قصة مريم

البارت ١٥

البارت ١٥

كرار
اني شخصيتي باردة ولا مبالي كلش احب مينا لان لطيفة حبابة وفية وكل لصفات لحلوة بيها ومفديوم شفتها اذت احد وتساعد لكل والدتي تحبها كلش واني حبيتها على شخصيتها لحلوة بدت علاقتي وياهة وعيت عليها من مات والدها جانت بعض الاوقات تبجي يم باب غرفتي اسمع ونين لان غرفتي قريبة على لسطح عبالهز مااسمعها تبجي وتروح لحد مايوم من الايام رحت كعدت يمها واني صغير جنت اكعد نسولف اني وياهة وتروح ارتاحتلي هواي صارت تجي للغرفة مالتي نلعب سوة مع لعلم جنت اني نهائياً مااحب احد ولا احب شخص يجي يمي ويتقرب جانو يصيحولي لاكئيب زاد تعلقي بيها وجانت من اعز اصدقائي ولوحيدة وبلسنة الي اهلي قررو يسفروني بلكي اشوف حياتي هناك واطلع وانفتح وية لعالم لكن ماكو نتيجة هم ظليت كاعد ومحتبس ورجعت للبيت وخيبت لامل على والدي لكن رجعت للعراق شفت شي مختلف شفت مينا تجنبني وتشوفني شي غريب ضجت حييل وتعمدت اطفل عليها لكن اختها محبت هذا شي وصار عراك بينا والى الان احب مينا ومتعلق بيها ،جنت افكر بيها نزلت حتى اشوفها وين ودسوي باوعت عليها من لطابق لفوك واكفة بنص لبيت وساكتة تباوع بلكع يعني شاردة اجيت كتلها دسوين فزت وركضت للغرفتها يربي الى متى تجنبني
مريم:شبيك وية مينا؟
كرار:ها مريم مابية مريت منا وسلمت عليها وهي فزت .
دحجي وية كرار دخل محمد كال سوو طريق جتي لعالم وكلي سويلهم جاي مريم صحت على كرار كتلة وين عمة وغفران مااعرف شنطيهم خاف صير مشكلة كال مموجودات شتنطيهم انطيهم شغلت عمل مو كعدة عشاير اني هم سويت جاي وقدمت مشروبات وكيك خير من الله شوية وصرخ محمد
محمد:شبيك انت شبيك ؟
لرجال:اريد فلوسي .
محمد:وماكلهم عليك اني تعبتنا بكل لطرق جيناك وناس كلها رضت الا انت .
لرجال:اي نطوني فلوسي هسة شرايد منكم اني .
محمد:لك كافي شنو هل جشع دنكلك ازمة ازمة حاول تكون عندك ولو ذرة انسانية .
لرجال:والله لانسانية خليتها لمؤوسسة لحقوق تنطوني فليساتي لا احولكم على لقانون .
محمد:لك ليوم اسوك قانون ابن ،،،،،
وظل يغلط محمد ومصطفى يصيح علية يريدة يسكت ورجال واكف بلباب ويتهدد باوعت عليهم من بعيد مااكدر اروح لرجال منا اباوع على عمو لازم كلبة ويتلوة  ومحمد مامنتبه علية شفتة تهسترت عفت لرجال وشباب وجاي ادخل شافني مصطفى طلعلي لزمني من ايدي وعاط بجهي مخلاني ادخل عليهم
مصطفى:تخبلتي
مريم:وخر عمو عمو راح يموت .
كتلة على عمو دفعني بلغرفة مالتة وقفل لباب وراح ضليت اضرب بلباب مثل لمخبلة نزلت علية مينا وفتحت لباب اشهك من لبجي حضنتها وظليت ابجي
مريم:مينا ادعي ادعي عمو ميصير علية شي اذا راح ننتهي
مينا:ليش شكو شصار ؟
مريم:اجتة نوبة قلبية قبل شوية .
