الجانب الآخر / مكتمله

27

صار يناظرها وكأنه مش موجود بالنسبة لها ، أكثر طلبات مع ذلك ما يلاقي منها إلا الرسمية .. مع ذلك مو قادر يسألها لأنه عارف السبب
نقر الزر وطلبها ..
دينا " ياربي ما صارت ! " وقامت بملل لمكتبة ..
نايف أشر بيده: تفضلي ..
دينا جلست بدون كلام ..
نايف " يا ربي من وين ابدأ وأتكلم " : اممم .. كيفك مع الشغل ؟ مرتاحة؟
دينا بجفاء: الحمدلله ..
نايف : اقدر أتكلم معك بخصوص ألي صار !
دينا: و آيش ألي صار ؟
نايف يناظر عيونها: بخصوص مشاعل  وعن نومتي عندها ..
دينا تدعي اللامبالة وبغرابة: ومن متى تفسر لي الأمور ! هي تظل زوجتك مو بحاجة لتفسير ..
نايف بإهتمام: من اليوم .. وأنتي ذراعي اليمين
دينا استغربت كلمته
نايف انتبه على نفسه: أنا اقصد بالشغل ، وانتي الوحيدة ألي تدري بموضوع الرسايل .. مهم أحافظ على نفسيتك وهمتك العالية ، مثل أول يوم دوام .. انا اعطيك الحق بالكلام وألي ودك فيه قوليه لا تخليه بخاطرك
دينا اطالت النظر فيه وكأنها تحاول تمسك اعصابها وتتكلم بالمنطق: بيوم الحادثة لما كنت المتهمة وكيف الكل يعاملني بوحشية ومن ضمنهم أنت عاملتي ك خادمة ، ولما صرت بيرئة وعرفت الجاني ومن المجني عليه ايش وكيف تصرفت !؟ ولا كأن شيء صار " وبقهر " لكن معي أنا صارت سالفة وصرت تصب علي كرهك وشرك بلا رحمة ليه ! لييه يا استاذ ما تتكلم يا محامي ..
نايف:......
دينا كملت: رغم ضغوطاتك ورغم كل شيء كنت أحاول ابحث عن الحقيقة وادورها ، مافي اتهام ما اتهمتني به حتى مع علي ! تظن أني بنزل لهالمستوى القذر ! تراي بنت ناس محترمة .. انت وعايلتك جانبك الآخر مظلم وبقوة لدرجة الخوف .. ذكرى ! فوزية ! أنت !!! تهاني عندك وجه ومن وراك وجه مافي ملاحظة ماحطتها بولدي وازعاج وازعاج ياسلام يعني الأطفال الثانية ماتصارخ ولا تتشاقى إلا ولدي .
نايف: وأنا معين خادمة خاصة فيه ليه ؟
دينا بانفعال: روح علمها .. روح علم بنت عمك المصون ..
نايف: ابشري بتفاهم معها وآيش شيء ثاني ؟
دينا سكتت شوي وهي تناظر بعيونه الحادة وبنبرة صوت عميقة: اتمنى تركز بالناس ألي ما تتوقع منهم الخطأ اتمنى تترك عاطفتك جانبا وتركز .. " وبصوت قريب للهمس " تركز يا نايف .. وقتها بتعرف ألي يدور من وراك ..
نايف ألتمس شيء بصوتها: وش قصدك دينا ؟
دينا قامت: أنا وراي شغل لزوم انجزه قبل ما يجي اخوي وولدي ..
نايف ألي تو يدري: بيجون ؟ متى ؟
دينا: الربوع هذا ..
نايف: وليه ماقلتي لي ؟
دينا باستغراب: وأعلمك ليه !؟
نايف: لأني زوجك اقلها بالنسبة لهم ، لزوم اقابلهم واضيفهم وأشوف اللازم ..
دينا تناظره بصمت ..
نايف مسك جواله: ربي يهديك بخلي الخدامة تنظف لهم المجلس وتجهزه عشان ينامون  ..
دينا: ينامون ! لا لا مازن ما بيرضى قلت لفوزية تحجز و..
نايف قاطعها بحده: وش هالكلام دينا ! مهيب من الأصول ودامهم مش عايلة مجرد شخصين ما أشوف في مشكلة لو جلسوا عندنا والبيت كبير ..
وبسام ما بيرتاح بالفندق هنا معه مهند وبيغير جو معه ومازن لاتشيلي هم بيرتاح على الآخر ..
دينا صارت تناظره وهو يجري اتصال للبيت عشان يقومون باللازم في مجلس العيال المختلف عن مجلس الرجال ..
طلعت بصمت وجلست بمكتبها " محمد رغم ان اخواني كانوا جيرانه مايفكر يجلس معهم واذا جاووني مايجلس معهم يروح يدخل ونايف يروح يتجهز عشان وصول إخواني .. فرق كبير ، وايش سر هالتغير اكيد حاس بالذنب بعد سلوكه تجاه إجرام مشاعل أكيد "
رجعت تكتب وتنظم الأوراق وتحطها بملفاتهم بعد وقت الظهرية قامت في خروج نايف ..
نايف: جاهزة نطلع ؟
دينا: نطلع ! لوين ؟
نايف: مامعك شغل الآن وباقي بعد بس نصف ساعة على دوامك وخلينا ننجز الأشغال .. يلا انزل بنتظرك تحت ..
دينا في عدم فهمه راحت لمت الأغراض وقفلت الدرج وطلعت وراه وصعدت السيارة .. استغربت لما أتجه  للهايبر ..
نايف طف السيارة: يلا نزلنا ..
دينا نزلت معه بصمت لحد ما مسك العربة ..
نايف: اختاري ألي يحبه مازن وبسام لثلاجتهم الصغيرة .. و لنوفي طبعا ..
دينا اخفت فرحتها وبسمتها واختارت أشياء يحبوها وللمدة ألي بيقضونها عندها وحاسب
جهز نايف أستعداد وصول مازن وبسام ..