رواية عزاي انك رجاي العذب لو كل الدروب عثور / أديم الراشد

رواية عزاي انك رجاي العذب لو كل الدروب عثور للكاتبة أديم الراشد الجزء الثامن

*ـــــــــــــــــــــــــــــــــــــــــــــــــ*
*((, #ﻋﺰﺍﻱ_ﺇﻧﻚ_ﺭﺟﺎﻱ_ﺍﻟﻌﺬﺏ_ﻟﻮ_ﻛﻞ_ﺍﻟﺪﺭﻭﺏ_ﻋﺜﻮﺭ💙))*
*(( #الحديقة_الثامنة))*
*ــــــــــــــــــــــــــــــــــ*

لاتنسواااا متابعة صفحتي على الواتباد + تصويت

.
ﺑﻌﺪ ﺍﻟﻤﻐﺮﺏ
ﻋﻨﺪ ﺧﻠﻒ ﺍﻟﻠﻲ ﺭﺟﻊ ﻣﻦ ﺍﻟﻤﺴﺠﺪ ﻟﺒﻴﺖ ﺟﺪﻩ ﻭﺩﺧﻞ ﺑﻬﺪﻭﺀ ﻭﻫﻮ ﻳﺸﻮﻑ ﺍﻟﻜﻞ ﺟﺎﻟﺴﻴﻦ
ﻣﺎﻋﺪﻯ ﺳﺤﺮ ﻭﻋﻬﺪ ﻭﺷﻬﺪ ﻭﻫﻴﺎ ﻭﻭﺍﺿﺢ ﺍﻟﻜﻞ ﻣﻌﺼﺐ
ﺧﻠﻒ : ﺳﻼﻡ ﻋﻠﻴﻜﻢ
ﺍﻟﻜﻞ : ﻋﻠﻴﻜﻢ ﺍﻟﺴﻼﻡ
ﺧﻠﻒ : ﺧﻴﺮ ﻭﺵ ﻓﻴﻜﻢ ! ؟
ﺍﺑﻮ ﻧﺎﺻﺮ ﻭﻗﻒ ﺑﻐﻀﺐ: ﺗﻌﺎﻝ ﺗﻌﺎﻝ ﻳﺎﺧﻠﻒ ﺷﻒ ﺍﺑﻮﻙ ﻭﺵ ﻫﻮ ﻣﺴﻮﻱ
ﺩﻕ ﻗﻠﺐ ﺧﻠﻒ ﺑﺨﻮﻑ : ﻭﺵ ﻣﺴﻮﻱ ؟؟
ﺑﺪﺍ ﺍﺑﻮ ﻧﺎﺻﺮ ﻳﻘﺺ ﺍﻟﻘﺼﻪ ﻋﻠﻰ ﺧﻠﻒ ﻛﺎﻣﻠﻪ ﻭﺍﺗﺴﻌﺖ ﻋﻴﻮﻥ ﺧﻠﻒ ﺑﺬﻫﻮﻝ ﻣﻦ ﺍﻟﻠﻲ
ﻳﺴﻤﻌﻪ ﺑﺪﻭﻥ ﺍﻱ ﻛﻠﻤﻪ ﺯﻭﺩ ﻃﻠﻊ ﻭﻟﺒﻴﺖ ﺍﺑﻮﻩ ﻭﻫﻮ ﻳﺪﻕ ﺍﻟﺒﺎﺏ ﺑﻐﻀﺐ ﻭﻓﺘﺢ ﻓﻴﺼﻞ :
ﺧﻠﻒ ﻭﺵ ﻓﻴﻚ
ﺍﺑﻌﺪﻩ ﺧﻠﻒ ﺑﻐﻀﺐ ﻭﺩﺧﻞ : ﻳﺒﺒﺒﺒﻪ ﻳﺒﺒﺒﻪ
ﻭﻗﻔﻮﺍ ﻛﻠﻬﻢ ﻭﺍﻟﺘﻔﺖ ﺍﺑﻮ ﺧﻠﻒ : ﺧﻴﻴﻴﺮ ﺧﻴﻴﺮ ﺩﺍﺧﻞ ﺯﺭﻳﺒﻪ ﺗﺼﺎﺭﺥ
ﺭﻣﻰ ﺧﻠﻒ ﺷﻤﺎﻏﻪ ﺍﻟﻠﻲ ﺑﻴﺪﻩ : ﻳﺒﻪ ﻭﺵ ﺫﺍ ﺍﻟﻠﻲ ﺳﻮﻳﺘﻪ ﺑﺸﻬﺪ ﻭﻋﺰﻭﺯ
ﺍﺑﻮ ﺧﻠﻒ : ﻭﺵ ﺳﻮﻳﺖ !
