قصة مريم

البارت٢٠

...وصلت للبيت واشوف لناس ولعشيرة كلها موجودة وصوت صريخ مو طبيعي قلبي ظل يرجف ويدك بسرعة رجلي صارت تمشي سريع وحدها مدري شأسوي جزء مني يكلي لدخلين وجزء ثاني يكلي روحي شوفي دخلت عليهم ولكل منهار ويصارخون ونجيبة تلطم على وجهة وتبجي ومحمد لازمها هي ومينا وغفران لازمة بتها وتبجي اباوع بين لناس مصطفى رجف كلبي ماكدرت احمل نفسي حاولت اوصل لمينا بس اريد افتهم شديصير سئلتها مينا منو فدوة مينا وبعدها مكدرت اكمل كلام ولا اسمع اي صوت استمريت نايمة يومين بلمستشفى ماصحيت واسمع اصوات يمي تروح وتجي اسمع اجزاء من اصواتهم ومااعرف منو بلضبط لان تعبانة احس سمعي وبصري موزينات ولا جسمي وجع بي حسيت الالم ولكتمان صرت احسة بجسمي سمعت صوت يهمس يمي صوت قرآن جمييل ارتاح جسمي وروحي ارتاحت كدرت احرك نفسي وعيت بتفكير وصار تفكيري يم مصطفى فتحت عيني شفت مينا شافتني وكمزت من مكانها
مينا:مريم مريم تسمعيني
شافتني مينا وبدت تبجي وبجيتها مال اطفال مخلتني كلشي افتهم اريد احاجيها متسمعني خبلتني اجيت وضربتها براسها خفيف
مريم:بس انطيني مجال احجي!.
مينا:ها والله خايفة عليج.
مريم:حياتي اسفة خوفتج علية .
مينا:بعد لسويها .
مريم:مينا شنو شصاير ؟احد صالة شي؟
سكتت مينا وسكوتها رجف كلبي كتلها كولي مصطفى بي شي ؟
مينا:لا عمو ؟
كالتها وبجت باوعت نصدمت اختفة كلشي من كدامي احتفة تفكير فجأة ونزلت دموعي وحدهن حظنت مينا وضليت ابجي عمو جان السند لوحيد الي والمينا بلحياة نحبة كلش ونعتبرة ابونا لثاني ، بعد ما صحيت اجة ابن عمتي حيدر للمستشفى ياخذنا ولطريق كلة اسئل شعجب مصطفى مااجة ؟
وصلنا للبيت وجان مليان ناس عفت لدنيا كلها وعيوني دور على مصطفى صارت روحي بي ماادري صاحتني مينا فزيت سئلتني شبيج
مريم:ماادري مينا
مينا:امشي نروح لغرفتنا .
مريم:مصطفى وين؟
مينا: مااعرف .
رحنا لغرفتنا نغير ملابسة وننزل ظليت فكري يم مصطفى قطع تفكيري صوت لمسج من تلفوني جان من علي كاتب بيها
"خوش مفاجئة مو انصحج بعد لتوصلين للجامعة"
دوخني شبي هذ مريض صدمني برسالتة جاهلتها ونزلت اساعدهم بلفاتحة وليوم كلة مشايفت مصطفى وناس طابة طالعة صار ليل وبدت لمواجيع نجيبة انهارت وشككت ملابسها ومكدرو يلزموها لان دخول نعش عمو للييت صار ليوم مثل لجحيم كلة حزن واوجاع عمو جان بلنسبة النا ظهر وسند وحماية وجيش وكلشي بلنسبة النا كلنا روحتا اثرت بينا كلنا ، بعد ثلث ايام من لفاتحة محمد اخذ مرتة وابنة لبيت اجدادهم ومصطفى ثالث يوم يلة شفتة جان يرجع للبيت بليل وليوم كلة موجود بلفاتحة مال زلم مجنت اكدر اشوفة ولا اشوف حزنة نجيبة رجع تعاملها ويانة نفسة واسوء صارت تصرخ بلبيت وتؤمر وتنهي بلبداية جنت اظن حزنها غضب لكن يزداد سوء

