رواية عزاي انك رجاي العذب لو كل الدروب عثور / أديم الراشد

رواية عزاي انك رجاي العذب لو كل الدروب عثور للكاتبة أديم الراشد الجزء التاسع

*ـــــــــــــــــــــــــــــــــــــــــــــــــ*
*((, #ﻋﺰﺍﻱ_ﺇﻧﻚ_ﺭﺟﺎﻱ_ﺍﻟﻌﺬﺏ_ﻟﻮ_ﻛﻞ_ﺍﻟﺪﺭﻭﺏ_ﻋﺜﻮﺭ💙))*
*(( #الحديقة_التاسعة))*
*ــــــــــــــــــــــــــــــــــ*

لاتنسواااا متابعة صفحتي على الواتباد

ﻭﻓﻲ ﺍﻟﺨﺒﺮ
ﺻﺤﻰ ﻧﺎﺩﺭ ﻭﻫﻮ ﻳﻨﺎﻇﺮ ﺳﺎﻋﺘﻪ ﺑﺘﻌﺐ ﻭﺍﻟﺘﻔﺖ ﻣﺎﺷﺎﻑ ﺷﻮﻕ ﻭﻓﺰ ﻣﺴﺮﻉ ﻳﺪﻭﺭﻫﺎ ﻭﺷﺎﻓﻬﺎ
ﺟﺎﻟﺴﻪ ﺑﺎﻟﺼﺎﻟﻪ ﻭﺗﺘﺎﺑﻊ ﺍﻟﺘﻠﻔﺰﻳﻮﻥ ﻭﺍﺑﺘﺴﻢ ﺍﻭﻝ ﻣﺎﺷﺎﻑ ﺍﻟﻠﻲ ﺗﺒﺎﻋﻪ ﻛﺎﻥ ﺍﻓﻼﻡ ﻛﺮﺗﻮﻥ
ﻭﻛﺎﻧﺖ ﻋﺪﻧﺎﻥ ﻭﻟﻴﻨﺎ ﺿﺤﻚ : ﺍﻟﻠﻪ ﻣﻦ ﺯﻣﺎﺍﺍﺍﻥ ﻣﺎ ﺗﺎﺑﻌﺖ ﻫﺎﻻﺷﻴﺎﺀ
ﺗﻔﺸﻠﺖ ﺷﻮﻕ : ﺍ ﻟﻘﻴﺘﻬﺎ ﻭﺧﻠﻴﺘﻬﺎ ﺍﺫﺍ ﺗﺒﻲ ﺑﻐﻴﺮ
ﺟﻠﺲ ﻧﺎﺩﺭ ﺟﻨﺒﻬﺎ ﺑﺒﺘﺴﺎﻣﻪ : ﻻ ﻻ ﺧﻠﻴﻬﺎ ﺍﻧﺎ ﺍﺣﺒﻬﺎ
ﺷﻮﻕ : ﺗﺒﻲ ﻓﻄﻮﺭ !
ﻟﻒ ﻧﺎﺩﺭ ﺑﻬﺪﻭﺀ : ﺗﻘﺪﺭﻳﻦ ﺗﺠﻬﺰﻳﻨﻪ
ﺿﺤﻜﺖ ﺷﻮﻕ ﻭﺍﻭﻝ ﻣﺮﻩ ﻳﺸﻮﻑ ﻧﺎﺩﺭ ﺿﺤﻜﺘﻬﺎ : ﻭﺵ ﻓﻴﻚ ﺗﻀﺤﻜﻴﻦ !
ﺷﻮﻕ ﺑﺤﺮﺝ : ﺳﺆﺍﻟﻚ ﻏﺮﻳﺐ ﻛﻠﻬﺎ ﻧﻮﺍﺷﻒ ﺍﺣﻀﺮﻫﺎ ﻭﺷﺎﻫﻲ
ﻧﺎﺩﺭ ﺿﺤﻚ : ﻳﻌﻨﻲ ﺗﻘﺪﺭﻳﻦ ؟
ﺷﻮﻕ: ﻻ ﻳﻐﺮﻙ ﺍﻧﻲ ﺻﻐﻴﺮﻩ ﺍﻋﺮﻑ ﺍﻃﺒﺦ ﻭﺍﺷﺘﻐﻞ ﻛﻞ ﺷﻲ ، ﻻﻧﻲ ﺍﺻﻼً ﻣﺎ ﻛﻨﺖ ﻣﺮﻓﻬﻪ
ﻟﺪﺭﺟﺔ ﺍﻧﻲ ﻣﺎ ﺍﻋﺮﻑ ﺷﻲ
ﺿﺤﻚ ﻧﺎﺩﺭ: ﻣﺎ ﻋﺮﻓﺘﻲ ﺗﻜﺴﺒﻴﻦ ﺍﻟﻤﻮﺿﻮﻉ ﻟﺼﺎﻟﺤﻚ ﻻﻧﻚ ﻟﻮ ﻗﻠﺘﻲ ﻣﻌﺮﻑ ﺑﻘﻮﻡ ﺍﺳﻮﻳﻬﺎ
ﺍﻧﺎ
ﻭﻗﻔﺖ ﺷﻮﻕ ﺑﻀﺤﻜﻪ: ﺯﻳﻦ ﻋﻠﻤﺘﻨﻲ ﻋﺸﺎﻥ ﺍﺳﺘﻐﻠﻬﺎ ﺑﻌﺪﻳﻦ
ﺟﻠﺲ ﻧﺎﺩﺭ ﻣﺒﺘﺴﻢ ﻭﻫﻮ ﻳﺸﻮﻓﻬﺎ ﺍﺭﺗﺎﺣﺖ ﻛﺜﻴﺮ ﻭﺑﺪﺕ ﺗﻜﻠﻤﻪ ﺑﺮﺍﺣﻪ ﻭﺗﺴﻮﻟﻒ ﻭﺗﺮﺩ ﻋﻠﻴﻪ
ﻭﻭﻟﻒ ﻟﺘﻠﻴﻔﻮﻥ ﻭﻫﻮ ﻳﺒﻲ ﻳﻜﻠﻢ ﺧﻠﻒ ﻣﻦ ﺯﻣﺎﻥ ﻣﺎ ﻛﻠﻤﻪ ﻭﻻﻳﻘﺪﺭ ﻳﺘﺼﻞ ﻋﻠﻰ ﺗﻠﻴﻔﻮﻥ ﺑﻴﺘﻬﻢ
ﻭﺍﺗﺼﻞ ﻋﻠﻰ ﻣﺤﻞ ﺟﺪﻩ ﻭﺭﺩ ﺧﻠﻒ : ﺍﻟﻮ
ﻧﺎﺩﺭ ﻭﻫﻮ ﻳﻘﻠﺐ ﺻﻮﺗﻪ ﺻﻮﺕ ﺑﻨﺖ: ﺧﻠﻒ ﺷﻠﻮﻧﻚ
ﺩﻕ ﻗﻠﺐ ﺧﻮﻑ ﻣﺎﻳﺪﺭﻱ ﻟﻴﻪ ﺧﺎﻑ ﺍﻧﻬﺎ ﻟﻴﻠﻰ ﻭﻗﺎﻝ ﺑﺎﺭﺗﺒﺎﻙ : ﺍ ﻫﻼ
ﻧﺎﺩﺭ : ﻣﺎﺻﺪﻗﺖ ﺍﻧﻚ ﺭﺩﻳﺖ ﻭﺍﻟﻠﻪ ﺍﺷﺘﻘﺖ ﻟﻚ
ﻗﻄﺐ ﺧﻠﻒ ﺑﺬﻫﻮﻝ ﻭﻗﺎﻝ : ﻫﺎﻩ ! ؟
ﻟﻜﻦ ﺍﻧﻔﺠﺮ ﻧﺎﺩﺭ ﻳﻀﺤﻚ: ﺍﻓﺎ ﻳﺎﺧﻠﻒ ﻃﻠﻌﺖ ﺧﻮﺍﻑ ﻭﺵ ﺑﻼﻙ ﺑﻐﻴﺖ ﺗﻤﻮﺕ
ﻏﻤﺾ ﺧﻠﻒ : ﺍﻟﻠﻪ ﻳﺎﺧﺬ ﻋﻘﻠﻚ ﻳﺎﻧﺎﺩﺭ ﺍﻟﺰﻓﺖ
ﻧﺎﺩﺭ: ﻫﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻪ ﻫﻬﻬﻬﻬﻬﻬﻬﻬﻬﻪ ﻭﺵ ﻓﻴﻚ ﻫﺎﻩ
ﻭﺵ ﺑﻼﻙ ﻣﺨﺘﺒﺺ
ﺧﻠﻒ ﺑﻀﺤﻚ: ﺍﺳﺘﻐﻔﺮﻟﻠﻪ ! ﻻ ﻭﺍﺿﺢ ﺍﻧﻌﺪﻳﺖ ﻣﻦ ﺍﻟﺒﻨﺖ ﺍﻟﻠﻲ ﻋﻨﺪﻙ
ﺿﺤﻚ ﻧﺎﺩﺭ: ﺍﺳﻜﺖ ﺗﻜﻔﻰ ﺍﻧﺎ ﺑﻜﺮﻩ ﺑﺠﻴﻜﻢ ﻣﺮﺑﻴﺔ ﺍﺟﻴﺎﻝ ﻣﻀﺒﻮﻃﻪ
ﺿﺤﻚ ﺧﻠﻒ : ﻻ ﺗﺴﻤﻌﻚ ﺍﻟﺒﻨﺖ ﺑﺲ
ﻧﺎﺩﺭ: ﻣﺎﻋﻠﻴﻨﺎ ﺍﻟﻤﻬﻢ ﺗﺮﺍ ﻃﻠﻌﺖ ﻟﻠﺨﺒﺮ ﻭﺗﻮﻱ ﻓﻀﻴﺖ
ﺧﻠﻒ : ﻛﺬﺍ ﻻ ﺍﺣﻢ ﻭﻻ ﺩﺳﺘﻮﺭ ﻭﻻ ﻗﻠﺖ ﻟﻨﺎ ﺿﺎﺭﻱ ﻛﻞ ﻳﻮﻡ ﻳﺪﻭﺭﻙ ﻳﺨﺎﻑ ﺍﻧﻚ ﺻﻔﻴﺖ ﻣﻊ
ﺷﻮﻕ ﺗﺒﻜﻲ
ﺿﺤﻚ ﻧﺎﺩﺭ: ﻳﺎﺯﻳﻨﻪ ﺿﺎﺭﻱ ﻭﺍﻟﻠﻪ ﺍﻥ ﻟﻪ ﻓﻘﺪﻩ
ﺧﻠﻒ : ﻟﻴﺘﻚ ﺗﻌﻠﻢ ﻋﻘﺎﺏ ﻓﺠﺮ ﻣﺮﺍﺭﺗﻲ ﻫﻮ ﻭﻳﺎﻩ
ﻧﺎﺩﺭ : ﺧﻠﻪ ﻳﺎﺧﻲ ﺧﻠﻬﻢ ﻳﻨﺸﺒﻮﻥ ﻣﻊ ﺑﻌﺾ ﻭﻳﻔﻜﻮﻧﺎ
ﺧﻠﻒ : ﺧﻠﻨﺎ ﻣﻨﻬﻢ ﻛﻴﻒ ﺍﻣﻮﺭﻙ !
ﻧﺎﺩﺭ: ﻣﺎﺷﻴﻪ ﺗﻤﺎﻡ ﻭﻳﻮﻣﻴﻦ ﺛﻼﺛﻪ ﻭﺭﺍﺟﻊ
ﺧﻠﻒ : ﺯﻳﻦ ﺍﺟﻞ ﺍﻫﻢ ﺷﻲ ﺍﻧﺒﺴﻂ ﻻ ﺗﻨﻜﺪ ﻋﻠﻰ ﻧﻔﺴﻚ
ﻧﺎﺩﺭ: ﻫﺬﺍ ﺍﻟﻠﻲ ﺍﺳﻮﻳﻪ ﺍﻟﻤﻬﻢ ﻳﻼ ﺑﺴﻜﺮ ﺳﻠﻢ ﻋﻠﻰ ﺍﻟﻌﻴﺎﻝ ﻭﻧﻔﺴﻚ
ﺧﻠﻒ : ﺍﺑﺸﺮ ﻳﻼ ﻣﻊ ﺍﻟﺴﻼﻣﻪ
ﺳﻜﺮ ﻧﺎﺩﺭ ﻭﻫﻮ ﻳﻨﺎﻇﺮ ﺷﻮﻕ ﺑﺒﺘﺴﺎﻣﻪ ﻭﺟﻠﺴﺖ ﻭﻫﻲ ﺗﺘﺎﺑﻊ ﻣﻊ ﻧﺎﺩﺭ ﺑﺒﺘﺴﺎﻣﻪ ﺑﺮﻳﺌﻪ ﺟﺬﺍﺑﻪ
._______________________
ﻭﻓﻲ ﺑﻴﺖ ﺍﻟﻨﻮﺧﺬﻩ
ﻃﻠﻌﺖ ﻟﻴﻠﻰ ﻟﻐﺮﻓﺘﻬﺎ ﻭﻫﻲ ﺗﻄﻠﻊ ﺍﻟﺮﺍﺩﻳﻮ : ﺍﺳﺘﻐﻔﺮ ﺍﻟﻠﻪ ﻻﺯﻡ ﻳﻄﻠﻊ ﺍﻟﺒﻄﺎﺭﻳﺎﺕ ﻳﻌﻨﻲ
ﻗﻠﺒﺘﻪ ﻭﻫﻲ ﺗﻔﺘﺢ ﺍﻟﻐﻄﺎﺀ ﺑﺲ ﺷﻬﻘﺖ ﻭﻫﻲ ﺗﻨﺎﻇﺮ ﺍﻟﻈﺮﻑ : ﻳﻤﻤﻤﻤﻪ ﻳﻴﻤﻤﻤﻪ ﺷﻨﻮ ﻣﺴﻮﻱ
ﻫﺎﻟﻤﺠﻨﻮﻥ
ﺿﺮﺑﺖ ﺧﺪﻫﺎ ﺑﺨﻮﻑ :ﻳﺎﻭﻳﻠﻲ ﻟﻮ ﺍﺣﺪ ﻳﺪﺭﻱ ﺣﺴﺒﻲ ﺍﻟﻠﻪ ﻋﻠﻴﻚ ﻳﺎﻟﻌﻴﺎﺍﺍﺭ
ﺭﻛﻀﺖ ﺗﻘﻔﻞ ﺑﺎﺏ ﺍﻟﻐﺮﻓﻪ ﻭﺳﺤﺒﺖ ﺍﻟﻈﺮﻑ ﻭﻓﺘﺤﺖ ﺑﺸﻮﻳﺶ ﻭﺩﺍﺧﺖ ﺍﻭﻝ ﻣﺎﺷﺎﻓﺖ
ﺍﻟﺨﻠﺨﺎﻝ ﺍﻟﺠﺪﻳﺪ ﻣﺴﻜﺖ ﺭﺍﺳﻬﺎ ﻭﻫﻲ ﺗﺪﻭﺭ: ﺷﻨﻮ ﻣﻬﺒﺐ ﻫﺎﻟﻠﻲ ﻣﺎﻳﺴﺘﺤﻲ ﻳﺎﻭﻳﻠﭻ ﻳﺎﻭﻳﻠﭻ
ﻳﺎ ﻟﻴﻠﻮﻭﻭﻩ ﻳﺎ ﻭﻳﻠﭻ ﺍﻧﻔﻀﺤﻨﺎ ﺍﻧﻔﻀﺤﻨﺎ
ﺳﺤﺒﺖ ﺍﻟﻮﺭﻗﻪ ﻭﻫﻲ ﻣﻔﺠﻮﻋﻪ ﻭﺷﺎﻓﺘﻪ ﻛﺎﺗﺐ ﺑﺨﻂ ﻭﺍﺛﻖ ﻭﺟﻤﻴﻞ ‏( ﺍﻋﺘﺬﺭ ﻋﻠﻰ ﻫﺎﻟﺠﺮﺃﻩ
ﻳﺎ ﺑﻨﺖ ﺍﻟﻨﻮﺧﺬﻩ ﻟﻜﻦ ﻋﻨﺪﻱ ﻟﻚ ﺍﻣﺎﻧﻪ ﻭﺩﺍﻣﻚ ﺭﺟﻌﺘﻲ ﺍﻣﺎﻧﺘﻲ ﻭﺟﺐ ﻋﻠﻲ ﺍﺭﺩ ﺍﻣﺎﻧﺘﻚ ،
ﺍﻣﺲ ﺷﻔﺖ ﺧﻠﺨﺎﻟﻚ ﺍﻧﻘﻄﻊ ﺍﻭﻝ ﻣﺎﻃﺤﺘﻲ ﻭﻓﺠﻌﺘﻚ ﻭﺩﺍﻡ ﺍﻧﺎ ﺍﻟﺴﺒﺐ ،ﻫﺬﺍ ﺍﻟﻌﻮﺽ
ﻭﺍﺗﻤﻨﻰ ﺗﻘﺒﻠﻴﻨﻪ ... ﻭﻣﺸﻜﻮﺭﻩ ﺍﻧﻚ ﺭﺟﻌﺘﻲ ﻟﻲ ﺍﻟﺪﻭﺍﺀ ‏)
ﺳﻜﺮﺗﻬﺎ ﻭﻫﻲ ﻣﻐﻤﻀﻪ: ﻫﺬﺍ ﻣﻮ ﺑﺲ ﻋﻴﻨﻪ ﺯﺍﻳﻐﻪ ! ؟ ﻫﺬﺍ ﻣﺎﻳﺴﺘﺤﻲ ﻣﺎﻳﻨﺘﺨﻲ ﻭﻓﺎﺻﺦ
ﺍﻟﺤﻴﺎﺀ ﻣﺮﻩ ﻭﺣﺪﻩ ﻟﻜﻦ ﺍﻧﺎ ﺍﺭﺍﻭﻳﻚ ﺷﻐﻠﻚ ﻳﺎ ﭼﻠﻴﻞ ﺍﻟﺤﻴﺎﺀ ﻳﺎﻟﺠﻴﻜﺮ ‏( ﺷﻴﻦ‏)
ﺟﻠﺴﺖ ﺑﻐﻀﺐ ﺑﺲ ﺍﺑﺘﺴﻤﺖ ﺑﻀﺤﻚ: ﺍﺳﺘﻐﻔﺮ ﻟﻠﻪ ﺷﻨﻮ ﺟﻴﻜﺮ ! ؟ ﺍﺫﺍ ﻫﺬﺍ ﺟﻴﻜﺮ ﻋﻴﻞ
ﻣﻨﻬﻮ ﺍﻟﻤﺰﻳﻮﻥ ﺍﻟﺬﺭﺏ
ﻭﻗﻔﺖ ﻭﻫﻲ ﺗﻀﺤﻚ ﻭﺭﺟﻌﺖ ﻛﻞ ﺷﻲ ﻣﺤﻠﻪ ﻭﻫﻲ ﺗﺮﺟﻊ ﺍﻟﺨﻠﺨﺎﻝ ﺑﺎﻟﻈﺮﻑ ﻭﻫﻲ ﺗﻔﻜﺮ
ﻛﻴﻒ ﺗﺮﺟﻌﻪ ﻭﺗﻮﻗﻔﻪ ﻋﻨﺪ ﺣﺪﻩ
ﺷﺎﻓﺖ ﺍﻟﻜﺎﻣﻴﺮﻩ ﻭﺍﺧﺬﺗﻬﺎ ﻭﺟﻠﺴﺖ ﺗﺸﻮﻓﻬﺎ ﻭﺷﺎﻓﺖ ﺍﻟﻔﻴﺪﻳﻮ ﺍﻣﺲ ﻭﻓﺘﺤﺖ ﻭﻫﻲ
ﻣﺴﺘﻐﺮﺑﻪ ﺍﻥ ﺍﻟﻜﺎﻣﻴﺮﻩ ﻣﺴﺠﻠﻪ ﻭﻛﺎﻧﺖ ﺍﻟﺒﺪﺍﻳﻪ ﺭﻗﺼﻬﺎ ﻭﺑﻌﺪﻫﺎ ﺩﺧﻮﻝ ﺧﻠﻒ ﻛﺒﺮﺕ ﺗﻨﺎﻇﺮ
