قصة مريم

البارت ٢١

بعد مصارت لمشكلة شرفت امي للبيت وصار شك يرجع بيا وهل مرة دخلت ويا مرة جبيرة بلعمر جانت لمرة وجهة ثكيل وبراسها لافة شال وحاطة لعباية وحواجبها عاوجتهن جنت واكفة يم باب لبيت ودخلت باعت علية من فوك ليجوة وعاقجة حاجبها همست باذنها امي مدري شكالتلها ودخلن ورة دقايق دخلت وراهن مينا وهنا فاجأتني صحتها بعصبية
مريم:لج تعالي وين داخلة.
مينا:رحت اسلم مريم شبيج ؟
مريم: تعالي وياي امشي
خذتها للغرفة ،،،
مريم: مينا مستوعبة جاي تسوين؟ترة هاي امج نسيتي سوتة بيا ؟
مينا:لا منسيت بس!
مريم: بس شنو بس شنو مينا ممنوع بعد تتقربين لهاي لمرة فتهمتي.
مينا: لا موممنوع امي هاي مريم.
صدمتني مينا ضليت ساكتة استوعب كلامها عافتني وراحت مو اول مرة تغدر بيا وتتركني مينا مر يومين واشوف مينا هواي تتقرب من امي وتتركني تعبت نفسيتي وصرت مااطيق احد حسيت كل شي مجاي يصير الي كلشي نسد بجهي بس الا مينا مااتحمل بعدها عني جنت اسوي روحي زعلانة منها ومااحاجي بس تعبت مااكدر اضل كاتمة تعبت نفسيتي كرهت روحي وكلشي بحياتي كرهت دراستي واهلي وناسي كرهت كل شخص بحياتي وبوقتها فتحت لحديث ويا مينا اريد اوضح كلشي مااريد اخسر حتى اختي
مريم:مينا تعاي احجي وياج
مينا:ماشي راح اصعد بلغرفة.
رحت وراهة وبدت هي تتكلم بدون مااحجي.
مينا:مريم انت اختي لكبيرة واني احبج والله بس لتفكير لبراسج غيري راح شوفين ناس لتعزج وناس لتكرهج.
مريم:شنو قصدج.
مينا:قصدي امي ... مريم بس اسمعي اكمل حجي وبعدين انت حكمي .
مريم:كملي.
مينا:دشوفين حياتنا هنا دتلاحظين شكد احنا ثكال علو هاي لعالم قبل جان عمو هنا وكلهم يسكتهم وغصبن عليهم كلهم موجودين احنا مو صح بس هسة صار محد يحترمنا محد يقدرنا لكل يكرهنا وانت فوك هنا متنتبهين لليصير جوة كلة دسمع الي يحجي عليج والي يسب بابوية والي يتوعدلج والي والي وتعبت اني من كل هذ وتعبت من سكوت اسمع واسكت اسمع واسكت ومصيرنا يا نزوج يا نبقة نسمع هذ لحجي وهاي اذا بقينة حسب خطة نجيبة
مريم:شنو خطة نجيبة؟
مينا:اي خطة نجيبة وهي تزوجج وزوجني ولمرة لدتجي يومية صير صديقة نجيبة .
مريم: مينا اسكتي لصدكين كلام هاي ترة تعبي براسج هاي تريد زوجنة كوة.
مينا: لا غلطانة انت مريم هاي لمرة جانت هواي تجي قبل ميتوفة عمو ويومية اسمع نجيبة تقنع بعمو وهسة جابت امي حتى توكعها براسها من زوجج .
مريم: زين امي شنو وضعها هنا؟
مينا: متدري بكلشي جاي تجي حتى تعوضنا عن كل يوم تركتنا بيا هذ الي سمعتة منها ونجيبة جاي تستغل هذ لشي وامي تعرف تريد نجيبة زوجج ومع هذ جاي تتودد وياهة حتى متجبرنا على شي .
مريم:اذا امج مثل متكول جان دافعت عنا واخذتنا يمها.
مينا:لان مزوجة ولان تدري بيج مراح توافقين ففضلت تتلوك ولنجيبة ولا تخرب بيتنا ،،، فمريم هاي امنا اولى بينا من نجيبة ترة نجيبة راح دمر حياتنا .
مريم:موافقة ازوج واي واحد عسى ما بكد ابوية لان تعبت مينا وخلص سيرت امي بعد مااريد تعبت مكل لناس وتعبت من لبشر اذا هاي نهايتي خلي اني اريد اخلص اكثر من هذ لديصير يومية اتعرض لاهانة وسب وغلط وشتم تعبت .
