قصة مريم

البارت-٣-

البارت -٣-

اول يوم الي بلمدرسة دخلت لصفي جان بنات هواي بكل رحلة كاعدات ثنين ومقبط للاخير باوعت لكيت لمراقبة واكفة تسكت بيهن كلتلها وين اكعد
لمراقبة :انتظري لمدرسة لمن تجي.
ظليت واكفة لحد مااجتي لمدرسة وكلتلي وين اكعد استمرت لمدرسة شهر اني ماعندي صديقت فقط بنية وحدة محجة لكن بلمدرسة تنزع حجابها وتسوي حركات بلمدرسة مال كبار يعني سوالف 🔞بوقتها صارت تتقرب مني خفت منها وجنت اصيح عليها من تجي مااريدها تكون مقربة مني
مريم:شتردين؟
هاجر:شبيج خايفة ترة مو بعبع.
مريم:ياهو كلج خايفة تلعب روحي منج يلة وخري.
اني كلتها وجان تضربني راجدي وكعتني بلكع وكامت تضحك علية
هاجر:عود تلعب روحج مني ههههه والله يالله هسة اشوفج منو تلعب روحة .
وراحت على مكان لزبالة كمت  ضربتها ودفعتها وتلغمطت كلها بلزبالة من هذا لحادث بدت عداواتي وية هاجر وكل شهر نازلة للادارة ولان اهلي معروفين جانو ميحاجوني شي وهي هم ، مرت فترة على هذا لعرك بديت ابتعد عنها واتغاضة عن بعض افعالها صار عندي صديقات وياي صرت اعشق وحدة وياي بلصف وكاعدة بصفي ابنية كلش حلوة ومرتبة تنطيني واجبها وتساعدني بواجباتي صارت علاقتي قوية بيها لدرجة نتراسل يومية بليل قبل منام بيوم طلبت مني صور ارسللها لان هي صارت دزلي شافتي مصطفى واني اراسلها كلي ديري بالج مو كل وحدة زينة وتثقين بيها
مريم :اعرفها بنية فقيرة .
مصطفى:حتى لو ترة لمصايب من دنغوزيات.
مريم:اوكي
مصطفى:اي شلونج مالونج ؟
مريم:والله لحمدلله.
مصطفى :اذا تحتاجين شي مريم كليلي ماشي .
مريم:ماشي.
خلص كلامة مصطفى وكام شوية وطلب مني لانستا تسجيل خروج باوعت ليش حاولت اعيد دخول ماكو ليش هيج صار صار ليل واني اريد حسابي يرجع ماكو فكرت احاجي مصطفى بهذا شي هوة يعرف للتلفونات
مريم:مصطفى حسابي نغلق فجأة .
مصطفى :شبي؟
مريم:مااعرف فجأة واني اتصفح سجل خروج .
مصطفى :عوفي ليوم لتفتحي خاف اكو مشكلة بجهازج لو بلانستا واذا ماصار باجر اشوفة شبي .
مريم:ماشي.
نمت وكعدت صبح جان يوم خميس غيرت ملابسي وتعطرت وطلعت وكفت على لباب اباوع على لحديقة مال لبيت كلش احب لزرع ولحدايق وفجأة حسيت اكو منو واكف وراية ويتنفس حسيت بانفاسة قريبة فزيت ودرت وجهي اباوع طلع مصطفى .
مريم:شبيك؟!
صفن بجهي مدري شبي .
مريم:صدك تحجي شبيك خوفتني؟لااحم ولا دستور؟
مصطفى:ها دشاقة وياج .
مريم:ها اوكي ليش كاعد اعرف ماعندك شغل هسة بل ٩عندك؟
مصطفى:ليوم شغلي صبح ابوية مابي حيل يكعد صبح راح استلم شغلة اني .
مريم:ها خير ان شاء الله نتريك انت متريك؟
مصطفى :لا .
مريم:يلة تعال راح اسوي بيض عيون وفنجان قهوة على هذا صباح مثلي لو غير شي.
