رواية عزاي انك رجاي العذب لو كل الدروب عثور / أديم الراشد

رواية عزاي انك رجاي العذب لو كل الدروب عثور للكاتبة أديم الراشد الجزء الرابع

*ـــــــــــــــــــــــــــــــــــــــــــــــــ*
*((, #ﻋﺰﺍﻱ_ﺇﻧﻚ_ﺭﺟﺎﻱ_ﺍﻟﻌﺬﺏ_ﻟﻮ_ﻛﻞ_ﺍﻟﺪﺭﻭﺏ_ﻋﺜﻮﺭ💙))*

*(( #الحديقة_الرابعة))*
*ــــــــــــــــــــــــــــــــــ*

لاتنسواااا متابعة صفحتي على الواتباد

ﺍﻟﻌﺼﺮ ﻓﻲ ﺑﻴﺖ ﺍﻟﻨﻮﺧﺬﻩ
ﻛﺎﻧﺖ ﻟﻴﻠﻰ ﺟﺎﻟﺴﻪ ﺟﻨﺐ ﻧﻬﻴﺎﻥ ﻭﻫﻮ ﻳﻌﻠﻤﻬﺎ ﻛﻴﻒ ﺗﺪﻕ
ﻭﻣﺮﻳﻢ ﻭﺷﻴﺨﻪ ﺟﺎﻟﺴﻴﻦ ﻳﻨﺎﻇﺮﻭﻧﻬﻢ ﺑﺒﺘﺴﺎﻣﻪ ﻭﺍﺑﻮ ﻧﻬﻴﺎﻥ ﻭﺍﻡ ﻧﻬﻴﺎﻥ
ﻧﻬﻴﺎﻥ : ﺧﻼﺹ ﺍﻟﺤﻴﻦ ﻧﻮﻗﻒ ﻭﺑﺎﻟﻠﻴﻞ ﻧﻜﻤﻞ
ﻟﻴﻠﻰ : ﺯﻳﻦ ﺑﺲ ﻗﺒﻞ ﻧﻮﻗﻒ ﺍﻟﻠﻪ ﻳﺨﻠﻴﻚ ﺧﻠﻨﺎ ﻧﻐﻨﻲ
ﺍﺑﻮ ﻧﻬﻴﺎﻥ : ﺍﻱ ﻭﺍﻟﻠﻪ ﻳﺎ ﻧﻬﻴﺎﻥ ﻏﻦ ﻟﻨﺎ ﻣﻦ ﺯﻣﺎﻥ ﻣﺎ ﺳﻤﻌﺘﻨﺎ ﺻﻮﺗﻚ
ﻧﻬﻴﺎﻥ : ﺍﺑﺸﺮ
ﻃﻞ ﺟﺎﺑﺮ ﻣﻦ ﺍﻟﺸﺒﺎﻙ ﻭﻫﻮ ﻳﻀﺤﻚ: ﺗﻜﻔﻰ ﻧﻬﻴﺎﻥ ﺍﺫﺍ ﻏﻨﻴﺖ ﻏﻦ ﺷﻲ ﻳﻮﺻﻞ ﻟﻠﻘﻠﺐ
ﻟﻴﻠﻰ ﺻﻔﻘﺖ : ﺍﻳﻪ ﺍﻳﻪ
ﺿﺤﻚ ﺛﻨﻴﺎﻥ ﻭﻫﻮ ﻳﺒﺪﻯ ﻳﺪﻕ ‏( ﺍﺑﻌﺘﺬﺭ ... ﻋﻦ ﻛﻞ ﺷﻲ ... ﻭﺻﺮﺧﻮﺍ ﺟﺎﺑﺮ ﻭﻟﻴﻠﻰ ﻣﻌﻪ : ﺇﻻ
ﺍﻟﻬﻮﻯ .. ﻣﺎ ﻟﻠﻬﻮﻯ ﻋﻨﺪﻱ ﻋﺬﺭ ..
ﻭﻛﻤﻠﻮﺍ ﻣﻌﻪ ﻳﻐﻨﻮﻥ ﻭﻳﻀﺤﻜﻮﻥ ﻭﻭﻗﻔﺖ ﻟﻴﻠﻰ ﻭﻫﻲ ﺗﻐﻨﻲ ﺍﻟﻜﻮﺑﻠﻴﻪ ﻭﻫﻲ ﺗﺸﺮﺣﻪ ﻋﻠﻰ
ﻧﻔﺴﻬﺎ ﻭﺗﻀﺤﻚ ‏( ﺍﺗﺼﺪﻗﻴﻦ ... ﻣﺎ ﺍﺧﺘﺮﺕ ﺃﻧﺎ ﺃﺣﺒﻚ ... ﻣﺎ ﺍﺣﺪٍ ﻳﺤﺐ ﺍﻟﻠﻲ ﻳﺒﻲ ...
ﻳﺎﺣﺒﻲ ﺍﻟﻤﺮّ ... ﺍﻟﻌﺬﺏ ... ‏)
ﻭﻗﻒ ﻧﻬﻴﺎﻥ ﻣﺎ ﻏﻨﻰ ﻭﻛﻤﻠﺖ ﻟﻴﻠﻰ ﻭﺍﻟﻜﻞ ﻳﺼﻔﻖ ﻟﻬﺎ ﻭﻳﻀﺤﻚ
._______________________
ﻭﻓﻲ ﺑﻴﺖ ﺍﺑﻮ ﺧﻠﻒ
ﻃﻠﻊ ﺧﻠﻒ ﻭﻫﻮ ﺑﻌﺪ ﻣﺎﺻﺤﻰ ﻣﻦ ﺍﻟﻨﻮﻡ ﻭﻫﻮ ﺿﺎﻳﻖ ﺧﻠﻘﻪ ﻭﺍﺧﻼﻗﻪ ﻭﻗﻒ ﻭﻫﻮ ﻳﻀﺒﻂ
ﺷﻤﺎﻏﻪ ﻭﻣﻼﻣﺢ ﺍﻟﻀﻴﻖ ﻭﺍﺿﺤﻪ ﻋﻠﻰ ﻭﺟﻬﻪ
ﻟﻜﻦ ﻟﻒ ﻭﻫﻮ ﻣﺴﺘﻐﺮﺏ ﺍﻟﻐﻨﺎﺀ ﻟﻠﻲ ﺑﺎﻟﻤﻄﺒﺦ ﻭﺭﻳﺤﺔ ﺍﻟﻜﻴﻚ ﻃﻞ ﻭﺍﻧﺼﺪﻡ: ﻭﻋﺪ ! ؟ ﻭﺵ
ﻋﻨﺪﻙ ! ؟
ﺭﻛﺾ ﻓﻴﺼﻞ : ﻣﻨﻴﻴﻴﻴﻦ ﻃﺎﻟﻌﻪ ﺍﻟﺸﻤﺲ ﺍﻟﻴﻮﻡ
ﻗﺮﺑﺖ ﻧﺪﻯ ﻭﻫﻲ ﻣﻌﻬﺎ ﺳﻠﺔ ﺍﻟﻐﺴﻴﻞ: ﺍﺫﻛﺮﻭﺍ ﺍﻟﻠﻪ ﺗﻜﻔﻮﻥ ﻣﺎﺻﺪﻗﻨﺎ ﺗﺮﻭﻕ
ﻭﺟﺪﺍﻥ ﺍﻟﻠﻲ ﻛﺎﻧﺖ ﻣﺤﺸﻮﺭﻩ ﺗﻐﺴﻞ ﺍﻟﻤﻮﺍﻋﻴﻦ ﺑﻌﺪ ﺗﺨﺒﻴﺺ ﻭﻋﺪ : ﻳﺎﺧﻲ ﻟﻴﻪ ﺍﻟﺮﻭﻗﺎﻥ
ﻣﺎﻳﺸﻤﻠﻨﻲ ﻭﺗﻌﻔﻮﻧﻲ ﻣﻦ ﺍﻟﻤﻮﺍﻋﻴﻦ
ﺍﻣﺎﻧﻲ : ﺍﻻ ﺍﺣﺴﺴﺴﻦ ﻋﺸﺎﻥ ﺗﺼﻴﺮﻳﻦ ﺳﻨﻌﻪ
ﻭﺟﺪﺍﻥ : ﻣﺎﺑﻲ ﻳﺎﺧﻲ
ﻗﺮﺑﺖ ﺣﻨﺎﻥ : ﺍﻃﻠﻌﻲ ﺧﻠﻴﻬﺎ ﺍﻧﺎ ﺍﻛﻤﻞ
ﻭﻋﺪ : ﺣﻨﺎﺍﺍﻥ ﻭﺧﺮﻱ ﻋﻨﻬﺎ ﺧﻠﻴﻬﺎ ﺗﻌﻠﻢ
ﻭﺍﻡ ﻭﻋﺪ ﺍﻟﻠﻲ ﻛﺎﻧﺖ ﺟﺎﻟﺴﻪ ﺑﺎﻟﺤﻮﺵ ﻫﻲ ﻭﺍﻡ ﺧﻠﻒ ﺿﺤﻜﺖ : ﻛﻔﻮ ﺧﻠﻮﻫﺎ ﺗﺴﻨﻌﻬﺎ
ﺍﻣﺎﻧﻲ : ﻋﺎﺍﺍﺩ ﻭﻋﺪ ﺍﺫﺍ ﻣﺴﻜﺖ ﺍﺣﺪ ﺗﻌﻠﻤﻪ ﺍﻟﺸﻐﻞ ﻳﻌﻨﻲ ﺗﻌﻠﻤﻪ
ﻭﻋﺪ : ﺧﻠﻴﻒ ﻻ ﺗﺮﻭﺡ ﻟﻴﻦ ﺗﺬﻭﻕ ﺍﻟﻜﻴﻜﻪ
ﺧﻠﻒ : ﻛﻨﺖ ﺑﺮﻭﺡ ﺑﺲ ﻫﻮﻧﺖ ﻭﺍﻟﻠﻪ ، ﺑﺲ ﺍﻗﺪﺭ ﺍﻋﺮﻑ ﻭﺵ ﺍﻟﻤﻨﺎﺳﺒﻪ
ﻭﻋﺪ ﻗﺮﺑﺖ ﻭﻫﻲ ﻣﻌﻬﺎ ﻗﻄﻌﻪ ﻋﻄﺘﻬﺎ ﺧﻠﻒ : ﺍﺑﺪ ﻣﺴﻮﻳﺘﻬﺎ ﻣﻜﺎﻓﺄﻩ ﻟﻨﻔﺴﻲ ﻭﻣﺼﺎﻟﺤﻪ ﺫﺍﺗﻴﻪ
ﻓﻴﺼﻞ ﺑﻀﺤﻚ : ﻛﻞ ﻫﺎﻟﻔﻠﺴﻔﻪ ﻭﺑﺘﺪﺭﺳﻴﻦ ﺑﻌﺪ ! ؟ ﺣﻤﺪﻟﻠﻪ ﺍﺑﻮﻱ ﺭﻓﺾ
ﺿﺤﻜﺖ ﻭﻋﺪ : ﻣﺎﻋﻠﻴﻪ ﺧﺬ ﺭﺍﺣﺘﻚ
ﺍﻧﻬﺒﻞ ﻓﻴﺼﻞ ﻣﻦ ﺍﻟﻮﻧﺎﺳﻪ ﺍﻧﻬﺎ ﻣﺎﻫﺎﻭﺷﺖ : ﺣﻤﺪﻟﻠﻪ ﻫﺎﺫﻱ ﻓﺮﺻﻪ ﻣﺎ ﺗﺘﻔﻮﺕ
ﺭﻛﺾ ﺳﺎﻟﻢ ﻭﻏﻴﺚ: ﻧﺸﻢ ﺭﻳﻴﻴﻴﺤﺔ ﻛﻴﻚ
ﻭﻋﺪ : ﺍﻳﻲ ﻟﻜﻦ ﺍﻓﺮﺷﻮﺍ ﻳﻼ ﺍﻟﻔﺮﺷﻪ ﻋﺸﺎﻥ ﻧﺠﻠﺲ ﻛﻠﻨﺎ ﻭﺍﻧﺖ ﻏﻴﺚ ﻧﺎﺩ ﻭﺭﻭﺡ ﻧﺎﺩ ﻣﻀﺎﺍﻭﻱ
ﻭﻫﻴﺎ ﻭﺍﻟﺒﻨﺎﺕ ﻭﺟﺪﺗﻲ ﻭﺧﺬ ﻫﺎﻟﺼﺤﻦ ﻋﻄﻪ ﻋﺰﻭﺯ ﻳﻼ
ﻓﻴﺼﻞ: ﻻ ﻻ ﻫﺎﺗﻮﺍ ﺻﺤﻦ ﻋﺰﻭﺯ ﺍﻧﺎ ﺍﻭﺩﻳﻪ
ﺧﻠﻒ : ﻋﻄﻴﻨﻲ ﻗﻄﻌﺘﻲ ﻫﻨﺎ ﺑﺄﻛﻞ ﻭﺍﻃﻠﻊ ﻭﺭﺍﻱ ﺷﻐﻞ ﻭﺟﻬﺰﻱ ﻗﻄﻌﻪ ﻋﻠﻰ ﻃﺮﻑ ﺍﺑﻴﻬﺎ
ﻟﻨﺎﺩﺭ
ﻭﻋﺪ : ﺍﺑﺸﺮ
ﻭﺭﻛﺾ ﻏﻴﺚ ﻭﻫﻮ ﻳﺪﻕ ﺍﻟﺒﺎﺏ ﻭﻓﺘﺤﺖ ﻣﻀﺎﻭﻱ ﻗﺒﻠﻪ : ﻣﺴﻮﻳﻴﻴﻦ ﻛﻴﻚ
ﻏﻴﺚ : ﺍﻳﻴﻴﻪ ﻭﻣﺴﻮﻳﺘﻪ ﻭﻋﺪ ﺑﻌﺪ
ﺷﻬﻘﺖ ﻣﻀﺎﻭﻱ : ﺷﺼﺎﻳﺮ ﺑﺎﻟﺪﻧﻴﺎ ! ؟
ﺿﺤﻚ ﻏﻴﺚ: ﺗﻘﻮﻝ ﻣﻜﺄﻓﺎﻩ ﻟﻨﻔﺴﻬﺎ
ﺿﺤﻜﺖ ﻣﻀﺎﻭﻱ ﻭﺩﺧﻠﺖ ﻭﺭﻛﺾ ﻏﻴﺚ ﻳﻨﺎﺩﻱ ﻭﺳﻤﻌﻪ ﻋﻘﺎﺏ
ﻭﻃﻠﻊ ﻫﻴﺎ ﻭﺍﻟﺠﺪﻩ ﻭﺭﺍﺡ ﻏﻴﺚ ﻟﺴﺤﺮ ﻭﻋﻬﺪ ﻭﺷﻬﺪ : ﺑﻨﺎﺕ ﻭﻋﺪ ﺗﻘﻮﻝ ﺗﻌﺎﻟﻮﺍ ﻗﻬﻮﺓ
ﺍﻟﻌﺼﺮﻳﻪ
ﻭﻗﻔﻮﺍ ﺑﻴﺮﻭﺣﻮﻥ ﺑﺲ ﻃﻠﻊ ﻋﻘﺎﺏ ﺑﻐﻀﺐ: ﻭﻟﻠﻠﻪ ﻟﻠﻲ ﺗﻄﻠﻊ ﻟﻜﺴﺮ ﺭﺟﻠﻬﺎ ﺗﺴﻤﻌﻮﻥ
ﺳﺤﺮ : ﻟﻴﺶ ! ؟
ﻋﻘﺎﺏ: ﻛﺬﺍ ﻣﺰﺍﺝ
ﻋﻬﺪ: ﻟﻴﻪ ﻳﺎ ﻋﻘﺎﺏ ! ؟ ﻭﺵ ﺳﻮﻳﻨﺎ ﻋﺸﺎﻥ ﺗﺤﻜﺮﻧﺎ ! ؟ ﺻﺪ ﻋﻘﺎﺏ ﺑﻐﻀﺐ : ﻭﺍﻟﻠﻪ ﻳﺎﻋﻬﺪ ﻟﻮ
ﺗﻨﻄﻘﻴﻦ ﻛﻠﻤﻪ ﺛﺎﻧﻴﻪ ﻣﺎ ﺗﺮﺿﻴﻦ ﺍﻟﻌﻮﺍﻗﺐ
ﺳﻜﺘﻮﺍ ﻭﻃﻠﻌﻮﺍ ﻟﻐﺮﻓﺘﻬﻢ ﺑﻀﻴﻖ ﻟﻜﻦ ﻗﺒﻞ ﻳﻄﻠﻊ ﻋﻘﺎﺏ ﺷﺎﻑ ﻏﻴﺚ ﺭﺍﺟﻊ : ﻋﻘﺎﺏ ﺟﺪﺗﻲ
ﺗﻘﻮﻝ ﺧﻞ ﺍﻟﺒﻨﺎﺕ ﻳﺠﻮﻥ
ﻋﻘﺎﺏ: ﺍﻗﻮﻝ ﺍﺫﻟﻒ ﺍﺣﺴﻦ ﻟﻚ
ﻃﻠﻊ ﻏﻴﺚ ﺧﺎﻳﻒ ﻭﺭﺟﻊ ﻭ ﻭﻋﺪ ﻭﺍﻗﻔﻪ ﺑﺤﻘﺪ ﻭﺭﺍﺀ ﺍﻟﺒﺎﺑﺐ : ﻭﺵ ﻗﺎﻝ
ﻏﻴﺚ : ﻋﻴﺎ ﻭﻫﺎﻭﺷﻨﻲ
ﻭﻋﺪ : ﻫﻴﻦ
ﺭﺍﺣﺖ ﻭﻫﻲ ﺗﺠﻠﺲ ﻗﺪﺍﻡ ﺟﺪﺗﻬﺎ : ﺟﺪﺗﻲ ! ؟ ﺷﻮﻓﻲ ﻋﻘﺎﺏ ﺭﺍﻓﺾ ﺍﻥ ﺧﻮﺍﺗﻪ ﻳﺠﻮﻥ
ﻳﺘﻘﻬﻮﻭﻥ ﻣﻌﻨﺎ
ﺍﻡ ﺧﻠﻒ : ﻟﻴﻴﻪ ﻭﺵ ﻓﻴﻪ ﺍﻟﻠﻪ ﻳﺼﻠﺤﻪ
ﻧﺪﻯ: ﻣﻦ ﺍﻟﺸﺮ ﺍﻟﻠﻲ ﺑﺮﺍﺳﻪ
ﻫﻴﺎ: ﻫﻮ ﻣﻌﺼﺐ ﺣﺘﻰ ﺍﻟﺴﻔﺮ ﻛﻨﺴﻠﻪ ﻭ ﻳﻤﻜﻦ ﻳﺒﻴﻬﻢ
ﺍﺍﻣﺎﻧﻲ : ﻣﺎﻫﻮ ﻋﺬﺭ ! ؟ ﻭﺵ ﺫﻧﺒﻬﻢ ﺧﻮﺍﺗﻪ
ﻭﻋﺪ : ﺟﺪﺗﻲ ﺗﺮﺿﻴﻦ ﺑﻨﺎﺕ ﻋﻴﺎﻟﻚ ﻳﺘﻔﺮﻗﻮﻥ ﻋﺸﺎﻥ ﻣﺰﺍﺝ ﺍﻟﺴﻴﺪ ﻋﻘﺎﺏ
ﺍﻡ ﻭﻋﺪ: ﻭﻋﺪ ﺧﻼﺹ
ﺍﻡ ﻧﺎﺻﺮ : ﻫﻴﺎ ﺗﻌﺎﻟﻲ ﻗﻮﻣﻴﻨﻲ ﻫﺬﺍ ﻣﺎﻋﺎﺩ ﻳﺴﺘﺤﻲ
ﻭﻗﻔﺖ ﻣﻌﻬﺎ ﻫﻴﺎ ﻭﺭﺟﻌﻮﺍ ﻟﺒﻴﺘﻬﻢ ﻭﻋﻘﺎﺏ ﻭﺍﻗﻒ ﺑﻐﻀﺐ ﻳﻌﺪﻝ ﺷﻤﺎﻏﻪ
ﺍﻡ ﻧﺎﺻﺮ : ﻋﻘﺎﺏ ﻭﺟﻊ ﻳﻮﺟﻊ ﺍﻟﻌﺪﻭ
ﻋﻘﺎﺏ : ﻭﺵ ﻓﻴﻚ ﻳﺎﺟﺪﻩ ﻭﺵ ﻓﻴﻚ
ﺍﻡ ﻧﺎﺻﺮ : ﻣﺎﻋﺎﺩ ﺍﻻ ﻫﻲ ﺗﺤﺒﺲ ﺑﻨﺎﺕ ﻭﻟﺪﻱ ﻧﺎﻳﻒ ﻋﻦ ﺑﻨﺎﺕ ﻋﻤﻬﻢ ﻣﻌﺼﻲ ﻭﺍﻟﻠﻪ
ﻋﻘﺎﺏ : ﺟﺪﺗﻲ ﻻ ﺗﺤﻮﺳﻴﻦ ﺍﻟﺪﻧﻴﺎ ﺧﻮﺍﺗﻲ ﻣﺎﻳﺮﻭﺣﻮﻥ ﺍﺑﻴﻬﻢ ﺍﻟﻴﻮﻡ
ﺍﻡ ﻧﺎﺻﺮ : ﻣﻌﺼﻲ ﻭﺍﻟﻠﻪ ﻣﻌﺼﻲ ﻣﺎﻋﺎﺩ ﺍﻻ ﺗﺸﻐﻠﻬﻢ ﺧﺪﻡ ﺗﺒﻲ ﺷﻲ ﺍﻗﺾ ﺷﻐﻠﺘﻚ ﺑﻨﻔﺴﻚ
ﺍﻣﺎ ﺍﻧﻚ ﺗﺤﺒﺴﻬﻢ ﻻ ﻳﺴﺘﺎﻧﺴﻮﻥ ﻭﻳﻮﺳﻌﻮﻥ ﺻﺪﺭﻫﻢ ﻣﺎﻗﺎﻟﻬﺎ ﺍﻟﻠﻪ ﻳﺎ ﻋﻘﺎﺏ
ﺍﻋﺘﻠﻰ ﺻﺮﺍﺥ ﻋﻘﺎﺏ ﻭﺍﻟﺒﻨﺎﺕ ﻳﺴﻤﻌﻮﻥ ﻣﻦ ﻃﺮﻑ ﺍﻟﺒﺎﺏ ﺍﻟﺜﺎﻧﻲ ﻭﻭﻋﺪ ﻣﺴﺘﺎﻧﺴﻪ ﻭﻛﺎﻥ
ﻋﻘﺎﺏ ﻳﺪﺭﻱ ﺍﻥ ﻭﻋﺪ ﻣﺮﺳﻠﻪ ﺟﺪﺗﻬﺎ ﻟﻜﻦ ﺳﻮﺕ ﺍﻟﻠﻲ ﺑﺮﺍﺳﻬﺎ ﻭﺟﺎﺑﺖ ﺍﻡ ﻧﺎﺻﺮ ﺍﻟﺒﻨﺎﺕ
ﻭﻋﻘﺎﺏ ﻭﺍﻗﻒ ﺑﻐﻀﺐ ﻭﻃﻠﻊ ﻭﻫﻮ ﻳﻀﺮﺏ ﺍﻟﺒﺎﺏ ﺑﺮﺟﻠﻪ
ﻭﺟﻠﺴﻮﺍ ﺳﺤﺮ ﻭﻋﻬﺪ ﻭﺷﻬﺪ ﻭﻫﻢ ﻣﺘﻔﺸﻠﻴﻦ ﻣﻦ ﺗﺼﺮﻑ ﻋﻘﺎﺏ
ﻟﻜﻦ ﻣﺎﻫﻲ ﺍﻻ ﺛﻮﺍﻧﻲ ﻭﺗﻐﻴﺮ ﺍﻟﺠﻮ ﻟﺴﻮﺍﻟﻒ ﻭﺿﺤﻚ ﻭﻧﺴﻮﺍ ﻋﻘﺎﺏ ﺍﻟﻠﻲ ﺑﻴﻤﻮﺕ ﻣﻦ ﺍﻟﻘﻬﺮ
._______________________
ﻭﻓﻲ ﺍﺳﻔﻞ ﺍﻟﺤﺎﺭﻩ
ﻓﻲ ﺍﻟﻤﻜﺎﻥ ﺍﻟﻤﻌﻬﻮﺩ ﻛﺎﻥ ﺧﻠﻒ ﺟﺎﻟﺲ ﺑﻬﺪﻭﺀ ﻳﻔﻜﺮ ﻭﻓﺰ ﻋﻠﻰ ﺻﻮﺕ ﻧﺎﺩﺭ : ﺧﻠﻴﻒ ﺍﻧﺖ ﻫﻨﺎ
ﺧﻠﻒ : ﺍﻳﻪ ﺗﻮﻧﻲ ﻭﺻﻠﺖ
ﻧﺎﺩﺭ: ﺟﻴﺖ ﻭﺟﺎﺑﻚ ﺍﻟﻠﻪ
ﺧﻠﻒ : ﻭﺵ ﻓﻴﻚ ! ؟
ﻧﺎﺩﺭ: ﺍﻭﻝ ﺷﻲ ﻭﻳﻦ ﻋﻘﺎﺏ
ﺧﻠﻒ : ﻋﻘﺎﺍﺏ ﻃﺎﺭ ﻳﻘﻮﻝ ﺑﻴﺴﺎﻓﺮ ﻣﻊ ﻋﻤﻲ ﻣﺤﻤﺪ
ﻧﺎﺩﺭ: ﺍﻟﻠﻪ ﺍﻟﻠﻪ ﻳﺎﻋﻘﺎ ..
