بعد مرور يومين على دعوه الغذاء فى منزل ياسمين هانم والتى صدمت فيها بان الدكتور حسين البغيض اتضح انه ابن السيده اللطيفه ياسمين
وتذكرت بمرح رد فعل علاء عندما اخبرته عن تلك المفاجاه وقتها نظر اليها بغباء قائلا : امه ازاى يعنى يا غمزه يمكن فهمتى غلط يا ماما اوقات كده بتسرحى وبتقولى بعدها كلام غريب جدا
نظرت اليه غمزه برعب عندما صدمت الفكره راسها ونظرت اليه بفزع قائله : علاء انت اكيد اتجننت انت اعجبت بياسمين هانم دى اد امك يا حبيبى اعقل يا روحى وفوق لنفسك كده
اجابها علاء بضيق قائلا : وفيها ايه يا غمزه ست لطيفه وكيوت وحتعاملنى زى وصمت..........
اكملت غمزه عنه بحده قائله : كمل يا عبقرى عصرك حتعاملك زى ابنها؟؟؟؟؟؟
عارف مين ابنها يا علاء حسين واشارت بيدها على عضلات صدره وذراعه حسين اللى بوكس واحد منه بس راحت فيها مناخير هيثم الحقير
اؤمال لما يعرف ان حضرتك معجب بامه حيعمل فيك ايه انشاء الله؟؟....
ونصحته بجديه قائلة : اعقل يا حبيبى ودور على بنت حلوه صغيره من سنك واتجوزها وخلفوا صبيان وبنات حلوين زيكم وشيل الفكره دى خالص من دماغك تمام يا حبيبي
واكملت كلامها بمرح قائله : ودلوقتى بقى تعال احكى ليك على اللى حصل فى الغداء وازاى ياسمين هانم كانت عايزه توفق راسين فى الحلال
نظر علاء الى غمزه باستغراب وعلق على كلامها بغباء قائلا : راسين فى الحلال هو ده مش اسم فيلم يا غمزه
نظرت اليه غمزه بضيق واجابته قائلة : انا اقصد انها كانت عايزه تجوزنى ابنها المرعب الدكتور البغيض حسين تصور
قفز علاء من مكانه وصاح بسعاده قائلا : طيب ما دى حاجه حلوه جدا يا غمزه الراجل وسيم جدا ومركزه مرموق ودكتور فى الجامعه وثرى وصغير فى السن يعنى كامل من كله
نظرت غمزه اليه بحده واكملت كلامه قائله : وحضرتك نسيت اهم حاجه.........وهى ان حضرته فاكر انى انسانه عديمه التربيه ومنحله الاخلاق وانى مقضياها مع الشباب وان سبب خلافى مع هيثم انى مثلت عليه دور البنت صعبه المنال علشان اجره لفخ الجواز منى بس شكلى زودت جرعه الاغراء شويه فاعتدى عليا وهو انقذنى مشكورا وادانى محاضره فى الاخلاق بعدها.........وطبعا زاد على رايه الحقير فى اخلاقى المنحطه لما عرف دلوقتى انى عايشه لوحدى من غير اهل ولا اب وام ............ شوف بقى كميه التخيلات اللى ممكن تختر فى خياله المريض عن اللى بيحصل فى شقتى هنا لانى طبعا مليش ظابط ولا رابط زى ما قال حضرته عليا بالضبط
نظر اليها علاء مصعوقا لما تقول وصرخ غاضبا : نعم حسين ده قال لك كده ومقولتيش ليه الكلام ده قبل كده يا غمزه ؟؟!!!! وانا كنت حطتته عند حده علشان يعرف هو بيتكلم مع مين ازاى يقول عليكى كده ويتهمك فى اخلاقك وانتى تسكتى ومتقوليش اللى قاله ليكى؟؟؟؟؟؟؟
أنت تقرأ
مشاعر حائره (مكتمله )
Romanceترى ماذا سيكون نتيجه لقاء فتاه تشبه فراشه ملونه تحب فى الحياه الضحك والمرح ولونها المفضل الاحمر والوردى مع رجل عكسها تماما فهو وطواط ليلى متوحد لونه المفضل الاسود والرمادى ترى مانتيجه هذا اللقاء العجيب الذى يجمع نقيضين عكس بعض تماما المنطق يقول...
