راوية تزاحمت بقلبي حتى مُت عشقًا بك

البارت الثاني

في قصر ابو فيصل

قاعدين في الصاله ينتظرون ابوهم ما بقى شي و يوصل و كل الاصناف اللذيذه و المتنوعه محطوطه على طاولة الطعام بجاورهم، عبدالله وهم يناظر الاكل : وين ابوي ترا جعنا، حس بضربه على راسه و لف يناظر ولقى راشد يقول : اهجد يا ولد تبي تاكل عشان تروح تلعب خابرين حركاتك ناظره بنظره كانه ما عجبه كلامه و لف رايح للفوق وهو يقول : لا جا ابوي علموني، تاففت امه وهي تقول : بعدين مع هالولد اربع و عشرين ساعه على السوني، ناظرت في فيصل و هو قاعد و مستند على الكرسي و مغمض عيونه و عاقد حواجبه و قالت : وانت اربع و عشرين ساعه ف الشغل ريح عمرك يا يمه مو زين الي قاعد تسويه، فتح عين وحده و ناظرها وقال : ماعليك يمه ماعليك، لف راشد لفيصل وقال : فصول شو رايك الويكند نروح المزرعه ؟

نقزت ريم بفرحه وقالت : ايه ايه و نقول للبنات يروحون معانا بنات عمي علي و عمي راشد بليز بليز فيصل.
ناظرها و ابتسم: ابشري نقزت بفرحه و حضنته التفت لحلا وناظرها وهي مندمجة ف الجوال ومو معاهم كلمها بعصبيه : وبعدين معاك انتي و هالجوال الي اربع و عشرين ساعه شليه لاكسره لج
ناظرته بخوف و نزلته من ايدها لف عنها و ناظر ف راشد الي قال : احترمي انه قاعدين معك و سوي وقت لنا انسه حلا! ناظرته بتافف و طالعت ف امها وكانها تستنجد فيها ناظرتهم الام و قالت : شدعوه يا كافي خلاص اهدوا ..  و قطع حديثها دخول زوجها و هو يقول : السلام عليكم

ركضت ريم لحضن ابوها وضمته بقوه و هي تقول اشتقنا لك يبه هالمره طولت علينا كثير ناظرها و ابعدها عنه و ابتسم وقال : و انا اشتقت لك اكثر
سلموا عليه عياله وما طافت على فيصل نظرة ابوه المتوتره و المرتكبه ف قرب منه و همس له : يبه فيك شي ؟ ناظر بولده و ابتسم كان عارف انه بيلاحظ بيحس فيه قال : انا عندي لكم موضوع بكلمكم فيه اقعدوا، راح كل واحد مكانه و يناظرون ب ابوهم بستغراب ! لف ابوهم لجهة الباب و قال : ادخلي يبه، و وكلهم لفوا عيونهم للباب يناظرون لين دخلت البنت، لا الملاك مثل ما وصفها فيصل من كثر جمالها ماقدر يوصفها بكلمه غيرها و عم الهدوء فجاه وعيونهم مثبته على البنت الي واقفه ورا ابوها و ماسكته من ذراعه وواضح انها ترجف و متوتره، قامت ام فيصل بسرعه و قالت بصدمه: ليكون بنتك! بتصدمني انك متزوج! لف عليها و قال : لا حول الله اذكري الله يا حرمه انتي فاهمه غلط، اشرت على البنت و قالت : هذي مين !
قال القنبله الكبرا وهو عارف انهم انصدموا صدمه ما انصدموا فيها قبل وقالوا كلهم بصوت واحد " ايشششش!!! " و هو كرر كلامه وقال : هذي بنت اخوي ميرا و تصير بنت عمكم.