ﺧﻠﻒ : ﺷﻠﻮﻥ ﺗﺮﻭﺡ ﻭﺗﺘﺮﻛﻬﻢ ﻭﺍﻧﺖ ﺗﺪﺭﻱ ﻣﺎ ﺍﺣﺪ ﻳﻮﺩﻳﻬﻢ ﺍﻟﻤﺪﺭﺳﻪ ﺍﻻ ﺍﻧﺖ ! ؟
ﺍﺑﻮ ﺧﻠﻒ: ﻻ ﻭﺍﻟﻠﻪ ﺗﺒﻴﻨﻲ ﺍﺧﺪﻡ ﻋﻠﻴﻬﻢ ﺑﻌﺪ ! ؟
ﺧﻠﻒ : ﻣﻦ ﻗﺎﻟﻚ ﺍﺧﺪﻡ ﻳﺎ ﻳﺒﻪ ﺍﻗﻞ ﺷﻲ ﺑﻠﻎ ﻋﻘﺎﺏ ﻳﻮﺻﻠﻬﻢ ﺩﺍﻣﻚ ﻣﺎ ﺗﺒﻴﻬﻢ
ﺍﺑﻮ ﺧﻠﻒ : ﺑﻜﻴﻔﻪ ﻫﻮ ﻭﺍﺧﻮﺍﻧﻪ
ﺧﻠﻒ : ﻭﺵ ﺻﺎﻳﺮ ﺑﺎﻟﺪﻧﻴﺎ ﻳﺒﻪ ﻣﺐ ﻫﺬﻭﻻ ﻋﻴﺎﻝ ﻋﻤﻲ ﻧﺎﻳﻴﻴﻒ ﺍﻟﻠﻲ ﺗﻜﻔﻠﺖ ﻓﻴﻬﻢ ﻣﻦ ﻳﻮﻡ
ﻫﻢ ﺻﻐﺎﺭ ! ؟ ﺗﺒﻲ ﺗﺨﻠﻴﻬﻢ ﺍﻟﺤﻴﻦ ! ؟ ﻋﺸﺎﻥ ﺍﻣﺮ ﺗﺎﻓﻬﻪ
ﺍﺑﻮ ﺧﻠﻒ : ﺍﻣﺮ ﺗﺎﻓﻬﻪ ! ؟ ﺯﻭﺍﺟﻚ ﺗﻌﺘﺒﺮﻩ ﺍﻣﺮ ﺗﺎﻓﻬﻪ
ﺧﻠﻒ : ﺍﻳﻴﻴﻪ ﺗﺎﻓﻬﻪ ﻗﺪﺍﻡ ﻫﺎﻟﻌﺸﺮﻩ ﺍﻟﻠﻲ ﺑﻴﻨﺎ ﻭﺍﻟﺴﻨﻴﻦ ﺗﺎﻓﻬﻪ ﻗﺪﺍﻡ ﺯﻋﻞ ﻋﻴﺎﻝ ﻋﻤﻲ
ﻭﺧﺎﻃﺮ ﺳﺤﺮ ﻭﺗﻔﺎﻫﻪ ﻗﺪﺍﻡ ﺻﻠﺔ ﺍﻟﺮﺣﻢ ﺍﻟﻠﻲ ﺑﺘﻨﻘﻄﻊ ﻣﻦ ﻭﺭﺍﻩ
ﺍﺑﻮ ﺧﻠﻒ : ﺍﻗﺼﺮ ﺻﻮﺗﻚ ﻳﺎﺧﻠﻴﻒ ﻻ ﺗﺮﻓﻊ ﺻﻮﺗﻚ ﻋﻠﻲ ﻭﻣﺎﻫﻮ ﺍﻧﺖ ﺍﻟﻠﻲ ﺗﻌﻠﻤﻨﻲ ﻛﻴﻒ
ﺍﺗﺼﺮﻑ ﻭﻋﻠﻢٍ ﻭﺟﺎﻙ ﻳﺎ ﺗﻌﻘﻞ ﺳﺤﺮ ﻳﺎ ﻳﻨﻘﻄﻊ ﻛﻞ ﺷﻲ
ﺧﻠﻒ : ﻳﺒﺒﺒﻪ ﻭﺵ ﺑﻼﻙ ﺍﺳﺘﻘﻌﺪﺕ ﻟﺴﺤﺮ ! ؟
