رواية عزاي انك رجاي العذب لو كل الدروب عثور / أديم الراشد

رواية عزاي انك رجاي العذب لو كل الدروب عثور للكاتبة أديم الراشد الجزء الخامس

*ـــــــــــــــــــــــــــــــــــــــــــــــــ*
*((, #ﻋﺰﺍﻱ_ﺇﻧﻚ_ﺭﺟﺎﻱ_ﺍﻟﻌﺬﺏ_ﻟﻮ_ﻛﻞ_ﺍﻟﺪﺭﻭﺏ_ﻋﺜﻮﺭ💙))*

*(( #الحديقة_الخامسة))*
*ــــــــــــــــــــــــــــــــــ*

لاتنسواااا متابعة صفحتي على الواتباد

ﻭﻓﻲ ﺍﻟﺤﻔﻞ
ﺑﺪﺕ ﻋﻼﻗﺔ ﺍﻟﺒﻨﺎﺕ ﺗﺎﺧﺬ ﻣﺠﺮﻯ ﺍﻟﻀﺤﻚ ﻭﺍﻟﺴﻮﺍﻟﻒ ﻭﺍﻟﺮﻗﺺ ﻭﺩﺧﻠﺖ ﻟﻴﻠﻰ ﻣﻌﻬﻢ ﻭﻫﻲ
ﺗﺸﺎﺭﻛﻬﻢ ﺑﻜﻞ ﺷﻲ
ﻣﻀﺎﻭﻱ ﺑﻬﻤﺲ : ﻭﺣﺪﻩ ﺗﻘﻮﻡ ﺗﺮﻗﺺ ﻣﻌﻲ
ﻧﺪﻯ: ﻣﺎﻓﻴﻨﻲ ﺣﻴﻞ ﺗﻌﺒﺖ
ﺍﻣﺎﻧﻲ: ﻣﺎﺑﻲ ﻳﻔﻮﺗﻨﻲ ﺍﻟﺤﻼ
ﻣﻀﺎﻭﻱ : ﺣﺴﺒﻲ ﺍﻟﻠﻪ ﻋﻠﻴﻚ ﻳﺎ ﺑﻄﻴﻨﻴﻪ
ﻋﻬﺪ: ﺍﻛﺮﻫﻪ ﺫﺍ ﺍﻻﻏﻨﻴﻪ
ﻣﻀﺎﻭﻱ: ﺣﺴﺒﻲ ﻟﻠﻪ ﻋﻠﻴﻜﻢ ﻣﻦ ﺑﻨﺎﺕ ﺍﺧﻮﺍﻥ
ﺳﺤﺮ : ﻭﺍﻧﺎ ﻣﺎ ﺍﺣﺐ ﺍﺭﻗﺺ ﺗﻌﺮﻓﻴﻨﻲ
ﻟﻴﻠﻰ : ﺍﻟﻠﻪ ﻳﺴﺎﻣﺤﭻ ﻣﻦ ﻣﺎﻳﺤﺐ ﺍﻟﺮﻗﺺ
ﺷﻬﺪ: ﺳﺤﺮ ﻋﻨﺪﻫﺎ ﻋﻘﺪﻩ ﻣﻦ ﺍﻟﺮﻗﺺ
ﻣﻀﺎﻭﻱ: ﻓﻜﻮﻧﻲ ﻣﻦ ﻋﻘﺪﺗﻬﺎ ﺍﻟﺤﻴﻦ ﺭﺍﺣﺖ ﺍﻻﻏﻨﻴﻪ
ﻟﻴﻠﻰ : ﻗﻮﻣﻲ ﺍﻧﺎ ﺍﺭﻗﺺ ﻭﻳﺎﭺ
ﻣﻀﺎﻭﻱ ﺑﻤﺰﺡ ﻭﺿﺤﻚ : ﻛﻔﻮ ﺑﻨﺖ ﺍﻟﭽﻮﻳﺖ
ﻋﻬﺪ: ﻓﺸﻠﺘﻴﻨﺎ
ﻟﻴﻠﻰ : ﺧﻠﻴﻬﺎ ﻋﺎﺩﻱ
ﻭﻗﻔﺖ ﻣﻀﺎﻭﻱ ﻭﻟﻴﻠﻰ ﻳﺮﻗﺼﻮﻥ ﻭﻋﺠﺰﺕ ﻣﻀﺎﻭﻱ ﺗﺠﺎﺭﻱ ﻟﻴﻠﻰ ﻓﻲ ﺭﻗﺼﻬﺎ ﺍﻟﻠﻲ ﻛﺎﻥ ﻓﻨﺎﻥ
ﻭﻣﺤﺘﺮﻓﻪ ﻓﻴﻪ ﻓﻌﻼً ﺗﺨﻠﻲ ﺍﻟﻜﻞ ﻳﻨﺎﻇﺮﻫﺎ ﺍﻧﺴﺤﺒﺖ ﻣﻀﺎﻭﻱ ﻭﺧﻠﺘﻬﺎ ﺗﺘﻤﺎﻳﻞ ﻋﻠﻰ ﺃﻟﺤﺎﻥ
ﺍﻻﻏﻨﻴﻪ ﺑﻠﺤﺎﻟﻬﺎ ﻭﻟﻴﻠﻰ ﺍﻟﻠﻲ ﻋﺸﺎﺕ ﺟﻮﻫﺎ ﻭﺍﻟﻜﻞ ﻳﺼﻔﻖ ﻭﻳﻨﺎﻇﺮﻫﺎ
ﻭﺍﻧﺘﻬﺖ ﺍﻻﻏﻨﻴﻪ ﻭﺭﺟﻌﺖ ﻟﻴﻠﻰ ﻣﺘﻔﺸﻠﻪ ﻭﻫﻲ ﺗﻀﺮﺏ ﻣﻀﺎﻭﻱ ﺑﺨﻔﻪ: ﺷﻔﻴﭻ ﺭﺣﺘﻲ ﺧﻠﻴﺘﻲ
ﻭﺍﻧﺎ ﺍﺭﻗﺺ ﻣﺜﻞ ﺍﻟﺨﺒﻠﻪ
ﻣﻀﺎﻭﻱ ﺑﻀﺤﻚ : ﻣﺎﻋﻨﺪﻱ ﺍﺑﺪﺍﻋﻚ ﻭﺍﻟﻠﻪ ﺍﺳﺘﺤﻴﺖ ﻋﻠﻰ ﻭﺟﻬﻬﻲ
ﺿﺤﻜﺖ ﻟﻴﻠﻰ ﻭﻗﺎﻟﺖ ﻣﺮﻳﻢ : ﻣﺎﻋﻠﻴﭻ ﻣﻨﻬﺎ ﻫﻲ ﺩﺍﻳﻤﺎً ﺗﺮﻗﺺ ﺑﺮﻭﺣﻬﺎ
ﻭﺟﺪﺍﻥ : ﺗﺤﺒﻴﻴﻦ ﺍﻟﺮﻗﺺ ﺣﻴﻞ ﺷﻜﻠﻚ
ﻟﻴﻠﻰ : ﺍﻳﻴﻪ ﺍﺣﺐ ﺍﺭﻗﺺ ﻭ ﺍﻏﻨﻲ ﻭﻛﻞ ﺷﻲ ﺣﻠﻮ ﺑﺎﻟﺤﻴﺎﻩ ﺍﺣﺒﻪ
ﺍﻣﺎﻧﻲ : ﺍﻟﻠﻪ ﻳﻌﻨﻲ ﺻﻮﺗﻚ ﺣﻠﻮ
ﻣﺮﻳﻢ: ﻭﺍﺯﻳﺪﭺ ﻣﻦ ﺍﻟﺸﻌﺮ ﺑﻴﺖ ﺗﺪﻕ ﺍﻟﻌﻮﺩ ﻭﺗﻐﻨﻲ
ﺷﻬﻘﻮﺍ ﺍﻟﺒﻨﺎﺕ ﻭﺳﺤﺒﺘﻬﺎ ﻣﻀﺎﻭﻱ ﺑﻤﺰﺡ : ﺗﻜﻔﻴﻴﻴﻦ ﺗﻌﺎﻟﻲ ﻋﻴﺸﻲ ﻣﻌﻨﺎ
ﺿﺤﻜﺖ ﻟﻴﻠﻰ : ﻭﺍﻟﻠﻪ ﺍﻧﺎ ﻣﺎﻋﻨﺪﻱ ﻣﺎﻧﻊ
ﺍﻣﺎﻧﻲ: ﻻ ﻭﺍﻟﻠﻪ ﺗﻌﺎﻟﻲ ﻋﻨﺪﻧﺎ ﺍﻧﺎ ﺍﻧﺴﺎﻧﻪ ﻃﺮﺑﻴﻪ ﺍﺣﺐ ﺍﻟﻄﺮﺏ ﺍﺑﻲ ﺍﻧﺴﺎﻧﻪ ﺗﺸﺎﺭﻛﻨﻲ
ﺍﻫﺘﻤﺎﻣﺎﺗﻲ ﺍﻧﺎ ﻣﻈﻠﻮﻣﻪ ﻓﻲ ﺑﻴﺘﻨﺎ ﻟﺤﺎﻟﻲ
ﻭﻋﺪ : ﺣﺮﺍﻡ ﻋﻠﻴﻚ ﺟﺤﺪﺗﻲ ﺧﻠﻒ ﺍﻟﻤﺴﻜﻴﻦ ﻫﻮ ﺍﻛﺜﺮ ﻭﺍﺣﺪ ﻳﺪﻋﻤﻚ ﻓﻲ ﺫﺍ ﺍﻟﻤﻮﺿﻮﻉ
ﺿﺤﻜﺖ ﺍﻣﺎﻧﻲ: ﺻﺎﺩﻗﻪ ﻭﺍﻟﻠﻪ
ﻋﻬﺪ: ﻻ ﺗﻜﻔﻴﻦ ﺣﻨﺎ ﺑﻴﺘﻨﺎ ﺧﺎﻟﻲ ﻣﻦ ﺍﻟﺤﺲ ﺍﻟﻔﻨﻲ ﻧﺒﻲ ﺍﺣﺪ ﻳﻨﻌﺸﻨﺎ
ﻣﺮﻳﻢ: ﺧﻠﻒ ﺍﺧﻮﻛﻢ ! ؟
ﻭﻋﺪ : ﺍﻳﻪ ﺍﺧﻮﻧﺎ ﺍﻟﻜﺒﻴﺮ
ﻣﺮﻳﻢ: ﻣﺎﺷﺎﺀ ﺍﻟﻠﻪ ﻣﺘﺰﻭﺝ ! ؟
ﺣﻨﺎﻥ ﺑﺒﺘﺴﺎﻣﻪ: ﻻﺍ ﺧﺎﻃﺐ ﺳﺤﺮ ﺑﻨﺖ ﻋﻤﻲ
ﻟﻔﻮﺍ ﻟﺴﺤﺮ ﺍﻟﻠﻲ ﺍﺑﺘﺴﻤﺖ ﺑﺤﺐ ﻭﺍﻟﻜﻞ ﻳﻨﺎﻇﺮﻫﺎ
ﻣﺮﻳﻢ: ﻣﺎﺷﺎﺀ ﺍﻟﻠﻪ ﺯﻳﻴﻴﻦ ﻣﺎ ﺍﺧﺘﺎﺭ
ﺍﻣﺎ ﻟﻴﻠﻰ ﻛﺄﻥ ﺍﺣﺪ ﺿﺮﺑﻬﺎ ﻛﻒ ‏( ﻋﻤﻰ ﺑﻌﻴﻴﻴﻨﻪ ﻫﺎﻟﻠﻲ ﻣﺎﻳﺴﺘﺤﻲ ﺍﺑﻮ ﻋﻴﻦ ﺯﺍﻳﻐﻪ ! ؟ ﻫﺬﺍ
ﻭﻫﻮ ﺧﺎﻃﺐ ﺍﻟﻠﻪ ﻳﻔﺸﻠﻚ ﻳﺎ ﺷﻴﺦ ﺣﺮﺍﻡ ﻓﻴﻚ ﻫﺎﻟﺬﻫﺒﻪ‏)
ﻛﺎﻧﺖ ﻟﻴﻠﻰ ﻣﺎ ﺗﻌﺮﻑ ﺧﻠﻒ ﺍﻻ ﺑﻬﺎﻟﺼﺪﻑ ﻭﺍﻟﺤﻘﻴﻘﻪ ﺍﻥ ﺧﻠﻒ ﻃﻮﻝ ﻋﻤﺮﻩ ﻭﻫﻮ ﺍﻧﺴﺎﻥ
ﻳﻐﺾ ﺍﻟﺒﺼﺮ ﻭﻻ ﻳﺤﺐ ﻳﻨﺎﻇﺮ ﺍﻟﺤﺮﻳﻢ ﻟﻜﻦ ﻣﻦ ﻳﻮﻡ ﺷﺎﻑ ﺑﻨﺖ ﺍﻟﻨﻮﺧﺬﻩ ﺍﻧﻬﺒﻞ ﻣﺎﻋﺎﺩ ﻳﻘﺪﺭ
ﻳﻨﺰﻝ ﻋﻴﻮﻧﻪ ﻋﻨﻬﺎ ﺍﺑﺪ
ﻛﻤﻠﻮﺍ ﺍﻟﺤﻔﻞ ﻭﺍﻟﺒﻨﺎﺕ ﻳﻌﺰﻣﻮﻥ ﻟﻴﻠﻰ ﻭﻫﻲ ﺗﻌﺰﻣﻬﻢ ﻭﻣﺒﺴﻮﻃﻴﻦ ﻓﻲ ﺑﻌﺾ ﺣﻴﻴﻴﻞ
._______________________
ﻭﻓﻲ ﺍﻟﻠﻴﻞ ﻓﻲ ﺑﻴﺖ ﺍﺑﻮ ﺧﻠﻒ
ﺭﺟﻊ ﺧﻠﻒ ﻣﻬﺪﻭﺩ ﺣﻴﻠﻪ ﻣﻦ ﻟﻒ ﺍﻟﺴﻮﻕ ﻭﺍﻟﻬﻮﺍﺵ ﻣﻊ ﻧﺎﺩﺭ ﻭﺿﺎﺍﺭﻱ
ﺍﻧﺴﺪﺡ ﺑﺎﻟﺤﻮﺵ ﻭﻫﻮ ﻳﻨﺎﺩﻱ : ﻭﺟﺪﺍﺍﺍﻥ
ﻃﻠﻌﺖ ﻭﺟﺪﺍﻥ ﺗﺮﻛﺾ : ﺧﻠﻒ ﺟﻴﻴﻴﺖ
ﺧﻠﻒ : ﺍﻳﻪ ﻟﻴﻪ ﻭﺵ ﺗﺒﻴﻦ ! ؟؟
ﻭﺟﺪﺍﻥ : ﺍﺑﻴﻚ ﺗﻨﻘﺬﻧﻲ ﻣﻦ ﻛﺮﻑ ﺍﻟﻤﻄﺒﺦ
ﺿﺤﻚ ﺧﻠﻒ : ﺍﺑﺪ ﺑﻨﻘﺬﻙ ﻟﻜﻦ ﺍﺑﻲ ﺗﻬﻤﺰﻳﻨﻲ
ﻭﺟﺪﺍﻥ : ﺑﺮﺳﻢ ﺍﻟﺨﺪﻣﻪ
ﻧﺰﻟﺖ ﻭﻋﺪ ﻣﻦ ﻓﻮﻕ : ﻭﺟﺪﺍﻥ ﺧﻠﺼﺘﻲ ! ؟؟
ﺭﻛﻀﺖ ﻭﺟﺪﺍﻥ ﺗﺠﻠﺲ ﻭﺭﺍ ﻇﻬﺮ ﺧﻠﻒ : ﻻ ﺧﻠﻒ ﻳﺒﻴﻨﻲ ﺍﻫﻤﺰﻩ
ﺍﺷﺮ ﺧﻠﻒ ﻟﻮﻋﺪ ﺑﻀﺤﻚ : ﺧﻠﻴﻬﺎ ﻋﺸﺎﻧﻲ ﺍﻟﻴﻮﻡ
ﻭﻋﺪ : ﺯﻳﻦ ﺯﻳﻦ ﻧﺘﻔﺎﻫﻢ
ﻃﻠﻌﺖ ﺣﻨﺎﻥ: ﺟﻴﺖ ﻭﺟﺎﺑﻚ ﺍﻟﻠﻪ ﺗﻮﻧﻲ ﻣﺴﻮﻳﻪ ﻗﻬﻮﻩ ﻳﺤﺒﻬﺎ ﻗﻠﺒﻚ
ﺧﻠﻒ : ﺣﻤﺪﻟﻠﻪ ، ﻭﻳﻦ ﺍﻣﻲ ﻭﻋﻤﺘﻲ !
ﻭﻋﺪ : ﻳﺸﺎﺭﻛﻮﻥ ﺟﺪﺗﻲ ﻭﺍﻡ ﻣﻤﺪﻭﺡ ﻓﺎﻻﺳﺘﺪﻳﻮ ﺍﻟﺘﺤﻠﻴﻠﻲ
ﺩﻕ ﺍﻟﺒﺎﺏ ﺍﻟﻔﺎﺻﻞ ﻭﺭﻛﺾ ﻏﻴﺚ ﻳﻔﺘﺢ ﻭﻛﺎﻧﺖ ﻣﻀﺎﻭﻱ : ﺳﺎﻋﻪ ﺗﻔﺘﺤﻮﻥ
ﺧﻠﻒ : ﻭﺵ ﻓﻴﻚ ﺍﻧﺘﻲ
ﻣﻀﺎﻭﻱ : ﺍﻧﻔﺠﺮ ﺭﺍﺳﻲ ﻣﻦ ﻃﻠﺒﺎﺕ ﺍﻡ ﻣﻤﺪﻭﺡ ﻭﺳﺤﺒﺖ ﻋﻠﻴﻬﺎ ﻭﺟﻴﺖ
ﺧﻠﻒ : ﻻ ﺣﻮﻭﻭﻝ ﺍﻗﻮﻝ ﻭﺭﺍ ﻣﺎ ﺗﻀﺒﻄﻴﻦ ﻭﺿﻌﻚ ﻣﻌﻬﺎ ﻳﻤﻜﻦ ﺗﺰﻭﺟﻚ ﻭﻟﺪﻫﺎ ﻭﻧﻔﺘﻚ
ﻣﻀﺎﻭﻱ ﺑﻤﺰﺡ : ﻣﻦ ﺯﻳﻦ ﻭﻟﺪﻫﺎ ﺍﺑﻮ ﺭﺍﺱ ﻣﺮﺑﻊ ﻣﺎ ﺍﺑﻴﻴﻪ ﺍﻧﺎ ﺍﺗﻄﻠﻊ ﻟﻤﺴﺘﻘﺒﻞ ﺩﻭﻟﻲ ﻭﺯﺍﻫﺮ
ﺿﺤﻜﻮﺍ ﺍﻟﺒﻨﺎﺕ ﻳﻌﺮﻓﻮﻥ ﻗﺼﺪﻫﺎ ﻭﻟﻒ ﺧﻠﻒ : ﺍﺣﻠﻰ ﻳﺎ ﺩﻭﻟﻲ ﻭﻣﻦ ﺍﻱ ﺩﻭﻟﻪ ﻭﺩﻙ ﺗﻌﺮﺳﻴﻦ
ﻣﻀﺎﻭﻱ ﺑﻀﺤﻚ : ﻣﺎﻧﻲ ﻃﻤﺎﻋﻪ ﻗﺮﻳﺐ ﺟﻴﺮﺍﻧﺎ ﺍﻟﭽﻮﻳﺘﻴﻦ
ﻧﺪﻯ: ﺍﻟﻠﻪ ﻳﻠﻮﻉ ﻛﺒﺪﻙ ﻳﺎ ﺷﻴﺨﻪ ﺻﺪﻗﻴﻨﻲ ﻟﻮ ﻳﺪﺭﻭﻥ ﺍﻧﻚ ﺗﻘﻮﻟﻴﻦ ﭼﻮﻳﺘﻴﻦ ﻟﻴﻬﺠﻮﻥ ﻣﻦ
ﺍﻟﺴﻌﻮﺩﻳﻪ
ﻭﻋﺪ : ﻣﻮ ﺑﺲ ﻳﻬﺠﻮﻥ ﻣﻦ ﺍﻟﺴﻌﻮﺩﻳﻪ ﻻ ﺑﻴﻬﺠﻮﻥ ﻣﻦ ﻗﺎﺭﺓ ﺍﺳﻴﺎ ﻛﻠﻬﺎ ﻳﻨﻘﻠﻮﻥ ﺍﻟﻜﻮﻳﺖ ﻭﺭﺍ
ﺍﻣﺮﻳﻜﺎ
ﺿﺤﻜﺖ ﻣﻀﺎﻭﻱ: ﻣﺎﻋﻠﻴﻪ ﻧﺘﻌﺪﻝ ﻟﻌﻴﻮﻧﻬﻢ
ﺧﻠﻒ ﺗﻜﺘﻒ : ﺍﻳﻴﻴﻮﻩ ﻭﺍﻧﺘﻲ ﻭﺵ ﻣﺴﻜﻚ ﻋﻠﻰ ﺍﻟﭽﻮﻳﺘﻴﻦ ﻋﻠﻰ ﻗﻮﻟﻚ ! ؟؟
ﻣﻀﺎﻭﻱ ﺣﻄﺖ ﻳﺪﻫﺎ ﻋﻠﻰ ﻗﻠﺒﻬﺎ ﺑﻬﻴﻤﺎﻥ : ﻋﺸﺎﻧﻚ ﻣﺎﺷﻔﺖ ﺍﻟﻠﻲ ﺷﻔﺘﻪ ﺍﻧﺎ ﺍﻟﻴﻴﻴﻮﻡ ﺻﺮﺍﺣﻪ
ﺣﺒﻴﺘﻬﻢ ﺍﻭﻝ ﻣﺮﻩ ﺍﻋﺮﻑ ﻛﻮﻳﺘﻴﻦ ﺑﺲ ﺣﺒﻴﺘﻬﻢ
ﺣﻨﺎﻥ : ﺧﻠﻴﻒ ﻫﺎﻟﺨﺒﻠﻪ ﺗﻘﺼﺪ ﺍﻥ ﺍﻟﻴﻮﻡ ﻋﻨﺪ ﺍﻡ ﺳﻌﻮﺩ ﺟﺖ ﺟﺎﺭﺗﻨﺎ ﺍﻡ ﻧﻬﻴﺎﻥ ﺍﻟﻜﻮﻳﺘﻴﻪ
ﻭﻫﺎﻟﺨﺒﻠﻪ ﺧﻘﺖ
ﺍﻣﺎﻧﻲ: ﻣﺄﻟﻮﻣﻬﺎ ﻭﺍﻟﻠﻪ
ﻭﺟﺪﺍﻥ ﻭﻫﻲ ﺗﻬﻤﺰ ﺧﻠﻒ : ﺍﻱ ﻭﻟﻠﻪ ﻳﻌﻨﻲ ﻳﺞ ..
