قصة مريم

البارت ١٤

البارت ١٤
مينا: هو شنو الي راضية بي ؟
مريم:لتدخلين.
مينا:يعني انت ابد موفضولية؟
مريم:لا هاي اشياء خاصة وحرام اصلاً نتصنط.
مينا:متصنطنة هي وحدها صارت وسمعناهم.
مريم:كافي اسكتي اجة هذ كملت.
كرار:وين رحتن يلة خل نرجع .
رجعنا للفندق عمو كال بس باجر عدنا ولازم نرجع لبغداد تونسنة فعلاً لكن اني يمكن حاسة بلفضول اكثر من مينا بليل جانت سارة نايمة وحدها ومغطية راسها بلبطانية ومينا تتفرج مسلسل كوميدي وكل ساع ضاحكة ضليت صافنا وافكر بيهم ليش لحد ماغفيت فزينا لفجر دنرجع وكل جانت تعبان وهلكان وصلنا للبيت وكلمن دخل غرفتة ونام غفران تريد تعرف لسفرة شلون صارت بس محد يمها
مينا:ضحكتني غفران خطية
مريم:اسكتي ونامي ماكو مثلها سمانية شكد اكرها.
شوية كاعدين وحدنا ودخلت سارة تعجبت دخلت حطتلها فراش ونامت وكان كلشي هادئ محد حجة نمنا وهاهية مرت ايام هواي بيها نقبلت بلجامعة وبديت اداوم جانت صعبة دروس والمحاظرات وتعب لكن ميخالف يهون خلصت هاي لسنة وصارت لعطلة نصف لسنة استراح بس اني ادرس ولو قليل على كعدتي وبيومها جنت كاعدة وحدي وسمعت صياح سارة فزيت من مكاني اشوف شصار طلع مصطفى هوة ولبرود الي بجهة يقتل دخلت للبيت شفت نجيبة تباوع عليها وتصحيلها تستاهلين انت مخليتي يتعلق بيج
مينا:حرام عمة سارة مالها ذنب
مريم:شنو شصار ؟
نجبية:ها عيني تردين تشمتين !
مريم:بيمن اشمت عمة شعلية اني؟ سارة كومي كومي وحاجيني شبيج ؟
نجيبة:اكول عوفيها شنو هل لواكة هاي كومي حاجيني وخري اشو دوخري
واني كعدة دفعتني نجيبة وكعتني وكمت سارة ودفعتها لغرفتها
نجيبة:اشو كومي انت ولي يلة لغرفتج تبجي عود عليمن على نومت يم هاي لسعلوة تبجين جنيتي على نفسج .
سكتت مردت اتعارك عفتها وصعدت لليل صاح عمو علية تفاجأت منا خفت من نجيبة كلش اعرفها تألف حجي نزلت جانو كلهم كاعدين حتى غفران وسارة ماكو استغربت لا هي ولا مصطفى !
مريم:عمو صحتني ؟
جاسم:اي عمو تعاي كعدي .
مريم:اكو شي عمو خوفتني ؟
جاسم:اي بس اكعدي لتخافين ماكو شي ،،،، عمو انتبهيلي اني مااضغط عليج ولا اتهمج ماشي بس اريد افتهم لقصة حتى احلها.
مريم:تفضل عمو .
جاسم:فدوة لكلبج،،، حبيبتي اريد بس اعرف سارة شبيها ؟
مريم:يعني شلون مفهمت.
جاسم:اخر فترة او كل لوقت جانت تبقة يمجن ومرات تنام وتعوف رجلها صاير شي اني مااعرف بي ؟
مريم:عمو هوة صاير شي بس محد يعرفة لا اني ولا اي واحد بلبيت غيرهم فاخلوهم هما يحلوها واذا ممقتنعين سوة لحد يجبرهم.
نجيبة:عرفت والله عرفت سمانية حية مو اكلك تحشي براس لبنية .
جاسم:سكتي نجبية ،،،، ليش تعرفين شي ؟
مريم:لا كلشي مااعرف بس تصرفاتهم دل على هذا شي انتبهو شلون محد يكعد يم احد واحد مكسور وثاني ممهتم.
نجيبة:اكلج ولج مو وصلتي لموحلة صار محد يحجي وياج وتتفلسفين براسي ترة ادوسج بهذ.
جاسم:نجيبة سدي حلكج لا اسدة الج ،،،، روحي مو كمل شغلج روحي .
عفتهم ورحت بس شر نجيبة مااظن راح اخلص منا صعدت لغرفتي كاعدة وافكر اكلني لتفكير هذ ليش هيج يسوي بلبنية معقولة مطلع ذيج لبنية من عقلة بس غريب مو جان يضحك ويبتسم اخذتني لافكار لليوم الي ضحكت امي علية بي وهم اخذتني لشكوك غريب امرة هذ لولد
مينا:ها دسوين؟
مريم:كاعدة ليش؟
مينا:كومي شوفي شسويت؟
مريم:شنو بلة؟
مينا:بقلاوة من ايدي .
مريم:صدك ،،،،، الله شكد طيبة عاشت ايدج ،، بس شعجب دطبخين هل ايام هواي؟
مينا:اريد اتعلم اطبخ ؟
مريم:اها اي عفية حلو لشخص يتعلم .
مينا:اي،،،، اكلج مريم؟ ترة خطية سارة ادري نجيبة ليش متحب احد ؟
مريم:ليش شكو شسوت هل مرة؟
مينا:دتحشي براس مصطفى ولولد افكارة متشابكة كلش .
مريم:اسكتي مالنة دخل اوكي .