انهاريت صرت بجي بحظن مينا حسيت بضعف شديد بجسمي وبروحي اختي صغيرة هاي اختي تعبت من كلشي تعبت هي صرت ادعي يارب صبرنا وارتاح من هاي لدنيا بس هاي دنيا محد يضمنها وثاني يوم جان دليل على هذ فزيت صبح على صوت نجيبة دكلي نزلي وصارت تحجي وياي عدل وحبيبتي وحياتي باوعت عليها انتبهت مصطفى طلع وبيدة جنطة سفر باوع علية وبتسم دخلت للاستقبال وشفت نجيبة محظرة ذاك لريوك كلت بيني وبين نفسي ليوم اكيد راح تخرب حياتي بزايد كعدت اكل وكوة اتنفس ومااكدر اكل ونجيبة كل شوية دكلي اكلي من هذ طيب ماشفت مثل قباحة وجهة وشوية وكالت اريدج تحظرين روحج ليوم لعصر جايين ناس يشوفوج ومااريدج تفشليني اوكي حبيبتي باوعت بجهة وعفت صينية وطلعت رحت لغرفتي لكيت مينا بعدها نايمة تمددت وبديت افكر شنو الي راح يصير ومحد راح ينقذني مصطفى صار يسافر هواي جان محمد يسافر بس هسة صارت شغلة مصطفى باوعت بلغرفة صعبة لحياة صارت وضقت بيا جني كاعدة بصندوك من حديد صغير وكل مايتقدم لعمر كل مايصغر اكثر واكثر غفيت وفزيت على صوت نجيبة شكد كرهتا نزلت واخذتني لغرفتها وانطتني فستان البسة جنت اتصرف بدون وعي لان هاي تعبت كلشي نسد بجهي لبست لفستان وهي عدلت شعري وغفران حظت مكياج وطلعني حطني بلغرفة لستقبال يحركن بيا جني دمية ومينا تبجي شوية وندكت لباب ودخلت مرة جبيرة وسمينا وجهة يخوف سلمت علية واني جامدة ماكو روح بيا دخل وراهة مااعرف بشر مو بشر رجال كبير سمين وطويل وجهة يخوف جان لموقف مرعب صرت ارجف وابجي دخلو وصارو يسولفون ونجيبة دكللهم موافقة هي بس تستحي تحجي اني ليوم كتلها وافقت وصارت امة تهلهل وطش جكليت وتهوس حسيت اصواتهم تهز كياني كلة شهكت روحي حسيت روحي راح تطلع قربو يمي وصار يتلمس بجسمي وحمد يدري كلهم يركصون حسيت روحي طلعت صارت اردد مصطفى مصطفى وبعدها محسيت بشي اغمة علية وكلشي محسيت فتحت عيني بوجه مينا وهي تبجي
مينا:ها شلونج؟
مريم:زينة بس جسمي متكسر.
مينا:الله يساعدج يروحي.
مريم:شنو شصار؟
مينا:وكعتي وجابت هذ لغول لهنا .
مريم:صدك عود؟
مينا:اي والله .
مريم:عيع راح اسبح عشر مرات عوع جسمة وشكلة يخوف.
مينا:الله يساعدج مريم انهزمي.
مريم:شنو؟
مينا:انهزمي ترة راح يجيبون سيد بس دكعدين وعقد عليج لان انت وافقتي .
مريم:شنو شديسوون ذول.
مينا:شنو غير انت وافقتي .
مريم: حتى مانطقت نجيبة جابت لكلام من كيفها.
مينا:عزا بوجهج نجيبة.
مريم:هسة شسوي ؟
مينا:دخلج نهزمي .
مريم:شنو انهزم شبيج مينا لتخربيني انت هم.
مينا:باعي سوي روحج بعدج متخربطة حتى اذا مكعدتي يأيسون .
مريم:واذا مجيبة صطرتني براجدي شلون.
مينا:تحملي يلة نامي اجت.
وصدك سوينها اجت نجيبة وضلت ذب مي علية غركتني ومافزيت وكفت شوية كلت راح انسطر بهاي لحظة نفتح لباب واسمع صوت مصطفى وكلبي فز كمت بسرعة ونجيبة ضلت صافنة علية باوعت عليها وحسيتها راح تخنكني وتموتني ولا اراديا كتلها اطلعي راح يتعارك مصطفى وهي هم طلعت تركض اجت مينا وظلت تضحك علية
مينا:خرب ببليسج سويتي .
مريم:يمعودة شايفة راجديها.
مينا:انت لبارحة مودعيتي ربج وهاي استجاب دعائج.
مريم:شنو.
مينا:محد مخابر مصطفى وهوة اجة من كيفة .
مريم:صدك؟
مينا:والله خابرني واني جنت جوة مااسمع تلفون .
مريم: لحمدلله مينا.
مينا:ها؟
مريم:احب مصطفى !
مينا:كللللللللليش يمة كلبي كمز تكمز .

انتظرو اخبار كلش تفرح لبارت لقادم .