مشاعر حائره (مكتمله )

♥19/وجه فى الذاكره ♥

💞بعد مرور ثلاثه اشهر على حادثه غمزه 💞

كانت غمزه تواظب على زيارات الطبيب النفسى بانتظام فهى حقا تريد استرجاع ذاكرتها المفقوده وعلى الاخص الجزء الذى يتعلق بوقوعها فى غرام الرجل ذو العيون الخضراء الذهبيه الجميله

والذى بسببه خالفت عهدها بمقاطعة الرجال والحب بسبب عقدتها التى كان ابيها هو السبب فيها فهذا الجزء من حياتها لم تنساه قط

مما جعلها غاضبه وهذا ماقالته للدكتور النفسى وهى تصيح قائله :انا مش فاهمه ليه منستش الجزء السئ ده من ذكرياتي

وافتكر بس الجزء الحلو منها لكن انا بكل غباء افتكر اسوء احداث حياتى اللى دمرتنى وخلت عندى عقده من الحب وعدم الثقه

وانسى الشخص الوحيد اللى المفروض كان حبيبي واللى بسببه تخليت عن وعدى بانى اعيش وحيده طول العمر

اجابها الطبيب الشاب اكرم قائلا   :   انتى عارفه يا غمزه ان النفس البشريه دى شديده التعقيد جدا وصعبه الترويض كمان وعلطول ماشيه عكس ما احنا عايزين ونادر اوى لما تتفق  رغباتنا وطموحتنا مع بعض

نظرت غمزه اليه بحده وسالته : انت اللى طلبت من حسين يخرج من حياتى صح

نظر اليها الطبيب متظاهرا بالامبلاه حتى يشاهد رد فعلها  قائلا : اه فعلا وده لانى لقيت ان وجوده بيضغط على اعصابك لانك مش فاكراه فخفت عليكى من انتكاسه فطلبت منه يختفى عن حياتك ثم ان وجوده مش مهم قوى فى حياتك انتى كده طبيعى مش فاكراه اصلا وطبعا مش حيفرق معاكى هو موجود او مش موجود فى حياتك مضبوط يا غمزه مش كده؟؟؟؟؟

نظرت اليه غمزه بضيق واضح  وسالته بحده قائله  :   وهو وافق علطول كده يخرج من حياتى بعد ما كان قاعد جنبى ليل ونهار فى المستشفى واول ماحضرتك تطلب منى يسبنى يوافق كده علطول......من غير مقاومه حتى ولا محاوله اخيره.......

نظر اليها اكرم متظاهرا بالامبلاه قائلا : ما يمكن ما صدق يمشى لما قلت له كده لانه اكيد كان زعلان وخصوصا انك افتكرتى الفريق كله حتى عثمان مدير اعماله وسالتى على ادمى الطباخه بتاعته حتى الديك برقوق يعنى باختصار افتكرتى كله حاجه الا اهم حاجه وهى حسين وده اكيد  خلاه يحس انه مش مهم فى حياتك ولانه راجل وعنده كرامه انسحب علطول مش هو اللى كنتى عايزه قبل الحادثه بتاعتك وهو  انك تقطعى علاقتك بيه وتعيشى وحيده بسلام وهربتى من مزرعته فى عز الليل مع مدير اعماله.......

نظرت اليه غمزه بتوتر وسالته بترقب قائلة  : تفتكر ليه يا دكتور انا نسيت حسين وافتكرت الكل الموضوع ده حيجننى. فعلا............

اجابها اكرم وهو يبتسم بلطف قائلا  : افتكر ان اجابه السؤال ده عندك انتى  يا غمزه............ ولما تعرفى الاجابه حقدر اقولك مبروك انتى خفيتى خلاص ومش محتاجه جلسات تانى ابدا