ﻗﺎﻃﻌﺘﻬﺎ ﻭﻋﺪ ﻗﺒﻞ ﺗﻬﻮﺭ ﻭﺟﺪﺍﻥ ﻭﺗﻮﺻﻒ ﺍﻟﺒﻨﺎﺕ ﻋﻨﺪ ﺧﻠﻒ : ﻫﻴﻴﻴﻪ ﻭﻗﻔﻲ ﻭﻳﻦ ﺑﺘﻄﻴﺮﻳﻦ
ﺍﺑﺘﺴﻢ ﺧﻠﻒ : ﻣﺎﻋﻠﻴﻨﺎ ﻛﻴﻒ ﺷﻔﺘﻮﻫﻢ ! ﻧﺎﺱ ﻃﻴﺒﻴﻦ
ﺣﻨﺎﻥ: ﻣﺎﺷﺎﺀ ﺍﻟﻠﻪ ﺍﺧﻼﻕ ﺍﺧﻼﻕ ﺍﺗﻌﺐ ﻭﺍﻧﺎ ﺍﻗﻮﻝ ﺍﺧﻼﻕ
ﻭﺟﺪﺍﻥ : ﺑﺬﺍﺍﺕ ﻟﻴﻠﻰ ﺗﺨﻴﻞ ﻳﺎ ﺧﻠﻴﻒ ﺗﺪﻕ ﺍﻟﻌﻮﺩ
ﻭﻋﺪ : ﻭﺟﻊ ﻳﺎ ﺷﻴﺨﻪ
ﺍﻣﺎﻧﻲ : ﺍﻧﺎ ﺍﺧﻴﺮﺍً ﻟﻘﻴﺖ ﺍﺣﺪ ﻧﻔﺲ ﺟﻮﻱ ﻳﺎﻟﻴﺖ ﻓﻴﺼﻞ ﻛﺒﻴﺮ ﻭﻧﺰﻭﺟﻪ ﺍﻳﺎﻫﺎ
ﻣﻀﺎﻭﻱ : ﺷﻜﻠﻲ ﺑﺰﻭﺟﻬﺎ ﻋﻘﺎﺏ
ﺑﺪﺕ ﺳﻮﺍﻟﻒ ﺍﻟﻄﻘﻄﻘﻪ
ﻧﺰﻝ ﺧﻠﻒ ﺍﻟﻘﻬﻮﻩ ﺑﻬﺪﻭﺀ ﻭﺻﻤﺖ ﻭﻫﻮ ﻳﻘﻮﻝ : ﺧﻼﺹ ﻳﺎ ﻭﺟﺪﺍﻥ
ﺗﻜﻰ ﻋﻠﻰ ﺍﻟﺘﻜﺎﻳﻪ ﺍﻟﻤﻮﺟﻮﺩﻩ ﻭﻫﻮ ﻳﺴﻤﻊ ﺳﻮﺍﻟﻒ ﺍﻟﺒﻨﺎﺕ ﻋﻦ ﺍﻟﺤﻔﻞ ﻟﻜﻦ ﻛﺎﻥ ﻓﻴﻪ ﻧﻮﻡ
ﻭﻏﺎﻟﺐ ﺍﻟﻮﻗﺖ ﻣﺴﻜﺮ ﻋﻴﻮﻧﻪ ﻟﻜﻦ ﺳﻤﻊ ﻭﻋﺪ ﺗﻀﺮﺏ ﻭﺟﺪﺍﻥ: ﺧﺒﻠﻪ ﺍﻧﺘﻲ ﻛﻢ ﻣﺮﻩ ﺍﻗﻮﻝ ﻣﺎ
ﺗﻮﺻﻔﻴﻦ ﺍﻟﺒﻨﺎﺕ ﻋﻨﺪ ﺍﻟﻌﻴﺎﻝ
ﻭﺟﺪﺍﻥ : ﻧﺴﻴﺖ
ﻣﻀﺎﻭﻱ: ﻭﺍﻟﻠﻪ ﻣﺎ ﺃﻟﻮﻣﻬﺎ ﺍﻧﺎ ﻟﻠﺤﻴﻦ ﺍﺗﺬﻛﺮ ﻭ ﻣﺎ ﺍﺗﺬﻛﺮ ﺷﻲ ﻛﺜﺮ ﺍﻟﺸﺎﻣﻪ ﺗﺠﺬﺫﺏ ﻣﺎﺍﺷﺎﺀ
ﺍﻟﻠﻪ
ﻭﻋﺪ : ﻗﺼﺮﻱ ﺻﻮﺗﻚ ﻻ ﻳﺴﻤﻌﻚ ﺧﻠﻒ
ﻣﻀﺎﻭﻱ: ﻣﺎﻳﺪﺭﻱ ﻧﺎﻳﻢ ﻭﺑﻌﺪﻳﻦ ﻭﺵ ﻓﻴﻬﺎ
ﺣﻨﺎﻥ: ﻓﻜﻴﻨﺎ ﺗﻜﻔﻴﻦ ﻣﺎ ﺗﺴﻤﻌﻴﻦ ﺍﻟﻘﺼﺺ ﻛﻢ ﻭﺍﺣﺪ ﻳﺤﺐ ﻟﻪ ﻭﺣﺪﻩ ﻣﺎﻳﻌﺮﻓﻬﺎ ﻛﻠﻪ ﻣﻦ
ﺍﻟﺴﻮﺍﻟﻒ
ﻣﻀﺎﻭﻱ : ﺍﺳﺘﺮﻳﺤﻲ ﺗﻜﻔﻴﻦ ﺧﻠﻒ ﺍﻭﻝ ﺷﻲ ﻋﺎﺭﻑ ﻧﻬﺎﻳﺘﻪ ﻣﻊ ﻣﻦ ﻭﺑﻌﺪﻳﻦ ﻋﺎﻗﻞ ﻭﻓﺎﻫﻢ
ﺍﻣﺎﻧﻲ ﺿﺤﻜﺖ: ﺧﻠﻮﻧﺎ ﺑﺲ ﻣﻦ ﻫﺎﻟﻜﻼﻡ ﺍﻧﺎ ﻣﺎ ﺍﻧﺴﻰ ﻳﻮﻡ ﻓﺸﻠﺘﻚ ﺑﺎﻟﺮﻗﺺ ﻭﻃﻠﻌﺘﻲ
ﻣﻀﺎﻭﻱ : ﺍﻟﻠﻪ ﻳﺎﺧﺬﻛﻢ ﻛﻠﻪ ﻣﻨﻜﻢ ﻣﺎﻫﻘﻴﺘﻬﺎ ﺭﻗﻴﺼﻪ
ﻧﺪﻯ: ﺍﺣﺴﻬﺎ ﻟﻮ ﻋﻄﻮﻫﺎ ﻣﺠﺎﻝ ﺍﻭﺳﻊ ﺑﺘﺒﺪﻉ
ﺣﻨﺎﻥ: ﺍﺣﺲ ﺍﻧﻬﺎ ﻭﺳﻴﻌﻪ ﺻﺪﺭ ﻭﺩﻱ ﺗﺼﻴﺮ ﺻﺪﻳﻘﺘﻨﺎ
ﻭﻋﺪ : ﺷﻴﺨﻪ ﺷﻴﺨﻪ ﺑﻌﺪ ﺍﺣﺴﻬﺎ ﻣﻦ ﻣﺰﺍﺝ ﻫﻴﺎ ﺍﺷﻮﻓﻬﻢ ﺍﻧﺪﻣﺠﻮﺍ
ﻣﻀﺎﻭﻱ : ﺍﺍﺍﻩ ﺍﺳﻜﺘﻲ ﻋﻄﺘﻬﺎ ﻗﺎﺋﻤﺔ ﻛﺘﺐ ﺗﻘﺮﺍﻫﺎ ﺑﻐﻴﺖ ﺍﺑﻜﻲ ﻣﻦ ﻫﻮﻝ ﺍﻟﺼﺪﻣﻪ
ﻧﺪﻯ: ﺧﻠﻴﻬﻢ ﻻﻗﻴﻦ ﺭﺍﺣﺘﻬﻢ
ﺍﻣﺎﻧﻲ: ﺍﻧﺎ ﺑﺪﻓﻊ ﻋﻤﺮﻱ ﻭﺍﺳﻤﻊ ﺻﻮﺕ ﻟﻴﻠﻰ
ﺣﻨﺎﻥ: ﻧﺘﻌﺮﻑ ﻋﻠﻴﻬﺎ ﻭﻧﺮﻭﺡ ﻟﻬﺎ
ﻛﻤﻠﻮﺍ ﺳﻮﺍﻟﻒ ﻭﺧﻠﻒ ﻋﻠﻰ ﺍﻟﺼﺎﻣﺖ ﻭﻫﻮ ﻳﺴﻤﻊ ﺍﻟﺜﻨﺎﺀ ﻭﺍﻟﻤﺪﺡ ﻓﻲ ﻟﻴﻠﻰ ﻛﺎﻥ ﺷﻲ ﻣﻬﻴﻴﻴﺐ
ﻣﻬﻴﺐ ﺟﺪﺍً ﺗﺤﺮﻙ ﺑﺈﻧﺰﻋﺎﺝ ﺍﻭﻝ ﻣﺎ ﺣﺲ ﺍﻧﻪ ﺍﻛﺘﻔﻰ ﻣﻦ ﺍﻭﺻﺎﻑ ﻟﻴﻠﻰ ﻭﻗﺮﺭ ﻳﻄﻠﻊ ﻟﻐﺮﻓﺘﻪ
ﺩﺧﻞ ﻭﻫﻮ ﻳﻘﻔﻞ ﺍﻻﻧﻮﺍﺭ ﻭﺍﻧﺴﺪﺡ ﻳﻤﺜﻞ ﻋﻠﻰ ﺍﻟﻜﻞ ﺍﻧﻪ ﻧﺎﻳﻢ ﻟﻜﻦ ﻛﺎﻥ ﻏﺎﺍﺍﺍﻃﺲ ﻓﻲ ﺑﺤﺮ
ﻟﻴﻠﻰ ﻟﻠﻠﻲ ﻭﻳﻦ ﻣﺎ ﺟﺎﺑﺘﻬﺎ ﺍﻟﻔﻜﺮﻩ ﺗﻜﻮﻥ ﺁﻳﻪ ﻓﻲ ﺍﻟﺠﻤﺎﻝ
._______________________
ﻭﻣﻦ ﺑﻜﺮﻩ
ﻭﻣﺜﻞ ﺍﻱ ﻳﻮﻡ ﺭﻭﺗﻴﻨﻲ ﺩﻭﺍﻣﺎﺕ ﻭﺻﺮﺍﺥ ﻭﻫﻮﺍﺵ ﻋﻠﻰ ﺍﻟﺪﻭﺍﻡ
ﻟﻜﻦ ﻫﺎﻟﺼﺒﺢ ﺍﻟﻐﺮﻳﺐ ﺍﻥ ﻋﻘﺎﺏ ﻛﺎﻥ ﺟﺎﻟﺲ ﺟﻨﺐ ﺟﺪﻩ ﻭﻫﻮ ﻳﻤﺴﺢ ﻋﻠﻰ ﺷﻨﺒﻪ ﺑﻬﺪﻭﺀ
ﻏﺮﻳﺐ ﻋﻠﻴﻪ ﻭﻫﻮ ﻭ ﻭﺻﻞ ﻟﻔﻜﺮﻩ ﻟﻜﻦ ﻳﺪﺭﻱ ﺍﻧﻬﺎ ﻣﺴﺘﺤﻴﻠﻪ ﻟﻜﻦ ﻫﺎﻟﻔﻜﺮﻩ ﻟﻬﺎ ﺑﺎﺑﻴﻴﻦ ﻭﻛﻞ
ﻫﺎﻟﺒﺎﺑﻴﻦ ﻋﻠﻰ ﻭﻋﺪ ﺑﺘﻜﻮﻥ ﺟﺤﻴﻢ ﻭﻋﺸﺎﻥ ﻳﺴﻮﻱ ﻫﺎﻟﻔﻜﺮﻩ ﻻﺯﻡ ﻳﻨﺘﺒﻬﻪ ﻻﻧﻪ ﺍﺣﺘﻤﺎﻝ
ﻳﻀﺤﻲ ﺑﺄﺷﻴﺎﺀ ﻛﺒﻴﺮﻩ ﻭﻫﺬﺍ ﺧﻮﻓﻪ
ﺍﺑﻮ ﻧﺎﺻﺮ: ﻋﻘﺎﺏ ﻋﻼﻣﻚ ﺍﻟﻴﻮﻡ ﺭﺍﻛﺪ
ﺍﻟﺘﻔﺖ ﻟﻪ ﻋﻘﺎﺏ ﺑﻬﺪﻭﺀ : ﻣﺎﻓﻴﻨﻲ ﺷﻲ
ﺍﻡ ﻧﺎﺻﺮ : ﻻ ﻳﻜﻮﻥ ﻣﺮﻳﺾ
ﻋﻘﺎﺏ ﻭﻗﻒ ﻳﻌﺪﻝ ﺑﺪﻟﺘﻪ : ﻻ ﻻ ﺑﺲ ﻣﺎ ﺷﺒﻌﺖ ﻧﻮﻡ ﺍﻟﻤﻬﻢ ﺍﻧﺎ ﺭﺍﻳﺢ ﻟﺪﻭﺍﻡ
ﻃﻠﻊ ﻣﺴﺘﻌﺠﻞ ﺑﻌﺪ ﻣﺎ ﻋﻄﻰ ﺍﺧﻮﺍﻧﻪ ﻣﺼﺮﻭﻑ
ﻫﻴﺎ: ﻭﺵ ﻓﻴﻪ ﻋﻘﺎﺏ !
ﺍﻡ ﻧﺎﺻﺮ : ﻣﺪﺭﻱ ﻋﻨﻪ
ﺍﺑﻮ ﻧﺎﺻﺮ: ﻳﺎ ﻣﻀﺎﺍﺍﻭﻱ ﺗﻌﺎﻟﻲ ﺗﻌﺎﻟﻲ ﻧﺎﺩﻱ ﺧﻠﻒ
ﻧﺰﻟﺖ ﻣﻀﺎﻭﻱ : ﺍﺑﺸﺮ
ﺭﻛﻀﺖ ﺗﺪﻕ ﺍﻟﺒﺎﺏ ﻭﺍﻧﻔﺘﺢ ﻭﻗﺒﻞ ﺗﺼﺮﺥ ﺳﻜﺘﺖ : ﻧﺎﺻﺮ ﻭﻳﻦ ﺧﻠﻒ
ﺍﺑﻮ ﺧﻠﻒ: ﺍﻧﺘﻲ ﺧﺒﺒﺒﺒﻠﻪ ﻛﻢ ﻣﺮﻩ ﺍﻋﻠﻤﻚ ﻣﺎ ﺗﺪﻗﻴﻦ ﻛﺬﺍ
ﻣﻀﺎﻭﻱ: ﻣﺴﺘﻌﺠﻠﻪ ﺍﺑﻮﻱ ﻳﺒﻲ ﺧﻠﻒ
ﺍﺑﻮ ﻧﺎﺻﺮ: ﻋﻠﻴﻚ ﻓﻴﻬﺎ ﻳﺎ ﻧﺎﺻﺮ ﺭﺑﻬﺎ ﻣﻦ ﺟﺪﻳﺪ
ﻣﺴﻜﺖ ﻣﻀﺎﻭﻱ ﻳﺪ ﺍﺑﻮ ﺧﻠﻒ : ﺍﻓﺎ ﺑﺲ ﻳﺒﻪ ﻭﺵ ﺫﺍ ﺍﻟﺘﻌﻨﻴﻒ ﺗﺮﺳﻠﻨﻲ ﻋﺸﺎﻥ ﻳﻜﻔﺨﻨﻲ
ﺍﺑﻮ ﺧﻠﻒ: ﺍﻧﺘﻲ ﻣﺰﻋﺠﻪ ﺍﻟﻌﺎﻟﻢ ﻛﻠﻬﻢ ﺍﻋﻘﻠﻲ ﺍﺣﺴﻦ ﻟﻚ
ﻣﻀﺎﻭﻱ : ﺍﺑﺸﺮ ﺑﺲ ﻭﻳﻦ ﻭﻟﺪﻙ
ﺍﺑﻮ ﺧﻠﻒ : ﺭﻭﺣﻲ ﺩﻭﺭﻳﻪ
ﺩﺧﻠﺖ ﻭﻫﻲ ﺗﻠﻒ : ﺍﻡ ﺧﻠﻴﻒ ﻭﻳﻦ ﻭﻟﺪﻙ
ﺍﻡ ﺧﻠﻒ : ﻓﻲ ﺍﻟﻐﺮﻓﻪ
ﺭﻛﻀﺖ ﻭ ﻫﻲ ﺗﻔﺘﺢ ﺍﻟﺒﺎﺏ ﺑﻜﻞ ﻗﻮﺗﻬﺎ : ﺧﻠﻴﻴﻴﻒ
ﺍﻟﺘﻔﺖ ﺧﻠﻒ ﺍﻟﻠﻲ ﻛﺎﻥ ﻭﺍﻗﻒ ﻳﺴﻜﺮ ﺍﺯﺍﺭﻳﺮ ﺛﻮﺑﻪ ﻭﻫﻮ ﺑﻴﻦ ﻛﻞ ﻭﺍﺣﺪ ﻭﺍﻟﺜﺎﻧﻲ ﺗﻬﺠﻢ ﻋﻠﻴﻪ
ﻛﺤﻪ ﺗﻬﺪ ﺣﻴﻠﻪ ﺧﻠﻒ ﺑﺼﻮﺕ ﻣﺒﺤﻮﺡ : ﻳﺎﻟﻠﻪ ﺻﺒﺎﺡ ﺧﻴﺮ
ﻣﻀﺎﻭﻱ: ﺍﺑﻮﻱ ﻳﺒﻴﻚ
ﺻﺪ ﺧﻠﻒ ﻳﺠﻤﻊ ﺍﻏﺮﺍﺿﻪ : ﻟﻴﻪ ؟
ﻣﻀﺎﻭﻱ ﺗﻜﺖ ﻭﻫﻲ ﺗﺴﻮﻟﻒ ﺑﻌﻴﻴﻴﺪ ﻋﻦ ﺍﻟﻤﻮﺿﻮﻉ : ﻭﺍﻟﻠﻪ ﻣﺪﺭﻱ ﺑﺲ ﻗﺎﻝ ﻧﺎﺩﻳﻪ ﻭﻋﺎﺩ
ﺍﺑﻮﻙ ﻫﺎﻟﻠﻲ ﻣﺎ ﻳﺴﺘﺤﻲ ﻣﺎ ﺻﺪﻕ ﺍﻧﻪ ﻳﻤﺴﻜﻨﻲ ﻋﺸﺎﻥ ﻳﻄﻘﻨﻲ ﻟﻚ ...
ﺳﻜﺘﻬﺎ ﺧﻠﻒ ﺍﻭﻝ ﻣﺎ ﺭﻣﺎﻫﺎ ﺑﺎﻟﻤﺸﻂ: ﺧﺒﻠﻪ ﺍﻧﺘﻲ ﺗﺴﺒﻴﻦ ﺍﺑﻮﻱ ﻗﺪﺍﻣﻲ
ﻣﻀﺎﻭﻱ: ﺍﺍﺍﻩ ﺍﻳﻪ ﻭﺍﻧﺎ ﺻﺎﺩﻗﻪ
ﺧﻠﻒ : ﺍﻣﺸﻲ ﺍﻣﺸﻲ ﺑﺲ
ﻟﻔﺖ ﻣﻀﺎﻭﻱ ﻋﻠﻴﻪ : ﻭﺵ ﻓﻴﻪ ﺻﻮﺗﻚ !
ﺧﻠﻒ : ﻋﺸﺎﻥ ﺗﻮﻱ ﺻﺎﺣﻲ
ﻧﺰﻟﻮﺍ ﻭﻣﻀﺎﻭﻱ ﻣﻦ ﺍﻟﻠﻌﺎﻧﻪ ﺗﻤﺮ ﺍﻟﺒﻨﺎﺕ ﻭﺗﺨﺮﺏ ﻋﻠﻴﻬﻢ ﺍﻟﺘﻨﻈﻴﻒ ﻭﺗﻨﺤﺎﺵ ﻟﻜﻦ ﺍﻭﻝ
ﻣﺎﺷﺎﻓﺖ ﻭﻋﺪ ﻫﺠﺖ
ﺍﻣﺎ ﺧﻠﻒ ﺩﺧﻞ ﻭﻫﻮ ﻣﺴﺘﻌﺠﻞ ﻣﺘﻮﻗﻊ ﺍﻥ ﻋﻨﺪ ﺍﻟﺒﻨﺎﺕ ﺧﺒﺮ ﺍﻧﻪ ﺑﻴﺠﻲ ﻟﻜﻦ ﻭﻗﻒ ﻋﻠﻰ ﺻﻮﺕ
ﺷﻬﻘﻪ ﻭﺭﻓﻊ ﺭﺍﺳﻪ ﻭﺷﺎﻑ ﺍﻟﻜﻞ ﻳﻨﺎﻇﺮﻭﻧﻪ ﺑﺼﺪﻣﻪ ﻭﺳﺎﻛﺘﻴﻦ ﻭﻟﻒ ﺍﻭﻝ ﺣﺲ ﻳﺴﺎﺭﻩ ﺍﺣﺪ
ﻟﻜﻦ ﺍﺗﺴﻌﺖ ﻋﻴﻮﻧﻪ ﺑﺬﻫﻮﻝ ﻭﻭﺻﺪ ﻭﺭﺟﻊ ﻭﻫﻮ ﻣﺎﻳﺪﺭﻱ ﻣﻦ ﻫﺎﻟﻠﻲ ﺷﺎﻓﻬﺎ ﻟﻜﻦ ﻣﺎ ﺍﻧﺘﺒﻬﻪ ﻟﻬﺎ
ﻭﻻ ﺭﻛﺰ ﻓﻴﻬﺎ
ﻟﻜﻦ ﺳﻤﻊ ﺟﺪﻩ ﻳﻘﻮﻝ : ﻣﺎﻋﻠﻴﻚ ﻳﺎ ﺳﺤﺮ ﺭﻭﺣﻲ ﺭﻭﺣﻲ ﻣﺎﺷﺎﻓﻚ
ﺭﻛﻀﺖ ﺳﺤﺮ ﺑﻔﺸﻠﻪ ﻭﻫﻲ ﻣﺎ ﺩﺭﺕ ﺍﻥ ﺧﻠﻒ ﺑﻴﺠﻲ ﻭﻗﻔﺖ ﺗﺨﺒﻂ ﻭﺟﻬﻬﺎ ﺑﺨﻮﻑ ﻭﻓﺸﻠﻪ
ﻋﻬﺪ : ﻭﺵ ﻓﻴﻚ ﺑﺴﻢ ﻟﻠﻪ
ﺳﺤﺮ : ﺷﺎﻓﻨﻲ ﺧﻠﻒ ﺷﺎﻓﻨﻲ
ﺿﺤﻜﺖ ﻣﻀﺎﻭﻱ: ﺑﺴﺴﺲ ! ﻣﺎﻋﻠﻴﻚ ﺣﻼﻝ ﺷﻮﻓﻪ ﺷﺮﻋﻴﻪ
ﺳﺤﺮ : ﻳﺎﻓﺸﻠﺘﻲ ﻭﺵ ﺑﻴﻘﻮﻝ ﻋﻨﻲ ﺍﻟﺤﻴﻦ
ﻋﻬﺪ : ﻭﺵ ﺑﻴﻘﻮﻝ ! ؟ ﻣﺎﺑﻴﻘﻮﻝ ﺷﻲ ﻭﺑﻌﺪﻳﻦ ﺧﻠﻒ ﺍﺟﻮﺩﻱ ﻣﺎ ﻳﻨﺎﻇﺮ ﻭﻻ ﻫﻮ ﻗﺎﻳﻞ ﺷﻲ
ﻫﻴﺎ: ﻭﺵ ﻓﻴﻜﻢ !