ﻗﺒﻞ ﻳﺨﻠﺼﻮﻥ ﻛﻼﻣﻬﻢ ﺩﺧﻞ ﻋﻘﺎﺏ ﻣﺜﻞ ﺍﻟﻌﺎﺻﻔﻪ ﻭﺟﻠﺲ ﺑﻐﻀﺐ
ﺧﻠﻒ : ﺑﺴﻢ ﻟﻠﻪ ﺍﻟﺮﺣﻤﻦ ﺍﻟﺮﺣﻴﻢ ﻭﺵ ﻓﻴﻚ ؟ ﻟﻴﻪ ﻣﺎﺭﺣﺖ ﻣﻊ ﻋﻤﻲ ﻣﺤﻤﺪ
ﻧﺎﺩﺭ: ﻭﺵ ﻓﻴﻚ ﻣﻌﺼﺐ ! ؟ ﺻﺎﻳﺮ ﺷﻲ
ﻋﻘﺎﺏ: ﻣﺎﺻﺎﺭ ﺷﻲ ﺑﺲ ﻣﺎﻋﺎﺩ ﺑﺴﺎﻓﺮ
ﺧﻠﻒ : ﻟﻴﻴﻴﻴﻪ ! ؟ ﻭﺵ ﻃﺮﺍ
ﻋﻘﺎﺏ ﺑﻜﺬﺏ: ﻃﻠﺒﻮﻧﺎ ﻓﻲ ﻣﻬﻤﻪ ﻣﻘﺪﺭ ﺍﻏﺎﺩﺭ ﺍﻟﺒﻼﺩ
ﺧﻠﻒ : ﺍﺷﻮﻯ ﺧﻮﻓﺘﻨﻲ
ﻧﺎﺩﺭ: ﻳﻼ ﺧﻴﺮﻩ ﺍﻟﻬﻢ ﺯﻳﻦ ﺍﻧﻜﻢ ﺗﺠﻤﻌﺘﻮﺍ ﺍﻟﺤﻴﻦ ﺍﺣﺘﺎﺝ ﻓﺰﻋﺘﻜﻢ
ﻓﺰﻭﺍ ﻛﻠﻬﻢ: ﻭﺷﻮ ! ؟
ﻧﺎﺩﺭ ﺑﺒﺘﺴﺎﻣﻪ ﺑﺎﺭﺩﻩ: ﺯﻭﺍﺟﻲ ﺑﻌﺪ ﺍﺳﺒﻮﻋﻴﻦ .
ﻋﻘﺎﺏ : ﻭﺷﻮﻭ ! ؟ ﺑﻌﺪ ﺍﺳﺒﻮﻋﻴﻦ ﺍﻧﺨﺒﻠﺖ ﺍﻧﺖ ! ؟
ﺧﻠﻒ : ﻭﺵ ﺫﺍ ﺍﻟﺴﺮﻋﻪ ﻳﺎﻭﻟﺪ ! ؟
ﻧﺎﺩﺭ: ﻳﺎﺧﻲ ﺍﺑﻮﻱ ﻭﺍﺑﻮ ﺍﻟﺒﻨﺖ ﺍﺗﻔﻘﻮﺍ ﻛﺬﺍ ﺍﻧﺎ ﻣﻦ ﺍﻟﺼﺪﻣﻪ ﻋﺠﺰﺕ ﺣﺘﻰ ﺍﻋﻠﻖ
ﺧﻠﻒ : ﻭﺵ ﺍﻟﺴﻮﺍﺕ
ﻧﺎﺩﺭ: ﺍﻟﺴﻮﺍﺕ ﺍﻧﻚ ﺗﻘﻮﻡ ﺍﻧﺖ ﻭﻳﺎﻩ ﻭﺗﻔﺰﻉ ﻣﻌﻲ ﻳﻌﻨﻲ ﻧﺒﻲ ﻧﺮﺗﺐ ﺍﻣﻮﺭﻧﺎ ﻗﺒﻞ ﺍﻟﻌﺮﺱ
ﻋﻘﺎﺏ : ﺍﺑﺸﺮ ﺍﻟﻠﻲ ﺗﺒﻴﻪ ﺑﺲ ﺍﺷﺮ ﻭﺍﺑﺸﺮ
ﻧﺎﺩﺭ: ﻣﺎ ﺗﻘﺼﺮ
ﺧﻠﻒ : ﺍﻧﺖ ﻗﻠﻨﺎ ﻭﺵ ﻳﻨﻘﺺ ﻭﺣﻨﺎ ﻧﻜﻤﻠﻪ
ﻧﺎﺩﺭ ﻣﺪ ﺍﻟﻮﺭﻗﻪ ﺑﻴﻨﻬﻢ ﺍﻟﻠﻲ ﻓﻴﻬﺎ ﺍﻻﻏﺮﺍﺽ ﻭﻫﻢ ﻣﺘﻌﻮﺩﻳﻦ ﻳﺴﺎﻋﺪﻭﻥ ﺑﻌﺾ ﻓﻲ ﻛﻞ
ﺍﻟﺤﺎﻻﺕ ﻭﺍﻟﻠﻲ ﻣﻌﻪ ﻳﻌﻄﻲ ﺍﻟﻠﻲ ﻣﺎ ﻣﻌﻪ
ﻭﻛﺎﻧﺖ ﺣﺎﻟﺘﻬﻢ ﺍﻟﻤﺎﺩﻳﻪ ﻣﺘﻮﺳﻄﻪ ﻛﻠﻬﻢ
ﺧﻠﻒ : ﺍﻭﻝ ﺷﻲ ﺍﻟﺒﻴﺖ ﻛﻴﻒ ﻭﺿﻌﻪ ! ؟
ﻧﺎﺩﺭ: ﺍﻣﻲ ﻭﺍﺑﻮﻱ ﺑﻴﺮﻭﺣﻮﻥ ﺣﻔﺮ ﺍﻟﺒﺎﻃﻦ ﺑﻴﺠﻠﺴﻮﻥ ﻋﻨﺪ ﺟﺪﻱ ﺛﻼﺙ ﺷﻬﻮﺭ ﻟﻴﻦ ﻳﺘﺸﺎﻓﻰ
ﺗﻌﺮﻓﻮﻥ ﺑﻌﺪ ﺣﺎﻟﺘﻪ ﺗﻌﺒﺎﻧﻪ
ﻋﻘﺎﺏ : ﻳﻌﻨﻲ ﺑﺘﻜﻮﻥ ﻓﺎﻟﺒﻴﺖ ﻟﺤﺎﻟﻚ
ﻧﺎﺩﺭ: ﺍﻳﻪ
ﻋﻘﺎﺏ : ﺑﺴﻴﻄﻪ ﺍﺛﺚ ﻏﺮﻓﺘﻚ ﻭﺑﺎﻗﻲ ﺍﻟﺒﻴﺖ ﻣﺄﺛﺚ ﻳﻌﻨﻲ ﺍﻟﺘﺰﺍﻣﺎﺗﻚ ﺧﻔﻴﻔﻪ
ﻧﺎﺩﺭ: ﺍﻳﻪ
ﻋﻘﺎﺏ : ﺍﺟﻞ ﺍﺳﻤﻊ ﺍﺛﺎﺙ ﻏﺮﻓﺘﻚ ﻋﻠﻲ
ﻧﺎﺩﺭ: ﻻ ﺗﻜﻔﻰ ﺩﻭﺭ ﺷﻲ ﻫﻴﻦ ﻣﺎﻟﻲ ﺧﻠﻖ ﺍﺷﺘﺮﻱ ﻟﻚ ﻏﺮﻓﻪ ﺍﺫﺍ ﺗﺰﻭﺟﺖ
ﺿﺤﻚ ﻋﻘﺎﺏ : ﻻ ﻣﺎ ﻋﻠﻴﻚ ﻣﺴﻤﻮﺡ
ﻧﺎﺩﺭ: ﻻ ﻳﺎﻋﻴﺎﻝ ﺍﻧﺎ ﺍﺑﻴﻜﻢ ﺑﺎﻟﺨﻔﺎﻳﻒ ﻣﺎﺑﻲ ﺗﺜﻘﻠﻮﻥ ﻋﻠﻰ ﺍﻧﻔﺴﻜﻢ
ﺧﻠﻒ : ﺍﻗﻮﻝ ﺍﻋﻘﻞ ﺑﺲ ﺣﻨﺎ ﻭﺷﻮﻟﻪ ﺍﺳﻤﻨﺎ ﺍﺻﺤﺎﺏ ! ؟ ﻋﺸﺎﻥ ﻧﻮﻗﻒ ﺑﺎﻟﺜﻘﺎﻳﻞ ﻭﻭﻗﺖ
ﺍﻟﺰﻧﻘﻪ ﻳﻼ ﻋﻘﺎﺏ ﺍﻟﻐﺮﻓﻪ ﻭﺍﻧﺎ ﻋﻠﻲ ﻛﻞ ﺍﻟﻨﻮﺍﻗﺺ ﺍﻟﺒﺎﻗﻴﻪ ﻭﻗﻒ ﻧﺎﺩﺭ ﻳﺤﻀﻨﻬﻢ ﺑﻀﺤﻚ : ﻛﻔﻮ
ﻛﻔﻮ ﻫﺬﺍ ﻫﻢ ﺍﺻﺤﺎﺑﻲ
ﻋﻘﺎﺏ : ﻭﺍﻣﻚ ﻭﺍﺑﻮﻙ ﻣﺘﻰ ﺑﻴﺮﻭﺣﻮﻥ ! ؟؟
ﻧﺎﺩﺭ: ﻫﻨﺎ ﻣﺮﺑﻂ ﺍﻟﻔﺮﺱ
ﺧﻠﻒ : ﻭﺷﻮ ﺑﻌﺪ
ﻧﺎﺩﺭ: ﺍﺑﻮﻱ ﻳﻘﻮﻝ ﻧﺪﺧﻠﻚ ﻋﻠﻰ ﺯﻭﺟﺘﻚ ﻣﻦ ﻫﻨﺎ ﻭﻧﻄﻠﻊ ﻟﻠﺤﻔﺮ ﻣﻦ ﻫﻨﺎ
ﺧﻠﻒ : ﻓﻲ ﻋﺰ ﺍﻟﻠﻴﻞ ! ؟؟؟؟
ﻋﻘﺎﺏ: ﺍﻧﺎ ﺍﺣﺲ ﻫﺎﻟﺰﻭﺍﺝ ﻟﺨﺒﻄﻪ
ﻧﺎﺩﺭ: ﻟﺤﻈﻪ ﺳﻔﺮ ﺍﻣﻲ ﻭﺍﺑﻮﻱ ﻋﺸﺎﻥ ﻳﺮﻭﺣﻮﻥ ﻟﺠﺪﻱ ﺑﺴﺮﻋﻪ ﺣﺎﻟﺘﻪ ﺻﻌﺒﻪ ﺑﺎﻟﻘﻮﻩ ﺍﺑﻮﻱ
ﻣﺪﺑﺮ ﻟﻪ ﻣﻤﺮﺽ ﻳﺠﻠﺲ ﻋﻨﺪﻩ ﻫﺎﻻﺳﺒﻮﻋﻴﻦ ﻳﻌﻨﻲ ﺣﺎﻟﺘﻪ ﻣﺴﺘﻌﺠﻠﻪ ﻭﺍﺑﻮﻱ ﺧﺎﻳﻒ ﻋﻠﻴﻪ
ﺧﻠﻒ : ﻣﻬﻤﺎ ﻛﺎﻥ ﻃﻠﻌﺘﻬﻢ ﺑﺎﻟﻠﻴﻞ ﺻﻌﺒﻪ ! ؟
ﻧﺎﺩﺭ: ﻫﻮ ﺍﻧﺎ ﺑﺠﻠﺲ ﻳﻮﻣﻴﻦ ﻫﻨﺎ ﻭﺑﻌﺪﻳﻦ ﺍﻃﻠﻊ ﻭﺭﺍﻫﻢ ﺍﺳﻠﻢ ﻋﻠﻰ ﺟﺪﻱ ﻭﺍﻃﻠﻊ ﺍﺗﻤﺸﻰ
ﻋﻘﺎﺏ : ﺍﻧﺖ ﺍﺑﺨﺺ
ﻭﻗﻒ ﺧﻠﻒ: ﺯﻳﻦ ﺍﻧﺎ ﺗﺎﺧﺮﺕ ﻋﻠﻰ ﺍﻟﺪﻛﺎﻥ ﻟﻜﻦ ﺷﻮﻑ ﻭﺵ ﻳﻨﻘﺺ ﻭﺑﻠﻐﻨﻲ
ﻧﺎﺩﺭ: ﺍﻟﻠﻪ ﻳﺮﺯﻗﻚ ﻣﻦ ﻭﺍﺳﻊ ﻓﻀﻠﻪ ﻳﺎﺧﻠﻴﻒ
ﺧﻠﻒ : ﺍﻣﻴﻦ
ﻋﻘﺎﺏ : ﻳﻼ ﺍﻧﺎ ﺑﻌﺪ ﺑﺮﻭﺡ ﺍﺷﻮﻑ ﺩﻭﺍﻣﻲ
ﻧﺎﺩﺭ: ﻛﻠﻨﺎ ﺭﺍﻳﺤﻴﻦ
ﻛﻞ ﻭﺍﺣﺪ ﺭﺍﺡ ﻟﻤﻜﺎﻥ ﻭﻋﻘﺎﺏ ﺭﺍﻳﺢ ﻳﻘﻄﻊ ﺍﺟﺎﺯﺗﻪ ﻋﺸﺎﻥ ﻣﺎ ﺗﻨﺤﺴﺐ ﻋﻠﻴﻪ ﻭﻫﻮ ﻳﺒﻲ
ﻳﺘﻔﻀﻮﻯ ﻟﻘﻠﺔ ﺣﻴﺎﺀ ﻭﻋﺪ
._______________________
ﻓﻲ ﺍﻟﺴﻮﻕ
ﺩﺧﻞ ﺧﻠﻒ ﻭﻫﻮ ﻳﺴﻠﻢ ﻋﻠﻰ ﺍﻫﻞ ﺍﻟﺴﻮﻕ ﻟﻜﻦ ﻭﻗﻒ ﺑﺒﺘﺴﺎﻣﻪ ﻳﻨﺎﻇﺮ ﺿﺎﺭﻱ ﺍﻟﻠﻲ ﻛﺎﻥ
ﺑﺎﻟﺴﻮﻕ ﻭﻫﻮ ﻳﺴﻨﺪ ﺣﺮﻣﻪ ﻛﺒﻴﺮﻩ ﺑﺎﻟﺴﻦ ﻋﻠﻰ ﺫﺭﺍﻋﻪ ﻭﻣﺸﻐﻮﻝ ﻓﻲ ﺍﻟﻤﺤﻼﺕ ﻟﻜﻦ ﺻﻮﺗﻪ
ﻋﺎﻟﻲ ﻛﺎﻟﻌﺎﺩﻩ
ﺍﺗﺠﻬﻪ ﺧﻠﻒ ﻣﺒﺘﺴﻢ ﺍﻭﻝ ﻣﺎﺷﺎﻓﻪ ﻋﻨﺪ ﻣﺤﻠﻬﻢ : ﺣﻴﺎﻙ ﺍﻟﻠﻪ
ﻟﻒ ﺿﺎﺭﻱ ﻭﺍﺑﺘﺴﻢ : ﺍﻧﺖ ﻳﺎﺍﺍﺍﻫﻼ ﻭﺍﻟﻠﻪ ﻭﻣﺴﻬﻼ
ﺳﻠﻤﻮﺍ ﻋﻠﻰ ﺑﻌﺾ ﻭﺍﺑﻌﺪﻭﺍ ﻭﺿﺎﺭﻱ ﻟﻠﺤﻴﻦ ﻣﺎﺳﻚ ﺍﻣﻪ ﻣﺎﺗﺮﻛﻬﺎ ﻭﻻ ﺣﺘﻰ ﺧﻼﻫﺎ ﻭﺭﺍﻫﺎ ﺯﻱ
ﻣﺎﻳﺴﻮﻭﻥ ﺑﻌﺾ ﺍﻟﺸﺒﺎﺏ ﺍﻟﻠﻲ ﻳﺴﺘﺤﻮﻥ ﻣﻦ ﺍﻫﻠﻬﻢ
ﺍﺑﺘﺴﻢ ﺿﺎﺭﻱ : ﺗﺮﺍﻙ ﺭﺣﺖ ﻣﺎﻋﻠﻤﺘﻨﻲ ﺍﺳﻤﻚ