صارت لغروب وبدة لبيت يصير وحشة جنت كاعدة بلصالة اني ومينا  وبالي كلة يم مصطفى صرت اكول بيني وبين نفسي كون يدخل مااعرف ليش هيج صار بيا بعد حادثت عمو ختنكت واني كاعدة وبجيت باعت علية مينا وصارت تبجي وياي شوية وسمعت صوت لباب دخل مصطفى علينا رفعت راسي جنها روحي ردت صفنت بجهة بملامحة شكد تعبانة صفنت بعينة لكلها حزن دخل وكعد واني صافنة بي كال لمينا جيبلة مي جابتلة مي واني كاعدة مااحجي حتى مارديت على سلام عليكم دخلت علينا نجيبة صاحت بجهي شعندج كاعدة كومي على ماعين عفتهم ورحت مردت صير مشاكل رحت للمطبخ واني على لبطيء اشتغل كل شوية صاحت بيا مينا دكلي ستعجلي عندي قراية قريني واني ذكرت الاكل
مريم:مينا اكلج روحي شوفي مصطفى جوعان
مينا:مدري !بس ليش اول مرة سئلين على مصطفى اذا جوعان
مريم:روحي سئلي مينا عيب مو وكت دفاتر عتك.
راحت مينا تسئل واني وحدي بدون مااعرف جواب حميت لغدة اجت علية كالت اي يريد خلصت لاكل وديتهم الة دخلت علية كاعد بلصالة وعيونة بلكع صافن انتبه على وجودي حطيتلة لاكل باوع علية وسئلني شلون صرت
مريم:زينة لحمدلله ! انت شلونك
مصطفى:لحمدلله! جاي داومين؟
مريم:لا!
مصطفى:ليش ؟
سكتت مردت اجاوبة دخلت نجيبة وطلعت اني باعت علية من فوك ليجوة وسمعتها تحاجي مصطفى هاي شتريد ؟ رحت فوك حسيت بحزن مو طبيعي نقهرت مستقبلي دمرتة بايدي اني من ورة غبائي ولحب ماسئلت عنها وافقت علية على لعميان وسويت كلشي سر بينما لو بس سؤال واحد سائلة جان طلعت حقيقتة بس غبائي ، ظليت اووم نفسي دائماً على هذ لموقف وعتزلت كلشي صرت اخاف واتوتر من كلشي نمت بفراشي نومة طويلة ضليت شهر على هاي لحالة وبهذ لوقت صارت امي تتردد للبيت رايحة راجعة وسولف وضحك هي ونجيبة صرت ماشوف احد ولا اكعد يم احد اكل واشرب وحدي رجعت غفران وبدت سويلي مشاكل وتلح وياي لان نايمة بغرفتي مااطلع ونجيبة صيح ودردم علية ومينا صايرة بوجهم اريد انزل ادافع عن نفسي اساعد اختي لصغيرة وهذ واجبي مو هي تعتني بيا بس جان لكتئاب لبداخلي مخيف ، مصطفى يسأل مينا عني دائماً بس مااريد اشوف احد ولا اريد اتواصل ولا اسمع احد بدت امتحانات مينا وصارت تدرس يمي واني انزل اشتغل بدلها واسمع حجي من نجيبة وغفران واغلس لان مالي خلك كل احد بس لشي الي مفهمتة تردد امي للبيت وبوقت جنت كاعدة اغسل ماعين غدائهم بعد ماغفران اجت تفيك علية
غفران:هاج نظفي هاي صينينة وياج لحمدلله سبعنة اني وحبيبي محمد .
مريم:شتحسين حبيبج محمد مين جاية انت من ياملة حتى من تتموعين تلعبين نفسي .
غفران:اكلي ... لج خالة نجيبة خالة نجيبة.
اجت نجيبة وظلت تدلع عليها ونجيبة بدون دلع تكرهني وصارت تصيح وتعيط علية دخل مصطفى شافني اني ساكتة وامة تصيح وتغلط علية
مصطفى:يمة شنو شكو حسج واصل للشارع.
نجيبة:اي هاي بت لك..... وصلت حسي للشارع
مصطفى: يمة ترة ساكتة هية انت دتصيحين.
نجيبة:لك تحاسبني لك انت شنو مو ابني متستحي على روحك دائماً دافع عن هاي بت ل خ.....
بعدها ممكملة صاح مصطفى : كافي كافي نصطر راسي شنو هاي يمة جبيرة انت جبيرة .
سمع محمد لحجي وطلع يصيح على مصطفى لان صاح بنجيبة وصارت عركة شكبرها
محمد:لك ليش صيح على امي متستحي
مصطفى:انت هنا لعد من هنا ماسكتتهن لو تكعد جوة تسكت عادي يتصايحن وحدهن عاجبك.
محمد:مصطفى اسكت ولتحجي وصوتج ميعلة هوا بلبيت فتهمت لو لا .
مصطفى:صار ميعلة بس خل بالك ترة نسوان هنا يتصايحن بيت حكمتة نسوان .
محمد: لا اني هنا جاي اصرف .
مصطفى:اي واضح من اسب ولغلط مال مرتك .
نطت غفران ماغالطة ماغالطة هي لغلطت كالت تلعب نفسي منج .
محمد: بس كافي غفران روحي لغرفتج
نجيبة: جا هاي اخايسة دافع عنها مصطفى.
محمد:يمة كافي احترمو جثمان ابوية .
مصطفى: اعتذر خوية احسبها علية.
محمد:مصار شي مصطفى ،، بس اوعة على نفسك .