ﻋﻬﺪ ﻗﺮﺑﺖ ﺗﻌﻠﻤﻬﺎ ﻭﻫﻲ ﺗﻀﺤﻚ ﻭﻫﻴﺎﺍ ﻣﺒﺘﺴﻤﻪ ﺑﺤﺮﺝ
._______________________
ﺍﻣﺎ ﺧﻠﻒ ﻣﺎﻋﺎﺩ ﺭﺟﻊ ﺍﺑﺪ ﻭﻃﻠﻊ ﺳﻴﺪﺩﺩﺩﻩ ﻟﻠﻤﺤﻞ ﻭﺗﺮﻙ ﺟﺪﻩ ﻭﻫﻮ ﺍﻭﻝ ﻣﺮﻩ ﻓﻲ ﺣﻴﺎﺗﻪ
ﻳﻄﻴﺢ ﺑﻬﺎﻟﻤﻮﻗﻒ ﻣﻦ ﺍﻟﺴﺎﻋﻪ ﺍﻟﻠﻲ ﺗﻐﻄﻮ ﻓﻴﻬﺎ ﺑﻨﺎﺕ ﻋﻤﻪ ﻋﻨﻪ ﻣﺎﻳﻌﺮﻑ ﺳﺤﺮ ﺍﺑﺪ ﺣﺘﻰ
ﺍﻟﺤﻴﻦ ﻳﻮﻡ ﺷﺎﻓﻬﺎ ﻣﺎﺭﻛﺰ ﻓﻴﻬﺎ
ﻣﺴﺢ ﻭﺟﻬﻪ ﺑﻀﻴﻖ ﻭﻭﻗﻒ ﻳﺮﺗﺐ ﺍﻻﻏﺮﺍﺽ
ﻟﻜﻦ ﺷﺎﻑ ﺟﺪﻩ ﺟﺎﻱ ﻭﺭﺍﺡ ﻟﻪ ﻳﺴﻨﺪﻩ : ﺍﻟﻤﻌﺬﺭﻩ ﻳﺎ ﺟﺪﻱ ﺭﺣﺖ ﻭﺧﻠﻴﺘﻚ
ﺍﺑﻮ ﻧﺎﺻﺮ: ﻣﺎﻋﻠﻴﻪ ﺍﻧﺖ ﺑﻌﺪ ﺍﺧﺘﺒﺼﺖ
ﺧﻠﻒ : ﺍﻧﺎ ﻣﺎ ﺩﺭﻳﺖ ﺗﻮﻗﻌﺖ ﻋﻨﺪﻫﻢ ﺧﺒﺮ
ﺍﺑﻮ ﻧﺎﺻﺮ ﺑﻀﺤﻚ : ﻣﺎﻋﻠﻴﻪ ﻣﺎﻫﻲ ﺧﺴﺎﺭﻩ ﺍﻥ ﺷﺎﺀ ﺍﻟﻠﻪ ﺍﻳﺎﻡ ﻭﺗﻌﻘﺪ ﻋﻠﻴﻬﺎ ﻭﺗﺼﻴﺮ ﺣﻼﻝ
ﺍﺑﻌﺪ ﺧﻠﻒ ﻭﻫﻮ ﻳﻜﺢ ﻭﻣﺎﺭﺩ ﻭﺳﺤﺐ ﻛﻞ ﺍﻟﺸﻐﻞ ﻭﻫﻮ ﻣﺎﻳﺒﻲ ﻫﺎﻟﻄﺎﺭﻱ ﻭﻻ ﻧﻘﺎﺵ ﻓﻴﻪ ﻟﻜﻦ
ﻛﻞ ﺍﻟﻤﻌﻄﻴﺎﺕ ﺣﻮﻟﻪ ﺗﺠﺒﺮﻩ ﻳﺘﻘﺒﻞ ﻓﻜﺮﺓ ﺳﺤﺮ ﻏﺼﺐ ﻋﻠﻴﻪ
ﻭﺭﻓﻊ ﺭﺍﺳﻪ ﻋﻠﻰ ﺻﻮﺕ ﺍﺑﻮﺍﺏ ﺍﻟﻤﺤﻞ ﺍﻟﻠﻲ ﺗﺘﺤﺮﻙ ﺑﻘﻮﻩ ﻣﻦ ﺍﻟﻬﻮﻯ ﺑﺲ ﻣﺎﻋﻄﺎﻫﺎ ﺍﻫﺘﻤﺎﻡ
ﻭﺭﺟﻊ ﻟﺸﻐﻠﻪ ﻭﻫﻮ ﻳﻔﻜﺮ ﻟﻜﻦ ﻭﻗﻒ ﻭﻫﻮ ﻳﺤﺎﻭﻝ ﻳﻮﻗﻒ ﻛﺤﺘﻪ ﻭﻳﺘﻨﻔﺲ ﻟﻜﻦ ﻣﺎﻗﺪﺭ ﺭﻓﻊ
ﺭﺍﺳﻪ ﻳﺸﻮﻑ ﺍﻟﺪﻧﻴﺎ ﺣﻮﻟﻪ ﻏﺒﺎﺍﺍﺭ ﻭﺗﺮﺍﺏ ﺣﺎﻭﻝ ﻳﺘﻨﻔﺲ ﻣﺎ ﻳﺘﻨﻔﺲ ﺍﻻ ﻏﺒﺎﺭ ﺭﻓﻊ ﺷﻤﺎﻏﻪ
ﻟﻮﺟﻬﻪ ﺑﺲ ﺍﺧﺘﻨﻖ
ﻭﻭﻗﻒ ﺍﺑﻮ ﻧﺎﺻﺮ ﺑﺨﻮﻑ : ﺧﻠﻒ ﺧﻠﻒ ﺑﺴﻢ ﻟﻠﻪ ﻋﻠﻴﻚ
ﺍﺳﻮﺩ ﻭﺟﻬﻪ ﺧﻠﻒ ﻣﻦ ﺍﻟﻜﺘﻤﻪ ﻭﺍﺑﻮ ﻧﺎﺻﺮ ﻳﺤﻮﻡ ﺣﻮﻟﻪ ﻣﺎﻳﺪﺭﻱ ﻭﺵ ﻳﺴﻮﻱ ﻭﺻﺮﺥ ﻳﻨﺎﺩﻱ
ﻣﻤﺪﻭﺡ ﺍﻟﻠﻲ ﻛﺎﻥ ﻗﺮﻳﺐ : ﺃﻟﺤﻘﻨﻲ ﺃﻟﺤﻘﻨﻲ
ﻛﺎﻥ ﻣﻌﺮﻭﻑ ﺍﻥ ﺧﻠﻒ ﻳﺘﺄﺛﺮ ﻣﻦ ﺍﻟﻐﺒﺎﺭ ﻭﻳﺨﺘﻨﻖ ﻭﻫﻮ ﺍﺻﻼ ﻣﻦ ﻳﻮﻡ ﺻﺤﻰ ﻳﺤﺲ ﺻﺪﺭﻩ
ﺗﻌﺒﺎﻥ
ﺭﻛﺾ ﻣﻤﺪﻭﺡ ﻳﻬﻮﻱ ﺧﻠﻒ ﺍﻟﻠﻲ ﻣﻦ ﻏﻴﺮ ﻣﺎﻳﺤﺲ ﺳﺤﺐ ﺛﻮﺑﻪ ﻭﺍﻧﻘﻄﻌﺖ ﺍﺯﺍﺭﻳﺮﻩ
ﺍﺑﻮ ﻧﺎﺻﺮ: ﺧﻠﻒ ﺩﻭﺍﻙ
ﺍﺷﺮ ﺧﻠﻒ ﻋﻠﻰ ﺟﻴﺒﻪ ﻭﺭﻓﻌﻪ ﻣﻤﺪﻭﺡ ﻳﻌﻄﻴﻪ ﺍﻟﺒﺨﺎﺥ ﺑﺲ ﻣﺎﻓﻴﻪ ﻓﺎﻳﺪﻩ ﻭﺭﻛﺾ ﻣﻤﺪﻭﺡ
ﻳﺠﻴﺐ ﺍﻟﺴﻴﺎﺭﻩ ﻭﻫﻮ ﻳﺎﺧﺬﻩ ﻟﻠﻤﺴﺘﺸﻔﻰ ﻭﺍﺑﻮ ﻧﺎﺻﺮ ﻣﻌﻪ
ﻭﺍﻫﻞ ﺍﻟﺴﻮﻕ ﻭﺍﻗﻔﻴﻦ ﺑﻀﻴﻖ
ﺍﺑﻮ ﻧﻬﻴﺎﻥ : ﺳﻼﻣﺎﺕ ﻋﺴﻰ ﻣﺎ ﺷﺮ ﺷﻨﻮ ﺻﺎﻳﺮ ﻣﻊ ﺍﺑﻮ ﻧﺎﺻﺮ
ﺍﺑﻮ ﻣﻤﺪﻭﻭﺡ : ﻃﺎﺡ ﻋﻠﻴﻪ ﺣﻔﻴﺪﻩ ﺧﻠﻒ ﺗﻌﺮﻓﻪ
ﺟﺎﺑﺮ : ﻻ ﻻ ﺷﻨﻮ ﻓﻴﻪ ! ﺍﻥ ﺷﺎﺀ ﺍﻟﻠﻪ ﻣﺎﻓﻴﻪ ﺷﻲ ﻋﻮﺩ ‏( ﻛﺒﻴﺮ‏)
ﺍﺑﻮ ﻣﻤﺪﻭﺡ: ﻻ ﻻ ﻣﻌﺮﻭﻑ ﻫﻮ ﻣﻌﻪ ﺭﺑﻮ ﺣﺎﺩ ﻣﻦ ﻳﻮﻡ ﻫﻮ ﺻﻐﻴﺮ ﺍﺫﺍ ﺟﺎﺀ ﻏﺒﺎﺭ ﺍﻭ ﺷﻲ ﺍﻭ
ﺗﺄﺛﺮ ﻣﻦ ﺷﻲ ﻳﻄﻴﺢ ﺍﺫﺍ ﻣﺎ ﺍﺧﺬ ﺩﻭﺍﻩ
ﺍﺑﻮ ﻧﻬﻴﺎﻥ : ﻟﻠﻪ ﻳﻌﻴﻨﻪ ﻭﻳﻘﻮﻣﻪ ﺑﺎﻟﺴﻼﻣﻪ
ﺍﻟﻜﻞ: ﺍﻣﻴﻦ
._______________________
ﺑﻌﺪ ﺳﺎﻋﻪ ﻓﻲ ﺍﻟﻤﺴﺘﺸﻔﻰ
ﻭﺻﻞ ﻣﻤﺪﻭﺡ ﻭﻫﻮ ﻳﻨﺎﺩﻱ ﺍﻟﻄﻮﺍﺭﺉ ﻟﺨﻠﻒ ﺍﻟﻠﻲ ﻛﺎﻥ ﻓﻲ ﺣﺎﻟﻪ ﻳﺮﺛﻰ ﻟﻬﺎ ﻭﺍﺧﺬﻭﻩ ﻭﻫﻮ
ﻳﺴﺎﻋﺪﻭﻧﻪ ﻭﻳﻌﺎﻟﺠﻮﻧﻪ ﻭﺍﺑﻮ ﻧﺎﺻﺮ ﻭﺍﻗﻒ ﺑﻀﻴﻖ : ﻣﺪﺭﻱ ﻣﺪﺭﻱ ﻛﻴﻒ ﺳﻬﻴﺖ ﻣﺎ ﻗﻠﺖ ﻟﻪ ﺍﻥ
ﻓﻴﻪ ﻏﺒﺎﺭ ﻣﺎﻗﻠﺖ ﻟﻪ
ﻣﻤﺪﻭﺡ : ﻭﺵ ﺑﺘﺴﻮﻱ ﻳﺎ ﻋﻤﻲ ﻣﻜﺘﻮﺏ ﻭﻣﻘﺪﺭ ﻭﻫﻮ ﺑﺨﻴﺮ ﺍﻟﺤﻴﻦ
ﺟﺎﺀ ﺍﺑﻮ ﺧﻠﻒ ﻳﺮﻛﺾ : ﻋﻼﻣﻪ ﺧﻠﻒ ﻳﺒﻪ
ﺍﺑﻮ ﻧﺎﺻﺮ: ﺍﻟﻈﺎﻫﺮ ﺟﺘﻪ ﻧﻮﺑﺔ ﺍﻟﺮﺑﻮ ﻭﺍﻟﻐﺒﺎﺭ ﺯﺍﺩ ﺍﻟﻄﻴﻦ ﺑﻠﻪ
ﻣﻤﺪﻭﺡ : ﻻ ﺗﺨﺎﻑ ﻳﺎ ﺍﺑﻮ ﺧﻠﻒ ﺍﻟﺪﻛﺘﻮﺭ ﻳﻘﻮﻝ ﺍﻧﻪ ﺑﺨﻴﺮ ﻟﻜﻦ ﻳﺤﺘﺎﺝ ﻭﻗﺖ ﺗﻌﺮﻑ ﺍﻧﺖ
ﺣﺎﻟﺘﻪ
ﺟﺎﺀ ﺍﻟﺪﻛﺘﻮﺭ ﻭﻭﻗﻒ ﺍﺑﻮ ﺧﻠﻒ : ﻳﺎﺩﻛﺘﻮﺭ ﻛﻴﻔﻪ ﺧﻠﻒ
ﺍﻟﺪﻛﺘﻮﺭ: ﺣﻤﺪﻟﻠﻪ ﺑﺨﻴﺮ ! ﺑﺲ ﻫﻮ ﻳﻨﺘﻈﻢ ﻋﻠﻰ ﺍﻟﺪﻭﺍﺀ ! ؟
ﺍﺑﻮ ﺧﻠﻒ: ﻭﺍﻟﻠﻪ ﺍﻟﻠﻲ ﺍﻋﺮﻓﻪ ﺍﻧﻪ ﻣﻨﺘﻈﻢ
ﺍﻟﺪﻛﺘﻮﺭ: ﻟﻜﻦ ﺍﺗﻮﻗﻊ ﺍﻧﻪ ﻣﻔﺮﻁ ﻓﻴﻬﺎ ﻫﺎﻟﻴﻮﻣﻴﻦ ﻋﺸﺎﻥ ﻛﺬﺍ ﺗﺄﺛﺮ ﺑﺸﻜﻞ ﻛﺒﻴﺮ ﻭﻻﺯﻡ ﻳﺠﻠﺲ
ﻋﻨﺪﻧﺎ ﻳﻮﻣﻴﻦ
ﺍﺑﻮ ﺧﻠﻒ : ﻋﺴﻰ ﻣﺎﻓﻴﻪ ﺷﻲ ﺧﻄﻴﺮ
ﺍﺑﻮ ﺧﻠﻒ : ﻻ ﻻ ﺑﺲ ﻗﺼﺒﺎﺕ ﺍﻟﻬﻮﺍﺋﻴﻪ ﻣﺘﺎﺛﺮﻩ ﻛﺜﻴﺮ ﻳﻌﻨﻲ ﻳﻮﻣﻴﻦ ﺍﻥ ﺷﺎﺀ ﻟﻠﻠﻪ ﻭﻳﻜﻮﻥ
ﺍﺳﺘﺼﺢ ﻭﺻﺎﺭ ﺗﻤﺎﻡ
ﺍﺑﻮ ﺧﻠﻒ : ﻭﻣﺘﻰ ﺑﻴﺼﺤﻰ
ﺍﻟﺪﻛﺘﻮﺭ: ﻫﻮ ﻧﺎﻳﻢ ﻣﻦ ﺍﺛﺮ ﺍﻟﺪﻭﺍﺀ ﻟﻜﻦ ﺳﺎﻋﻪ ﻭﻳﺼﺤﻰ
ﺍﺑﻮ ﻧﺎﺻﺮ : ﻳﻌﻄﻴﻚ ﺍﻟﻌﺎﻓﻴﻪ
ﺭﺍﺡ ﻭﺍﻟﺘﻔﺖ ﺍﺑﻮ ﻧﺎﺻﺮ : ﻭﺵ ﺍﻟﺴﻮﺍﺕ ﺑﺘﻘﻮﻝ ﻻﻣﻪ
ﺍﺑﻮ ﺧﻠﻒ : ﺍﻳﻴﻴﻪ ﻭﺍﻟﻠﻪ ﻟﻮ ﻳﻘﻮﻟﻬﺎ ﺍﺣﺪ ﺛﺎﻧﻲ ﺗﻨﻬﺒﻞ ﺗﺤﺴﺐ ﻓﻴﻪ ﺷﻲ
ﻣﻤﺪﻭﻭﺡ: ﺭﻭﺡ ﻳﺎﻋﻤﻲ ﻭﺍﻧﺎ ﺍﺟﻠﺲ ﻋﻨﺪﻩ ﻟﻴﻦ ﺗﺠﻲ
ﺍﺑﻮ ﺧﻠﻒ : ﺯﻳﻦ ﺍﻧﺘﺒﻪ ﻟﻪ
ﺍﺧﺬ ﺍﺑﻮ ﻧﺎﺻﺮ ﻭﺭﺟﻊ ﻟﻠﺒﻴﺖ
._______________________
ﻭﻓﻲ ﺑﻴﺖ ﺍﺑﻮ ﺧﻠﻒ
ﻛﺎﻧﺖ ﺍﻡ ﺧﻠﻒ ﻗﻠﻘﺎﻧﻪ ﻭﻫﻲ ﺗﻨﺎﻇﺮ ﺍﻟﺠﻮ ﺍﻟﻠﻲ ﻓﻲ ﺛﻮﺍﻧﻲ ﺍﻧﻘﻠﺐ ﻟﻌﺞ
ﻭﻋﺪ : ﻋﻤﺘﻲ ﺍﺳﺘﺮﻳﺤﻲ ﻭﺵ ﻓﻴﻚ
ﺍﻡ ﺧﻠﻒ : ﺍﻟﺠﻮ ﻣﺎﻳﻄﻤﻦ ﺧﺎﻳﻔﻪ ﻋﻠﻰ ﺧﻠﻒ
ﺍﻡ ﻭﻋﺪ : ﻳﺎﺑﻨﺖ ﺍﻟﺤﻼﻝ ﺧﻠﻒ ﻣﺎﻫﻮ ﻃﻔﻞ ﺍﻛﻴﺪ ﻣﻊ ﺍﺩﻭﻳﺘﻪ ﻭﻣﻨﺘﺒﻬﻪ ﻟﻨﻔﺴﻪ
ﻧﺪﻯ: ﻋﻤﺘﻲ ﺍﻧﺎ ﺑﻨﻔﺴﻲ ﻋﻄﻴﺘﻪ ﺍﻟﺪﻭﺍﺀ ﻭﺣﻄﻪ ﺑﺠﻴﺒﻪ
ﺍﻡ ﺧﻠﻒ : ﻳﺎﺭﺑﻲ ﺍﻧﻚ ﺗﺮﻋﺎﻩ ﻭﺗﺤﻔﻈﻪ ﻣﻦ ﻛﻞ ﺷﺮ
ﺷﻮﻓﻲ ﻭﺍﻧﻔﺘﺢ ﺍﻟﺒﺎﺏ ﻭﻛﺎﻥ ﺍﺑﻮ ﺧﻠﻒ
ﺍﻡ ﺧﻠﻒ : ﻧﺎﺻﺮ ﺟﻴﺖ ﻭﺟﺎﺑﻚ ﺍﻟﻠﻪ ﺷﻔﺖ ﺧﻠﻒ ! ؟ ﻣﺮﻳﺖ ﻋﻠﻴﻪ ! ؟
ﺍﺑﻮ ﺧﻠﻒ: ﺍﻳﻪ
ﺍﻡ ﺧﻠﻒ : ﻫﺎﻩ ﻋﺴﺎﻩ ﻣﺎ ﺗﺄﺛﺮ
ﺍﺑﻮ ﺧﻠﻒ : ﻻ ﻣﺎ ﻋﻠﻴﻪ ﻟﻜﻦ ﻣﻬﻤﺎ ﻛﺎﻥ ﻏﺒﺎﺭ ﻭﺍﺗﻌﺒﻪ ﺷﻮﻱ ﻭﻭﺍﺧﺬﻧﺎﻩ ﻟﻠﻤﺴﺘﺸﻔﻰ ﻭﻃﻴﺐ
ﻭﺑﺨﻴﺮ ﺑﺲ ﻳﺤﺘﺎﺝ ﻳﺠﻠﺲ ﻋﻨﺪﻫﻢ ﻳﻮﻣﻴﻦ
ﺷﻬﻘﺖ ﺍﻡ ﺧﻠﻒ : ﺑﺴﻢ ﻟﻠﻪ ﻋﻠﻴﻪ ﻭﻟﺪﻱ ﻭﺍﻟﻠﻪ ﺍﻧﻲ ﺣﺎﺳﻪ ﻭﺵ ﻓﻴﻪ ﻭﺵ ﺻﺎﺭ
ﺍﺑﻮ ﺧﻠﻒ: ﻣﺎﻓﻴﻪ ﺷﻲ ﺑﺲ ﺍﻟﻈﺎﻫﺮ ﻣﺎﻫﻮ ﻣﻠﺘﺰﻡ ﻓﻲ ﺍﺩﻭﻳﺘﻪ ﻭﺗﻌﺐ ﻭﻫﻮ ﺑﺨﻴﺮ ﻭﺟﺎﻱ
ﺍﺧﺬﻙ ﻟﻪ
ﻭﻋﺪ : ﻳﺒﻪ ﺗﻌﺒﺎﻥ ﺣﻴﻞ ! ؟
ﺍﺑﻮ ﺧﻠﻒ: ﻻ ﻻ
ﺣﻨﺎﻥ: ﻃﻴﺐ ﺑﻨﺮﻭﺡ ﻣﻌﻚ ﻛﻠﻨﺎ
ﺍﺑﻮ ﺧﻠﻒ : ﻭﻳﻦ ﺗﺮﻭﺣﻮﻥ ﺗﺰﺣﻤﻮﻥ ﺍﻟﻤﻜﺎﻥ ﻭﺗﻘﻄﻌﻮﻥ ﻋﻠﻴﻪ ﺍﻻﻛﺴﺠﻴﻦ ﻭﻳﺘﻌﺐ ﺍﻛﺜﺮ ﻫﻮ
ﻣﺎﻫﻮ ﻣﻄﻮﻝ ﻳﻮﻣﻴﻦ ﻭﻳﻄﻠﻊ
ﺟﺎﺕ ﺣﻨﺎﻥ ﻣﻌﻬﺎ ﺍﻏﺮﺍﺽ ﺍﻡ ﺧﻠﻒ ﺍﻟﻠﻲ ﺍﺧﺬﺗﻬﺎ ﻭﻫﻲ ﺧﺎﻳﻔﻪ
ﻭﻃﻠﻌﺖ ﺍﻣﺎﻧﻲ : ﻳﺒﻪ ﺣﻄﻴﺖ ﻛﻢ ﻏﺮﺽ ﻟﺨﻠﻒ ﺍﺫﺍ ﺍﺣﺘﺎﺝ
ﺍﺧﺬﻭﻫﺎ ﻭﻃﻠﻌﻮﺍ ﻭﺍﻟﻜﻞ ﺧﺎﻳﻒ ﻋﻠﻰ ﺧﻠﻒ ﻟﻜﻦ ﻣﺘﻌﻮﺩﻳﻦ ﻋﻠﻰ ﺫﺍ ﺍﻟﺤﺎﻝ
._______________________
ﻓﻲ ﺍﻟﻤﺴﺘﺸﻔﻰ ﺻﺤﻰ ﺧﻠﻒ
ﻭﻫﻮ ﻣﺎﻭﺩﻩ ﻳﺼﺤﻰ ﻭﻳﺴﻤﻊ ﻫﻮﺍﺵ ﺍﺑﻮﻩ ﺍﻟﻠﻲ ﻳﻬﺎﻭﺷﻪ ﻟﻴﻴﻴﻪ ﻣﺎ ﺍﻧﺘﻈﻢ ﻋﻠﻰ ﺍﻻﺩﻭﻳﻪ ﻭﻟﻴﻪ
ﻣﺎ ﺍﻧﺘﺒﻪ ﻟﻨﻔﺴﻪ ﻭﻟﻴﻪ ﻭﻟﻴﻪ ﻭﻟﻴﻪ
ﻛﺎﻥ ﻳﺸﻮﻑ ﻣﻤﺪﻭﺡ ﺟﺎﻟﺲ ﻭﻫﻮ ﻳﻜﻠﻢ ﺧﻠﻒ ﺍﻟﻠﻲ ﻳﺮﺩ ﺑﺼﻮﺕ ﻣﺘﻘﻄﻊ ﻭﺟﻤﻞ ﻗﺼﻴﺮﻩ ﻭﻫﻮ
ﻣﺴﻤﻮﻉ ﺻﻮﺕ ﺗﻨﻔﺴﻪ
ﻭﺩﺧﻞ ﻋﻘﺎﺏ ﻣﺴﺘﻌﺠﻞ : ﺧﻠﻒ ﺑﺴﻢ ﻟﻠﻪ ﻋﻠﻴﻚ ﻋﻼﻣﻚ ﻭﺵ ﺟﺎﻙ
ﻣﻤﺪﻭﺡ : ﻣﺎﻓﻴﻪ ﺷﻲ ﻃﻴﺐ ﻭﺑﺨﻴﺮ
ﺍﺷﺮ ﺧﻠﻒ ﺑﻴﺪﻩ: ﺍﻧﺎ ﻃﻴﺐ ﻣﺎﻋﻠﻴﻪ
ﺩﺧﻠﻮﺍ ﺍﻣﻪ ﻭﺍﺑﻮﻩ ﻭﻃﻠﻊ ﻣﻤﺪﻭﺡ ﻭﻋﻘﺎﺏ ﻟﻠﺤﻴﻦ ﻓﻴﻪ
ﺭﻛﻀﺖ ﺍﻡ ﺧﻠﻒ ﺗﺴﻠﻢ ﻋﻠﻴﻪ ﻭﺗﻤﺴﺢ ﻋﻠﻰ ﺭﺍﺳﻪ ﻭﺗﻘﺮﺍ ﻋﻠﻴﻪ ﻭﺍﺑﻮ ﺧﻠﻒ ﻛﺎﻟﻌﺎﺩﻩ ﻳﻬﺎﻭﺵ
ﻟﻜﻦ ﻗﺎﻝ ﺧﻠﻒ ﺑﺘﻌﺐ : ﺧﻼﺹ ﻳﺎ ﻳﺒﻪ ... ﺍﻧﺎ ﻟﻮ ﺍﺩﺭﻱ .. ﺍﻧﻲ ﺑﺘﻌﺐ .. ﻭﺍﺗﻌﺒﻜﻢ ﻣﻌﻲ ....
