البنات : السلام عليكم
فيصل : وعليكم السلام
دلال بمستحى : شلونك فيصل؟
فيصل وهو مو قادر يميز صوتها : هلا هلا يسرج الحال
ولف على ريم وهو رافع حاجب واحد : ماشاء الله من اولها تسحبين على البنت وتنسينها !
ريم وهي تحضن ميرا : والله آسفه ما كان قصدي
ميرا ببتسامه: عادي ..
البنات وهم يتاملوها وبصوت واحد : وااااااااو ماااااشاااااء الله
ميرا ناظرتهم بستحياء وعرفت انه يدققون فيها ونزلت راسها و ابتسمت ابتسامه خفيفه
و فيصل ابتسم وما فوتت سميه ابتسامته
هيا : ماشاء الله تبارك الله شو هالجمال!
رنا : تتجنننننينننن
فيصل بنفسه ( اااااه هيه والله ) انتبه على نفسه يوم اشرت له سميه انه لين متى بتم واقف
ودلال تطالع ميرا بغيره وتشوف نظرات فيصل لها.
فيصل استحى و تحمحم وراح
ميرا لفت تناظره وهو رايح ولحقته كلهم لفوا لها مصدومين
ميرا : ااا فيصل ..
فيصل وقف ثواني يستوعب وغمض عيونه بقوه قبل لا يلف لها ف نفسه ( عيونه ) لف لها بهدوء : هلا؟
ميرا وهي تنزل الجاكيت وتعطيه بس مسك الجاكيت ورجعه لها : خليه بتحتاجينه لو دخلوا الشباب لا تطلعين عندهم كذا ماردت عليه ورمت الجاكيت على وجه شله من وجهه بعصبيه بس من شاف ابتسامتها اختفت كل عصبيته.
ضحكت ميرا و رجعت لهم ووقفت عند ريم
شوق : تعالوا ندخل داخل حررررررررر
حلا: وين حرررر بعد شوي الجو بيصير بردددددددد
سميه: تعالي ميرا ندخل داخل وبالمره تسلمين على خالتنا وعماتنا
ميرا هزت راسها وراحت مع سميه والبنات.
عند الشباب
عبدالله و وياسر: لاااااااااااااااااااااااااااااااااااااااااااااااا
فزوا كل الشباب مره وحده ولفوا لهم وبصوت واحد : شوووووووو؟
عبدالله : اوه لا خسرنا ف القيم
عمر فر عليهم غرشة الماي بعصبيه : خرعتونا انتوا وهذا السوني بكسره ترا على راسكم
ياسر و عبدالله مطنشينه...
ناصر بضحكه : خف علينا انت اخس منهم يوم تلعب
عمر : بس اليوم مالي خاطر ودنا نقعد وهم اذونا
خالد : اقولكم وين فيصل؟
ناصر : الحين جاي من شوي كلمته
راشد : شباب تلعبون ورقه؟
خالد : لا
عمر : لا
ناصر : لا
راشد وهو مكشر: ممممممللللييييييين
الشباب : هههههههههههههههههههههههههههه
زياد : اقولكم شباب
الشباب : قول
زياد : من هي بنت عمنا غريبه القصه صراحه مو قادر استوعب
فيصل عند الباب وقف يوم سمعهم ..
ناصر : والله هو الصراحه شي غريب يطلع عندنا اصلا عم فجاه والحين بنت عم بعد
راشد : ابوي قال انه كان عند ولد بعد بس الله يرحمه توفى معاهم
عبدالله لف عليهم : هيه قال اسمه ذياب
الشباب بصوت واحد : الله يرحمهم
عمر : بس سسسسمعت انهاااا مزه وغمز
راشد : الصراحه حلوه الحق ينقال
عبدالله : هيه والله
فيصل مسك مقبض الباب بقوه وبعصبيه و عض شفايفه بقهر حس بخنقه مايدري ليش انقهر يوم سمعهم يمدحونها.
وفجاه حس بايد على كتفه لف وشاف ابوه وعمامه واقفين ومستغربين شو فيه واقف هني؟
ابوه: عسى ما شر يا وليدي فيك شي؟
فيصل بارتباك : لا بس سرحت شوي
عمه ابو ناصر : الله يهديك يا فيصل وايد متعب عمرك بشغل ارتاح الحين هالكم يوم
فيصل بهدوء : ان شاء الله
ودخلوا المجلس ..
