظلي.
جاسم:مصطفى صيح على محمد وغفران كلة اجة لوقت تصحة من سباتك .
اجو محمد وغفران وصرنا كلنا كاعدين بلاستقبال
جاسم:جمعتكم ليوم حتى احط حد لهاي لمشاكل الي مااعرف شنو سببها وليش هل مشاكل ولعدوانية مثل مشوفون احنا عائلة وحدة لكن كل واحد عايش بديرتة ومن ننجمع مننجمع الا على مشاكل فلان وفلانة اسمعوني زين هلبيت اني بي وانتو بي نعيش على حب الله وناس تحب ناس مااريد مشاكل هنا نجيبة سمعيني مشاكل مااريد وغفران وكذالك هذول زلم يرحون ويجون وهاي لبت طالبة بلمدرسة الها دروسها واختها تهتم بيها الي بلبيت والي لازمين لبيت هذا غفران ونجيبة اي شي يصير ثاني مرة يانجيبة وغفران اكول انتو سببها مفهوم.
كلها كالت صار وانتهى لحديث ولنقاش وكلمن راح لغرفتة استمر هذا لهدوء لفترة صرت اتقرب من مصطفى واطلب مساعدتة كأخ الي من زمان اعتبرة اخ واهوة بس اصيح مصطفى ينخلق كدامي حسيتة مثل سند انتهت لامتحانات ونجحت ومرت فترة سنتين ابن نجيبة الي مداري اي شي بلدنيا الي بنفس عمري قرر يسافر وابو ونجيبة جانو دائماً يحجون بفكرت سفرة خارج لعراق للدراسة مجان يريد يبقة هنا وهوة جداً غريب مااشوفة بلبيت ابد جنت اشوفة بلصدف وقت طلعتي للمدرسة امنو خرجتة خارج العراق مينا صارت ٩سنين باعتقادي بس هي دكول اني ١٠ واني صرت بلاعدادية لحظة مراهقتي عمري ١٧تغير صوتي صرت اخجل من ولد عمي واقربنا من يجونا اخجل من اطلع للخطار بس جان مصطفى قريب علية جانت نظراتة تحميني وتحسسني انو هوة سند الي وبوقتها جنت اتمشة خايفة راجعة من مدرستي بداية دوام وبعدني ماعندي خط يرجعني بسيارة وطلعت من دوام قبل ساعة من لموعد خايفة وحدي اتمشة وكل شخص اشوفة بلشارع اخاف منا اكول خاف يخطفني لو يتحرش بيا واني جسمي كلش بارز من لصدرية زي لمدرسة وحلوة وطويلة وكل سيارة تمر من يمي اسمع حجي غزل واني مرعوبة حسيت بشخص يمشي وراية باوعت على لخيار طويل وشخص لابس قبعة شمسية ابتسمت ودرت وجهي شفت مصطفى جان ظلة كافي حتى اعرف هوة لو لا ،ابتسمت ابتسامة لو احد شافها وهوة بحرب جان كال ابتسامة امل حسب قول مصطفى
مصطفى:ولج ليشوف ضحكتج وهوة بحرب يكول انتصرنا هاهية .
مريم:هههه همزين اجيت جفلت من لخوف.
مصطفى:حقج ست مريم غير مخاليج تمشين على هاي لكع.
مريم:هههه اي
مصطفى:يلة صعدي بلسيارة عود اجيت اخرعج بس دائماً تتعرفين علية .
مريم:هلكد ماموجود دائماً يمي صرت احفظ طولك وهيئتك من ظلك .
مصطفى:الله الله لخوف هيج خلاج صيرين.
مريم:مااخاف اوكي.
مصطفى:اي صح.
وصلنا للبيت سمعت صوت هلاهل سئلت مصطفى شكو معقولة راح تزوج ؟!
مصطفى:لا ياحسرة اني ضال بحسرة لمرة هاي غفران جابت واخيراً ليوم صبح جانت تطلك ولعصر جابت ولد .
مريم:مبروك صرت عم .
مصطفى: الله يبارك بيج عمة.
دخلنا للبيت وهلاهل نجيبة خبلتنا كل ساع فاتحة حلكها عفتهم ورحت اعير ملابسي نزلت اباوع لبيت هوسة كمت اشتغل بسرعة اباوع دخل عمو جاسم تعبان كال يمكن يطلعوها بليل لو باجر صبح تعبان حيل اريد انام ودخل ينام صاح مصطفى بيا اشتغلي نريد عشة ترة جوعان .
مريم:ياعشة خل يهضم لغدة شدكول علية مماكلة.
مصطفى:هم صدك نسيت.
مريم:خرب حظي.
خلصت تنظيف بلبيت جانت حتى ماعين لريوك بعدها ونجيبة مسوية بس لغدة ارتاحيت وكعدت بلغرفتي اتفرج مسلسلتي لمفضلة ثاني يوم صبح اجتي غفران وبيدها لطفل ذبحو ذبايح ونجيبة فرحت وصارت لمعازم تجي وكلة وكع على راسي اغسل ماعين واصب غدة واسوي جاي ومينا واكفة يمي كل ساع اصيحلها صحت مينا جيب لستكاين وكعدت اغسل واصب جاي نزل شعري على وجهي رفعتة واباوع مصطفى واكف بعيد يم باب لخروج يباوع علية ابتسمت بجها وسويتلة جوعان كال لا والتهيت بلشغل مرت الاربعين مال طفل واحنا لخطار تروح وتجي ولهسة لخطار صديقاتها وبنات عماتها وعمامامها وخالاتها ، انتهت اضواء غفران وصارت دكوم على حيلها ورجعت صحتها عمو صار من ليوم الي اجة بي لطفل للدنيا وهوة مريض مرات اسمع نجيبة دكول كصت لطفل علينا مو خير طيحت لرجال واباوع على غفران تبجي من تسمع كلام نجيبة .

علي
ابن نجيبة الاصفر ولامدلل جانت غرفتة مليانة بكل الي يريدة ويأشر علية اجهزا الكتورنيا هواي عندة دخلت مرة غرفتة لكيت بيها العاب تراثية ، بنفس عمري دخل لمرحلة لاعدادية واهلة سفرو واهسة مو بلدراسة واهسة بغرفتة احسة مرات يكره لطلعة ويكره لعراق اصلاً بس لازم شخص مهما يكون هادئ اكو منو يثير اعصابة وغفران جانت ثير اعصابة يكره وجودها بلبيت ويكره ياكل من ايديها واذا شافها قريب من غرفتة يصرخ .

نهاية لبارت اتمنى يعجبكم واذا اكو اخطاء او اي سرد معجبكم اتمنى تكتبون بلتعاليق وشكراً على لقرائة.