ﻭﺟﻬﻪ ﺍﻟﻤﺬﻫﻮﻝ ﻭﺭﺍﻫﺎ ﻭﻫﻮ ﻳﻨﺎﻇﺮﻫﺎ ﻭﺑﻌﺪﻫﺎ ﻛﻞ ﺷﻲ ﺻﺎﺭ ﺑﻴﻨﻬﻢ ﻭﺑﻌﺪﻫﺎ ﺳﻮﺍﻟﻔﻪ ﻛﺎﻣﻠﻪ
ﻣﻊ ﺟﺎﺑﺮ
ﺿﺤﻜﺖ ﻭﻫﻲ ﺗﻜﺒﺮ ﻭﺗﺼﻐﺮ : ﺷﻬﺎﻟﺠﻨﻲ ﺍﻟﻠﻲ ﻓﻲ ﻛﻞ ﻣﻜﺎﻥ ﻣﻮﺟﻮﺩ ، ﻳﻤﻪ ﻣﻨﻪ
ﺳﻜﺮﺕ ﻛﻞ ﺷﻲ ﻭﻧﺰﻟﺖ ﻣﺒﺘﺴﻤﻪ ﻭﻫﻲ ﺗﻔﻜﺮ ﻭﺵ ﺑﺘﺴﻮﻱ ﺑﺎﻟﺨﻠﺨﺎﻝ
._______________________
ﻓﻲ ﺑﻴﺖ ﺍﻟﺠﺪ
ﻓﺰﺕ ﻫﻴﺎ ﻋﻠﻰ ﺩﻕ ﺍﻟﺒﺎﺏ ﻭﻓﺘﺤﺖ ﻭﺍﺑﺘﺴﻤﺖ: ﻣﺤﻤﺪ ﺣﻤﺪﻟﻠﻪ ﻋﻠﻰ ﺍﻟﺴﻼﻣﻪ
ﻣﺤﻤﺪ : ﺍﻟﻠﻪ ﻳﺴﻠﻤﻚ
ﻣﻀﺎﻭﻱ : ﺍﺩﺧﻞ ﺍﺩﺧﻞ
ﻣﺤﻤﺪ : ﺧﺬﻱ ﺗﻜﻔﻴﻦ ﺍﻻﻏﺮﺍﺽ ﺩﺧﻠﻴﻬﺎ
ﺩﺧﻞ ﻭﻫﻮ ﻣﺘﻮﻗﻊ ﺍﺟﺘﻤﺎﻋﻬﻢ ﻛﺎﻟﻌﺎﺩﻩ ﻟﻜﻦ ﺷﺎﻑ ﺍﻟﺒﻴﺖ ﻫﺎﺍﺍﺩﻱ ﻭﻟﻒ ﺑﺎﺳﺘﻐﺮﺍﺏ : ﻭﻳﻦ
ﺍﻟﻨﺎﺱ ! ؟
ﺗﻨﻬﺪﺕ ﻣﻀﺎﻭﻱ ﺑﻀﻴﻖ : ﺍﻟﻨﺎﺱ ﻣﺘﺸﺘﺘﻴﻦ
ﻟﻒ ﻣﺤﻤﺪ ﺑﺬﻫﻮﻝ ﻭﺍﺳﺘﻐﺮﺏ : ﻭﺷﻮ ! ؟ ﻭﺵ ﻓﻴﻜﻢ ! ﺍﺣﺪ ﺻﺎﻳﺮ ﻟﻪ ﺷﻲ
ﻣﻀﺎﻭﻱ : ﺗﻌﺎﻝ ﺍﺟﻠﺲ ﻭﺑﻘﻮﻟﻚ
ﺟﻠﺲ ﻣﺤﻤﺪ ﻭﺑﺪﺕ ﻣﻀﺎﻭﻱ ﺗﻬﻞ ﻋﻠﻴﻪ ﺍﻟﺴﺎﻟﻔﻪ ﻭﻟﻒ ﻣﺤﻤﺪ ﺑﺬﻫﻮﻝ : ﻛﻞ ﺫﺍ ﺻﺎﻳﺮ ﻭﺍﻧﺎ
ﻣﺎﻟﻲ ﺧﺒﺮ
ﻣﻀﺎﻭﻱ : ﻣﻦ ﻭﻳﻦ ﺑﻨﻘﻮﻟﻚ ﻭﺣﻨﺎ ﻣﺎ ﻧﺪﺭﻱ ﻭﻳﻦ ﺍﺭﺿﻚ ﻣﻦ ﺳﻤﺎﻙ
ﻣﺤﻤﺪ : ﻭﻧﺎﺻﺮ ﺍﻧﻬﺒﻞ ! ؟ ﻫﻮ ﺍﻟﺰﻭﺍﺝ ﻏﺼﻴﺒﻪ
ﻣﻀﺎﻭﻱ : ﻣﺐ ﺑﺲ ﻧﺎﺻﺮ ﺍﻣﻲ ﺑﻌﺪ ﻣﻌﺼﺒﻪ ﻣﻌﻪ
ﻣﺤﻤﺪ : ﻻ ﺣﻮﻝ ﺍﻟﻠﻪ ﻭﻳﻴﻴﻦ ﺍﻣﻲ ! ؟
ﻣﻀﺎﻭﻱ : ﺭﺍﺣﺖ ﻟﺠﺎﺭﺗﻨﺎ ﺳﻌﺪﺍ
ﻣﺤﻤﺪ : ﺍﻧﺎ ﺑﺮﻭﺡ ﻟﻨﺎﺻﺮ ﺍﺗﻔﺎﻫﻢ ﻣﻌﻪ
ﻣﻀﺎﻭﻱ : ﻋﺴﺎﻙ ﻋﻠﻰ ﺍﻟﻘﻮﻩ
ﻃﻠﻊ ﻣﺤﻤﺪ ﻣﺘﺠﻬﻪ ﺑﻴﺖ ﺍﺑﻮ ﺧﻠﻒ ﻭﺩﻕ ﺍﻟﺒﺎﺏ ﻳﻨﺘﻈﺮ ﻭﻓﺘﺤﺖ ﺍﻣﺎﻧﻲ : ﻋﻤﻲ ﻣﺤﻤﺪ ﻳﺎﻫﻼ
ﺣﻤﺪﻟﻠﻪ ﻋﻠﻰ ﺍﻟﺴﻼﻣﻪ
ﻣﺤﻤﺪ : ﻫﻼﺑﻚ ﻳﺎ ﺍﻣﺎﻧﻲ ،ﺍﻟﻠﻪ ﻳﺴﻠﻤﻚ
ﺍﻟﻜﻞ ﻃﻠﻊ ﻋﻠﻰ ﺻﻮﺕ ﻣﺤﻤﺪ ﻭﺍﺟﺘﻤﻌﻮﺍ ﺣﻮﻟﻪ ﻳﺴﻠﻤﻮﻥ ﻋﻠﻴﻪ
ﻭﻟﻒ ﻣﺤﻤﺪ ﺍﻟﻠﻲ ﺑﺎﻳﻦ ﻋﻠﻴﻪ ﺍﻟﺰﻋﻞ : ﻭﻳﻦ ﺍﺑﻮﻛﻢ ! ؟
ﺣﻨﺎﻥ : ﺭﺍﺡ ﻳﻮﺻﻞ ﺍﻟﻌﻴﺎﻝ ﻣﺎﺟﺎﺀ ﻟﻠﺤﻴﻦ
ﻧﺪﻯ: ﺍﺟﻠﺲ ﺍﻧﺘﻈﺮﻩ ﺍﻛﻴﺪ ﺍﻧﻪ ﻋﻠﻰ ﻭﺻﻮﻝ ﻭﺍﻧﺎ ﺑﺴﻮﻱ ﻟﻚ ﻗﻬﻮﻩ ﻳﺤﺒﻬﺎ ﻗﻠﺒﻚ
ﻣﺤﻤﺪ : ﺯﻳﻦ ﺯﻳﻦ
ﺭﺍﺣﻮﺍ ﻳﺴﺎﻋﺪﻭﻧﻬﺎ ﻭﺟﻠﺴﺖ ﻭﻋﺪ : ﻋﻤﻲ ﺳﻤﻌﺖ ﺑﺎﻟﻠﻲ ﺻﺎﺭ
ﻣﺤﻤﺪ : ﺳﻤﻌﺖ ﺳﻤﻌﺖ ﻭﺍﻧﺎ ﻭﺵ ﺟﺎﺑﻨﻲ ﺍﻻ ﻫﺎﻟﺨﺒﺮ
ﻭﻋﺪ : ﺍﻧﺎ ﺣﺴﻔﺖ ﺍﺑﻮﻱ ﺍﻟﻴﻮﻡ ﻭﺍﺗﻮﻗﻊ ﻟﻮ ﺑﺘﻜﻠﻤﻪ ﺑﻴﺴﻤﻊ ﻣﻨﻚ
ﺑﺪﺕ ﺗﻘﻮﻟﻪ ﻭﺵ ﺻﺎﺭ ﻭﺳﻜﺘﺖ ﺍﻭﻝ ﻣﺎ ﺩﺧﻞ ﺍﺑﻮﻫﺎ ﻭﺍﺑﺘﺴﻢ ﻟﺸﻮﻓﺔ ﻣﺤﻤﺪ ﺍﻟﻠﻲ ﺍﻗﺒﻞ ﻳﺴﻠﻢ
ﻋﻠﻴﻪ ﻭﻫﻮ ﺯﻋﻼﻥ
ﺍﺑﻮ ﺧﻠﻒ: ﻭﺵ ﻓﻴﻪ ﻭﺟﻬﻚ ! ؟
ﻣﺤﻤﺪ : ﺧﻠﻴﻨﺎ ﻳﺎﻭﻋﺪ
ﻃﻠﻌﺖ ﻭﻋﺪ ﻭﻫﻲ ﻣﺘﺄﻣﻠﻪ ﺍﻥ ﻣﺤﻤﺪ ﺑﻴﺤﻞ ﺍﻟﻤﻮﺿﻮﻉ
ﺍﺑﻮ ﺧﻠﻒ : ﺗﻜﻠﻢ ﻳﺎ ﻣﺤﻤﺪ ﻻﻳﻜﻮﻥ ﺻﺎﻳﺮ ﺷﻲ ! ؟
ﻣﺤﻤﺪ : ﻟﻴﻪ ﻫﻮ ﻓﻴﻪ ﺷﻲ ﺍﻛﺒﺮ ﻣﻦ ﺍﻟﻠﻲ ﺻﺎﺭ ﻭﺍﻟﻠﻲ ﺳﻮﻳﺘﻪ ! ؟
ﺍﺑﻮ ﺧﻠﻒ : ﻭﺵ ﺳﻮﻳﺖ ! ؟
ﻣﺤﻤﺪ : ﻳﺎﻧﺎﺻﺮ ﻧﺎﻳﻒ ﻣﺎﺕ ﻭﻫﻮ ﻳﻮﺻﻴﻨﺎ ﻋﻠﻰ ﻋﻴﺎﻟﻪ ﻭﻳﻮﺻﻴﻚ ﺍﻧﺖ ﺑﺬﺍﺕ ﻳﺎﻣﺎ ﻃﻠﺒﻚ ﺍﻧﻚ
ﻣﺎ ﺗﻈﻠﻬﻢ ﻭﻻ ﺗﺠﻮﺭ ﻋﻠﻴﻬﻢ ﻭﺗﻘﺴﻰ ! ﻣﺴﺮﻉ ﻣﺎ ﻧﺴﻴﺖ ﻳﺎ ﻧﺎﺻﺮ
ﺍﺑﻮ ﺧﻠﻒ: ﺍﻧﺎ ﻣﺎ ﻇﻠﻤﺖ ﻟﻜﻦ ﺍﺑﻲ ﻟﻬﻢ ﺍﻟﺨﻴﺮ ﻣﺎﺑﻲ ﺑﻨﺎﺕ ﺍﺧﻮﻱ ﻳﻄﻠﻌﻮﻥ ﻋﻨﺪ ﻏﺮﻳﺐ
ﻣﺎﻳﺨﺎﻑ ﺍﻟﻠﻪ ﻓﻴﻬﻢ
ﻣﺤﻤﺪ : ﻛﻠﻨﺎ ﻧﺒﻲ ﻟﻬﻢ ﺍﻟﺨﻴﺮ ﻟﻜﻢ ﻫﺬﺍ ﻣﺎ ﻳﻌﻨﻲ ﺇﻧﺎ ﻧﺠﺒﺮﻫﻢ ﻋﻠﻰ ﺍﻟﺘﻌﺎﺳﺔ ﺍﻧﺖ ﺗﺪﺭﻱ ﻟﻮ
ﺗﺰﻭﺟﻮﺍ ﻣﻐﺼﻮﺑﻴﻦ ﻋﻤﺮﻫﻢ ﻣﺎ ﺑﻴﺸﻮﻓﻮﻥ ﺍﻟﺨﻴﺮ ، ﻳﺎﻧﺎﺻﺮ ﺧﻠﻒ ﻳﺸﻮﻓﻬﺎ ﺍﺧﺖ ﻭﻫﻲ ﺗﺸﻮﻓﻪ
ﺍﺧﻮ ! ؟ ﻟﻴﻪ ﺗﺒﻲ ﺗﺤﻮﻝ ﻫﺎﻻﺧﻮﻩ ﻟﻌﺪﺍﻭﺓ
ﺍﺑﻮ ﺧﻠﻒ : ﻻ ﺳﺤﺮ ﺭﻓﻀﺘﻪ ﻋﺸﺎﻧﻪ ﺗﻌﺒﺎﻥ
ﻣﺤﻤﺪ : ﺍﻭﻝ ﺷﻲ ﺧﻠﻒ ﻃﻴﺐ ﻣﺎﻫﻮ ﻻ ﻣﺮﻳﺾ ﻭﻻ ﺗﻌﺒﺎﻥ ﻛﻞ ﺍﻟﺴﺎﻟﻔﻪ ﻧﻮﺑﺎﺕ ﺭﺑﻮ ﺗﺘﻌﺒﻪ
ﻭﻻ ﻫﻮ ﺑﺨﻴﺮ ﻭﻻ ﻳﻌﻴﺒﻪ ﻫﺎﻟﺸﻲ ﻭﺛﺎﻧﻲ ﺷﻲ ﺳﺤﺮ ﻣﺎ ﺗﺴﻮﻳﻬﺎ
ﺻﺪ ﺍﺑﻮ ﺧﻠﻒ ﻭﻫﻮ ﻣﺘﻀﺎﻳﻖ ﻭﺯﻋﻼﻥ ﻭﻛﻤﻞ ﻣﺤﻤﺪ ﺑﻘﻬﺮ : ﺷﻮﻑ ﻫﺎﻟﺒﻴﻮﺕ ﻣﻦ ﻳﻮﻡ ﻋﺮﻓﻨﺎ
ﺍﻟﺪﻧﻴﺎ ﻭﻫﻲ ﺑﻴﺖ ﻭﺍﺣﺪ ﻭﻋﻴﺎﻟﻬﻢ ﺍﺧﻮﺍﻥ ﻭﻭﺟﺒﺘﻬﻢ ﻭﺣﺪﻩ ﻭﺧﺎﻃﺮﻫﻢ ﻭﺍﺣﺪ ﻭﺍﻟﻠﻲ ﻳﺰﻋﻞ
ﻭﺍﺣﺪ ﻳﺰﻋﻞ ﺍﻟﻌﺎﻳﻠﻪ ﻛﻠﻬﺎ ؟ ﻻ ﺗﺨﻠﻲ ﻋﺰﺓ ﺍﻟﻨﻔﺲ ﺗﻬﺪﻡ ﻛﻞ ﻫﺎﻟﺤﻴﺎﻩ ﻧﺎﻇﺮ ﺣﻮﻟﻚ ﺷﻮﻑ
ﺍﻟﻀﻴﻖ ﺍﻟﻠﻲ ﺭﺳﻤﺘﻪ ﻋﻠﻰ ﺍﻟﻜﻞ ﺷﻮﻑ ﺍﻟﺴﻜﻮﻥ ﺍﻟﻠﻲ ﻳﻀﻴﻖ ﺍﻟﺼﺪﺭ ﻛﻠﻪ ﻋﺸﺎﻥ ﺍﻣﺮ ﻣﺎ ﻛﺘﺒﻪ
ﺭﺑﻲ ، ﺍﺳﻤﻌﻨﻲ ﻳﺎ ﻧﺎﺻﺮ ﻣﻬﻤﺎ ﻛﺎﻥ ﻭﻣﻬﻤﺎ ﺻﺎﺭ ﺍﻧﺘﺒﻪ ﺗﻔﺮﻁ ﺑﺎﻟﻮﺻﻴﻪ ﻭﺗﻈﻠﻢ ﻋﻴﺎﻟﻚ ﻭﻋﻴﺎﻝ
ﺍﺧﻮﻙ ﻭﺗﺰﻋﻞ ﺍﺑﻮﻙ ﻭﺍﻣﻚ ﻭﺧﻠﻒ ﺑﻜﺮﻩ ﺑﻴﺘﺰﻭﺝ ﻭﺳﺤﺮ ﺑﻴﻮﻓﻘﻬﺎ ﺍﻟﻠﻪ ﻭﺍﻟﻌﺒﺮﻩ ﻣﺎﻫﻲ ﻓﻲ
ﺍﻧﻬﻢ ﻳﺘﺰﻭﺟﻮﻥ ﺑﻌﺾ ﻋﺸﺎﻥ ﻧﺮﺗﺎﺡ ﻭﻳﻜﻮﻧﻮﻥ ﺑﺨﻴﺮ ! ﺍﻟﻤﻬﻢ ﻳﻜﻮﻧﻮﻥ ﺑﺨﻴﺮ ﺣﺘﻰ ﻟﻮ ﻣﺎ
ﺍﺭﺗﺤﻨﺎ ﺣﻨﺎ ... ﻓﻜﺮ ﻓﻲ ﻛﻼﻣﻲ ﺯﻳﻦ
ﻃﻠﻊ ﻭﺗﺮﻛﻪ ﺣﺎﻳﺮ ﻭﻫﻮ ﻣﺎﻫﻮ ﻧﺎﻗﺺ ﺑﻌﺪ ﻛﻼﻡ ﻭﻋﺪ ﻭﺣﻠﻤﻬﺎ ﺍﻟﻤﺰﻋﻮﻡ
._______________________
ﺍﻟﻈﻬﺮ
ﻓﻲ ﺑﻴﺖ ﺍﺑﻮ ﺧﻠﻒ ﺍﻟﻠﻲ ﻣﻦ ﻳﻮﻡ ﻃﻠﻊ ﻣﺤﻤﺪ ﻭﺟﻠﺲ ﻣﻊ ﻧﻔﺴﻪ ﻭﻓﻜﺮ ﻭﻧﺪﻡ ﻧﺎﺩﻯ ﻋﻠﻰ ﻭﻋﺪ
ﻭﻫﻮ ﻳﻘﻮﻟﻬﺎ ﺗﺠﻬﺰ ﻏﺪﺍ ﻳﻜﻔﻲ ﻛﻞ ﺍﻟﻌﺎﻳﻠﺘﻴﻦ ﻭﺍﺑﺘﺴﻤﺖ ﻭﻋﺪ ﺑﻔﺮﺡ ﻭﻫﻲ ﻣﻦ ﻗﺒﻞ ﺣﺎﺳﺒﻪ
ﺣﺴﺎﺑﻬﻢ
ﻛﺎﻧﻮﺍ ﺍﻡ ﺧﻠﻒ ﺍﺑﻮ ﺧﻠﻒ ﻭﺍﻡ ﻭﻋﺪ ﺟﺎﻟﺴﻴﻦ ﻭﻟﻔﺖ ﺍﻡ ﺧﻠﻒ : ﺍﻗﻮﻝ ﻳﺎ ﺍﺑﻮ ﺧﻠﻒ
ﻟﻒ ﺍﺑﻮ ﺧﻠﻒ : ﻧﻌﻢ
ﺍﻡ ﺧﻠﻒ : ﻣﺎﻭﺩﻙ ﺗﻨﺎﺩﻱ ﺧﻠﻒ ﻳﺮﺟﻊ ﻟﻠﺒﻴﺖ ﻭﺍﻟﻠﻪ ﺍﻥ ﻗﻠﺒﻲ ﻣﺸﻐﻠﻨﻲ ﻋﻠﻴﻪ ﺍﻣﺲ ﺳﻤﻌﺘﻪ
ﻳﻜﺢ ﻭﻛﺤﺘﻪ ﺷﻴﻨﻪ
ﺍﺑﻮ ﺧﻠﻒ : ﻳﺼﻴﺮ ﺧﻴﺮ ، ﺳﺎﻟﻢ ﻗﻮﻡ ﺍﻓﺘﺢ ﺍﻟﺒﺎﺏ ﺍﻟﻔﺎﺻﻞ ﻭﻧﺎﺩﻫﻢ ﻟﻠﻐﺪﺍ
ﺳﺎﻟﻢ : ﺍﺑﺸﺮ ﺍﺑﺸﺮ
ﻓﺰ ﻳﻔﺘﺢ ﺍﻟﺒﺎﺏ ﻣﺒﺴﻮﻁ ﻭﺭﻛﺾ ﻳﻨﺎﺩﻱ : ﺟﺪﻱ ﺟﺪﻱ
ﻫﻴﺎ : ﺳﺎﻟﻢ ﻭﺵ ﻓﻴﻚ !
