رواية عزاي انك رجاي العذب لو كل الدروب عثور / أديم الراشد

رواية عزاي انك رجاي العذب لو كل الدروب عثور للكاتبة أديم الراشد الجزء 11

*ـــــــــــــــــــــــــــــــــــــــــــــــــ*
*((, #ﻋﺰﺍﻱ_ﺇﻧﻚ_ﺭﺟﺎﻱ_ﺍﻟﻌﺬﺏ_ﻟﻮ_ﻛﻞ_ﺍﻟﺪﺭﻭﺏ_ﻋﺜﻮﺭ))*
ﻟ))*
*(( #الحديقة_الحادية_عشر))*
*ــــــــــــــــــــــــــــــــــ*

لاتنسواااا متابعة صفحتي على الواتباد

في طرف بعيد
كانت وعد جالسه وهي تفكر متى بدت علاقة خلف بليلى وش اللي صار وش اللي مادرت عنه اكبر من ذا لكن فزت على صوت خلف : وعد
طنشت وماردت ورجع يناديها: اكلمك يا وعد
وعد : خير!؟ وش اللي بتسويه بعد!؟ نسيت شي ماقلته !
اخذ خلف نفس: وعد لا تحديني على شي ما ابيه كلميني زين
وعد وقفت بغضب: اكلمك زين على اي اساس !ياخلف!؟
خلف : انتي فاهمه كل شي غلط
وعد: كل ذا وفاهمه غلط!؟ خلف : اسكتي ياوعد وخليني اشرح زي الناس لاني مابي اتهاوش معك على سالفه ماتسوى
تكتفت وعد وهي تنتظر تبرير تافهه لكن خلف كان يحاول يشرح اشياء ويخبي اشياء ومابدا من بداية القصه لا قال : يوم تهاوشت مع ابوي طلعت ضايق وقابلني جابر عزمني لبيتهم للعشاء ورفضت لكن اصر وقالي مافيه احد بالبيت وكان ضايق صدري قلت اروح اوسع صدري معه شوي وقالي اطلع السطح عشان نجلس بالهوا وطلعت ما دريت ان فيه احد لكن بالصدفه لقيت فوق بنت انفجعت وهي انفجعت وكانت تحسب اني حرامي لانها فالبيت لحالها مدري وين كانوا اهلها وكانت بتصرخ وبتسوي سالفه لكن بالقوه لين قلت لها اني ضيف اخوها وما مداني استوعب الا جاء جابر وخفت انه يفهم غلط ويحوس الدنيا واضطريت ابعد البنت ورا قراشع ورميت كل شي معي عندها مدري ان البخاخ حق الربو معها وهي تعثرت وطاحت وانقطع خلخالها وطاح اخذته عشان ما ينتبه جابر حطيته بجيبي ونسيته وجلست المهم كنت اكح باستمرار وقلت لجابر اني ضيعت دواي وهو ما درا عن شي وطلعت بسرعه
المهم اليوم الثاني جت هي وامها المحل معهم راديو خربان وحطت البخاخ معه ورجعته لي واول ماشفت انه رجعت الدوا وما استهانت بصحتي قررت اعوضها واشتري لها بدال خلخالها واحد جديد ورجعته هي وعطته غيث يوصله لي وانا رديت
وهاذي كل السالفه وانتي كل اللي قلتيه شين ومحد يقبله
نزلت وعد يدينها بذهول من اللي سمعته كانت تعرف خلف اذا كان صادق وندمانه على سوء ظنها بس تحس السالفه ناقصه لكن قالت: يمكن السالفه صحيحه بس الميانه اللي بالرساله ما تقول ان هاذي كل القصه
خلف بغضب: اسسىمعيني يا وعد لا تناظريني بنظرة الواطي هاذي ! ما اسمح لك
وعد : وانا والله ما ودي اشوفك كذا
ناظرته بتمعن وقالت: تحبها من قبل صح!؟
.
اخذ خلف نفس يبي يهدي ارتباكه : وعد انا ما يهمني في ذا كله الا شي واحد مابي تفهميني غلط مابي اتهاوش معك على اشياء مالها صحه ابد مهما كان انتي اختي ومو بس اخت انتي اكثر انسانه اثق فيها
وعد : عشان كذا اقولك لا تخبي شي يا خلف اذا فيه شي قلي انا سترك وغطاك
انقذ خلف جيت البنات ولف بسرعه وهو يقول : لو فيه شي لازم تعرفينه بجي اقولك لا تخافين
راح وترك وعد اللي نوعا ما ارتاحت وحاولت تصدق وتتأقلم مع البنات وتنسى السالفه
اما خلف كان يمشي بهدوء وهو يفكر ! من متى صار بكل هالعجله والجرأه ! من متى صار مايفكر بالعواقب ولا يحسب حساب احد ! من متى صار مندفع !
