Episode 1
<< ជនចាប់ជំរិតកូនក្មេងដើម្បីគម្រាមយកលុយពីឪពុកម្ដាយ ដែលពេលនេះក្រុមប៉ូលីសកំពុងតែតាមចាប់ខ្លួនតាមអត្តសញ្ញាណដែលបានស៊ើបពីឪពុកម្ដាយដែលមានកូនត្រូវក្មេងប្រុសម្នាក់នោះចាប់ចម្រិត តាមការបកស្រាយ ក្មេងប្រុសមានវ័យជំទង់អាយុប្រហែល 17-18 ឆ្នាំ មិនអាចមើលមុខច្បាស់នោះទេព្រោះគេបិទមុខជិត ហើយបំពាក់ឧបករណ៍បន្លំសម្លេងដែលជាឧបករណ៍មិនអាចស្ដាប់ដឹងនឹងសម្លេងពិតប្រាកដបាន គេចាប់ជម្រិតភ្លាមហើយក៏តេរគម្រាមឪពុកម្ដាយតែម្ដង ហេតុនេះហើយសូមឪពុកម្ដាយ អាណាព្យាបាលគ្រប់រូបប្រុងប្រយត្ន័ខ្លួនព្រោះតែជនល្មើសម្នាក់លាក់អត្តសញ្ញាណមិនអាចឲ្យប៉ូលីសស៊ើបដឹងនោះទេ ស៊ើបបានត្រឹមករណីខាងលើ កាត់បន្ថយការនាំកូនចេញទៅខាងក្រៅ ដើម្បីសុវត្ថិភាព សូមអរគុណ >> សម្លេងអ្នកផ្សាយពត័មានតាមរយះទូរទស្សន៍ ចុះផ្សាយដើម្បីជាការដាស់តឿន និងសុវត្ថិភាពរបស់ឪពុកម្ដាយគ្រប់រូប ។
ទូរទស្សន៍បើកចោលដោយអ្នកដែលកំពុងតែអង្គុយទល់មុខទូរទស្សន៍ បើកភ្នែកភ្លឺសព្រោះតែរកប៉ុស្ត៍តុក្កតាដែលចង់បាន ។ ក្មេងតូចអាយុ 5 ឆ្នាំអង្គុយចុចតេឡេដោយមិនដឹងខ្យល់អីទៅតាមអាយុរបស់ខ្លួន ។ កើតមកជាកូនអ្នកមានស្ដុកស្ដម្ភ មានអ្នកបម្រើឆ្វេងស្ដាំតែបែរជាមិនទទួលបានការមើលថែរ យកចិត្តទុកដាក់ និងភាពកក់ក្ដៅពីឪពុកម្ដាយ ព្រោះតែលោកទាំងពីរតែងតែជាប់រវល់នឹងការងារ ទុកឲ្យក្មេងតូចមុខមាត់គួរឲ្យស្រឡាញ់ សាច់ទ្រលុកទ្រលុន ត្រូវម៉ែដោះជាអ្នកមើលថែដូចម្ដាយបង្កើតទៅវិញ
<< អ្នកប្រុសតូច កំពុងធ្វើអីនឹង?? >> ម៉ែដោះ បន្ទាប់ពីទំនេរពីការងារក្នុងផ្ទះតាមតួនាទីរបស់គាត់ហើយ ក៏ដើរមករកអ្នកប្រុសតូចត្រកូល Kim ដែលគួរឲ្យអាណិត អង្គុយមើលតុក្កតាម៉ង់ៗតែម្នាក់ឯង
<< បាទ៎!!! >> Kim Taehyung ជាអ្នកប្រុសតូចគួរឲ្យស្រឡាញ់របស់អ្នកគ្រប់គ្នានៅទីនេះ តែក៏ជាអ្នកប្រុសតូចគួរឲ្យអាណិតនៅក្នុងភូមិគ្រឹះនេះដែរ អ្នកណាមិនអាណិតស្រឡាញ់ពេលដែលឃើញក្មេងតូច មុខមាត់ខ្យូតៗបែបនេះត្រូវឪពុកម្ដាយដែលជាអ្នកផ្ដល់កំណើតឲ្យព្រងើយកន្តើយបែបនេះនោះ