ﺳﺎﻟﻢ : ﺍﺑﻮﻱ ﻳﻘﻮﻝ ﺗﻌﺎﻟﻮﺍ ﻟﻠﻐﺪﺍﺀ ! ﻭﻳﻨﻪ ﺟﺪﻱ ﻭﺧﻠﻒ
ﻣﻀﺎﻭﻱ : ﺑﻴﺠﻮﻥ ﺍﻟﺤﻴﻦ
ﺍﻡ ﻧﺎﺻﺮ ﻭﻗﻔﺖ ﻭﻫﻲ ﺗﺴﺘﻨﺪ ﻋﻠﻰ ﻋﻜﺎﺯﻫﺎ : ﺍﻧﺎ ﺑﺮﻭﺡ ﺃﻟﺤﻘﻮﻧﻲ
ﻣﻀﺎﻭﻱ : ﺍﻳﻴﻴﻪ ﺭﺿﻰ ﻋﻴﻦ ﺍﻟﺴﻴﺢ
ﺿﺮﺑﺘﻬﺎ ﺍﻣﻬﺎ ﺑﺎﻟﻌﻜﺎﺯ: ﻳﺎﻗﻠﻴﻠﺔ ﺍﻟﺤﻴﺎ ﺍﺹ ﺍﺹ
ﻟﻔﻮﺍ ﻋﻠﻰ ﺩﺧﻮﻝ ﺍﺑﻮ ﻧﺎﺻﺮ ﻭﺧﻠﻒ ﻭﺭﻛﻀﺖ ﻣﻀﺎﻭﻱ ﺑﻔﺮﺡ: ﻳﺒﻪ ﻧﺎﺻﺮ ﻳﻨﺘﻈﺮﻛﻢ ﻟﻠﻐﺪﺍ
ﺍﺑﺘﺴﻢ ﺧﻠﻒ : ﻃﺎﺡ ﺍﻟﺤﻄﺐ ﺍﺟﻞ
ﺍﺑﻮ ﻧﺎﺻﺮ: ﺍﻥ ﺷﺎﺀ ﺍﻟﻠﻪ ﺍﻧﻪ ﻃﺎﺡ ﺍﻥ ﺷﺎﺀ ﺍﻟﻠﻪ ، ﻣﻀﺎﻭﻱ ﻗﻮﻣﻲ ﻋﻘﺎﺏ ﻳﻠﺤﻘﻨﺎ
ﻣﻀﺎﻭﻱ : ﻳﻘﻮﻝ ﻻ ﺍﺣﺪ ﻳﺼﺤﻴﻨﻲ
ﺍﺑﻮ ﻧﺎﺻﺮ: ﺻﺤﻴﻪ ﺑﺲ ﺻﺤﻴﻪ
ﻣﻀﺎﻭﻱ : ﺯﻳﻦ ﺑﺲ ﺗﺮﺍ ﻣﺤﻤﺪ ﺑﻌﺪ ﺭﺟﻊ ﻭﻧﺎﻳﻢ
ﺧﻠﻒ : ﺯﻳﻦ ﻋﻠﻰ ﺯﻳﻦ ﺧﻠﻴﻬﻢ ﻳﺠﻮﻥ ﻛﻠﻬﻢ
ﻃﻠﻌﻮﺍ ﻛﻠﻬﻢ ﻣﺘﺠﻬﻴﻦ ﺑﻴﺖ ﺍﺑﻮ ﺧﻠﻒ ﻭﻭﻗﻒ ﺍﺑﻮ ﺧﻠﻒ ﻭﻫﻮ ﻳﺒﻮﺱ ﺭﺍﺱ ﺍﺑﻮ ﻧﺎﺻﺮ ﻭﺗﻘﺪﻡ
ﺧﻠﻒ ﻣﺴﺮﻉ ﻳﺒﻮﺱ ﺭﺍﺳﻪ ﺍﺑﻮﻩ ﻭﻛﺘﻔﻪ
ﻭﺍﻟﻜﻞ ﻛﺎﻧﻮﺍ ﺳﺎﻛﺘﻴﻦ ﺑﻬﺪﻭﺀ ﻟﻜﻦ ﻛﺴﺮ ﺍﻟﺼﻤﺖ ﻣﺤﻤﺪ ﻭﻋﻘﺎﺏ ﻭﻋﺰﻭﺯ ﺍﻟﻠﻲ ﺩﺧﻠﻮﺍ ﻭﻋﻘﺎﺏ
ﻣﺴﺘﻐﺮﺏ ﺍﻥ ﻋﻤﻪ ﺭﺿﺎ ﻭﻗﺮﺑﻮﺍ ﻳﺴﻠﻤﻮﻥ ﻋﻠﻴﻪ ﻭﺟﻠﺴﻮﺍ ﻛﻠﻬﻢ ﺑﻨﻔﺲ ﺍﻟﻤﺠﻠﺲ
ﺍﺑﻮ ﻧﺎﺻﺮ: ﻫﺎﻩ ﻳﺎ ﻧﺎﺻﺮ ﻋﺴﺎﻙ ﺩﺣﺮﺕ ﺍﺑﻠﻴﺲ
ﺍﺑﻮ ﺧﻠﻒ : ﺍﻟﻠﻪ ﻳﻠﻌﻦ ﺍﺑﻠﻴﺲ ﻭﺍﻻﻧﺴﺎﻥ ﻳﻄﻠﻊ ﻋﻦ ﻃﻮﺭﻩ ﺍﺣﻴﺎﻥ ﻭﺍﻧﺎ ﻛﻞ ﺍﻟﻠﻲ ﺍﺑﻴﻪ ﺍﻥ
ﻋﻴﺎﻝ ﺍﺧﻮﻱ ﻣﺎﻳﻐﻴﺒﻮﻥ ﻋﻨﻲ ﻋﻘﺎﺏ : ﻳﺎﻋﻤﻲ ﺣﻨﺎ ﻣﺎ ﻧﻐﻴﺐ ﻋﻨﻚ ﺍﺑﺪ ﻭﺗﺤﺖ ﺷﻮﺭﻙ ﺑﺎﻟﻠﻲ
ﺗﺒﻲ ﻟﻜﻦ ﺑﻤﺎ ﻳﺮﺿﻲ ﺍﻟﻠﻪ ﻳﺎﻋﻤﻲ
ﻣﺤﻤﺪ : ﻧﻬﺎﻳﺔ ﻫﺎﻟﻘﺼﻪ ﺍﻋﺮﻓﻮﻫﺎ ﻛﻞ ﺷﻲ ﻗﺴﻤﻪ ﻭﻧﺼﻴﺐ
ﺍﺑﻮ ﻧﺎﺻﺮ : ﻫﺬﺍ ﺍﻟﻠﻲ ﻧﺒﻲ ﻧﻘﻮﻟﻪ
ﺍﺑﻮ ﺧﻠﻒ : ﺍﻧﺎ ﺷﻠﺖ ﻳﺪﻱ ﻭﻛﻴﻔﻬﻢ ﻳﺘﺰﻭﺟﻮﻥ ﻭﻻ ﻳﺠﻠﺴﻮﻥ
ﺍﻋﺘﺪﻝ ﺧﻠﻒ ﻭﻫﻮ ﻳﺒﻮﺱ ﺭﺍﺳﻪ : ﻳﺒﻪ ﺍﻧﺎ ﺍﺳﻒ ﻭﺍﻧﺖ ﺗﺪﺭﻱ ﺍﻧﺎ ﻣﺎ ﺍﻋﺼﻴﻚ ﻟﻜﻦ ﺍﻟﻠﻪ ﻳﻠﻌﻦ
ﺍﺑﻠﻴﺲ
ﻓﻴﺼﻞ ﺑﺒﺘﺴﺎﻣﻪ: ﺣﻤﺪﻟﻠﻪ ﻳﺎ ﺟﻤﺎﻋﺔ ﺍﻟﺴﺎﻟﻔﻪ ﺍﻧﺤﻠﺖ ﻭﺍﻥ ﺷﺎﺀ ﺍﻟﻠﻪ ﻣﺎﻓﻴﻪ ﻣﺸﺎﻛﻞ ﺑﻴﻨﺎ
ﺍﻟﻜﻞ : ﺍﻥ ﺷﺎﺀ ﺍﻟﻠﻪ
ﻏﻴﺚ : ﺧﻠﻒ ﺑﺘﺠﻠﺲ ﻋﻨﺪﻧﺎ
ﺭﻓﻊ ﺧﻠﻒ ﺭﺍﺳﻪ ﻣﺒﺘﺴﻢ: ﺍﻥ ﺳﻤﺢ ﻟﻲ ﺍﺑﻮ ﺧﻠﻒ
ﺍﺑﺘﺴﻢ ﺍﺑﻮ ﺧﻠﻒ : ﻣﺮﺩ ﺍﻟﺒﻴﺖ ﻟﻚ ﻳﺎﺧﻠﻴﻒ
ﺧﻠﻒ : ﺍﻟﻠﻪ ﻳﻄﻮﻝ ﺑﻌﻤﺮﻙ ﻳﺒﻪ
ﺭﺟﻌﻮﺍ ﻟﺴﻔﺮﺗﻬﻢ ﻣﻦ ﺟﺪﻳﺪ ﻭﺍﻟﻜﻞ ﺍﺭﺗﺎﺡ ﻣﻦ ﻫﺎﻟﻬﻢ ﻭﺻﺢ ﺍﻥ ﺍﺑﻮ ﺧﻠﻒ ﻟﻠﺤﻴﻦ ﺯﻋﻼﻥ ﺑﺲ
ﻣﺎﻛﺎﻥ ﻳﺒﻲ ﻳﺨﺴﺮ ﺍﻛﺜﺮ ﻭﺑﻴﺤﺎﻭﻝ ﻳﺘﺠﺎﻫﻞ
._______________________
ﻓﻲ ﻗﺴﻢ ﺍﻟﺤﺮﻳﻢ
ﺍﻟﻜﻞ ﺟﺎﺀ ﺍﻻ ﺳﺤﺮ ﺍﻟﻠﻲ ﻛﺎﻧﺖ ﻣﺘﻔﺸﻠﻪ ﻣﻨﻬﻢ ﻭﻋﻬﺪ ﺍﻟﻠﻲ ﺑﻌﺪ ﻛﻼﻡ ﺍﺑﻮ ﺧﻠﻒ ﻣﺎ ﺗﺒﻲ ﺗﻄﺐ
ﺑﻴﺘﻪ ﺍﺑﺪﺍً
ﺍﻡ ﺧﻠﻒ : ﻭﻳﻦ ﺍﻟﺒﻨﺎﺕ ﻳﺎ ﻫﻴﺎ؟؟
ﻫﻴﺎ : ﻭﺍﻟﻠﻪ ﺗﺮﻛﺘﻬﻢ ﻳﻘﻮﻟﻮﻥ ﻣﺎﻟﻬﻢ ﻧﻔﺲ
ﺍﻡ ﻧﺎﺻﺮ : ﻧﺎﺩﻳﻬﻢ ﻳﺎﺷﻬﺪ ﻣﻦ ﻣﺘﻰ ﻣﺎ ﻳﺠﻮﻥ ﻳﺘﻐﺪﻭﻥ ! ؟
ﻭﻋﺪ : ﺍﺟﻠﺴﻲ ﺷﻬﺪ ﺍﻧﺎ ﺑﺮﻭﺡ،ﺑﺲ ﺍﺧﻮﺍﻧﻚ ﻭﻳﻦ ! ؟
ﺷﻬﺪ : ﻛﻠﻬﻢ ﻫﻨﺎ
ﻭﻋﺪ : ﺯﻳﻦ
ﺭﻛﻀﺖ ﻭﻋﺪ ﻟﺒﻴﺖ ﺟﺪﻫﺎ ﻭﻫﻲ ﺗﻄﻠﻊ ﻣﻦ ﺍﻟﺴﻄﺢ ﻭﺩﻗﺖ ﺑﺎﺏ ﻏﺮﻓﺘﻬﻢ ﺑﺸﻮﻳﺶ ﻭﻃﻠﺖ :
ﻭﻳﻴﻴﻴﻦ ﺑﻨﺎﺕ ﻋﻤﻲ ﺍﻟﻠﻲ ﺍﺷﺘﻘﻨﺎ ﻟﻬﻢ
ﻭﻗﻔﺖ ﺳﺤﺮ ﺑﻔﺸﻠﻪ: ﻫﻼ ﻭﻋﺪ
ﻗﺮﺑﺖ ﻭﻋﺪ ﺑﺤﺐ : ﻫﻼﺑﻚ ﻭﻳﻨﻜﻤﻢ ! ﻣﺎﺟﻴﺘﻮﺍ ﺍﻟﻐﺪﺍﺀ ﻭﻻ ﻣﺎ ﺍﺷﺘﻘﺘﻮﺍ ﻟﻨﺎ
ﺳﺤﺮ : ﺍﻻ ﺑﺲ .. ﻭﻋﺪ: ﺑﺲ ﻭﺵ ! ؟
ﺳﺤﺮ ﺑﻀﻴﻖ: ﻣﺘﻔﺸﻠﻪ ﻣﻦ ﺧﺎﻟﺘﻲ ﺍﻡ ﺧﻠﻒ ﺍﺣﺴﻬﺎ ﺯﻋﻼﻧﻪ
ﻭﻋﺪ : ﻻ ﻳﺎﺑﻨﺖ ﺍﻟﺤﻼﻝ ﻋﺎﺩ ﻣﺎ ﻟﻘﻴﺘﻲ ﺍﻻ ﻋﻤﺘﻲ ﺗﺰﻋﻞ ﺍﻓﺎ ﺑﺲ ﻫﻲ ﺗﺤﺒﻚ ﻭﺑﺎﻟﻌﻜﺲ ﺗﻘﻮﻝ
ﻣﻮ ﻣﻬﻢ ﺗﺮﺿﻰ ﺑﺨﻠﻒ ﺍﻟﻤﻬﻢ ﺗﻜﻮﻥ ﻣﺒﺴﻮﻃﻪ ﻭﻣﺮﺗﺎﺣﻪ ﺗﻌﺮﻓﻴﻨﻬﺎ ﻛﻴﻒ ﻃﻴﺒﻪ
ﺳﺤﺮ : ﻫﺬﺍ ﺍﻟﻠﻲ ﻣﻔﺸﻠﻨﻲ ﻫﻲ ﻃﻴﺒﻪ ﻭﺍﻧﺎ
ﻭﻋﺪ : ﺍﻧﺘﻲ ﻭﺵ؟؟ ﺳﺤﺮ ﺣﺒﻴﺒﺘﻲ ﺧﻼﺹ ﺻﺎﺭ ﻟﻠﻲ ﺻﺎﺭ ﻭﺍﻧﺘﻬﻰ ﻭﺍﻟﺪﻧﻴﺎ ﻣﺎﻫﻲ ﻏﺼﺐ
ﺑﺎﻟﻌﻜﺲ ﺷﻮﻓﻲ ﺍﻟﻜﻞ ﻭﺍﻗﻒ ﻣﻌﻚ ﻭﻣﺤﺪ ﺭﺿﺎ ﻋﻠﻴﻚ ﺣﺘﻰ ﺧﻠﻒ ﻭﻛﻠﻨﺎ ﻭﻗﻔﻨﺎ ﺿﺪ ﺍﺑﻮﻱ
ﻟﻴﻦ ﺭﺟﻊ ﻛﻞ ﺷﻲ ﻟﻤﺠﺎﺭﻳﻪ ﻭﺭﺿﺎ ﺑﺎﻻﻣﺮ ﺍﻟﻮﺍﻗﻊ ﻭﺻﺪﻗﻴﻨﻲ ﻛﻠﻨﺎ ﻧﺒﻴﻚ ﺗﻜﻮﻧﻴﻦ ﻣﺒﺴﻮﻃﻪ
ﺩﺧﻠﺖ ﻋﻬﺪ ﻭﺗﻜﺘﻔﺖ : ﻗﺼﺪﻙ ﺗﺒﻮﻥ ﺧﻠﻒ ﻳﻨﺒﺴﻂ ! ؟
ﻟﻔﺖ ﻭﻋﺪ ﻟﻬﺎ : ﻧﺒﻲ ﺍﻟﺨﻴﺮ ﻟﻬﻢ ﻛﻠﻬﻢ