كان خلف اصلا من اطباعه ان وااضح وصريح ومشاعره ومكشوفه خصوصاً لناس اللي تعرفه ما كان شاطر كثير في التخفي
لكن هذا قبل يوم كان انسان طبيعي وهادي وقلبه مرتاح وراكد
لكن بعد ما تلخبطت دقات قلبه وبعد ما دخلت هالليلى حياته مايدري وش صار فيه ! ماصار يفكر الا فيها ! وفي اي صدفه تجمعهم ماكان يهتم بالطريقه لكن المهم يكون بصوره مناسبه ، مايدري كيف قدر يخفي على وعد مايدري كيف قادر يحول كل الاسباب لمصلحته وتخدم هالمشاعر اللي يحس فيها اتجاه ليلى
ماكان خلف يعرف يراوغ لكن هالفتره صار بكل ثقه وبرود يقدر يسحب كل شي لصالحه بدون ما احد يحس
اجتمعت فيه صفات جديده ماهي صفاته من غير إدراك منه رمى نفسه بالحبر والمويه ابعد عنهم كثير وهو يحاول يسترخي ويركد ويعرف كيف يتصرف وهو للحين ما يدري وش ردة فعل ليلى من هاللي سواه بالبقاله
_______________________.
وفي بيت جد نادر
وصل نادر اللي ما ابعد عن شوق ابد بالعكس كان ملصقها جنبه ولا يبيها تروح مكان ما يبي احد يزعجها ويضايقها وخصوصاً ان فيه حريم
والكل يناظره باستغراب ام نادر : شوق تعالي معي وانا خالتك هناك عند الحريم نتقهوى معهم
نادر التفت بسرعه : لا لا خليها تتقهوى معي
التفت جده بغضب: ما تستحي انت!؟ وش بلاك لازق بالحرمه هاه ! اعقل
صد نادر بزهق : ماتبي تروح خليها يمه
ابو نادر: ترا محدٍ اكلها
كانت شوق متضايقه شوي من هالمشاده وهمست: نادر بروح ماعليك
نادر بنفس الهمس : كل الحريم هناك اعرف وخايسات مايستاهلون روحتك لهم
شوق : ماعليه بروح عشان خالتي
نادر: زين اذا ضايقك احد اطلعي وتعالي هنا
شوق: زين
راحت مع ام نادر ونادر على اعصابه
ابو نادر: انت وش صاير لك وراك على البنت هاه!
نادر: وش صاير لي يبه وانا ما اشوفه!؟ جده : هقيتك رجال لكن وين اذا بزر هالكبر وجايبه خشمك للارض .
.
ضحك نادر : يالله لك الحمد اخيراً شاف هالشي وريحني
ابو نادر: نادر اعقل
نادر : والله اني عاقل يبه وما هقيت اني في يوم بصير بكل هالعقل ماهقيت اني بصدق مقولة زوجوه ويعقل ! لكن انا اشهد ان هالزواج عقلني ووراني وش كثر انا عاقل
سكتوا مستغربين كلامه
لكن وقف نادر بضيق وطلع وهو يطلع زقارته وهو صادق في كلامه (نادر عاقل عاقل كثييير مقارنة بالجنون اللي سووه )
وبعد ماراحوا الحريم طلع ام نادر
ام نادر: تعال نادر ابيك شوي
اتجهه لشوق : هاه تمام!؟
شوق ابتسمت: ايه ماعليك
رغم ان شوق تشوف نظرات الحريم لها ! مستغربين ان هاذي زوجة نادر لكن تجاهلت
جلست وراح نادر : نعم يمه
ام نادر: انت انهبلت رسمي وقضيت صح!؟
نادر: ليه!
ام نادر: اقدر افهم وش هاللي تسويه ! ماعاد فيك عقل خلاص ! قمت وطحت عندي مليون مره ويوم تزوجت انهبلت !
نادر: زين يمه انا مهبول ممكن تاخذيني على قد عقلي وتقولين لي وش مسوي!
ام نادر : مو قلت يمه بتزوج وزوجتك!؟ ويوم تزوجت ماعاد تبي البنت !
نادر: من قالك ما ابيها!