مينا:اوكي .
مريم:تعاي وين رايحة؟
مينا:اودي بقلاوة الهم عيب.
مريم:ماشي.
صارت بل ٤ لفجر ومنايمة اتابع مسلسل جنت مندمجة بلمشهد لبطل يبجي على حبيبتة لان ماتت ومااحس الا وفز كلبي من لرعبة نسدت باب لبيت جان صوت هادئ بس اني جنت مندمجة لان هدوء لبيت طلعت اشوف منو جان مصطفى رجع باوعت انتبهت على دم على راسة خفت كلش شصايرة هذ دخل غرفتة واني رجعت بمكاني لكن بقيت قلقة وخايفة وافكار توديني وجيبني مرة اكول مااهتم وشسويلة ومرات اكول لتنسين شلون جان يساعدج عقلي ظل مشغول ومتوتر عفت تلفون ونزلت بحجة اشرب مي واذا شفتة اسئلة شبي واذا مطلع بعد مااعرف يصبح لصبح ونعرف نزلت ودخلت لمطبخ اشرب مي بس ماكو طولت شوية وهم ماكو باوعت شوية اكو زلاطة طلعتها وكعدت اكل ظليت اكل وماكو يربي راح تخلص لزلاطة بعد ماايست كمت وسمعت صوت باب نفتح كلبي ضل يوجعني ويدك سريع شوية ويطير ليش هيج يربي صار لمكان هادئ وعيني منتبها على باب لمطبخ وجان يدخل مصطفى مااحس الا على انفاسي تطلع مرتاحة راحت عيني على شي اسود يم راسة جانت اضائة لمطبخ على لخفيف مو قوية وبايدي مشتغل فلاش لتلفون وجهتا على عين مصطفى غمض ودنج وهذا لشي الاسود طار علية واني صرخت بعلو حسي ودنجت اصرخ وافر بايدي مااحس الا لكل كاعد وافزين خرب بدل مااشوف واحد فززتهم لدنيا كلها .
نجيبة:شبيج وجع.
مريم:صر صرصرصور .احجي وابجي
جاسم:صدك تحجين عمو ردتي توكفين كلبي .
غفران:شكد سخيفة .
نجيبة:اي مو طلعلج دينصور وثول شراح يرجع نومتي هسة،،،، امشي ولي صعدي .
مريم:وينها وين راحت اخاف .
مصطفى:روحي ماتت .
باوعت بعيون مصطفى بخوف ومتفاجأة نسيت اشوف شبي شرد واقعي شوية ورجعتلة وركضت لغرفتي تمددت بفراشي ساكتة بس عقلي صاخب باوعت طلع لصبح واني افكر يربي ليش دفكر احاول افتهم افكاري لكن مااكدر فزت مينا لصبح ونزلت تتريك عبالها نايمة بهذا لوقت غفيت فزيت على صوت نجيبة تلعلع تردني انزل نزلت اشوفها شتريد وطبعاً غسل ماعين على نتظيف بيت صوت انظف بلبيت اني ومينا ، ندكت لباب ودخلو مصطفى ومحمد يدخلون عمو كوة فزيت بسرعة وركضت علية
مريم:شبي شبي عمو؟
محمد:شوية وخري خل نودي يرتاح.
نجيبة:يمة جاسم شبي محمد شبي ابوك.
محمد: تعصب بلشغل واجتة نوبة قلبي .
نجيبة:يمة سودة بجي ليش مكتلي ؟
محمد:جنة مشغولين كلش مكدرت احاجيج .
نجيبة:يمة بعد متروح للدوام عوف ولدك هنا .
محمد:يمة سويلة اكل حتى ياخذ دوا ماشي .
طلعو كلهم من يمة باوعت علية هادئ ميتكلم غمض عينة وطلنا اني ومينا مر اسبوع عمو تحسن شوية ورجع لوضع على حطتة صارو يتناقشون وحدهم ويطلعون ويروحون نجيبة وعمو ومصطفى مرات يطلع وياهم مرات يضل لحد مااجتي سارة اني بدة دوامي صرت اروح صبح واضل افتر بلجامعة وية صديقاتي واتونس وياهن وارجع للبيت لكن الامور بعدها غريبة حتى بعد مرجعت سارة جانو متوترين خالة عمو ومحمد ومصطفى لكن محد يعرف لسبب شنو شصار طبعاً شغل او عمل عمو جاسم بلتجارة تجارة البسة عندة معامل وناس شغل فلوسها يمة هم ،رجعت للبيت دخلت شفت باب لاستقبال مقفول اجتني مينا تسكت بيا
مريم:شبيج هوة اني حجيت ؟
مينا:اي اششش اشششش عيب امشي احجيلج.
مريم:لاحول لله وية غبائج.
مينا:تعاي احجيلج .
مريم:شكو احجي.
مينا :عمو مطلوب فلوس هواي ويمكن ينسجن ولج.
مريم:صدك .
مينا:اي والله واحد من لمعامل خربت وباقيلة واحد يردو يبيعو حتى يسد ديونة.
مريم:يربي وتالي.
مينا:والله ماادري ديحجون دروحي انت بدلي اني احجيلج بعدين.
عفتها ورحت فوك اغير ملابسي طلعو لعالم الي جايين سمعت نجيبة دكول لعمو شصار بشر اقتنعو طلعت راسي حتى اسمع شصار .

يتبع....
اسفة على لغياب بس محد يقرأ لهذا جاي اطول 😊