ﻋﻬﺪ ﺿﺤﻜﺖ : ﻭﺍﻟﻠﻪ ﻟﻮ ﺍﻓﻜﺮ ﻣﻠﻴﻮﻥ ﺳﻨﻪ ﻣﺎ ﺍﺗﻮﻗﻊ ﻛﻞ ﺫﺍ ﻳﻄﻠﻊ ﻣﻨﻜﻢ
ﻭﻋﺪ : ﻭﺵ ﻃﻠﻊ ﻣﻨﺎ ! ؟
ﺳﺤﺮ : ﻋﻬﺪ ﺧﻼﺹ
ﻭﻋﺪ : ﺍﺳﻤﻌﻲ ﻳﺎﻋﻬﺪ ﻣﻬﻤﺎ ﺻﺎﺭ ﺍﻧﺘﻢ ﻋﻴﺎﻝ ﻋﻤﻨﺎ ﻭﻧﺤﺒﻜﻢ ﻭﺍﻧﺎ ﺍﺑﺪ ﻣﺎ ﺍﻟﻮﻣﻚ ﻟﻮ ﺍﻧﻘﻬﺮﺗﻲ
ﻭﻋﺼﺒﺘﻲ ﺍﺑﻮﻱ ﻏﻠﻂ ﻓﺎﻟﻨﻬﺎﻳﻪ ﻟﻜﻦ ﻣﻬﻤﺎ ﻛﺎﻥ ﺍﻗﻮﻟﻚ ﺣﻄﻲ ﻋﻘﻠﻚ ﺑﺮﺍﺳﻚ ﻭﺣﻨﺎ ﻣﺎ ﻧﻀﺮﻛﻢ
ﺍﺑﺪ ، ﻧﻬﺎﻳﺔ ﺍﻟﻜﻼﻡ ﻳﻼ ﻣﻌﻲ ﻟﻠﻐﺪﺍﺀ
ﻗﺒﻞ ﺗﺘﻜﻠﻢ ﻋﻬﺪ ﻭﺗﺰﻳﺪ ﺍﻟﻄﻴﻦ ﺑﻠﻪ ﻗﺎﻟﺖ ﻭﻋﺪ ﺑﻐﻀﺐ: ﻻ ﺗﻘﻮﻟﻴﻦ ﺣﺮﻑ ﺯﻳﺎﺩﻩ ﺗﺨﻠﻴﻦ
ﺍﺑﻠﻴﺲ ﻳﺪﺧﻞ ﺑﻴﻨﺎ ﻓﻴﻪ ﻳﻼ ﺍﻟﻜﻞ ﻳﻨﺘﻈﺮ ﻟﻠﻐﺪﺍﺀ
ﺗﺤﺮﻛﺖ ﺳﺤﺮ ﻣﻌﻬﺎ ﻭﻋﻬﺪ ﻣﺎ ﺭﺍﺣﺖ ﻭﺍﻧﻘﻬﺮﺕ ﻭﻋﺪ ﻣﻦ ﻋﻬﺪ ﻭﺷﺪﺕ ﻋﻠﻰ ﺍﺳﻨﺎﻧﻬﺎ ﺑﻘﻬﺮ
‏( ﺍﻳﻴﻴﻴﻪ ﺗﺪﺭﻳﺲ ﺍﺧﻮﻫﺎ ﺍﻟﻜﻠﺐ ﺍﻛﻴﺪ ﺍﻧﻪ ﻣﻌﺒﻲ ﺭﺍﺳﻬﺎ ﻋﻠﻴﻨﺎ‏)
ﺩﺧﻠﺖ ﺳﺤﺮ ﻭﻫﻲ ﻣﻨﺤﺮﺟﻪ ﻟﻜﻦ ﺍﻟﻜﻞ ﻟﻒ ﻟﻬﺎ ﺑﺒﺘﺴﺎﻣﻪ ﻭﻭﻗﻔﻮﺍ ﻳﺴﻠﻤﻮﻥ ﻋﻠﻴﻬﺎ ﻭﺍﻭﻟﻬﻢ ﺍﻡ
ﺧﻠﻒ ﺍﻟﻠﻲ ﻗﺎﻟﺖ ﺑﺤﺐ ﻭﻃﻴﺒﻪ : ﺗﻌﺎﻟﻲ ﻳﺎ ﺳﺤﺮ ﻳﺎ ﺣﺒﻴﺒﺘﻲ ﺗﻌﺎﻟﻲ ﺗﻐﺪﻱ
ﺗﻘﺪﻣﺖ ﺳﺤﺮ ﺑﻀﻴﻖ ﺗﺒﻮﺱ ﺭﺍﺳﻬﺎ : ﺧﺎﻟﺘﻲ ﺍﻧﺎ ﺍﺳﻔﻪ
ﺍﻡ ﺧﻠﻒ : ﻭﺵ ﺗﻌﺘﺬﺭﻳﻦ ﻋﻠﻴﻪ ﻳﺎ ﺣﺒﻴﺒﺘﻲ ! ﻣﺎﺳﻮﻳﺘﻲ ﺷﻲ ﻏﻠﻂ ﺑﺎﻟﻌﻜﺲ ﺗﻌﺎﻟﻲ ﻳﺎ ﺍﻣﻲ
ﻭﺍﺟﻠﺴﻲ ﻭﻣﺎﺻﺎﺭ ﺍﻻ ﻛﻞ ﺧﻴﺮ
ﺍﻡ ﻭﻋﺪ : ﻛﻞ ﺷﻲ ﻗﺴﻤﻪ ﻧﺼﻴﺐ ﻭﻫﺬﺍ ﺷﻲ ﻭﺍﺭﺩ
ﺍﻟﻜﻞ: ﺻﺎﺩﻗﻪ
ﺟﻠﺴﺖ ﺳﺤﺮ ﺑﺠﻨﺐ ﺍﻡ ﺧﻠﻒ ﺍﻟﻠﻲ ﺣﺎﺿﻨﺘﻬﺎ ﻛﺄﻧﻬﺎ ﺑﻨﺘﻬﺎ ﻭﻫﺬ ﻳﻮﺟﻊ ﺳﺤﺮ ﺍﻛﺜﺮ ﻣﻮ ﻛﻔﺎﻳﻪ
ﻓﻘﺪ ﺣﻨﻴﺔ ﺧﻠﻒ ! ؟ ﻣﺎﻫﻲ ﻣﺼﺪﻗﻪ ﺍﻧﻬﺎ ﻓﻲ ﻳﻮﻡ ﺑﺘﺸﻮﻑ ﺍﻡ ﺯﻭﺝ ﻏﻴﺮ ﺧﻠﻒ ! ؟ﻭﻣﺎﺗﺪﺭﻱ
ﺍﺫﺍ ﻫﻲ ﺑﺤﻨﻴﺔ ﺍﻡ ﺧﻠﻒ ﺍﻭ ﻻ
._______________________
ﺍﻟﻌﺼﺮ ﻓﻲ ﺍﻟﺨﺒﺮ
ﻭﻗﻒ ﻧﺎﺩﺭ ﺑﻌﺪ ﻣﺎ ﺟﻬﺰ : ﺷﻮﻕ
ﻟﻔﺖ ﺷﻮﻕ : ﻫﻼ
ﻧﺎﺩﺭ: ﻳﻼ ﺍﺟﻬﺰﻱ ﻋﺸﺎﻥ ﻧﺮﻭﺡ ﺍﻟﺤﻔﺮ
ﻓﺰﺕ ﺷﻮﻕ ﺑﻔﺮﺡ : ﻭﻟﻠﻪ
ﻧﺎﺩﺭ: ﺍﻱ ﻭﺍﻟﻠﻪ ﻣﺐ ﺍﻧﺎ ﻭﻋﺪﺗﻚ ! ؟ ﺍﻧﺎ ﻋﻨﺪ ﻭﻋﺪﻱ ﺑﺲ ﻫﺎﻩ ﻣﻦ ﺍﻟﺤﻴﻦ ﺍﻗﻮﻟﻚ ﺑﺘﺒﻜﻴﻦ ﺑﻬﻮﻥ
ﺷﻮﻕ : ﻻ ﻻ ﺍﻭﻋﺪﻙ ﺍﻧﺎ ﺑﻌﺪ ﻣﺎ ﺍﺑﻜﻲ
ﻧﺎﺩﺭ : ﻛﺬﺍ ﺍﺗﻔﻘﻨﺎ ﻳﻼ ﺍﺟﻞ ﺍﺟﻬﺰﻱ ﻧﺒﻲ ﻧﻄﻠﻊ ﻗﺒﻞ ﺍﻟﻠﻴﻞ
ﺷﻮﻕ : ﺍﺑﺸﺮ
ﺭﻛﻀﺖ ﺗﺠﻬﺰ ﻭﻧﺎﺩﺭ ﻣﺘﻜﺘﻒ ﻋﻠﻰ ﺍﻟﺸﺒﺎﻙ ﻭﻧﺰﻝ ﺯﻗﺎﺭﺗﻪ ﻳﻄﻔﻴﻬﺎ ﺑﻌﺪ ﻣﺎﺭﺟﻌﺖ ﺷﻮﻕ:
ﺧﻠﺼﺖ
ﻧﺎﺩﺭ : ﻳﻼ
ﻃﻠﻌﻮﺍ ﻣﺘﺠﻬﻴﻦ ﻟﻠﺤﻔﺮ ﻭﻓﺠﺄﻩ ﺍﻧﺘﺒﻪ ﻧﺎﺩﺭ ﻟﺸﻮﻕ ﺍﻟﻠﻲ ﺭﺍﺡ ﻧﺺ ﺍﻟﻄﺮﻳﻖ ﻭﻫﻲ ﺳﺮﺣﺎﻧﻪ ﻓﻴﻪ
ﻭﺍﻟﺘﻔﺖ ﺑﺒﺘﺴﺎﻣﻪ ﻭﻫﻮ ﻳﺪﻕ ﺧﺸﻤﻬﺎ ﺑﺄﺻﺒﻌﻪ ﺑﺨﻔﻪ: ﻣﺎﻫﻘﻴﺖ ﺍﻧﻲ ﻣﺰﻳﻮﻥ ﻟﺬﺍ ﺍﻟﺪﺭﺟﻪ ﺍﻟﻠﻲ
ﺗﺨﻠﻴﻚ ﺗﺴﺮﺣﻴﻦ ﻓﻴﻨﻲ
ﺗﻔﺸﻠﺖ ﺷﻮﻕ ﻭﺍﺑﻌﺪﺕ : ﻻ ﺑﺲ
ﺿﺤﻚ ﻧﺎﺩﺭ: ﻻ ﻭﺷﻮ ! ﻣﺎﻧﻲ ﻣﺰﻳﻮﻥ ﻳﻌﻨﻲ
ﺭﻓﻌﺖ ﺷﻮﻕ ﺭﺍﺳﻬﺎ ﺑﻔﺸﻠﻪ : ﻣﺎ ﺍﻗﺼﺪ ﺑﺲ ﺍﻧﻲ ﺍﻓﻜﺮ ﺷﻠﻮﻥ ﻛﻞ ﻫﺎﻟﺴﻨﻴﻦ ﻭﺣﻨﺎ ﻋﻴﺎﻝ ﺧﺎﻟﻪ
ﻭﻻ ﻧﻌﺮﻑ ﺑﻌﺾ
ﻧﺎﺩﺭ ﻛﺎﻥ ﻳﺤﺎﻭﻝ ﻳﻼﻃﻔﻬﺎ ﻭﻳﻮﺳﻊ ﺻﺪﺭﻫﺎ ﻭﻳﻌﻮﺩﻫﺎ ﻋﻠﻴﻪ : ﻭﺍﻟﻠﻪ ﺍﺫﺍ ﻋﻠﻲ ﺍﻧﺎ ﺑﺮﻭﺡ ﺍﺭﻓﻊ
ﻗﻀﻴﻪ ﻋﻠﻴﻬﻢ ! ﺷﻠﻮﻥ ﻋﻨﺪﻱ ﺑﻨﺖ ﺧﺎﻟﻪ ﺣﻠﻮﻩ ﻣﺎ ﺩﺭﻳﺖ ﻋﻨﻬﺎ ﻟﻠﺤﻴﻦ
ﺿﺤﻜﺖ ﺷﻮﻕ ﺑﺨﺠﻞ ﻭﺳﻜﺘﺖ ﻭﻛﻤﻞ ﻧﺎﺩﺭ : ﺍﻻ ﺗﻌﺎﻟﻲ ﺻﺪﻕ ! ﻣﻌﻘﻮﻟﻪ ﻣﺎﻛﻨﺘﻲ ﺗﻌﺮﻓﻴﻦ
ﻋﻨﻲ ﺷﻲ !!
ﺷﻮﻕ : ﺍﻋﺮﻑ ﺍﻥ ﺧﺎﻟﺘﻲ ﻋﻨﺪﻫﺎ ﻭﻟﺪ ﺑﺲ
ﻧﺎﺩﺭ: ﻛﺬﺍ ﻣﺘﺼﺎﻓﻴﻦ ﺍﻧﺎ ﺑﻌﺪ ﻣﺎ ﺍﻋﺮﻑ ﺍﻻ ﻛﺬﺍ
ﺷﻮﻕ : ﺑﺲ ﺍﻧﺖ ﺻﺮﺕ ﺗﻌﺮﻑ ﻛﻞ ﺷﻲ ﻋﻨﻲ
ﻧﺎﺩﺭ: ﺍﺑﺪ ﺍﻟﻄﺮﻳﻖ ﻃﻮﻳﻞ ﺍﺣﻜﻲ ﻟﻚ ﻓﻴﻪ
ﺑﺪﺍ ﻧﺎﺩﺭ ﻳﺴﻮﻟﻒ ﻟﻬﺎ ﻋﻨﻪ ﻭﺷﻮﻕ ﺗﻨﺎﻇﺮﻩ ﺑﺒﺘﺴﺎﻣﻪ : ﺍﺑﺪ ﻭﻟﺪ ﺧﺎﻟﺘﻚ ﺷﺎﺏ ﻭﺳﻴﻢ ﻳﺒﻠﻎ ﻣﻦ
ﺍﻟﻌﻤﺮ 27 ﻋﺎﻣﺎً ﺍﺷﺘﻐﻞ ﻓﻲ ﺷﺮﻛﺔ ﻳﻌﻨﻲ ﻭﺍﻟﻠﻪ ﻣﺎﻧﻲ ﻣﺠﺘﻬﺪ ﻓﻲ ﺍﻟﺸﻐﻞ ﺑﺲ ﺷﻜﻠﻲ
ﺑﺴﺘﺤﻲ ﻣﻨﻚ ﻭﺍﺷﺪ ﺣﻴﻠﻲ ﻣﺎﻳﺼﻴﺮ ﺗﺸﺪﻳﻦ ﺣﻴﻠﻚ ﻭﺗﺼﻴﺮﻳﻦ ﺩﻛﺘﻮﺭﻩ ﻭﺍﻧﺎ ﺍﺻﻴﺮ ﻛﺴﻼﻥ
ﺿﺤﻜﺖ ﺷﻮﻕ : ﺍﻟﻠﻲ ﻳﺸﻮﻓﻚ ﻣﺎ ﻳﻌﻄﻴﻚ ﻋﻤﺮﻙ ! ﻛﻨﺖ ﺍﻇﻨﻚ ﺍﺻﻐﺮ
ﺿﺤﻚ ﻧﺎﺩﺭ : ﺍﻳﻪ ﻫﺎﺫﻱ ﻣﻴﺰﻩ ﻓﻴﻨﻲ ﻳﻌﻨﻲ ﺗﺮﺍﻧﻲ ﺍﻧﺴﺎﻥ ﻣﻤﻴﺰ
ﺍﺑﺘﺴﻤﺖ ﺷﻮﻕ : ﺍﻳﻪ ﻛﻤﻞ
ﻛﻤﻞ ﻧﺎﺩﺭ ﻳﺴﻮﻟﻒ ﻟﻬﺎ ﻋﻦ ﺣﻴﺎﺗﻪ ﻭﻛﻴﻒ ﻋﺎﺷﻬﺎ
ﻭﻗﺎﻟﺖ ﺷﻮﻕ : ﻭﺧﻠﻒ ﻭﺵ ﻳﺼﻴﺮ ﻟﻚ ! ؟
ﻟﻒ ﻧﺎﺩﺭ ﺑﺎﺳﺘﻐﺮﺍﺏ : ﺷﻌﺮﻓﻚ ﺑﺨﻠﻒ !