ﻛﺎﻥ ﻣﺖ ﻭﺭﻳﺤﺘﻜﻢ
ﺍﻡ ﺧﻠﻒ : ﺑﺴﻢ ﺍﻟﻠﻪ ﻋﻠﻴﻚ ﻳﻤﻪ ﻻ ﺗﻘﻮﻝ ﻛﺬﺍ
ﺟﻠﺲ ﺍﺑﻮ ﺧﻠﻒ ﺑﻀﻴﻖ : ﻳﺎ ﺍﺑﻮﻙ ﺍﻧﺎ ﻣﺎ ﺍﻗﻮﻝ ﻛﺬﺍ ﻋﺸﺎﻥ ﺗﺰﻋﻞ ﻭﺗﻌﺼﺐ ﺑﺲ ﺍﻧﺎ ﺍﺧﺎﻑ
ﻋﻠﻴﻚ ﻟﻮ ﻻ ﺳﻤﺢ ﺍﻟﻠﻪ ﻣﺎﻛﺎﻥ ﺍﺑﻮﻱ ﻓﻴﻪ ﻭﻻ ﻣﻤﺪﻭﺡ ﻛﺎﻥ ﺻﺎﺭ ﻟﻚ ﺷﻲ
ﻋﻘﺎﺏ: ﺧﻼﺹ ﻳﺎ ﻋﻤﻲ ﻫﺎﻧﺖ ﺍﻥ ﺷﺎﺀ ﺍﻟﻠﻪ ﺑﻴﻨﺘﻈﻢ ﻓﻴﻪ
ﺳﻜﺘﻮﺍ ﺍﻭﻝ ﻣﺎ ﺑﺎﻥ ﻋﻠﻰ ﺧﻠﻒ ﺍﻟﻀﻴﻖ ﻭﻣﺎﺣﺒﻮﺍ ﻳﺘﻌﺒﻮﻧﻪ ﺍﻛﺜﺮ
._______________________
ﻣﺮﺕ ﺍﻳﺎﻡ ﺍﻻﺳﺒﻮﻋﻴﻦ ﺳﺮﻳﻌﻪ
ﺻﺢ ﻓﻴﻬﺎ ﻛﺎﻥ ﺧﻠﻒ ﺗﻌﺒﺎﻥ ﻭﺍﻏﻠﺐ ﻭﻗﺘﻪ ﺑﺎﻟﺒﻴﺖ ﻟﻜﻦ ﻳﻄﻠﻊ ﻧﺺ ﺳﺎﻋﻪ ﺑﺲ ﻳﻘﺎﺑﻞ ﻧﺎﺩﺭ
ﻭﻳﺮﺟﻊ ﻟﻜﻦ ﻫﺎﻻﺳﺒﻮﻋﻴﻦ ﺍﻟﻠﻲ ﺍﺑﻌﺪﺗﻪ ﻋﻦ ﺍﻟﺴﻮﻕ ﻭﺍﻻﺯﻋﺎﺝ ﻭﺍﻟﻀﺠﻪ ﻭﺍﻟﺠﻬﺪ
ﻓﺘﺤﺖ ﻓﻲ ﻗﻠﺒﻪ ﺍﻛﺜﺮ ﻣﻦ ﺑﺎﺏ ﻭﻓﻲ ﻋﻘﻠﻪ ﺍﻛﺜﺮ ﻣﻦ ﻓﻜﺮﻩ ﺑﺪﺍ ﻓﻌﻠﻴﺎً ﻳﺸﻮﻑ ﺟﺎﻧﺐ ﺍﻧﻪ
ﻣﺎﻳﺒﻲ ﻳﺘﺰﻭﺝ ﻭﻫﻮ ﺗﻌﺒﺎﻥ ﻭﻻ ﻳﺒﻲ ﻳﺮﺗﺒﻂ ﺑﺴﺤﺮ ﻛﺎﻥ ﻳﻔﻜﺮ ﻛﻴﻒ ﺑﻴﺮﺗﺐ ﺍﻣﻮﺭﻩ ﺑﺪﻭﻥ ﻣﺎ
ﻳﺠﺮﺡ ﺳﺤﺮ
ﻟﻜﻦ ﺗﺄﻛﺪ ﺍﻥ ﻟﻴﻠﻰ ﺻﺎﺭﺕ ﺟﺰﺀ ﻻ ﻳﺘﺠﺰﺃ ﻣﻦ ﺗﻔﻜﻴﺮﻩ ﻭﻻﺯﻡ ﻳﺤﻞ ﺳﺎﻟﻔﺘﻪ ﻣﻌﻬﺎ ﻳﺎ ﺍﻧﻪ
ﻳﻨﺴﺎﻫﺎ ﺍﻭ ﻳﺸﻮﻑ ﻟﻪ ﻃﺮﻳﻘﻪ ...
ﻋﻘﺎﺏ ﺍﻟﻠﻲ ﺭﺳﺖ ﻓﻜﺮﺗﻪ ﻋﻠﻰ ﻗﻮﺍﻋﺪ ﻣﺎ ﻳﺨﺴﺮ ﻓﻴﻬﺎ ﺍﺑﺪ ﺑﻴﻜﻮﻥ ﻓﻲ ﻛﻞ ﺍﻟﺤﺎﻟﺘﻴﻦ ﻓﺎﻳﺰ
ﻟﻜﻦ ﻳﺒﻲ ﺍﻟﻮﻗﺖ ﺍﻟﻤﻨﺎﺳﺐ ﻳﺠﻲ ﻭﻳﻨﻔﺬﻫﺎ ... ﺍﻣﺎ ﻧﺎﺩﺭ ﺍﻟﻠﻲ ﺭﺍﺣﺖ ﺍﻳﺎﻣﻪ ﻳﺮﻛﺾ ﻭﻫﻮ
ﻓﺮﺣﺎﻥ ﻣﻦ ﻓﺮﺣﺔ ﺍﻣﻪ ﻭﺍﻫﻠﻪ ﻭﺻﺢ ﺿﺎﻳﻖ ﻋﻠﻰ ﺧﻠﻒ ﻭﺍﻧﻪ ﺍﺣﺘﻤﺎﻝ ﻣﺎﻳﺤﻀﺮ ﺯﻭﺍﺟﻪ ﻟﻜﻦ
ﻣﺘﺄﻣﻞ ﺧﻴﻴﻴﺮ ﻓﻲ ﺯﻭﺍﺟﻪ
...
ﺑﺎﻟﻨﺴﺒﻪ ﻟﻀﺎﺭﻱ ﺍﻟﻠﻲ ﻣﻊ ﺍﻻﻳﺎﻡ ﺑﺪﺍ ﻳﻘﺮﺏ ﻣﻦ ﺧﻠﻒ ﻭﻧﺎﺩﺭ ﻭﺻﺎﺭ ﺍﻏﻠﺐ ﺍﻟﻴﻮﻭﻡ ﻳﻤﺮ ﻋﻠﻴﻬﻢ
ﻭﻫﻮ ﻣﺘﻮﻗﻊ ﺍﻧﻪ ﻋﻼﻗﺘﻪ ﻣﻬﻢ ﺑﺘﻜﻮﻥ ﺣﻠﻮﻩ .... ﺍﻣﺎ ﻟﻴﻠﻰ ﺍﻟﻠﻲ ﻃﻮﻝ ﻫﺎﻻﺳﺒﻮﻋﻴﻦ ﺗﺮﻭﺡ
ﻭﺗﺠﻲ ﻭﻫﻲ ﻣﺴﺘﻐﺮﺑﻪ ﺍﺧﺘﻔﺎﺀ ﺧﻠﻒ ﺍﻟﻠﻲ ﻓﺠﺄﻩ ﻣﺎﻋﺎﺩ ﻳﻨﺸﺎﻑ ﻟﻜﻦ ﺣﻤﺪﺕ ﺭﺑﻬﺎ ﺍﻧﻬﺎ
ﺍﻓﺘﻜﺖ ﻣﻨﻪ ﺑﺲ ﺍﻭﻝ ﻣﺎ ﻗﺎﻟﻬﻢ ﺍﺑﻮﻫﺎ ﻋﻦ ﺍﻟﻠﻲ ﺻﺎﺭ ﺧﺎﻓﺖ ﻭﻫﻲ ﻣﺎﺗﺪﺭﻱ ﻭﺵ ﻫﺎﻻﻧﺴﺎﻥ
ﺍﻟﻠﻲ ﻓﻲ ﺍﻏﻠﺐ ﺍﻭﻗﺎﺗﻪ ﻣﺮﻳﺾ .... ﻭﺍﻟﺒﺎﻗﻴﻦ ﻣﺴﺘﻤﺮﻩ ﺣﻴﺎﺗﻬﻢ ﺑﻬﺪﻭﺀ
._______________________
ﻳﻮﻡ ﺍﻟﺨﻤﻴﺲ ﻳﻮﻡ ﺯﻭﺍﺝ ﻧﺎﺩﺭ
ﺍﻟﻠﻲ ﻛﻞ ﺍﻟﺤﺎﺭﻩ ﻣﺠﺘﻤﻌﻴﻦ ﻟﻪ ﻭﺍﻟﻜﻞ ﻳﺴﺎﻋﺪ ﻭﺷﺎﺩ ﺣﻴﻠﻪ
ﻛﺎﻥ ﻓﻲ ﺣﻮﺵ ﻛﺒﻴﻴﻴﺮ ﺑﻄﺮﻑ ﺍﻟﺤﺎﺭﻩ ﻣﻌﺮﻭﻑ ﺍﻧﻪ ﻟﻠﺤﻔﻼﺕ ﻭﻫﻨﺎﻙ ﺍﻟﺤﺮﻳﻢ
ﺍﻣﺎ ﺍﻟﺮﺟﺎﻝ ﻳﻔﺮﺷﻮﻥ ﺯﻝ ﻓﻲ ﺍﻃﺮﺍﻑ ﺍﻟﺤﺎﺭﻩ ﻭﻳﺠﺘﻤﻌﻮﻥ ﻓﻴﻬﺎ
ﻛﺎﻥ ﺍﺑﻮ ﻧﻬﻴﺎﻥ ﻭﻋﻴﺎﻟﻪ ﺍﻭﻝ ﻣﺮﻩ ﻳﺤﻀﺮﻭﻥ ﻋﺮﺱ ﺑﺎﻟﺤﺎﺭﻩ ﻭﻣﺒﺴﻮﻭﻃﻴﻦ ﻋﻠﻰ ﺍﺟﻮﺍﺀ ﻣﺎ
ﻗﺒﻞ ﺍﻟﻌﺮﺱ
._______________________
ﻓﻲ ﺑﻴﺖ ﺍﺑﻮ ﺧﻠﻒ
ﻛﺎﻧﻮﺍ ﺍﻟﻜﻞ ﻣﺴﺘﻌﺪﻳﻦ ﻭﻫﻢ ﺑﺎﻟﻘﻮﻩ ﺍﻗﻨﻌﻮﺍ ﺍﺑﻮ ﺧﻠﻒ ﻳﺤﻀﺮ ﺍﻟﻌﺮﺱ ﻭﻳﺨﻠﻴﻬﻢ ﻳﺤﻀﺮﻭﻥ
ﻭﻗﻒ ﺧﻠﻒ ﻳﻌﺪﻝ ﺷﻤﺎﻏﻪ ﻭﻟﻒ ﻋﻠﻰ ﺻﻮﺕ ﺍﺑﻮﻩ : ﺍﺳﻤﻊ ﻳﺎ ﺧﻠﻒ ﺍﻟﻠﺒﺲ ﺍﻟﻜﻤﺎﻡ ﺍﺣﺴﻦ
ﻋﺸﺎﻥ ﻣﺎﺗﺘﻌﺐ
ﺍﻡ ﺧﻠﻒ : ﺍﻳﻪ ﻳﺎﺣﺒﻴﺒﻲ ﻋﺸﺎﻧﻲ
ﻛﺎﻧﺖ ﺣﻨﺎﻥ ﻭﺍﻗﻔﻪ ﺟﻨﺒﻪ ﻣﻌﻬﺎ ﺍﻟﻜﻤﺎﻡ ﻭﺍﺧﺬﻩ ﺧﻠﻒ ﺑﻀﻴﻖ ﻭﻫﻮ ﻳﻠﺒﺴﻪ
ﻏﻴﺚ : ﺍﻧﺎ ﺑﻌﺪ ﺍﺑﻲ ﺯﻱ ﺧﻠﻒ
ﺍﻡ ﻭﻋﺪ : ﻫﺬﺍ ﻣﺎﻫﻮ ﻟﻠﻌﺐ ﺍﺧﻠﺺ ﺍﻟﻠﺒﺲ ﺷﻤﺎﻏﻚ
ﻓﻴﺼﻞ : ﺗﻌﺒﺖ ﺗﻌﺒﺖ ﻭﺍﻧﺎ ﺍﺷﺨﺺ ﻟﻪ
ﺍﺑﻮ ﺧﻠﻒ : ﺧﻠﺼﻮﺍ ﻳﺎ ﺩﻭﺏ ﻧﻠﺤﻖ
ﺑﺪﻭﺍ ﻳﻄﻠﻌﻮﻥ ﻛﻠﻬﻢ ﻭﻗﺮﺑﺖ ﻭﻋﺪ ﻟﺨﻠﻒ : ﻭﺵ ﻓﻴﻚ ﺿﺎﻳﻖ
ﺧﻠﻒ : ﻣﻠﻴﺖ ﻣﻦ ﻫﺎﻟﺰﻓﺖ ﺍﻟﻠﻲ ﻋﻠﻰ ﻭﺟﻬﻲ 24 ﺳﺎﻋﻪ
ﻭﻋﺪ : ﻭﺵ ﺑﺘﺴﻮﻱ ﻳﻌﻨﻲ ! ؟ ﻫﺬﺍ ﺍﺭﺣﻢ ﻣﻦ ﺍﻧﻚ ﺗﺘﻌﺐ ﻭﺍﺑﻮﻱ ﻳﺤﻠﻒ ﺍﻧﻚ ﻣﺎ ﺗﺮﻭﺡ ﺯﻭﺍﺝ
ﺻﺎﺣﺒﻚ
ﺧﻠﻒ : ﺍﺍﻩ ﺑﺲ
ﻭﻋﺪ : ﻫﻮﻧﻬﺎ ﻭﺗﻬﻮﻥ
ﺧﻠﻒ : ﻳﻼ ﻳﻼ
!._______________________
ﻓﻲ ﺑﻴﺖ ﺍﺑﻮ ﻧﺎﺩﺭ
ﻛﺎﻥ ﻧﺎﺩﺭ ﻳﺠﻬﺰ ﻭﻫﻮ ﺿﺎﻳﻖ ﺻﺪﺭﻩ ﻻﻥ ﺍﻣﻪ ﻭﺍﺑﻮﻩ ﺑﻴﺴﺎﻓﺮﻭﻥ
ﻟﻜﻦ ﻣﺒﺴﻮﻭﻭﻁ ﺑﻴﻮﻡ ﺯﻭﺍﺟﻪ ﻭﻫﻮ ﻳﻨﺘﻈﺮ ﻣﺘﻰ ﺗﺠﻲ ﺧﺎﻟﺘﻪ ﻭﺍﻟﻌﺮﻭﺱ ﺍﻟﻤﻨﺘﻈﺮﻩ ﻛﺎﻥ ﻳﻠﺒﺲ
ﻭﻫﻮ ﻳﺴﻤﻊ ﺍﻟﺰﻏﺎﺭﻳﻂ ﻭﺍﺻﻮﺍﺕ ﺍﻟﺮﺟﺎﻝ ﺑﺮﺍ ﻭﻗﻠﺒﻪ ﻳﺪﻕ ﺑﻔﺮﺡ ﺷﺪ ﻋﻠﻰ ﻳﺪﻩ ﻭﻫﻮ ﻳﺪﻋﻲ
‏( ﻳﺎﺍﺍﺍﺍﺭﺑﻲ ﻳﺎﺭﺑﻲ ﺍﻧﻚ ﺗﻮﻓﻘﻨﻲ ﻭﺍﻟﻠﻪ ﻣﺪﺭﻱ ﻟﻴﻪ ﺧﺎﻳﻒ ﻳﺎﺭﺏ ﺗﺴﻬﻞ ‏)
._______________________
ﺑﺪﺍ ﺍﻟﺤﻀﻮﺭ ﻳﻜﺘﻤﻞ ﻭﺍﻟﻨﺎﺱ ﻣﺒﺴﻮﻃﻴﻴﻦ
ﻭﻓﻲ ﻗﺴﻢ ﺍﻟﺮﺟﺎﻝ ﻣﺎ ﺻﺪﻕ ﻧﺎﺩﺭ ﻳﺸﻮﻑ ﺍﺑﻮ ﺷﻮﻕ ﻭﺻﻞ ﺑﺎﻟﺴﻼﻣﻪ ﻭﺍﺧﺬ ﻧﻔﺲ
ﻟﻜﻦ ﺷﺎﻑ ﺿﺎﺭﻱ ﻣﻘﺒﻞ ﻋﻠﻴﻪ ﻭﻫﻮ ﻣﺸﻤﺮ ﺍﻛﻤﺎﻣﻪ ﻭﻣﻌﻪ ﺍﻟﺪﻟﻪ ﻭﻫﻮ ﻳﺼﺐ ﻟﻪ ﻗﻬﻮﻩ : ﺗﻘﻬﻮﻭ
ﻳﺎ ﻋﺮﻳﺲ
ﻧﺎﺩﺭ: ﺗﻜﻔﻰ ﻳﺎ ﺿﺎﺭﻱ ﻣﺎﻋﺎﺩ ﺍﺑﻲ ﺧﻼﺹ ﻃﻔﺤﺖ
ﺿﺎﺭﻱ : ﻭﺵ ﻓﻴﻴﻚ ﺧﺎﻳﻒ ﻭﻣﺘﻮﺗﺮ ﺍﻟﺨﻮﻑ ﻟﻠﺤﺮﻳﻢ ﺗﻘﻬﻮﻭ ﻭﻋﻴﻦ ﻣﻦ ﺍﻟﻠﻪ ﺧﻴﺮ
ﺍﺑﺘﺴﻢ ﺧﻠﻒ ﺍﻟﻠﻲ ﺟﺎﻟﺲ ﺑﺠﻨﺐ ﻧﺎﺩﺭ : ﺧﻠﻪ ﻳﺎ ﺿﺎﺭﻱ ﺍﻟﺮﺟﺎﻝ ﻓﻲ ﻋﺎﻟﻢ ﺛﺎﻧﻲ
ﺿﺤﻚ ﺿﺎﺭﻱ : ﺍﻓﺎ ﻭﺍﻧﺎ ﺍﺣﺴﺒﻚ ﻛﻔﻮﻭ ﻭﻳﻨﺸﺪ ﺑﻚ ﺍﻟﻈﻬﺮ ﺑﺲ ﻳﺎ ﺣﺴﺎﻓﻪ
ﻧﺎﺩﺭ: ﻣﺐ ﻭﻗﺖ ﺷﺪﺕ ﺍﻟﻈﻬﺮ ﺟﺮﺑﻨﻲ ﻓﻲ ﻭﻗﺖ ﺛﺎﻧﻲ
ﺗﻜﺘﻒ ﻋﻘﺎﺏ ﻭﻫﻮ ﻳﻬﻤﺲ ﻟﺨﻠﻒ : ﺍﻧﺖ ﻣﻦ ﻭﻳﻦ ﻃﺎﻳﺢ ﻋﻠﻰ ﻫﺎﻟﻤﺮﻳﺾ ﺗﺮﺍﻩ ﺣﻮﻡ ﻛﺒﺪﻱ
ﺧﻠﻒ : ﻻ ﺣﻮﻝ ﺍﻟﻠﻪ ﻳﺎ ﻋﻘﺎﺏ ﻭﺵ ﻓﻴﻚ ﻛﺎﺭﻫﻪ ﻭﻣﺴﺘﻘﻌﺪ ﻟﻪ ﻭﺍﻟﻠﻪ ﺍﻧﻪ ﺍﺑﻦ ﺣﻼﻝ ﻭﻃﻴﺐ
ﻋﻘﺎﺏ: ﺍﻧﺎ ﻣﺎ ﺣﺒﻴﺘﻪ ﻳﺎﺧﻲ ﻣﻄﻔﻮﻕ ﻭﺧﺒﻞ
