قصة مريم

بارت ٢٢ والاخير

مريم:مصطفى احبك !
اعترفت لمصطفى بس جان تعابير وجهة باردة مانطق اي كلمة ظليت ابجي كبالة واتوسل بي يرجع يحبني لان احبة نجيبة ظلت تضحك علية وتشمت بيا وصار لبيت كلة يضحك علية حتى مينا تباوع علية بعين غيض نزلت لحد رجل مصطفى وتوسلت بي يحبني ويزوجني بس صاح بجهي ودفعني وطلع واني هنا فزيت من نومة عميقة باوعت بلغرفة ظلمة مينا نايمة ظاهر حلم جان بديت احس بخوف من تفكير حسيت روحي غبية افكر بمصطفى يحبني وخصوصا هو باخر فترة ابتعد شربت مي ونزلت اشوف شنو اكل لان فزيت جوعانة واني انزل لدرج شفت غرفة مصطفى مفتوحة الاضوية نزلت على كيف اباوع نجيبة بيديها بطل مي ولمي شكلة وسخ تقربت عليها جاي ترش مدري شنو بلغرفة من لبطل ظليت ارجف بمكاني لان هذ سحر واني اخاف من سحر كلش عفت كلشي وصعدت لغرفتي اركض لزمت تلفون وخابرت على مصطفى ظليت اتصل الى ان رد ونفجرت بلتلفون ابجي واردد لتدخل غرفتك
مصطفى:شكو مريم بس كليلي شكو ؟
مريم:ماادري ماادري يابة يابة الحكلي !
مصطفى:مريم مريم حاجيني شكو مريم فهميني .
مريم:نجيبة ،،،نجيبة !
مصطفى:شبيها امي ؟
مريم:كاعد ترش سحر بغرفتك شفتها بعيني .
احجي وابجي وسمعت طكة جوة حسيتة فلم رعب من الافلام الاجنبية ضليت ابجي بزايد واشهك وهي سمعت صوتي وصعدت وكعدت مينا من صوت صرت ابجي مثل لطفلة صغيرة فتحت مينا لباب الها
نجيبة:شبيها هاي لمطي تبجي سطرتني سطر.
مينا:حلمانة حلمانة.
نجيبة:خاب موت لكرفج يابومة شوكت تكبرين ؟
باوعت بيديها لبطل وفارغ شوية ودخل مصطفى للبيت وصعد النا بسرعة سولفتلة مينا كالتلة حلمانة باوع علية ضل يضحك على وضعي ومنظري ومينا هم كامت تضحك ونجيبة تغم بيا نزلو كلهم واني خايفة ارسلت رسالة لمصطفى لتنام بغرفتك حباب
مصطفى:هيج تخافين علية؟
مريم:اي !
مصطفى:صدك لحلو بيج صريحة .
مريم:راح انام تصبح على خير.
ومصطفى وانت بخير .
ومن هنا بدأت براسلاتنا وبدينا نسوف ونباوع لبعض من بعيد لان نخاف من نجيبة بس لشك صار براسي لان مصطفى ميتواجد بلبيت دائماً غايب واستحي اكلة وين انت لان علاقتنا مو قوية اضل بس افتر واباوع بلبيت مثل مراقب سجون ومن يراسل بتلفونة احاول اباوع على تلفون اريد اعرف منو يراسل ؟ اما بلبيت نجيبة يومية ترزلني وصيح علية على اتفه شي ومرات تضربني بس جان اكو شي بداخلي يخليني اسكت الي هوة حبي لمصطفى مع لعلم مجنة ذاك لحب ومراسلة وعلاقة لقوية بينا جان من بعيد لبعيد مرت سنة علو هذ لشي امي صرت احجي وياهة وتجي تشوفنا وجان كلام مينا صح وعرفت انو خطة لزواج جانت من تخطيط نجيبة وعمو جان يدري بهذ لشي لان لولا لجان اني مزوجة عندي اطفال هم لان سمع نجيبة تحجي بلتلفون ومااعرف شلون بوقتها اقنعت امي وافقت صرنا نطلع ونتونس ويا امي وتغيرت حياتنا اني ومينا شوية الى ان اجة هذ ليوم المنتظر دخلنا اني مينا للبيت لان جنة طالعين وية امنا ودخلت امنا ويانة شفت مصطفى واكف ومرتب روحة على اخر حباية تقرب لامي وكاللها
مصطفى:عمة ام مريم اني اريد. اطلب ايد مريم على سنة الله ورسولة واتمنى توافقون ؟ وتوافق مريم عمري وكلبي وروحي
سمعت هذ لكلام وبديت ابتسم واعيوني دمعت جان شعوري مو طبيعي جميل جداً جداً كأني حلم صرت ابجي واحس بكلبي يشتعل نار وحماس بداخل صعد فول موقف واحساس ومشاعر وكلشي جميل مو طبيعي موقف مستحيل يصير موقف جميييل بشكل تقرب علية وباس ايدي ولبسني لخابتم ولكل صار يسفق ويضحك وامي هلهلت ومينا صاحت بأذاني وطرشت ايذاني لان كاعدة على دفترها وماادري
مينا: شبيج وين سرحتي دفتر جعصتي ؟