مينا:يمة سترك ربي يشافي ويرجع بلسلامة كومي غسلي زين انت ليش هنا ؟
مريم:هذا مصطفى حبسني وراح.
كرار :شكو شبيجن ؟
مريم :اكلك انت ماعندك احساس ماعندك ضمير ابوك اجتة نوبة قلبية .
كرار:صدك تحجين .
مريم:لاصدك هسة يلة وصلك لاستيعاب .
كرار:اسكتي بابا هسة اتصل بيها مااكدر اروحلهم شلون اعوفجن.
اتصل بيهم كرار كلولة داخل لغرفة مرت ساعة اجتي نجيبة وغفران حجينالها على لصار كامت تلطم على وجهة وتبجي شوية وكامت اخذت كرار وراحتلة واحنا ظلينة ليوم لازم تجي سارة جانت بيت اهلها خطية رادة روحها بس لحالة لنفسية بسبب مصطفى
سارة:ها ولج شلونج؟
مريم:لحمدلله زينة.
سارة:اكلج شكو شو هدوئ.
مريم:عمو ضربتة جلطة وقوية هل مرة نايم مستشفى .
سارة:يا سترك ربي .
نجيبة:هاي انت كومن دشوفن لبيت هوسة يلة غفران سارة مريم كومن نظفن.
مريم:عمة احنا بيا حال.
نجيبة:شنو بيا حال كومي لا اكطع هذا على راسج.
سارة:اي عمة صار كومي يلة مريم كومي .
وكمنا نرتب ونظف وهاي غفران تتعيقل بلماعين خلصنا لبيت كلة بليل كلش رجع محمد طمنة على عمو وكال باجر يطلعو هسة مصطفى نايم يمة اطمنا ورحنا انتبهت على صوت سارة تتكلم على تلفون وية مصطفى تشوفة شلونة خطية قهرتني لان حسيتها تحبة ابتسمت بداخلي ودعيت لمصطفى يقتنع ويرضة بلي قاسملة ،رجع عمو ومر اسبوع وماكو لناس الي يطلبو لعمو ولا اجوي بهذا لوقت غفران دخلت بشهرها صاللها اسبوع هم بيومها كاعدين كلهم بلاستقبال يتفرجون فلم واني ادرس وحدي شوية واسمعهم نخبصو ذاك يصيح جيب سويج ومصطفى يصيح على سارة تحظر ملابس نزلتلهم كالو غفران تريد جيب ضحكت
مريم:راح ينظم فرد جديد للعائلة ؟
مينا:على الله ميطلع خبيث مثل امة .
مريم:خبيث مو خبيث احنا نحب لاطفال نوب من بكبر يولي سارة جيبلنة جديد مو سارة.
سارة:ان شاء الله ،،اكلج هسة مينا ضاجت بطلت بزر لكعدة هههه
مينا:ليش اضوج بلعكس فرحنا بس غفران جيب خوش جهال .
سارة:ههههه يابة شكد عندج سوالف .
كرار:يوم لالي.
مريم:انت اسكت.
كرار:لاصدك ست مريم عيديها بلة.
سارة:شبيكم رويسية مريم على كيفج.
مريم:هذا اتخبل منا.
كرار:على اساس اني حبيتج مااهظمج .
مريم:دروح مزعج.
سارة:عوفي امشي تعاي خل نسوالف شصار بغيابي من جنت ماكو قبل شهرين ماسئلتج مصار عندي مجال؟
مريم:نصار شي نفس لشي.
سارة:اقصد مصطفى شسوة وين راح وين اجة.
مريم:نفس عادتة بس مرة رجع متأخر وشفت جرح على راسة نزلت اطمن علية تالي طلعلي صرصور وكلهم فززتهم.
سارة:ههه اي كالتلي مينا.
مريم:اي بس هذ .