ﺍﺑﻮ ﺧﻠﻒ : ﻣﺎﻫﻲ ﻫﻲ ﺍﻟﻠﻲ ﺗﺮﻓﺾ ﻭﻟﺪﻱ
ﺧﻠﻒ ﺍﻟﻠﻲ ﺑﺪﺍ ﻳﻔﻬﻢ ﺍﻥ ﺍﺑﻮﻩ ﻣﺴﺘﻘﻌﺪ ﻟﺴﺤﺮ ﻭﻛﻞ ﺍﺧﻮﺍﻧﻬﺎ ﻋﺸﺎﻧﻬﺎ ﺭﻓﻀﺘﻪ ﻋﺸﺎﻥ ﻛﺬﺍ
ﺟﺎﺀ ﻣﻦ ﻃﺮﻳﻘﻪ ﺛﺎﻧﻴﻪ : ﺍﻟﺤﻤﺪﻟﻠﻪ ﺍﻧﻬﺎ ﺭﻓﻀﺖ ﻭﻓﻜﺘﻨﻲ ﻣﻦ ﻫﺎﻟﺰﻭﺍﺝ
ﺍﻟﻜﻞ ﺍﻟﺘﻔﺖ ﻟﺨﻠﻒ ﻭﻛﻤﻞ ﺧﻠﻒ : ﻛﻨﺖ ﺳﺎﻛﺖ ﻣﻦ ﺍﻟﺒﺪﺍﻳﻪ ﺑﺲ ﺍﻟﺤﻴﻴﻴﻴﻦ ﻣﺎﻧﻲ ﺳﺎﻛﺖ ،
ﺍﺳﻤﻌﻨﻲ ﻳﺒﻪ ﺍﻧﺎ ﻻ ﺍﺑﻲ ﺳﺤﺮ ﻭﻻ ﺍﺑﻲ ﻫﺎﻟﺰﻭﺍﺝ ﻛﻠﻪ ﻋﻠﻰ ﺑﻌﻀﻪ ﻭﻟﻮ ﻣﺎ ﺳﺤﺮ ﺳﺒﻘﺘﻨﻲ ﻛﻨﺖ
ﺭﺣﺖ ﻭﻗﻠﺖ ﻟﻌﻘﺎﺏ ﻭﻗﻠﺖ ﻟﺠﺪﻱ ﺍﻧﻲ ﻣﺎﺑﻲ ﺳﺤﺮ ﻭﻻ ﺗﺤﺴﺐ ﺍﻧﻲ ﺿﻘﺖ ﻭﺯﻋﻠﺖ ﻻ ﻭﺍﻟﻠﻪ
ﺍﻧﺎ ﻣﺒﺴﻮﻁ ﻭﺑﻤﻮﺕ ﻣﻦ ﺍﻟﻮﻧﺎﺳﻪ ﻋﺸﺎﻥ ﻛﺬﺍ ﻻ ﺗﻔﻜﺮ ﺗﻈﻠﻢ ﻋﻴﺎﻝ ﺍﺧﻮﻙ ﻋﻠﻰ ﺍﻟﻔﺎﺿﻲ ﻻﻧﻲ
ﻃﺎﻝ ﺍﻟﺰﻣﻦ ﻭﻻ ﻗﺼﺮ ﻣﺎﻧﻲ ﻣﺘﺰﻭﺝ ﺳﺤﺮ ﻭﻻ ﻣﺘﺰﻭﺝ ﻣﻦ ﺑﻨﺎﺕ ﻋﻤﻲ ﻭﺗﺮﺍ ﻣﺎﻫﻤﻨﻲ ﺍﺧﺬ ﻛﻞ
ﺍﻏﺮﺍﺿﻲ ﻭﺍﺫﻟﻒ ﻻﻱ ﻣﺪﻳﻨﻪ ﻭﺗﻨﺘﻬﻲ ﺳﺎﻟﻔﺘﻲ ﻟﻜﻦ ﻋﻴﺎﻝ ﺍﺧﻮﻙ ﻓﻲ ﺭﻗﺒﺘﻚ ﻭﺑﺘﺘﺤﺎﺳﺐ
ﻋﻨﺪﻫﻢ ﻭﺻﺪﻗﻨﻲ ﻳﺒﻪ ﺍﻧﺎ ﺍﻟﻴﻮﻡ ﺻﺎﺩﻕ ﺑﻜﻞ ﻛﻠﻤﻪ ﺍﻗﻮﻟﻬﺎ ﻭﺍﻟﺨﻴﺎﺭ ﻟﻚ
