قصة مريم

البارت ١٨

" يروحي احبج واموت بيج وفراكج عني مااتحملة وباجر داز امي عليج اخطبج امام لله ولعالم حظري روحج"

عندما اجلس بجانب زهرتي التي زرعتها في الصيف وقد حل فصل الشتاء وهي جميلة ومتفتحة انظر اليها وتبدأ افكاري بلقدوم الى رأسي وانا ابدأ بطرح الاسئلة ويبدأ عقلي بتحليلها ، كان اول سؤال ويبدو ان اسئلتي كانت مجرد سؤالاً واحد واقعي لكنه صعب التقبل كان السؤال هو هل نستطيع تغيير الواقع ؟ وهل يستبدل الواقع بواقع اخر ؟ عندما كنت في محاظرة لدكتورة النفس في جامعتي قالت "هل تغيير شخصية انسان سلوكه وتصرفاتها وافعاله ؟ " هنا بدأ الحاضرون بقول لا لكن واحداً منهم قال نعم! فقال " يتغيير الانسان عندما يكون متزن ؟ فسئلته ومتى يكون متزن؟ فأجاب في المواقف "

علي انسان ردت افتحلة قلبي درت انطي فرصة لنفسي شخص يحبها يهتم بيها ردت روحي تلجأ الانسان ردت اكمل مشي بذاك لطريق الطويل وصعب لمن جنت كاعدة وية صديقتي بلجامعة سئلتها عن الشريك كالت هوة شراكة بكلشي تكوناً شخص واحد بجسدين تتشاركون كلشي بلحياة اكل شرب طلعة مشاعر احاسيس حتى لوقت ، ضايت افكر بكلامها وردت اجرب المشاركة لكالت عدها ، بعد موصلتني رسالة علي معرفت شجاوب صرت افكر هواي ونقسم تفكيري الى جهتين جهة افكر اني احبة لو لا وجهة دكول مينا بطبعي من افكر امشي اتحرك مااثبت ضليت امشي واتحرك ذكرت سطح لبيت افضل مكان وهدوء رحت فوك ضليت افكر وسمعت صوت عمو جاسم يسئل علية طلعت من سطح بسرعة ندهشت بمصطفى ضليت صافنة بجهة مااحجي شي بديت اباوع بعينة بملامح وجهة نسيت لموقف وناس وكلشي نطلح براسي علي احس تشتت بعقلي مكدر اسيطر ماحسيت الا على مصطفى يهز بيا ويصيح هاي الووو يمعودة ؟
مريم:ها!ها!
مصطفى:جنت سوين هنا؟
مريم:مدري.
مصطفى: مريم ...
ديحجي صاح عمو مرة لخ مريم وين مريم عافني مصطفى وكلي نزلي ابوي يريدج نزلت وطلب عمو مني اجي اساعدة بلحسابات اول مرة يطلب مني كالي كبرت ومكدر احسب زين تعاي يمي حسبيلي وتأكدي وكعدت يمة احسب ظليت ساعة ويا الى ان انتهيت وصبو لغدة كاعدنا ناكل واني صافنة بلماعون اقلب بلحاشوكة منا ومنا وايدي على خدي خلصو اكل رحت اغسل اماعين هنا مو علية بس غسلتهن ماادري خلصت واجتني صفنة وحنفية مفتوحة صاح بيا مصطفى يمعووووودة !
مريم:ها!
مصطفى:شنو شبيج ليوم كافخج لعمة ؟
مريم:ياعمة؟
مصطفى:لا وثولة صايرة يعني مو بس لعمة وثول هم؟
مريم:احترم نفسك مصطفى لتجاوز؟
مصطفى:اي هاي لسانج عبالي بلعتي.
مريم:لا مبلعتة شوف هاي مبلعتة .
احجي وطلع بلساني ماحسيت علية الا يضحك بجهي وغمني بكصتي
مصطفى:شنوشو صايرة حلوة؟
حجة هاي جملة واحسة صفكني بجهي ياريتة ضاربني راجدي ولا هيج شافتنا نجيبة وصاحت بيا
نجيبة:لج مريمو ولي منا روحي اسقي زرع مو تحبي يلة ولي اسقي .
هنا وعتني نجيبة على لواقع جنة مفعول نجيبة خلة عقلي لمراهق يوكف رحت اسقي زرع واخذت قراري اكول لعلي اوكي تعالو بس كأن والدتك شايفتني وكذا لان مااكدر اكللهم وجاوبني علي "صار باجر ادز امي " جان مزاجي اوكي ريلاكس صح متوترة بس جان اوكي بليل كاعد بلحديقة وافكر وابتسامتي صغيرة جانت دخل مصطفى من باب لبيت لجبيرة كأن دخل باب افكاري احس اكو شي غريب اكو شي ناقص بعدت تفكير وظليت اتمرجح بموجوحة لحديقة بدون اهتمام
مصطفى:ها دسوين؟
مريم:ماسوي شي كاعدة.
اجة يمي وكعد بحانبي بس بعيد شوية وصار يمرجح برجلة .
مصطفى:اي مريم شو ماكلتيلي شبيج ليوم صاير وياج شي هواي تصفنين اشوفج وحدج كاعدة مثل هسة.
مريم:ماكو شي ممكن متدخل .
مصطفى:ها تغير لوجه رجعنا كما كنة.
سكتنا شوية رفع راسة باوع للسمة وكال ماكو نجوم بس قمر جاوبتة بسبب الاضواء هواي بلشارع وبلبيت
مصطفى:ها يعني تعكس ضوء علينا .
مريم:نعم.
مصطفى:صدك شلونج بلجامعة شنو الاجواء هناك حلوة؟
مريم:ماكو شي تمام ،،،بس شعجب سئلت ؟
مصطفى:هيج مدري حبيت احجي وياج.
مريم:من يمتة هذ وبعدين ليش جاي تسئل تريد ترجع لعلاقة بينا احب اكلك اني مااريد اتقرب منك فتهمت لو لا . (جان صوتي عالي )
مصطفى:مريم ترة عديتلج هواي كافي صيحين علية مو شفتيني اسولف وياج.
مريم:اي يااخي مااريد احجي وياك لا تجي يمي ؟
مصطفى:كافي مريم احترمي.
مريم:محترمة اني مصطفى جاي اطلب منك بس كعدت هنا وكلامك وياي يسببلي مشاكل اني في غنة عنها.
مصطفى:مشاكل شنو ليش اهنا مو ولد عم وساكنين بيت واحد؟
مريم:مصطفى لتغشم روحك اني مكروها هنا.
مصطفى:تقصدين امي ؟
مريم:اي نعم ،،،،عمة نجيبة تكرهني كره لعمة وسبب واضح؟
مصطفى:واضح شنو قصدج بواضح؟ مريم افكارج لتوديج بعيد امي تكرهج من من اول من ولدتي وزاد من مات ابوج الله يرحمة لتخبطين افكار .
مريم:اي ادري واتمنى اطلع من هذ لبيت لان هذ لكره دمر حياتي .
مصطفى:طلعين ؟
مريم:اي اطلع وياي مينا.
مصطفى:ههههه اسكتي مريم لتصرفين تصرفات تندمين عليها .
مريم:لا لتخاف اعرف شصرف لا انهزم ولا اسكن وحدي بس كوم خير يصير .
مصطفى:تقصدين تزوجين مو ؟
سكتت ظليت اباوع بجهة باوع علية جمدت مكدرت اتكلم اجة علية ولزم ايدي بقوة ظل يباوع بجهي وعيونة تخوف مكدرت اتحرك لو احجي واضحة لعصبية كلش شمر ايدي وطب ضرب لباب قوي واني نهاريت بلبجي شسوين شكلت اني تعبت من كلشي شسوي افكاري مجاي تنتظم شديصير وياي ظليت ابجي مسكتت كأن سمعت خبر وفاة مو وحدة باجر حبيبها يجي يخطبها ظليت ابجي وادعي ربي الى ان ارتاحيت