ﺷﻮﻕ : ﺗﺘﺬﻛﺮ ﻭﻋﺪ ﺍﻟﻠﻲ ﺟﺖ ﻟﻲ ! ؟ ﻗﺎﻟﺖ ﻟﻲ ﺍﻧﻪ ﺍﺧﻮﻫﺎ ﻭﻫﻮ ﺻﺎﺣﺒﻚ
ﻧﺎﺩﺭ: ﺍﻳﻴﻴﻪ ﺧﻠﻒ ﻣﺎﻳﺼﻴﺮ ﻟﻲ ﺑﺲ ﺍﻧﻪ ﺻﺎﺣﺐ ﻣﻦ ﻋﻤﺮ ﺍﻟﺪﻧﻴﺎ ﻭﺍﺧﻮ ﺍﻋﺰ ﻋﻠﻲ ﻣﻦ ﻋﻴﻮﻧﻲ
ﻭﻇﻨﻲ ﻟﻮ ﻋﻨﺪﻱ ﺍﺧﻮﺍﻥ ﻣﺎﺣﺒﻴﺘﻬﻢ ﻛﺜﺮ ﺧﻠﻒ ﻭﻋﻘﺎﺏ ﺍﻟﻠﻲ ﻫﻮ ﻭﻟﺪ ﻋﻤﻪ
ﺷﻮﻕ ﺑﻔﺸﻠﻪ : ﻭﺵ ﻋﺮﻑ ﻭﻋﺪ ﻃﻴﺐ ! ﻳﻌﻨﻲ ﻛﻴﻒ ﺟﺖ ﻋﻨﺪﻱ
ﻧﺎﺩﺭ ﺑﻀﻴﻖ : ﻭﺍﻟﻠﻪ ﺯﻱ ﻣﺎ ﻗﻠﺖ ﻟﻚ ﺧﻠﻒ ﺍﺧﻮ ﺩﻧﻴﺎ ﻭﻳﻮﻡ ﺷﻔﺖ ﻭﺿﻌﻚ ﺻﻌﺐ ﻭﻋﺠﺰﺕ
ﺍﻧﺎ ﺍﺗﺼﺮﻑ ﻗﻠﺖ ﻟﻪ ﻭﻫﻮ ﺟﺎﺏ ﺍﺧﺘﻪ ﻭﺯﻳﻴﻴﻦ ﺍﻧﻪ ﺟﺎﺑﻬﺎ ﻛﺜﺮ ﺧﻴﺮﻩ
ﺷﻮﻕ : ﺍﻟﻠﻪ ﻳﺴﻌﺪﻩ ﻭﻳﺴﻌﺪﻫﺎ
ﻭﻛﻤﻞ ﻧﺎﺩﺭ ﺳﻮﺍﻟﻔﻪ ﻋﻦ ﻧﻔﺴﻪ ﻭﻣﻮﺍﻗﻔﻪ ﻭﺷﻮﻕ ﻣﺒﺴﻮﻃﻪ ﻣﺎ ﺗﻮﻗﻌﺖ ﻳﺠﻲ ﻳﻮﻡ ﻭﺗﺸﻮﻑ
ﻧﺎﺩﺭ ﺍﻟﻠﻲ ﻳﺎﻣﺎ ﺗﺨﻴﻠﺘﻪ ﻭﺣﺶ ﺑﻬﺎﻟﻄﻴﺒﻪ ﻭﺍﻟﺤﻨﻴﻪ ﻛﻠﻬﺎ
._______________________
ﻭﻓﻲ ﺑﻴﺖ ﺍﺑﻮ ﺧﻠﻒ
ﺍﻟﻴﻮﻡ ﻛﺎﻧﺖ ﺟﻤﻌﺔ ﺍﻟﺤﺮﻳﻢ ﻋﻨﺪ ﺍﻡ ﻭﻋﺪ ﻭﺍﻡ ﺧﻠﻒ
ﻭﺍﻟﻜﻞ ﻣﻜﺮﻭﻑ ﻃﻠﻌﺖ ﻭﺟﺪﺍﻥ ﺍﻟﻠﻲ ﺗﻜﺮﻫﻪ ﺍﻟﺸﻐﻞ ﻭﻫﻲ ﺗﻨﺰﻝ ﺍﻟﻤﻜﻨﺴﻪ ﺑﻀﻴﻖ : ﺍﻧﺎ ﺍﻋﻠﻦ
ﺍﺿﺮﺍﺑﻲ ﻋﻦ ﺍﻟﺸﻐﻞ ﻣﻮ ﺣﺎﻟﻪ ﻫﺎﺫﻱ
ﺍﻣﺎﻧﻲ : ﺑﺪﺭﻱ ﺣﺒﻴﺒﺘﻲ ﺑﺪﺭﻱ
ﺍﻡ ﻭﻋﺪ : ﺍﻗﻮﻝ ﺑﻼ ﻛﻼﻡ ﻓﺎﺿﻲ ﻭﺧﻠﺼﻲ ﻣﻊ ﺧﻮﺍﺗﻚ
ﻭﺟﺪﺍﻥ : ﻳﻤﻪ ﺣﺮﺍﻡ ﻋﻠﻴﻜﻢ ﺍﻧﺎ ﺻﻐﻴﻴﻴﻴﻴﺮﻩ
ﻭﻋﺪ :ﺻﻐﻴﺮﻩ ﻋﻠﻰ ﺍﻟﺸﻐﻞ ﻟﻜﻦ ﺍﻟﻜﻼﻡ ﻭﺍﻟﺤﺶ ﻣﺎ ﺍﻧﺘﻲ ﺻﻐﻴﺮﻩ ﻋﻠﻴﻪ
ﺍﻡ ﺧﻠﻒ : ﺧﻠﻴﻬﺎ ﺧﻠﻴﻬﺎ ﻳﺎﻭﻋﺪ ﺗﻌﺒﺖ ﻣﻦ ﺍﻟﻴﻮﻡ ﺗﻜﺮﻑ
ﺭﻛﻀﺖ ﻭﺟﺪﺍﻥ ﻭﻫﻲ ﺗﻀﻢ ﺍﻡ ﺧﻠﻒ : ﺍﻧﺎ ﻟﻴﺶ ﻣﺎﺟﻴﺖ ﺑﻨﺘﻚ ﻣﻦ ﺯﻣﺎﻥ
ﻧﺪﻯ: ﺣﺒﻴﺒﺘﻲ ﻓﻲ ﻛﻞ ﺍﻟﺤﺎﻟﺘﻴﻦ ﻃﺎﻝ ﻋﻤﺮﻙ ﺑﺘﻜﺮﻓﻴﻦ ﺍﺣﺴﻦ ﻟﻚ ﻗﻮﻣﻲ ﺍﻟﺤﻴﻦ ﻭﺍﻻ ﺗﺮﺍ
ﺑﺨﻠﻲ ﺍﻟﻤﻮﺍﻋﻴﻦ ﺑﻌﺪ ﺍﻟﺠﻤﻌﻪ ﻋﻠﻴﻚ
ﻓﺰﺕ ﻭﺟﺪﺍﻥ ﺑﺎﻋﺘﺮﺍﺽ : ﻻ ﻭﺍﻟﻠﻪ
ﻃﻠﻊ ﺧﻠﻒ ﻣﻦ ﺍﻟﻐﺮﻓﻪ : ﻭﺵ ﻓﻴﻚ ﺍﻧﺖ ! ؟ﻣﺎ ﺗﻌﻘﻠﻴﻦ ﻋﻦ ﺍﻟﺼﺮﺍﺥ !
ﻭﺟﺪﺍﻥ : ﺧﻠﻒ ﺑﺎﻟﻠﻪ ﻳﺮﺿﻴﻚ ﻳﻜﺮﻓﻮﻧﻲ ﺍﻟﺤﻴﻦ ﻭﺑﻌﺪ ﺍﻟﺠﻤﻌﻪ
ﺧﻠﻒ : ﻓﻜﻮﻧﺎ ﻣﻦ ﺍﺯﻋﺎﺟﻬﺎ ﻭﺧﻠﻮﻫﺎ ﺗﻘﻌﺪ
ﻭﻋﺪ : ﺍﺻﻼ ﺍﻧﺘﻬﻰ ﺍﻟﺸﻐﻞ ﻟﻜﻦ ﺑﻌﺪﻳﻦ ﻧﺘﻔﺎﻫﻢ ﻋﻨﺪ ﻫﺎﻟﺸﻜﺎﻭﻱ
ﺍﻡ ﺧﻠﻒ : ﻭﻳﻦ ﺑﺘﺮﻭﺡ ﻳﺎﺧﻠﻒ ! ؟
ﺧﻠﻒ : ﺍﻟﻤﺤﻞ ﻳﻤﻪ
ﺍﻡ ﺧﻠﻒ : ﻃﻴﺐ ﺍﻧﺘﺒﻪ ﻟﻨﻔﺴﻚ ﺍﺳﻤﻌﻚ ﺗﻜﺢ ﻛﺜﻴﺮ
ﺍﻣﺎﻧﻲ : ﻣﺎ ﻓﻴﻪ ﺷﻲ ﻳﺎﻋﻤﻪ ﻫﺬﺍ ﻫﻮ ﻣﺎﺷﺎﺀ ﺍﻟﻠﻪ
ﺧﻠﻒ : ﺷﺘﺒﻴﻦ ﺍﻧﺘﻲ ! ﻏﻴﺮﺍﻧﻪ
ﺿﺤﻜﺖ ﺍﻣﺎﻧﻲ ﻭﻃﻠﻌﻮﺍ ﻳﻜﻤﻠﻮﻥ ﺍﻟﺸﻐﻞ ﻭﻃﻠﻊ ﺧﻠﻒ ﻟﻠﺪﻛﺎﻥ
._______________________
ﻭﻓﻲ ﺑﻴﺖ ﺍﻟﺠﺪ ﻗﺎﻳﺪ
ﺻﺤﻰ ﻋﻘﺎﺏ ﻭﻃﻠﻊ ﻭﻫﻮ ﻳﺴﻤﻊ ﺻﻮﺕ ﺍﻟﺒﻨﺎﺕ ﻟﻜﻦ ﺷﻚ ﺍﻭﻝ ﻣﺎ ﺳﻤﻌﻪ ﻫﻮﺍﺵ ﻭﻛﺎﻧﺖ ﻫﻴﺎ
ﻭﺳﺤﺮ ﻭﻣﻀﺎﻭﻱ ﻳﻬﺎﻭﺷﻮﻥ ﻋﻬﺪ ﻭﺩﺧﻞ ﻋﻘﺎﺏ : ﺧﻴﺮ ﻭﺵ ﻫﺎﻟﺼﻮﺕ ! ؟
ﺍﻟﻜﻞ ﺳﻜﺖ ﻟﻜﻦ ﻟﻔﺖ ﻣﻀﺎﻭﻱ ﺑﻘﻬﺮ: ﻋﻘﺎﺏ ﺷﻮﻑ ﻫﺎﻟﻤﺠﻨﻮﻧﻪ ﻭﻋﻘﻠﻬﺎ ﻋﻦ ﺍﻟﻬﺒﺎﻝ ﺍﻟﻠﻲ
ﺗﺴﻮﻳﻪ
ﻋﻘﺎﺏ : ﻭﺵ ﺻﺎﻳﺮ؟؟
ﻋﻬﺪ : ﻭﺵ ﺍﻟﻠﻲ ﻭﺵ ﺻﺎﻳﺮ ﻭﺵ ﻓﻴﻜﻢ !! ﻛﺄﻥ ﻣﺎﺻﺎﺭ ﺷﻲ ﻭﻛﺄﻥ ﻋﻤﻲ ﻣﺎ ﻣﺴﺢ ﻓﻴﻜﻢ
ﺍﻻﺭﺍﺿﻲ ﺭﺍﺟﻌﻴﻦ ﻟﻪ ﻭﺭﺍﺿﻴﻦ
ﻫﻴﺎ :ﻳﺎﺑﻨﺖ ﺍﻟﺤﻼﻝ ﺍﻧﺘﻲ ﻣﺠﻨﻮﻧﻪ ﻭﺵ ﻫﺎﻟﻜﻼﻡ !
ﻣﻀﺎﻭﻱ : ﺷﻔﺖ ﺍﻟﻬﺒﺎﻝ ﺍﻟﻠﻲ ﺗﺨﺮﺑﻂ ﻓﻴﻪ ! ؟ ﺗﻘﻮﻝ ﻭﺷﻮﻟﻪ ﺍﺻﻼ ﺗﺮﻭﺣﻮﻥ ﻟﻨﺎﺻﺮ ﻭﻟﻴﻪ ﻣﺎ
ﺗﺰﻋﻠﻮﻥ ﻭﺍﻟﻤﻔﺮﻭﺽ ﻧﻘﺎﻃﻌﻪ ﻫﺬﺍ ﻛﻼﻡ ﺑﺎﻟﻠﻪ ﻋﻠﻴﻚ؟
ﻋﻬﺪ : ﺍﻳﻪ ﻛﻼﻣﻲ ﺻﺢ ﻣﻮ ﻫﺬﺍ ﻋﻤﻲ ﺍﻟﻠﻲ ﻗﻠﺐ ﺍﻟﺪﻧﻴﺎ ﻋﻠﻴﻨﺎ ﻋﺸﺎﻥ ﻳﺮﺿﻲ ﻭﻟﺪﻩ ! ؟
ﻋﻘﺎﺏ ﺑﻐﻀﺐ : ﺍﻗﻮﻝ ﺍﺑﻠﻌﻲ ﻟﺴﺎﻧﻚ ! ؟ ﺍﻟﻈﺎﻫﺮ ﺍﻧﻚ ﺑﺮﺩ ﺟﻠﺪﻙ ﻭﻧﺴﻴﺘﻲ ﺍﻟﺤﻴﺎﺀ ﻭﺍﻟﺘﺮﺑﻴﻪ ؟
ﺍﻧﺘﻲ ﻣﺎ ﺗﺴﺘﺤﻴﻦ ﺗﻜﻠﻤﻴﻦ ﻫﺎﻟﻜﻼﻡ ﻋﻠﻰ ﻋﻤﻚ !!
ﻋﻬﺪ : ﺑﺲ ﺍﻧﺖ ﺷﺎﻳﻒ ﺍﻟﻠﻲ ﺻﺎﺭ ﻭﺵ ﺳﻮﻯ ﻋﻤﻲ
ﻋﻘﺎﺏ : ﻭﺍﻧﺘﻲ ﻭﺵ ﺩﺧﻠﻚ ! ؟ﺍﻟﻤﻮﺿﻮﻉ ﺑﻴﻨﻲ ﻭﺑﻴﻨﻪ ﻭﺑﻴﻦ ﺳﺤﺮ ! ﺍﺳﻤﻌﻴﻨﻲ ﻳﺎ ﻋﻬﺪ ﻛﻠﻤﺔ
ﻭﻻ ﺑﺜﻨﻴﻬﺎ ﺍﻗﺴﻢ ﺑﺠﻼﻝ ﺍﻟﻠﻪ ﻟﻮ ﺗﻌﻴﺪﻳﻦ ﻫﺎﻟﺤﺮﻛﻪ ﻭﻫﺎﻟﻜﻼﻡ ﻟﻘﻄﻊ ﺍﻟﻌﻘﺎﻝ ﻓﻮﻕ ﻇﻬﺮﻙ
ﺗﺴﻤﻌﻴﻦ ! ؟ ﺗﺤﺘﺮﻣﻴﻦ ﻧﻔﺴﻚ ﻭﻋﻴﺎﻝ ﻋﻤﻚ ﻭﻋﻤﻚ ﻭﺗﻌﻘﻠﻴﻦ ﻭﻛﺜﺮ ﻫﺎﻟﻜﻼﻡ ﺍﻟﻠﻲ ﻣﺎﻟﻪ ﺩﺍﻋﻲ
ﺗﺮﺍ ﻣﺎﻫﻮ ﺑﺼﺎﺍﻟﺤﻚ ﻭﺍﻟﻜﻼﻡ ﻟﻠﺠﻤﻴﻊ
ﻃﻠﻊ ﻭﻫﻮ ﻳﺪﺭﻱ ﺍﻧﻪ ﻣﺎ ﻳﺤﺘﺎﺝ ﻳﻜﺜﺮ ﻛﻼﻡ ﻫﺎﻟﻜﻼﻡ ﺍﻟﻠﻲ ﻗﺎﻟﻪ ﻳﻤﺸﻲ ﻋﻬﺪ ﻋﻠﻰ ﺍﻟﻤﺴﻄﺮﻩ
ﻭﺻﺪﺕ ﻋﻬﺪ ﺑﻘﻬﺮ ﻭﻃﻠﻌﺖ ﻭﺗﺮﻛﺘﻬﻢ ﻭﺗﻜﺘﻔﺖ ﻣﻀﺎﻭﻱ : ﺍﻟﻠﻪ ﺍﻛﺒﺮ ﺍﻧﺘﻬﻴﻨﺎ ﻣﻦ ﺟﻨﺎﻥ ﺍﻟﻜﺒﺎﺭ
ﻭﺑﺪﻳﻨﺎ ﺑﺎﻟﺼﻐﺎﺭ
ﻫﻴﺎ : ﻳﻼ ﺑﺲ ﻣﺎﻧﺒﻲ ﻧﺘﺎﺧﺮ ﻋﻠﻰ ﺍﻟﺠﻤﻌﻪ
ﺳﺤﺮ : ﺑﺨﻠﺺ ﻭﺍﺟﻴﻜﻢ
ﺍﻟﻜﻞ : ﺯﻳﻦ
._______________________
ﻭﻓﻲ ﺑﻴﺖ ﺍﻟﻨﻮﺧﺬﻩ
ﻛﺎﻧﺖ ﺍﻡ ﻧﻬﻴﺎﻥ ﺗﺠﻬﺰ ﻭﻃﺒﻌﺎً ﻟﻴﻠﻰ ﻣﻦ ﺯﻣﺎﻥ ﺗﺠﻬﺰ ﻋﺸﺎﻥ ﺗﺮﻭﺡ ﻟﻠﺒﻨﺎﺕ ﻻﻧﻬﺎ ﺣﺒﺘﻬﻢ ﻟﻜﻦ
ﺷﻴﺨﻪ ﻣﺎ ﺭﺍﺣﺖ ﻋﻠﻰ ﻗﻮﻟﻬﺎ ﻋﻨﺪﻫﺎ ﻛﺘﺎﺏ ﻣﻬﻢ ﺑﺘﻜﻤﻠﻪ
ﺟﻬﺰﺕ ﻟﻴﻠﻰ ﻭﻫﻲ ﻣﺎﺗﺪﺭﻱ ﻟﻴﻪ ﻣﺘﻮﺗﺮﻩ ﻭﺧﺎﻳﻔﻪ ﻣﻦ ﺍﻥ ﻳﺼﻴﺮ ﻣﻮﻗﻒ ﻣﻊ ﺧﻠﻒ ﻛﻔﺎﻳﻪ
ﺍﻻﻳﺎﻡ ﺍﻟﻠﻲ ﺭﺍﺣﺖ ﻭﺍﻟﻠﻲ ﺻﺎﺭ ﻓﻴﻬﺎ ﺍﺧﺬﺕ ﻧﻔﺲ ﻭﻫﻲ ﺗﺎﺧﺬ ﺍﻟﻈﺮﻑ ﺍﻟﻠﻲ ﻓﻴﻪ ﺍﻟﺨﻠﺨﺎﻝ
ﻭﻛﺘﺒﺖ ﻓﻴﻪ ﺭﺩ ﺻﺎﺭﻡ ﻟﺨﻠﻒ ﻋﺸﺎﻥ ﺗﻨﻬﻲ ﻫﺎﻟﻤﻬﺰﻟﻪ ﻭﻃﻠﻌﺖ ﻣﻊ ﺍﻣﻬﺎ ﻭﺍﻡ ﺳﻌﻮﺩ ﻭﺻﻴﺘﻪ
ﺭﺍﻳﺤﻴﻦ ﺑﻴﺖ ﺍﺑﻮ ﺧﻠﻒ
._______________________
ﻭﻓﻲ ﺍﻟﺴﻮﻕ
ﻛﺎﻥ ﺧﻠﻒ ﻣﻜﻤﻞ ﺷﻐﻠﻪ ﻭﻫﻮ ﻓﻲ ﻗﻤﺔ ﺭﻭﻗﺎﻧﻪ ﻭﻳﺴﻮﻟﻒ ﻭﻣﺒﺴﻮﻁ ﻭﻋﻘﺎﺏ ﻭﻣﺤﻤﺪ ﺟﺎﻟﺴﻴﻦ
ﻗﺮﻳﺐ ﻣﻨﻪ
ﻋﻘﺎﺏ : ﺍﻟﻠﻪ ﻳﺪﻳﻢ ﺳﻌﺔ ﺍﻟﺼﺪﺭ
ﺧﻠﻒ : ﺍﻣﻴﻦ
ﻣﺤﻤﺪ : ﻏﺮﻳﺒﻪ ﻫﺎﻟﺮﻭﻗﺎﻥ ﻛﻠﻪ
ﺍﺳﺘﻨﺪ ﺧﻠﻒ ﻋﻠﻰ ﺍﻟﺮﺍﺩﻳﻮ ﻭﺍﺑﺘﺴﻢ : ﻳﻌﻨﻲ ﺣﻤﺪﻟﻠﻪ ﺧﻠﺼﻨﺎ ﻣﻦ ﻣﺸﻜﻠﻪ ﻣﻊ ﺍﺑﻮﻱ ﺑﺄﻗﻞ
ﺍﻻﺿﺮﺍﺭ ﻭﻣﺎ ﺗﺒﻴﻨﻲ ﺍﺭﻭﻕ
ﻋﻘﺎﺏ: ﻳﻌﻨﻲ ﻣﻨﻄﻘﻲ ﺭﻭﻗﺎﻧﻚ
ﻣﺤﻤﺪ : ﺍﻗﻮﻝ ﺷﺨﺒﺎﺭ ﻧﺎﺩﺭ ﻋﻠﻰ ﺍﻟﻄﺎﺭﻱ
ﻋﻘﺎﺏ : ﺍﻳﻪ ﻣﺨﺘﻔﻲ ﻭﻳﻨﻪ !