ﺿﺤﻚ ﺧﻠﻒ : ﺍﺑﺪ ﻣﻌﻚ ﺧﻠﻒ ﺍﻝ ﻗﺎﻳﺪ ﻣﻦ ﺍﺻﺤﺎﺏ ﻫﺎﻟﻤﺤﻞ
ﺿﺎﺭﻱ ﺑﻔﺮﺡ : ﻭﺍﻟﻠﻪ ﺷﺮﻓﺘﻨﺎ ﻳﺎ ﺧﻠﻒ ﻋﺎﺩ ﺟﻴﺖ ﻭﺟﺎﺑﻚ ﺍﻟﻠﻪ
ﺧﻠﻒ : ﺍﻣﺮﻧﻲ
ﻟﻒ ﺿﺎﺭﻱ ﻋﻠﻰ ﺍﻣﻪ : ﻳﻤﻪ ﻭﻳﻦ ﺍﻟﺮﺍﺩﻳﻮ ! ؟
ﺭﻓﻌﺖ ﺍﻡ ﺿﺎﺭﻱ ﺍﻟﻜﻴﺲ ﻭﻫﻲ ﺭﺍﺑﻄﻪ ﻭﻓﻲ ﺩﺍﺧﻠﻪ ﺭﺍﺩﻳﻮ ﻗﺪﻳﻢ ﺍﺧﺬﻩ ﺿﺎﺭﻱ ﻭﻫﻮ ﻳﻌﻄﻴﻪ
ﺧﻠﻒ : ﺭﺍﺩﻳﻮ ﺍﻣﻲ ﺧﺮﺑﺎﻥ ﻣﻦ ﺻﺒﺢ ﺍﻟﻠﻪ ﺗﺒﻲ ﺗﺰﻳﻨﻪ ﻭﻻ ﺯﺍﻥ ﻗﻠﺖ ﺍﺟﻴﺒﻪ ﻟﻤﺤﻠﻜﻢ
ﺗﺼﻠﺤﻮﻧﻪ
ﺍﺧﺬﻩ ﺧﻠﻒ ﻭﻫﻮ ﻣﻨﺰﻝ ﺭﺍﺳﻪ ﻣﺎﻳﻨﺎﻇﺮ ﺍﻡ ﺿﺎﺭﻱ : ﻋﻠﻰ ﺧﺸﻤﻲ ﺗﺒﺸﺮ ﺍﻧﺖ ﻭﺍﻣﻚ
ﺳﺤﺐ ﺍﻟﻜﺮﺳﻲ ﻳﺤﻄﻪ ﻗﺪﺍﻣﻬﻢ: ﺍﺭﺗﺎﺣﻲ ﻳﺎﺧﺎﻟﻪ
ﺟﻠﺲ ﺿﺎﺭﻱ ﺍﻣﻪ ﻭﻗﺎﻝ : ﻭﺵ ﺗﺸﺮﺑﻮﻥ
ﻟﻒ ﺿﺎﺭﻱ ﻳﻨﺎﻇﺮ : ﺍﺫﺍ ﻋﻨﺪﻛﻢ ﻗﻬﻮﻩ
ﺧﻠﻒ : ﺍﺑﺸﺮ
ﺻﺐ ﺧﻠﻒ ﻟﻬﻢ ﺍﻟﻘﻬﻮﻩ ﻭﺿﺎﺭﻱ ﻳﺒﺪﻱ ﺍﻣﻪ ﻋﻠﻰ ﻧﻔﺴﻪ ﻓﻲ ﻛﻞ ﺷﻲ
ﻭﺟﻠﺲ ﺧﻠﻒ ﻭﻫﻮ ﻳﻀﺒﻂ ﺍﻟﺮﺍﺩﻳﻮ ﻭﺿﺎﺭﻱ ﻳﺴﻮﻟﻒ ﻭﻳﺴﺄﻟﻪ ﻋﻦ ﻛﻞ ﺷﻲ ﻳﺴﻮﻳﻪ
ﻭﺭﻓﻌﻪ ﺧﻠﻒ : ﻭﻫﺬﺍ ﺭﺍﺩﻳﻮﻙ ﻭﺻﻠﺤﻨﺎﻩ ﻳﺎﺧﺎﻟﻪ
ﺍﻡ ﺿﺎﺭﻱ: ﻋﺴﺎﻫﺎ ﻳﺪﻙ ﻣﺎ ﺗﻤﺴﻬﺎ ﺍﻟﻨﺎﺭ
ﺧﻠﻒ : ﺍﻣﻴﻴﻦ ﻭﻳﺎﻙ
ﻟﻒ ﺿﺎﺭﻱ ﻟﻬﺎ ﺑﻀﺤﻚ ﻭﻳﻤﺎﺯﺣﻬﺎ: ﺍﻳﻴﻴﻪ ﺻﻠﺢ ﺭﺍﺩﻳﻮ ﺍﻟﻌﺠﻮﺯ ﻭﺑﺘﺰﻋﺠﻨﺎ ﺑﺎﻏﺎﻧﻲ ﺑﺪﺭ ﺍﻟﻐﺮﻳﺐ
ﺿﺤﻚ ﺧﻠﻒ : ﺍﻟﻠﻪ ﻳﻄﻮﻝ ﺑﻌﻤﺮﻫﺎ ﺧﻠﻬﺎ ﺗﻮﺳﻊ ﺻﺪﺭﻫﺎ
ﺍﻡ ﺿﺎﺭﻱ ﺻﺪﺕ ﻭﻫﻲ ﺗﻀﺤﻚ ﻭﻭﻗﻒ ﺿﺎﺭﻱ : ﻛﻢ ﺍﻟﺤﺴﺎﺏ ﻳﺎﺧﻠﻒ
ﻭﻗﻒ ﺧﻠﻒ ﻣﺒﺘﺴﻢ : ﺍﺑﺪ ﻫﺎﻟﻤﺮﻩ ﻋﻠﻰ ﺣﺴﺎﺑﻲ ﺿﺎﻳﻔﺘﻜﻢ
ﻗﺒﻞ ﻳﺤﻠﻒ ﺧﻠﻒ ﻓﺰ ﺿﺎﺭﻱ : ﻭﺍﻟﻠﻪ ﻣﺎ ﺗﺪﻓﻌﻬﺎ ﻛﻠﻬﺎ
ﺧﻠﻒ : ﻳﺎ ﺍﺑﻦ ﺍﻟﺤﻼﻝ ﺍﺫﻛﺮ ﺍﻟﻠﻪ ﺍﺳﻤﻌﻨﻲ ﻃﻴﺐ ﻧﺺ ﻋﻠﻲ ﻭﻧﺺ ﻋﻠﻴﻚ
ﺿﺤﻚ ﺿﺎﺭﻱ : ﺍﺟﻞ ﺗﻢ
ﺩﻓﻊ ﺍﻟﻨﺺ ﻭﻃﻠﻊ ﻭﻫﻮ ﻳﻮﺩﻉ ﺧﻠﻒ ﻭﻳﺴﻮﻟﻒ ﻣﻊ ﺍﻣﻪ ﻭﺿﺤﻚ ﺧﻠﻒ ﺑﻌﺠﺐ ﻣﻦ ﻫﺎﻟﺸﺨﺺ
ﻟﻜﻦ ﻭﻗﻒ ﻋﻴﻮﻧﻪ ﻋﻠﻰ ﺟﺎﺑﺮ ﺍﻟﻠﻲ ﺟﺎﻱ ﻭﻣﻌﻪ ﻭﺍﺣﺪ ﻏﺮﻳﺐ ﻟﻜﻦ ﻣﻌﻬﻢ ﻭﺭﺍﻫﻢ ﺣﺮﻣﻴﺘﻦ
‏( ﻟﻴﻠﻰ ، ﻭﻣﺮﻳﻢ‏)
ﻓﺰ ﻗﻠﺒﻪ ﻻ ﺷﻌﻮﺭﻳﺎً ﻭﻫﻮ ﻳﺘﺬﻛﺮ ﺑﻨﺖ ﺍﻟﻨﻮﺧﺬﻩ ﺍﻟﻠﻲ ﺷﺎﻓﻬﺎ ﺗﺮﻗﺺ ﻟﻜﻦ ﺍﻟﺤﻴﻦ ﻋﻴﻮﻧﻬﺎ
ﻭﺍﺿﺤﻬﺎ ﻭﻋﻴﻮﻧﻪ ﺣﻠﻮﻩ ﻭﺟﺮﻳﺌﻪ ﻟﻜﻦ ﻣﺠﺮﺩ ﻣﺎ ﻃﺎﺣﺖ ﻋﻴﻨﻬﺎ ﺑﻌﻴﻨﻪ ﺻﺪﺕ ﺑﺨﻮﻑ ﻭﻟﻔﺖ
._______________________
ﺍﻣﺎ ﻟﻴﻠﻰ ﻛﺎﻧﺖ ﺗﻤﺸﻰ ﻣﻊ ﺍﺧﻮﺍﻧﻬﺎ ﻭﻫﻲ ﺟﺎﻳﻪ ﺑﺲ ﺗﺘﻤﺸﻰ ﻟﻜﻦ ﺣﺴﺖ ﺍﻥ ﺍﺣﺪ ﻳﺮﺍﻗﺒﻬﺎ
ﻭﻟﻔﺖ ﺍﻧﺼﺪﻣﺖ ﺍﻧﻪ ﺧﻠﻒ ! ؟ ﻣﺪﺕ ﻳﺪﻫﺎ ﻟﻘﻠﺒﻬﺎ ﺑﺨﻮﻑ ‏( ﺷﻔﻴﻪ ﻫﺬﺍ ! ؟ ﻟﻴﺶ ﻳﺨﺰﻧﻲ !
ﻋﻤﻰ ﺑﻌﻴﻴﻴﻴﻨﻪ ﻣﺎﻳﺘﺴﺤﻲ ﻣﺎﻳﻨﺘﺨﻲ ‏)
ﺻﺪﺕ ﻭﻫﻲ ﺗﻘﺮﺏ ﻟﺠﺎﺑﺮ ﺑﺨﻮﻑ
ﻭﻟﻒ ﺟﺎﺑﺮ : ﺷﻔﻴﭻ ! ؟
ﻟﻴﻠﻰ : ﻭﻻ ﺷﻲ
ﺟﺎﺑﺮ: ﻓﻠﻮﺱ ﻣﺎﺍﺍﻛﻮ ﺗﺮﺍ ﻻ ﺗﻠﺰﻗﻴﻦ
ﺿﺤﻚ ﻧﻬﻴﺎﻥ : ﺗﻌﺎﻟﻲ ﺍﻧﺎ ﺍﻋﻄﻴﭻ
ﺿﺤﻜﺖ ﻟﻴﻠﻰ ﺑﺨﻮﻑ ﺍﻧﻬﻢ ﻳﺸﻮﻓﻮﻧﻪ : ﻻ ﻣﺎﺑﻲ ﺑﺲ ﺍﺑﻲ ﺍﻣﺸﻲ ﻣﻌﺎﻩ
ﺳﺤﺒﻬﺎ ﻧﻬﻴﺎﻥ ﻋﻨﺪﻩ ﻭﻫﻢ ﻛﻠﻬﻢ ﻣﺘﻮﻗﻌﻴﻦ ﺍﻧﻬﺎ ﺗﺒﻲ ﻓﻠﻮﺱ
._______________________
ﻭﺟﻠﺲ ﺧﻠﻒ ﻭﻫﻮ ﻣﻨﺤﺮﺝ ﻣﻦ ﻧﻔﺴﻪ ‏( ﺍﻟﻠﻪ ﻳﻔﺸﻞ ﺍﻟﻌﺪﻭ ﺷﺎﻓﺘﻚ ﺍﻟﺒﻨﺖ ﻳﺎ ﻣﺮﻳﺾ ! ؟ ﻭﺵ
ﻋﺮﻓﻚ ﺍﻧﺖ ﻫﻲ ﻭﻻ ﻣﺎﻫﻲ ﻫﻲ ‏)
ﻃﻠﻊ ﻣﻦ ﺍﻟﺪﻛﺎﻥ ﺭﺍﻳﺢ ﻟﻠﺒﻘﺎﻟﻪ ﺍﻟﻠﻲ ﻗﺪﺍﻣﻬﻢ ﺍﺧﺬ ﻋﺼﻴﺮ ﺑﺎﺭﺩ ﻭﺟﻠﺲ ﻳﺒﻲ ﻳﺒﺮﺩ ﻗﻠﺒﻪ ﺍﻟﻠﻲ
ﻓﺠﺄﻩ ﺻﺎﺭ ﻳﺪﻕ
ﻭﻟﻒ ﻟﻜﻦ ﺗﺼﻠﺒﺖ ﻋﻴﻮﻧﻪ ﻋﻠﻰ ﺍﻟﺪﻛﺎﻥ ﺍﻟﻠﻲ ﻗﺒﺎﻟﻬﻢ ﻛﺎﻧﺖ ﻭﺣﺪﻩ ﺟﺎﻟﺴﻪ ﻋﻠﻰ ﺍﻟﻜﺮﺳﻲ
ﻭﺗﺸﺮﺏ ﻋﺼﻴﺮ ﻭﺍﻟﺒﺎﻗﻴﻦ ﻻﻫﻴﻴﻦ ﺑﺎﻟﻤﺤﻞ
ﻭﺍﻭﻝ ﻣﺎ ﺭﻓﻌﺖ ﻃﺮﻑ ﺍﻟﻨﻘﺎﺏ ﻋﺸﺎﻥ ﺗﺸﺮﺏ ﺑﺎﻥ ﺧﺪﻫﺎ ﻭﺑﺎﻧﺖ ﺍﻟﺸﺎﻣﻪ
ﻭﻫﻲ ﻣﺎﻫﻲ ﻣﻨﺘﺒﻬﻪ ﻟﻜﻦ ﺧﻠﻒ ﺍﻧﺘﺒﻪ ﻭﺷﺮﻕ ﺑﻌﺼﻴﺮﻩ ﻭﻭﻗﻒ ﻳﻜﺢ ﺑﺬﻫﻮﻝ
ﻭﺭﻛﺾ ﻣﻤﺪﻭﺡ ﻳﺨﺒﻂ ﻋﻠﻰ ﻇﻬﺮﻩ : ﺑﺴﻢ ﻟﻠﻪ ﻋﻠﻴﻚ ﻭﺵ ﻓﻴﻚ
ﺍﺑﻌﺪﻩ ﺧﻠﻒ : ﻣﺎﻓﻴﻨﻲ ﺷﻲ
ﻧﺰﻝ ﺍﻟﻌﺼﻴﺮ ﻭﻃﻠﻊ ﻭﻫﻮ ﻳﻤﺴﺢ ﻭﺟﻬﻪ ﻭﻟﻠﻤﺮﻩ ﺍﻟﺜﺎﻟﺜﻪ ﻟﻒ ﻋﻠﻰ ﺻﻮﺕ ﻧﻬﻴﺎﻥ: ﻟﻴﻠﻰ ﺣﺒﻴﺒﺘﻲ
ﻳﻼ ﺧﻠﺼﻨﺎ
ﻭﻗﻔﺖ ﻟﻴﻠﻰ ﻭﻫﻲ ﻣﺘﻮﺗﺮﻩ ﻣﻦ ﻭﺟﻮﺩ ﺧﻠﻒ ﺍﻟﻠﻲ ﺗﻮﻫﺎ ﺗﻠﻤﺤﻪ
ﺍﻣﺎ ﺧﻠﻒ ﺭﺟﻊ ﻟﻤﺤﻠﻪ ﻭﻫﻮ ﻣﻨﻠﺨﻢ ﻣﻔﺠﻮﻉ ﻭﻣﺼﺪﻭﻡ
ﻫﺎﻟﻠﻲ ﺗﺮﻗﺺ ﺑﺎﻟﻔﻴﺪﻳﻮ ﻫﻲ ﻟﻴﻠﻰ
ﺍﻟﻴﻮﻡ ﻋﺮﻑ ﺍﺳﻤﻬﺎ ﻭﻋﺮﻑ ﺍﻧﻬﺎ ﻣﻦ ﺑﻴﺖ ﺍﻟﻨﻮﺧﺬﻩ ﻭﺷﺎﻑ ﺍﻟﺸﺎﻣﻪ ﺍﻟﻠﻲ ﺟﺬﺑﺘﻪ
ﻟﻜﻦ ﻣﻦ ﻫﺎﻟﻠﻲ ﻣﻌﻬﺎ ﻣﻦ ﻫﺎﻟﻠﻲ ﻳﻘﻮﻟﻬﺎ ﺣﺒﻴﺒﺘﻲ ... !