ام نادر : خالتك قالت لي كل شي
ضحك نادر باستهزاء : حلووو تجمعتوا علي الحين!؟ اول شي بقوله محد له شغل بحياتي زين ! وثاني شي لا تنتظرون مني اخضع لنفسي وانسى انسانيتي ! لا يمه انا ماني مثلكم عديم رحمه وكلامي الاخير ابعدوا عن شوق محد له شغل كيف تعيش وكيف اتصرف
لف بغضب وهو ينادي شوق وطلع كارهه كل هالديره منهم
_______________________.
وفي الشاطي
قبل المغرب كانواا البنات للحين يلعبون بالكوره والمباراه حاميه وتحمست ندى وشاتت الكوره وطارت وصرخوا عليها
مضاوي: جعل رجلك عاللي طول عمود الكهرب للكسر
ندى: استغفر الله يالشيييينه ترا طيرتها بس
اماني : شايفتنا فاضين نروح نركض ندورها بعيد
حنان :احسن طارت خلونا نوقف شوي انهد حيلي
جلسوا الكل ولفت مضاوي: سحر اركضي تكفين جيبيها  ركضت سحر بما انها الاقرب ودخلت ما بين المخيمات تدورها ماحست انها دخلت مخيم الرجال الل بعد ما ضربت بشي ورجعت وهي ماتدري في ايش كان شي مبلول لكن اول ما رفعت راسها تجمدت وهي تشوف ماجد بنور خفيف من الشمس قبل الغروب شهقت بسرعه وفزت وطلعت هي شافته بس هو مايدري من صدمه ولا شافها بالظلام لكن سمع صوت البنات ينادونر: ياسحر وين الكوره
وقالت بارتباك وهي تحمد ربها ماشافها: مدري مالقيتها وخفت احصل رجال هناك
وعد : خلاص وقفوا ما تعبتوا
وجدان :اصلا جاء وقتنا نسبح
مضاوي : ايه يلا يلا
راحوا وماجد واقف بذهول
.
. .  وابتسم وهو يتمنى ليته شاف سحر من سنين ماشافها من بعد ماشافها بالغلط مره وتعلق فيها من سنين ما شافها
لف على صوت فيصل: خالي بتروح!؟ ماجد: اي والله وراي شغل
محمد : ليتك جلست شوي الشغل مايخلص
ماجد : ماعليه لحقنا على نصيبنا
ابو خلف : خلص وارجع
ماجد : ببشوف وش الله يسر لنا
طلع ماجد وهو كله امل انه بيرجع وياخذ اللي يبيه واجتمعوا الرجال حول النار عشان يدفون بعد السباحه
لكن خلف طلع يدور امه يعرفها تحب البحر
وقف يناديها وقفت ام خلف مسرعه: هلا ياحبيبي وش فيك تعبت !
حضنها خلف مبتسم: لا ولله انا بخير بس قلت اجي اشوفك اسولف معك دام الجو رايق وحلو من زمان عنك
ابتسمت ام خلف وهو تحط يدها من ورا ظهره وتمسح بيدها على صدره : اي والله يا خلف من زمان يمه ماجلست معك
تقدم خلف وهو حاضنها ويمشي هو وياها على طرف الشاطي لين صاروا بعيد وقالت ام خلف : وش فيك يمه من ايام ما انت عاجبني دايم سرحان وتفكر ما انت معنا
ابتسم خلف : لا يمه مافيني شي وش بيكون فيني
ام خلف بهدوء: مدري يمكن تكون متضايق من موضوع سحر
خلف: لا يمه لا ما تضايقت ابد
ام خلف : انا ادري انك حتى لو تضايقت بتقول العكس عشان مازيضيق صدر سحر بس عاد الدنيا قسمه ونصيب وان شاء الله تحصل نصيبك وازوجك بنت الحلال اللي تفرح قلبك واسوي  لك زواج كل السعوديه يتكلمون فيه
ضحك خلف وهو يبوس كتفها: اللهم امين يمه لكن مابي زواج تكلم فيه السعوديه كلها
ضحكت ام خلف : ولا تزعل تتكلم في السعوديه والدول المجاوره
زاد ضحك خلف وكأن امه جت على الجرح : اجل نظامك دولي يا ام خلف
ام خلف : ايييه انا الله ما عطاني الا خلف واحد لو يبي عيوني يبشر ويامر
خلف : الله يخليك لخلف ويطول بعمرك على زود الطاعه يارب العالمين
ام خلف : امين
ابعد خلف وهو ياخذ عبايتها وشيلتهاز ورماها على طرف وشهقت ام خلف وهو تخبى وراه: يا يمه وش سويت الحين الناس كلها تشوفني
ضحك خلف : محد فيه يمه ماجد وراح وعقاب وعزوز وعمي محد متصرعين ماهم حولك والدنيا ظلام انبسطي وتعالي نسبح ونستانس
ام خلف : لا يا يمه فشله
اخذها خلف وهو يضحك ودخلها وهي متفشله ورفع صوته ينادي وعد تجيب امها وجابوها وهي بعد رافضه ومستحيه بس دخلوها ودخلوا معها كل البنات ماعدا سحر وشهد وعهد كانوا واقفين بعيد يناظرون
ابتسمت شهد: يازينه خلف
لفت لها بغضب: وشو يازينه ما تستحين انتي !؟
شهد: وش فيك انتي تراه مثل اخوي
ضحكت عهد باستهزاء: تلعبون على انفسكم انتم يكذب عليكم الكذبه وتصدقونها!