ﺧﻠﻒ : ﺍﺑﺪ ﻣﺒﺴﻮﻁ ﻭﺭﺍﺡ ﻟﻠﺨﺒﺮ ﻳﺘﻤﺸﻰ ﻭﺑﻴﺠﻲ ﺑﻌﺪ ﻛﺬﺍ ﻳﻮﻡ
ﻋﻘﺎﺏ ﺑﻌﺪﻡ ﺍﻧﺘﺒﺎﻫﻪ : ﺯﻳﻦ ﺣﻤﺪﻟﻠﻠﻪ ﺍﻥ ﺍﻣﻮﺭﻩ ﺯﺍﻧﺖ
ﻣﺤﻤﺪ: ﻟﻴﻪ ﻭﺵ ﻓﻴﻬﺎ ﺍﻣﻮﺭﻩ !
ﺧﺰ ﺧﻠﻒ ﻋﻘﺎﺏ ﺑﻌﺘﺎﺏ : ﻣﺎﻓﻴﻪ ﺷﻲ ﻳﺎﻋﻤﻲ ﺑﺲ ﻣﺜﻠﻚ ﻋﺎﺭﻑ ﺍﻫﻠﻪ ﺳﺎﻓﺮﻭﺍ ﻭﻫﻮ ﺷﺎﻳﻞ
ﻫﻤﻬﻢ
ﻣﺤﻤﺪ: ﻟﻴﻪ ﻳﺸﻴﻞ ﻫﻢ ﺍﻟﻤﻔﺮﻭﺽ ﻳﻨﺒﺴﻂ ﺩﺍﻣﻪ ﻋﺮﻳﺲ ﺍﻛﻴﺪ ﺑﻴﺎﺧﺬ ﺭﺍﺣﺘﻪ
ﺧﻠﻒ : ﻋﺎﺩ ﺗﻌﺮﻑ ﻣﺎﻫﻮ ﻣﺘﻌﻮﺩ ﻋﻠﻰ ﺑﻌﺪ ﺍﺑﻮﻩ ﻭﺍﻣﻪ
ﻣﺤﻤﺪ : ﺍﻟﻠﻪ ﻳﻌﻴﻦ ﺍﻗﻮﻝ ﺩﺍﻡ ﺍﺟﺎﺯﺓ ﺍﻻﺳﺒﻮﻉ ﺟﺖ ﻭﺍﻟﺠﻮ ﺑﺮﺩ ﻭﺯﺍﻥ ﻭﺵ ﺭﺍﻳﻜﻢ ﻧﻄﻠﻊ
ﻧﺨﻴﻢ ﻋﻠﻰ ﺍﻟﺸﺎﻃﻲ ﻭﻧﻮﺳﻊ ﺻﺪﻭﺭﻧﺎ ﺷﻮﻱ
ﻋﻘﺎﺏ : ﻛﻨﻚ ﺟﺎﻟﺲ ﺑﻘﻠﺒﻲ ﻳﺎﻋﻤﻲ ﻣﺮﻳﺖ ﺍﻟﺒﺤﺮ ﺍﻟﻴﻮﻡ ﻭﻛﺎﻥ ﻭﺩﻱ ﺍﻧﺰﻝ ﻋﻨﺪﻩ ﺑﺲ ﻗﻠﺖ
ﺍﺧﻠﻴﻬﺎ ﻟﻴﻦ ﺗﻀﺒﻂ ﺍﻣﻮﺭﻧﺎ ﻭﻧﻜﺸﺖ
ﺧﻠﻒ ﺍﻟﻠﻲ ﻛﺎﻧﺖ ﻃﻠﻌﺔ ﺍﻟﺒﺤﺮ ﺑﺘﻜﻮﻥ ﻟﻪ ﻓﺮﺻﻪ ﻳﺮﺗﺐ ﺍﻓﻜﺎﺭﻩ : ﺣﻠﻮﻭ ﺍﺟﻞ ﺍﻧﺎ ﻣﺎﻋﻨﺪﻱ ﻣﺎﻧﻊ
ﻣﺤﻤﺪ : ﺍﺟﻞ ﺑﺮﻭﺡ ﻋﻨﺪ ﺍﻟﺸﻴﺎﺏ ‏( ﺍﺑﻮ ﻧﺎﺻﺮ ﻭﺍﺑﻮ ﺧﻠﻒ ‏) ﻭﺑﻌﺪﻳﻦ ﺑﻜﻠﻤﻬﻢ ﻭﻧﺸﻮﻑ
ﺧﻠﻒ : ﻣﻮﻓﻖ
ﻃﻠﻊ ﻣﺤﻤﺪ ﻭﺍﻟﺘﻔﺖ ﻋﻘﺎﺏ ﺑﻀﻴﻖ : ﺟﺎﻙ ﻳﺎ ﻣﻬﻨﺎ ﻣﺎ ﺗﻤﻨﻰ
ﻗﻄﺐ ﺧﻠﻒ ﺣﻮﺍﺟﺒﻪ ﺑﺎﺳﺘﻐﺮﺍﺏ ﻟﻜﻦ ﺿﺤﻚ ﺍﻭﻝ ﻣﺎﺷﺎﻑ ﺿﺎﺭﻱ ﺍﻟﻠﻲ ﺟﺎﻱ ﻣﻦ ﺍﺧﺮ
ﺍﻟﺴﻮﻕ ﻭﺭﺍﻓﻊ ﻃﺮﻑ ﺛﻮﺑﻪ ﻭﺭﺍﺑﻄﻪ ﻋﻠﻰ ﺑﻄﻨﻪ ﻭﻫﻮ ﻳﺴﻠﻢ ﻋﻠﻰ ﺍﺻﺤﺎﺏ ﺍﻟﺪﻛﺎﻛﻴﻦ ﻭﺻﻮﺗﻪ
ﻣﺴﻤﻮﻉ ﻓﻲ ﺍﻟﺴﻮﻕ ﻛﻠﻪ : ﻳﺎﺧﻲ ﻋﻼﻣﻚ ﻋﻠﻴﻪ ﺍﻧﺖ ؟
ﻋﻘﺎﺏ : ﻣﺎ ﺍﻭﺍﻃﻨﻪ
ﺧﻠﻒ : ﻳﺎﺧﻲ ﺟﺮﺏ ﺑﺲ ﻣﺮﻩ ﺗﺴﻮﻟﻒ ﻣﻌﻪ ﻭﺍﻟﻠﻪ ﺑﺘﺤﺒﻪ
ﻋﻘﺎﺏ : ﺣﺒﻪ ﺍﻧﺖ ﺑﺎﻟﻨﻴﺎﺑﻪ ﺍﻧﺎ ﻣﺎﺑﻲ ﺍﺣﺐ ﺍﺣﺪ
ﺩﺧﻞ ﺿﺎﺭﻱ ﻭﺍﻭﻝ ﻣﺎﺷﺎﻑ ﻋﻘﺎﺏ ﻗﺎﻝ : ﺍﻟﺴﻼﻡ ﻋﻠﻰ ﺍﻻﻧﺲ ﻭﺍﻟﺠﻦ
ﻋﻘﺎﺏ : ﺟﻨﻲ ﻳﺸﻴﻠﻚ
ﻭﻗﻒ ﺧﻠﻒ ﻳﻀﺤﻚ: ﺭﺩ ﺍﻟﺴﻼﻡ ﺯﻳﻦ ﺍﻧﺖ ﻭﻳﺎﻩ
ﺿﺎﺭﻱ : ﺷﻮﻑ ﺍﻧﺎ ﺍﺣﺐ ﺍﺭﺩ ﻋﻠﻰ ﻛﻞ ﺍﻟﻌﺎﻟﻤﻴﻦ ﺍﻻﻧﺲ ﻭﺍﻟﺠﻦ ﺍﻻﻧﺲ ﻳﺮﺩﻭﻥ ﻭﻧﺴﻤﻌﻬﻢ
ﻭﺍﻟﺠﻦ ﻳﺴﺒﻮﻥ ﻭﻧﻄﻨﺸﻬﻢ
ﻋﻘﺎﺏ : ﺧﺎﻃﺮﻙ ﺍﻗﻮﻡ ﺃﻟﺴﻌﻚ ﺑﻬﺎﻟﻌﻘﺎﻝ
ﺿﺎﺭﻱ : ﺟﺮﺏ ﺣﻈﻚ
ﺧﻠﻒ : ﻓﻜﻮﻧﺎ ﻳﺎ ﻋﻴﺎﻝ ﺍﻟﺤﻼﻝ ﺧﻠﻮﻧﺎ ﻧﺘﻘﻬﻮﻯ ﻭﻧﺮﻭﻕ
ﺿﺎﺭﻱ : ﻋﻠﻰ ﻗﻮﻟﻚ
ﺟﻠﺴﻮﺍ ﻭﻋﻘﺎﺏ ﻭﺿﺎﺭﻱ ﻛﻞ ﺷﻮﻱ ﻳﺘﻬﺎﻭﺷﻮﻥ ﻭﺧﻠﻒ ﻳﻔﻜﻜﻬﻢ
._______________________
ﻭﻓﻲ ﺑﻴﺖ ﺍﺑﻮ ﺧﻠﻒ
ﺍﻟﻜﻞ ﺍﺟﺘﻤﻊ ﻭﺍﻧﺒﺴﻄﻮﺍ ﺍﻟﺒﻨﺎﺕ ﺍﻭﻝ ﻣﺎﺷﺎﻓﻮﺍ ﻟﻴﻠﻰ ﺍﻟﻠﻲ ﺗﻘﺪﻣﺖ ﺗﺴﻠﻢ ﻋﻠﻴﻬﻢ ﺑﻔﺮﺡ
ﺍﻣﺎﻧﻲ : ﺍﻟﻠﻪ ﺻﺪﻳﻘﺘﻲ ﺍﻟﻄﺮﺑﻴﻪ ﺟﺖ
ﻟﻴﻠﻰ ﺿﺤﻜﺖ : ﺍﻓﺎ ﻋﻠﻴﭻ ﻣﺎﻫﺪﻳﺖ ﺍﻣﻲ ﺍﻭﻝ ﻣﺎﻋﺮﻓﺖ ﺍﻥ ﺍﻟﺰﻭﺍﺭﻩ ﺑﺒﻴﺘﻜﻢ ﻗﻠﺖ ﺍﻻ ﺍﺭﻭﺡ
ﻣﻌﺎﭺ ﻟﺮﻓﻴﭽﺎﺗﻲ
ﻣﻀﺎﻭﻱ ﺑﻤﺰﺡ : ﺍﻟﻠﻠﻠﻠﻪ ﻳﺎﺯﻳﻨﻜﻢ ﻳﺎﻟﭽﻮﻳﺘﻴﻦ ﺷﻮﻓﻲ ﺑﺲ ﺗﻘﻮﻝ ﺭﻓﻴﭽﺎﺗﻲ
ﺿﺤﻜﺖ ﻫﻴﺎ: ﺍﻟﻠﻪ ﻳﺤﻴﻚ ﺑﺲ ﻭﻳﻦ ﺷﻴﺨﻪ ﻣﺎ ﺍﺷﻮﻓﻬﺎ
ﻟﻴﻠﻰ : ﻭﺍﻟﻠﻪ ﻋﻨﺪﻫﺎ ﺷﻐﻞ ﺿﺮﻭﺭﻱ ﺗﺴﻮﻳﻪ
ﺣﻨﺎﻥ: ﺧﺴﺎﺭﻩ ﻣﺎﺟﺖ ﺭﻓﻴﭽﺘﻬﺎ ﻋﻠﻰ ﻗﻮﻟﻚ
ﺿﺤﻜﺖ ﻟﻴﻠﻰ : ﺍﻻﻳﺎﻡ ﺍﻟﺠﺎﻳﻪ ﻭﺍﺟﺪ
ﻭﻋﺪ : ﺗﻔﻀﻠﻲ ﻟﻴﻠﻰ ﺍﻟﻐﺮﻓﻪ
ﺩﺧﻠﺖ ﻟﻴﻠﻰ ﻣﻌﺎﻫﺎ ﺣﻨﺎﻥ ﻭﺍﻟﺒﻨﺎﺕ ﺭﺍﺣﻮﺍ ﻳﺴﻠﻤﻮﻥ ﻭﻳﺠﻬﺰﻭﻥ ﺍﻟﻘﻬﻮﻩ
ﻭﻟﻴﻠﻰ ﺑﻌﻴﻮﻧﻬﺎ ﺗﺪﻭﺭ ﺳﺤﺮ ﺧﺎﻃﺮﻫﺎ ﺗﺸﻮﻓﻬﺎ ﻭﻫﻲ ﻗﻠﺒﻬﺎ ﻣﻮﺟﻌﻬﺎ ﻋﻠﻴﻬﺎ ﻣﻘﻬﻮﺭﻩ ﻣﻦ ﺧﻠﻒ
ﺍﻟﻠﻲ ﺗﺸﻮﻓﻪ ﺑﻌﻴﻨﻬﺎ ﺧﺎﻳﻦ
ﻭﻟﻔﺖ : ﺣﻨﺎﻥ ﺍﻗﻮﻟﭻ ﻭﻳﻨﻬﻢ ﺑﻨﺎﺕ ﻋﻤﭻ ﺳﺤﺮ ﻭﻋﻬﺪ
ﺣﻨﺎﻥ: ﺑﻴﺠﻮﻥ ﺍﻟﺤﻴﻦ
ﺍﺑﺘﺴﻤﺖ ﻟﻴﻠﻰ: ﺯﻳﻦ ﻭﺍﻟﻠﻪ ﺍﺷﺘﻘﺖ ﻟﻬﻢ ﺑﻌﺪ
ﺣﻨﺎﻥ: ﻭﻫﻢ ﺑﻌﺪ ﺍﺷﺘﺎﻗﻮﺍ ﻟﻚ
ﻟﻔﺖ ﻟﻴﻠﻰ : ﻣﺎﺷﺎﺀ ﺍﻟﻠﻪ ﺑﻴﺘﻜﻢ ﻭﺍﺣﺪ !
