الجانب الآخر / مكتمله

38

دينا: عمك نايف وين ؟
رزان: من دقيقتين صعد لجناحه .
دينا بنفس ابتسامة: حلو .. إذا أنا بسهر معه ، بالإذن ..
" شافت كارول بالدرج ألي اتصلت فيها " كويس خذي المفتاح وقفلي وانتبهي لنوفي .
كارول: اوكي مدام .
مشت بخطوات واثقة بخطوات امرأة تهدف للكيد والإنتقام .وهي تدري بنظرات رزان لها وعلى علم أنها بتقول لأمها بالتفصيل
مررت البطاقة وانفتح الباب ودخلت كانت تدوره بعينها اقتربت من الغرفة النوم وفتحت الباب سمعت صوت مرش الحمام ناظرت بالتسريحة ماشافت عطرها الموجود سابقا .. دخلت لعند غرفة تبديل الملابس وطلعت المسجل وجهزته على موسيقى الجاز وانارت الشموع وفتحت البراد طلعت بيرة ومن الرف الجانبي كوبين زجاج فاخر
حطته فوق الطاولة ..
نايف توجه لغرفة تبديل الملابس وهو يشم ريحة عطرها الفايحة بالمكان " انت استخفيت أكيد يا نايف .. صرت تشم ريحتها بالغرفة ! " طلع بيجامته المريحة الغالب عليها الأسود جفف شعره بالمنشفة فجأة يسمع موسيقى طالعة من الغرفة الثانية عقد حاجبه ، فتح الباب ، وهو يناظرها من ظهرها المكشوف منتصفه وبطريقة شعرها المرفوع ومنزلة كذا خصلة بشكل مبعثر على وجها .
وسعت عدسة عينها لما ألتفتت له وهو يشوف كامل جمالها وانوثتها صار يتفحصها من فوق لتحت
دينا اقتربت منه وهي تمشي بتمايل مدت له كوب: كنت أنتظرك .. وحمام الهناء .
وجلست بالجلسة وحطت رجل على رجل ليكشف جمال ساقها وفخذها برسمة التاتو العريضة ممتده لفخذها ولعند ركبتها 
نايف بلبكة: كنت .. " وبلع ريقه " بجيك لغرفتك .
دينا تخفي ألمها: عشان ؟
نايف جلس قبالها: عشان نتكلم بألي سمعتيه .
دينا شربت رشفة من كوب: نو .. أنا هنا جيت عشان اتكلم وأنت تسمع
" سكتت شوي وبإبتسامة ألم " أنا ما أعرف كيف الناس تقدر تمثل وتكذب بالحب .
نايف حس بألمها : دينا اسمعيني للآخر .
دينا تحارب دموعها وبصوت يرجف: اي لا تشيل هم ، كلانا بيتكلم ويسولف ويقول كل شيء لكن بالأول المايك لي أنا يا نايف .
سكتت شوي وهي تشرب البيرة وتبلعها بصعوبة وبعيون حمراء ناظرته: كيف قدرت .. كيف امكنك أنك تخدعني وتكذب علي بمسمى الحب ! كيف قدرت اصدقك ..كييف ! للحظة كنت ألمس حبك أهتمامك غيرتك كل شيء كنت أتحسسه معك ، دامك تحبها لهدرجة ليه ماكنت محترم في تصرفاتك معي ، لييه تكلم .
نايف بنبرة صوت عميقة:لأني مازلت اكن لك مشاعر الحب .
دينا ضحكت بسخرية: لأنك شنو ؟ ههههههه .. نايف انا سمعت كلامك كله عني وعن حبك لمشاعل وعن الثقل ألي تحسه على عاتقك بالتمثيل أنك تحبني .
نايف قام وجلس جنبها وبألم: لا يا دينا لا .
دينا قامت بسرعة وكأنها مستقرفة منه: لا تفكر حتى تلمس شعره من رأسي أو انك تجلس جنبي ، تدري أنا ليش جيت هنا ؟ لسبب واحد بس .. بسس واحد يا نايف ، أنا آيش سويت لك عشان تكذب علي بمشاعرك الزائفة لي .. ليه اخذتني لمنتجع ليه اهتميت لي ليه " ونزلت دموعها " تتأثر بدموعي ليه ليه ليه ، بالمقابل أنا ما أذيتك بشيء يا نايف ابدا وبتاتا ما بتلاقي مني مضرة .
نايف قام وصار قبالها: دينا ألي سمعتيه كان تمثيل عشان أوقع في تهاني .
دينا: ووقعتها ؟ أنت للأسف اوقعت بي أنا ، بنبرة صوتك المشتاقة والعاشقة بنفسي سمعتها وأنت تتكلم عن حبك لها يا حقير .
نايف بجنون: دينا أنا .
دينا رفعت يدها واعطته كف وبنوحة: ذي عشان أنك كذبت علي ولعبت بمشاعري واحاسيسي " واعطته كف للمرة الثانية وبصوت يرجف " وذي عشان مشاعري ألي أنت بنيتها ولا تستحقها .
