مشاعر حائره (مكتمله )

♥16/ حان موعد الرحيل♥

استيقظت غمزه فى الخامسه والنصف صباحا تشعر بشعور غريب من التوتر والترقب هى تعرفه جيدا.......... انه الشعور الذى يسبق حرق مراكبها حتى لايكون هناك مجال للعوده ابدا لنفس المكان مره اخرى..........

وبعد ما حدث امس وشاهدت غيره وتملك حسين لها............ اكتشفت انها تاخرت جدا على هذا الاجراء وذلك لانها ضعفت واعتقدت انها ممكن ان تبدا من جديد ولكن كان هذا احلام فهى لم ولن تتجاوز ازمتها ابدا مهما حاولت 

وهى مستحيل ان تجرح حسين الشخص الوحيد الذى خفق قلبها له وعرفت انه نصفها الاخر ولان حبها له عظيم وغير انانى................ فهى قررت تركه فهى لن تتحمل ان تجرحه او تشاهد الالم فى  عيونه ابدا هذا يقتلها بشده

وفجاه دوى صوت هامس فى اذنها قائلا  ؛    ماانتى ببعدك عنه حتوجعيه برضه يا غمزه.............

ردت غمزه على الصوت  قائله  :  بس شويه وحينسى وخصوصا  ان علاقتنا مش من وقت طويل قوى يعنى 

رد عليها الصوت الغامض مره اخرى قائلا  :  ومن امتى الحب بيتقاس بالوقت يا غمزه الحب هو الحاجه الوحيده اللى لابتخضع لقوانين او حسابات ابدا لانه اعلى من كل ده بمراحل

ردت غمزه على الصوت الغامض بالم  قائله :  حياته معايا حتبقى جحيم  ومش حيكون سعيد معايا ابدا انا واثقه من كده  لانى المشكله فيا انا.......انا انسانه معقده ومعنديش اى ثقه لا فى الحب ولا الجواز وحسين يستحق انسانه احسن منى تكون دافيه معاه وتعوضه عن سنين الجفاف اللى كان عايش فيها لوحده...........

سالها الصوت الغامض بذكاء قائلا    :  وانتى بتتكلمى بلسانه ليه سبييه هو اللى ياخد قراره بنفسه........مش يمكن يقدر يقنعك بوجهه نظره وتغيرى رايك فى كل اللى قولتيه دلوقتى 

ردت غمزه على الصوت الغامض بالم  قائله  :  انا متاكده من نفسي  وعارفه بقول ايه ولانى بحبه بجد.......... وعمرى ما حاحب حد تانى ابدا غيره........ حاقوله كل حاجه حصلت لى فى حياتى قبل ما اشوفه........... حيكون هو الانسان الوحيد اللى حيعرف انا حمشي  ليه مع ان شرح اللى حصل فى الماضى حيكون صعب عليا قوى لانى حاكون وقتها عريت روحى قدامه.........

اعترض الصوت  الغامض على كلامها مره اخرى وهمس لها قائلا   : بس انا واثقه انه مش حسيبك تمشى ابدا مهما كانت قصه حياتك مؤلمه زى ما بتقولى يا غمزه لانه هو كمان بيحبك وانتى  ما لكيش اي ذنب فى حصل فى حياتك فى الماضى وهو انسان ذكى ومتفتح وحيفهم كده لوحده

ردت غمزه بقوه وحزم على الصوت الغامض واجابته قائله    : لازم امشى انتى فاهمه...........واضافت بضيق وغضب قائلة  :  وبعدين انت مين اصلا وايه اللى دخلك فى حياتى ارجوكى امشى من دماغى وما تحاوليش تقنعيني ان الحياه لونها بمبي............

وهنا انتبهت غمزه انها كانت تتحدث مع شخص ما طوال الوقت الماضى......... صحيح هى لم تكن تراه........... ولكن صوته الهامس العذب كان يدوى فى راسها بوضوح..........والغريب انه احيانا كان الصوت يبدو صوت انثى واحيانا اخرى صوت رجل.......... وفكرت ساخره برافو يا غمزه بودار جنان كمان اصل حياتك فعلا ناقصها الجنون  ......واكتملت دلوقتى بسماعك اصوات رجاله وستات داخل دماغى وبتتناقشى معاهم كمان........حاجه جميله والله..........