مشاعر حائره (مكتمله )

1/ مخلوقات تبحث عن الحب

المكان : كوكب الارض بس مكان مخفى عن عيون البشر تماما............

الزمان : وقتنا الحالى

اطلقت سنام ضحكات مرحه وهى تجرى بين الحقول الخضراء المشعه والتى تميز مملكه ابيها عن جميع ممالك الملوك الاخرين

وبالتاكيد اثناء مرحها الصاخب كانت غافله عن عيون حبيبها اصلان التى كانت تراقبها بشغف وحب عميق

ولانها مخلوقات شفافه تستطيع الاحساس ببعضها البعض شعرت سنام بوجود حبيبها اصلان فاستدرات اليه وابتسمت بمكر قائلة  : الامير اصلان بنفسه شرفنا فى مملكه النور!!!!!!!

نظر اصلان الى سنام باعجاب وعيونه الخضراء الذهبيه تلتهم ملامحها الجميله وعيونها الرماديه الجميله والتى تحمل لمعه الشقاوه والمرح بحب وقال لها بغزل : اعمل ايه؟؟؟؟؟؟ اصلك وحشتينى قوى.............. فسبت كل حاجه ورايا فى مملكه الشمس وجيت علطول علشان اشوفك يا حبيبتي.........

ضحكت سنام بمرح وهى تقول له بمكر محبب  : يعنى جيت من نفسك كده مش ابويا الملك شهبور هو اللى طلب منك كده؟؟؟؟؟؟

ضحك اصلان لذكائها الحاد واجاب قائلا : بس ده ميمنعش انك وحشتينى  برضه........... ولقيت طلب الملك شهبور بيخدمنى فى نفس الوقت فجيت علطول علشان اشوفك يا حبيبتى...............

ابتسمت سنام بشقاوه قائله : ماشى مضطره اصدقك علشان اعرف الملك كان عايز منك ايه؟؟؟؟؟؟

شعر اصلان بضيق منها لانها تدعى الجهل ونظر اليها بضيق قائلا : سنام بلاش ادعاء الغباء مش لايق عليكى........... ما انتى عارفه ان السبب الاساسى من طلب اللقاء ده  هو تحديد موعد نهائى لجوزانا.......... واتحاد مملكه الشمس والنور مع بعض قبل انتهاء القرن الحالى.............

نظرت اليه سنام ببساطه وقالت بهدوء اصابه بالغضب قائلة   :    بس انا مش مستعده للخطوه دى دلوقتى................. ومش عايز التزم بارتباط خالص فى الفتره دى من حياتى....................... وخصوصا ان الهدف من ارتباطنا مش عاطفى خالص لا ده حيكون سياسي اكثر منه رومانسى يا اصلان

نظر  اصلان اليها  بغضب لم يستطيع التحكم فيه وصاح فيها بحده قائلا  :   ده على اساس اننا مش بنحب بعض من يوم من اتولدنا مثلا............... واننا مش موعودين لبعض من عشرات السنين ممكن افهم يعنى ايه كلمه مش مستعده دى؟؟؟؟؟؟............ لانى  الصراحه مستغربها منك قوى يا اميره سنام..........

نظرت اليه سنام بحيره تناشده بعيون متوسله منه التفهم وهمست له  قائله  :   مش عارفه حاسه كده ان فيه حاجه ناقصه علشان تكمل قصه حبنا يا اصلان............. وخصوصا ان حياتنا كانت سهله ومفيش اى عقبات فى حياتنا تخلينا نحافظ على علاقتنا وحبنا فى المستقبل ونتمسك بيه بقوه اكثر....؟؟!!!

نظر اصلان اليها بذهول مستغربا بشده ما تقوله تلك المجنونه وصاح فيها قائلا : حقيقى انا مش مصدق اللى بسمعه منك ده يا سنام؟؟؟؟؟؟!!
يعنى كل المخلوقات فى العالم كله بتحارب كل التحديات اللى قدامها علشان تقدر توصل للنهايه السعيده بتاعتنا فى الاخر................................. وانتى كل مشكلتك انك معندكيش مشاكل تمنع الحب ده؟؟؟؟؟................... ....... حاجه لاتصدق فعلا وكمان زعلانه ان قصتنا مفيش فيها معاناه ولاصراع مع حد علشان تمنع جوازنا ده؟؟؟!!