ﺣﻨﺎﻥ: ﺍﻱ ﺑﻴﻮﺗﻨﺎ ﻻﺯﻗﻪ ﺑﺒﻌﺾ
ﺿﺤﻜﺖ ﻟﻴﻠﻰ : ﻳﻌﻨﻲ ﺳﺤﺮ ﻣﺤﻈﻮﻇﻪ ﺑﻴﺖ ﺍﻫﻠﻬﺎ ﻳﻤﻜﻢ ﻋﻠﻰ ﻃﻮﻝ ﻟﻮ ﺗﺰﻭﺟﺖ ﺧﻠﻒ ﻣﺎ
ﺭﺡ ﺗﺒﻌﺪ ﻋﻨﻬﻢ
ﺿﺤﻜﺖ ﺣﻨﺎﻥ ﺑﻀﻴﻖ ﻭﺑﺎﻥ ﻋﻠﻴﻬﺎ : ﺍ ﻣﺎ ﺗﻌﺘﺒﺮ ﻣﺤﻈﻮﻇﻪ ﻛﺜﻴﺮ
ﻟﻴﻠﻰ ﺑﺸﻚ: ﻟﻴﺶ ! ؟ ﺻﺎﻳﺮ ﺷﻲ ﻣﻮ ﻗﻠﺘﻮﺍ ﺳﺤﺮ ﺧﻄﻴﺒﺔ ﺧﻠﻒ ﻭﻻ ﺍﻧﺎ ﺳﻤﻌﺖ ﻏﻠﻂ
ﺣﻨﺎﻥ ﺑﺤﺴﻦ ﻧﻴﻪ: ﻻ ﺳﻤﻌﺘﻲ ﺻﺢ ﺑﺲ ﻣﺎﺻﺎﺭ ﻧﺼﻴﺐ ﻭﺗﻔﺮﻛﺸﺖ ﺍﻟﺨﻄﻮﺑﻪ
ﺳﻜﺘﺖ ﻟﻴﻠﻰ ﺑﺼﺪﻣﻪ ﻭﻫﻲ ﺗﺘﺬﻛﺮ ﻛﻼﻡ ﺧﻠﻒ ﻟﺠﺎﺑﺮ ﻭﻣﺼﺪﻭﻣﻪ ﺷﻠﻮﻥ ﻳﻔﺮﻛﺶ ﺧﻄﺒﺘﻪ ﻣﻦ
ﺑﻨﺖ ﻋﻤﻪ ! ؟
ﻏﻤﻀﺖ ﻭﻫﻲ ﻓﻲ ﻧﻔﺴﻬﺎ ﺗﺴﺐ ﺧﻠﻒ ﺑﻘﻬﺮ ﺑﺲ ﻗﺎﻟﺖ ﺑﻨﻔﺴﻬﺎ‏( ﺍﺣﺴﻦ ﺧﻠﻴﻬﺎ ﺗﻔﺘﻚ ﻣﻦ
ﻫﺎﻟﻌﻴﺎﺭ ﺍﻟﻠﻲ ﻣﺎﻳﺘﺴﺤﻲ ﻭﻣﺎﻳﺨﺎﻑ ﺍﻟﻠﻪ ‏)
ﻟﻔﺖ ﻋﻠﻰ ﺟﻴﺖ ﺳﺤﺮ ﻭﻋﻬﺪ ﻭﺑﻌﺪﻫﺎ ﺍﻟﺒﻨﺎﺕ ﻭﺍﺟﺘﻤﻌﻮﺍ ﻣﺒﺴﻮﻃﻴﻦ ﻭﻳﺴﻮﻟﻔﻮﻥ ﻭﻟﻴﻠﻰ
ﺗﺮﺍﻗﺐ ﺳﺤﺮ ﺑﻘﻬﺮ ﻋﻠﻴﻬﺎ ﻛﺎﻥ ﺍﻟﻀﻴﻖ ﺑﻴﻴﻴﻦ ﻋﻠﻰ ﻣﻼﻣﺤﻬﺎ ﻛﻞ ﻣﺎﺟﺎﺑﻮ ﻃﺎﺭﻱ ﺧﻠﻒ ﻭﻫﺬﺍ
ﺍﻟﻠﻲ ﻗﻬﺮ ﻟﻴﻠﻰ ﻭﺍﺯﻋﺠﻬﺎ
._______________________
ﻭﻋﻨﺪ ﻧﺎﺩﺭ
ﺍﻟﻠﻲ ﻭﺻﻞ ﺍﻟﺤﻔﺮ ﻭﺍﻟﺘﻔﺖ ﻭﻫﻮ ﻳﺠﺪﺩ ﺍﻟﻮﻋﺪ ﻣﻊ ﺷﻮﻕ ﻋﺸﺎﻥ ﻣﺎﺗﺒﻜﻲ ﻭﺍﻭﻝ ﻣﺎ ﺿﻤﻦ ﺍﻧﻬﺎ
ﺑﺘﺘﻤﺎﺳﻚ ﻭﻗﻒ ﻋﻨﺪ ﺑﻴﺖ ﺍﺑﻮ ﺷﻮﻕ ﻭﻧﺰﻝ ﻭﻣﻌﻪ ﺷﻮﻕ ﺍﻟﻠﻲ ﻛﻞ ﺷﻮﻱ ﺗﻠﺘﻔﺖ ﺑﻔﺮﺡ
ﻭﺗﻨﺎﻇﺮﻩ ﺑﻌﻴﻮﻥ ﻣﻠﻴﺎﻧﻪ ﺩﻣﻮﻉ ﻭﻳﺮﺟﻊ ﻳﻜﺮﺭ ﻧﺎﺩﺭ : ﺗﺮﺍﻙ ﻭﻋﺪﺗﻴﻨﻲ ﻣﺎ ﺗﺒﻜﻴﻦ
ﻭﺗﻤﺴﺢ ﺷﻮﻕ ﺩﻣﻮﻋﻬﺎ : ﺍﺑﺸﺮ
ﺩﻕ ﺍﻟﺒﺎﺏ ﻭﻓﺘﺢ ﺍﺑﻮ ﺷﻮﻕ ﺍﻟﻠﻲ ﺭﻓﻊ ﺻﻮﺗﻪ ﻳﺮﺣﺐ ﻓﻴﻬﻢ ﻭﺭﻛﻀﺖ ﻟﻪ ﺷﻮﻕ ﺗﺴﻠﻢ ﻋﻠﻰ
ﺍﺑﻮﻫﺎ ﺑﺲ ﻭﻗﻔﻬﺎ ﻭﺳﻠﻢ ﻋﻠﻰ ﻧﺎﺩﺭ ﻗﺒﻠﻬﺎ ﻭﻫﺬﺍ ﺍﻟﻠﻲ ﻓﺠﻊ ﻧﺎﺩﺭ ﺍﻟﻠﻲ ﻣﺎﻫﻮ ﻣﺴﺘﻮﻋﺐ ﻛﻴﻒ
ﺑﺪﺍﻩ ﻋﻠﻰ ﺑﻨﺘﻪ
ﻟﻜﻦ ﺍﺑﻮ ﺷﻮﻕ ﺍﻟﻤﺘﻤﺴﻚ ﺑﺎﻟﻌﺎﺩﺍﺕ ﻭﺍﻟﺘﻘﺎﻟﻴﺪ ﻛﺎﻥ ﻳﺸﻮﻑ ﺍﻧﻪ ﻣﻤﻨﻮﻉ ﻳﺴﻠﻢ ﻋﻠﻰ ﺍﻟﺤﺮﻣﻪ
ﻗﺒﻞ ﺍﻟﺮﺟﺎﻝ
ﺳﻠﻢ ﻧﺎﺩﺭ ﺑﻀﻴﻖ ﺻﺪﺭ ﻭﺍﺑﻌﺪ ﻭﺑﻌﺪﻫﺎ ﺳﻠﻢ ﺍﺑﻮ ﺷﻮﻕ ﻋﻠﻴﻬﺎ ﻟﻜﻦ ﺷﻮﻕ ﺍﻟﻠﻲ ﻓﻲ ﻣﺜﻞ
ﻫﺎﻟﻤﻮﻗﻒ ﺍﻟﻤﻔﺮﻭﺽ ﺗﺒﻜﻲ ﻟﻜﻦ ﺩﻣﻮﻋﻬﺎ ﺑﺮﺩﺕ ﻣﻦ ﺳﻼﻡ ﺍﺑﻮﻫﺎ ﺍﻟﺒﺎﺭﺩ
ﻭﺍﺑﻌﺪﺕ ﻭﻫﻲ ﺗﺪﺧﻞ ﻻﻣﻬﺎ ﺍﻟﻠﻲ ﻗﺎﺑﻠﺘﻬﺎ ﺑﺴﻼﻡ ﺣﺎﺭ ﻭﺍﺳﺘﺎﻧﺴﺖ ﺷﻮﻕ ﻭﺍﺳﺘﺎﻧﺲ ﻧﺎﺩﺭ
ﻟﻜﻦ ﻛﻞ ﺗﺮﻛﻴﺰﻫﻢ ﻋﻠﻰ ﻧﺎﺩﺭ ﻭﺳﻮﺍﻟﻔﻬﻢ ﻣﻊ ﻧﺎﺩﺭ ﺍﻟﻠﻲ ﻳﻨﺘﻈﺮﻫﻢ ﻳﻠﺘﻔﺘﻮﻥ ﻟﺸﻮﻕ ﺑﺲ ﻻ
ﺣﻴﺎﺓ ﻟﻤﻦ ﺗﻨﺎﺩﻱ ﻭﻓﺠﺄﻩ ﻭﻗﻔﺖ ﺍﻡ ﺷﻮﻕ ﻭﻧﺎﺩﺗﻬﺎ ﻭﺭﺍﺣﺖ ﻣﻌﻬﺎ ﺷﻮﻕ ﻭﺍﺑﺘﺴﻢ ﻧﺎﺩﺭ ﻓﻲ
ﻧﻔﺴﻪ ﻳﻘﻮﻝ ‏( ﺍﺧﻴﺮﺍً ﺍﻫﺘﻤﺖ ﺑﺸﻮﻕ ‏)
ﻟﻜﻦ ﺷﻮﻕ ﺍﻟﻠﻲ ﺍﻧﺼﺪﻣﺖ ﻣﻦ ﺑﺮﻭﺩﻫﻢ ﺍﻟﻠﻲ ﻳﻌﺎﻛﺲ ﺷﻮﻗﻬﺎ ﻟﻬﻢ ﺟﻠﺴﺖ ﺑﻔﺮﺡ ﻣﻊ ﺍﻣﻬﺎ
ﺍﻟﻠﻲ ﺍﻭﻝ ﻣﺎ ﺟﻠﺴﻮﺍ ﻗﺎﻟﺖ : ﻫﺎﻩ ﺷﻔﺘﻲ ﺍﻥ ﺍﻟﺰﻭﺍﺝ ﺯﻳﻦ ﻫﺬﺍ ﻭﺟﻬﻚ ﺍﻟﺤﻤﺪﻟﻠﻪ ﺯﻳﻦ ﻭﺍﻧﺘﻲ
ﺯﻳﻨﻪ
ﻛﺎﻧﺖ ﺷﻮﻕ ﻣﺴﺘﻌﺪﻩ ﺗﻘﻮﻝ ‏( ﺍﻧﻬﺎ ﺣﻤﺪﻟﻠﻪ ﺑﺨﻴﺮ ﻭﻣﺒﺴﻮﻃﻪ ﻭﻧﺎﺩﺭ ﻣﺎﻫﻮ ﻣﻘﺼﺮﺭ ! ﻻﻧﻬﺎ
ﻣﺘﻮﻗﻌﻪ ﺍﻥ ﺍﻣﻬﺎ ﺑﺘﺴﺄﻟﻬﺎ ﻋﻦ ﺍﺣﻮﺍﻟﻬﺎ ﺑﺲ ﺍﻣﻬﺎ ﺻﺪﻣﺘﻬﺎ ﻭﻫﻲ ﺗﺜﺒﺖ ﻟﻬﺎ ﺍﻥ ﻛﻼﻣﻬﺎ ﺻﺢ‏)
ﻫﺰﺕ ﺭﺍﺳﻬﺎ ﺑﻀﻴﻖ : ﺍﻳﻪ ﺻﺪﻗﺘﻲ
ﻟﻜﻦ ﻣﺎﺻﺒﺮﺕ ﺍﻡ ﺷﻮﻕ ﻭﺻﺪﻣﺘﻬﺎ ﺑﺴﺆﺍﻟﻬﺎ ﺍﻟﻠﻌﻴﻦ ﺍﻟﻠﻲ ﻓﻲ ﻏﻴﺮ ﻣﺤﻠﻪ ﻋﻦ ﻧﺎﺩﺭ ﻫﻞ ﺗﻤﻢ
ﺯﻭﺍﺟﻪ ﻣﻨﻬﺎ ! ؟ ﻭﻭﺵ ﺻﺎﺭ ﻭﻛﻴﻒ ﺻﺎﺭ !
ﻟﻜﻦ ﺷﻮﻕ ﻏﺼﺖ ﺑﺴﺆﺍﻟﻬﺎ ﺑﺨﻮﻑ ﻭﻫﻲ ﻣﺎﺗﺪﺭﻱ ﻭﺵ ﺗﻘﻮﻝ ﺍﻣﻬﺎ ﻭﻭﺵ ﻫﺎﻟﻜﻼﻡ ﺍﻟﻤﺮﻋﺐ
ﺍﻟﻠﻲ ﺗﻘﻮﻟﻪ ﻭﺳﺆﺍﻟﻬﺎ ﺍﻟﻮﻗﺢ ﻋﻦ ﺗﻔﺎﺻﻴﻞ ﺗﺠﻬﻠﻬﺎ ﺷﻮﻕ ﺍﻟﻄﻔﻠﻪ
ﺍﻡ ﺷﻮﻕ : ﻭﺵ ﺑﻼﻙ ﺍﻧﺨﺮﺳﺘﻲ ﺗﻜﻠﻤﻲ
ﻧﺎﻇﺮﺗﻬﺎ ﺷﻮﻕ ﺑﺨﻮﻑ ﻭﻣﺎﺗﻜﻠﻤﺖ ﻟﻜﻦ ﺍﻡ ﺷﻮﻕ ﻗﺎﻟﺖ ﺑﺸﻚ : ﻻﻳﻜﻮﻥ ﻣﺴﻮﻳﻪ ﺷﻲ ﻣﺰﻋﻞ
ﻧﺎﺩﺭ ﻣﻨﻚ ﻭﻣﺮﺟﻌﻚ ﻋﻠﻴﻨﺎ
ﻫﺰﺕ ﺷﻮﻕ ﺭﺍﺳﻬﺎ ﺑﺒﻜﻲ: ﻻ ﻻ ﻭﺍﻟﻠﻪ ﻻ
ﺍﻡ ﺷﻮﻕ : ﺍﺟﻞ ﺍﻧﻄﻘﻲ ﻗﻮﻟﻲ ﻟﻲ ﺻﺎﺭ ﺷﻲ ! ؟
ﻛﺎﻧﺖ ﺷﻮﻕ ﺧﺎﻳﻔﻪ ﺑﺲ ﻣﺎﻗﺪﺭﺕ ﺗﻜﺬﺏ ﻭﻫﺰﺕ ﺭﺍﺳﻬﺎ ﺑﺨﻮﻑ : ﻻ
ﺷﻬﻘﺖ ﺍﻡ ﺷﻮﻕ : ﻭﺵ ﺍﻟﻠﻲ ﻻ ﻭﺵ ﺍﻟﻠﻲ ﻻ ﻧﺎﺩﺭ ﻣﺎﻗﺮﺏ ﻟﻚ !
ﺷﻮﻕ : ﻻ
ﺍﻧﻬﺒﻠﺖ ﺍﻡ ﺷﻮﻕ ﻭﻭﻗﻔﺖ ﻭﻫﻲ ﺗﺴﻜﺮ ﺍﻟﺒﺎﺏ ﻭﺗﻀﺮﺏ ﺧﺪﻫﺎ ﺑﻐﻀﺐ : ﺣﺴﺒﻲ ﻟﻠﻠﻪ ﻋﻠﻴﻴﻴﻚ
ﻣﻦ ﺑﻨﺖ ﻛﺎﻧﻚ ﻓﺸﻠﺘﻴﻨﺎ ﻭﻓﻀﺤﺘﻴﻨﺎ ﺣﺴﺒﻲ ﺍﻟﻠﻪ ﻋﻠﻴﻚ
ﺷﻮﻕ : ﻟﻴﺶ ﺗﺤﺴﺒﻴﻦ ﻋﻠﻲ ﻳﻤﻪ ﻭﺵ ﺳﻮﻳﺖ !
ﺍﻡ ﺷﻮﻕ ﺿﺮﺑﺖ ﻛﺘﻔﻬﺎ ﺑﻐﻀﺐ : ﻭﺵ ﺍﻟﻠﻲ ﻭﺵ ﺳﻮﻳﺘﻲ ﻫﺎﺫﻱ ﺳﻮﺍﺕ ﺑﻨﺖ ﻋﺎﻗﻠﻪ ! ﺍﻧﺘﻲ
ﻭﺷﻠﻮﻥ ﺗﺮﺿﻴﻦ ﺍﻧﻪ ﺟﺎﻟﺲ ﻟﺬﺍ ﺍﻟﻮﻗﺖ ﺑﻌﻴﺪ
ﺷﻮﻕ ﺑﺨﻮﻑ ﻭﺑﻜﻰ : ﺍﻧﺎ ﻣﺎﻟﻲ ﺷﻐﻞ
ﺍﻡ ﺷﻮﻕ : ﺧﺒﻠﻪ ﺍﻧﺘﻲ ﺗﺒﻴﻦ ﺍﻟﺮﺟﺎﻝ ﻳﻄﻠﻘﻚ ﻭﻳﺮﻣﻴﻚ ﻋﻠﻴﻨﺎ ﻭﻻ ﺍﻧﺘﻲ ﻣﺎﻧﺘﻲ ﻓﺎﻟﺤﻪ ﺍﻻ
ﺑﺎﻟﺪﻣﻮﻉ
ﺷﻮﻕ : ﻭﺵ ﺗﺒﻴﻨﻲ ﺍﺳﻮﻱ ﻳﻤﻪ
ﺍﻡ ﺷﻮﻕ : ﻳﺎ ﻏﺒﻴﻪ ﻳﺎﻏﺒﻴﻪ ﺍﻟﺮﺟﺎﻝ ﻣﺎﻳﺒﻲ ﺍﻧﺴﺎﻧﻪ ﺑﻜﺎﻳﻪ ﻭﻧﻜﺪﻳﻪ ﻳﺒﻲ ﺍﻧﺴﺎﻧﻪ ﻣﻠﻴﺎﻧﻪ ﺣﻴﺎﻩ
ﺗﻤﻠﻰ ﻋﻴﻨﻪ ﺧﻠﻴﻚ ﺫﻛﻴﻪ ﻻ ﺗﻄﻴﺮﻳﻨﻪ ﻣﻦ ﻳﺪﻙ ﺑﻐﺒﺎﺀﻙ
ﺍﺳﻤﻌﻴﻨﻲ ﺯﻳﻦ ﻭﺣﻄﻲ ﻛﻼﻣﻲ ﺣﻠﻘﻪ ﺑﺄﺫﻧﻚ ﻭﻭﺍﻟﻠﻪ ﻳﺎ ﺷﻮﻕ ﻭﺍﻟﻠﻪ ﻟﻮ ﻣﺎﻳﺼﻴﺮ ﻫﺎﻟﻠﻲ ﺑﻘﻮﻟﻪ
ﻟﺬﺑﺤﻚ ﻭﺍﻗﻮﻝ ﻻﺑﻮﻙ ﻋﻦ ﺳﻮﻳﺎﻙ
ﺳﻜﺘﺖ ﺷﻮﻕ ﺑﺒﻜﻲ ﻭﻫﻲ ﺗﺴﻤﻊ ﺍﻟﺒﻼﻭﻱ ﺍﻟﻠﻲ ﺗﺴﺮﺩﻫﺎ ﺍﻣﻬﺎ ﻋﻠﻴﻬﺎ
ﺍﻣﺎ ﻧﺎﺩﺭ ﻛﺎﻥ ﻣﺘﺤﻤﻞ ﺍﺑﻮ ﺷﻮﻕ ﺑﺎﻟﺰﻭﺭ ﻭﻫﻮ ﺑﺲ ﻳﻨﺘﻈﺮ ﻣﺘﻰ ﺗﺠﻲ ﺷﻮﻕ ﻋﺸﺎﻥ ﻳﻄﻠﻌﻮﻥ
ﻣﺎﻫﻲ ﺍﻻ ﺭﺑﻊ ﺳﺎﻋﻪ ﻭﺟﺖ ﺷﻮﻕ ﺍﻟﻠﻲ ﺗﻘﻄﻊ ﻗﻠﺒﻬﺎ ﻣﻦ ﺍﻟﺼﻴﺎﺡ ﻭﻛﺎﻧﺖ ﻣﺎﺳﻜﻪ ﻧﻔﺴﻬﺎ
ﻋﺸﺎﻥ ﻣﺎ ﺗﻬﺎﻭﺷﻬﺎ ﺍﻣﻬﺎ ﻃﻠﻊ ﻧﺎﺩﺭ ﻭﺭﻛﺒﻮﺍ ﻭﺍﻟﺘﻔﺖ ﺍﻭﻝ ﻣﺎﺣﺲ ﺑﺒﻜﺎﻫﺎ ﻭﻛﺎﻥ ﻣﺘﻮﻗﻊ ﺍﻧﻬﺎ
ﺟﻠﺴﺖ ﻣﻊ ﺍﻣﻬﺎ ﺟﻠﺴﻪ ﺣﻠﻮﻩ : ﺍﻓﺎ ﻳﺎﺷﻮﻕ ﻣﺎ ﻭﻋﺪﺗﻴﻨﻲ ﻣﺎﺗﺒﻜﻴﻦ
ﺷﻮﻕ ﻣﺴﺤﺖ ﻋﻴﻮﻧﻬﺎ ﺑﺨﻮﻑ : ﻏﺼﺐ ﻋﻨﻲ
ﻧﺎﺩﺭ: ﻃﻴﺐ ﺧﻼﺹ ﺍﻣﺴﺤﻲ ﻫﺎﻟﺪﻣﻮﻉ ﻭﺍﻟﻠﻪ ﻣﺎﻫﻲ ﺣﻠﻮﻩ ﻋﻠﻰ ﻋﻴﻮﻧﻚ ﺍﻓﺎ ﺑﺲ ﻳﺎ ﺷﻮﻕ
ﺍﻟﻠﻲ ﻣﺜﻠﻚ ﻳﺴﺘﺎﻧﺲ ﻭﻳﻨﺒﺴﻂ
ﺷﻮﻕ ﻣﺎﺭﺩﺕ ﻭﻫﻲ ﻭﺩﻫﺎ ﺗﺼﺮﺥ ﺑﻜﻞ ﺻﻮﺗﻬﺎ ﺑﺲ ﻣﺴﺤﺖ ﺩﻣﻮﻋﻬﺎ ﻭﺳﻜﺘﺖ ﻭﻣﺎﻋﺎﺩ ﻗﺎﻟﺖ
ﺷﻲ
ﻧﺎﺩﺭ: ﻃﻴﺐ ﺗﺒﻴﻦ ﻧﺮﻭﺡ ﺑﻴﺖ ﺟﺪﻱ ﻭﻻ ﻧﺮﻳﺢ ﺍﻟﻴﻮﻡ ﻭﺑﻜﺮﻩ ﻧﺮﻭﺡ
ﺷﻮﻕ ﻟﻔﺖ ﺑﺨﻮﻑ ﻭﺭﺟﺎﺀ: ﺍﺫﺍ ﻗﻠﺖ ﺑﻜﺮﻩ ﺑﺘﻘﻮﻝ ﺷﻲ ! ؟ﺍ ‏( ﺗﻘﺼﺪ ﺍﻧﻪ ﺑﻴﻌﺼﺐ ﻭﻳﺮﻓﺾ ‏)
ﺍﺑﺘﺴﻢ ﻧﺎﺩﺭ ﺑﺨﻔﻪ : ﺑﻘﻮﻝ ﺗﻢ ﻳﺎ ﺩﻛﺘﻮﺭﻩ
ﺿﺤﻜﺖ ﺷﻮﻕ ﻣﻦ ﺑﻴﻦ ﺩﻣﻮﻋﻬﺎ : ﻣﺸﻜﻮﺭ ﻳﺎ ﻧﺎﺩﺭ
ﻗﺮﺏ ﻧﺎﺩﺭ ﻳﺒﻲ ﻳﺴﻠﻴﻬﺎ ﺑﺎﻟﺴﻮﺍﻟﻒ : ﺑﻴﻨﻲ ﻭﺑﻴﻨﻚ ﻣﺎﻟﻲ ﺧﻠﻖ ﺣﻨﺔ ﺟﺪﻱ ﻭﻫﻮﺍﺵ ﻭﺻﺮﺍﺥ
ﻭﺍﻧﺎ ﻣﺼﺪﻉ
ﻭﻛﻤﻞ ﻳﺴﻮﻟﻒ ﻋﻦ ﻫﻮﺍﺵ ﺟﺪﻩ ﻟﻪ ﻭﻗﺪﺭ ﻳﻀﺤﻜﻬﺎ ﻟﻴﻦ ﻭﺻﻠﻮﺍ ﺍﻟﺸﻘﻪ ﺍﻟﻠﻲ ﺍﺳﺘﺄﺟﺮﻭﻫﺎ
._______________________
ﻓﻲ ﺑﻴﺖ ﺍﺑﻮ ﺧﻠﻒ
ﻗﺒﻞ ﺍﻟﻤﻐﺮﺏ ﻭﻗﻔﺖ ﻟﻴﻠﻰ ﺍﻟﻠﻲ ﺿﺎﻕ ﺻﺪﺭﻫﺎ ﻣﻦ ﺳﺤﺮ ﺍﻟﻠﻲ ﺍﻏﻠﺐ ﺍﻟﻮﻗﺖ ﺳﺮﺣﺎﻧﻪ ﻭﻫﻲ
ﺗﺤﺲ ﻭﺩﻫﺎ ﺗﻘﻮﻟﻬﺎ ﻋﻦ ﺑﻼﻭﻱ ﺧﻠﻒ ﻋﺸﺎﻥ ﻣﺎﻋﺎﺩ ﺗﻔﻜﺮ ﻓﻴﻪ
ﻭﻋﺪ : ﻟﻴﻠﻰ ﻭﺵ ﻓﻴﻚ ﺣﺒﻴﺒﺘﻲ !