رجعت غفران وجابت لولد بايديها وصارت لمعازيم رايحة رادة ، صبح لصبح رحت للدوام مثل كل يوم لكن ليوم كان غير وصلت يم باب لكلية ظليت صافنة على لسمة اني من محبي لسماء الصافية ، ظليت صافنة واتأملة وفجأة ومااحس الا وشخص ضربني على ظهري من قوة لضربة تقدمت ليكدام درت وجهي ولد بدراجتة جانت دراجة حديثة رياضية مشفت وجهة لان لابس خوذة عطت بجهة
مريم:شبيك وجع اكو واحد هيج يسوي اذا انت رجال اوكف خل اصيحلك لشرطي متستحي .
لولد:تعاي هاي مثل لدنكة وثول.
مريم:هذ عمو الي ضربني على ظهري.
جبت لرجال واجيت هوة شافة نزل من دراجة يفيك ونزع لخوذة باوعت علية صفنت سكت حلكي ماادري شصارلي وعيت على نفسي بسرعة وكتلة عمو شنو هل تصرف وبعدين يطلعون بنات لعالم مو زينة تفضل شمسوي لافندي.
لشرطي:بس عمو هوة ديكول ردت اضربها بلدراجة فدفعتها بدل ماادعمها.
مريم:عمو ضربني وبعدين شلون يسوق هيج اهنا.
لولد:وشنو لغلط عيني غير شارع عام ،،،استاذ اسمحلي ارجو لمعذلة واعتذر اختي بس انت منطيتيني مجال احجي هسة اترخص .
لشرطي:انتبهي بنتي مرة ثانية.
عصبت كلش اكيد ضربني شنو هذ ظليت اغلط علية بداخلي ظل هذا لشباب يطلع بجهي دائماً عبالك مراقبني هوة وجماعتة لشلة مالتة نصيحلها .
نور : اي مريم شسويتي علمود لتقرير؟
مريم:ها مسويت شي بعدني.
نور:لتخافين منحسدج.
مريم:اكلج نور هذ تعرفي لولد؟
نور:ياهو.
مريم:هذاك ابو لجاكيت الاسود ولبدي لماروني .
نور:ها هذ همام .
مريم:همام شو اول مرة اشوفة.
نور:انت عمية حبي هذ لولد ماكو بنية بلجامعة متعرفة ماعداج طبعاً وهسة صرتي تعرفي محامي من عائلة محامين ابو قاضي والدتة محامية متقاعدة وثلث ارباع اقاربة وعائلتة يديهم بلقانون يكولون هذ لشي سمعتة اشاعة واضافة اذا حلو .
مريم:كافي اسكتي كومي ليوم ارجع للبيت من وكت ارجعج وياي؟
نور:وشلون ولخط مالتج ميروح هسة .
مريم:شعليج اخابر يجي ابن عمي ياخذنا كومي طكت روحي.
رجعت للبيت وجان كلشي هادئ اتصل بيا تلفون تفاجأت مكتوب علية والدتي رفعتة وسمعت صوتها حسيت بحنية اشتاقيتلها بس بعديش صار ثلث سنين مسائلة علينا صرنا نسولف ونحجي سوة تسولف شكد مشتاقتلنا وشلون صار عدها ولد عمرة سنة خلصت كلام وية والدتي صحت على مينا تحجي وياهة ونزلت اشوف شكو ماكو جوة شفت سارة طلعت من لغرفة مالتها ابتسمت الي نزلتلها حتى نكعد سوة كاعدين ونضحك ونسولف دخل مصطفى صاح على سارة بعلو حسة خلة بيا رجفة اجة عليها وجرها من شعرها تخبلت اني بس مكدرت اوكف ركضت علية ودفعتة ظليت اعت بي ويدفع بيا ويسحل بيها يريد يطببها لغرفتة ويكتلها طلعت نجيبة صيح ياستار ياربي شكو ركضتلها كتلها عمة سارة خطية عمة راح تموت بيدة اخذها ودخلها للغرفة وقفل لباب ونجيبة واكفة تتحسب على سارة
نجيبة:حسبي الله ونعمة لوكيل بيج تستاهلين اي عفية وليدي حيل بيها الي متسمع كلام رجلها هيج سوي بيا .