ﺧﻠﻒ : ﺗﻜﻔﻰ ﻳﺎ ﺷﻴﺦ ﻓﻜﻨﺎ ﻣﻦ ﻫﺎﻟﻜﻼﻡ ﺍﻟﻠﻲ ﻣﺎﻟﻪ ﺩﺍﻋﻲ ﻣﺎ ﺣﺒﻴﺘﻪ ﻻ ﺗﻜﻠﻤﻪ ﻭﻻ ﻳﻜﻠﻤﻚ
ﻭﺭﻳﺤﻨﺎ
ﻋﻘﺎﺏ : ﺍﻧﺘﻢ ﺍﺑﺨﺺ ﺑﺲ ﺍﻧﺎ ﻭﻳﺎﻩ ﻻ ﺗﺠﻤﻌﻮﻧﺎ ﻓﻲ ﻣﻜﺎﻥ
ﺻﺪ ﺧﻠﻒ ﻭﻫﻮ ﻳﺸﻮﻑ ﺍﻟﻨﺎﺱ ﺗﺮﻗﺺ ﺍﻟﻌﺮﺿﻪ ﻭﺍﻟﺤﻤﺎﺱ ﻭﺍﺑﺘﺴﻢ ﻟﻀﺎﺭﻱ ﻟﻠﻲ ﺳﺎﻋﻪ ﻳﺼﺐ
ﻗﻬﻮﻩ ﻭﺳﺎﻋﻪ ﻳﺮﻗﺺ ﻭﻛﺄﻥ ﺍﻟﺤﻔﻞ ﺣﻔﻞ ﺍﺣﺪ ﻳﻘﺮﺏ ﻟﻪ ﺍﻭ ﻣﻦ ﺍﻫﻠﻪ
._______________________
ﻭﻓﻲ ﻗﺴﻢ ﺍﻟﺤﺮﻳﻢ
ﻛﺎﻥ ﺧﻠﻒ ﻭﻋﻘﺎﺏ ﻣﻮﺻﻴﻦ ﺍﻟﺒﻨﺎﺕ ﻳﻮﻗﻔﻮﻥ ﻣﻊ ﺍﻡ ﻧﺎﺩﺭ ﻭﻻ ﻳﺨﻠﻮﻧﻬﺎ ﻟﺤﺎﻟﻬﺎ ﻭﻻ ﻳﻄﻠﻌﻮﻥ
ﺍﻻ ﻛﻞ ﺷﻲ ﻧﻈﻴﻒ
ﻭﺍﺑﺘﺴﻤﺖ ﻟﻴﻠﻰ ﺑﺎﺳﺘﻐﺮﺍﺏ ﻭﻫﻲ ﺗﺸﻮﻓﻬﻢ ﺷﺎﻳﻠﻴﻦ ﺍﻟﻌﺮﺱ
ﻟﻴﻠﻰ : ﺍﻗﻮﻝ ﻋﻬﺪﺩ ﻳﻘﺮﺏ ﻟﻜﻢ ﺍﻟﻤﻌﺮﺱ
ﻋﻬﺪ : ﻻ ﻟﻴﺶ ! ؟
ﻟﻴﻠﻰ : ﻻ ﺑﺲ ﺍﺷﻮﻓﻜﻢ ﻣﺎﺷﺎﺀ ﺍﻟﻠﻪ ﺷﺎﻳﻠﻴﻦ ﺍﻟﻌﺮﺱ ﻭﺍﻡ ﺍﻟﻤﻌﺮﺱ
ﻣﻀﺎﻭﻱ ﺑﺒﺘﺴﺎﻣﻪ: ﻃﺎﻝ ﻋﻤﺮﻙ ﻋﺸﺎﻧﻚ ﻣﺎﺗﻌﺮﻓﻴﻦ ﻭﺵ ﻳﻨﺘﻈﺮ ﺑﺎﻟﺒﻴﺖ ﻟﻮ ﻣﺎ ﻭﻗﻔﻨﺎ ﻣﻌﻬﻢ
ﺑﺎﻟﻌﺮﺱ
ﺍﻣﺎﻧﻲ : ﺧﻠﻒ ﺍﺧﻮﻱ ﻭﻋﻘﺎﺏ ﻭﻟﺪ ﻋﻤﻲ ﺍﺻﺤﺎﺏ ﻧﺎﺩﺭ ﻣﻦ ﻋﻤﺮ ﻭﻣﻦ ﻳﻮﻭﻭﻡ ﺍﻋﻠﻦ ﺯﻭﺍﺟﻪ
ﻭﻫﻢ ﻛﻞ ﻳﻮﻡ ﻳﻮﺻﻮﻥ ﺳﺎﻋﺪﻭ ﺍﻡ ﻧﺎﺩﺭ ﻭﻻ ﺗﻘﺼﺮﻭﻥ ﻣﻌﻬﺎ
ﺷﻴﺨﻪ: ﻣﺎﺷﺎﺀ ﺍﻟﻠﻪ ﻋﻠﻰ ﺻﺪﺍﻗﺘﻬﻢ
ﻧﺪﻯ ﺑﻬﻤﺲ ﻟﻮﻋﺪ : ﻟﻮ ﺗﺪﺭﻱ ﻭﺵ ﻳﺼﻴﺮ ﻓﻲ ﺫﺍ ﺍﻟﺼﺪﺍﻗﻪ ﻣﻦ ﺍﺑﻮﻱ ﻭﺟﺪﻱ ﺑﺲ
ﻭﻋﺪ : ﺍﻟﻠﻪ ﻳﻌﻴﻨﻬﻢ ﺑﺲ ﻭﺯﻳﻦ ﺍﺑﻮﻱ ﺭﺿﺎ ﻧﺤﻀﺮ
ﻟﻴﻠﻰ : ﻃﻴﺐ ﻭﻳﻨﻬﺎ ﺍﻟﻌﺮﻭﺱ
ﺳﺤﺮ : ﻓﻲ ﺍﻟﺒﻴﺖ
ﻟﻴﻠﻰ : ﺷﺤﻘﻪ ﻣﺎ ﺗﻄﻠﻊ ﻟﻨﺎﺱ ! ؟
ﻭﻋﺪ : ﻋﻨﺪﻧﺎ ﺍﻻﻏﻠﺐ ﻣﺎﻳﻄﻠﻌﻮﻥ ﺍﻟﻌﺮﻭﺱ ﻳﻌﻨﻲ ﺗﺠﻠﺲ ﺑﺒﻴﺘﻬﺎ ﻟﻴﻦ ﻳﺠﻲ ﻋﺮﻳﺴﻬﺎ
ﻟﻴﻠﻰ : ﻳﻴﻴﻴﻤﻪ ﻟﻴﻴﻴﺶ !
ﻧﺪﻯ: ﻋﺎﺩﺍﺕ ﻭﺗﻘﺎﻟﻴﺪ
ﻫﻴﺎ: ﺑﻨﺎﺕ ﻭﻳﻨﻜﻢ ﻳﻼ ﺳﺎﻋﺪﻭﻧﺎ
ﻓﺰﻭﺍ ﺍﻟﺒﻨﺎﺕ ﻭﻭﻗﻔﺖ ﻟﻴﻠﻰ ﻣﻌﻬﻢ
ﻣﻀﺎﻭﻱ : ﻭﻳﻦ ﺑﺘﺮﻭﺣﻴﻦ ﺍﻧﺘﻲ ! ؟
ﻟﻴﻠﻰ : ﺍﻧﺎ ﻣﺎ ﺍﻋﺮﻑ ﻫﻨﻴﻪ ﺍﻻ ﺍﻧﺘﻢ ﻭﻣﺎﺑﻲ ﺍﻗﻌﺪ ﭼﺬﻳﻪ ﺑﻘﻮﻡ ﻭﻳﺎﻛﻢ
ﻣﻀﺎﻭﻱ : ﻳﺎﻟﺒﻴﻴﻪ ﻳﺎﻟﻔﺰﻋﻪ ﻗﻮﻣﻲ ﺟﻌﻞ ﻣﺎﻳﻘﻮﻡ ﺍﻻ ﺍﻧﺘﻲ
ﻭﻋﺪ : ﻓﺸﻠﺘﻴﻴﻴﻨﺎ
ﺿﺤﻜﺖ ﻟﻴﻠﻰ : ﺷﺤﻘﻪ ﺗﻔﺸﻠﻜﻢ ﻋﺎﺩﻱ ﺇﺣﻨﺎ ﺻﺮﻧﺎ ﺭﻓﻴﭽﺎﺕ
ﺍﻣﺎﻧﻲ: ﺣﺒﻴﺒﺘﻲ ﺍﺣﻠﻰ ﺭﻓﻴﭽﻪ ﻭﺍﻟﻠﻪ
ﺍﻧﻄﻠﻘﻮﺍ ﻳﺴﺎﻋﺪﻭﻥ ﻭﻳﺮﻗﺼﻮﻥ ﻭﻣﺴﺘﺎﻧﺴﻴﻴﻴﻦ
._______________________
ﻭﺍﺳﺘﻤﺮ ﺍﻟﺰﻭﺍﺝ ﻭﺍﻟﻜﻞ ﻣﺒﺴﻮﻃﻴﻦ
ﻭﺍﺧﻴﺮﺍً ﺻﺎﺭ ﻭﻗﺖ ﺯﻓﺔ ﻧﺎﺩﺭ ﻭﺗﺠﻤﻌﻮﺍ ﺍﻟﺸﺒﺎﺏ ﺣﻮﻟﻪ ﻭﻫﻢ ﻳﻐﻨﻮﻥ ﻟﻪ ﻭﻳﺼﻔﻘﻮﻥ ﻟﻪ
ﻭﻳﺰﻓﻮﻧﻪ ﻭﻳﺪﻋﻮﻥ ﻟﻪ ﻭﺍﺑﻮ ﺷﻮﻕ ﻭﺍﻗﻒ ﺟﻨﺒﻪ ﻭﺍﺑﻮﻩ ﺟﻨﺒﻪ
ﻭﺩﻋﻮﻩ ﻭﺩﺧﻞ ﺑﻌﺪ ﻣﺎ ﺍﺑﻮ ﺷﻮﻕ ﻭﺻﺎﻩ ﻋﻠﻴﻬﺎ ﻭﺣﺮﺹ ﻋﻠﻴﻪ ﻭ ﻭﻃﻠﻌﺖ ﺍﻣﻪ ﻭﻫﻲ ﺗﺤﻀﻨﻪ
ﻭﺗﺒﻜﻲ ﻭﺗﻮﺩﻋﻪ ﻭﺗﻮﺻﻴﻪ ﻋﻠﻰ ﺷﻮﻕ ﻭﺧﺎﻟﺘﻪ
ﻛﺎﻥ ﻧﺎﺩﺭ ﻓﻲ ﻗﻠﺒﻪ ﺷﻌﻮﺭ ﻓﺮﺡ ﻭﺧﻮﻑ ﺍﺧﻴﺮﺍً ﻃﻠﻌﻮﺍ ﻣﻦ ﺍﻟﺒﻴﺖ ﻭﺳﻜﺮ ﺍﻟﺒﺎﺏ ﻭﻫﻮ ﻭﺍﻗﻒ
ﻟﻠﺤﻴﻦ ﻣﺎﺷﺎﻑ ﺷﻮﻕ ﻭﻟﻠﺤﻴﻦ ﻣﺎ ﻳﺪﺭﻱ ﻛﻴﻒ ﻫﻲ ﺍﻟﻌﺮﻭﺱ ﻋﺪﻝ ﺑﺸﺘﻪ ﻭﺍﺑﺘﺴﻢ ﻭﺩﺧﻞ :
ﺍﻟﺴﻼﻡ ﻋﻠﻴﻜﻢ
ﻣﺎﺳﻤﻊ ﺻﻮﺕ ﻭﺭﻓﻊ ﺭﺍﺳﻪ ﻟﻜﻦ ﺍﻧﺼﺪﻡ ﻭﺍﺧﺘﻔﺖ ﺍﺑﺘﺴﺎﻣﺘﻪ ﺷﻮﻱ ﺷﻮﻱ ﺷﻮﻱ ﻟﻴﻦ ﺍﺭﺗﺴﻤﺖ
ﺍﻟﺼﺪﻣﻪ ﻋﻠﻰ ﻭﺟﻬﻪ ﻭﺍﺧﺬﺕ ﺣﻘﻬﺎ ﺍﻟﻜﺎﻓﻲ ﻓﻲ ﻣﻼﻣﺤﻪ ﻣﺪ ﻳﺪﻩ ﻳﻤﺴﺢ ﻋﻴﻮﻧﻪ ﻟﻜﻦ ﺍﻟﻨﺘﻴﺠﻪ
ﻭﺣﺪﻩ
ﻻ ﺷﻌﻮﺭﻳﺎً ﻗﺎﻝ : ﺷﻮﻭﻭﻕ ! ؟؟؟
ﻃﻠﻊ ﺻﻮﺕ ﻫﻤﺲ ﺑﺴﻴﻂ ﻣﻦ ﺷﻮﻕ ﻭﺧﺎﻳﻒ ﻭﻗﺎﻟﺖ: ﺳﻢ
ﻋﺠﺰ ﻳﻨﻄﻖ ﺣﺮﻑ ﺯﻳﺎﺩﻩ ﻭﻫﻮ ﻳﻨﺎﻇﺮﻫﺎ ﻭﻫﻲ ﻭﺍﻗﻔﻪ ﻭﻳﻨﺎﻇﺮ ﻧﻔﺴﻪ ﻛﺎﻥ ﺍﻟﻔﺮﻕ ﺑﻴﻨﻬﻢ
ﻭﺍﺿﺢ
ﻛﺎﻧﺖ ﺻﻐﻴﻴﻴﺮﻩ ﺻﻐﻴﻴﻴﻴﺮﻩ ﺻﻐﻴﻴﺮﻩ ﻛﺎﻧﺖ ﻃﻔﻠﻪ ﻛﺎﻧﺖ ﺗﺮﺗﺠﻒ ﻣﺜﻞ ﺍﻟﺮﻳﺸﻪ
ﺭﻓﻊ ﻳﺪﻳﻨﻪ ﻳﺤﺎﻭﻝ ﻳﻬﺪﻳﻬﺎ ﻭﻟﻴﺘﻪ ﻣﺎ ﻗﺮﺏ ﺍﻭﻝ ﻣﺎ ﺣﻂ ﻳﺪﻩ ﻋﻠﻰ ﻛﺘﻔﻬﺎ ﺍﻧﻬﺎﺭﺕ ﺗﺒﻜﻲ
ﺗﻮﺭﻁ ﻧﺎﺩﺭ ﻭﺍﺑﻌﺪ ﻭﻫﻮ ﻣﺎﻳﺪﺭﻱ ﻭﺵ ﻳﻘﻮﻝ ﺍﺧﺬ ﻧﻔﺲ ﻭﻫﻮ ﻳﺮﻣﻲ ﺍﻟﺒﺸﺖ ﻋﻨﻪ ﻋﺸﺎﻥ
ﻳﻌﺮﻑ ﻳﺘﻔﺎﻫﻢ ﻣﻌﻬﺎ
ﻟﻜﻦ ﺷﻮﻕ ﻛﻞ ﻣﺎ ﻗﺮﺏ ﺗﺰﻳﺪ ﺑﻜﻰ ﻭﺧﻮﻑ ﺭﻓﻌﺖ ﺭﺍﺳﻬﺎ ﻭﻫﻲ ﺗﺒﻜﻲ : ﺗﻜﻔﻰ ﻻ ﺗﺴﻮﻱ ﻟﻲ
ﺷﻲ
ﺍﻧﺼﻌﻖ ﻧﺎﺩﺭ : ﻣﺎﻧﻲ ﻣﺴﻮﻱ ﻟﻚ ﺷﻲ ﺑﺲ ﺍﻫﺪﻱ ﺍﻫﺪﻱ ﻻ ﺗﺒﻜﻴﻦ ﺍﻫﺪﻱ
ﺍﺑﻌﺪ ﺷﻮﻱ ﻭﻫﻮ ﻳﻬﺪﻳﻬﺎ ﻣﻦ ﺑﻌﻴﺪ ﻭﻫﻲ ﺑﺎﻟﻘﻮﻩ ﻟﻴﻦ ﻫﺪﺕ ﺟﻠﺲ ﻭﻫﻮ ﺣﺎﻁ ﻳﺪﻩ ﻋﻠﻰ ﺭﺍﺳﻪ
ﻳﻨﺎﻇﺮﻫﺎ ﻭﺗﻮﻩ ﺍﻟﺤﻴﻴﻴﻦ ﻳﻌﺮﻑ ﺳﺒﺐ ﻫﺎﻟﺰﻭﺍﺝ ﺍﻟﺴﺮﻳﻊ
ﺑﺲ ﻣﺬﻫﻮﻭﻝ ﻛﻴﻒ ﻳﺰﻭﺟﻮﻥ ﻃﻔﻠﻪ ﺻﻐﻴﺮﻩ ﻛﺎﻥ ﻳﻘﺪﺭ ﻋﻤﺮﻫﺎ ﻭﻫﻮ ﻳﻨﺎﻇﺮﻫﺎ ﻣﺎﻛﺎﻥ ﻳﻌﻄﻴﻬﺎ
ﻋﻤﺮ ﺍﺑﺪﺍً ﺍﻛﺒﺮ ﻣﻦ 15 ﺳﻨﻪ
ﺟﻠﺲ ﺑﺎﻟﺴﺎﻋﺎﺕ ﻳﺤﺎﻭﻝ ﻳﺴﻜﺘﻬﺎ ﺣﺰﻥ ﻋﻠﻴﻬﺎ ﻭﻫﻲ ﺗﺼﻴﺢ ﻭﺗﺒﻜﻲ ﺗﻜﺴﺮﺕ ﺿﻠﻮﻋﻬﺎ ﻣﻦ
ﺍﻟﺒﻜﻲ
ﻃﻠﻊ ﺑﺮﺍ ﻳﻤﻜﻦ ﺗﻬﺪﻯ ﻭﻗﻒ ﻳﻨﺎﻇﺮ ﺣﻮﻟﻪ ﺍﻟﺪﻧﻴﺎ ﻫﺪﻭﺀ ﻭﺍﻟﻨﺎﺱ ﺭﺍﺣﺖ ﻭﺍﻟﻮﻗﺖ ﺗﺄﺧﺮ ﻭﺍﻛﻴﺪ
ﺍﻣﻪ ﻭﺍﺑﻮﻩ ﺳﺎﻓﺮﻭﺍ ﻭﺧﺎﻟﺘﻪ ﺑﻌﺪ
ﻛﻠﻬﻢ ﺭﺍﺣﻮﺍ ﻭﺗﺮﻛﻮﻩ ﻣﻊ ﻫﺎﻟﻄﻔﻠﻪ ﺍﻟﻠﻲ ﻭﺭﺍﻩ ﺍﻟﻠﻲ ﺣﺘﻰ ﺍﻟﻤﻜﻴﺎﺝ ﻭﺍﻟﻔﺴﺘﺎﻥ ﻣﺎ ﺍﺧﻔﻰ
ﻃﻔﻮﻟﺘﻬﺎ ﻭﺿﻴﺎﻋﻬﺎ ﻭﺧﻮﻓﻬﺎ
._______________________
ﺑﻌﺪ ﺍﻟﺰﻭﺍﺝ
ﻛﻞ ﺍﻟﻨﺎﺱ ﻃﻠﻌﻮﺍ ﻋﺸﺎﻥ ﻳﺮﺟﻌﻮﻥ ﻭﻛﻞ ﻭﺍﺣﺪ ﻳﻨﺘﻈﺮ ﺍﻫﻠﻪ ﻋﻨﺪ ﺍﻟﺒﺎﺏ
ﻭﻛﺎﻥ ﺧﻠﻒ ﻭﻋﻘﺎﺏ ﻳﻨﺘﻈﺮﻭﻥ ﻭﺧﻠﻒ ﻭﺍﻗﻒ ﻭﻫﻮ ﻋﻠﻴﻪ ﺍﻟﻜﻤﺎﻡ
ﻭﺭﻓﻊ ﺳﺎﻋﺘﻪ ﻳﻨﺎﻇﺮ ﺍﻟﺴﺎﻋﻪ : ﻋﻘﺎﺏ ﺍﺳﻤﻊ ﻭﺻﻠﻬﻢ ﻭﺗﻌﺎﻝ ﻧﺒﻲ ﻧﺴﻬﺮ ﻓﻲ ﻣﻜﺎﻧﻨﺎ ﺍﻟﻤﻌﺘﺎﺩ
ﻋﻘﺎﺏ : ﺍﺻﺒﺮ ﻻ ﺗﺮﻭﺡ ﻟﺤﺎﻟﻚ
ﺧﻠﻒ : ﻻ ﺑﺮﻭﺡ ﻣﻊ ﺿﺎﺭﻱ
ﻋﻘﺎﺏ : ﺿﺎﺭﻱ ﺑﻌﺪ !
