قصة مريم

البارت -٥-

كل شي بهاي لحياة صعب استقمت على سجادتي وكعدت اشكي عن مدى صعوبة تحمل لقهر لبداخلي عن فقدان ابوية وعن زواج امي وتركها النا وعن نجيبة الي ماحبتني فد يوم اسمع صريخ عمو جاسم على نجيبة ويصارخون ومصطفى يافكك ومحمد يريد يسكتهم وميسكتون .
مينا:خالة نجيبة السانها طويل .
مريم:اش عيب تحجين هيج بمقام امج هاي عيب.
مينا:شفتها شسوت بيج عوفيها مريم لضوجين انت.
مريم:حياتي مضجت من حقها كلشي تحجي يلة تعاي اسمعلج حتى نام باجر تقرين لبقية.
مينا:ماشي .
صبح مكدرت انزل ظليت نايمة بفراشي صار لعصر واني مطالعة من غرفتي شوية وندةت لباب عمو جاسم .
جاسم:عمو مريومة وينج فتحي لباب.
مريم:اي عمو .
فتحت لباب ودخل كعد بلغرفة وصاحني اكعد كبالة.
جاسم:عمو لضوجين من خالتج نجيبة تعرفيها كلبها طيب وحبابة مو قصدها.
مريم:مضايجة عمو هي بمقام والدتي مااعرف ازعل عليها.
جاسم:بارك الله بيج بنيتي،يلة كومي مماكلة شي من صبح مو.
مريم:لا.
كمت وية عمو شفت لصينية محظرة هي والاكل كعدت اكل دخل مصطفى.
مصطفى:الله يساعدكم.
جاسم:ويساعدك اكعد اكل .
مصطفى:اي ميت جوع يمة يمة صبيلنا بعد تمن.
خلصت اكل وكمت سمعت صوت مسج على تلفوني من مصطفى مكتوب خل نحجي مسجات،باوعت علية ليش دز مسج رديت علية ماشي.
مصطفى:علمود لبارحة كلتيلي محتاجتك بشغلة صاير شي؟
مريم:اي بس مو شي مهم كلش.
مصطفى:اذا مومهم شنو لخلاج تنزلين علية ركض .
مريم:ماادري.
مصطفى:احجي مريم شنو شغلة.
مريم:حسابي مال انستا تغلق فجأة يوم كامل ولبارحة فتحتة لكيت متغير كومة اشياء بي .
مصطفى:يعني مخترقي؟
مريم:ماادري!.
مصطفى:حطي جهازج على لثلاجة من اكوم اخذة واسوي الج وحذفي رمز جهاز.
مريم:ماشي.
مرت ثلث ايام وجهازي يم مصطفى كمت اضوج من لكعدة وحدي وخاصة اني مااحب انزل اخاف صير مشكلة ومااكدر احجي وية مصطفى مينا صار اكثر اوقاتها وية مرت محمد غفران لوضع مطمني مينا صارت كل يوم يا تجيني غاطة بلنوم يا تجيني متأخرة كلش وتنام بسرعة ، رحت اشوفها وينها صيحت مينا مينا يم غرفة محمد طلعت غفران كالت نايم
مريم:ليش شعجب مينا متنام هيج وقت.
غفران:مااعرف هاي نايمة جانة نسولف اني وياهة وشفتها غفت.
مريم:ترة جبيرة حتى تغفة مثل جاهل عمرة خمس سنين.
غفران:اووي شكد تلحين غير نامت شنو اضحك عليج طبي شوفيها .
مريم:من تكعد كليلها اختج تريدج.
عفتها ورحت بس بالي يمها ليش هيج نامت مينا متنام بس بليل نومت ظهر مموجودة بقاموسها امشي وافكر بمينا وصاحني مصطفى .
مصطفى:بش بش !وين تفكرين؟
مريم:ها همزين شفتك.
مصطفى:اوووه صايرة تتحمسين لشوفتي؟
مريم:لابس تلفون مليت من لكعدة وحدي .
مصطفى:عبالي تردين شوفيني.
مريم:لايمعود لتشاقة هسة امك تطلع من حايط غرفتها.
مصطفى:خرب يومج على هاي سالفة .
واحنا نسولف سمعت صوت جهازي يتصلون بي اني خطي هلكد مامعلق وماحطلة رصيد غلق بس شنو نفتح؟
مريم:هذا صوت جهازي؟
مصطفى:اي .
مريم:حطيت بي رصيد؟
مصطفى:اي منو يتصل؟
مريم:مااعرف محد يتصل بيا اني؟!
مصطفى :اخاف والدتج اوكفي هنا خل اجيبة.
مريم:ماشي.