ظليت ادك على راسي تخبلت واصرخ اسمع صريخ سارة واصرخ وياهة رحت ادك بابهم بكل قوتي ماحسيت الا على كرار دفعني وكسر لباب وطب علية دفعة وطلعة برة ركضت على سارة اشوفها شبيها ماكدرت تحجي وياي اغمي عليها ، نفعلت من لوموقف وصرت اتصرف خارج عن سيطرتي اجيت على مصطفى ودفعتة وابجي ضليت اصيح الله لا يوفقك يا حقير واضرب بيا دفعني وراح طلع ضليت ابجي بمكاني وافتر ادور لمبايل اريد اخابر محمد يجي ياخذها للمستشفى طلعت غفران تفرك بعينها توها كاعدة
غفران :شكو شصاير صوت عالي لطفل فز من نوم ؟
باوعت عليها واني ابجي متت من لبجي نجيبة عافتنا وراحت كرار يحاول يهديني
كرار: مريم روحي شوفيها عوفي تلفون شوفيها.
مريم:لتخبلني كرار لتخبلني وخر مني حرك روحك ساعد.
كرار:ولج شوفيها صحت روحي شوفيها شتريد لبنية روحي ، روحي اذا وديناها للمستشفى راح يحققون ويانة خل نفتهم شصاير بلاول .
مريم:وطبة مرض خل يسجنو هذ مجرم.
كرار:مريم لتصرفين من كيفج مرة ورجال .
صاحت علية سارة اجي اساعدها رحت ركض ساعدتها ارتاحت شوية وكامت تلم غراضها ضلت تلملم وتعدل بروحها وتحجي ويا نفسها اني لجبتها لروحي تعبت خل اروح المن اصبر
مريم:شتقصدين ؟
سارة:الله يجازي كل نفس بما عملت .
مريم:احجي سارة كوليلي ولا اكلج لازم نشتكي علية.
سارة:ششتكي هوة حذرني وكلي ممنوع بس اني تعبت حياتي احسها مجهولة وفاشلة.
مريم:شتقصدين مدفتهمج؟
سارة:رحت توظفت وكتلة وكال مااقبل عرضي يفتر بين زلم.
مريم:اي!
سارة:بس عاندتة وتعينج بدون ماكلة لفترة لجنت يم اهلي بيها جنت اروح يومية للوظيفة ،ومن صوت اغيب لان اجيت هنا جنت خايفة احاجي وابوية تعصب من لموقف وحجة ويا وتعارك ويا وهسة اجة متعصب ،مريم اني تعبت تعبت من حياتي ويا مابيها هدف ابداً كل مرة اكول يعقل يعقل بس لا ماكو غيري الي جاي يتأذى وينخذل صالي ٣سنوات ويا ولحد الان مامتقرب علية تفهمين شحجي حسيت روحي منبوذة ولزكة ومتتعاشر بسببة كل مااريد اسويلة شي ماشوف منا رد ماشوف منا شي يفرحني ابداً .

ظليت ساكتة مااعرف شكللها اذا عافتة فراح تنقلب المور كلها واذا اكللها ابقي مراحة اساعدها بشي كتفيت برد واحد .
وهو
مريم:شسوين سوي هاي حياتج ومستقبلج ،اكدر اضع لوم كلة علية بس مااكدر اضعة كلة جان غلط منج تسوين شي بدون علمة جان عفتي وسويتي كل هذة بلاخير متأذة غيرج .
سارة:شسوي كليلي كلت انطي فرصة !
مريم:انت منطيتي فرصة صنعتي مشكلة ادري بيج تخافين بس جان غلط منج ،الافضل تعوفي وترتاحين .
سارة:اتصل بيا ابوية راح اروح اودعج مريم.
ودعتني وراحت ضجت حيل لان راح اخسر صديقة الي وحبيبة واخت بس لحياة اصعب من امنياتنا اتمنالها لخير .