مشاعر حائره (مكتمله )

♥10 / وفشلت الهدنه ♥

القت سنام نظره ناقده على نفسها فى المراه فهى تريد اليوم ان تكون باهره الحسن فى عيون اصلان فشبيهتها فى عالم البشر غمزه سترتدى اليوم افخر الاثواب من اجل التصوير وطبعا اصلان سيكون موجودا وعلى الرغم من انه قال لها انها احلى من غمزه ولكنها كاى انثى تغار حتى من صورتها فى المراه

ولهذا تعمدت ارتداء هذا الثوب الاحمر الجميل لانها شاهدت واحد يشبه فى مجموعه غمزه ستلبسه اليوم فى التصوير

دخلت عليها خادمتها الخاصه والتى تدعى دنانير وابتسمت سنام بسعاده عندما شهقت دنانير قائله بانبهار  : اد ايه انتى جميله جدا انهارده يا مولاتى سنام  اكيد علشان حتشوفى الامير اصلان زى كل يوم فى الجنينة صح؟؟؟؟؟؟؟

نظرت سنام بسخريه الى دنانير والتى كانت ذكيه جدا وقالت لها : يا سلام عليكى يا دنانير يا ريتك بتاخدى بالك من وظيفتك زى ما انت واخده بالك من حياتى الشخصيه بالشكل ده.........

نظرت اليها دنانير بانكسار قائلة  : كده برضه يا مولاتى دا انا بتمنى ليكى الخير دائما ونفسى لما تتجوزى الامير اصلان اروح معاكى القصر بتاعه واخدمك فى قصرك الجديد برموش  عيني

ابتسمت سنام لها بلطف وهى تقرص  خد دنانير بموده قائلة : طبعا الكلام ده مفروغ منه انتى معايا اكيد طبعا  يا حبيبتي لانى مش حقدر  استغنى عنك

وقطع حديثهم الضاحك وصول جاريه اخرى تحمل رساله من ابيها الملك شهبور يطلب منها الانضمام اليه فى غرفه جلوسه الان

ولهذا ارسلت سنام دنانير الى اصلان فى مكانهم المنتظر واخباره بانها ستتاخر قليلا لان ابيها الملك يريد رؤيتها الان

وخرجت الاميره سنام والخادمه دنانير من غرفه نوم الاميره وسارت كلا منهم فى طريق مختلف

التحيه الصباحيه المرحه التى القتها سنام على ابيها الملك شهبور جلبت على وجهه الابتسام فهو يعشق هذه السنام ويعجبه جدا ذكائها ومكرها الطبيعى المحبب اليه جدا 

اشار الملك لسنام بالجلوس محاولا تمثيل الجديه فى الحديث قائلا : ها يا سنام ابلغ الملك فاروس ان زفافك على ابنه الامير اصلان امتى بالضبط يا حبيبتى؟؟؟؟؟؟

نظرت سنام الى والدها وادعت الحزن وهى تقول له بتملق   : اه فهمت  قصدك تقول امتى المعاد اللى ناوى تتخلص فيه من وجودى فى قصرك مش كده يا جلاله الملك؟؟؟؟؟؟؟

ضحك الملك شهبور بصخب قائلا  : انا كنت عارف انى مش حاعرف اخد منك رد عدل وتنهد ونظر اليها بجديه قائلا : بس فعلا الملك فاروس متضايق من عدم تحديد يوم محدد للزفاف لحد دلوقتى............ لانه عايز يوحد المملكتين قبل ما اى حد يفكر انه يقرب من الممالك بتاعتنا فهمتى يا حبيبتى؟؟؟؟؟؟

تنهدت سنام ونظرت الى والدها بحب وقررت انها لن تضايقه فالمهمه التى كلفت بها اصلان على وشك الانتهاء وهى من الاول تحب بل تعشق الامير اصلان ولهذا ابتسمت لوالدها بحب قائله : بلغ الملك فاروس بان الزفاف حيكون فى المعاد اللى حيحدده الملك شبهور وانا عمرى ماخالف امره ابدا