راح يشوف منو يتصل شوية واجة كال منو هذ جام رقم غريب كتلة ماادري والله مصطفى ماعندي هيج رقم ابد كال تعاي طبي بلة خل اشوف منو هذ ، دخلت لغرفتة واني عندي احساس راح تصير مشكلة جنت ادخل واطب بكيفي حتى مرات انام بغرفتة من اخاف وحدي ومينا تنام يم بابا وماما بس من مات بابا صارت نجيبة تصنع تفرقة بينا ، رد على الاتصال مصطفى ومن سمع صوت لمتصل نزعج كلش ورفع حاجبة واني اعرفة لمصطفى شكلة يتغير من يكون عصبي وهوة ابيض يصير احمر دم من لعصبية
مصطفى:اي.......منو انت؟.........كلي منو انت؟........شوف قسماً عظماً اذا سويت شي حتى اذا جنت جني الكفك وراح تذكر هذا لكلام انت ندكيت بلناس لغلط .
خلص كلامة وسدة من كلامة وشكلة لتغير توترت وقلقت ورتفع ضغط عندي كلت صاير شي بس لا مصيبة.
فوك كل هذا قلقي وتوتري نفتحت لباب واباوع نجيبة وجان صفك وصيح بعلو حسها ام زلم الي ماكدرت تنتظر لسنة مال رجلها تطلع علمت بتها شلون تجذب لزلم بس مو علية متجذبين ابني الج فتهمتي لو لا.
مصطفى:يمة شنو هل حجي .
نجيبة:ياحجي هذا صح مرة اشوفها حاطة ظهرها بظهرك ومرة تفز وياك حتى شوفك صبح ومرة بلمطبخ لك اعرف سوالفها.
مصطفى:يمة كافي كافي حجي باطل ظلين باطلة ومتعرفين تصرفين .
نجيبة:لك اني باطلة اني دكلي باطلة علمود هاي بت ........ اني اعلمها .
جرتني من شعري وتضربني على وجهي واني نهاريت ظليت اصرخ وادعي عليها مصطفى حاول يفكها اخذتني خارج لغرفة وبنص لبيت وظلت ضرب بيا وتفشر على اهلي ادفع بيها قوية جسمها قوي ومااسمع الا صوت عمي جاسم هز لبيت هز وكفت نجيبة ودفعتني بلكع مثل لوحدة لزانية ولزموها طلعو كلهم من غرفهم شافوني واختي مينا تباوع علية شعري مكفش ياختي مشكوكة من لجر وجهي احمر من ضرب مكدرت احجي شي حسيت روحي ذاك طير لوكعة لصياد بمصيادتة .
نجيبة:اخذ بت اخوك هاي ل....... تعرف وين جانت وين لكفتها.
جاسم:نجيبة طلعي برة ماصيريلي مرة لا وحق رب هذا لكون لا اريد اعرف وين جانت ولا تعرفيني اطلعي برة.
نجيبة:لك جاسم تطردني من ورة هاي لدبسز لك شفتها بغرفة مصطفى بهل ظهرية وحدهم لوما اطب عليها جان غرتة لابني .
جاسم:لج شنو غرتة شنو بهل ظهرية لج نجيبة هاي مريم مريم لج جانت عايشة وية مصطفى سنين كلها هسة صارت تغري لج اطلعي برة لا اكتلج هنا واخلي جهال كلها تضحك عليج ظاهر متردين احد يحترمج انت .
من يحجي عمو محد يكدر يحجي وية لو يقاطعة اخذ نجيبة من ايديها وظل يجر بيها يريد يطلع .
محمد:يابة اوكف.
جاسم:ارجع بمكانك لتدخل .
طلع عمو واخذ نجيبة مااعرف وين راحو اجة محمد يمي باوع علية بنظرة قرف .
محمد:عاجبج لسويتي لو كاعدة بغرفتة وساكتة .
مصطفى:لك انت مو رجال شنو عاجبج مو بتعمك هاي لو غريبة؟
محمد:على اساس لبنات ينحزرن هل ايام كلشي يعرفن شو شمسوية بعقلك وخالتك هيج دافع عنها .
مصطفى:لك اسكت لا اخلي دمك بطولك هسة.
محمد:امشي غفران حضريلي لاكل.
كمت على حيلي بعد ماسمعت هذا لكلام وبعد ماكلهم تغيرو وشفتهم على حقيقتهم كل هذا جان مضموم جوة هاي لملابس لملمت نفسي وكفت على حيلي هاي لحياة متعبة باوعت على مينا دارت وجهة مني وراحت وية غفران كل هذا لصالي ياعدل شعوري لمن اختي بعدت عينها عني عفتها وصعدت لغرفتي ابجي ورغبتي يم ابوية محتاجتة بكل نفس اتنفسة بهاي لحياة وهوة مو يمي .

انا كالطير الذي كسر جناحه الصيد كي لا يطير .