ﺩﺧﻞ ﻭﺟﻠﺲ ﻣﺎﺷﺎﻑ ﺟﺪﻩ ﻭﻻ ﺷﺎﻑ ﺍﺑﻮﻩ
ﺍﺑﻮ ﺧﻠﻒ : ﺧﻠﻴﻒ ﻋﻼﻣﻚ
ﻓﺰ ﺧﻠﻒ : ﺑﺴﻢ ﻟﻠﻪ ﺍﻟﺮﺣﻤﻦ ﺍﻟﺮﺣﻴﻢ
ﺍﺑﻮ ﻧﺎﺻﺮ: ﻭﺵ ﻓﻴﻚ ﻣﻨﺨﻄﻒ ﻟﻮﻧﻚ
ﻓﺰ ﺍﺑﻮﻩ ﻭﺭﻛﺾ ﻟﻪ: ﺗﻌﺒﺎﻥ ! ؟ ﻣﻜﺘﻮﻡ ﻓﻴﻚ ﺷﻲ
ﺧﻠﻒ : ﻻ ﻳﺒﻪ ﻻ
ﺍﺑﻮ ﺧﻠﻒ : ﺍﺟﻞ ﻭﺵ ﻓﻴﻚ
ﺧﻠﻒ : ﺷﺮﻗﺎﻥ ﺑﺲ
ﺍﺑﻮ ﻧﺎﺻﺮ: ﺑﺲ ؟
ﺧﻠﻒ : ﺍﻳﻪ ﺍﻳﻪ
ﺭﺟﻌﻮﺍ ﻻﻣﺎﻛﻨﻬﻢ ﻭﺭﺟﻊ ﺧﻠﻒ ﻭﺭﺍ ﻣﻜﺘﺒﻪ ﻭﻫﻮ ﺛﺎﻧﻴﻪ ﻳﻀﻴﻊ ﻓﻲ ﺍﻟﺸﺎﻣﻪ ﻭﺻﺎﺣﺒﺔ ﺍﻟﺸﺎﻣﻪ
ﻭﺳﺎﻋﻪ ﺗﺒﺪﻝ ﻣﻼﻣﺤﻪ ﻻﺳﺘﻐﺮﺍﺏ ﺍﺫﺍ ﺗﺬﻛﺮ ﺍﻟﺮﺟﺎﻝ ﺍﻟﻠﻲ ﻣﻌﻬﺎ
._______________________
ﻭﻓﻲ ﺑﻴﺖ ﺍﺑﻮ ﺧﻠﻒ
ﺍﻟﻜﻞ ﻣﺠﺘﻤﻌﻴﻦ ﻭﻳﺴﻮﻟﻔﻮﻥ ﻭﻗﻔﺖ ﺳﺤﺮ ﻭﻋﻬﺪ
ﻋﻬﺪ: ﻳﻼ ﺷﻬﺪ
ﻭﻋﺪ : ﻭﻳﻦ ﺭﺍﻳﺤﻴﻦ
ﻋﻬﺪ ﺑﻬﻤﺲ : ﺑﻨﺮﻭﺡ ﻟﻠﺒﻴﺖ ﺍﻛﻴﺪ ﻋﻘﺎﺏ ﺑﻴﺮﺟﻊ ﻭﺍﺧﺘﻒ ﻳﺰﻋﻞ ﻋﻠﻴﻨﺎ ﻭﻣﺎﻳﺨﻠﻴﻨﺎ ﺑﻜﺮﻩ ﻧﺮﻭﺡ
ﺍﻟﺤﻔﻞ
ﺣﻨﺎﻥ: ﺍﻳﻪ ﺍﺣﺴﻦ ﻻﺗﻌﺎﻧﺪﻭﻥ ﻭﻳﺴﻮﻱ ﺳﺎﻟﻔﻪ
ﺳﺤﺮ : ﻫﻮ ﺫﺍ ﺍﻟﻠﻲ ﺑﻴﺼﻴﺮ
ﺷﻬﺪ: ﻭﺍﻟﻠﻪ ﺍﻧﺎ ﻣﺎﻧﻲ ﺭﺍﻳﺤﻪ ﺑﺠﻠﺲ ﻣﻊ ﻭﺟﺪﺍﻥ
ﻣﻀﺎﻭﻱ: ﺍﻧﺘﻲ ﻭﻳﺎﻫﺎ ﻣﺎ ﺗﻤﻠﻮﻥ ﻣﻦ ﺑﻌﺾ
ﻭﺟﺪﺍﻥ : ﻻ ﺯﻱ ﻣﺎ ﺍﻧﺘﻢ ﻣﺎ ﺗﻤﻠﻮﻥ
ﺍﻣﺎﻧﻲ : ﺍﺳﻤﻌﻮﺍ ﻃﻴﺐ ﻣﺎﻳﻤﺪﻳﻪ ﻳﺠﻲ ﺍﻟﺤﻴﻦ ﺍﻛﻴﺪ ﻣﻊ ﺧﻠﻒ ﻭﺟﺪﻱ ﺑﺎﻟﻤﺤﻞ ﺧﻠﻮﻧﺎ ﻧﻄﻠﻊ
ﻓﻮﻕ ﻧﻠﻌﺐ
ﻣﻀﺎﻭﻱ: ﻣﺎﻋﻠﻴﻜﻢ ﺍﻧﺎ ﺍﺗﻮﺳﻂ ﻟﻜﻢ
ﻫﻴﺎ: ﺍﻳﻴﻴﻪ ﻫﻴﻦ ﺷﻔﻨﺎ ﻭﺳﺎﻃﺘﻚ ﺍﻟﻴﻮﻡ ﻳﻮﻡ ﻋﺼﺐ
ﻧﺪﻯ : ﻣﺎﻋﻠﻴﻨﺎ ﺑﺲ ﺧﻠﻮﻧﺎ ﻧﻠﺤﻖ ﻗﺒﻞ
ﻃﻠﻌﻮﺍ ﻛﻞ ﺍﻟﺒﻨﺎﺕ ﺍﻟﺴﻄﺢ
ﻣﻀﺎﻭﻱ : ﻧﺒﻲ ﻧﻠﻌﺐ ﻏﻤﻴﻀﻪ
ﻭﻋﺪ : ﻧﻠﻌﺐ ﺑﺲ ﻳﺎﻭﻳﻠﻚ ﺗﻨﻐﺰﻳﻴﻦ ﺍﺣﺪ ﺍﻭ ﺗﻀﺮﺑﻴﻦ
ﻧﺪﻯ : ﻻ ﺗﺼﺪﻗﻴﻨﻬﺎ ﻛﺬﺍﺑﻪ ﺍﻭﻝ ﻣﺎﻧﺒﺪﻯ ﺗﺒﺪﺍ ﺣﺮﻛﺎﺗﻬﺎ
ﻫﻴﺎ: ﺻﺪﻕ ﻣﻀﺎﻭﻱ ﻓﻜﻴﻨﺎ
ﻣﻀﺎﻭﻱ : ﺧﻼﺹ ﻃﻴﺐ
ﺍﻣﺎﻧﻲ : ﻛﺬﺍﺍﺍﺍﺍﺑﻪ ﺧﻠﻮﻫﺎ ﺗﺒﺪﺍ ﺍﻭﻝ ﻭﺣﺪﻩ ﻋﺸﺎﻥ ﻣﺎﺗﺴﻮﻱ ﺷﻲ
ﻣﻀﺎﻭﻱ : ﺧﻼﺹ ﺑﺒﺪﺍ
ﺍﺧﺬﺕ ﺍﻟﻄﺮﺣﻪ ﻭﻫﻲ ﺗﺮﺑﻄﻬﺎ ﻋﻠﻰ ﻋﻴﻮﻧﻬﺎ ﻭﺍﺑﺘﺪﻭﺍ ﻳﻠﻌﺒﻮﻥ
ﻭﻛﻞ ﻣﺎ ﺗﻤﺴﻚ ﻭﺣﺪﻩ ﻳﻨﻘﻠﺐ ﺍﻟﺴﻄﺢ ﻛﻠﻪ ﺻﺮﺍﺥ
ﻟﻜﻦ ﻭﻗﻔﻬﻢ ﺳﺎﻟﻢ ﻭﻏﻴﺚ ﺍﻟﻠﻲ ﻳﻨﺎﻇﺮﻭﻥ
ﻭﻋﺪ : ﻭﺵ ﻓﻴﻜﻢ ! ؟
ﻏﻴﺚ : ﻧﺒﻲ ﻧﻠﻌﺐ ﻣﻌﻜﻢ
ﻧﺪﻯ: ﺗﻠﻌﺒﻮﻥ ﻣﻊ ﺍﻟﺒﻨﺎﺕ ! ؟
ﻏﻴﺚ : ﻭﺵ ﻧﺴﻮﻱ ﻋﺰﻭﺯ ﻭﻓﻴﺼﻞ ﻳﻄﺮﺩﻭﻧﺎ ﻭﺍﻧﺘﻢ ﺗﻄﺮﺩﻭﻧﺎ
ﺣﻨﺎﻥ: ﺧﻠﻴﻬﻢ ﺗﻌﺎﻟﻮ ﺗﻌﺎﻟﻮ
ﺗﺠﻤﻌﻮﺍ ﻳﻠﻌﺒﻮﻥ ﻭﻳﻀﺤﻜﻮﻭﻭﻭﻥ ﻭﻣﺒﺴﻮﻃﻴﻴﻴﻦ
._______________________
ﺍﻟﻠﻴﻞ ﻓﻲ ﺑﻴﺖ ﺍﻟﻨﻮﺧﺬﻩ
ﻛﺎﻧﻮﺍ ﻣﺠﺘﻤﻌﻴﻴﻴﻦ ﻭﻳﺸﻮﻭﻥ ﻭﻛﺎﻥ ﻟﻴﻠﻰ ﺗﻨﻘﻞ ﺑﻴﻦ ﺍﻟﺒﻨﺎﺕ ﻓﺎﻟﻤﻄﺒﺦ ﻭﺍﻟﻌﻴﺎﻝ ﻓﺎﻟﺤﻮﺵ
ﺑﺲ ﻭﻗﻔﺖ ﺑﺎﻟﻨﺺ ﺍﻭﻝ ﻣﺎ ﺗﺬﻛﺮﺕ ﺧﻠﻒ ﻭﻧﻈﺮﺍﺗﻪ ﺍﻟﻴﻮﻡ ﻏﺮﻳﺐ ﻫﺎﻟﺮﺟﺎﻝ ﺑﻜﻞ ﺗﻔﺎﺻﻴﻠﻪ
ﻏﺮﻳﺒﻪ ﺣﺘﻰ ﻧﻈﺮﺗﻪ
ﻓﺰﺕ ﻋﻠﻰ ﺻﻮﺕ ﻣﺮﻳﻢ ﺍﻟﻠﻲ ﻗﺎﻟﺖ ﺑﻀﺤﻚ : ﻭﻳﻴﻴﻴﻦ ﺳﺮﺣﺎﻧﻪ ﻳﺎ ﻟﻴﻠﻰ ﺍﻟﻌﺎﻣﺮﻳﻪ
ﺿﺤﻜﺖ ﻟﻴﻠﻰ ﺑﻤﺰﺡ: ﺍﺳﺮﺡ ﺑﻤﻨﻮ ﺑﺎﻟﻠﻪ ! ؟؟ ﻗﻴﺲ ﻣﺜﻼً
ﻣﺮﻳﻢ: ﻣﺎ ﺍﺩﺭﻱ ﻣﻦ ﺭﺩﻳﻨﺎ ﻣﻦ ﺍﻟﺴﻮﻕ ﻭﺍﻧﺘﻲ ﻣﺨﺘﺒﺼﻪ
ﺿﺤﻜﺖ ﻟﻴﻠﻰ : ﺗﻌﺘﺐ ﻣﻦ ﺍﻟﻔﺮﺍﺭﻩ ﺑﺲ
ﻣﺮﻳﻢ: ﺯﻳﻦ
ﻭﻗﻔﺖ ﻭﺭﺍﺣﺖ ﺗﺴﺎﻋﺪ ﺟﺎﺑﺮ ﻭﻧﻬﻴﺎﻥ ﺗﺤﺎﻭﻝ ﺗﺘﻨﺎﺳﻰ ﻫﺎﻟﺮﺟﺎﻝ
._______________________
ﺍﻣﺎ ﻋﻨﺪ ﺧﻠﻒ
ﺍﻟﻠﻲ ﺭﺟﻊ ﻟﺒﻴﺘﻬﻢ ﻭﻫﻮ ﻓﻲ ﻋﺎﻟﻢ ﺛﺎﻧﻲ ﺩﺧﻞ ﻭﻫﻮ ﻳﺴﻤﻊ ﺻﻮﺕ ﺧﻮﺍﺗﻪ ﻓﻲ ﻏﺮﻓﺘﻬﻢ ﻭﻗﺒﻞ
ﻳﻄﻠﻊ ﻟﻐﺮﻓﺘﻪ
ﻃﻠﻌﺖ ﺣﻨﺎﻥ: ﺧﻠﻒ ﺟﻴﺖ
ﺧﻠﻒ : ﺍﻳﻪ
ﻧﺪﻯ ﺑﺼﻮﺕ ﺷﺒﻪ ﻋﺎﻟﻲ : ﺗﻌﺎﻝ ﺇﻟﺤﻖ ﻋﻠﻰ ﺍﻟﺸﺎﻫﻲ ﻭﺍﻟﻤﻜﺴﺮﺍﺕ
ﻗﺒﻞ ﻳﻌﺘﺮﺽ ﺩﺧﻠﺘﻪ ﺣﻨﺎﻥ: ﺗﻌﺎﻝ ﻣﻌﻨﺎ ﺷﻮﻱ
ﺩﺧﻞ ﻭﻫﻮ ﻳﺠﻠﺲ ﺑﻴﻨﻬﻢ ﻭﻛﺎﻥ ﻛﻌﺎﺩﺗﻪ ﺳﺎﻛﺖ ﻭﺍﻟﺒﻨﺎﺕ ﻳﺴﻮﻟﻔﻮﻥ ﺑﻜﻞ ﺷﻲ ﻣﻌﻪ ﻋﺎﺩﻱ
ﻟﻜﻦ ﻛﺎﻥ ﺧﻠﻒ ﺳﺮﺣﺎﺍﺍﺍﺍﺍﻥ ﻓﻲ ﻋﺎﻟﻢ ﺛﺎﻧﻲ ﻭﻓﺠﺄﻩ ﺗﺒﺨﺮﺕ ﺍﺣﻼﻣﻪ ﺍﻭﻝ ﻣﺎﻗﺎﻟﺖ ﺍﻣﺎﻧﻲ :
ﺧﻠﻴﻒ ﺻﺪﻕ ﺑﺘﺘﺰﻭﺝ ﻗﺮﻳﺐ
ﻟﻒ ﺧﻠﻒ ﺑﻬﺪﻭﺀ: ﻭﻣﻦ ﻗﺎﻝ ! ؟
ﻧﺪﻯ: ﺍﺑﻮﻱ ﻣﻦ ﺍﻟﺼﺒﺢ ﻳﻘﻮﻟﻪ
ﻭﻋﺪ : ﻭﺵ ﺩﺧﻠﻬﻢ ! ؟ ﻫﻮ ﺍﻟﻠﻲ ﻗﺮﺭ ﺑﻴﺘﺰﻭﺝ ﺍﻭ ﻻ
ﺣﻨﺎﻥ: ﺻﺮﺍﺣﻪ ﻭﺩﻱ ﺗﺘﺰﻭﺝ ﺍﺣﺲ ﻧﺒﻲ ﺯﻭﺍﺝ ﻧﺴﺘﺎﻧﺲ ﻓﻴﻪ ﺍﻣﺎﻧﻲ : ﺍﻟﻠﻪ ﻳﺎ ﺧﻠﻴﻒ ﻟﻮ ﺗﺰﻭﺝ
ﺑﺮﻗﺺ ﺭﻗﺺ ﺍﻟﺪﻧﻴﺎ ﺑﺠﻠﺲ ﺍﺳﺒﻮﻉ ﺍﺭﺩﺡ ﻭﺃﻟﻔﺢ ﻭﺍﺯﻏﺮﻁ
ﺿﺤﻚ ﺧﻠﻒ ﻋﻠﻰ ﺍﺣﻼﻣﻬﺎ : ﺍﻥ ﺷﺎﺀ ﺍﻟﻠﻪ
ﻭﻋﺪ : ﻃﻴﺐ ﻭﺵ ﺑﺘﺴﻮﻱ ﺍﻧﺖ ! ؟
ﺧﻠﻒ ﺑﻀﻴﻖ: ﺳﻮﺍﺕ ﺍﻟﻠﻪ ﺍﺑﺮﻙ ﺑﻌﺪﻳﻦ ﺍﺷﻮﻑ
ﻭﺟﺪﺍﻥ : ﻳﺎ ﺣﻠﻴﻠﻬﺎ ﻋﻤﺘﻲ ﻣﻴﻴﻴﺘﻪ ﻣﻦ ﺍﻟﻮﻧﺎﺳﻪ ﻣﻦ ﺍﻟﺼﺒﺢ ﺗﻘﻮﻝ ﺑﺴﻮﻱ ﻓﻲ ﺯﻭﺍﺝ ﺧﻠﻒ
ﻭﺑﺤﻂ ﻓﻲ ﺯﻭﺍﺝ ﺧﻠﻒ
ﺿﺎﻕ ﺻﺪﺭ ﺧﻠﻒ ﻭﻭﻗﻒ :ﺍﻥ ﺷﺎﺀ ﺍﻟﻠﻪ ﺭﺑﻲ ﻳﻴﺴﺮﻫﺎ
ﻃﻠﻊ ﻭﺗﺮﻛﻬﻢ ﻭﻫﻮ ﺣﺘﻰ ﺍﻟﺸﺎﻫﻲ ﻣﺎﺷﺮﺑﻪ
ﻗﺮﺑﺖ ﺍﻣﺎﻧﻲ ﺑﺸﻚ : ﻛﺄﻧﻪ ﺧﻠﻒ ﻣﺘﻀﺎﻳﻖ
ﻧﺪﻯ: ﺗﺮﺍﻧﻲ ﺷﺎﻛﻪ ﻓﻴﻪ ﻣﻦ ﻓﺘﺮﻩ ﺍﺣﺴﻪ ﻣﺎﻳﻄﻴﻖ ﻃﺎﺭﻱ ﺍﻟﺰﻭﺍﺝ
ﺣﻨﺎﻥ: ﺍﺧﺎﻑ ﻣﺎﻳﺒﻲ ﺳﺤﺮ
ﻧﺪﻯ: ﻣﺪﺭﻱ ﺑﺲ ﺍﻟﻠﻲ ﺍﻋﺮﻓﻪ ﺍﻧﻪ ﻫﻮ ﻣﺎﻋﻨﺪﻩ ﻣﺸﻜﻠﻪ ﻣﻊ ﺳﺤﺮ ﺑﺎﻟﻌﻜﺲ
ﻭﻋﺪ : ﻫﻮ ﻣﺎﻋﻨﺪﻩ ﻣﺸﻜﻠﻪ ﻣﻊ ﺳﺤﺮ ﻭﻋﺎﺩﻱ ﻳﺤﺒﻬﺎ ﺑﺲ ﺍﺣﺲ ﺍﻭﻝ ﻣﺎ ﻭﺻﻞ ﺍﻟﻤﻮﺿﻮﻉ
ﻟﺰﻭﺍﺝ ﺗﺮﺩﺩ ﺧﻠﻒ ﻭﺍﺿﺢ ﻋﻠﻴﻪ
ﻭﺟﺪﺍﻥ : ﺍﺧﺎﻑ ﻳﺤﺐ
ﻟﻔﻮﺍ ﻛﻠﻬﻢ ﻳﻨﺎﻇﺮﻭﻫﺎ : ﻭﺷﻮﻭ ! ؟ ﺍﻧﺘﻲ ﻣﻦ ﻭﻳﻦ ﺗﺠﻴﺒﻴﻦ ﻫﺎﻟﻜﻼﻡ
ﻭﻋﺪ : ﻋﺸﺘﻮﺍ ﺑﺰﺭ ﺗﻮﻙ ﺑﺎﺧﺮ ﺍﻟﺪﻧﻴﺎ ﻭﺗﺴﻮﻟﻔﻴﻦ ﻫﺎﻟﺴﻮﺍﻟﻒ
ﻭﺟﺪﺍﻥ : ﻗﻠﺖ ﺍﺣﺘﻤﺎﻝ
ﻭﻋﺪ : ﺍﻗﻮﻝ ﺍﺳﺘﺤﻲ ﻋﻠﻰ ﻭﺟﻬﻚ ﺑﺲ ﻫﺬﺍ ﺍﻟﻠﻲ ﻧﺎﻗﺺ
ﻧﺪﻯ ﺑﺘﻔﻜﻴﺮ : ﺻﺪﻕ ﺍﺧﺎﻑ ﻳﺒﻲ ﺍﺣﺪ ﻭﻣﺎﻳﺒﻲ ﺳﺤﺮ !
ﺳﻜﺘﻮﺍ ﻛﻠﻬﻢ ﺧﻮﻓﺎً ﻣﻦ ﻫﺎﻟﻔﻜﺮﻩ ﺍﺫﺍ ﻛﺎﻧﺖ ﺻﺪﻕ ﻣﻌﻨﺎﻫﺎ ﺩﻣﺎﺭ ﺑﻴﻮﺕ
._______________________
ﻭﻓﻲ ﻏﺮﻓﺔ ﺍﻟﻌﻴﺎﻝ
ﻛﺎﻥ ﻓﻴﺼﻞ ﻣﺎﺳﻚ ﻏﻴﺚ ﻭﺳﺎﻟﻢ ﻭﻏﺼﺐ ﻳﺴﻮﻱ ﻟﻬﻢ ﺗﻤﺎﺭﻳﻦ ﻭﻣﻄﺎﺭﺣﻪ ﻭﺣﺮﻛﺎﺕ ﺻﻌﺒﻪ
ﻋﻠﻴﻬﻢ ﺑﺲ ﻓﺎﺿﻲ ﻭﻳﻄﻠﻊ ﺷﻄﺎﺭﺗﻪ ﻋﻠﻴﻬﻢ ﻭﺑﻌﺪ ﻣﺎ ﺍﻧﺘﻬﻰ ﻗﺮﺭ ﻳﺮﻭﻱ ﻟﻬﻢ ﺣﻜﺎﻳﺎﺕ ﺍﻟﺠﻦ
ﻭﻫﻢ ﺧﺎﻳﻔﻴﻦ ﻭﻻﺯﻗﻴﻦ ﺑﺒﻌﺾ
ﻓﺰﻭﺍ ﻋﻠﻰ ﺩﺧﻮﻝ ﺧﻠﻒ ﻭﺭﻛﻀﻮﺍ ﺳﺎﻟﻢ ﻭﻏﻴﺚ ﻟﻪ : ﻓﻜﻨﺎ ﻣﻦ ﻓﻴﺼﻞ
ﺗﻨﻬﺪ ﺧﻠﻒ ﺑﻀﻴﻖ : ﻭﺑﻌﺪﻳﻦ ﻳﺎﻓﻴﺼﻞ ﻭﺑﻌﺪﻳﻦ ! ؟
ﻓﻴﺼﻞ: ﻣﺎﺳﻮﻳﺖ ﺷﻲ
ﺧﻠﻒ : ﻓﻜﻨﻲ ﻣﻦ ﺍﻻﺯﻋﺎﺝ ﺣﻂ ﺭﺍﺳﻚ ﻭﻧﻢ ﻭﺧﻞ ﺍﻟﻨﺎﺱ ﻳﻨﺎﻣﻮﻥ