ﺧﻠﻒ : ﻣﺸﻬﺎ ﺍﻟﻠﻴﻠﻪ ﺗﻜﻔﻰ ﺗﺮﺍ ﻣﺎﺻﺪﻗﺖ ﺍﺑﻮﻱ ﻭﺍﻣﻲ ﻳﺨﻠﻮﻧﻲ ﺍﻟﻠﻴﻠﻪ
ﻋﻘﺎﺏ: ﻃﻴﺐ ﻃﻴﺐ
ﻃﻠﻊ ﺧﻠﻒ ﻳﻤﺸﻲ ﻋﻠﻰ ﻣﻬﻠﻪ ﻣﺘﺠﻬﻪ ﻻﺳﻔﻞ ﺍﻟﺤﺎﺭﻩ ﻭﻛﻌﺎﺩﺗﻪ ﻣﺎ ﻳﻨﺎﻇﺮ ﺣﻮﻟﻪ
ﻟﻜﻦ ﺍﻟﺼﺪﻣﻪ ﻛﺎﻧﺖ ﻟﻠﻴﻠﻰ ﺍﻟﻠﻲ ﺷﺎﻓﺘﻪ ﻳﻤﺸﻲ ﻭﻫﻮ ﺭﺍﻓﻊ ﺍﻃﺮﺍﻑ ﺷﻤﺎﻏﻪ ﻋﻠﻰ ﺭﺍﺳﻪ ﻭﻳﺒﺎﻥ
ﻭﺟﻬﻪ ﻭﺍﻟﻜﻤﺎﻡ ﺍﻟﻠﻲ ﻻﺑﺴﻪ ﻭﻧﻈﺎﺭﺗﻪ ﺍﻟﻄﺒﻴﻪ
ﺍﺳﺘﻐﺮﺑﺖ ﻫﺪﻭﺀﻩ ﻭﺍﻧﺸﻐﺎﻟﻪ ﻭﺗﻔﻜﻴﺮﻩ ﺑﺲ ﻧﺴﺒﺘﻪ ﻟﻠﻤﺮﺽ ﻭﻫﻲ ﺗﺸﻮﻑ ﻛﺘﻮﻓﻪ ﻧﺎﺯﻟﻪ ﻣﻦ
ﺍﻟﺘﻌﺐ ﻣﺎﻫﻮ ﻣﺜﻞ ﺍﻭﻝ ﻣﺮﻩ ﺷﺎﻓﺘﻪ
ﺩﺧﻠﺖ ﺑﻴﺘﻬﻢ ﻭﺭﻛﻀﺖ ﻟﻠﺴﻄﺢ ﻭﻫﻲ ﺗﻄﻞ ﻣﻦ ﻓﻮﻕ ﺷﺎﻓﺘﻪ ﺟﺎﻟﺲ ﻭﻳﻨﺘﻈﺮ ﻭﺑﻌﺪ ﺷﻮﻱ
ﺟﺎﺀ ﻭﺍﺣﺪ ﺛﺎﻧﻲ ﻭﺍﺧﺬﻩ ﻭﺭﺍﺣﻮﺍ ﻟﻨﻔﺲ ﺍﻟﻤﻜﺎﻥ ﺍﻟﻠﻲ ﻳﺠﻠﺴﻮﻥ
ﺭﻓﻌﺖ ﻛﺘﻔﻬﺎ ﺑﺎﺳﺘﻐﺮﺍﺏ: ﻭﺍﻟﻠﻪ ﻫﺎﻟﺨﻠﻒ ﻏﺮﻳﺐ
ﻧﺰﻟﺖ ﺗﺒﺪﻝ ﻭﻭﻗﻔﺖ ﻋﻠﻰ ﺻﻮﺕ ﺟﺎﺑﺮ: ﺍﻗﻮﻝ ﻟﻴﻠﻮﻩ ﺑﺘﻨﺎﻣﻴﻦ
ﻟﻴﻠﻰ : ﻻ ﺷﻔﻴﻚ
ﺟﺎﺑﺮ : ﺯﻳﻦ ﺟﻴﺒﻲ ﺍﻟﻌﻮﺩ ﻭﺗﻌﺎﻟﻲ ﺍﻟﺴﻄﺢ ﺧﺎﻃﺮﻱ ﺍﻧﻄﺮﺏ ﺍﻟﻠﻴﻠﻪ
ﺷﻴﺨﻪ: ﺧﻼﺹ ﻗﺎﺿﻴﻦ ﻣﺎﻓﻴﻜﻢ ﻃﺐ ! ؟ ﺗﻮﻛﻢ ﺭﺍﺩﻳﻦ ﻣﻦ ﻋﺮﺱ ﻣﺎﺷﺒﻌﺘﻮﺍ
ﻟﻴﻠﻰ : ﻣﺎ ﻭﺭﺍﻧﺎ ﺷﻲ ﻧﺒﻲ ﻧﺴﺘﺎﻧﺲ
ﺟﺎﺑﺮ: ﺧﻠﻴﻬﺎ ﺗﻮﻟﻲ ﺑﺲ ﺑﺪﻟﻲ ﻭﺗﻌﺎﻟﻲ
ﻟﻴﻠﻰ : ﻣﻦ ﻋﻴﻮﻧﻲ
._______________________
ﻭﻋﻨﺪ ﻧﺎﺩﺭ
ﺍﻟﻠﻲ ﺭﺟﻊ ﻟﻠﻐﺮﻓﻪ ﻭﺷﺎﻓﻬﺎ ﻣﺘﻜﻮﺭﻩ ﻋﻠﻰ ﻧﻔﺴﻬﺎ ﻭﻧﺎﻳﻤﻪ ﻭﻫﻲ ﺗﺘﻨﻬﺪ ﺿﺎﻕ ﺻﺪﺭﻩ ﻭﺿﺎﻗﺖ ﺑﻪ
ﺍﻟﻮﺳﻴﻌﻪ ﻭﻧﺰﻝ ﺍﻏﺮﺍﺿﻪ ﻭﺳﻜﺮ ﺍﻟﻨﻮﺭ ﻭﻟﺤﻔﻬﺎ ﻭﻃﻠﻊ ﻭﻫﻮ ﺷﺎﻳﻞ ﻫﻢ ﻣﺎﻳﺪﺭﻱ ﻭﻳﻦ ﻳﺮﻭﺡ
ﺑﺲ ﻣﺎﻳﺒﻲ ﻳﺠﻠﺲ ﻳﺮﺍﻗﺒﻬﺎ ﻭﻳﻨﻘﻬﺮ
ﺍﺧﺬ ﻃﺮﻳﻘﻪ ﻟﻠﻤﻜﺎﻥ ﺍﻟﻤﻌﺘﺎﺩ ﻭﻭﻗﻒ ﻭﻫﻮ ﻳﺸﻮﻑ ﺿﺎﺭﻱ ﻳﺴﻮﻟﻒ ﻭﻋﻘﺎﺏ ﻣﺘﻜﻲ ﻭﻫﻮ
ﻳﺘﻘﻬﻮﻯ ﻭﻳﺘﻬﺎﻭﺵ ﻣﻊ ﺿﺎﺭﻱ ﺍﻟﻠﻲ ﺑﻌﺪ ﻣﺎ ﺣﺐ ﻋﻘﺎﺏ ﻭﻻ ﻋﻘﺎﺏ ﺣﺒﻪ
ﺍﻣﺎ ﺧﻠﻒ ﻣﻨﺴﺪﺡ ﻭﻫﻮ ﺳﺎﻋﻪ ﻣﻌﻬﻢ ﻭﻋﺸﺮ ﺳﺮﺣﺎﻥ ﻟﻜﻦ ﻓﺰ ﻋﻘﺎﺏ : ﻧﺎﺍﺍﺩﺭ
ﺍﻟﺘﻔﺖ ﺿﺎﺭﻱ : ﺍﻓﺎﺍ ﺍﻟﻤﻌﺮﺱ ﻭﺵ ﻓﻴﻪ ﻫﺞ ﻗﺎﻳﻠﻚ ﻣﺎﻳﻨﺸﺪ ﻓﻴﻚ ﺍﻟﻈﻬﺮ
ﺧﻠﻒ ﺑﻀﺤﻚ : ﻧﺎﺩﺭ ﻟﻬﺪﺭﺟﻪ ﻣﻴﺖ ﻋﻠﻴﻨﺎ
ﺩﺧﻞ ﻧﺎﺩﺭ ﺑﻮﺟﻬﻪ ﺑﺎﺭﺩ ﻭﻣﺨﻄﻮﻑ ﻟﻮﻧﻪ ﻭﺟﻠﺲ
ﻭﺧﺎﻓﻮﺍ ﻣﻦ ﻭﺟﻬﻪ ﻭﻗﺮﺑﻮﺍ : ﻧﺎﺩﺭ ﻭﺵ ﻓﻴﻚ
ﺧﻠﻒ : ﺍﻣﻚ ﻭﺍﺑﻮﻙ ﻓﻴﻬﻢ ﺷﻲ
ﻫﺰ ﺭﺍﺳﻪ ﻧﺎﺩﺭ : ﻻ
ﻋﻘﺎﺏ : ﺍﺟﻞ ﻭﺵ ﻣﺨﻠﻴﻚ ﺗﺘﺮﻙ ﻋﺮﻭﺳﻚ ﻭﺗﺠﻲ
ﺿﺎﺭﻱ ﺑﻀﺤﻚ : ﺫﻳﻲ ﻋﺮﻭﺱ ﻋﺮﻭﺱ ﻣﺎ ﺗﻨﺘﺨﻠﻰ
ﻧﺎﺩﺭ: ﺍﻱ ﻋﺮﻭﺱ ﻭﺍﻱ ﺑﻄﻴﺦ
ﺧﻠﻒ : ﻧﺎﺩﺭ ﻻ ﺗﺨﻮﻓﻨﺎ ﻗﻞ ﻭﺵ ﺑﻼﻙ
ﻧﺎﺩﺭ ﺳﻜﺖ ﻭﻫﻮ ﻣﺎﻳﺪﺭﻱ ﻭﺵ ﻳﻘﻮﻝ ﻭﺍﻟﻌﻴﺎﻝ ﻳﻨﺎﻇﺮﻭﻥ ﺑﻌﺾ ﺑﻬﺪﻭﺀ
ﻧﺎﺩﺭ ﺑﺼﻮﺕ ﻣﻨﺬﻫﻞ : ﺍﻟﻌﺮﻭﺱ ﺍﻟﻤﺰﻋﻮﻣﻪ ﻃﻠﻌﺖ ﻃﻔﻠﻪ
ﺍﻟﻜﻞ : ﻫﺎﺍﺍﻩ
ﺧﻠﻒ : ﺷﻠﻮﻥ ﻳﻌﻨﻲ ﻃﻔﻠﻪ
ﺿﺎﺭﻱ : ﺧﺒﻞ ﺍﻧﺖ ﻛﻴﻒ ﻃﻔﻠﻪ
ﻧﺎﺩﺭ: ﺍﻗﻮﻟﻜﻢ ﻃﻔﻠﻪ ﺗﻌﺮﻓﻮﻥ ﻛﻴﻒ ﻃﻔﻠﻪ !
ﻋﻘﺎﺏ : ﻳﺎﺣﺒﻚ ﻟﻠﻤﺒﺎﻟﻐﻪ ﻳﺎ ﻧﺎﺩﺭ ﺷﻠﻮﻥ ﻃﻔﻠﻪ ﻭﺍﺑﻮﻫﺎ ﻣﺰﻭﺟﻬﺎ ﻫﺎﻩ ! ؟؟
ﺧﻠﻒ : ﻧﺎﺩﺭ ﺍﺷﺮﺡ ﺯﻳﻦ
ﻧﺎﺩﺭ: ﻫﺬﺍ ﺍﻟﻠﻲ ﺑﻴﺠﻨﻨﻲ ﺷﻠﻮﻥ ﺯﻭﺟﻮﻫﺎ ﻭﻫﻲ ﺑﺰﺭ
ﺿﺎﺭﻱ : ﺑﺰﺭ ﻣﻦ ﺍﻱ ﻧﺎﺣﻴﻪ
ﻋﻘﺎﺏ : ﺗﻜﻠﻢ ﺍﻟﻔﻴﻠﺴﻮﻑ ! ؟ ﻣﻬﺒﻮﻝ ﺍﻧﺖ ﻭﺵ ﻫﺎﻟﺴﺆﺍﻝ
ﺿﺎﺭﻱ : ﺍﻧﺖ ﻣﺎﻟﻚ ﺷﻐﻞ
ﺧﻠﻒ : ﺳﻤﻌﻮﻧﺎ ﺍﻧﺖ ﻭﻳﺎﻩ ﻭﻗﺖ ﻫﻮﺍﺷﻜﻢ ، ﻧﺎﺩﺭ ﺗﻜﻠﻢ
ﻧﺎﺩﺭ : ﺍﻗﻮﻟﻜﻢ ﻣﺴﺘﻐﺮﺏ ﺳﺮﻋﺔ ﺍﻟﺰﻭﺍﺝ ﻭﺗﻘﻮﻟﻮﻥ ﻋﺎﺩﻱ ! ﻓﺎﻻﺧﻴﺮ ﺍﻃﻠﻊ ﻣﺘﻮﺭﻁ ﺑﺰﺭ ﻋﻤﺮﻫﺎ
15 ﻭﻻﺍ ﺍﻗﻞ ﺑﻐﺖ ﺗﻤﻮﺕ ﻋﺸﺎﻧﻲ ﺑﺲ ﻧﺎﺩﻳﺘﻬﺎ ﺗﻜﺴﺮﺕ ﺿﻠﻮﻋﻬﺎ ﺗﺒﻜﻲ ﻭﺗﺼﻴﺢ
ﺧﻠﻒ : 15 ؟ ﻣﺘﺎﻛﺪ
ﻧﺎﺩﺭ : ﻫﺬﺍ ﺍﻛﺒﺮ ﻋﻤﺮ ﻋﻄﻴﺘﻬﺎ ﺍﻳﺎﻩ ﻫﺬﺍ ﺍﺫﺍ ﻣﺎﻫﻮ ﺍﻗﻞ
ﻋﻘﺎﺏ : ﻳﺎﺧﻲ ﻳﻤﻜﻦ ﻣﺎﻫﻲ ﺻﻐﻴﺮﻩ ﻳﻤﻜﻦ ﺣﺠﻤﻬﺎ ﺻﻐﻴﺮ
ﻧﺎﺩﺭ: ﺍﻧﺎ ﻣﺎﻧﻲ ﺧﺒﻞ ﺍﻧﺎ ﺷﻔﺘﻬﺎ ﺑﻌﻴﻨﻲ ﺍﻗﻮﻟﻚ ﺑﻐﺖ ﺗﻤﻮﺕ ﻣﻦ ﺍﻟﺨﻮﻑ
ﺿﺎﺭﻱ : ﻃﺒﻴﻌﻲ ﺑﺘﺨﺎﻑ ﻳﺎﺧﻲ ﻋﺮﻭﺱ ﻭﺍﻫﻠﻬﺎ ﺑﻌﻴﺪ ﻭﺍﻭﻝ ﻣﺮﻩ ﺗﺸﻮﻓﻚ ﺍﻛﻴﺪ ﺑﺘﺨﺎﻑ
ﻋﻘﺎﺏ : ﺳﺒﺤﺎﻥ ﺍﻟﻠﻪ ﺍﻟﻠﻲ ﻧﻄﻘﻚ ﺑﺎﻟﻌﻘﻞ ﻭﺍﻧﺖ ﻣﺠﻨﻮﻥ
ﺿﺎﺭﻱ : ﺷﻮﻑ ﺫﺍ ﺍﻻﺑﺮﻳﻖ ﺑﻬﻔﻚ ﻋﻠﻰ ﻭﺟﻬﻚ ﻟﻴﻦ ﺗﺼﻴﺮ ﻋﺎﻗﻞ
ﺧﻠﻒ : ﻭﺍﻟﻠﻪ ﺑﻠﺸﻨﺎ ﺑﻚ ﺍﻧﺖ ﻭﻳﺎﻩ
ﻧﺎﺩﺭ: ﻣﺐ ﻭﻗﺘﻜﻢ ﺷﻮﻓﻮﺍ ﻟﻲ ﺣﻞ
ﺧﻠﻒ : ﻛﻠﻤﺖ ﺍﻫﻠﻚ ﻃﻴﺐ ! ؟
ﺿﺎﺭﻱ : ﻳﻌﻨﻲ ﻣﻌﻘﻮﻟﻪ ﻣﺤﺪ ﻗﺎﻟﻚ ﺍﻧﻬﺎ ﺻﻐﻴﺮﻩ
ﻧﺎﺩﺭ: ﺍﻧﺎ ﺑﻨﺠﻦ ﺍﻣﻲ ﺗﻘﻮﻝ ﻟﻲ ﻛﺒﻴﻴﻴﺮﻩ
ﻓﺠﺄﻩ ﺗﺬﻛﺮ ﻋﻘﺎﺏ ﻭﻣﺎﻗﺪﺭ ﻳﻤﺴﻚ ﻧﻔﺴﻪ ﻻ ﻳﻀﺤﻚ:
ﻫﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻪ ﻫﻬﻬﻬﻬﻪ ﺍﺻﺒﺮ ﺍﺻﺒﺮ ﺍﻟﺤﻴﻦ
ﻫﺎﺫﻱ ﺍﻟﺒﺰﺭ ﻋﻠﻰ ﻗﻮﻟﻚ ﺍﻟﻠﻲ ﻭﻟﺪﺕ ﺳﻨﺔ ﺟﺪﻙ ﻳﻤﻮﺕ
ﺍﺑﺘﺴﻢ ﺧﻠﻒ ﻭﺻﺪ ﻧﺎﺩﺭ : ﺳﺒﺤﺎﻥ ﺍﻟﻠﻪ ﺍﻟﺴﻨﻪ 365 ﻳﻮﻡ ﻭﻛﻠﻬﺎ ﻭﺍﻧﺖ ﻣﻜﺸﺮ ﻭﻣﻌﺼﺐ
ﻭﺍﻟﺤﻴﻦ ﻳﻮﻡ ﺻﺎﺭ ﻭﻗﺖ ﺍﻟﺠﺪ ﻃﺮﺍ ﻟﻚ ﺗﻀﺤﻚ
ﺿﺎﺭﻱ : ﺍﻧﺎ ﻣﺎﺣﻀﺮﺕ ﻣﻌﻜﻢ 365 ﻳﻮﻡ ﺑﺲ 14 ﻳﻮﻡ ﻋﻠﻤﺘﻨﻲ ﺍﻥ ﻫﺎﻻﻧﺴﺎﻥ ﻧﻜﺒﺔ ﻋﻠﻰ ﺍﻟﻠﻲ
ﻓﻮﻕ ﺍﻻﺭﺽ ﻭﺍﻟﻠﻲ ﺗﺤﺖ ﺍﻻﺭﺽ
ﻭﻗﻒ ﻋﻘﺎﺏ ﻭﻫﻮ ﻳﺎﺧﺬ ﻋﻘﺎﻟﻪ ﻭﻳﻠﻔﻪ : ﺷﻜﻠﻚ ﺗﺒﻲ ﺗﻜﻮﻥ ﻣﻦ ﺍﻟﻠﻲ ﺗﺤﺖ ﺍﻻﺭﺽ
ﺳﺤﺐ ﺧﻠﻒ ﺍﻟﻌﻘﺎﻝ : ﻗﺴﻢ ﺑﺎﻟﻠﻪ ﻟﻮ ﻣﺎ ﺗﻨﺜﺒﺮ ﺍﻧﺖ ﻭﻳﺎﻩ ﻟﻘﻮﻡ ﺍﺣﻄﻚ ﺍﻧﺖ ﻭﻳﺎﻩ ﻋﻠﻰ ﺑﻌﺾ
، ﻓﻜﻮﻧﺎ ﻳﺎﺧﻲ ﻓﻜﻮﻧﺎ ﻧﺒﻲ ﻧﺴﻤﻊ ﺍﻟﺮﺟﺎﻝ
ﺟﻠﺲ ﻋﻘﺎﺏ ﻭﻫﻮ ﻳﻀﺮﺏ ﺿﺎﺭﻱ ﺑﺮﺟﻠﻪ ﻟﻜﻦ ﺣﺬﻓﻪ ﺿﺎﺭﻱ ﺑﺎﻟﻔﻨﺠﺎﻝ
ﺧﻠﻒ : ﺍﺳﻤﻌﻨﻲ ﻳﺎ ﻧﺎﺩﺭ ﺗﻌﻮﺫ ﻣﻦ ﺍﺑﻠﻴﺲ ﻭﻗﻢ ﺭﺡ ﻟﺒﻴﺘﻚ ﺣﺮﺍﻡ ﺗﺨﻠﻴﻬﺎ ﻟﺤﺎﻟﻬﺎ ﻭﻫﻲ ﻋﻠﻰ
ﻗﻮﻟﻚ ﻃﻔﻠﻪ ﺍﺻﺒﺮ ﻟﺼﺒﺎﺡ ﻭﺍﻟﺼﺒﺎﺡ ﺭﺑﺎﺡ ﻳﻤﻜﻦ ﻓﻴﻪ ﺷﻲ ﻣﺎﺗﺪﺭﻱ ﺍﻧﺖ ﻋﻨﻪ