صبح كعدت صار بجهي مصطفى صبحت بجهة كعدت تريكت ويا مينا وبدينا نظف كتلها لمينا تنظف لصالة زين سئلت ليش كتلها بدون ليش بس سوي لكلج علية خلصنا تنظيف ورحنا لغرفتنا بديت اعدل وارتب بملابس دخلت سبحت وتعطرت ورتبت شعري وحطيت ميكاج خفيف باوعت على روحي شدسوي جنت بس هيج واكفة برود مااعرف ليش واكفة هل وكفة وليش مرتبة نفسي مشاعري وافكاري مدينجمعن سئلتني مينا للمرة المليون اكو شي تنتظرين احد ؟
مريم:باعي راح اكلج بسرمو سوين ضجة بيني وبينج اوكي.
مينا:ماشي بس احجي لفضول راح اموت.
مريم:علي راح تجي امة ليوم تخطبني .
مينا:كولي والله ،،،، هااااااااااااا كللليش يمة شايفة كل لخير .
ظلت تبوس بيا
مريم:شبيج مامزوجة ترة .
مينا:حتى لو يلة حتى وراج اني هااااا.
مريم:شنو؟!
مينا:اشاقة والله اشاقة باي .
ركض جوة رسن صارت ساعة ٤:٣٠ رن جرس لبيت ورن ويا كلبي جمدت بمكاني فتحو لباب طلعت راسي من باب غرفتي اشوف منو دخل ماشفت شي نزلت بسرعة اني وشعري لمفتوح وتراكي الاحمر وعطلي يكفخ لواحد كفخ حتى كفخ مصطفى ولزمني من ايدي واني انزل بسرعتي جرني وكعت على حديدت لدرج باوعت بجهة وصحت
مريم:شبيك وخر ايدك مصطفى وخر لازم ايدي بقوة .
مصطفى:وين منو اجة وهيج تنزلين تركضين وشمسوية بروحج.
مريم:مالك دخل عوفني وخر .
احاجي واجر بايدي وهوة لازمني قوي تعصبت مكدرت اتحمل ودفعتة بقوة لزمني من اكتافي وكص سنونة بهلحضة صاح عمو جاسم شكو شديصير مصطفى ،،،، مريم ليش صيحين تعالي ! جريت ايدة ورحت لعمو دخلت علية باوع ابتسم دخل وراية مصطفى .
عمو جاسم:هاي شطالعة كمر الله يستر عليج .
ابتسمت ورديتة شكراً عمو .
عموجاسم :عمو اجت مرة للبيت خطابة !
مصطفى: يابة اني احب مريم .

"ويسئلونك عن الروح قل هي داءاً ودواء تصنعه وتتسبب بموته وتعيده للحياة"