سحر: عهد اعقلي! لا يسمعك عقاب .
📵 .
.
عهد : خليه يسمعني يمكن تفوقون من دوامة كذبة عيال العم الحبيبين اللي انتم عايشين فيها ، انا بنام لا احد يزعجني
راحت وتركهم ومحد راضي عنها وعن تصرفاتها تنهدت سحر بضيق وهو تراقبهم من بعيد بصمت
لكن شهد طلعت وصادفت عقاب : شهد وش عندك هنا!
شهد : ولا شي طفشانه قلت اتمشى
قربها عقاب بهدوء: طفشانه ! ليه وين البنات اسمع اصواتهم ليه ما انتي معهم ! وبعدين وين وجدان ليه ما هي  معك
شهد : لا بس البنات راحوا مع خلف هناك يسبحون  مع امهاتهم
عقاب : وين سحر وعهد!
شهد:سحر جالسه وعهد هناك تقول بتنام
عقاب : نادي سحر وتعالي
ركضت شهد تنادي سحر اللي جت مستغربه : عقاب تبي شي!
عقاب : لا بس شفت هناك سفينه قديمه!؟ ودكم تشوفونها
ابتسمت سحر وهي تدري ان عقاب مايبيهم يجلسون يراقبون الناس ابد لا يبي يسعدهم طبعاً شهد اللي تعلقت بذراع عقاب وهي تحكي له عن غش مضاوي في كل شي حتى بالكوره وسحر اللي تمشي بهدوء تسمع سوالفهم وفعلاً كان فيه سفينه وعقاب يحوس فيها هو وشهد وسحر رفضت خايفه يكون فيها شي
وبعد جوله مرعبه في السفينه دخل عقاب للبحر ومعه شهد اللي تخاف من المويه وتستقوي بعقاب وسحر حولهم
_______________________.
وفي بيت ام ضاري
كان ضاري جالس جنبها بخوف وهو يمسح جبينها ويحط عليها الكمادات
ضاري : يمه تكفين قومي اوديك للمستشفى
ام ضاري بصوت تعبان: ماله داعي ياضاري كلها حراره وتروح
ضاري : حتى لو هي حراره بس مايصير يمه والله اني خايف يصير لك شي
ام ضاري : يا يمه طول عمري ما اروح مستشفى وهذاني بخير وطيبه وانا اعرف نفسي
تكتف ضاري بضيق وهو مايخاف من شي فالدنيا الا من تعب امه للي لو تشوف الموت بعيونها ما تقول انا تعبانه
طلع وهو يدور على شي يسويه لها عشاء وبعد ما سوى لها شوربه رجع وهو يناديها : يمه يلا يلا العشاء
نزل يساعدها تجلس وهو جالس قريب منها ولا سمح لها هي تشرب لا كان هو يشربها وابتسمت ام ضاري بحب : والله اني كل يوم احمد ربي واشكره اللي طلعني بعز ضيقي ووجهني ولقيتك
ابتسم ضاري وهو يبوس يدها : يا يمه انا والله في نعمه معك وانا ادري لو اني بين امي وابوي الحقيقين ما كنت بهالحياه وهالسعاده وانا لو ادفع عمري كله في خدمتك وتحت راحتك ما وافيتك حقك انتي بس اطلبيني قولي ابي وانا اقول تم وحاضر
.
اسفه على التأخير يا بنات🥺 لكن كنت في ظروف نفسيه متوتره ماقدرت اكتب بارتات ولا ابي اكتب اي كلام وشي تافهه
. .
.