ﻧﺰﻝ ﺛﻮﺑﻪ ﺧﻠﻒ ﻭﺍﺭﺗﻤﻰ ﻋﻠﻰ ﻓﺮﺍﺷﻪ ﻭﻟﻒ ﻋﻠﻰ ﺻﻮﺕ ﻓﻴﺼﻞ ﻳﻬﻤﺲ : ﻣﻦ ﻣﻀﻴﻖ
ﺻﺪﺭﻙ ! ؟ ﻓﻴﻚ ﺷﻲ ! ؟
ﺧﻠﻒ : ﻻ ﻭﺵ ﺑﻴﻜﻮﻥ ﻓﻴﻨﻲ ﺑﺲ ﺗﻌﺒﺎﻥ ﻣﻦ ﺍﻟﺸﻐﻞ ﺑﻨﺎﻡ
ﻓﻴﺼﻞ: ﺍﺫﺍ ﻓﻴﻚ ﺷﻲ ﺗﻘﺪﺭ ﺗﻘﻮﻟﻲ
ﺍﺑﺘﺴﻢ ﺧﻠﻒ : ﺍﻛﻴﺪ ﻳﺎ ﻓﺼﻴﻴﻴﻞ ﺍﻛﻴﺪ ﻳﻼ ﻗﻢ ﻧﺎﻡ
ﻗﺎﻡ ﻓﻴﺼﻞ ﻳﻨﺎﻡ ﻭﺭﺟﻊ ﺧﻠﻒ ﻳﺘﻠﺤﻒ ﺑﻬﺪﻭﺀ ﻭﻫﻮ ﻓﻲ ﺩﻭﺍﻣﺔ ﻫﺎﻟﺰﻭﺍﺝ ﻭﻧﻌﻴﻢ ﺍﻟﻤﻨﻈﺮ ﺍﻟﻠﻲ
ﺷﺎﻓﻪ ﺍﻟﻴﻮﻡ
ﻭﻓﻲ ﻋﺰ ﺍﻟﻈﻼﻡ ﺣﺲ ﺑﺎﺣﺪ ﻳﻘﺮﺏ ﻭﻳﻀﻤﻤﻪ ﻣﺪ ﻳﺪﻩ ﻳﺘﺤﺴﺲ ﺍﻟﻴﺪ ﻭﺍﺑﺘﺴﻢ ﻛﺎﻥ ﻏﻴﺚ
ﻭﻟﻒ ﻳﻨﺎﻇﺮﻩ ﺑﻀﺤﻚ : ﻏﻴﺚ ﻭﺵ ﻓﻴﻚ ! ؟؟
ﻏﻴﺚ : ﺧﺎﻳﻒ
ﺣﻀﻨﻪ ﺧﻠﻒ ﻣﺒﺘﺴﻢ ﻭﻫﻮ ﻳﺴﻤﻲ ﻋﻠﻴﻪ ﻭﺷﻮﻱ ﺣﺲ ﺑﺴﺎﻟﻢ ﻳﻘﺮﺏ ﻭﻳﻨﺴﺪﺡ ﻭﺭﺍﻩ ﺑﺎﻟﻀﺒﻂ
ﺿﺤﻚ ﻭﻫﻮ ﻳﻀﻤﻬﻢ ﺍﻻﺛﻨﻴﻦ ﻭﻓﻴﺼﻞ ﻓﻲ ﺳﺎﺑﻊ ﻧﻮﻣﻪ ﻭﻻ ﻫﻮ ﺣﺎﺱ
._______________________
ﻭﻓﻲ ﺳﻄﺢ ﺍﻟﺠﺪ
ﻛﺎﻥ ﻋﻘﺎﺏ ﻳﺪﻭﺭ ﻭﻫﻮ ﻟﻠﺤﻴﻦ ﻣﻘﻬﻮﺭ ﻣﻦ ﻭﻋﺪ ﻭﻳﻔﻜﺮ ﻛﻴﻒ ﺑﻴﺴﻮﻱ ﻭﻛﻴﻒ ﺑﻴﻨﺘﻘﻢ ﻣﻨﻬﺎ
ﻭﻛﺎﻥ ﻻﺯﻡ ﻳﻜﻮﻥ ﺣﺮﻳﺺ ﻟﻮ ﺍﺣﺪ ﺍﻧﺘﺒﻪ ﻟﻪ ﺑﺘﻘﻮﻡ ﺍﻟﺪﻧﻴﺎ ﻭﺗﻘﻌﺪ
ﺳﺮﺡ ﻭﻫﻮ ﻳﻔﻜﺮ ‏( ﻭﺍﻟﻠﻪ ﻳﺎ ﺍﻟﻌﻮﺑﺎ ﻣﺎ ﺍﻧﺘﻲ ﺳﻬﻠﻪ ﻟﻜﻦ ﻣﺎ ﺍﻛﻮﻥ ﻭﻟﺪ ﻧﺎﻳﻒ ﺍﺫﺍ ﻣﺎ ﺭﺑﻴﺘﻚ ‏)
ﺭﺟﻊ ﻟﻠﻐﺮﻓﻪ ﻭﻫﻮ ﻛﻞ ﺍﻧﺘﻘﺎﻡ ﺷﻴﻦ ﻓﺎﻟﺪﻧﻴﺎ ﻳﻄﺮﻱ ﻟﻪ ﻟﻜﻦ ﻣﺎﻳﺒﻲ ﺍﻻ ﺍﻧﺘﻘﺎﻡ ﻳﻜﺴﺮ ﺷﻮﻛﺔ
ﻭﻋﺪ ﺍﻟﻌﻤﺮ ﻛﻠﻪ ﻣﺎﻫﻮ ﻳﻮﻡ ﻭﻳﻮﻣﻴﻦ
._______________________
ﻭﻣﻦ ﺑﻜﺮﻩ ﻳﻮﻡ ﺍﻟﺠﻤﻌﻪ
ﻛﺎﻥ ﻫﻮ ﺍﻟﻴﻮﻡ ﺍﻟﻤﻠﻴﻴﻴﻴﻴﺎﻥ ﺑﺎﻟﺮﻭﺣﺎﻧﻴﻴﻴﻪ ﻭﺭﻳﺤﺔ ﺍﻟﻌﻮﻭﺩ ﻭﺍﻟﺒﺨﻮﺭ ﻭﺍﻟﻘﻬﻮﻩ ﻭﺻﻮﺕ ﺍﻟﺮﺍﺩﻳﻮ
ﻳﻌﻢ ﻋﻠﻰ ﺍﻟﺒﻴﺖ ﺑﺎﻟﻘﺮﺁﻥ
ﻭﻓﻲ ﺣﻮﺵ ﺍﺑﻮ ﺧﻠﻒ
ﻛﺎﻥ ﺍﺑﻮ ﺧﻠﻒ ﺟﺎﻟﺲ ﻳﺮﺩﺩ ﻭﺭﺍ ﺍﻟﻘﺮﺁﻥ
ﻭﺍﻟﺒﻨﺎﺕ ﻳﻨﻈﻔﻮﻥ ﻭﻣﻨﺘﺸﺮﻳﻦ ﻭﻏﻴﺚ ﻭﺳﺎﻟﻢ ﻭﻓﻴﺼﻞ ﻛﻠﻬﻢ ﻣﺘﺮﻭﺷﻴﻦ ﻭﺟﺎﻫﺰﻳﻦ ﻟﺼﻼﺓ
ﻭﻳﻨﺘﻈﺮﻭﻥ
ﻭﻓﻲ ﻏﺮﻓﺔ ﺍﻟﻌﻴﺎﻝ
ﻭﻗﻒ ﺧﻠﻒ ﻭﻫﻮ ﻳﺎﺧﺬ ﺩﻭﺍﻩ ﻭﺍﻟﺘﻔﺖ ﻋﻠﻰ ﺩﺧﻮﻝ ﺍﻣﻪ ﺍﻟﻠﻲ ﺍﺳﺮﻋﺖ ﺗﻔﺘﺢ ﺍﻟﺸﺒﺎﺑﻴﻚ ﻋﺸﺎﻥ
ﻣﺎ ﻳﻜﺘﻤﻪ ﺍﻟﺪﺧﺎﻥ
ﻭﺍﺑﺘﺴﻢ ﺧﻠﻒ ﻭﻫﻮ ﻳﺒﻮﺱ ﺭﺍﺳﻬﺎ : ﺍﻟﻠﻪ ﻳﺨﻠﻴﻚ ﻟﻲ ﻳﻤﻪ
ﺍﻡ ﺧﻠﻒ : ﺍﻣﻴﻦ ﻭﻻ ﻳﺨﻠﻴﻨﻲ ﻣﻨﻚ ، ﻫﺎﻩ ﻳﻤﻪ ﺧﻠﺼﺖ ﺍﺑﻮﻙ ﻳﻨﺘﻈﺮ ﻋﺸﺎﻥ ﺗﻄﻠﻌﻮﻥ ﺍﻟﺼﻼﺓ
ﺧﻠﻒ : ﺍﻳﻪ ﺧﻼﺹ
ﺩﺧﻠﺖ ﻧﺪﻯ ﻣﺴﺘﻌﺠﻠﻪ ﻭﻫﻲ ﺗﻌﻄﻴﻪ ﺷﻤﺎﻏﻪ: ﺧﻠﻴﻒ ﻫﺎﺫﻱ ﺷﻤﺎﻏﻚ
ﺍﺧﺬﻫﺎ ﻭﻫﻮ ﻳﻠﺒﺴﻬﺎ ﻭﺩﺧﻠﺖ ﺣﻨﺎﻥ ﺗﺮﻛﺾ ﻣﻌﻬﺎ ﻓﻨﺠﺎﻥ ﻗﻬﻮﻩ : ﺧﻠﻒ ﺧﺬ
ﺧﻠﻒ : ﻟﻴﻪ ! ؟
ﺣﻨﺎﻥ: ﺗﻘﻮﻝ ﻣﺼﺪﻉ ﻗﻠﺖ ﺍﺟﻴﺐ ﻓﻨﺠﺎﻥ ﻳﺼﺤﺼﺢ ﺑﻚ
ﺧﻠﻒ : ﻣﺸﻜﻮﺭﻩ
ﺍﻡ ﺧﻠﻒ : ﻳﻼ ﻳﻤﻪ ﻳﻼ
ﻃﻠﻊ ﺧﻠﻒ ﻣﻌﻪ ﺍﻟﻔﻨﺠﺎﻥ ﻭﻫﻮ ﻃﺎﻟﻊ ﻋﻄﺎﻩ ﻭﻋﺪ ﺍﻟﻠﻲ ﻭﺍﻗﻔﻪ ﺗﻜﻨﺲ : ﺧﺬﻱ
ﺍﺧﺬﺗﻪ ﻭﻫﻲ ﺗﺸﻮﻓﻬﻢ ﻃﺎﻟﻌﻴﻦ ﻛﻠﻬﻢ ﻟﻠﻤﺴﺠﺪ
ﻭﺭﺟﻌﻮﺍ ﻟﺸﻐﻞ ﻭﺍﻟﺘﻨﻈﻴﻒ
._______________________
ﻭﻓﻲ ﺑﻴﺖ ﺍﻟﺠﺪ ﻗﺎﻳﺪ
ﻛﺎﻥ ﺍﺑﻮ ﻧﺎﺻﺮ ﻭﺍﻗﻒ ﻭﻫﻮ ﻳﻌﺪﻝ ﺷﻤﺎﻏﻪ ﻭﻧﺰﻟﺖ ﻣﻀﺎﻭﻱ ﺗﺮﻛﺾ ﻣﻌﻬﺎ ﺍﻟﺒﺸﺖ: ﻳﺒﺒﺒﺒﻪ ﺧﺬ
ﺑﺸﺘﻚ
ﻭﻗﻒ ﺍﺑﻮ ﻧﺎﺻﺮ : ﻫﺎﺗﻴﻪ ﻳﺎ ﺍﺑﻮﻙ ﻫﺎﺗﻴﻪ
ﻟﺒﺴﺘﻪ ﻣﻀﺎﻭﻱ ﻭﻫﻲ ﺗﺒﻮﺱ ﻛﺘﻔﻪ : ﺟﻌﻞ ﻋﻤﺮﻙ ﻃﻮﻳﻞ ﻳﺎ ﻳﺒﻪ
ﺍﻡ ﻧﺎﺻﺮ : ﻧﻬﺎﺭ ﺟﻤﻌﻪ ﺍﺩﻋﻲ ﻟﻠﻤﺴﻠﻤﻴﻦ ﺍﺟﻤﻌﻴﻦ
ﺿﺤﻚ ﻋﺰﻭﺯ: ﺟﺪﻩ ﺗﻐﺎﺭﻳﻴﻴﻦ ﺣﺘﻰ ﻣﻦ ﺍﻟﺪﻋﺎﺀ
ﻫﻴﺎ: ﺍﻟﻠﻪ ﻳﻄﻮﻝ ﺑﻌﻤﺮﻛﻢ ﺟﻤﻴﻊ ﻭﻻ ﺗﺰﻋﻠﻴﻦ
ﺿﺤﻚ ﺍﺑﻮ ﻧﺎﺻﺮ : ﻣﺎﻋﻠﻴﻪ ﺧﻠﻮﻫﺎ ﺧﻠﻮﻫﺎ ﺍﻟﺤﺮﻳﻢ ﻻﺯﻡ ﻳﺤﺴﺪﻭﻥ
ﻋﻘﺎﺏ: ﺻﺪﻗﺖ ﻳﺎﺟﺪﻱ
ﺻﺮﺧﺖ ﻣﻀﺎﻭﻱ : ﺍﻗﻮﻭﻭﻝ ﺗﺮﺍ ﺍﻧﺎ ﺍﻟﻠﻲ ﺍﺩﻋﻲ ﻟﻜﻢ ﻭﺍﻧﺎ ﻓﻲ ﻓﺮﻳﻖ ﺍﻟﺤﺮﻳﻢ ﻻ ﺗﺨﻠﻮﻥ ﺍﻏﻴﺮ
ﻭﺍﺩﻋﻲ ﻋﻠﻴﻜﻢ
ﺍﺑﻮ ﻧﺎﺻﺮ: ﺗﺪﻋﻴﻦ ﻋﻠﻰ ﺍﺑﻮﻙ ! ؟
ﻣﻀﺎﻭﻱ ﺑﻀﺤﻚ : ﻻ ﺑﺲ ﺑﺪﻋﻲ ﺍﻟﻠﻪ ﻳﺤﺴﻦ ﺍﻟﺨﺘﺎﻡ
ﺭﻣﺎﻫﺎ ﺍﻟﺠﺪ ﺑﺎﻟﻤﻔﺘﺎﺡ ﺑﻀﺤﻚ ﻭﺍﻧﺤﺎﺷﺖ ﻭﻗﺎﻟﺖ ﺍﻡ ﻧﺎﺻﺮ : ﺧﻠﻴﻪ ﻭﺍﻟﻠﻪ ﻣﺤﺪ ﺭﻓﻌﻪ ﻟﻬﺎﻟﻤﻜﺎﻥ
ﺍﻻ ﺩﻋﺎﻱ ﻟﻪ
ﺿﺤﻚ ﺍﺑﻮ ﻧﺎﺻﺮ : ﺻﺎﺩﻗﻪ ﺻﺎﺩﻗﻪ ﺍﻟﻠﻪ ﻳﺠﺰﺍﻙ ﺧﻴﺮ
ﻋﻘﺎﺏ : ﻳﻼ ﻳﺎﺟﺪﻱ ﺑﺘﺠﻠﺲ ﺗﺴﻮﻟﻒ ﻣﻊ ﺍﻟﺤﺒﻴﺒﻪ ﻭﺍﻟﺼﻼﻩ ﺑﺘﻔﻮﺕ
ﺍﺑﻮ ﻧﺎﺻﺮ: ﻳﻼ
ﻃﻠﻌﺖ ﺳﺤﺮ ﻭﻫﻲ ﺗﺮﻛﺾ ﺑﺎﻟﻌﻮﺩ : ﻟﺤﻈﻪ ﺗﺒﺨﺮﻭﺍ
ﻣﺮﺕ ﻋﻠﻴﻬﻢ ﻭﺍﺣﺪ ﻭﺍﺣﺪ ﻭﻫﻢ ﻛﻞ ﻭﺍﺣﺪ ﻳﻘﻮﻝ : ﻃﺎﺏ ﻃﻴﺒﻚ ﻭﻋﺎﺵ ﺣﺒﻴﺒﻚ
ﻭﺗﺒﺘﺴﻢ ﺳﺤﺮ ﻭﻫﻲ ﺗﺪﻋﻲ ﻟﺨﻠﻒ ﺍﻟﺤﺒﻴﺐ ﺍﻥ ﺍﻟﻠﻪ ﻳﻄﻮﻝ ﺑﻌﻤﺮﻩ
ﻭﺑﻌﺪ ﻣﺎﻃﻠﻌﻮﺍ ﺭﻛﻀﺖ ﻣﻀﺎﻭﻱ ﻭﻫﻲ ﺗﺒﺨﺮ: ﻃﺎﺏ ﻃﻴﺒﻚ
ﻭﻫﻤﺴﺖ ﻭﻋﺎﺵ ﺧﻠﻴﻒ
ﺿﺤﻜﺖ ﺳﺤﺮ : ﻳﺎﺷﻴﻨﻚ
ﻋﻬﺪ: ﻭﻫﻲ ﻣﺎ ﻛﺬﺑﺖ
ﻭﻗﻔﺖ ﻫﻴﺎ ﺍﻟﻠﻲ ﻛﺎﻧﺖ ﺗﻘﺮﺍ ﺳﻮﺭﺓ ﺍﻟﻜﻬﻒ : ﺧﻠﻮﺍ ﺍﻟﻜﻼﻡ ﺍﻟﻔﺎﺿﻲ ﻭﻳﻼ ﻋﺸﺎﻥ ﺗﻘﺮﻭﻥ
ﻭﺗﺼﻠﻮﻥ ﻭﺭﺍﻧﺎ ﻏﺪﺍ ﻭﺣﻔﻠﻪ ﻧﺎﺳﻴﻦ
ﻭﻋﻠﻰ ﻃﺎﺭﻱ ﺍﻟﺤﻔﻠﻪ ﻃﻠﻌﺖ ﺷﻬﺪ : ﺑﻨﺎﺕ ﻭﺵ ﺍﻟﻠﺒﺲ ! ؟ ﻋﻬﺪ ﺑﻀﺤﻚ: ﻳﺎﻟﻠﻪ ﺧﻴﻴﻴﺮ
ﺍﺻﺒﺮﻱ ﻟﻴﻦ ﻳﻮﺍﻓﻖ ﻋﻘﺎﺏ ﻭﺑﻌﺪﻳﻦ ﻓﻜﺮﻱ
ﺍﻡ ﻧﺎﺻﺮ : ﻏﺼﺐ ﻋﻠﻴﻪ ﻳﻮﺍﻓﻖ ﺧﻠﺼﻮﺍ ﺑﺲ ﺍﻏﺮﺍﺿﻜﻢ
ﺭﻛﻀﻮﺍ ﺍﻟﺒﻨﺎﺕ ﻳﺮﺗﺒﻮﻥ ﻭﻳﺨﻠﺼﻮﻥ ﻋﺸﺎﻥ ﻳﻠﺤﻘﻮﻥ ﻳﺠﻬﺰﻭﻥ ._______________________
ﻭﻓﻲ ﺑﻴﺖ ﺍﻟﻨﻮﺧﺬﻩ
ﻃﻠﻊ ﺍﻟﻜﻞ ﻟﺼﻼﺓ ﻭﺍﻟﺤﺮﻳﻢ ﺟﺎﻟﺴﻴﻦ ﺑﻬﺪﻭﺀ ﻳﺴﻤﻌﻮﻥ ﺍﻟﺨﻄﺒﻪ ﺑﺎﻟﺮﺍﺩﻳﻮ ﻭﺩﻕ ﺍﻟﺒﺎﺏ ﻭﻓﺰﺕ
ﻟﻴﻠﻰ ﺗﻔﺘﺢ ﻭﺷﺎﻓﺖ ﻭﻟﺪ ﺻﻐﻴﺮ ﻭﻓﺘﺤﺖ ﺍﻟﺒﺎﺏ ﺷﻮﻱ ﻭﺟﻠﺴﺖ : ﻫﻼ ﺣﺒﻴﺒﻲ ﻣﻨﻮ ﺗﺒﻲ ! ؟
ﺍﺑﺘﺴﻢ ﺳﻌﻮﺩ ﺑﺨﺠﻞ : ﺍﻣﻲ ﺗﺴﻠﻢ ﻋﻠﻴﻜﻢ ﻭﺗﻘﻮﻝ ﻗﻮﻟﻲ ﻻﻡ ﻧﻬﻴﺎﻥ ﺍﻟﻠﻪ ﻳﺤﻴﻬﺎ ﻟﻠﺤﻔﻠﻪ ﻓﻲ
ﺑﻴﺘﻲ ﺍﻟﻌﺼﺮ
ﺿﺤﻜﺖ ﻟﻴﻠﻰ ﺑﻔﺮﺡ: ﻭﺍﻟﻠﻪ ﺍﺑﺸﺮ ﻭﺳﻠﻢ ﻋﻠﻰ ﺍﻣﻚ ﻭﻗﻮﻟﻬﺎ ﺍﻥ ﺷﺎﺀ ﺍﻟﻠﻪ ﺑﻨﺤﻀﺮ ، ﺑﺲ ﻭﻳﻦ
ﺑﻴﺘﻜﻢ
ﺍﺷﺮ ﻟﻬﺎ ﺳﻌﻮﺩ : ﻫﺬﺍ ﺑﻴﺘﻨﺎ ﻗﺪﺍﻣﻜﻢ
ﻗﺮﺑﺖ ﻟﻴﻠﻰ ﺗﺒﻮﺳﻪ ﻭﻫﻲ ﻣﺒﺘﺴﻤﻪ: ﺍﻥ ﺷﺎﺀ ﺍﻟﻠﻪ ﻟﻜﻦ ﺍﻧﻄﺮ ﺩﻗﻴﻘﻪ
ﺭﻛﻀﺖ ﻟﻴﻠﻰ ﻭﻫﻲ ﺗﺠﻴﺐ ﺑﺴﻜﻮﺕ ﻭﻋﺼﻴﺮ ﻭﺑﻄﺎﻃﺲ ﻭﺍﻋﻄﺘﻪ ﺳﻌﻮﺩ ﻣﺒﺘﺴﻤﻪ ﻭﺍﺧﺬﻫﺎ
ﻭﻫﻮ ﻣﺴﺘﺤﻲ ﻭﻃﻠﻊ
ﻭﺭﺟﻌﺖ ﻟﻴﻠﻰ ﻓﺮﺣﺎﻧﻪ : ﻳﻤﻪ ﺍﺑﺸﺮﭺ
ﺍﻡ ﻧﻬﻴﺎﻥ: ﺧﻴﻴﻴﺮ ﺧﻴﻴﻴﺮ
ﻟﻴﻠﻰ : ﻣﻌﺰﻭﻣﻴﻦ ﻋﻠﻰ ﺣﻔﻠﻪ ﻭﺍﺍﺍﻱ ﺑﻤﻮﺕ ﻣﻦ ﺍﻟﻮﻧﺎﺳﻪ
ﺷﻴﺨﻪ: ﺧﺎﻓﻲ ﺭﺑﭻ ﺗﻌﺎﻟﻲ ﺍﻗﺮﻱ ﻟﭻ ﻛﻠﻤﺘﻴﻦ ﻣﻦ ﺍﻟﻘﺮﺍﻥ ﻭﺍﻧﺘﻲ ﺗﺪﻭﺭﻳﻦ ﺍﻟﺤﻔﻼﺕ
ﻟﻴﻠﻰ : ﻭﻟﻴﻴّﻴﻴﻴﻪ ﺷﻔﻴﭻ ﺷﻴﺨﻮﻩ ﺗﺮﺍ ﻣﺎ ﻛﻔﺮﻧﺎ ﻭﺍﻟﺤﻤﺪﻟﻠﻪ ﻗﺮﻳﺖ ﻭﺭﺩﻱ ﻭﺧﻠﺼﺖ .