ﺍﺧﺬ ﺍﻏﺮﺍﺿﻪ ﻭﻃﻠﻊ ﻭﻫﻮ ﻣﻌﺼﺐ ﻭﺧﻠﻒ ﻧﺎﺩﺭﺍً ﻣﺎ ﻳﻔﻘﺪ ﻧﻔﺴﻪ ﻭﻳﻌﺼﺐ
ﻛﻠﻬﻢ ﻣﺼﺪﻭﻣﻴﻦ ﻣﻦ ﻛﻼﻡ ﺧﻠﻔﻪ ﻭﺍﻧﻪ ﻣﺎﻳﺒﻲ ﺳﺤﺮ ﻭﺑﺎﻥ ﻫﺎﻟﻜﻼﻡ ﺑﺼﻮﺗﻪ ﻣﺎﻛﺎﻥ ﻭﺩﻩ
ﻳﺼﺮﺡ ﺑﻜﻞ ﺫﺍ ﺑﺲ ﻳﺒﻴﻬﻢ ﻳﺤﻤﻠﻮﻧﻪ ﺍﻟﺬﻧﺐ ﻭﻳﻌﻔﻮﻥ ﺳﺤﺮ ﻣﻦ ﻫﺬﺍ ﻛﻠﻪ
._______________________
ﻭﻓﻲ ﺑﻴﺖ ﺍﻟﺠﺪ
ﺍﻟﻜﻞ ﻭﺍﻗﻒ ﻋﻨﺪ ﺍﻟﺒﺎﺏ ﻭﺍﻟﻜﻞ ﺳﻤﻊ ﺍﻟﻠﻲ ﺻﺎﺭ ﺍﻻ ﺳﺤﺮ ﻭﻫﻨﺎ ﺑﺎﻧﺖ ﺍﻟﻘﺼﻪ
ﻭﺍﺑﻌﺪﻭﺍ ﻛﻠﻬﻢ ﺑﻬﺪﻭﺀ ﻭﺍﻓﺘﺮﻗﻮﺍ ﺑﺪﻭﻥ ﺍﻱ ﻛﻠﻤﻪ ﺯﻳﺎﺩﻩ ﻟﻜﻦ ﻭﻗﻔﻬﻢ ﺍﺑﻮ ﻧﺎﺻﺮ ﺍﻟﻠﻲ ﻗﺎﻝ:
ﻫﺎﻟﻜﻼﻡ ﺍﻟﻠﻲ ﺳﻤﻌﺘﻮﻩ ﻣﺎﻳﻮﺻﻞ ﻟﻌﻘﺎﺏ ﺍﻭ ﺳﺤﺮ ﻭﺍﻥ ﻋﺮﻓﺖ ﺍﻧﻪ ﻭﺻﻞ ﻭﺍﻟﻠﻪ ﻣﺎ ﻳﺤﺼﻞ
ﺧﻴﺮ
ﺍﻟﻜﻞ : ﻃﻴﺐ
ﺟﻠﺲ ﺍﻟﺠﺪ ﺑﻀﻴﻖ ﻭﻫﻮ ﻣﺎﻳﺪﺭﻱ ﻭﺵ ﻧﻬﺎﻳﺔ ﻫﺎﻟﻤﻮﺍﻝ ﻭﺍﻟﺴﻴﺮﻩ
ﻭﻃﻠﻌﺖ ﻋﻬﺪ ﻭﺷﻬﺪ ﻟﺴﺤﺮ ﺍﻟﻠﻲ ﻧﺎﻳﻤﻪ ﻭﺟﻠﺴﻮﺍ ﺑﻀﻴﻖ ﻭﻫﻢ ﻣﺘﻀﺎﻳﻘﻴﻦ ﻣﻦ ﻫﺎﻻﻳﺎﻡ ﺍﻟﺸﻴﻨﻪ
ﺑﻨﻈﺮﻫﻢ
ﺍﻣﺎ ﻣﻀﺎﻭﻱ ﻭﻫﻴﺎ ﻣﺎ ﻛﺎﻧﻮﺍ ﻣﺼﺪﻗﻴﻦ ﺍﻥ ﺧﻠﻒ ﻳﺮﻓﺾ ﺑﻨﺎﺕ ﻋﻤﻪ ﻛﻞ ﻫﺎﻟﺮﻓﺾ