ابتسمت ام ضاري وهو تمسح على كفه بحنيه : انت لو تطيعني في شي واحد بس وتخليني ازوجك وافرح فيك قبل لا اموت
ضاري : بسم الله عليك يمه الله يطول بعمرك لكن اذا هذا الشي بيوسع صدرك اجل تم
ام ضاري : اجل وخر عني انا صرت بخير الحين
ابعد ضاري وهو  يضحك : افا يمه لا يكون تخدعيني
ام ضاري ضحكت : شوي بس ، لكن علمني وش هي مواصفات البنت اللي ودك فيها
تكتف ضاري بضحك وتفكير وهو ماعمره فكر في هالموضوع ابداً ولا حط في عقله مواصفات واعتدل ببتسامه عذبه : والله يمه اذا شفتي بنت واعجبتك قولي لاهلها ولها ولدي مايبي الا بنت حلال تخاف الله في امه وهذا لحاله يكفي
حضنته ام ضاري وهي تمسح على ظهره بحب : يا علني ما اذوق حزنك يا حبيب امك
ارتخى ضاري بحضنها بإمتنان وهو مايدري وش بيصير فيه لو ما ربي رماه بحضنها
_______________________.
وعند نادر
للي رفض يجلس في الحفر و على طول رجع للخفجي وهو ساكت طول الطريق مايبي يتكلم وشوق ساكته بضيق ما تدري وش تقوله! اول مره تشوفه كذا! ولا حبت تتدخل سكت وهي تحاول تتجاهل كثافة الدخان اللي تخنقها
وصلوا للخفجي ونزلوا للبيت والتفت نادر بهدوء: عادي تجلسين لحالك شوي!؟ نص ساعه!
شوق : ايه بس انت وين بتروح!
نادر : بجيب اغراض للبيت وارجع
شوق : زين
طلع نادر بس رجع: تبين شي معين!؟
شوق بتردد : ايه خاطري ببسكوت ابو ولد وبعد ريكو وبيبسي وميرندا وبعد ويفر وحلاوة طوب وبس
رغم ضيقة نادر الا انه ابتسم وقال بضحكه يمازحها :ما ودك اجيب حلاوة مصاص
تفشلت شوق وسكتت وضحك نادر : امزح امزح وبعدين  انا بعد احبها بجيب كيس نتسلى عليه
ضحكت شوق : والله مدري من البزر صدق
طلع نادر مبتسم وهو يدور خلف او عقاب او اي احد لكن اول ما وقف في البقاله يقلب الاغراض التفت على صوت ضحكه عاليه عرف صاحبها وضحك ورفع يده بتحذير وهو عارف وش بيقول : ضاري ابلع كلامك
قرب ضاري يسلم عليه بضحك : قلت بزر وقلنا آمنا بالله لكن حلاوووو حلاو يا نادر هههههههههههههههههههه
دفه نادر بضحك وهو يرجع يجمع اغراضه : وش اسوي يا ضاري والله اني مدري اضحك ولا اصيح ولا وش اسوي !
ضاري اخذ معه بعض الاغراض : افااا والله وش فيك !
نادر: ضايقتن بس الوسيعه ، بس وين خلف وعقاب
ضاري : مرني خلف يقول كاشتين للبحر وماتشوفني اللف بلحالي
نادر: زين اني لقيتك تعال تعال
جلسوا في المكان المعتاد ولف ضاري وهو يسوي الشاهي : نويدر تكلم وش فيك!؟
نادر كان متفشل انه يسولف له عن بلاوي اهله : مافيه شي لكن تعرف الوضع صعب علي ،فروق السماء والارض بينا ما فيه توافق لا بتفكير ولا حتى كلام .
#عزاي_إنك_رجاي_العذب_لو_كل_الدروب_عثورriwait_221 .
.