ﻟﻴﻠﻰ : ﺑﺮﻭﺡ ﺩﻭﺭﺓ ﺍﻟﻤﻴﺎﻩ
ﻭﻗﻔﺖ ﻭﺟﺪﺍﻥ : ﺗﻌﺎﻟﻲ ﻣﻌﻲ
ﺍﺧﺬﺗﻬﺎ ﻭﻫﻲ ﺗﻘﻮﻝ: ﻫﺬﺍ ﻫﻮ ﺍﻟﺒﺎﺏ ﺍﻟﺼﻐﻴﺮ ﺍﻧﺘﺒﻬﻲ ﺗﻐﻠﻄﻴﻦ ﻻﻥ ﺍﻟﺒﺎﺏ ﺍﻟﻜﺒﻴﺮ ﻏﺮﻓﺔ
ﺍﺧﻮﺍﻧﻲ
ﺿﺤﻜﺖ ﻟﻴﻠﻰ : ﺯﻳﻦ
ﻧﺰﻟﺖ ﻭﻫﻲ ﻣﺎﻛﺎﻥ ﻟﻬﺎ ﻧﻴﻪ ﺍﻻ ﺗﺒﻌﺪ ﻋﻦ ﺳﺤﺮ ﻟﻜﻦ ﻗﺒﻞ ﺗﺪﺧﻞ ﺍﻟﺤﻤﺎﻡ ﻃﺮﺍ ﻟﻬﺎ ﺷﻲ
ﻭﺗﻘﺪﻣﺖ ﻟﻐﺮﻓﺔ ﺍﻟﻌﻴﺎﻝ ﻭﻫﻲ ﺗﺘﻠﻔﺖ ﻭﺩﺧﻠﺖ ﻭﻃﻠﻌﺖ ﺍﻟﻈﺮﻑ ﻭﺍﻭﻝ ﻣﺎﺻﺎﺭﺕ ﺑﻨﺺ ﺍﻟﻐﺮﻓﻪ
ﺷﻬﻘﺖ ﻣﻦ ﺍﻟﺸﺨﺺ ﺍﻟﻠﻲ ﻭﺍﻗﻒ ﻭﺭﺍﻫﺎ ﻟﻔﺖ ﻟﻪ ﻭﻫﻲ ﺗﺸﻮﻑ ﻃﻔﻞ ﺻﻐﻴﺮ ﻭﺍﻗﻒ ﻭﻭﺍﺿﺢ
ﺗﻮﻩ ﺻﺎﺣﻲ ﻣﻦ ﺍﻟﻨﻮﻡ ﻳﻨﺎﻇﺮﻫﺎ ﺑﺎﺳﺘﻐﺮﺍﺏ ﻭﻣﻌﻪ ﻗﻄﻌﺔ ﺧﺒﺰﻩ ﻓﻲ ﻳﺪﻩ
ﻟﻴﻠﻰ : ﻣﻦ ﺍﻧﺖ ! ؟
ﻏﻴﺚ : ﺍﻧﺎ ﻏﻴﺚ ﺍﻧﺘﻲ ﻣﻦ ! ؟
ﻟﻴﻠﻰ ﺍﻟﻠﻲ ﻣﺎﻛﺎﻧﺖ ﺗﻌﺮﻑ ﺍﻥ ﻋﻨﺪﻫﻢ ﺍﺧﻮﺍﻥ ﻏﻴﺮ ﺧﻠﻒ ﻭﻗﺎﻟﺖ ﻣﻦ ﺍﻻﺭﺗﺒﺎﻙ ﻭﺍﻟﺨﻮﻑ: ﺍﻧﺖ
ﺍﺧﻮ ﺧﻠﻒ ! ؟
ﻏﻴﺚ : ﺍﻳﻪ ﻣﻦ ﺍﻧﺘﻲ ﻟﻴﺶ ﺟﻴﺘﻲ ﻏﺮﻓﺘﻨﺎ
ﻟﻴﻠﻰ ﻏﻤﻀﺖ ﺑﻔﺸﻠﻪ ﻭﻫﻲ ﺧﺎﻳﻔﻪ ﺍﻥ ﻏﻴﺚ ﻳﻔﺘﻦ ﻋﻠﻴﻬﺎ : ﺍﺳﻤﻊ ﺣﺒﻴﺒﻲ ﺍﻧﺎ ﺟﺎﻳﻪ ﻫﻨﻴﻪ
ﻋﺸﺎﻥ ﺍﻋﻄﻲ ﺧﻠﻒ ﻋﻼﺝ ﻋﺸﺎﻥ ﻳﺼﻴﺮ ﺯﻳﻦ ﻭﻣﺎ ﻳﻤﺮﺽ ﻣﺮﻩ ﺛﺎﻧﻴﻪ ، ﻣﻮ ﺍﻧﺖ ﺗﺤﺐ ﺧﻠﻒ
ﻭﺍﺟﺪ ﺻﺢ ﻭﻣﺎ ﺗﺒﻴﻪ ﻳﻄﻴﺢ ﻭﻳﻤﺮﺽ ﺻﺢ !
ﻏﻴﺚ : ﺍﻳﻪ
ﻟﻴﻠﻰ : ﺯﻳﻦ ﺍﻧﺎ ﻋﺸﺎﻥ ﭼﺬﻳﻪ ﺟﻴﺖ ﺑﺤﻂ ﻟﻪ ﻫﺎﻟﻌﻼﺝ ﻟﻜﻦ ﻫﺎﻟﻌﻼﺝ ﻻﺯﻡ ﻣﺎ ﺍﺣﺪ ﻳﺪﺭﻱ ﻋﻨﻪ
ﻭﻣﺎ ﺗﻘﻮﻝ ﺍﻧﺖ ﺣﻖ ﺍﺣﺪ ﺍﻧﻚ ﺷﻔﺘﻨﻲ ﻫﻨﻴﻪ ﻋﺸﺎﻥ ﺑﻌﺪﻳﻦ ﻣﺎ ﻳﻤﺮﺽ ﺧﻠﻒ ﺍﻛﺜﺮ
ﻟﻴﻠﻰ ﺍﻟﻠﻲ ﻣﺎﻛﺎﻥ ﻋﻨﺪﻫﺎ ﻋﺬﺭ ﻋﺸﺎﻥ ﺗﻀﻤﻦ ﺳﻜﻮﺕ ﻏﻴﺚ ﺍﻻ ﻣﺮﺽ ﺧﻠﻒ ﻣﺘﻮﻗﻌﻪ ﺍﻧﻪ
ﻳﺤﺒﻪ ﺯﻱ ﺣﺐ ﺍﻟﺒﻨﺎﺕ ﻟﺨﻠﻒ ﻭﺗﺪﻋﻲ ﺍﻥ ﻏﻴﺚ ﻓﻌﻼً ﻳﺤﺐ ﺧﻠﻒ ﻭﻻ ﻳﻔﻀﺤﻬﺎ
ﻧﺎﻇﺮﻫﺎ ﻏﻴﺚ ﺑﺼﻤﺖ ﻭﺿﻴﻖ : ﻳﻌﻨﻲ ﺍﺫﺍ ﻣﺎ ﻗﻠﺖ ﻻﺣﺪ ﺧﻠﻒ ﻣﺎﻋﺎﺩ ﻳﺘﻌﺐ ﻭﻳﺪﻭﻧﻪ
ﻟﻠﻤﺴﺘﺸﻔﻰ ﻭ ﻣﺎﻋﺎﺩ ﻳﺘﺸﻨﺞ ﻭﺑﻌﺪﻳﻦ ﻣﺎﻋﺎﺩ ﻋﻤﺘﻲ ﺍﻟﺠﺎﺯﻱ ‏( ﺍﻡ ﺧﻠﻒ‏) ﻣﻌﺎﺩ ﺗﺒﻜﻲ ﻋﻠﻴﻪ
ﻛﺜﻴﺮ
ﺿﺎﻕ ﺻﺪﺭ ﻟﻴﻠﻰ : ﺍﻳﻪ ﻳﺎﺣﺒﻴﺒﻲ ﻳﻌﻨﻲ ﺍﺫﺍ ﺳﻜﺖ ﺍﻥ ﺷﺎﺀ ﺍﻟﻠﻪ ﺧﻠﻒ ﺑﺼﻴﺮ ﺯﻳﻴﻴﻦ
ﻏﻴﺚ : ﻃﻴﺐ ﺧﻼﺹ ﻣﺎ ﺍﻗﻮﻝ ﻻﺣﺪ
ﻟﻴﻠﻰ ﻭﻗﻔﺖ ﺑﺴﺮﻋﻪ : ﺯﻳﻦ ﻭﻳﻦ ﺍﺣﻄﻪ ﻋﺸﺎﻥ ﻣﺤﺪ ﻳﺸﻮﻓﻪ
ﻏﻴﺚ ﻣﺴﻜﻬﺎ ﺑﻴﺪﻫﺎ ﻭﻣﺸﻰ ﻓﻴﻬﺎ ﻭﻟﻴﻠﻰ ﺍﻟﻠﻲ ﺧﺎﻳﻔﻪ ﻭﻣﺒﺘﺴﻤﻪ ﻛﺎﻧﺖ ﺗﺸﻮﻑ ﻓﻲ ﻃﺮﻑ
ﺍﻟﻐﺮﻓﻪ ﺩﻭﻻﺏ ﻣﻼﺑﺲ ﻭﺑﺠﻨﺒﻪ ﻣﺠﻤﻮﻋﺔ ﻟﺤﻒ ﻭﺑﻄﺎﻃﻴﻦ ﻣﻄﻮﻳﻪ ﻭﺍﺷﻤﻐﻪ ﻭﺍﻏﺮﺍﺽ ﺗﺪﻝ
ﺍﻧﻬﺎ ﻏﺮﻓﺔ ﻋﻴﺎﻝ ﻣﻔﺮﻭﺷﻪ ﻓﺮﺵ ﻋﺮﺑﻲ ﻋﺎﺩﻱ
ﻓﻲ ﺯﺍﻭﻳﻪ ﻛﺎﻥ ﻓﻲ ﻓﺮﺍﺵ ﻭﺍﺿﺢ ﺍﻥ ﺻﺎﺣﺒﻪ ﺗﻮﻩ ﺻﺤﻰ ﻣﻨﻪ ﺟﻠﺲ ﻋﻠﻴﻪ ﻏﻴﺚ ﻭﻫﻮ ﻳﺮﻓﻊ
ﺍﻟﻤﺴﻨﺪ ﺍﻟﻠﻲ ﺑﺎﻟﺰﺍﻭﻳﻪ ﻭﻟﻴﻠﻰ ﻣﺴﺘﻐﺮﺑﻪ ﺑﺲ ﺟﻠﺴﺖ ﻣﻌﻪ ﻭﻋﺮﻓﺖ ﻣﻦ ﺍﻛﻴﺎﺱ ﺍﻻﺩﻭﻳﻪ ﻭﻣﻦ
ﺍﻟﺒﺨﺎﺧﺎﺕ ﺍﻧﻪ ﻓﺮﺍﺵ ﺧﻠﻒ ﺣﺴﺖ ﺑﻘﺸﻌﺮﻳﺮﻩ ﻻ ﺷﻌﻮﺭﻳﺎً ﻟﻜﻦ ﻟﻔﺖ ﺑﻐﻴﺚ ﺍﻟﻠﻲ ﺭﻓﻊ ﻃﺮﻑ
ﺍﻟﺰﻭﻟﻴﻪ ﻭﻛﺎﻥ ﺗﺤﺘﻬﺎ ﺍﻭﺭﺍﻕ ﻭﺍﺷﻴﺎﺀ ﻛﺜﻴﺮﻩ
ﻟﻴﻠﻰ : ﺷﻨﻮ ﻫﺬﺍ ! ؟
ﻏﻴﺚ : ﺧﻠﻒ ﻳﺤﻂ ﺍﻏﺮﺍﺿﻪ ﺍﻟﻤﻬﻤﻪ ﻫﻨﺎ ﻋﺸﺎﻥ ﻣﺎ ﺍﺣﺪ ﻳﺠﻴﻬﺎ ﻭﻳﺎﺧﺬﻫﺎ ﻭﺍﺻﻼ ﻣﺤﺪ ﻳﻘﺪﺭ
ﻳﻄﻠﻊ ﺷﻲ ﻋﺸﺎﻥ ﻣﺎﻳﻌﺼﺐ ﺧﻠﻒ ﻳﻌﻨﻲ ﺣﻄﻲ ﺍﻟﻌﻼﺝ ﻫﻨﺎ ﻭﻣﺤﺪ ﻳﺠﻴﻪ ﻭﻻ ﺍﺣﺪ ﻳﻌﺮﻑ
ﺍﺑﺘﺴﻤﺖ ﻟﻴﻠﻰ ﻭﻫﻮ ﺗﻨﺎﻇﺮﻩ ﺑﺤﺐ ﻭﻧﺰﻟﺖ ﺍﻟﻈﺮﻑ ﻣﻊ ﺍﻻﻭﺭﺍﻕ ﻛﺎﻥ ﻭﺩﻫﺎ ﺗﻔﺘﺶ ﺑﺲ ﺍﻟﻮﺿﻊ
ﻣﺎﻳﺴﻤﺢ ﺭﺟﻊ ﻏﻴﺚ ﻛﻞ ﺷﻲ ﻭﻭﻗﻔﺖ ﻟﻴﻠﻰ ﻣﺒﺘﺴﻤﻪ: ﺍﺗﻔﻘﻨﺎ ﻳﺎﻏﻴﺚ ﻻ ﺗﻘﻮﻝ ﺣﻖ ﺍﺣﺪ
ﻏﻴﺚ : ﺍﺗﻔﻘﻨﺎ
ﻟﻴﻠﻰ : ﺯﻳﻦ
ﻃﻠﻌﺖ ﺑﺴﺮﻋﻪ ﻗﺒﻞ ﺍﺣﺪ ﻳﺸﻮﻓﻬﺎ ﻭﺭﺟﻌﺖ ﻟﻠﺒﻨﺎﺕ ﻭﻫﻲ ﻣﺮﺗﺒﻜﻪ ﻣﻦ ﻏﻴﺚ ﻛﺜﻴﺮ ﻭﺧﺎﻳﻔﻪ
ﻣﺎﺻﺪﻗﺖ ﺍﻣﻬﺎ ﻧﺎﺩﺕ ﺍﻻ ﻃﻠﻌﺖ ﺗﺮﻛﺾ.........

لاتنسواااا متابعة صفحتي على الواتباد

________________
*ـــــــ(رابط قناتنا بالتلجرام @ahgeel )))ـــــــ*
*, #ﺃلى_هنا_اقفل_ﺣﺪﻳﻘﺘﻲ_ال5*

طبعا الرواية تم نشرها كامل في التلجرام لمن يريدها كاملة انضم بقناتنا على التلجرام
رابط القناة بالتلجرام ⇐ t.me/ahgeel
قم بنسخ الرابط وابحث في التلجرام ...

شاركنــا رأيك بالجزء ...
ولاتنسوووا التصويت والتعليق ...