مصطفى:مثلج عيني مثلج.
تريكنة وطلعنا وصلني للمدرسة وخابر على ابو سيارة كلة اني وصلتها جان يومي بلمدرسة هادئ صديقتي نور جانت تصرفاتها غريبة شغلت بالي كلش جنة كاعدين سوة نراجع درس شاقيت وياهة كتبت على كتابها بقلم لحبر نور؟!
نور:شبيج شنو هل لواكة.
مريم:شنو؟
نور:اي ضلي شنو وشنو متعرفين كتاب نظيف ليش شخبطين شراح يمسحة هسة.
مريم:دشاقة وياج !
نور:اي لتشاقين هيج بعد.
وعافتني وكامت نقهرت من كلامها باوعت لبنات كلهن يبااعن علية حسيت باحراج كبير خلصت لمدرسة ورجعت للبيت وكل هذا لوقت افكر ليش سوت هيج وصلت للبيت غيرت ملابسي وتغديت فكرت احجي وياهة ليش هيج سوت رحت اراسلها تفاجأت لرسائل مالتها محذوفة وجميع صور دازتلهن هي محذوفة ومطيتني حظر فاجأتني اول مرة سوي هيج ذكرت الانتسا دخلتلة نفتح بس لغريب انو احس اكو رسائل مدازتهن خفت كلش نزلت اركض لمصطفى شافتني نجيبة صاحت علية شبيج فازة على لولد شكو صاير.
مريم:ماكو شي اريدة بشغلة
نجيبة:وشنو هاي شغلة؟
مريم:هيج كلشي ماكو راح اروح انام.
غفران :اي تنام مو اشتغل عدها اني اغسل ماعين وانظف وهي بس نوم.
مريم:شنو ليسمعج يكول غاسلة ملابسي وصعدين على غرفتي تنظفيها .
غفران:لا هاي لعايزة انظف غرفتج وملابسج.
جاسم:بس شنو هل حجي متعرفون مريض بلبيت متستحون.
مريم:اسفة عمو .
جاسم:عمو مريم اريد مي جيبيلي .
مريم:ماشي عمو.
انطيت لمي لعمو وصعدت لغرفتي غفيت شوية وفزيت على صوت مينا تكعدني تريدني ادرسها خلصت تدريس منا ونزلت اشوف مصطفى اذا جان بلبيت ، شفت مصطفى جان ياكل بلمطبخ .
مريم:مصطفى الله يساعدك؟
مصطفى:هلة مريم .
مريم:رايتك بشغلة.
مصطفى:احجي مريومة .
دخلت نجيبة صاحت اموت واعرف شني هاي شغلة.
مصطفى:شبيج يمة خلي لبنية تحجي لاحكة وراهة،احجي مريم؟
سكتت مكدرت احجي كلت هاي بس تعرف دكول عدها واحد هي منا بس تنك علية تريد ياخذون تلفون مني كتلة بعدين.
نجيبة:لا والله هاي طولها شبرين سوي روحها فيكة وعدها شغلة ومتحجيها .
لزمتني من ياخت لتراك وجر بيا.
نجيبة:شوفي لج تحجين شعندج والله ياالله بت ام رياجيل طالعة على امها اعرف شتردين بس مو واني عايشة .
ضلت تعت بيا واني ابجي ومصطفى لازم ايد امة يريد يوخرها صاح بصوت سكتت وطلع عمي جاسم يصارخ.
جاسم:لج نجيبة اليوم اموتج تمدين ايدج على بت لغالي.
نجيبة:قصدك بت ام رياجيل ملحكت تطلع سنة مال اخوج راحت زوجت.
جاسم:لج اسكتي استحي على شيباتج مرة جبيرة شجم دووم اضل اكفخ بيج كليلي.
مصطفى:صعدي لغرفتج مريم بسرعة.
عفتهم وصعدت اركض سديت لباب وكعدت ابجي .

وما اصعب ان تكون دون اهل
ومااصعب ان يتكلم عنك باطل 💔.

الحمدلله على اتمام كتابة البارت -٣-اتمنى ان ينال اعجابكم🌷🤍