نادر كان متفشل انه يسولف له عن بلاوي اهله : مافيه شي لكن تعرف الوضع صعب علي ،فروق السماء والارض بينا ما فيه توافق لا بتفكير ولا حتى كلام ، ماعمري فكرت اني اذا تزوجت بيكون الوضع بهالصعوبه توقعت اني بعيش حياه مثل الاحلام برمي نفسي وهمي على زوجه تشيلني وتشيل بيتي ما هقيت اني في يوم وليله اتحول كل هالتحول واصير كل المسميات الا اني اكون زوج اصير درع حمايه واصير محامي واصير مزوح واصير مسؤول واصير مثل الخايف كل دقيقه افز وادور وينها! اكلت ! شربت ؟ نامت ! بردانه ولا زعلانه ؟!؟ عمري ماهقيت اني بصير بهالمكان ولا بسوي كل ذا؟ بعد ماكنت الطايش اللي مايهمه الا نفسه وضحكه وسوالفه ووين اسهر وكيف اعدي الوقت وانا مبسوط ، هاللي انا فيه صعب علي
قرب ضاري بهدوء : انا معك صعب الوضع وخصوصاً اذا مافيه احد يعاونك لكن حياتك ماهي بهالسوء فكر شوي في ايجابيات هالشي يعني لنفترض انك تزوجت انسانه ثانيه كبيره وفاهمه! ما انت ضامن السعاده في كل الاحوال والمسؤوليه لاحقتك لاحقتك والهم وراك بعد وبتتعب في كل الاحوال ويمكن تجي بكيفك ويمكن تجي عوبا تنكد عليك حياتك
لكن زوجتك كلها سنه سنتين يا ابن الحلال عطها ٣ سنين على ماتقدر تكون زوجه كامله لكن هالثلاث سنين انت وجهها للي تبيه انت لحياتك اللي تحبها ! اسلوبك عيشتك!؟ كيف تفكر وكيف تبيها تكون وهي في هالوقت بتكون في سن تقدر تأثر بك وتأثر عليها حتى في اطباعك اخذ هالنقطه بصالحك وماعليه! ايام بس وكل شي بيزين
تنهد نادر ببتسامه وضحك : والله ان عقاب صادق، سبحان من ينطقك بالعقل وانت مجنون
دفه ضاري بضحك: والله اني حبيب ويطلع مني حكم ودروس لا يغرك الشكل ترا والله اني كنز مدفون
نادر : من ناحية مدفون مدفون لا تخاف
فز ضاري بضحك : اقول قم رح لنديمتك وانا بروح  لنديمتي
فز نادر باستنكار ما فهم الكلمه: وش نديمه!؟ ( وكان متوقع انه يقصد انه ندمان على زواجه من شوق )؟
ضحك ضاري : عندنا نقول لرفيقك او اللي دايمم تجلس معه ( نديم ) مدري تعرفها ولا لا ! ولا تخاف ما سبيتك انا بعد قلت نديمتي اللي هي امي اللي تحتريني
ضحك نادر: خوفتني والله
ابعد ضاري بضحك: فمان الله
افترقوا ورجع نادر يفكر فاللي جاي وش بيسوي بعد كلام ضاري
_______________________.!
في الكويت
في بيت العايله الكبير كل عايله ابو نهيان مجتمعين ووالكل مبسوط يسولفون
وليلى جالسه بهدوء وهو تراقب الخلخال اللي برجلها واللي لبسته اول ما احتارت ماتدري وين توديه تنهدت بضيق وهي تفكر في هالخلف اللي من يوم عرفته وهو ما غاب ابد اذا غاب عن تفكيرها يطلع لها بالواقع واذا شافته بالواقع لازم يسوي شي يسطير فيه على تفكيرها
فزت على مريم اللي جلست جنبها: ليلوه! شفيچ ما انتي عاجبتني شصاير!؟
ليلى: شدعوه مريوم مافيني شي
مريم : مدري حالتچ غريبه بس تفكرين وتراقبين هالخلخال وحالتچ حاله
ليلى: لا ماكو شي يتراوى لچ
ابتسمت مريم بخبث : مدري الظاهر ان قيس شرف واشغل تفكيرچ استحل قلبچ
لفت ليلى برعب : قصري صوتچ لا احد يسمعچ وبعدين شنو قيس وشنو استحل قلبي خبله انتي ، انا ما افكر في هالسوالف
ضحكت مريم : والله ذكرتيني مره قريت بكتب شيخوه قصيده لليلى العامريه الظاهر انچ مثلها
ناظرتها  ليلى بذهول ووقفت مريم بضحك وقالت :
كلانا مُظهر للنـــــاس بُغضًا ..وكلٌ عند صاحبه مَكيــــــن
‏تبلغنا العيـــــــون بما أردنا ..وفي القلبين ثمّ هوىً دفين"
اتسعت عيون ليلى بذهول وضحكت مريم : ما احتاج انچ تقولين حبيبتي عيونچ تقول
راحت ووتركتها وارعبت ليلى اللي حطت يدها على قلبها بخوف ( لا لا ليلى شفيچ لا تصدقين هالحچي ،هاذي سوالف مريوم تعرفينها!؟ لا تصدقين انتي ما تحبين هالعيار انتبهي ليلوه )
فزت بسرعه تبي تقطع هالتفكير من اساسه وركضت تدخل بجمعة الناس وتتجاهل اللي يصير لكن كل ماتحركت وطلع صوت الخلخال تتذكر خلف لكن كانت تحاول تتناسى
_______________________.
وفي المخيم
بعد ما لعبوا وسبحوا وطلعوا كل اللي بقلبهم شب عقاب النار واجتمعوا كلهم حولها واغلبهم تعبان وبينام
وطلع عقاب يمشي لكن وقفه صوت ابو خلف : وينك رايح!؟ عقاب : بمشي شوي مابي انام الحين !