نايف بإنفعال: دامني ما استحق متعنيه وجايه هنا لييه ؟
دينا بصراخ: لأني أحبك .
نايف صار يناظر بملامح وجها كافه: توقفي عن حبي دامني ما استاهل .
دينا: ما أقدر .. ما أقدر
نايف ضم وجها: وتظنين أني أقدر ؟
دينا بكل قوتها بعدته: ايوه تقدر ، أنت قلت أنك تريد تتزوج .
نايف بصدمة: مين ألي قال لك ؟
دينا تمسح دموعها: كنت متوقع أني ما بعرف ؟ هي ما بتفوت فرصة عشان تثبت لي أنك تكرهني وأني مرفوضة .
نايف مسك كتفها وثبت عينه عليها: تهاني قالت لك ؟
دينا: كل شيء يا نايف هذا غير ألي سمعته من لسانك .
نايف هز رأسه بالنفي: لا يا دينا لا .. أهدي عشان أقدر أفسر لك واشرح كل شيء .
دينا برفض صارت تبعده وتضرب كتفه بكل ما هو من ألم بقلبها
نايف سحبها بحضنه رغم مقاومتها له بالأخير خارت قوتها وبلا أي مقاومة .. شد عليها أكثر وبهمس: شششش دينا خلاص .. أنتي اعصابك تعبانة وما أقدر اشرح لك كل شيء لزوم تهدين عشان أقدر اتكلم معك .
ظل حاضنها دقيقة لما حس بهدوئها ، ابعدها بشويش من حضنه ..
وجلسها بالكنب وجلس جنبها وبخوف عليها: دينا خلاص خلينا نتكلم مثل العاقلين .. ضربتيني ، ارتحتي خلاص ؟ الآن دوري اني اتكلم معك بشكل هادي وعاقل .. كل ألي سمعتيه بالمكتبة كان مجرد تمثيل ، اسامة وأنا شاكين في تهاني من ناحيه أمور وأمور .
دينا ناظرته بأمل: صدق ؟
نايف: حتى اسألي ذكرى كنت معها بالمطعم وخططنا لكل شيء صار لكن تغيرت الخطة أول ما دخلتي وسمعتي الكلام ألي قال .
دينا بفم حزين: بس أنا سمعت نبرة صوتك المشتاقة ..
نايف قاطعها: تظنين أن بس أنتي ألي تقدرين تمثلين ؟ حتى أنا بعد أقدر أمثل لكن قلبي " مرر يده عند خدها الناعم " ملك لك لحالك ورغم كل شيء ما قدرت إلا أني أحبك أكثر من أي وقت مضى .
دينا صارت تناظره بفرحة بجواتها وعينها تتجول لملامح وجهه كافة
نايف وهو يعتصر الألم بقلبه: طلبت بُعدك لكن ماقدرت كل ليلة كنت أشوف مقاطعك وصورك وعطرك تعمدت اتركه عن ساير عطوراتك عشان اعطر الوسادة واحتضنها ادري كلامي مبتذل لكن هذا الصدق وعشانك أنتي حاولت اغير نظرتي لتهاني واشوفها من جانب ثاني وللان رغم عدم اقتناعي بكل كلامك لكني أشوف اني جالس ابحث وادرس بشخصيتها أكثر بدون وعي مني بس عشانك انتي قلتي لي .
دينا بإبتسامة حب: يعني كل ألي سمعته كان تمثيل .
نايف: كله " باس يدها " كله يا دينا .
دينا سكتت شوي: بس للآن أشعر بحزن بقلبي لأن تهاني تريد تسدد ضربتها علي و ...
نايف قاطعها: اعرف أني بقول هالشيء وبندم عليه بس يا دينا لزوم قبالها نمثل بعدم قبولي لك بكذا ممكن هي تبين كل حقيقتها .
دينا بعدم تصديق: اقرصني نايف أشعر أني بحلم .
نايف اقترب منها وباس خدها وبهمس اربكها: جالس أقاوم سحرك بكل ما أوتيت من قوة لكن قومي اطلعي يلا .
دينا: ليه ؟
نايف:ممكن تهاني تحس ويخترب كل شيء .
دينا: أنا شفت رزان وأنا جايه لك .
نايف بإندفاع: شفتي شلون ! اكيد بيوصل لها الخبر .
دينا قامت: طيب أنا بروح لغرفتي .
نايف مسك يدها وباسها: اعذريني .. بس ضروري أنك تطلعين أنتي حابه تطلع النتيجة بدري صح ؟
دينا هزت رأسها بالإيجاب : طبعا ..
لبست الكارديغان وتوجهت عند الباب وباندفاع: اقول نايف
نايف ألتفت لها: عيون نايفك ..
ما كمل كلمته إلا وهي خاطفة بوسه منه بعدم إستيعاب للي سوته .