مريم:وجع شنو هل همجية متعرفين تحجين طبيعي .
مينا:ليش انت جاوبتيني الا من صحت بذانج ، وبعدين فاتت من يمج عمة نجيبة ومسمعتيها غمتج وراحت ههههههه.
مريم:صدك ؟
مينا:والله شبيج هل ايام ؟
مريم:مدري خل اروح اتمدد شوية تعبانة .
صار ليل ولبيت كان هدوء محد بي بس نجيبة وغفران وابنها شوية واسمع صوت نجيبة تدعي على مصطفى مفهمت شصاير نزلت اشوف شنو شصار شفت نجيبة واكفة بنص لبيت وبيديها جنطة ولافة حجابة وعبايتها شافتي وصارت تدعي علية الله لا يوفقج لتريدي سويتي راح تهجمين بيت صالة عمر مرتاحيتي توفة زلمة هسة تريدين تهججيني
مريم:عمة شنو شسويت اني
نجيبة:شسويتي مو هاي حوبتي متروح هيج مريمو اني اعلمج بسيطة.
طلع مصطفى يهديها وصارت تعيط وتملخ بروحة اجيت ركض من حلات روحي اساعدها ولزمتني دك دك من شعري وتضرب بجهي مكدرت عليها شكبرها حولي دفعني مصطفى منها وضل يصيح بلبيت عليها
مصطفى:كافي ترة موتيني كافي شتردين بس كليلي شتردين مااكدر مااكدر اتهنة بس وياهة افتهمين ابنج اني ابنج ماترديلي سعادة؟
نجيبة:وية هاي مااريدة فتهمت مااريدها .
مصطفى:مو بكيفج راح اتزوجها تجين لعرسي هلة بيج ماتجين براحتج.
اني هنا نصدمت شنو منو يزوج ظليت اصيح منو منو هاي احجي مصطفى واعت بقميصة اشوف مينا تضحك واني متعصبة مشفت كبالي.
مصطفى:شوف حظي دحجي عليج وخي مني لتزيديها انت بغبائج.
وهذ جان اكثر موقف محرج صالي بحياتي من لفشلة عفتهم وصعدت ركض نجيبة راحت لبيت اخوتها وامي اجنت يمنة ظلت بحكم لبيت مابي جبير وكما نسمع اخبار من نجيبة اي اخذن لبيت وجهالي ، وبدينا نحضر للعرس مالتي ههه جانت اسعد لحظات بحياتي بس جنت حاسة بنقص اكو جنت افكر بشي وكلت لازم اطرحة لمصطفى حتى اذا موافق اني مااكدر اكمل ويا جنت حايرة شلون افتح لموضوع ويا حاجيت امي وجان ردها هو عادي كليلي ويسمع منج احسن وبيومها جان كاعد وحدة بلستقبال لبيت دخلت علية وطبعاً اني كل فترة لتحظير يومية كاشخة مدري اريد اكون احلى بنية يشوفها دخلت وجنت خجلانة وحدي بلغرفة ويا صح مو اول مرة بس شعور غير هل مرة
مريم:مصطفى ! ادخل ؟
مصطفى:تعالي تعالي دخلي بدون متستأذنين.
مريم:اريد احاجيك بموضوع.
مصطفى:اي تفضلي تعاي كعدي بلاول لو ظلين واكفة؟
مريم:اي !!!! اتمنى توافق.
مصطفى:اوكي يلة احجي شتردين تأمرين امر.
مريم:اريد اعيش وحدي اني وياك بأي مكان وباي سكن لمهم وحدنا .
سكت شوية باوع علية
مصطفى:اني مفكر بيها من زمان وبيتنة وحدنا حبيبتي قبل لدكليلي فرصة اجت لحياتي وصرتي الي شلون اضيعها؟
خجلت كلش من كال حبيبتي وكل هل كلام لحلو تقرب علية وحضني واني صار كلبي يدك بصف كلبة ضحك وعافني
مصطفى:يلة كومي طلعي بعد مااتحمل ،وكولي لامج مو جمعة تجي لا هاي جمعة لعرس.
مريم:معلية جمعة تجي اوكي.
مصطفى:اكلها مااتحمل دكلي معلية وخري وخري روحي اني روحي ضلت ترجف هي دكلي معلية دوكفي اشوفج لمعلية.
عفتة وركضت وكلت لامي ومثل مراد جمعة صار لعرس ونزفيت وجنت احلى عروس بلهذ ليوم وكلها فرحت وعشنة وحدنا بيتنة صغير نجيبة رجعت للبيت صح دوري مشكلة تجي للبيت مالتي توصخة تعيب علية مرات تاخذ مني اشياء بدرن ماادري بس يلة متحملتها لخاطر حبيبي مصطفى مريم وكرار نخطبو بس بعد منريد هسة يزوجون وتفقنا نعيش سوة طبعاً نجيبة موافقت ومينا اقترحت انو تعيش وياهم ماعدها مشكلة لخاطر كرار وامي رجعت لرجلها واطفالها وصارت حياتي احلى بعد من جبت لبنوتة بت حبيبي وروحي مصطفى .

هاي هي قصتي اني مريم اتمنى تكون حلوة شكراً شكراً لكم على قرأتها وتخصيص بعض من وقتكم لقصتي ربي يجمعكم بلتحبو❤️❤️❤️