ابو خلف : زين انتظرني ابيك بكلمة راس
استغرب عقاب لكن تذكر سالفة مبارك وابتسم: ابشر
تقدم له ابو خلف ومشوا شوي بعيد ووقف ابو خلف: عقاب تعرف مبارك ال.. يشتغل عندكم ويقول انه من زملائك
عقاب: اي وللله اعرفه ياعمي
ابو خلف : كلمني اليوم وقال انه يبي يخطب وعد
عقاب : ماشاء لله والله تستاهل كل خير وعد
تحطم ابو خلف من رده وقال : لكن انا مدري عن الرجال وانت تدري اني مابي ازوج بنتي الا رجال كفو
عقاب : ابد ياعمي مبارك كفو ورجال والنعم وعلى اللي اشوفه ماشاء الله عليه محافظ وعاقل وربي مرزقه ومعطيه خير
ابو خلف : وكم عمره !
عقاب بتفكير : حول الاربعين!
ابو خلف : ما كنه كبير على وعد!؟ عقاب : ا والله الكبر ماهو عيب والرجال صحته كويسه ولا فيه شي وياعمي ترا الفرق بس ١٥ سنه ما يأثر و وعد كبيره وعاقله  .
.
ابو خلف : بس ما ظنتي توافق عليه
عقاب ( ايييه بدينا دوامة الدلع لكن هين): ياعمي الرجال الطيب ما ينرد وبعدين بنتك الله يخليها لك كبيره والعمر يمشي والناس تتكلم وانت ادرى وهي كل ما جاء واحد قضبته الباب مايصير
ابو خلف سكت بتفكير مايدري كيف يحلها وكيف يوضح لعقاب انه يبي وعد له لكن انتبه عقاب وابتسم اول ماطرت له فكره ألعن الحين وهو زرع في عمه فكرة ان وعد فاتها قطار الزواج ولازم تزوج ولا بتعنس وكانت فكرته فيها مخاطره بالنسبه له لكن يدري وش ردة فعل وعد وعشان كذا متطمن : وبعدين اذا وعد بترفض انا في الواجهه ياعمي وانا مستعد اتزوج وعد
رفع راسه ابو خلف بذهول : هاه!؟
عقاب : اللي سمعت لكن مايصير اخرب على مبارك مهما كان الرجال خطب ومايجوز اخطب على خطبته لكن في حال ان وعد رفضته انت مستعد اتزوجها
تهلل وجهه ابو خلف وابتسم: هذا الصح من البدايه لكن مثل ما تقول نشاروها في مبارك ونشوف
ابتسم عقاب : اللي تشوفه ياعمي وانت فصل وانا اللبس
ابو خلف : يلا يلا الله يسهل
راح وترك عقاب اللي ابتسم ببرود : وجزاك يا ذا العوبا جهز وخلنا نشوف وش بتسوين بهالمصيبه
رجع للمخيم وانسدح وهو مبتسم
_______________________.
وفي الطرف الثاني
ما نامو البنات يسولفون قريب البحر ومبسوطين ووعد تسولف لهم عن موقف قديم بين ابوها وخلف كانت هي البطله اللي انقذت خلف من طق ابوها بطريقه غير متوقعه
وابتسمت سحر: والله انا اهنيك يا وعد مدري كيف تصملين في مواقف تخوف كذا
هيا: ماشاء الله عليك لو اشوف ناصر معصب كذا ما قربت له ولا جيته
وعد : وش اسوي اخليه يذبح خلف
هيا: عاد خلف ياعمري ما يأذي احد
ندى: غلط عمره انه ذاك اليوم تأخر وليته تأخر بس لا سهران مع نادر اللي مايطيقه ابوي وفوق ذا راجع ريحته فل دخان
شهد: وطقه عمي !؟ حنان : كان ناويه والله لكن فجأه تدخلت الوحش على قول عمي محمد بطلتنا وعد
انفجرت اماني تضحك: ما انسى شكل ابوي اول ما شالته وعد عن خلف ونزلته بعيييد كلنا مفجوعين كيف شالته
وعد بضحك: والله خفت وتوترت من بكى عمتي قلت مافيه الا اشيله عنه وادخله الغرفه
هيا بضحك: ايه اتذكر اول ما دق الباب وكانت ام خلف ودخلت خلف عندنا
مضاوي: شوفي انا ايه اقدر  افزع لاي احد ينطق بس بشرط يكون اللي يطقه عقاب هنا اتدخل وماعلي من عقاب  لكن ناصر لا مستحيل حتى خلف مستحيل افزع لاحد خلف معصب عليه
سحر: عقاب محد يقدر عليه الا انتي سبحان الله
ندى : اي والله لكن خلف ما انصحك ابد تجين له وهو معصب لانه سليططط اذا عصب لعن خير البيت كله
حنان : لكن ويييين مايعصب الا فالسنه حسنه .