ﻭﻋﺰﻭﺯ ﺍﻟﻠﻲ ﻃﻠﻊ ﻳﺠﻠﺲ ﻋﻨﺪ ﺍﻟﺒﺎﺏ ﺑﻀﻴﻖ ﻭﺍﻟﺘﻔﺖ ﻋﻠﻰ ﻓﻴﺼﻞ ﺍﻟﻠﻲ ﺑﻌﺪ ﻃﻠﻊ ﻭﻫﻮ
ﻳﻨﺎﻇﺮﻩ ﺑﻬﺪﻭﺀ ﻭﻗﺮﺏ : ﻭﺵ ﺗﺴﻮﻱ ﻟﺤﺎﻟﻚ
ﻋﺰﻭﺯ ﺻﺪ ﺑﻀﻴﻖ : ﺟﺎﻟﺲ
ﻓﻴﺼﻞ ﺟﻠﺲ ﺟﻨﺒﻪ ﻭﻫﻢ ﻛﻞ ﻭﺍﺣﺪ ﺳﺎﻛﺖ ﻣﺎﻳﻜﻠﻢ ﺍﻟﺜﺎﻧﻲ ﻭﺍﺧﻴﺮﺍً ﻧﻄﻖ ﻓﻴﺼﻞ ﻭﻗﺎﻝ : ﺗﺮﺍ
ﻣﺎ ﺍﺣﺪ ﺭﺍﺿﻲ ﻋﻦ ﺍﻟﻠﻲ ﺳﻮﺍﻩ ﺍﺑﻮﻱ ﺍﻟﻴﻮﻡ
ﺍﺑﺘﺴﻢ ﻋﺰﻭﺯ ﺑﻀﻴﻖ: ﻣﺎﻋﻠﻴﻪ ﻋﻤﻲ ﻭﻳﻤﻮﻥ
ﻓﻴﺼﻞ : ﺗﺪﺭﻱ ﺍﻧﻪ ﻣﻘﻬﻮﺭ ﻋﻠﻰ ﺧﻠﻒ ﻳﻌﻨﻲ ﻣﻬﻤﺎ ﻛﺎﻥ ﺍﺑﻮﻱ ﻳﻔﻜﺮ ﺍﻥ ﺳﺤﺮ ﺭﻓﻀﺖ ﺧﻠﻒ
ﻋﺸﺎﻧﻪ ﻣﺮﻳﺾ
ﺍﻟﺘﻔﺖ ﻟﻪ ﻋﺰﻭﺯ ﺑﺤﺪﻩ: ﺑﺲ ﺍﻟﻠﻲ ﻧﺸﻮﻓﻪ ﻫﻮ ﺍﻥ ﺧﻠﻒ ﺑﻌﺪ ﻣﺎﻳﺒﻴﻬﺎ
ﻓﻴﺼﻞ: ﻭﺵ ﻳﺴﻮﻱ ﻳﻌﻨﻲ ! ؟ ﻳﻤﻮﺕ ﺍﺫﺍ ﻫﻲ ﻣﺎﺗﺒﻴﻪ ﻃﺒﻴﻌﻲ ﺑﻴﺼﻴﺮ ﻣﺎ ﻳﺒﻴﻬﺎ
ﻋﺰﻭﺯ: ﺟﺎﻱ ﺗﻤﺸﻜﻞ ﺍﻧﺖ
ﺻﺪ ﻓﻴﺼﻞ: ﻻ
ﺳﻜﺘﻮﺍ ﻛﻠﻬﻢ ﻭﻛﻞ ﻭﺍﺣﺪ ﻭﺩﻩ ﻳﺴﻮﻟﻒ ﺑﺲ ﻛﻞ ﻭﺍﺣﺪ ﻣﻘﻬﻮﺭ ﻋﻠﻰ ﺍﺧﻮﻩ
._______________________
ﻋﻨﺪ ﺧﻠﻒ