ﻧﺎﺩﺭ: ﻳﺎﺧﻠﻒ ﺍﻧﺖ ﺻﺎﺣﻲ ﺍﻧﺎ ﻛﻞ ﻣﺎ ﺍﻧﺎﻇﺮﻫﺎ ﻳﻨﺘﻚ ﺻﺪﺭﻱ
ﻋﻘﺎﺏ : ﻭﺍﻟﻠﻪ ﺍﻧﺎ ﻣﻦ ﻭﺟﻬﺔ ﻧﻈﺮﻱ ﺍﻗﻮﻝ ﻳﻤﻜﻦ ﺻﻐﻴﺮﺓ ﺳﻦ ﻟﻜﻦ ﻋﻘﻠﻬﺎ ﻛﺒﻴﺮ
ﺍﻟﺘﻔﺖ ﻧﺎﺩﺭ ﺑﻐﻀﺐ : ﺻﺎﺣﻴﻦ ﺍﻧﺘﻢ ﻭﺵ ﻛﺒﻴﺮﺓ ﻋﻘﻞ ﻭﺵ ﺧﺮﺍﺑﻴﻄﻪ ﺍﻟﺤﻴﻦ ﺍﻧﺖ ﻭﻳﺎﻩ ﻛﻠﻜﻢ
ﻋﻨﺪﻛﻢ ﺧﻮﺍﺕ ﺑﻌﻤﺮﻫﺎ ﺍﻛﻴﺪ ﻣﺎ ﺗﺮﺿﻮﻥ ﺍﻧﻬﻢ ﻳﺘﺰﻭﺟﻮﻥ ﻭﺑﻌﺪﻳﻦ ﻧﺘﻜﻠﻢ ﻋﻦ ﺯﻭﺍﺝ ﻣﺎﻫﻮ
ﻟﻌﺐ ﻭﻣﻘﺎﺭﻧﺔ ﺑﺎﻟﻌﻤﺮ ﺗﺮﺍﻙ ﻟﻠﺤﻴﻦ ﺍﻧﺖ ﻭﻳﺎﻩ ﻛﻞ ﻣﺎ ﻣﺮﻳﻨﺎ ﺍﻟﺒﻘﺎﻟﻪ ﻗﻠﺘﻮﺍ ﺑﻨﻮﻗﻒ ﻧﺸﺘﺮﻱ
ﻟﺸﻬﺪ ﻭ ﻭﺟﺪﺍﻥ ﺣﻼﻭ ﺗﺮﺍ ﻛﻠﻬﺎ ﻧﻔﺲ ﺍﻟﺴﺎﻟﻔﻪ
ﻋﻘﺎﺏ ﻃﺎﺭﺕ ﻋﻴﻮﻧﻪ ﻭﻫﻮ ﻳﻨﺎﻇﺮ ﺿﺎﺭﻱ : ﻭﻟﺪ ﻻ ﺗﻘﻮﻝ ﺍﺳﻤﺎﺀ ﻣﺤﺎﺭﻣﻨﺎ ﻋﻨﺪ ﺍﻟﻐﺮﻳﺒﻴﻦ
ﻧﺎﺩﺭ: ﻳﺎ ﺷﻴﺦ ﻛﻞ ﺗﺒﻦ ﻛﺄﻧﻲ ﺍﺧﻮﻙ ﺍﻟﺤﻴﻦ ﺍﻧﺎ ﺑﻌﺪ ﻏﺮﻳﺐ
ﺧﻠﻒ : ﻭﺍﻟﻠﻪ ﻳﺎ ﻧﺎﺩﺭ ﻣﻌﻚ ﺣﻖ ﺍﻧﺎ ﻣﺴﺘﺤﻴﻞ ﺍﺗﺨﻴﻞ ﺍﻧﻲ ﺍﺷﻮﻑ ﺑﻨﺖ ﺑﺬﺍ ﺍﻟﻌﻤﺮ ﺗﺘﺰﻭﺝ
ﺍﻟﻤﻮﺿﻮﻉ ﺻﻌﺐ ﺑﺲ ﺯﻱ ﻣﺎ ﻗﻠﺖ ﻟﻚ ﺍﺭﺟﻊ ﺻﻞ ﺭﻛﻌﺘﻴﻦ ﻭﺭﻳﻴﺢ ﻭﻻ ﺗﻮﺗﺮ ﻭﺗﺤﻮﺱ ﻧﻔﺴﻚ
ﻭﺗﺤﻮﺱ ﺍﻟﺒﻨﺖ ﻣﻌﻚ ﻭﺑﻌﺪﻳﻦ ﺣﺮﺍﻡ ﺗﺠﻠﺲ ﻓﺎﻟﺒﻴﺖ ﺑﻠﺤﺎﻟﻬﺎ ﻳﻤﻜﻦ ﺗﺨﺎﻑ ﺍﻭ ﻳﺼﻴﺮ ﻟﻬﺎ ﺷﻲ
ﺿﺎﺭﻱ : ﺣﺒﻴﺐ ﻗﻠﺒﻲ ﺍﻟﺤﻨﻮﻥ ﻫﺬﺍ ﺍﻟﻜﻼﻡ ﺍﻟﻠﻲ ﻳﻨﺴﻤﻊ ﻣﺐ ﺑﻌﺾ ﺍﻟﻨﺎﺱ
ﻋﻘﺎﺏ : ﺍﺹ ﺍﺹ ﺍﺯﻳﻦ ، ﺍﻟﻤﻬﻢ ﺯﻱ ﻣﺎ ﻗﺎﻝ ﺧﻠﻴﻒ ﺍﺭﺟﻊ ﻭﺍﺻﺒﺮ ﻟﻴﻦ ﺑﻜﺮﻩ ﺗﻜﻠﻢ ﺍﻣﻚ
ﻭﺍﺑﻮﻙ ﻭﺗﻔﻬﻢ ﺍﻟﺴﻴﺮﻩ ﻭﺑﻌﺪﻳﻦ ﺗﺸﻮﻑ
ﻧﺎﺩﺭ: ﻳﻌﻨﻲ ﺫﺍ ﺍﻟﺤﻞ
ﺧﻠﻒ : ﻣﺎﻓﻴﻪ ﻏﻴﺮﻩ
ﺿﺎﺭﻱ : ﻭﺗﺮﺍ ﻣﺎﻫﻲ ﻋﺪﻟﻪ ﻳﻄﻠﻊ ﺍﺣﺪ ﻳﺸﻮﻓﻚ ﺟﺎﻟﺲ ﻫﻨﺎ ﻭﺍﻧﺖ ﻋﺮﻳﺲ ﻭﺑﻜﺮﻩ ﻋﺎﺩ ﺧﺬ ﻟﻚ
ﺍﺷﺎﻋﺎﺕ ﻭﻛﺬﺏ
ﺍﻟﺘﻔﺖ ﻋﻘﺎﺏ : ﺍﻧﺖ ﻣﺘﺎﻛﺪ ﺍﻧﻚ ﻣﺎ ﺍﻧﺖ ﻣﺴﻜﻮﻥ ! ؟ ﻳﺎﺧﻲ ﺗﻤﺮ ﻋﻠﻴﻚ ﺩﻗﻴﻘﻪ ﺗﻘﻮﻝ ﻛﻼﻣﻚ
ﺍﻟﻤﻔﺮﻭﺽ ﺧﺒﻞ ﻣﺜﻠﻚ ﻣﺎ ﻳﻘﻮﻟﻪ
ﻭﻗﻒ ﻧﺎﺩﺭ ﻳﻨﻬﻲ ﺍﻟﻬﻮﺷﻪ : ﺧﻼﺹ ﺧﻼﺹ ﺑﺮﺟﻊ ﻭﺑﻜﺮﻩ ﺍﺷﻮﻑ
ﺧﻠﻒ : ﺍﻳﻴﻪ ﺗﻮﻛﻞ ﻋﻠﻰ ﺍﻟﻠﻪ ﻭﺭﺑﻚ ﻳﻔﺮﺟﻬﺎ
ﺭﺟﻊ ﻧﺎﺩﺭ ﻭﻭﻗﻒ ﺿﺎﺭﻱ : ﺍﻧﺎ ﺭﺍﺟﻊ ﺍﻟﺒﻴﺖ ﺍﻛﻴﺪ ﺍﻣﻲ ﺗﺤﺘﺮﻱ
ﺧﻠﻒ : ﺯﻳﻦ ﻭﺣﻨﺎﺍ ﺑﻌﺪ ﺑﻨﺮﻭﺡ ﻭﺭﺍﻧﺎ ﺻﻼﺓ ﺟﻤﻌﻪ ﻭﺍﻟﻮﻗﺖ ﺗﺄﺧﺮ
ﻋﻘﺎﺏ : ﻭﻋﻤﻲ ﺍﻛﻴﻴﻴﺪ ﻭﺍﻗﻒ ﻳﺤﺘﺮﻱ
ﺧﻠﻒ : ﻳﻼ ﻳﻼ
ﺗﺤﺮﻙ ﺿﺎﺭﻱ ﺑﻴﻤﺸﻲ ﺑﺲ ﻭﻗﻔﻪ ﻋﻘﺎﺏ : ﺍﻗﻮﻝ ﺗﻌﺎﻝ ﻃﻒ ﺍﻟﻨﺎﺭ ﻣﻌﻲ ﻭﻟﻤﻠﻢ ﻫﺎﻟﻌﻔﺶ ﺗﺮﺍ ﻣﺎ
ﺍﺷﺘﻐﻞ ﻋﻨﺪﻙ
ﺿﺎﺭﻱ : ﺑﺘﻤﻮﺕ ﺍﺫﺍ ﻃﻔﻴﺖ ﻧﺎﺭ ﻭﻻ ..
ﻭﻗﻔﻮﺍ ﺍﻭﻝ ﻣﺎ ﺗﺤﺮﻙ ﺧﻠﻒ ﺑﻴﻄﻔﻴﻬﺎ ﻭﺳﺤﺒﻪ ﻋﻘﺎﺏ: ﻭﻳﻦ ﺭﺍﻳﺢ
ﺧﻠﻒ : ﺑﻄﻔﻴﻬﺎ ﻭﺍﺭﺗﺎﺡ ﻣﻦ ﻫﻮﺍﺷﻜﻢ
ﻋﻘﺎﺏ: ﺧﻠﻪ ﻳﻄﻔﻴﻬﺎ ﻫﻮ ﻭﺑﻌﺪﻳﻦ ﻳﻜﺘﻤﻚ ﺍﻟﺪﺧﺎﻥ
ﺿﺎﺭﻱ : ﺍﻟﺤﺸﻴﻤﻪ ﻟﺨﻠﻴﻒ ﻭﺍﻻ ﺍﻧﺖ ﻣﺎ ﺍﻧﺖ ﻛﻔﻮ
ﺍﺧﺬ ﺧﻠﻒ ﺍﻏﺮﺍﺿﻪ ﻭﺭﺍﺡ ﻭﺗﺮﻛﻬﻢ ﻳﺘﻬﺎﻭﺷﻮﻥ ﻣﻦ ﺑﻴﺸﻴﻞ ﺍﻻﻏﺮﺍﺽ ﻭﺻﺢ ﺍﻥ ﺿﺎﺭﻱ ﻣﺎﻟﻪ
ﻓﺘﺮﻩ ﻣﻌﻬﻢ ﺑﺲ ﺩﺧﻞ ﻣﻌﻬﻢ ﺑﻤﻴﺎﻧﺔ ﻭﺭﻭﺡ ﺣﻠﻮﻩ ﻟﻜﻦ ﻣﺎ ﻳﺴﻜﺖ ﻋﻠﻰ ﻛﻼﻡ ﻋﻘﺎﺏ ﻭﻋﻘﺎﺏ
ﻣﺜﻠﻪ
._______________________
ﻭﻓﻲ ﺑﻴﺖ ﺍﺑﻮ ﺧﻠﻒ
ﻛﺎﻟﻌﺎﺩﻩ ﺗﻨﺘﻈﺮ ﺍﻣﻪ ﻭﺍﺑﻮﻩ ﻭﻭﻋﺪ ﻭﺍﺧﻴﺮﺍً ﺩﺧﻞ ﺧﻠﻒ
ﺍﺑﻮ ﺧﻠﻒ : ﻳﺎ ﺍﻧﺴﺎﻥ ﺍﻧﺖ ﺗﻔﻬﻢ ﻭﻻ ﻻ ﺍﻗﻮﻟﻚ ﻻ ﺗﺄﺧﺮ ﻭﺍﻟﺤﻴﻦ ﺍﻟﺴﺎﻋﻪ 3 ﻭﺍﻧﺖ ﺗﻮﻙ ﺗﺠﻲ
ﺧﻠﻒ ﻏﻤﺾ ﺑﻬﺪﻭﺀ ﻭﻫﻮ ﻳﻌﻄﻲ ﺍﻏﺮﺍﺿﻪ ﻭﻋﺪ : ﻟﻬﻴﻨﺎ ﻣﺎ ﺍﻧﺘﺒﻬﻨﺎ ﻟﻠﻮﻗﺖ
ﺍﻡ ﺧﻠﻒ : ﻳﺎ ﻳﻤﻪ ﻟﻴﻪ ﺗﻄﻮﻝ ﻭﺗﺨﻮﻓﻨﺎ ﻋﻠﻴﻚ
ﻭﻋﺪ : ﺧﻼﺹ ﻳﺎ ﻋﻤﺘﻲ ﻫﺬﺍ ﻫﻮ ﻃﻴﺐ ﻭﺑﺨﻴﺮ
ﺍﺑﻮ ﺧﻠﻒ : ﺍﻧﺘﻲ ﺍﺹ ﺍﺹ ﻧﻨﺼﺢ ﻣﻦ ﻫﻨﺎ ﻭﺗﺨﺮﺑﻴﻦ ﻣﻦ ﻫﻨﺎ
ﺧﻠﻒ : ﻳﺎﻳﺒﻪ ﺗﺮﺍ ﻣﻠﻴﺖ ﺍﺳﺒﻮﻋﻴﻦ ﻭﺍﻧﺎ ﻣﺤﻜﻮﺭ ﻓﻲ ﺫﺍ ﺍﻟﻐﺮﻓﻪ ﻣﺎﻓﻴﻬﺎ ﺷﻲ ﺍﺫﺍ ﻃﻠﻌﺖ ﺳﺎﻋﻪ
ﺭﻓﻬﺖ ﻋﻦ ﻧﻔﺴﻲ ﻭﻣﻌﻲ ﻋﻘﺎﺏ
ﺍﺑﻮ ﺧﻠﻒ: ﻣﺎﻳﺨﺎﻟﻒ ﺭﻓﻪ ﻋﻦ ﻧﻔﺴﻚ ﺑﺲ ﺑﺤﺪﻭﺩ
ﺍﻡ ﺧﻠﻒ : ﺧﻼﺹ ﺭﻭﺡ ﻧﺎﻡ ﻳﻤﻪ
ﺧﻠﻒ : ﺑﻨﺘﻈﺮ ﺍﻟﺼﻼﺓ ﻭﺍﻧﺎﻡ
ﺩﺧﻞ ﺍﺑﻮ ﺧﻠﻒ ﻭﺍﻡ ﺧﻠﻒ ﻭﻃﻠﻊ ﺧﻠﻒ ﻭﻣﻌﻪ ﻭﻋﺪ
ﻭﻋﺪ : ﻏﺮﻳﺒﻪ ﺍﻟﻴﻮﻡ ﺟﺎﻟﺴﻴﻦ ﻟﻴﻦ 3 ! ؟
ﺧﻠﻒ : ﻣﻌﻨﺎ ﺿﺎﺭﻱ ﻭﻧﺴﻮﻟﻒ ﻧﺺ ﺳﺎﻋﻪ ﻭﺑﺎﻗﻲ ﺍﻟﻮﻗﺖ ﺍﻓﻜﻚ ﻫﻮﺷﺎﺗﻬﻢ ﻭﺭﺍﺡ ﺍﻟﻮﻗﺖ ﻣﺎ
ﺍﻧﺘﺒﻬﻨﺎ
ﻭﻋﺪ : ﻭ ﻭﻟﺪ ﻋﻤﻚ ﺫﺍ ﻣﺎ ﻳﺨﻠﻲ ﺍﺣﺪ ﻓﻲ ﺣﺎﻟﻪ
ﺿﺤﻚ ﺧﻠﻒ : ﻫﺬﺍ ﻫﻮ ﻋﻘﺎﺏ ﻣﺎ ﻳﺘﻌﺪﻝ ﻟﻮ ﻳﻤﻮﺕ
ﻭﻋﺪ :ﺍﻟﻠﻪ ﻳﻌﻴﻦ ﺧﻮﺍﺗﻪ ﺑﺲ
ﺍﻟﺘﻔﺖ ﺧﻠﻒ ﻳﻨﺎﻇﺮ ﺣﻮﻟﻪ ﻭﻛﺎﻥ ﺑﻴﺖ ﻫﺎﺩﻱ ﻭﺍﻟﻜﻞ ﻧﺎﻳﻢ ﻭﺍﺧﻴﺮﺍً ﻗﺮﺭ ﻳﺘﻜﻠﻢ : ﻋﻠﻰ ﻃﺎﺭﻱ
ﺧﻮﺍﺗﻪ ﻭﻋﺪ ﺍﺑﻴﻚ ﺑﺸﻐﻠﻪ
ﻗﺮﺑﺖ ﻭﻋﺪ : ﺧﻴﺮ ﻭﺵ ﻓﻴﻚ
ﺧﻠﻒ : ﺗﻌﺎﻟﻲ ﻓﻮﻕ ﺍﻟﺴﻄﺢ ﺍﺣﺴﻦ ﻻ ﺍﺣﺪ ﻳﺴﻤﻊ
ﻭﻋﺪ : ﻃﻴﺐ
ﻃﻠﻌﻮﺍ ﻭﺟﻠﺲ ﺧﻠﻒ ﻣﺘﻮﺗﺮ
ﻭﻋﺪ : ﺗﺮﺍ ﺍﺩﺭﻱ ﺍﻧﻚ ﻣﻦ ﺷﻬﺮ ﻭﺍﻧﺖ ﺣﺎﻟﺘﻚ ﺣﺎﻟﻪ ﻭﺗﻔﻜﺮ ﻭﺗﻬﻮﺟﺲ ﻋﺸﺎﻥ ﻛﺬﺍ ﺍﻋﺘﺮﻑ
ﺑﺴﻬﻮﻟﻪ
ﺧﻠﻒ : ﺷﻮﻓﻲ ﻳﺎ ﻭﻋﺪ ﺍﻟﻜﻼﻡ ﺍﻟﻠﻲ ﺑﻘﻮﻟﻪ ﻟﻚ ﻣﺎ ﻗﻠﺘﻪ ﻻﺣﺪ ﻭﻻ ﺑﻘﻮﻟﻪ ﻻﺣﺪ ﻏﻴﺮﻙ ﻭﻻﺯﻡ
ﻣﺎﻳﻄﻠﻊ ﻻﺣﺪ
ﻭﻋﺪ : ﺗﻌﺮﻓﻨﻲ ﻳﺎﺧﻠﻒ
ﺧﻠﻒ : ﻋﺸﺎﻧﻲ ﺍﻋﺮﻓﻚ ﺑﻘﻮﻟﻚ ، ﺍ ﺍ ﺍﻟﺴﺎﻟﻔﻪ ﻭﻣﺎﻓﻴﻬﺎ ﺳﺤﺮ
ﻭﻋﺪ : ﻭﺵ ﻓﻴﻬﺎ !
ﺧﻠﻒ : ﻛﻠﻨﺎ ﻧﻌﺮﻑ ﺳﺤﺮ ﻭﻧﻌﺮﻑ ﻛﻴﻒ ﺗﺸﻮﻓﻨﻲ ﻭﻧﻌﺮﻑ ﻭﺵ ﺗﻔﻜﺮ ﻓﻴﻪ
ﻭﻋﺪ ﺍﺧﺘﺼﺮﺕ ﻋﻠﻴﻪ : ﻧﻌﺮﻑ ﺍﻧﻬﺎ ﺗﺤﺒﻚ
ﻗﻄﺐ ﺧﻠﻒ ﺣﻮﺍﺟﺒﻪ ﺑﻀﻴﻖ : ﻫﺎﻟﻜﻠﻤﻪ ﺻﻌﺒﻪ ﻳﺎ ﻭﻋﺪ ﻭﺗﺠﺮﺡ ﻛﺜﻴﺮ ﺍﺫﺍ ﻣﺎ ﻟﻘﺖ ﻟﻬﺎ ﺍﺣﺪ
ﻳﺮﺩ ﻋﻠﻴﻬﺎ ﺑﻨﻔﺲ ﺍﻟﺸﻌﻮﺭ ﻭﺍﻧﺎ ﻣﺎ ﺍﺣﺲ ﺍﻧﻲ ﺍﻣﻴﻞ ﻟﺴﺤﺮ ﻭﻻ ﺍﺷﻮﻓﻬﺎ ﺍﻻ ﺑﻨﺖ ﻋﻢ ﻭﻛﺄﻧﻬﺎ
ﻭﺣﺪﻩ ﻣﻦ ﺧﻮﺍﺗﻲ
ﻭﻋﺪ : ﺍ ﻟﻜﻦ !