ﻣﺮﻳﻢ: ﻭﻭﻳﻦ ﻫﺎﻟﺤﻔﻠﻪ
ﻟﻴﻠﻰ : ﻳﻤﻪ ﺗﺘﺬﻛﺮﻳﻦ ﺍﻡ ﺳﻌﻮﺩ ! ؟؟
ﺍﻡ ﻧﻬﻴﺎﻥ: ﺍﻳﻪ
ﻟﻴﻠﻰ : ﺟﺎﺀ ﻭﻟﺪﻫﺎ ﺳﻌﻮﺩ ﻳﻘﻮﻝ ﺍﻣﻲ ﺗﺴﻠﻢ ﻋﻠﻴﭻ ﻭﺗﻌﺰﻣﭻ ﺍﻟﺤﻔﻞ ﺍﻟﻴﻮﻡ
ﺍﻡ ﻧﻬﻴﺎﻥ: ﺯﻳﻦ ﺍﻟﻠﻪ ﻳﺴﻬﻞ
ﺭﻛﻀﺖ ﻟﻴﻠﻰ ﺗﺠﻬﺰ ﺍﻟﻠﺒﺲ ﺍﻟﻠﻲ ﺑﺘﻠﺒﺴﻪ ﻭﻛﻞ ﺷﻲ ﺗﺤﺘﺎﺟﻪ
._______________________
ﻓﻲ ﺍﻟﺸﺎﺭﻉ ﻟﻠﻲ ﺍﺳﻔﻞ ﺍﻟﺤﺎﺭﻩ
ﻭﺍﻟﻠﻲ ﻛﺎﻥ ﻻﺯﻡ ﻳﻤﺮﻭﻥ ﻓﻴﻪ ﻋﺸﺎﻥ ﻳﺮﻭﺣﻮﻥ ﺍﻟﻤﺴﺠﺪ ﻓﻲ ﻫﺎﻟﺸﺎﺭﻉ ﺑﻴﺖ ﺍﻟﻨﻮﺧﺬﻩ
ﻭﺍﻟﻜﻞ ﻳﻤﺸﻲ ﻭﻣﻨﺰﻝ ﺭﺍﺳﻪ ﻣﻦ ﺣﺮﺍﺭﺓ ﺍﻟﺸﻤﺲ ﺍﻻ ﺧﻠﻒ ﺍﻟﻠﻲ ﺍﻭﻝ ﻣﺎﺭﻓﻊ ﺭﺍﺳﻪ ﺷﺎﻑ ﺑﺎﺏ
ﺍﻟﻨﻮﺧﺬﻩ ﻣﺮﺩﻭﺩ ﻭﻭﺍﻗﻒ ﻋﻨﺪﻩ ﺳﻌﻮﺩ ﻭﺗﺄﺧﺮ ﺧﻠﻒ ﺑﻤﺸﻴﻪ ﻭﻫﻮ ﻳﻤﺸﻲ ﺑﺸﻮﻳﺶ ﺑﺲ ﻭﻗﻔﺖ
ﺭﺟﻠﻪ ﻭﻫﻮ ﻳﺸﻮﻑ ﻟﻴﻠﻰ ﺍﻟﻠﻲ ﺭﺟﻌﺖ ﻭﻫﻲ ﻣﺒﺘﺴﻤﻪ ﻭﺍﻋﻄﺖ ﺳﻌﻮﺩ ﺍﻟﺤﻼﻭﻩ ﻭﺍﻟﺒﺴﻜﻮﺕ
ﻭﻫﻲ ﺗﺒﻮﺳﻪ ﻭﻭﺩﻋﺘﻪ
ﻭﺳﻜﺮﺕ ﺍﻟﺒﺎﺏ
ﺷﺪ ﺧﻠﻒ ﺷﻤﺎﻏﻪ ﺑﻘﻮﻩ ﻭﻫﻮ ﻋﺎﺭﻓﻬﺎ ﻭﻋﺎﺭﻑ ﺷﻜﻠﻬﺎ ﻻ ﺷﻌﻮﺭﻳﺎً ﺍﺑﺘﺴﻢ ﻣﻦ ﺍﺑﺘﺴﺎﻣﺘﻬﺎ
ﻭﺳﻜﺮﺕ ﺍﻟﺒﺎﺏ ﻭﻣﺎﺷﺎﻓﺘﻪ ﻟﻜﻦ ﺧﻠﻒ ﻭﻗﻒ ﺑﺤﻴﺮﻩ ﻋﺬﺑﻪ ﺍﻣﺘﻠﻰ ﺑﻬﺎ ﺻﺪﺭﻩ ﻻ ﺷﻌﻮﺭﻳﺎً ﻭﻗﻒ
ﺳﻌﻮﺩ : ﺳﻌﻮﺩ ﻭﺵ ﺗﺒﻲ ﻫﻨﺎ
ﺳﻌﻮﺩ : ﺍﻣﻲ ﺍﺭﺳﻠﺘﻨﻲ ﺍﻋﺰﻣﻬﻢ ﻟﻠﺤﻔﻠﻪ
ﺟﻠﺲ ﺧﻠﻒ ﻗﺪﺍﻣﻪ ﻣﺒﺘﺴﻢ ﻭﻫﻮ ﻳﺴﻠﻢ ﻋﻠﻴﻪ ﻛﺎﻥ ﻣﻨﺘﻈﺮ ﻳﺸﻢ ﻋﻄﺮ ﺍﻭ ﺷﻲ ﻟﻜﻦ ﺣﺒﺲ
ﺍﻧﻔﺎﺳﻪ ﻭﻭﻗﻒ ﻧﺎﻗﺪ ﻋﻠﻰ ﻧﻔﺴﻪ ﻣﻦ ﻫﺎﻟﺘﺼﺮﻓﺎﺕ ﺍﻟﻠﻲ ﻣﺎﻫﻲ ﻣﻦ ﺗﺼﺮﻓﺎﺗﻪ ﻭﺍﻃﺒﺎﻋﻪ
ﺭﺍﺡ ﺳﻌﻮﺩ ﻭﻭﻗﻒ ﺧﻠﻒ ﻣﺘﻜﺘﻒ ﻭﺍﺳﺘﻐﻔﺮ ﻭﻫﻮ ﻳﻜﻤﻞ ﻟﻠﻤﺴﺠﺪ ﻭﻫﻮ ﻳﺤﺎﻭﻝ ﻳﺨﺸﻊ
ﻭﻳﻨﺴﺎﻫﺎ ﻭﻫﻮ ﻋﺠﺰﺍﻥ ﻓﻲ ﻫﺎﻟﺼﺪﻑ ﺍﻟﻠﻲ ﺗﺤﻄﻬﺎ ﻗﺪﺍﻣﻪ ﻓﻲ ﻛﻞ ﻣﺮﻩ
._______________________
ﻭﻓﻲ ﺑﻴﺖ ﺍﺑﻮ ﺧﻠﻒ
ﺑﻌﺪ ﺍﻟﻐﺪﺍﺀ ﺍﺑﺘﺪﺍﺀ ﻣﺸﻮﺍﺭ ﺍﻟﺒﻨﺎﺕ ﻓﺎﻟﺘﺠﻬﻴﻴﻴﺰ ﻭﻛﻞ ﻭﺣﺪﻩ ﺗﺪﺧﻞ ﻭﺗﻄﻠﻊ ﻭﺗﺪﻭﺭ
ﻭﻛﺎﻥ ﺧﻠﻒ ﻣﺘﻜﺘﻒ ﻭﺟﺎﻟﺲ ﻭﻫﻮ ﻳﻔﻜﺮ ﻟﻜﻦ ﻟﻒ : ﻳﻤﻪ ﻣﻦ ﺑﻴﺠﻲ ﻓﺎﻟﺤﻔﻞ ! ؟
ﺍﻡ ﺧﻠﻒ : ﻛﻞ ﺍﻟﺠﻴﺮﺍﻥ ﻭﺍﻟﺤﺎﺭﻩ ، ﻟﻴﻪ ! ؟
ﺧﻠﻒ : ﻣﺪﺭﻱ ﻗﺒﻞ ﻓﺘﺮﻩ ﺟﻴﺮﺍﻧﺎ ﺍﻟﻜﻮﻳﺘﻴﻦ ﺳﻜﻨﻮﺍ ﻣﺪﺭﻱ ﺍﺣﺪ ﺟﺎﻫﻢ ﺗﻌﺮﻑ ﻋﻠﻴﻬﻢ
ﺍﻡ ﺧﻠﻒ : ﻭﺍﻟﻠﻪ ﻣﺎﺷﻔﺘﻬﻢ ﺍﻧﺎ ﻳﻤﻪ ﺑﺲ ﻋﺰﻣﻮﻫﻢ ﺍﻟﺤﺮﻳﻢ
ﺍﻡ ﻭﻋﺪ : ﻭﺍﻧﺎ ﻗﺎﺑﻠﺖ ﺍﻡ ﻧﻬﻴﺎﻥ ﻓﻲ ﻣﺠﻠﺲ ﻣﺎﺷﺎﺀ ﺍﻟﻠﻪ ﻋﻠﻴﻬﺎ ﺣﺮﻣﻪ ﺭﺯﻳﻨﻪ ﻭﻋﺎﻗﻠﻪ ﻭﺑﻨﺖ
ﺣﻼﻝ ﻭﺍﻛﻴﺪ ﺍﻡ ﺳﻌﻮﺩ ﺑﺘﻌﺰﻣﻬﻢ
ﻓﻴﺼﻞ: ﺧﺴﺎﺭﻩ ﻟﻮ ﻋﻨﺪﻫﻢ ﻭﻟﺪ ﺑﻌﻤﺮﻧﺎ ﻛﺎﻥ ﻓﻠﻴﻨﺎﻫﺎ ﻣﻌﻪ
ﺧﻠﻒ : ﺧﻞ ﻋﻴﺎﻝ ﺍﻟﻨﺎﺱ ﺑﺤﺎﻟﻬﻢ ﺑﺲ
ﺍﻡ ﻭﻋﺪ : ﻃﻴﺐ ﺧﻠﻒ ﻳﺎﺣﺒﻴﺒﻲ ﺍﺧﺬ ﺳﺎﻟﻢ ﻭﻏﻴﺚ ﻣﻌﻚ
ﺧﻠﻒ : ﻟﻴﻪ ﻣﺎﻳﺮﻭﺣﻮﻥ ﻣﻊ ﺳﻌﻮﺩ ﻳﻠﻌﺒﻮﻥ ﺑﺎﻟﺤﺎﺭﻩ
ﺍﻭ ﻭﻋﺪ : ﺍﺧﺎﻑ ﻳﺘﻄﺎﻭﻗﻮﻥ
ﺧﻠﻒ : ﻻ ﻳﺎ ﻋﻤﻴﻤﻪ ﺧﻠﻴﻬﻢ ﻳﻠﻌﺒﻮﻥ ﺍﺣﺴﻦ
ﻃﻠﻌﺖ ﻭﻋﺪ ﺑﻌﺪ ﻣﺎﺟﻬﺰﺕ ﻭﺟﻠﺴﺖ ﻭﺍﺑﺘﺴﻢ ﺧﻠﻒ : ﺍﻟﻠﻪ ﺍﻟﻠﻪ ﺍﺧﺘﻲ ﺍﻟﻴﻮﻡ ﻧﺎﻭﻳﻪ ﺗﻌﺬﺏ
ﺍﻟﻌﺮﺏ
ﺿﺤﻜﺖ ﻭﻋﺪ : ﺍﻟﻠﻪ ﻳﺠﺒﺮ ﺑﺨﺎﻃﺮﻙ ﻳﺎﺧﻠﻴﻒ
ﻃﻠﻌﺖ ﻧﺪﻯ ﻭﻫﻲ ﺗﺪﻭﺭ : ﺑﺎﻟﻠﻪ ﻋﻠﻴﻴﻴﻴﻚ ﺷﻮﻑ ﺍﻧﺎ ﺍﻟﻠﻲ ﺑﻜﺴﺮ ﺍﻟﺪﻧﻴﺎ
ﻃﻠﻌﺖ ﺍﻣﺎﻧﻲ ﻣﺒﺘﺴﻤﻪ ﻭﻫﻲ ﺗﻐﻨﻲ : ﻳﺎﺷﻴﻴﻴﻴﺨﻪ ﺭﻭﺣﻲ ﺑﺲ ﺍﻧﺎ ﺍﻟﻠﻲ ﻳﻘﻮﻝ ﻋﻨﻲ ﺧﺎﻟﺪ
ﺍﻟﻔﻴﺼﻞ ‏( ﻧﺼﻒ ﺯﻳﻦ ﺍﻟﺨﻼﻳﻖ ﻓﻲ ﻋﻴﻮﻧﻪ
ﻭﺑﺎﻗﻲ ﺍﻟﺰَّﻳﻦ ﻓﻲ ﺑﺎﻗﻴـﻪ ﻛِﻠَّـﻪ‏)
ﺿﺤﻜﺖ ﻭﺟﺪﺍﻥ : ﻛﺜﺮﺭﺭﻱ ﻣﻨﻬﻬﺎ
ﺍﺑﺘﺪﺕ ﺣﺮﺏ ﺍﻟﻤﻨﺎﻓﺴﻪ ﻟﻜﻦ ﺍﻧﻬﺎﻫﺎ ﺧﻠﻒ ﺍﻟﻠﻲ ﻃﺮﺍ ﻟﻪ ﻳﻜﻤﻞ ﺍﻻﻏﻨﻴﻪ ﻭﻛﻠﻤﺎﺕ ﺍﻻﻏﻨﻴﻪ ﺟﺖ
ﻋﻠﻰ ﺟﺮﺣﻪ ﻭﺩﺧﻞ ﺑﺎﻟﺠﻮ ﻭﻛﻤﻞ ﻣﻌﻪ ﻓﻴﺼﻞ ﻳﺪﻕ ﻋﻠﻰ ﺍﻟﺼﺤﻦ ﻭﺍﻟﺒﻨﺎﺕ ﻳﺼﻔﻘﻮﻥ
‏( ﻭﻗﻠﺒﻲ ﺗﺎﻳﻪٍ ﻣِـﻦ ﻋـﺎﻡ ﺍﻻﻭَّﻝ
ﺃﻻ ﻳﺎﻟﻠﻪ ﻳﺴَّـﺮ ﻣـﻦ ﻳﺪﻟَّـﻪ
ﺧﺬﺍﻩ ﺍﻟَّﻠﻲ ﻋﻠﻰ ﺧﺪَّﻩ ﻋﻼﻣﻪ
ﺳﻮﺍﺩﺓ ﻏﻴﻢ ﻓﻲ ﺷﻤﺲٍ ﻣﻄﻠَّـﻪ
ﺳﺮﻗﻨﻲ ﻣﺎﺩﺭﻳﺖ ﺇﻧَّﻪ ﺳﺮﻗﻨـﻲ
ﺳﻠﺒﻨﻲ ﻭ ﺃﺣﺴﺐ ﺇﻧَّﻲ ﻓﺎﻃﻦٍ ﻟﻪ
ﺃﻧﺎ ﻳﻮﻡ ﺃﺭﺳﻞ ﻋﻴﻮﻧﻪ ﻟﻘﻠﺒـﻲ
ﻋﻄﻴﺘﻪ ﻣُﻬﺠﺘﻲ ﻭﺍﻟﻤﻌﻄـﻲ ﺍﻟﻠﻪ‏)
ﺿﺤﻜﺖ ﺍﻡ ﻭﻋﺪ : ﻫﺎﻧﺖ ﻳﺎ ﺧﻠﻴﻒ ﻫﺎﻧﺖ ﻛﻠﻬﺎ ﺷﻬﻮﺭ ﻭﻳﻌﻮﺩ ﻟﻚ ﻗﻠﺒﻚ ‏( ﺗﻘﺼﺪ ﺯﻭﺍﺟﻪ ﻣﻦ
ﺳﺤﺮ ‏)
ﻟﻜﻦ ﺧﻠﻒ ﻣﺎﻛﺎﻥ ﺻﻮﺑﻬﺎ ﺍﺑﺪ ﻛﺎﻥ ﻓﻌﻼً ﻳﺤﺲ ﺍﻥ ﺻﺪﺭﻩ ﻓﻀﻰ ﻭﻋﻘﻠﻪ ﺑﻌﺪ ﻓﻀﻰ ﻣﻦ ﻛﻞ
ﺷﻲ ﻭﺍﺣﺘﻠﺘﻪ ﺑﻨﺖ ﺍﻟﻨﻮﺧﺬﻩ ﺍﻡ ﺷﺎﻣﻪ ﺍﻟﻠﻲ ﻓﻌﻼً ﺳﺮﻗﺘﻪ ﻭﻫﻮ ﻣﺎﻫﻮ ﺣﺎﺱ
ﻧﺪﻯ: ﺍﻭﻭﻭﻭﻭﻭ ﺍﺧﻮﻧﺎ ﻃﺎﺍﺍﺭ
ﺍﻟﺘﻔﺖ ﺧﻠﻒ ﻣﺒﺘﺴﻢ : ﻳﻼ ﻳﻼ ﺧﻠﺼﻮﺍ ﻋﺸﺎﻥ ﺍﻭﺻﻠﻜﻢ ﻭﺍﻃﻠﻊ
ﺍﻡ ﺧﻠﻒ : ﺗﺒﻲ ﺗﻄﻠﻊ ﻳﻤﻪ ﻋﺎﺩﻱ ﺭﻭﺡ ﻓﻴﺼﻞ ﻳﻮﺻﻠﻨﺎ
ﺧﻠﻒ : ﻻ ﻻ ﻣﺎﻋﻠﻴﻚ ﻳﻤﻪ ﺍﻧﺘﻈﺮ ﺍﻧﺎ
ﻭﻗﻒ ﻓﻴﺼﻞ ﻳﺮﺑﻂ ﺛﻮﺑﻪ ﻋﻠﻰ ﺧﺼﺮﻩ : ﻻ ﻭﺍﻟﻠﻪ ﺍﻧﺎ ﺑﺮﻭﺡ ﺃﻟﺤﻖ ﺍﻟﻤﺒﺎﺭﺍﻩ ﻓﺎﺗﺘﻨﻲ
ﻓﺰ ﻣﻌﻪ ﺳﺎﻟﻢ ﻭﻏﻴﺚ : ﻓﻴﺼﻞ ﺍﺧﺬﻧﺎ
ﻗﺒﻞ ﻳﺮﻓﺾ ﻓﻴﺼﻞ ﻗﺎﻟﺖ ﻭﻋﺪ : ﺧﺬﻫﻢ ﻣﻌﻚ ﻣﺤﺪ ﻓﺎﺿﻲ ﻟﻬﻢ
ﺻﺪ ﻓﻴﺼﻞ : ﺯﻳﻦ
ﻃﻠﻊ ﻭﻛﻤﻠﻮﺍ ﺗﺠﻬﻴﺰﻫﻢ
!._______________________
ﻭﻓﻲ ﺑﻴﺖ ﺍﻟﺠﺪ ﻗﺎﻳﺪ
ﻣﺎ ﺻﺪﻗﻮﺍ ﺍﻟﺒﻨﺎﺕ ﺍﻥ ﻋﻘﺎﺏ ﻳﻮﺍﻓﻖ ﻭﺍﻧﻄﻠﻘﻮﺍ ﻳﺠﻬﺰﻭﻥ ﺑﺴﺮﻋﻪ
ﻭﻋﻘﺎﺏ ﺟﺎﻟﺲ ﻋﻠﻰ ﺍﻟﺪﻛﻪ ﺍﻟﻠﻲ ﺑﺎﻟﺤﻮﺵ ﻭﻳﺘﻘﻬﻮﻯ ﺟﻨﺒﻪ ﺟﺪﺗﻪ ﻭﻫﻴﺎ ﺍﻟﻠﻲ ﺍﻭﻝ ﻭﺣﺪﻩ
ﺗﺨﻠﺺ ﻭﺳﺤﺮ ﻟﻜﻦ ﻛﺎﻟﻌﺎﺩﻩ ﻣﻀﺎﻭﻱ ﻭﺷﻬﺪ ﻭﻋﻬﺪ ﺩﺍﻳﻤﺎً ﻣﺘﺄﺧﺮﻳﻦ
ﺍﺧﻴﺮﺍً ﻃﻠﻌﻮﺍ ﻭﺍﻟﺘﻔﺖ ﻋﻘﺎﺏ ﻟﻤﻀﺎﻭﻱ ﺑﻌﺒﻂ : ﺑﺴﻢ ﺍﻟﻠﻪ ﻭﻳﻦ ﺭﺍﻳﺤﻪ ﻭﻳﻴﻴﻦ ﻋﺮﺱ ﻋﺮﺱ
ﻣﻀﺎﻭﻱ ﺑﻤﺰﺡ : ﺷﺘﺒﻲ ﻓﻴﻨﻲ ﺧﻠﻨﻲ ﺍﻛﺸﺦ ﻛﻮﺩ ﺍﻟﻠﻪ ﻳﺮﺳﻞ ﻟﻲ ﺣﺮﻣﻪ ﻣﺴﻜﺮﻩ ﻋﻴﻮﻧﻬﺎ
ﻭﺗﺨﻄﺒﻨﻲ ﻭﻟﺪﻫﺎ
ﻋﻘﺎﺏ : ﻳﺎﺑﻨﺖ ﺍﻟﻠﻪ ﻻ ﻳﻌﺎﻗﺐ ﺍﻟﻤﺴﻜﻴﻦ ﺍﻟﻠﻲ ﺑﻴﺘﺰﻭﺟﻚ ﻭﺷﻜﻞ ﺍﻟﻠﻲ ﺩﺍﻋﻴﻪ ﻋﻠﻴﻪ ﺍﻣﻪ ﻫﻮ
ﺍﻟﻠﻲ ﺑﻴﺘﺰﻭﺟﻚ ﻭﻻ ﻫﻮ ﻣﻮﻓﻖ ﻭﻻ ﻫﻮ ﺭﺿﻲ ﻭﺍﻟﺪﻳﻦ
ﺍﻡ ﻧﺎﺻﺮ : ﻟﻴﻴﻪ ﻭﺵ ﻓﻴﻬﺎ ﺑﻨﻴﺘﻲ ﻛﺎﻣﻠﻪ ﻭﺍﻟﻜﺎﻣﻞ ﺍﻟﻠﻪ