ﻧﺰﻝ ﻭﻫﻮ ﻣﺎﻳﺪﺭﻱ ﻭﻳﻦ ﺑﻴﺮﻭﺡ ﺍﺧﺬ ﻧﻔﺲ ﺍﻭﻝ ﻣﺎ ﺷﺎﻑ ﺟﺎﺑﺮ ﻭﻫﺬﺍ ﻣﺎﻫﻮ ﻭﻗﺖ ﺟﺎﺑﺮ ﺍﺑﺪﺍً
ﺣﺎﻭﻝ ﻳﻬﺪﻱ ﻧﻔﺴﻪ ﻭﺗﻘﺪﻡ ﺟﺎﺑﺮ : ﻣﺎﺷﺎﺀ ﺍﻟﻠﻪ ﺧﻠﻒ ﻭﺷﻠﻮﻧﻚ ﺍﻟﺤﻴﻦ ﺍﻥ ﺷﺎﺀ ﺍﻟﻠﻪ ﺯﻳﻦ
ﺧﻠﻒ ﺑﻬﺪﻭﺀ: ﺣﻤﺪﻟﻠﻪ ﺍﺣﺴﻦ ﺍﻧﺖ ﻛﻴﻔﻚ
ﺟﺎﺑﺮ : ﺑﺨﻴﻴﻴﺮ ! ﻭﻳﻦ ﺭﺍﻳﺢ ! ؟
ﺧﻠﻒ : ﺍ ﻭﺍﻟﻠﻪ ﻣﺎﻧﻲ ﺭﺍﻳﺢ ﻟﻤﻜﺎﻥ ،ﺍﺗﻤﺸﻰ
ﺟﺎﺑﺮ: ﺯﻳﻴﻴﻴﻦ ﺯﻳﻴﻴﻦ ﻳﺎ ﻣﻌﻮﺩ ، ﻋﻴﻞ ﺣﻴﺎﻙ ﻭﻳﺎﻱ ﺍﻟﺒﻴﺖ ﻧﺘﻘﻬﻮﻯ ﻭﻧﺘﻌﺸﻰ
ﺧﻠﻒ ﺑﺴﺮﻋﻪ : ﻻ ﻻ ﻳﺎ ﺟﺎﺑﺮ ﻣﺎﻭﺩﻱ ﺍﻛﻠﻒ ﻋﻠﻴﻚ ﻭﺍﻟﻠﻪ
ﺟﺎﺑﺮ: ﻣﺎﻓﻴﻪ ﻛﻼﻓﻪ ﻳﺎ ﺭﺟﺎﻝ ، ﺗﻌﺎﻝ ﻭﻳﺎﻱ ﻭﺗﺮﺍ ﻣﺎﻓﻲ ﺍﻟﺒﻴﺖ ﺍﺣﺪ ﺍﻻ ﺍﻧﺎ ﻭﺍﻧﺖ
ﺍﺻﺮ ﺟﺎﺑﺮ ﻋﻠﻰ ﺧﻠﻒ ﺍﻟﻠﻲ ﺗﻔﺸﻞ ﻟﻜﻦ ﺍﻧﺠﺒﺮ ﻳﺮﻭﺡ ﻣﻌﻪ ﻭﻫﻮ ﻣﺎﻟﻪ ﺧﻠﻖ ﺑﺲ ﻣﺎﻗﺪﺭ ﻳﺮﻓﺾ
._______________________
ﻭﻓﻲ ﺑﻴﺖ ﺍﻟﻨﻮﺧﺬﻩ
ﺍﻟﻜﻞ ﺭﺍﺡ ﻟﻌﺰﻳﻤﺔ ﺻﻴﺘﻪ ﺍﻻ ﻟﻴﻠﻰ ﺍﻟﻠﻲ ﺭﻓﻀﺖ ﺑﺤﺠﺔ ﺍﻥ ﻣﺎﻋﻨﺪﻫﺎ ﺑﻨﺎﺕ ﻭﺑﺘﻄﻔﺶ ﻭﻗﺮﺭﺕ
ﺗﺠﻠﺲ ﺑﺎﻟﺒﻴﺖ ﻟﺤﺎﻟﻬﺎ ﻭﺍﻭﻝ ﻣﺎ ﻓﻀﻰ ﺍﻟﺒﻴﺖ ﺍﺧﺬﺕ ﺍﻏﺮﺍﺿﻬﺎ ﻭﻃﻠﻌﺖ ﻟﻠﺴﻄﺢ ﺑﻤﺎ ﺍﻥ ﺍﻟﺠﻮ