فزوا الشباب وسلموا على عمامهم وفيصل
ناصر وهو يهمس لفيصل : فيك شي؟ وجهك مو عاجبني
فيصل بدون نفس : لا
ناصر عقد حواجبه وسكت ماعلق
عمر : هلا هلا بالحب فصولي
فيصل ببتسامه مصطنعه : هلا فيك
عمر : اوف المود شكله ضارب و بقوه
فيصل : اسمحوا لي عاد مصدع شوي
الشباب : مسموح
راشد : يلا نلللللللعب ووووووورقه
الشباب بصوت واحد : لاااا
راشد : اخ لاه قسم بالله جوكم صفر اروح احوط في المزرعه بروحي ابرك
وضحكوا كلهم على مشيته وهو معصب : هههههههههههههههههههههههههههه
————————————————————————
عند البنات
قاعده عند جدتها والجده كل شوي تحضنها و تصيح وتبوسها وتشمها وهي مستانسه وايد على هذا الحب بس في نفس الوقت خايفه.
الجده وهي تسمح دموعها : اهخ يا ولدي يا حبيبي ما بقيت لي شي غير بنتك والله لاحطها ف عيوني يا بعد عيوني
ام ناصر : يا يمه ارحمي نفسج صار لج ساعه وانتي تصيحين مش زين
ام فيصل : بتصدعين بعدين عمتي اهدي شوي و ناظرت ميرا من فوق لين تحت
وميرا. استغربت من نظراتها وجت بتقوم بس مسكتها الجده و قالت: لا والله ما تقومين اقعدي عندي ما شبعت منج
ميرا اكتفت ببتسامه.
ام ناصر : رنا روحي هاتي ماي لجدتك
رنا : ان شاء الله يمه.
في المطبخ
راشد يدور و يدور عشان يحصل شي ياكله راشد وهو يتحرطم: شو هالمطبخ الي مافيه شي! على الاقل اندومي ياخي
وانتبه للدولاب ورا باب المطبخ راح صوبه على امل انه يلاقي شي ياكله وفي نفس الوقت دخلت رنا المطبخ ولا انتبهت لراشد الي ورا الباب، دخلت وهي تغني ومروقه و مرت تتدور على ماي ولقته بس اشتهت تسوي لها نسكافيه وقفت وهي قاعده تسويه وتغني وتتمايل يمين ويسار ولا انتبهت للعيون الي تناظرها بصدمه.
وفجاه طاح الكوب الي بايد راشد لفت رنا بخوف وناظرت راشد بصدمه وهمست : راشد
راشد عقد حواجبه : تعرفيني؟
ضحكت من الصدمه على سؤاله : ههههههههههههههههههههههههههههه طبيعي! مب انت ولد عمي؟
استحى راشد من سؤاله وتفشل ضحك وقال: طبيعي بس انا ماعرفكم ماشاء الله عليكم كثار
ضحكت وقالت : انا رنا بنت عمك ناصر
راشد وهو يتاملها من فوق لين تحت : اها تشرفنا
رنا استحت من نظراته وانتبهت للبسها وخافت خالد يدخل ويشوفها شلت الماي و طلعت تركض نادها راشد : و الكوووووفي؟
رنا وهي بعيد : اشربه انتتتتت
ضحك راشد و لف شله وقال : شي احسن من ولا شي
شله وراح صوب المجلس عند الشباب.
دخلت رنا وقلبها يضرب طبول ووجها احمر وتحس بحراره مش طبيعيه انتبهت لها خلود و سالتها : رنو ؟ فيك شي ؟
رنا: ها؟ لا مافيني شي و راحت لجدتها تعطيها الماي وانتبهت لميرا نايمه بعمق ف حضنها ابتسمت على وجهه ميرا البريئ وحزنت عليها مره. ودمعت عيونها ورجعت للبنات وانتبهت لهم انهم بعد عيونهم محمرا وواضح كاسره خاطرهم ميرا.
أنت تقرأ
راوية تزاحمت بقلبي حتى مُت عشقًا بك
Randomاول مره اكتب راويه.. اتمنى انها تعجبكم و ان شاء الله لو لقيت تفاعل راح اكملها. الروايه حاولت قد ما اقدر اخليها سعوديه من كثير حبي لسعوديه وحتى اللهجه بس سامحوني لو كان في اغلاط ما استخدمت لهجتي ( اماراتيه ) لانه راح تكون صعبه على البعض .. بختصار ات...