ﻋﻘﺎﺏ : ﻭﺍﻟﻠﻪ ﻳﺎ ﺟﺪﻩ ﺑﻨﻴﺘﻚ ﻫﺎﺫﻱ ﻣﻦ ﺍﺻﺤﺎﺏ ﺍﻟﻤﻈﺎﻫﺮ ﺍﻟﺨﺪﺍﻋﻪ ﺗﺸﻮﻓﻴﻨﻬﺎ ﻣﻦ ﺑﻌﻴﺪ
ﺗﻘﻮﻟﻴﻦ ﻣﻼﻙ ﻭﺍﺫﺍ ﻗﺮﺑﺘﻲ ﺍﻟﻠﻪ ﻻ ﻳﻮﺭﻳﻚ
ﻣﻀﺎﻭﻱ : ﻳﺎﻟﻠﻪ ﻳﺎﻋﻘﺎﺏ ﻳﺒﻼﻙ ﺭﺑﻲ ﺑﺰﻭﺟﻪ ﺍﺭﺩﻯ ﻣﻨﻲ ﻭﻳﺎﻟﻠﻪ ﺗﺮﺯﻕ ﺑﺎﻟﻠﻲ ﺗﺼﻠﻲ ﺑﻚ ﺷﺮﻕ
ﻭﺍﻟﻨﺎﺱ ﻗﺒﻠﻪ
ﺿﺤﻚ ﻋﻘﺎﺏ ﺑﺈﺳﺘﻬﺰﺍﺀ : ﻣﺎﺟﺎﺑﺘﻬﺎ ﺍﻣﻬﺎ ﺍﻟﻠﻲ ﺗﺼﻠﻲ ﺑﺲ ﺷﺮﻕ
ﻋﻬﺪ : ﺍﻳﻴﻲ ﻫﻴﻴﻴﻴﻦ ﻛﻠﻜﻢ ﻛﺬﺍ ﻣﻊ ﺧﻮﺍﺗﻚ ﻛﻼﻡ ﻭﻣﻊ ﺯﻭﺟﺘﻚ ﻛﻼﻡ ﺛﺎﻧﻲ
ﻋﻘﺎﺏ : ﻭﺍﻟﻠﻪ ﻭﺵ ﻣﺴﻮﻱ ﻓﻴﻚ ﻭﺍﻧﺎ ﻣﺪﺭﻱ ! ؟
ﻗﺮﺑﺖ ﺷﻬﺪ ﻭﻫﻲ ﺗﺠﻠﺲ ﺟﻨﺒﻪ : ﺍﻗﻮﻝ ﻣﺎﻋﻠﻴﻚ ﻣﻨﻬﻢ ﻭﺍﻟﻠﻪ ﺍﻧﻚ ﺍﻃﻨﺦ ﺍﺧﻮ ﻭﺍﺣﺴﻦ ﺍﺧﻮ
ﻭﺍﻟﻠﻲ ﺑﺘﺰﻭﺟﻚ ﻳﺤﺒﻬﺎ ﺍﻟﻠﻪ ﻭﺧﻠﻖ ﺍﻟﻠﻪ
ﺿﺤﻚ ﻋﻘﺎﺏ : ﻭﺍﻟﻠﻪ ﺻﺎﺩﻗﻪ ﺑﺲ ﻭﺵ ﺍﻟﻤﺼﻠﺤﻪ ﻣﻦ ﻫﺎﻟﻜﻼﻡ ! ؟
ﻛﺸﺮﺕ ﺷﻬﺪ ﻭﻫﻲ ﺍﻟﻠﻲ ﻓﻌﻼً ﻛﺎﻧﺖ ﺗﻘﺪﺱ ﻋﻘﺎﺏ : ﺍﻓﺎ ﻳﻌﻨﻲ ﺍﻧﺎ ﻣﺎ ﺍﻣﺪﺣﻚ ﺍﻻ ﺍﺑﻲ ﺷﻲ
ﺳﺤﺮ : ﻋﺎﺩ ﻣﺎﻟﻚ ﺣﻖ ﻳﺎ ﻋﻘﺎﺏ ﺷﻬﺪ ﻣﺎ ﺗﺴﻤﻊ ﻓﻴﻚ ﻭﺗﺤﺒﻚ
ﻗﺮﺑﻬﺎ ﻋﻘﺎﺏ ﻳﺤﻀﻨﻬﺎ : ﻭﻻ ﺍﻧﺎ ﺍﺣﺒﻬﺎ ﺣﺒﻴﺒﺔ ﺍﺧﻮﻫﺎ
ﻃﻠﻊ ﻋﺰﻭﺯ: ﻋﻘﺎﺏ ﺑﺮﻭﺡ ﺍﻟﻤﺒﺎﺭﺍﻩ
ﺍﺑﻌﺪ ﻋﻘﺎﺏ: ﺯﻳﻦ ﺑﺲ ﻻ ﺗﺒﻄﻲ
ﻋﺰﻭﺯ ﺍﺳﺮﻉ ﺑﺨﻄﻮﺍﺗﻪ ﻳﺤﻀﻨﻪ ﺑﻤﺰﺡ : ﻟﻮ ﺳﻤﺤﺖ ﺍﺣﻀﻨﻲ ﺑﻌﺪ ﻣﺎﻳﺼﻴﺮ ﺗﺼﺤﺮﻭﻧﻲ ﻋﺎﻃﻔﻴﺎً
ﺿﺤﻚ ﻋﻘﺎﺏ ﻭﻫﻮ ﻳﺤﻀﻨﻪ ﺑﻌﺪ ﻭﻳﺤﻀﻦ ﻋﻬﺪ ﻭﺳﺤﺮ ﺑﺸﻜﻞ ﺟﻤﺎﻋﻲ ﻭﻣﻦ ﺑﻴﻦ ﺍﻟﺰﺣﻤﻪ
ﺩﺧﻠﺖ ﻣﻀﺎﻭﻱ ﻣﻌﻬﻢ ﺑﺎﻻﺣﻀﺎﻥ
ﺍﻡ ﻧﺎﺻﺮ : ﻳﻼ ﻳﻼ ﺑﻨﺮﻭﺡ
ﻋﻘﺎﺏ : ﻫﺎﻩ ﺑﺲ ﺍﻧﺘﺒﻬﻲ ﺍﻧﺘﻲ ﻭﻳﺎﻫﺎ ﻭﺧﻠﻴﻜﻢ ﻣﻊ ﺟﺪﺗﻲ
ﻫﻴﺎ: ﺍﻟﻠﻠﻪ ﻳﻬﺪﻳﻚ ﻭﻳﻦ ﺑﻴﺮﻭﺣﻮﻥ ﻳﻌﻨﻲ
ﻋﻘﺎﺏ: ﻧﻮﺻﻲ ﻋﺎﺩ
ﻃﻠﻌﻮﺍ ﻣﻊ ﻃﻠﻌﺔ ﺍﻡ ﺧﻠﻒ ﻭﺍﻡ ﻭﻋﺪ ﻭﻣﻌﻬﻢ ﺧﻠﻒ
ﻋﻘﺎﺏ: ﺍﻟﻠﻪ ﺑﺎﻟﺨﻴﺮ
ﻟﻒ ﺧﻠﻒ : ﻫﻼ ﻋﻘﺎﺏ ﻏﺮﻳﺒﻪ ! ؟ ﻣﺎﺭﺣﺖ ﻟﻠﺤﻴﻦ
ﻋﻘﺎﺏ : ﺗﻮﻧﻲ ﺑﺮﻭﺡ ﺍﻧﺖ ﻭﻳﻦ ! ؟
ﺧﻠﻒ : ﺑﻮﺻﻠﻬﻢ
ﻋﻘﺎﺏ: ﺯﻳﻦ ﺍﺧﺬ ﺟﺪﺗﻲ ﻭﺍﻟﺒﻨﺎﺕ ﻣﻌﻚ
ﺧﻠﻒ ﺗﻘﺪﻡ ﻭﻫﻮ ﻳﺒﻮﺱ ﺭﺍﺱ ﺟﺪﺗﻪ ﻭﻫﻮ ﻳﻤﺴﻚ ﺫﺭﺍﻋﻬﺎ : ﻋﻠﻰ ﺧﺸﻤﻲ
ﻟﻒ ﻋﻘﺎﺏ ﻭﻫﻮ ﻳﺸﻮﻑ ﺍﻃﻮﻝ ﻭﺣﺪﻩ ﻭﺍﻟﻠﻲ ﻣﻦ ﻭﻗﻔﺘﻬﺎ ﺍﻟﻠﻲ ﻓﻴﻬﺎ ﺛﻘﻪ ﻭﻫﻴﺒﻪ ﻭﺍﻗﻔﻪ ﻋﻠﻰ
ﻳﻤﻴﻦ ﺧﻠﻒ ﻭﻫﻲ ﺩﺍﻳﻢ ﻛﺎﻧﺖ ﻳﻤﻴﻦ ﻟﺨﻠﻒ ﻛﺄﻧﻬﺎ ﺭﺟﺎﻝ ﻣﻦ ﻛﺜﺮ ﻣﺎ ﺧﻠﻒ ﻳﺤﺒﻬﺎ ﻭﻳﻌﺘﻤﺪ
ﻋﻠﻴﻬﺎ ﻓﻲ ﺍﺷﻴﺎﺀ ﻣﺎﻳﻌﺘﻤﺪ ﻋﻠﻰ ﻓﻴﺼﻞ ﻓﻴﻬﺎ ﻭﻳﺪﺭﻱ ﻋﻘﺎﺏ ﺍﻥ ﺳﺒﺐ ﻃﻐﻰ ﻭﻋﺪ ﻫﻮ ﺣﺐ
ﺧﻠﻒ ﻟﻬﺎ ﺍﻟﻤﻔﺮﻁ ﻟﻜﻦ ﻫﻮ ﺣﺎﻟﻒ ﻳﻜﺴﺮ ﻫﺎﻟﻄﻐﻴﺎﻥ ﻭﺑﻴﻜﺴﺮﻩ
ﻟﻜﻦ ﻭﻋﺪ ﻛﺎﻧﺖ ﻣﺘﺠﺎﻫﻠﺘﻪ ﻭﻫﻲ ﺗﺪﺭﻱ ﺑﻐﻴﺾ ﺻﺪﺭﻩ
ﻓﻲ ﺍﻟﻄﺮﻑ ﻛﺎﻧﺖ ﻣﻀﺎﻭﻱ ﻣﺸﻐﻠﻪ ﺧﻠﻒ ﻭﺗﺴﻮﻟﻒ ﻣﻌﻪ ﻟﻜﻦ ﺧﻠﻒ ﺷﺎﻳﻞ ﻫﻢ ﺳﺤﺮ ﺍﻟﻠﻲ
ﻳﺤﺲ ﺑﻨﻈﺎﺭﺗﻬﺎ ﻟﻪ ﻭﻭﺩﻩ ﻳﻠﺘﻔﺖ ﻭﺩﻩ ﻳﻮﺻﻠﻬﺎ ﻣﻦ ﻋﻴﻮﻧﻪ ﺍﻧﻪ ﻓﻲ ﺣﻴﺮﻩ ﻣﺎﻳﺪﺭﻱ ﻭﺵ
ﻣﺼﻴﺮﻫﻢ !! ﻣﻦ ﻳﻮﻡ ﺩﺧﻠﺖ ﺑﻨﺖ ﺍﻟﻨﻮﺧﺬﻩ ﺑﺎﻟﺨﻂ ﻭﻣﻦ ﺻﺪﻑ ﺑﺴﻴﻄﻪ ﺳﻠﺒﺖ ﺗﻔﻜﻴﺮ ﺧﻠﻒ
ﺍﻟﻠﻲ ﻛﺎﻥ ﺧﺎﻟﻲ ﺍﻟﻔﻜﺮ ﻭﺍﻟﻘﻠﺐ ﻭﻣﺮﺗﺎﺡ ﻭﻳﺤﺎﻭﻝ ﻳﺤﺐ ﺳﺤﺮ ﻭﻳﺘﻌﻮﺩ ﻋﻠﻰ ﺍﻟﻮﺍﻗﻊ ﻟﻜﻦ
ﺧﻮﻓﻪ ﺍﻻﻛﺒﺮ ﺧﺎﻳﻒ ﻣﻦ ﻇﻠﻴﻤﺘﻬﺎ ﻭﻛﺴﺮﺓ ﺧﺎﻃﺮﻫﺎ
ﺍﻣﺎ ﺳﺤﺮ ﻟﻠﻲ ﻓﻲ ﻛﻞ ﺧﻄﻮﻫﺎ ﻳﺨﻄﻴﻬﺎ ﺧﻠﻒ ﺍﻭ ﻛﻞ ﺣﺮﻑ ﻳﻨﻄﻘﻪ ﺗﺤﺲ ﺍﻧﻪ ﻳﻬﻤﻬﺎ ﻭﻻﺯﻡ
ﺗﺴﻤﻌﻪ ﺑﻜﻞ ﺣﻮﺍﺳﻬﺎ
._______________________
ﻓﻲ ﺑﻴﺖ ﺍﻟﻨﻮﺧﺬﻩ
ﺍﻟﻜﻞ ﺍﺳﺘﻌﺪ ﻭﺟﻬﺰ ﻭﻟﻴﻠﻰ ﺍﻟﻠﻲ ﺗﻨﺎﻇﺮ ﻧﻔﺴﻬﺎ ﺑﺈﻋﺠﺎﺏ ﻭﺣﺐ ﻋﺪﻟﺖ ﺍﺳﺎﻭﺭﻫﺎ ﺑﻴﺪﻫﺎ ﻭﻋﺪﻟﺖ
ﺷﻌﺮﻫﺎ ﻭﻫﻲ ﺗﺴﻤﻊ ﺍﻣﻬﺎ ﺗﻨﺎﺩﻱ : ﻳﻼ ﻳﺎ ﻟﻴﻠﻰ
ﻃﻠﻌﺖ ﻟﻴﻠﻰ : ﺧﻼﺹ ﻳﻤﻪ ﺧﻠﺼﺖ ﺧﻠﺼﺖ ﻫﺎﻩ ﺷﺮﺍﻳﻜﻢ
ﻣﺮﻳﻢ : ﻭﺍﻱ ﻟﻴﻠﻰ ﺗﻬﺒﻠﻴﻴﻴﻦ ﺑﺴﻢ ﺍﻟﻠﻪ ﻋﻠﻴﭻ
ﺍﻡ ﻧﻬﻴﺎﻥ: ﺣﺼﻨﻲ ﻧﻔﺴﭻ ﻭﺍﻧﺘﻮ ﺷﻴﺨﻪ ﻣﺮﻳﻢ ﺑﻌﺪ ﺗﺤﺼﻨﻮﺍ
ﺷﻴﺨﻪ: ﻳﻤﻪ ﺍﻧﺎ ﻣﺎ ﺑﻄﻮﻝ ﻧﺺ ﺳﺎﻋﻪ ﻭﺍﺭﺩ ﺍﻟﺒﻴﺖ
ﻟﻴﻠﻰ : ﺷﻴﺨﻮﻩ ﺷﻔﻴﭻ ﻟﻴﻪ ﻋﻼﻗﺘﭻ ﻣﻊ ﺍﻟﺤﻔﻼﺕ ﻋﻜﺴﻴﻪ ! ؟ ﺷﻴﺨﻪ : ﻻﻧﻲ ﻣﺎ ﺍﺣﺐ ﺍﻟﻄﻘﻄﻘﻪ
ﻭﺍﻟﻠّﻮﻳﻪ ﻭﺍﻻﺯﻋﺎﺝ
ﺍﻡ ﻧﻬﻴﺎﻥ: ﺧﻠﻮﻧﺎ ﻧﺮﻭﺡ ﻭﻧﺸﻮﻑ
ﻃﻠﻌﻮﺍ ﻣﺘﺠﻬﻴﻦ ﺑﻴﺖ ﺍﻡ ﺳﻌﻮﺩ
._______________________
ﻭﻋﻨﺪ ﺑﺎﺏ ﺍﻡ ﺳﻌﻮﺩ
ﻛﺎﻥ ﺧﻠﻒ ﻭﺍﻗﻒ ﺑﺎﻟﻄﺮﻑ ﺑﻌﻴﺪ ﻭﻫﻮ ﻳﻘﻠﺐ ﺍﻟﻤﺴﺒﺤﻪ ﺑﻴﺪﻩ ﻳﻨﺘﻈﺮﻫﻢ ﻳﺪﺧﻠﻮﻥ ﻟﻜﻦ ﺷﺎﻑ
ﺑﻴﺖ ﺍﻟﻨﻮﺧﺬﻩ ﻳﻨﻔﺘﺢ ﻭﻃﻠﻌﻮﺍ ﻣﻨﻪ 4 ﺣﺮﻳﻢ ﻣﺘﺠﻬﻴﻦ ﺑﻴﺖ ﺍﻡ ﺳﻌﻮﺩ ﺑﻴﻨﻬﻢ ﻟﻴﻠﻰ ﺍﻟﻠﻲ ﻳﻌﺮﻑ
ﻋﻴﻮﻧﻬﺎ ﺍﻟﻠﻲ ﺷﺎﻓﺘﻪ ﻫﺎﻟﻤﺮﻩ ﻭﻛﻞ ﻣﺎﻗﺮﺑﺖ ﺷﺎﻓﺖ ﺍﻧﻪ ﻳﻨﺎﻇﺮ ﻭﺍﺭﺗﺒﻜﺖ ﻭﺗﻌﺜﺮﺕ ﻭﻃﺎﺣﺖ
ﻭﺷﻬﻘﺖ ﺍﻡ ﻧﻬﻴﺎﻥ : ﺑﺴﻢ ﻟﻠﻪ ﻋﻠﻴﭻ
ﻣﺮﻳﻢ: ﻟﻴﻠﻮﻩ ﺷﻮﻓﻲ ﺍﻟﻄﺮﻳﭻ ﻋﻼﻣﭻ ﻃﺎﻳﺮﻩ
ﺍﺭﺗﺒﻜﺖ ﻟﻴﻠﻰ ﻭﻫﻲ ﺗﺤﺎﻭﻝ ﺗﻮﻗﻒ ﻭﺭﻓﻌﺖ ﺍﻣﻬﺎ ﺍﻃﺮﺍﻑ ﺍﻟﻌﺒﺎﻳﻪ ﻋﺸﺎﻥ ﺗﻮﻗﻒ ﻣﺎ ﺗﻌﺜﺮ ﻓﻴﻬﺎ
ﻭﺗﺪﺑﺴﺖ ﻋﻴﻮﻥ ﺧﻠﻒ ﻋﻠﻰ ﺍﺳﻔﻞ ﻓﺴﺘﺎﻧﻬﺎ ﺍﻻﺣﻤﺮ ﻭﺧﻠﺨﺎﻟﻬﺎ
ﻟﻜﻦ ﻧﺰﻟﺖ ﺍﻟﻔﺴﺘﺎﻥ ﺑﺨﻮﻑ ﻭﻫﻲ ﺗﻮﻗﻒ ﺑﺎﺭﺗﺒﺎﻙ ﻭﺻﺪ ﺧﻠﻒ ﻭﻣﺸﻰ ﻭﻫﻮ ﻣﺎﻋﺎﺩ ﻳﺒﻲ ﺍﻱ
ﺻﺪﻓﻪ ﺯﻳﺎﺩﻩ ﻫﻮ ﻣﺎ ﺑﻘﻰ ﺷﻲ ﻣﺎ ﺷﺎﻓﻪ ﻭﺣﺒﻪ
ﺩﺧﻠﻮﺍ ﻭﻟﻴﻠﻰ ﺍﻧﺨﺒﺼﺖ ﻭﺧﺎﻓﺖ ﻣﻦ ﻫﺎﻟﺨﻠﻒ ﺍﻟﻠﻲ ﺑﻜﻞ ﻣﻜﺎﻥ ﻏﻄﻰ ﻟﻮﻥ ﻭﺟﻬﻬﺎ ﻋﻠﻰ ﻟﻮﻥ
ﻓﺴﺘﺎﻧﻬﺎ
ﺷﻴﺨﻪ: ﻟﻴﻠﻰ ﻟﻴﺶ ﻭﻳﻬﭻ ﺍﺣﻤﺮ ! ؟ ﺗﻌﻮﺭﺗﻲ؟؟
ﻟﻴﻠﻰ : ﻻ ﻻ
ﻣﺮﻳﻢ: ﻗﻮﻟﻲ ﺑﺴﻢ ﺍﻟﻠﻪ
ﻗﺮﺑﺖ ﺍﻡ ﺳﻌﻮﺩ ﺗﺴﻠﻢ ﻭﻫﻲ ﺗﺮﺣﺐ ﻓﻴﻬﻢ
._______________________
ﻭﻓﻲ ﺍﻟﺤﻮﺵ ﺍﻟﺪﺍﺧﻠﻲ
ﺍﻟﻜﻞ ﺟﺎﻟﺲ ﻭﺍﻟﺒﻨﺎﺕ ﻣﺠﺘﻤﻌﻴﻦ ﻫﻢ ﻳﻌﺮﻓﻮﻥ ﺑﻌﺾ ﻭﻟﻔﻮﺍ ﻋﻠﻰ ﺩﺧﻮﻝ ﺍﻡ ﻧﻬﻴﺎﻥ ﻭﺑﻨﺎﺗﻬﺎ
ﻭﻭﻗﻒ ﺍﻟﻜﻞ ﻳﺴﻠﻤﻮﻥ
ﻭﻫﻤﺴﺖ ﻣﻀﺎﻭﻱ ﻟﻠﺒﻨﺎﺕ : ﺍﻭﻭﻭﻑ ﻫﺎﻟﻤﺰﺍﻳﻴﻦ ﺟﻴﺮﺍﻧﺎ ﻭﻳﻴﻨﺲ ﻣﺎﺩﺭﻳﺖ ﻋﻨﻬﻢ ﻭﻻ ﻛﻞ ﻳﻮﻡ
ﺍﺳﻴﺮ ﻟﻬﻢ
ﺿﺤﻜﺖ ﻧﺪﻯ : ﺍﺑﺸﺮﻙ ﻳﻘﻮﻝ ﻋﻨﺪﻫﻢ ﻭﻟﺪ ﻳﻤﺪﻳﻚ ﺗﻀﺒﻄﻴﻨﻬﻢ
ﻫﻴﺎ: ﺍﻟﻠﻪ ﻳﻔﺸﻠﻚ ﺍﻧﺘﻲ ﻭﻳﺎﻫﺎ
ﻭﻋﺪ : ﺍﻋﻘﻠﻮﺍ ﻓﻀﺤﺘﻮﻧﺎ !