ﻗﺎﻃﻌﻬﺎ ﺧﻠﻒ : ﺍﺩﺭﻱ ﺍﻥ ﺍﻟﺴﺎﻟﻔﻪ ﺻﻌﺒﻪ ﻭﺍﻥ ﻫﺎﻟﺸﻲ ﺧﻄﻴﺮ ﻟﻜﻦ ﺍﻧﺎ ﻣﻘﺪﺭ ﺍﺗﺰﻭﺟﻬﺎ ﻭﺍﻋﺬﺑﻬﺎ
ﻣﻌﻲ ﻭﻻ ﺍﻗﺪﺭ ﺍﺭﻓﻀﻬﺎ ﻭﺍﺟﺮﺣﻬﺎ
ﻭﻋﺪ : ﻭﺵ ﺗﺒﻲ ﺍﺟﻞ ! ؟
ﺧﻠﻒ : ﺍﺑﻴﻬﺎ ﻫﻲ ﺗﺮﻓﻀﻨﻲ ﺍﺑﻴﻬﺎ ﻫﻲ ﺗﻌﻴﻔﻨﻲ ﻭﺗﻘﻮﻝ ﻣﺎ ﺍﺑﻴﻪ
ﻭﻋﺪ : ﺧﻠﻒ ﺗﻌﺮﻑ ﻋﻘﺎﺏ ﻭﺗﻌﺮﻑ ﺟﺪﻱ ﺑﻌﺪ ﺍﻛﻴﺪ ﺑﻴﻐﺴﻠﻮﻥ ﺷﺮﺍﻋﻬﺎ ﻭﺍﻻﻫﻢ ﻫﻲ ﻣﺴﺘﺤﻴﻞ
ﺗﺮﻓﻀﻚ
ﺧﻠﻒ : ﻳﺎ ﻭﻋﺪ ﻣﺎﻳﺼﻴﺮ ﻣﺎﻳﺼﻴﺮ ﺍﻛﻤﻞ ﻓﻲ ﻫﺎﻟﻄﺮﻳﻖ ﻻﺯﻡ ﺗﻘﻨﻌﻴﻨﻬﺎ ﻻﺯﻡ ﺗﺸﻮﻓﻴﻦ ﺣﻞ ﺍﻧﺎ
ﻣﺪﺭﻱ ﻭﺵ ﺍﺳﻮﻱ ﻟﻜﻦ ﻣﺎ ﺍﺑﻲ ﻳﺠﻲ ﺍﻟﺮﻓﺾ ﻣﻨﻲ ﻭﺗﻨﻜﺴﺮ ﺳﺤﺮ ،ﺳﺤﺮ ﻣﺎﺗﺴﺘﺎﻫﻞ ﺍﻻ ﻛﻞ
ﺧﻴﺮ ﻟﻜﻦ ﻣﺎﻫﻮ ﻣﻌﻲ ﻭﻻ ﺑﻴﺪﻱ ﺍﻋﻄﻴﻬﺎ
ﻭﻋﺪ ﺑﺸﻚ: ﻭﺵ ﻏﻴّﺮﻙ ! ؟ ﻛﻨﺖ ﺭﺍﺿﻲ ! ؟
ﺧﻠﻒ ﺑﺘﻮﺗﺮ : ﺍﻛﺘﺸﻔﺖ ﺍﻧﻲ ﻣﻘﺪﺭ ، ﻳﺎ ﻭﻋﺪ ﺍﻭﻝ ﺷﻲ ﺍﻧﺎ ﻣﺮﻳﺾ ﻭ 24 ﺳﺎﻋﻪ ﺗﻌﺒﺎﻥ ﻭﻻ
ﻣﺎﻓﻴﻨﻲ ﺣﻴﻞ ﻭﻻ ﻣﺎ ﺍﻗﺪﺭ ﺍﺗﺼﺮﻑ ﺑﺄﺭﻳﺤﻴﻪ
ﻭﻋﺪ : ﺭﺍﻓﻀﻬﺎ ﻋﺸﺎﻥ ﻣﺮﺿﻚ ! ؟
ﺧﻠﻒ : ﻻ ﺑﺲ ﻫﺬﺍ ﺳﺒﺐ ﻣﻦ ﻋﺪﺓ ﺍﺳﺒﺎﺏ ﺍﻧﺎ ﻣﺎﺑﻲ ﺍﺧﺮﺏ ﻋﻼﻗﺘﻨﺎ ﺑﻌﻴﺎﻝ ﻋﻤﻲ ﻭﺟﺪﻱ ﻭﻻ
ﺍﺑﻲ ﺟﺪﺗﻲ ﺗﺰﻋﻞ ﻟﻜﻦ ﺍﻧﺎ ﻣﻘﺪﺭ ﺍﻋﻴﺶ ﻣﻊ ﺳﺤﺮ ﺍﺑﺪ
ﻭﻋﺪ : ﻣﺪﺭﻱ ﻭﺵ ﺍﻗﻮﻟﻚ ﻟﻜﻦ ﻭﺿﻌﻚ ﺻﻌﺐ
ﺧﻠﻒ : ﺍﻧﺎ ﺍﺣﺎﻭﻝ ﺍﺣﻠﻬﺎ ﻭﺍﺑﻴﻚ ﺗﺴﺎﻋﺪﻳﻨﻲ
ﻭﻋﺪ : ﺯﻳﻦ ﺑﺘﺼﺮﻑ ﺑﺸﻮﻑ ﻭﺵ ﺍﺳﻮﻱ
ﺧﻠﻒ : ﺧﻠﻴﻬﺎ ﺑﻴﻨﺎ ﻭﺍﻧﺎ ﻣﺴﺘﻌﺪ ﺍﻭﻗﻒ ﻣﻊ ﺳﺤﺮ ﺍﺫﺍ ﺭﻓﻀﺖ
ﻭﻋﺪ : ﻭﺍﻟﻠﻪ ﻣﺪﺭﻱ ﻛﻴﻒ ﺑﻨﺤﻠﻬﺎ
ﺧﻠﻒ : ﺍﻟﻤﻬﻢ ﻳﺎ ﻭﻋﺪ ﺗﻜﻔﻴﻦ ﺍﺫﺍ ﻟﻘﻴﺘﻲ ﺣﻞ ﺗﻜﻔﻴﻦ ﻻ ﻳﻜﻮﻥ ﺣﻞ ﺛﻘﻴﻞ ﻭﻻ ﺗﺠﺮﺣﻴﻨﻬﺎ
ﻭﺗﺤﺮﺟﻴﻨﻬﺎ ﻭﻻ ﻳﻤﺲ ﻛﺮﺍﻣﺘﻬﺎ ﺍﺑﺪ ﻭﻻ ﻳﻀﻴﻖ ﺻﺪﺭﻫﺎ ﻭﻳﺒﻜﻴﻬﺎ ﺗﺮﺍ ﺗﻌﺰ ﻋﻠﻲ ﺩﻣﻮﻉ ﺑﻨﺎﺕ
ﻋﻤﻲ ﻭﺿﻴﻘﻬﻢ
ﺍﺑﺘﺴﻤﺖ ﻭﻋﺪ : ﻭﺍﻟﻠﻪ ﻣﺪﺭﻱ ﻛﻴﻒ ﺍﻗﻨﻌﻬﺎ ﺗﻨﺎﺯﻝ ﻭﻫﻲ ﺑﺘﺨﺴﺮ ﻛﻞ ﻫﺎﻟﻄﻴﺒﻪ
ﺧﻠﻒ : ﻣﺎﻫﻲ ﺧﺴﺮﺍﻧﻪ ﻭﺍﻟﻠﻪ ﺍﻧﻬﺎ ﺭﺑﺤﺎﻧﻪ ﻭﺭﺑﻲ ﺑﻴﻌﻮﺿﻬﺎ
ﻭﻋﺪ : ﺍﻟﻠﻪ ﻳﻌﻴﻦ
ﺳﻜﺖ ﺧﻠﻒ ﻭﻫﻮ ﺍﺭﺗﺎﺡ ﺷﻮﻱ ﺑﺲ ﻫﻮ ﻓﻌﻼً ﻃﻮﻝ ﻫﺎﻟﻔﺘﺮﻩ ﻛﺎﻥ ﻳﺤﺲ ﺍﻧﻪ ﺑﻴﺮﺿﻰ ﻭﻳﺘﻘﺒﻞ
ﺑﺲ ﻣﺎﻋﺎﺩ ﻳﻘﺪﺭ ﻭﺣﺘﻰ ﻟﻮ ﻣﺎ ﺻﺎﺭ ﺑﻴﻨﻪ ﻭﺑﻴﻦ ﻟﻴﻠﻰ ﺷﻲ ﺍﻟﻤﻬﻢ ﻳﻜﻮﻥ ﻣﺘﺤﺮﺭ ﻣﻦ ﺍﻱ ﺫﻧﺐ
ﻛﺎﻧﺖ ﻭﻋﺪ ﺗﺮﺍﻗﺒﻪ ﻭﻫﻲ ﺗﻌﺮﻓﻪ ﺯﻳﻦ ﻭﺣﺎﻓﻈﺘﻪ ﺗﻌﺮﻑ ﻣﺘﻰ ﻳﺤﻦ ﻭﻣﺘﻰ ﻳﻜﺮﻫﻪ ﻭﻣﺘﻰ
ﻳﺘﻀﺎﻳﻖ ﻟﻜﻦ ﺣﺎﻟﺘﻪ ﻫﺎﻻﻳﺎﻡ ﺟﺪﻳﺪﻩ ﻭﺧﺎﻳﻔﻪ ﺍﻧﻪ ﺣﺐ ﻭﻭﻗﺘﻬﺎ ﺑﺘﺰﻳﺪ ﻋﺜﺮﺍﺗﻪ ﻭﺭﻏﻢ ﺍﻧﻪ
ﻣﺮﺍﻋﻲ ﺟﺪﺍً ﻭﺣﺮﻳﺺ ﻭﺣﻨﻮﻥ ﺑﺲ ﺗﺨﺎﻑ ﺍﻟﺤﺐ ﻳﻨﻬﻴﻪ ﻭﻳﺒﻨﻲ ﺷﺨﺼﻴﻪ ﺟﺪﻳﺪﻩ ﻓﻴﻪ
._______________________
ﻓﻲ ﺑﻴﺖ ﺍﻟﺠﺪ ﻗﺎﻳﺪ
ﻛﺎﻧﺖ ﺳﺤﺮ ﺗﻨﺘﻈﺮ ﻋﻘﺎﺏ ﻛﺎﻟﻌﺎﺩﻩ ﻭﺍﻭﻝ ﻣﺎ ﺟﺎﺀ ﻭﻧﺎﻡ ﻃﻠﻌﺖ ﺗﺒﻲ ﺗﻨﺸﺮ ﺍﺧﺮ ﺍﻟﻐﺴﻴﻞ ﺍﻟﻠﻲ
ﻛﺎﻧﺖ ﺗﻐﺴﻠﻪ ﻟﻜﻦ ﺳﻤﻌﺖ ﺻﻮﺕ ﻫﻤﺲ ﻓﻲ ﺳﻄﺢ ﻋﻤﻬﺎ ﻭﻗﺮﺑﺖ ﻭﻫﻲ ﺗﻌﺮﻑ ﺻﻮﺕ ﻭﻋﺪ
ﻭﺧﻠﻒ ﻭﺳﻤﻌﺖ ﻛﻞ ﺷﻲ ﻗﺎﻟﻪ ﻭﻛﻞ ﺣﺮﻑ ﻧﻄﻖ ﺑﻪ ﻓﻬﻤﺖ ﻛﻞ ﺷﻲ ﺑﻴﻘﻮﻟﻪ ﺧﻠﻒ
ﻭﺍﻧﺼﺪﻣﺖ ﺣﻄﺖ ﻳﺪﻫﺎ ﻋﻠﻰ ﻗﻠﺒﻬﺎ ﺍﻟﻠﻲ ﺻﺎﺭ ﻳﺪﻕ ﺑﺨﻮﻑ ﻭﻫﻲ ﺗﺴﻤﻊ ﻫﺎﻟﻜﻼﻡ ﻣﻦ ﺧﻠﻒ
ﺍﻟﻠﻲ ﻃﻮﻝ ﻋﻤﺮﻫﺎ ﺗﺒﻨﻲ ﺍﺣﻼﻣﻬﺎ ﻣﻌﻪ
ﻛﺎﻥ ﺛﻘﻴﻴﻴﻞ ﺍﻟﻜﻼﻡ ﻭﻛﺎﻥ ﻳﻮﺟﻊ ﺑﺲ ﻫﺎﻥ ﻭﻫﻲ ﺗﺴﻤﻌﻪ ﻳﺤﺮﺹ ﻋﻠﻰ ﻭﻋﺪ ﻣﺎ ﺗﺠﺮﺣﻬﺎ ﻭﻻ
ﺗﺰﻋﻠﻬﺎ ﻛﺎﻥ ﻓﻘﺪ ﻭﺍﺣﺪ ﻣﺜﻞ ﺧﻠﻒ ﺻﻌﺐ ﺻﻌﺐ ﺣﻴﻴﻴﻞ
ﺭﻣﺖ ﺑﺎﻗﻲ ﺍﻟﻤﻼﺑﺲ ﻭﻧﺰﻟﺖ ﺗﺒﻜﻲ ﻛﺎﻧﺖ ﺗﺸﻮﻓﻪ ﺳﺎﻛﺖ ﻣﺎ ﻳﻌﻠﻖ ﻛﺜﻴﺮ ﻋﻠﻰ ﻣﻮﺿﻮﻋﻬﻢ
ﺗﻮﻗﻌﺘﻪ ﻳﺤﺒﻬﺎ ﺑﻌﺪ ﻟﻜﻦ ﺧﺎﺏ ﻇﻨﻬﺎ
ﺩﺧﻠﺖ ﺑﻔﺮﺍﺷﻬﺎ ﻭﻫﻲ ﺗﺒﻜﻲ ﺑﺼﻮﺕ ﻣﻜﺘﻮﻡ ﻣﺴﺘﺼﻌﺒﻪ ﻛﻞ ﺷﻲ ﺳﻤﻌﺘﻪ ﻭﻋﺮﻓﺘﻪ
ﻭﻣﺴﺘﺼﻌﺒﻪ ﺍﻟﻠﺤﻈﻪ ﺍﻟﻠﻲ ﺍﻧﻬﺎﺭﺕ ﺍﺣﻼﻣﻬﺎ ﻓﻴﻬﺎ ﻭﺷﻠﻮﻭﻥ ﺑﺘﺮﻓﺾ ﺧﻠﻒ ﻭﺷﻠﻮﻥ ﺑﺘﻘﻮﻝ ﻻ
ﺍﻟﺪﻧﻴﺎ ﻭﺍﻟﻨﺎﺱ ﺗﺪﺭﻱ ﻭﺵ ﻛﺜﺮ ﺗﺤﺒﻪ ﻛﻴﻒ ﺑﺘﻨﻜﺮ
ﻣﺎﻗﺪﺭﺕ ﺗﻨﺎﻡ ﺍﺑﺪﺩ ﻭﻫﻲ ﺗﻔﻜﺮ ﻭﺵ ﺑﺘﺴﻮﻱ ﻭﺵ ﺑﺘﻘﻮﻝ ﺍﺫﺍ ﺟﺖ ﻭﻋﺪ ﻭﻗﺎﻟﺖ ‏( ﺧﻠﻒ ﻣﺎ
ﻳﺒﻴﻚ ‏)
._______________________
ﻭﻣﻦ ﺑﻜﺮﻩ
ﻓﻲ ﺑﻴﺖ ﺍﻡ ﺿﺎﺭﻱ ﺍﻟﻠﻲ ﻭﺍﻗﻔﻪ ﻋﻠﻰ ﺍﻟﺒﺎﺏ ﻭﺗﻨﺎﺩﻱ : ﺿﺎﺭﻱ ﺿﺎﺭﻱ ﻳﻼ ﻳﺎ ﻭﻟﻴﺪﻱ ﻗﻮﻡ
ﻋﺸﺎﻥ ﺗﻔﻄﺮ ﻭﺗﻠﺤﻖ ﻟﺼﻼﺓ
ﻭﻗﻒ ﺿﺎﺭﻱ ﻭﻫﻮ ﻣﻴﻴﺖ ﻧﻮﻡ : ﻃﻴﺐ ﻳﻤﻪ ﻃﻴﺐ
ﻭﻗﻒ ﻳﻐﺴﻞ ﻭﺟﻬﻪ ﻭﺭﺍﺡ ﻟﻠﻤﻄﺒﺦ ﻳﺤﻮﺱ ﻓﻴﻪ ﻛﺎﻟﻌﺎﺩﻩ ﻭﻳﺴﻮﻱ ﻓﻄﻮﺭ ﻭﺍﺧﻴﺮﺍً ﻃﻠﻊ ﻭﻫﻮ
ﻣﻌﻪ ﺍﻟﺼﻴﻨﻴﻪ ﻭﺩﻭﺍﺀ ﺍﻣﻪ
ﺍﻡ ﺿﺎﺭﻱ : ﺍﻟﻠﻪ ﻳﻌﻄﻴﻚ ﺍﻟﻌﺎﻓﻴﻪ ﻳﺎ ﻭﻟﻴﺪﻱ
ﺿﺎﺭﻱ : ﺍﻟﻠﻪ ﻳﻌﺎﻓﻴﻚ ﻳﺎﻣﻴﻤﺘﻲ ﻣﺎ ﺳﻮﻳﺖ ﺷﻲ
ﺍﻡ ﺿﺎﺭﻱ : ﻋﻼﻣﻚ ﺍﻟﻴﻮﻡ ﻣﺘﺄﺧﺮ
ﺿﺎﺭﻱ : ﺍﻣﺲ ﺗﺎﺧﺮﺕ ﻣﻊ ﺧﻠﻒ ﻭﻧﺎﺩﺭ ﻭﻣﺎ ﺑﻐﻴﺖ ﺍﻧﺎﻡ ﺍﻻ ﻟﻴﻦ ﺍﺻﻠﻲ ﺍﻟﻔﺠﺮ
ﺍﻡ ﺿﺎﺭﻱ : ﺍﻟﻠﻪ ﻳﺜﺒﺘﻚ ﻳﺎ ﺣﺒﻴﺒﻲ ، ﻭﺵ ﺍﺧﺒﺎﺭ ﺻﺪﻳﻘﻚ ﺍﻟﻠﻲ ﺗﻘﻮﻝ ﻣﺮﻳﺾ
ﺿﺎﺭﻱ : ﺧﻠﻒ ﺑﺨﻴﺮ ﺣﻤﺪﻟﻠﻪ ﺍﻣﺲ ﺳﻬﺮﺍﻥ ﻣﻌﻨﺎ ﻭﻃﻴﺐ ﻭﺑﺨﻴﺮ ﻭﻧﺎﺩﺭ ﺍﻣﺲ ﺯﻭﺍﺟﻪ ﻗﻠﺖ
ﻟﻚ
ﺍﻡ ﺿﺎﺭﻱ : ﺍﻳﻪ ﺍﻟﻠﻪ ﻳﺒﺎﺭﻙ ﻟﻪ
ﺭﻓﻊ ﺭﺍﺳﻪ ﺿﺎﺭﻱ ﺑﻀﻴﻖ : ﻭﺍﻟﻠﻪ ﺍﻣﻮﺭﻩ ﻣﺎﻫﻲ ﻣﺘﺴﻬﻠﻪ ﻳﻤﻪ
ﺍﻡ ﺿﺎﺭﻱ : ﻟﻴﻪ ! ؟
ﺷﺮﺡ ﻟﻬﺎ ﺿﺎﺭﻱ ﺍﻟﺴﺎﻟﻔﻪ ﻭﻫﺰﺕ ﺭﺍﺳﻬﺎ ﺍﻡ ﺿﺎﺭﻱ ﺑﻀﻴﻖ : ﻣﺎﻫﻮ ﺣﺮﺍﻡ ﻳﺰﻭﺟﻮﻥ ﺑﺰﺭ !
ﻣﺎﻳﺨﺎﻓﻮﻥ ﺍﻟﻠﻪ
ﺿﺎﺭﻱ : ﻭﺍﻟﻠﻪ ﻣﺪﺭﻱ ﻧﺎﺩﺭ ﻣﻨﻬﺒﻞ ﺍﻟﻈﺎﻫﺮ ﺍﻧﻬﺎ ﺻﻐﻴﺮﻩ ﻣﺮﻩ ﺍﻧﺎ ﻣﺪﺭﻱ ﻛﻴﻒ ﻗﺪﺭﻭﺍ ﻳﻤﺸﻮﻥ
ﺍﻻﻣﻮﺭ
ﺍﻡ ﺿﺎﺭﻱ: ﻭﺍﻟﻠﻪ ﻳﺎ ﻳﻤﻪ ﻣﺎﻧﺪﺭﻱ ﻋﻦ ﻇﺮﻭﻑ ﺍﻟﻨﺎﺱ ﻟﻜﻦ ﺍﻟﻠﻪ ﻳﻌﻴﻨﻪ ﻭﻳﺼﺒﺮﻩ ﻣﺎﻟﻪ ﺍﻻ ﺍﻟﺼﺒﺮ
ﺿﺎﺭﻱ : ﺍﻣﻴﻦ
ﺍﻡ ﺿﺎﺭﻱ : ﻭﺍﻥ ﺷﺎﺀ ﺍﻟﻠﻪ ﺑﻌﺪ ﻧﺰﻭﺟﻚ ﻭﻧﻔﺮﺡ ﻓﻴﻚ
ﺿﺤﻚ ﺿﺎﺭﻱ ﻭﻫﻮ ﻳﺒﻮﺱ ﻳﺪﻫﺎ: ﻣﺎﻫﻮ ﺍﻟﺤﻴﻦ ﻳﻤﻪ ﺍﺻﺒﺮﻱ ﺷﻮﻱ
ﺍﻡ ﺿﺎﺭﻱ : ﻳﺎﻭﻟﺪﻱ ﺍﻟﻌﻤﺮ ﻣﺎﺑﻘﻰ ﻓﻴﻪ ﻛﺜﺮ ﺍﻟﻠﻲ ﺭﺍﺡ ﺧﺎﻃﺮﻱ ﺍﻓﺮﺡ ﻓﻴﻚ ﻗﺒﻞ ﺍﻣﻮﺕ
ﺿﺎﺭﻱ : ﺑﺴﻢ ﻟﻠﻪ ﻋﻠﻴﻚ ﻳﺎ ﻳﻤﻪ ﻻ ﺗﻘﻮﻟﻴﻦ ﻛﺬﺍ ﺍﻥ ﺷﺎﺀ ﺍﻟﻠﻪ ﺑﺘﻄﻮﻝ ﺍﻳﺎﻣﻚ ﻭﺗﺸﻮﻓﻴﻦ ﻋﻴﺎﻟﻲ
ﻭﻋﻴﺎﻝ ﻋﻴﺎﻟﻲ ﺑﻌﺪ
ﺍﻡ ﺿﺎﺭﻱ : ﺍﻟﻠﻪ ﻳﻬﺪﻳﻚ ﺑﺲ
ﺳﻜﺖ ﺿﺎﺭﻱ ﻭﻫﻮ ﻣﺎ ﻳﺒﻲ ﻳﺪﺧﻞ ﻓﻲ ﺍﻣﻮﺭ ﺍﻟﺰﻭﺍﺝ ﺍﻟﺤﻴﻦ
.________________

لاتنسواااا متابعة صفحتي على الواتباد

*ـــــــ(رابط قناتنا بالتلجرام @ahgeel )))ـــــــ*
*, #ﺃلى_هنا_اقفل_ﺣﺪﻳﻘﺘﻲ_ال5*

طبعا الرواية تم نشرها كامل في التلجرام لمن يريدها كاملة انضم بقناتنا على التلجرام
رابط القناة بالتلجرام ⇐ t.me/ahgeel
قم بنسخ الرابط وابحث في التلجرام ...

شاركنــا رأيك بالجزء ...
ولاتنسوووا التصويت والتعليق ...