. .
.
وجدان بقهر: لكن خليه يعصب يحوس الدنيا
ضحكوا البنات وهم يعرفون شعور وجدان اللي اكثر وحده يطيح في راسها تعصيب خلف
وعد : بعد انتي تستاهلييين ترا يسكت يسكت عنك لين ينفجر
شهد بضحك : والله ما انسى الكف اللي اخذته منه انا وياها االساعه وحده في عز الظهر لو انه عقاب ماعليه متعودين بس خلف سبب لي صدمه
اماني: عشانكم ماتستحين انتي وياها ! الادمي تعبان وحالته حاله وانتي وياها خليتوا شي ماسويتوه فيه يقالكم خفيفات ظل
وعد : انا اقول قوموا ننام الحين لا يكفخوونا كلهم ترا مصخناها صوت الضحك لين اخر الدنيا
مضاوي : بنام انا عشان بس اصحى الفجر واشوف الجو بس
سحر: لكم مني فطور بكره يحبه قلبكم
اماني : والله انك كفو
دخلوا ينامون وهم في خيمتين قريبه من بعض والنومه كانت قمه في الراحه والمتعه
_______________________.
في الكويت
الصباح كانت ليلى تتجهز وهي تسمع السوالف وتحاول تتجاهل مريم وكل شي تقوله مريم ونزلت مبتسمه وهي تسمع سوالف وضحك غريب!؟
قربت وهي تقول : شنو فيكم ؟
وقفت مريم ببتسامه : ابشرچ عندنا خطاب
ضرب قلب ليلى : خطاب!؟ مريم: ايييه
ليلى : يخطبون منو!؟ مريم : يخطبونچ
اختنقت ليلى ماتدري وش السبب بس تنفست براحه اول ما قالت امها بضحك: لا لا يخطبون شيخه
ابتسمت ليلى برعب وراحه: والله!؟ ومنو سعيد الحظ
ام نهيان: من غيره جاسم ولد عمچ
ضحكت ليلى وقربت تحضن شيخه اللي كانت مستحيه : اخيراً قرر ونفذ
مريم: مابغينا نشوف هاليوم
ليلى: رديتوا عليه!؟ ام نهيان: اييه ابوچ قاله موافقين تعرفين بعد هو يبيها وهي من زمان عارفه وراضيه
شيخه: والله احس متفشله من ابوي
ليلى: مافيه شي يفشل عادي
فزووا على صوت ابو نهيان وعياله ووقفت ليلى مبتسمه ودخل ابو نهيان: وين شيخه
ليلى: هنييييه يبه
جابر : يلا هااانت خلصنا من وحده وباقي الثانيه
نهيان: شدعوه قاعدين على قلبك !
جابر : ايييه ما تحس انت بالنار اللي انا فيها
ليلى : الله اكبر عليك ! صرنا نااار مره وحده
ابو نهيان: جابر انت متى بتجوز عن خواتك هاه!؟ ام نهيان: ماعليكم منه قولوا لي شنو صار!
ابو نهيان: ماصار شي ابو جاسم حدد الملچه ( الملكه ) بعد يومين والعرس بعد شهر ! شنو رايكم!
جابر: موافقين يبه ماعليك
ضربته امه بخفه:انت اسكت ، انا اشوفه مناسب ما ادري عن شيخه
نهيان جلس جنب شيخه ببتسامه: شيوخ قولي حبيبتي  راضيه! يناسبچ
ابتسمت شيخه: ايه يناسبني معنا وقت
شهقت ليلى: لا والله مايناسبني
جابر: وانتي شكو! شيخوه العروس انتي شكو!
.

لاتنسواااا متابعة صفحتي على الواتباد

(رابط قناتنا بالتلجرام @ahgeel )))ـــــــ*
*, #ﺃلى_هنا_اقفل_ﺣﺪﻳﻘﺘﻲ_ال11*

طبعا الرواية تم نشرها كامل في التلجرام لمن يريدها كاملة انضم بقناتنا على التلجرام
رابط القناة بالتلجرام ⇐ t.me/ahgeel
قم بنسخ الرابط وابحث في التلجرام ...

شاركنــا رأيك بالجزء  ...
ولاتنسوووا التصويت والتعليق ...