ﻣﻀﺎﻭﻱ ﺑﻤﺰﺡ : ﻣﺎﻟﻲ ﺩﺧﻞ ﺣﺠﺰﺕ ﺍﺧﻮﻫﻢ
ﺍﻣﺎﻧﻲ ﺑﻀﺤﻚ : ﻳﻘﻮﻝ ﺍﺑﻮﻱ ﻋﻨﺪﻫﻢ ﺑﻌﺪ ﻭﺍﺣﺪ ﻣﺘﺰﻭﺝ ﺍﺫﺍ ﻫﻮ ﻣﺜﻞ ﺧﻮﺍﺗﻪ ﻣﺰﻳﻮﻥ ﺍﻧﺎ
ﺭﺍﺿﻴﻪ ﺍﻛﻮﻥ ﺿﺮﻩ
ﺿﺮﺑﺘﻬﺎ ﺣﻨﺎﻥ : ﺣﺮﺍﻡ ﻋﻠﻴﻚ
ﺍﻣﺎﻧﻲ: ﺍﻣﺰﺡ ﺍﻣﺰﺡ
ﻗﺮﺑﻮﺍ ﻳﺴﻠﻤﻮﻥ ﻭﺍﺑﺘﺴﻤﺖ ﻟﻠﻴﻠﻰ ﻟﻠﺒﻨﺎﺕ ﺍﻟﻤﺒﺘﺴﻤﺎﺕ ﻭﺳﻠﻤﻮﺍ ﺍﻧﺘﻬﻰ ﻣﻄﺎﻓﻬﻢ ﻓﻲ ﺍﻟﺴﻼﻡ
ﻭﻗﺮﺑﺖ ﺍﻡ ﺳﻌﻮﺩ ﺗﺎﺧﺬ ﺍﻡ ﻧﻬﻴﺎﻥ ﻭﺷﻴﺨﻪ ﻟﻤﻜﺎﻥ ﻟﻜﻦ ﻣﺎﻛﻔﻰ ﻟﻴﻠﻰ ﻭﻣﺮﻳﻢ
ﻭﻗﺎﻟﺖ ﻣﻀﺎﻭﻱ ﺑﺒﺘﺴﺎﻣﻪ ﻭﺳﻴﻴﻌﻪ : ﺗﻌﺎﻟﻮﺍ ﻫﻨﺎ ﺣﻴﺎﻛﻢ
ﻣﺮﻳﻢ: ﺍﻟﻠﻪ ﻳﺴﻠﻤﭻ
ﻟﻴﻠﻰ : ﻣﺸﻜﻮﺭﻩ
ﻣﻀﺎﻭﻱ ﺑﻬﻤﺲ : ﻳﻤﻤﻤﻪ ﺑﻤﻮﺕ ﺷﻮﻓﻲ ﺍﻟﻠﻬﺠﻪ ﻣﺎﺷﺎﻓﻮﺍ ﻛﻼﻣﻨﺎ ﺻﺒﻪ ﻣﺎ ﺗﻔﺮﻗﻴﻦ ﺑﻴﻦ ﺭﺟﺎﻝ
ﻭﻣﺮﻩ
ﻋﻬﺪ : ﺍﻟﻠﻪ ﻳﻔﺸﻠﻚ ﻳﺎ ﻣﻀﺎﻭﻱ ﺍﺳﻜﺘﻲ ﺗﻜﻔﻴﻦ
ﺳﺤﺮ : ﻻ ﻳﺴﻤﻌﻮﻧﻚ ﺑﺲ
ﻟﻔﺖ ﺍﻣﺎﻧﻲ ﻟﻬﻢ : ﺣﻴﺎﻛﻢ ﺍﻟﻠﻪ
ﻣﺮﻳﻢ: ﺍﻟﻠﻪ ﻳﺤﻴﻚ
ﻫﻴﺎ : ﻣﺎﺷﺎﺀ ﺍﻟﻠﻪ ﻣﻦ ﺯﻣﺎﻥ ﻧﺴﻤﻊ ﻋﻦ ﺟﻴﺮﺍﻧﺎ ﺍﻟﻜﻮﻳﺘﻴﻦ ﻣﺎ ﺣﺼﻠﺖ ﻟﻨﺎ ﺍﻟﻔﺮﺻﻪ ﻧﺸﻮﻓﻜﻢ
ﻟﻴﻠﻰ : ﺗﻮﻫﺎ ﺷﺎﺀﺕ ﺍﻻﻗﺪﺍﺭ
ﻣﻀﺎﻭﻱ: ﺻﺎﺩﻗﻪ ﻭﺍﻟﻠﻪ
ﻭﻋﺪ : ﻭﺗﺸﺮﻓﻨﺎ ﻓﻴﻜﻢ ﻭﺍﻟﻠﻪ
ﻟﻴﻠﻰ : ﻟﻨﺎ ﺍﻟﺸﺮﻑ
ﻛﺎﻧﻮﺍ ﻭﺩﻫﻢ ﻳﺴﻮﻟﻔﻮﻥ ﻣﺴﺘﺤﻴﻦ ﻣﻦ ﺑﻌﺾ
ﻋﻬﺪ : ﺣﻨﺎ ﺟﻴﺮﺍﻧﻜﻢ ﺑﻴﺖ ﺍﻟﻘﺎﻳﺪ ﻓﻲ ﺍﻭﻝ ﺍﻟﺤﺎﺭﻩ ﺻﺢ ﺑﻌﻴﺪ ﺷﻮﻱ ﻟﻜﻦ ﺍﻥ ﺷﺎﺀ ﺍﻟﻠﻪ ﺗﺠﻮﻧﺎ
ﻭﻧﺠﻴﻜﻢ
ﻫﻤﺴﺖ ﺳﺤﺮ : ﻛﺜﺮﻱ ﻣﻨﻬﺎ ﻧﺠﻴﻬﻢ ﻭﺍﻟﻠﻪ ﻋﻘﺎﺏ ﻳﺬﺑﺤﻨﺎ
ﻋﻬﺪ: ﻧﻠﻤﻊ ﺍﻟﺼﻮﺭﻩ ﻗﺪﺍﻡ ﺍﻟﻨﺎﺱ
ﻣﺮﻳﻢ: ﺍﻥ ﺷﺎﺀ ﺍﻟﻠﻪ ﻟﻜﻦ ﺍﻧﺎ ﺿﻴﻔﻪ ﻛﻼﻣﻜﻢ ﻣﻊ ﻟﻴﻠﻰ
ﻟﻔﻮﺍ ﻭﻗﺎﻟﺖ ﻟﻴﻠﻰ ﺑﺒﺘﺴﺎﻣﻪ: ﺍﻧﺎ ﻟﻴﻠﻰ ﻭﻫﺎﺫﻱ ﻣﺮﻳﻢ ﺯﻭﺟﺔ ﺍﺧﻮﻱ
ﺍﻣﺎﻧﻲ ﺑﻬﻤﺲ : ﺍﻓﺎﺍﺍ ﺿﺮﺗﻲ ﻳﺎ ﺑﻨﺎﺕ
ﺿﺤﻜﻮﺍ ﺑﻬﻤﺲ ﻗﺎﻟﺖ ﻭﻋﺪ ﺗﻐﻄﻲ ﺍﻟﻔﻀﻴﺤﻪ : ﺍﻧﺎ ﻭﻋﺪ ﻭﻫﺬﻭﻻ ﺧﻮﺍﺗﻲ ﻧﺪﻯ ﻭﺍﻣﺎﻧﻲ
ﻭﺟﺪﺍﻥ ﻭﺣﻨﺎﻥ
ﻭﻫﺎﺫﻱ ﻋﻤﺘﻲ ﻣﻀﺎﻭﻱ ﻭﻋﻤﺘﻲ ﻫﻴﺎ
ﻭﺑﻨﺎﺕ ﻋﻤﻲ ﺳﺤﺮ ﻭﺷﻬﺪ ﻭﻋﻬﺪ
ﻟﻴﻠﻰ : ﻣﺎﺷﺎﺀ ﺍﻟﻠﻪ
ﻣﺮﻳﻢ: ﻭﺍﻧﺘﻢ ﻛﻠﻜﻢ ﺑﻨﺎﺕ ﺍﻟﻘﺎﻳﺪ ! ؟
ﻣﻀﺎﻭﻱ : ﻻ ﺍﻧﺎ ﻭﻫﻴﺎ ﺑﻨﺎﺕ ﺍﻟﻘﺎﻳﺪ ﻧﻔﺴﻪ ﻭﻭﻋﺪ ﺧﻮﺍﺗﻬﺎ ﺑﻨﺎﺕ ﺍﺧﻮﻱ ﺍﺑﻮ ﺧﻠﻒ ﻭﺳﺤﺮ
ﻭﺧﻮﺍﺗﻬﺎ ﺑﻨﺎﺕ ﺍﺧﻮﻱ ﺍﺑﻮ ﻋﻘﺎﺏ
ﺗﻜﻬﺮﺑﺖ ﻟﻴﻠﻰ ﻭﻫﻲ ﺗﻘﻮﻝ ﺑﻨﻔﺴﻬﺎ‏( ﻻﻳﻜﻮﻥ ﺧﻮﺍﺕ ﺍﻟﻤﺠﻨﻮﻥ ﺍﻟﻠﻲ ﻋﻨﺪ ﺍﻟﺒﺎﺏ ! ؟ ﺍﻟﻠﻪ ﻳﺴﺘﺮ
ﻣﺎﻏﻴﺮﻩ ﺧﻠﻒ ﺍﻟﻘﺎﻳﺪ ﺷﻬﺎﻟﻘﺮﺍﺩﻩ ﻳﺎﺭﺑﻲ‏)
ﻣﺮﻳﻢ: ﻣﺎﺷﺎﺀﻟﻠﻪ ﺍﻟﻠﻪ ﻳﺨﻠﻴﻜﻢ ﻟﺒﻌﺾ
ﺍﻟﻜﻞ: ﺍﻣﻴﻦ
ﻣﻀﺎﻭﻱ : ﻫﺎﺫﻳﻚ ﻣﻴﻦ ! ؟ ﻟﻔﻮﺍ ﻳﻨﺎﻇﺮﻭﻥ ﺷﻴﺨﻪ ﻭﻗﺎﻟﺖ ﻟﻴﻠﻰ : ﻫﺎﺫﻱ ﺷﻴﺨﻪ ﺍﺧﺘﻲ ﻭﻣﻌﻬﺎ
ﺍﻣﻲ
ﻣﻀﺎﻭﻱ : ﻣﺎﺷﺎﺀ ﺍﻟﻠﻪ
ﺳﻜﺘﻮﺍ ﻭﺍﺭﺟﻌﻮﺍ ﻭﻗﺎﻟﺖ ﺣﻨﺎﻥ: ﻛﻴﻒ ﺍﻟﺴﻌﻮﺩﻳﻪ ﻣﻌﻜﻢ ! ﻣﺮﺗﺎﺣﻴﻦ
ﻟﻴﻠﻰ : ﺣﻠﻮﻭﻭﻩ ﺣﻴﻴﻞ ﺍﻧﺎ ﺻﺮﺍﺣﻪ ﺍﺣﺒﻬﺎ ﻟﻜﻦ ﻫﻢ ﻧﺤﺐ ﺍﻟﻜﻮﻳﺖ ﺍﻛﺜﺮ
ﻭﻋﺪ : ﺍﻳﻪ ﻣﺎﻓﻴﻪ ﺯﻱ ﺍﻟﻮﻃﻦ ﺑﺲ ﺍﻟﺴﻌﻮﺩﻳﻪ ﺩﻳﺮﺗﻜﻢ ﺍﻟﺜﺎﻧﻴﻪ
ﻣﺮﻳﻢ: ﺑﺎﻟﻨﺴﺒﻪ ﻟﻲ ﻧﺠﻲ ﻳﻮﻣﻴﻦ ﻫﻨﻴﻪ ﻟﻜﻦ ﺍﻣﻮﺕ ﻣﻦ ﺍﻟﺸﻮﻕ ﻟﻠﻜﻮﻳﺖ ﻣﺎﻧﻲ ﻣﺘﻌﻮﺩﻩ
ﺑﺪﺕ ﺍﻟﺴﻮﺍﻟﻒ ﺍﻟﺮﻭﺗﻴﻴﻨﻴﻪ ﻭﻛﻞ ﻭﺣﺪﻩ ﺗﺤﺎﻭﻝ ﺗﺘﻌﺮﻑ ﻋﻠﻰ ﺍﻟﺜﺎﻧﻴﻪ
._______________________
ﻓﻲ ﺍﻟﺴﻮﻕ
ﻛﺎﻥ ﺧﻠﻒ ﻳﻤﺸﻲ ﻣﻊ ﻧﺎﺩﺭ ﻭﻧﺎﺩﺭ ﻳﺴﻮﻟﻒ ﻭﻳﻌﻠﻖ ﻭﻳﻘﻠﺐ ﻭﺧﻠﻒ ﺳﺎﺍﺍﻫﻲ ﻭﻓﺠﺄﻩ ﺿﺮﺑﻪ
ﻧﺎﺩﺭ: ﺧﻴﻴﻴﺮ ﺍﺳﻮﻟﻒ ﻣﻊ ﻧﻔﺴﻲ
ﺧﻠﻒ : ﺍﺳﻤﻌﻚ
ﻧﺎﺩﺭ: ﻛﺬﺍﺏ ! ﺧﻠﻴﻒ ﺗﺮﺍﻱ ﺍﻋﺮﻓﻚ ﻟﻚ ﺍﻳﺎﻡ ﻣﺎ ﺍﻧﺖ ﻃﻴﺐ
ﺧﻠﻒ : ﻻ ﺗﻜﺒﺮ ﺍﻟﻤﻮﺿﻮﻉ ﺳﻬﻴﺖ ﺷﻮﻱ
ﻧﺎﺩﺭ : ﻭﺵ ﻣﺸﻐﻞ ﺑﺎﻟﻚ ﻗﻠﻲ
ﻛﺎﻥ ﺧﻠﻒ ﻳﻨﻜﺮ ﻭﻳﺼﺮﻑ ﻧﻔﺴﻪ ﻟﻜﻦ ﻧﺎﺩﺭ ﻣﺼﺮ ﻭﺭﺣﻢ ﺍﻟﻠﻪ ﺧﻠﻒ ﺑﺠﻴﺔ ﺿﺎﺭﻱ ﺍﻟﻠﻲ ﺷﺎﻓﻪ
ﻣﻦ ﺑﻌﻴﺪ ﺍﻗﺒﻞ ﻳﺴﻠﻢ ﻋﻠﻴﻪ
ﺧﻠﻒ : ﻧﺎﺩﺭ ﻫﺬﺍ ﺿﺎﺭﻱ ﺣﻜﻴﺖ ﻟﻚ ﻋﻨﻪ ﻭﺿﺎﺭﻱ ﻫﺬﺍ ﺭﻓﻴﻖ ﻋﻤﺮﻱ ﻧﺎﺩﺭ
ﻣﺪ ﻳﺪﻩ ﺿﺎﺭﻱ ﻳﺴﻠﻢ ﻋﻠﻰ ﻧﺎﺩﺭ ﺑﺤﺮﺍﺭﻩ: ﻳﺎ ﻫﻼ ﻭﺍﻟﻠﻪ ﺗﺸﺮﻓﺖ ﻓﻴﻚ ﻳﺎ ﻧﺎﺩﺭ
ﻧﺎﺩﺭ: ﺍﻟﺸﺮﻑ ﻟﻲ
ﺿﺎﺭﻱ : ﻛﻴﻔﻚ ﻭﺍﺧﺒﺎﺭﻙ ﻭﻋﻠﻮﻣﻚ
ﺍﺑﺘﺴﻢ ﻧﺎﺩﺭ ﺑﺎﺳﺘﻐﺮﺍﺏ: ﺑﺨﻴﺮ ﺍﻧﺖ ﻭﺷﻠﻮﻧﻚ
ﺿﺎﺭﻱ : ﺑﺨﻴﺮ ، ﺩﺍﻣﻜﻢ ﺗﺠﻤﻌﺘﻮﺍ ﺣﻠﻔﺖ ﺍﻻ ﺗﺠﻮﻥ ﻣﻌﻲ ﻭﺍﻗﻬﻮﻳﻜﻢ
ﺧﻠﻒ : ﻻ ﻳﺎﺭﺟﺎﻝ ﻣﻜﺜﻮﺭ ﺧﻴﺮﻙ ﻭﺍﻟﻠﻠﻪ ﻣﺴﺘﻌﺠﻠﻴﻦ
ﺿﺎﺭﻱ : ﻻ ﻭﺍﻟﻠﻪ ﻭﺍﻟﻠﻪ
ﻧﺎﺩﺭ ﻗﺒﻞ ﻳﺤﻠﻒ ﺿﺎﺭﻱ ﻗﺎﻝ: ﻳﺎﺭﺟﺎﻝ ﻭﺍﻟﻠﻪ ﻣﺴﺘﻌﺠﻠﻴﻦ
ﺿﺎﺭﻱ ﺑﺴﺆﺍﻝ ﺑﺤﺴﻦ ﻧﻴﻪ ﻭﻛﺄﻧﻪ ﻣﻦ ﺳﻨﻴﻦ ﻳﻌﺮﻓﻬﻢ : ﻭﺵ ﻣﻌﺠﻠﻜﻢ ! ؟
ﺧﻠﻒ ﺍﺑﺘﺴﻢ: ﻧﺎﺩﺭ ﻋﻠﻰ ﻭﺟﻬﻪ ﺯﻭﺍﺝ ﻭﻳﺠﻬﺰ ﻟﺒﻴﺘﻪ
ﺿﺎﺭﻱ ﺑﻔﺮﺡ : ﻣﺎﺷﺎﺀ ﺍﻟﻠﻪ ﻣﺒﺮﻭﻙ ﻣﺒﺮﻭﻙ ﻭﺍﻟﻠﻪ ﻳﺒﺎﺭﻙ ﻟﻚ
ﻧﺎﺩﺭ: ﺍﻟﻠﻪ ﻳﺒﺎﺭﻙ ﻓﻴﻚ
ﺿﺎﺭﻱ : ﻫﺎﻩ ﺍﻣﺮﻭﻧﻲ ﺗﺒﻮﻥ ﻓﺰﻋﻪ ﺷﻲ ﺗﺮﺍﻱ ﺍﻋﻴﻴﻦ ﻭﺍﻋﺎﻭﻥ
ﺿﺤﻚ ﺧﻠﻒ ﺍﻟﻠﻲ ﺻﺎﺭ ﻳﻌﺮﻑ ﻃﺮﻳﻘﺔ ﺿﺎﺭﻱ ﺑﺲ ﻧﺎﺩﺭ ﻣﻔﺠﻮﻉ ﻣﻦ ﺩﺧﻠﺖ ﺿﺎﺭﻱ ﺍﻟﺴﺮﻳﻌﻪ
: ﻻ ﻭﺍﻟﻠﻪ ﻣﺸﻜﻮﺭ
ﺿﺎﺭﻱ : ﻻ ﺗﺴﺘﺤﻲ ﺍﻧﺖ ﻣﺜﻞ ﺍﺧﻮﻙ
ﻧﺎﺩﺭ: ﺗﺴﻠﻢ ﻭﺍﻟﻠﻪ
ﺧﻠﻒ : ﺍﻧﺖ ﻭﻳﻦ ﺭﺍﻳﺢ ! ؟
ﺿﺎﺭﻱ : ﺍﺑﺪ ﻭﺻﻠﺖ ﺍﻣﻲ ﻋﻨﺪ ﺍﺣﺪ ﺍﻟﺤﺮﻳﻢ ﻭﺍﺣﺘﺮﻳﻬﺎ ﺗﺨﻠﺺ ﻭﺍﺧﺬﻫﺎ
ﺧﻠﻒ ﺍﺑﺘﺴﻢ : ﺍﻟﻠﻪ ﻳﺨﻠﻴﻚ ﻟﻬﺎ ﻭﻳﺨﻠﻴﻬﺎ ﻟﻚ
ﺭﻓﻊ ﻳﺪﻳﻨﻪ ﺿﺎﺭﻱ ﺑﺤﺐ : ﻳﺎﻟﻠﻪ ﻳﺎﺭﺏ ﻭﻳﺨﻠﻲ ﻟﻚ ﻣﻦ ﺗﺤﺐ
ﺧﻠﻒ : ﻃﻴﺐ ﺗﺨﺎﻭﻳﻨﺎ ! ؟
ﺿﺎﺭﻱ : ﻣﺎﺑﻲ ﺍﺛﻘﻞ ﻋﻠﻴﻜﻢ
ﻧﺎﺩﺭ ﺑﺎﺳﺘﻬﺰﺍﺀ ﻓﻲ ﺧﻠﻒ : ﻻ ﻭﺍﻟﻠﻪ ﻣﺎ ﺍﻧﺖ ﻣﺜﻘﻞ ﻋﻠﻰ ﺍﻻﻗﻞ ﺗﺮﺩ ﺍﻟﺼﻮﺕ ﻋﻠﻲ
ﺿﺤﻚ ﺧﻠﻒ : ﺗﻌﺎﻝ ﺗﻌﺎﻝ
ﺩﺧﻞ ﻣﻌﻬﻢ ﺿﺎﺭﻱ ﺍﻟﻠﻲ ﺍﺛﺒﺖ ﺻﻮﺗﻪ ﻭﻛﻠﻤﺘﻪ ﻓﻲ ﻫﺎﻟﺮﻭﺣﻪ ﻭﺍﺷﻐﻞ ﺧﻠﻒ ﻋﻠﻰ ﻟﻴﻠﻰ
._______________________

*ـــــــ(((رابط قناتنا بالتلجرام @ahgeel )))ـــــــ*
*, #ﺃلى_هنا_اقفل_ﺣﺪﻳﻘﺘﻲ_ال4*
*📚 #يتبع👇🏻💜*

لاتنسواااا متابعة صفحتي على الواتباد

شاركنــا رأيك بالجزء ...
ولاتنسوووا التصويت والتعليق ...