ﺣﻠﻮ ﻭﻣﺜﻞ ﺍﻟﻌﺎﺩﻩ ﻓﺘﺤﺖ ﺍﻟﻜﺎﻣﻴﺮﻩ ﻭﺷﻐﻠﺖ ﺍﻟﺮﺍﺩﻳﻮ ﻭﻫﻲ ﺗﺮﺑﻂ ﺍﻟﺸﺎﻝ ﻋﻠﻰ ﺧﺼﺮﻫﺎ
ﻭﺍﺑﺘﺪﺕ ﻣﻮﻫﺒﺘﻬﺎ ﺍﻟﻠﻲ ﺗﺤﺒﻬﺎ ﻭﻫﻲ ﺗﺮﻗﺺ ﻭﺗﻐﻨﻲ ﻣﺎﻫﻲ ﺣﺎﺳﻪ ﺑﺎﻟﺪﻧﻴﺎ
._______________________
ﺗﺤﺖ ﻓﻲ ﺑﻴﺖ ﺍﻟﻨﻮﺧﺬﻩ
ﺩﺧﻞ ﺟﺎﺑﺮ ﻭﻫﻮ ﻳﺮﺣﺐ ﺑﺨﻠﻒ ﺍﻟﻤﻨﺤﺮﺝ
ﺟﺎﺑﺮ : ﺍﺳﻤﻊ ﻳﺎﺧﻠﻒ ﺍﻃﻠﻊ ﻣﻊ ﺍﻟﺪﺭﺝ ﻟﺴﻄﺢ ﻓﻮﻕ ﻭﺍﻧﺎ ﺑﺰﻫﺐ ﺍﻟﭽﺎﻱ ﻭﺍﺟﻲ ﺧﺬ ﺭﺍﺣﺘﻚ
ﺍﻟﺒﻴﺖ ﺑﻴﺘﻚ ﻭﺗﺮﺍ ﻣﺎﻛﻮ ﺍﺣﺪ
ﺧﻠﻒ : ﺍﻟﻠﻪ ﻳﺴﻠﻤﻚ
ﻃﻠﻊ ﺧﻠﻒ ﻭﻫﻮ ﻳﻄﻠﻊ ﺑﺨﺎﺥ ﺍﻟﺮﺑﻮ ﻣﻦ ﺟﻴﺒﻪ ﻭﻃﻠﻊ ﺍﻟﺴﻄﺢ ﻭﻫﻮ ﻛﻞ ﻣﺎ ﻗﺮﺏ ﻳﺴﻤﻊ ﺻﻮﺕ
ﺍﻏﻨﻴﻪ
ﻭﺩﺧﻞ ﻟﻜﻦ ﺟﻤﺪ ﻭﻫﻮ ﻳﺸﻮﻑ ﻟﻴﻠﻰ ﺍﻟﻠﻲ ﺑﻄﺮﻑ ﺍﻟﺴﻄﺢ ﺗﺮﻗﺺ ﻭﻣﺎ ﺍﻧﺘﺒﻬﺖ ﻟﺪﺧﻮﻟﻪ ﻻ
ﺷﻌﻮﺭﻳﺎً ﺟﻤﺪ ﻭﻗﻠﺒﻪ ﺷﻮﻱ ﻭﻳﻄﻠﻊ ﻣﻦ ﺻﺪﺭﻩ ﻭﻫﻮ ﺍﻭﻝ ﻣﺎﺩﻗﻖ ﻋﺮﻓﻬﺎ
ﺍﻣﺎ ﻟﻴﻠﻰ ﻟﻠﻲ ﻛﺎﻧﺖ ﻓﻲ ﻗﻤﺔ ﺍﻧﺪﻣﺎﺟﻬﺎ ﻭﺍﻧﺜﻨﺖ ﻭﻟﻔﺖ ﻭﻫﻲ ﺗﺮﻗﺺ ﻟﻜﻦ ﻭﻗﻔﺖ ﻋﻴﻮﻧﻬﺎ
ﺑﺮﻋﺐ ﻋﻠﻰ ﺍﻃﺮﺍﻑ ﺛﻮﺏ ﺭﺟﺎﻝ ﻭﺭﺟﻮﻟﻪ ﺷﻬﻘﺖ ﻭﻫﻲ ﺗﺮﻓﻊ ﺭﺍﺳﻬﺎ ﻟﻜﻦ ﺗﻌﺜﺮﺕ ﻭﻃﺎﺣﺖ
ﺑﺼﺪﻣﻪ ﺍﻭﻝ ﻣﺎ ﺷﺎﻓﺘﻪ ﺧﻠﻒ
ﺍﻟﻠﻲ ﻋﻴﻮﻧﻪ ﻣﻦ ﺍﻟﺼﺪﻣﻪ ﻣﺎ ﺗﺮﻣﺶ ﻭﻫﻮ ﻳﻨﺎﻇﺮﻫﺎ ﻭﺍﻭﻝ ﻣﺎﻃﺎﺣﺖ ﺑﺪﻭﻥ ﻣﺎ ﻳﺤﺲ ﻗﺎﻝ :
ﺑﺴﻢ ﻟﻠﻪ ﻋﻠﻴﻚ
ﻓﺰﺕ ﻟﻴﻠﻰ ﺑﺨﻮﻑ ﻭﻫﻲ ﺻﻮﺗﻬﺎ : ﺍﻧﺖ ﺷﻨﻮ ﺗﺴﻮﻱ ﻫﻨﻴﻴﻴﻴﻪ ! ؟ ﺷﻨﻮ ﺟﺎﺑﻚ ﻟﺒﻴﺘﻨﺎ
ﻟﻒ ﺧﻠﻒ ﺑﺘﻮﺗﺮ : ﺍ ﺍﻗﺼﺮﻱ ﺻﻮﺗﻚ ﺟﺎﺑﺮ ﺗﺤﺖ
ﻟﻴﻠﻰ ﺍﻟﻠﻲ ﻧﺴﺖ ﻛﻞ ﺷﻲ ﻭﻫﻲ ﻣﻦ ﺯﻣﺎﻥ ﺷﺎﻛﻪ ﺑﺨﻠﻒ ﻭﻧﻈﺮﺍﺗﻪ ﻭﺧﺎﻓﺖ ﻣﻨﻪ ﻛﺜﻴﺮ ﺍﻧﻪ
ﻋﺎﺭﻑ ﻣﺎﻓﻲ ﺍﻟﺒﻴﺖ ﺍﺣﺪ ﻭﺟﺎﻱ ﺑﻴﺴﻮﻱ ﻟﻬﺎ ﺷﻲ ﺍﻧﻬﺒﻠﺖ ﻭﻫﻲ ﺧﺎﻳﻔﻪ : ﺟﺎﺍﺏ ..
ﻗﺎﻃﻌﻬﺎ ﺧﻠﻒ ﺑﺘﻮﺗﺮ ﻭﺧﻮﻑ : ﻳﺎﺑﻨﺖ ﺍﻟﺤﻼﻝ ﺍﻫﺪﻱ ﻭﻻ ﺗﺼﺎﺭﺧﻴﻦ ﻭﺍﻟﻠﻪ ﻣﺎﻧﻲ ﻣﺴﻮﻱ ﺷﻲ
ﺍﺧﻮﻙ ﻋﺰﻣﻨﻲ ﻭﺟﻴﺖ ﻣﻌﻪ ﻭﻫﻮ ﻗﺎﻝ ﺍﻃﻠﻊ ﻣﺎﻓﻴﻪ ﺍﺣﺪ ﺑﺎﻟﺒﻴﺖ
ﻟﻴﻠﻰ : ﭼﺬﺍﺍﺍﺏ ﻭﺧﺮ ﻋﻨﻲ ﻭﺧﺮ
ﺍﺑﻌﺪ ﺧﻠﻒ ﻟﻜﻦ ﺍﻭﻝ ﻣﺎﺳﻤﻊ ﺻﻮﺕ ﺟﺎﺑﺮ ﺗﻘﺪﻡ ﻭﻫﻮ ﺧﺎﻳﻒ ﺍﻥ ﺗﺼﻴﺮ ﺳﺎﻟﻔﻪ ﺍﻛﺒﺮ : ﻟﻴﻠﻰ
ﺍﺩﺧﻠﻲ ﻳﺎﺑﻨﺖ ﺍﻟﺤﻼﻝ ﻓﻜﻴﻨﺎ ﻣﻦ ﺍﻟﻔﻀﺎﻳﺢ ﻭﺍﺍﻟﻠﻪ ