راوية تزاحمت بقلبي حتى مُت عشقًا بك

البارت الخامس

التكملة لبيت عائلة بو ناصر ..

ضحك ابوها و ضربها بخفه على راسها و قام من مكانه ..
التفت له ناصر و قال : وين يبه؟
ابو ناصر : بمر على عمك ابو فيصل يباني ف موضوع ضروري يقول
ناصر رفع حاجبه : ان شاء الله خير!
ابو ناصر : والله علمي علمك يا وليدي بس صوته ما كان عاجبني.
ناصر: اوصلك انا يبه لاني ابا فيصل ف سالفه بعد
نطت خلود بفرح : خذوني معاكم بشوف ريم لين تخلصون بلييييييييييز!!!
ابو ناصر ابتسم : اسف يا بنتي بس بعدها عندي شغله بطول ما ارجع البيت بنروح الشركه انا و اخوك.
زعلت خلود و مدت بوزها، قرصها ناصر من خدها وقال : روحي جهزي الشنطه بكره رايحين المزرعه كلنا و غمز لها.
نطت خلود بفرحه: والله!!!!! يااااااااااي
ضربتها امها ع راسها وقالت : اص جدتك نايمه!
ركضت خلود لغرفة جدتها وقالت : بقومها بسها نوم اشتقت لها
ضحكوا كلهم على شكلها و طلعوا ..

ف بيت بو فيصل ..
كانت واقفه تناظر نفسها بالمرايه، كانت لابسه جينز رمادي برمودا ضيق شوي مع توب كت بيبي بينك فاتح مطلع بياض جسمها، قامت تناظر لبسها وهي مستحيه! مع انه متعوده تلبس شورتات وغيره بس هي حاليا مو في بيتها تصنمت يوم تذكرت كلمة " مو في بيتها" و كانت على وشك ترجع لها الاحداث لولا صوت الباب الي خلاها تفز وتلف تناظر صوبه.
شافت نظرات الاعجاب الي على وجهه ريم و قالت: واااااو ! تدرين عمري ما لبسته ولا كان عاجبني بس ماشاء الله طلع يجنن عليك!
ردت بستحياء : شكرا ! ضحكت ريم وقالت: لا عاد تستحين مني خلاص انا وانتي بنصير اقرب و اقرب كان حلم حياتي وحده من بنات عمي يسكنون معاي وتحقق حلمي! ابتسمت ميرا و اكتفت ببتسامه. ريم وهي طالعه: يلا تعالي تحت كلنا ننتظرك عشان نفطر مع بعض! ميرا : okay few minutes and I'll be there ( دقايق وبنزل ) هزت راسها ريم و طلعت.

عند فيصل ..
فتح عيونه بإزعاج من ضوء غرفته تأفف بقهر مين الي فتحه و ما سكره لف على الجهه الثانيه من سريره سحب تلفون ببطئ وشاف الساعه فز من مكانه وتذكر انه ابوه تحت ركض على الحمام سريع ياخذ دش.

عائلة بو فيصل ..
ابو فيصل وهو يناظر ريم نازله من الدرج لوحدها : وينها ميرا؟
ريم : نازله يبه
ابو فيصل : وفيصل؟
ريم : الحين بعد نازل يبه فتحت الليت و طلعت
ام فيصل : يلا تعالي نفطر
ابو فيصل : لا بننتظر ميرا و فيصل!
راشد : شدعوه يبه والله اني جوعان
ابو فيصل ببتسامه : وأنت ما تفكر الا ف بطنك؟
راشد يضحك: يعني بعد شنسوي يبه
ام فيصل فزت وناظرت ريم : انتي ليش ما نزلتيها معاك؟
ريم : يمه تراني مو حارس شخصي! وبعدين البنت يمكن تبا تاخذ راحتها ما بوقف على راسها عشان تنزل بسرعه!
ابو فيصل : ليش شو فيك؟ وهو يناظر ام فيصل !
ام فيصل : لا لا مافي شي، ( تذكرت انه فيصل بعده فوق ) اروح اشوفها؟
ابو فيصل : لا مثل ما قالت ريم ماله داعي نتحكم بحركاتها خلوها على راحتها.

عند فيصل
لبس شورت رمادي و قميص ابيض بولو و مسك شعره المبلل و بعثره اي كلام و ناظر نفسه في المرايه و ابتسم وبانت غمازاته و بعدها شل العطر و تعطر و شل تلفونه وطلع ومامداه يسكر باب غرفته لانه كان مصدوم بالملاك الي واقف قدامه! شعرها الي منسدل على ظهرها برقه و عيونها المحتاره الي تطالع يمين و يسار، انتبهت له ميرا و لفت له وهي بعد تصنمت مكانها من جماله و من عيونه الي سحرتها! تبادلوا نظرات الاعجاب لمدة كم دقيقه، وبعدها حسوا على نفسهم نزلت راسها وهي مستحيه وتحس وجهها صار حار من كثر الحراره الي شبت فيه وهو تحمحم و قال : ااا ليش ما تنزلين؟ لفت ناظرته وهي مستحيه : ماعرف وينهم! نزلت تحت وشفت اماكن كثيره ( قصدها صالات) لانه بيتهم يتميز باكثر من صاله و الباقي اساسا في غرفة الطعام.. ، ضحك فيصل على عفويتها و قرب منها وقال : الحقيني، هزت راسها ومشت جنبه هو ارتبك توقعها بتمشي وراه مو جنبه يحاول يضبط انفاسه وانصدم من دقات قلبه الي زادت عقد حواجبه بانزعاج ماعجبه الوضع
خطف نظره لها شوي شافها تناظر البيت ومو منتبهه له اساسا تضايق و بعدها حس على نفسه شو الي قاعد يصير حاول يسبقها شوي و هي انتبهت له و اكتفت بنفس المشيه وصار هو قدامها وهي وراه و تنفس براحه ..

ام فيصل الي فتحت عيونها بصدمه يوم شافتهم يدخلون مع بعض و على وجههم ابتسامه، ناظرهم بو فيصل بكل حب و قال : هلا هلا يا هلا ومرحبا والله! تقدم فيصل و باس راسه و بعدها راح لامه وباسها
وناظر بميرا الي بعدها واقفه عند الباب التفت لابوه وشافه قام من مكانه وراح لها وهمس لها بكلمات محد قدر يسمعها، هزت راسها ودخلت و قعدت جنب كرسي ريم و مقابل فيصل حاول انه يتجاهل نظراته الي كل شوي تروح لها غصبن عنه وكان جد منزعج من هذا الشي ولا حس بنظرات امه الي تشوفه بقهر، ابتسم ابو فيصل وقال : يلا بسم الله! وبدوا كلهم ياكلون و يتبادلون اطراف الحديث و الضحك و عيون فيصل تراقب ميرا بصمت كل شوي وميرا الي مو قادره تاكل ولا تركز لانه فيصل قدامها و كان واضح على وجهها انه في شي مو عاجبها و همست لنفسها ( what's wrong with me since I saw him! ) الترجمة: شو المشكله من شفته وانا مو على بعضي!! ) وعقدت حواجبها بستغراب وبدت تحاول تتجاهل انه هو قدامها.