دينا بغمزه: انتبه على نفسك .
وطلعت من الجناح ونايف ألي تو يفك البنج منه ضم شفته لجوا وبإبتسامة .
تهاني كانت واقفة عند الممر
دينا " سبحانه معها فضاوة خايفة يصير شيء بيني وبين زوجي ! صدق مريضة "
تهاني تدرس ملامح وجها وبإبتسامة: تؤ تؤ تؤ يا حرام .. طردك من جناحه ماصار ألي ودك فيه يالرقاصة .
دينا تدعي الألم والقهر: ألعبي ياتهاني وانبسطي بس مش لوقت طويل أنا أوعدك .
تهاني: ماشفت شيء منك غير التهديد أنتي من النوع ألي ما ينفذ .
دينا: صدقتي ! وقت التنفيذ قريب ولزوم تعرفي هالشيء زين .
مشت من قدامها لعند غرفتها ..
كارول كانت بجوالها قامت اول ماشافتها .
دينا: شكرا كارول يو كان سليب .
اطلقت إبتسامة عريضة بوجها وضمت جوالها تسطحت بالسرير وهي تقرا رسالته
نايف : كنت عارف أني بندم على ألي سويته ، لأني الآن مشتاق لك واتمناك حولي .. لكن وش نسوي نتصبر عشان الغاية ، تصبحين على خير أحبك .
عضت شفتها ودها تصارخ من الحماس بس ما قدرت خافت تصحي ولدها ..
كل منهم يتخيل ويبتسم ويسرح بعالمه الشخصي
~~
ذكرى: كيف حال مشروعك ؟
دينا بإبتسامة: كل خير .
ذكرى: ممتاز بديتي فيه ؟
دينا: بعد شوي بستأذنك عشان اجيب الأغراض واشتغل بالمشروع .
ذكرى: ممتاز انا عموما ما احتاجك هنا تقدري تاخذي راحتك .
دينا قامت: ما بطول ساعتين بالكثير وارجع .
ذكرى: لاترجعين روحي للبيت عشان تشتغلين فيه ولو لازمك أي شيء اتصلي بي .
دينا وبيدها كيس صغير: ألي احتاجه من معدات أنا أخذتها ، باي .
وطلعت في إتجاه للمحلات وصارت تقضي لوازمها كاملة لبدء في مشروعها .
.
.
تهاني بفرحة: من جدك ؟
افنان غطت وجها: اي بالله ولا شك بأي شيء ، هالقوارير ذي عجيبة .
تهاني: يعني اقدر أقول مبروك ؟
افنان: اصبري بعد .. بعد بكره بعطيه عشان يوم التبويض الفعلي وربك كريم يارب اكون حامل .
تهاني: يارب يارب .
نزلت رزان بالدرج وبإبتسامة: هلوو خالتي .
وبعد السلام
رزان جلست عند أمها وبصوت ناعم: اقول يمه .
تهاني: الله يستر اكيد في شيء .
رزان بابتسامة خجل: يابعد قلبي محد يعرفني كثرك .
تهاني: اخلصصي وش تبغين .
رزان:احم 1500 ريال بس .
تهاني وسعت عدسة عينها:شنوو
رزان بإندفاع: يمه بأخذ دورة مكياج .
تهاني بإنفعال: مو من زود ابداعك يألي مفشلتني بكل مناسبة .
رزان: تكفين يمه هي مسويه عروضات وفتحت لتسجيل وحابه إشترك عندها .
تهاني: رزانوه وخري عني لتشوفين العين الحمراء .
افنان: حرام تهاني اتركيها تتعلم .
تهاني: ما يصير يا أفنان الشهر ماخلص وصرفت فيه وباقي فلوس الخدامات والسواق والكهرباء مين بيدفعهم .
رزان مدت بوزها: يمه انا بنتك الوحيدة ألي مالك غيرها وبكرك .
تهاني مدت صبعها: بعدي عني لشوف .
رزان قامت بقهر: عمي نايف ما بيقصر معي .
تهاني بحده: يا رزان افهمي ، المصاريف زادت وعمك مو قايم بس فيك كافي أنه شايل عمال ابوك هو واسامة لا تزودينها عليهم خلاص .
رزان: عادي اخصموا من راتبي الشهر الجاي بس ضروري ادخل الدورة .
تهاني بعصبية: رزان وبعدين معك .
رزان بصوت باكي: اووف كل شيء لا ..
وصعدت فوق .
أفنان بفم حزين: تهاني هدي أعصابك ليه هالعصبية ذي كلها .
تهاني أخذت نفس عميق: لزوم تتأدب وتصرف كويس مو تجلس تعبث بالفلوس مو كافي الكهرب ضارب .
أفنان: اسامة قال لي أن مدخول العمال ومحلات ابو علي ربي يرحمه زينة .
تهاني تغير الموضوع: ماعليك من هالسالفة أنا بعد شوي بتفاهم معها .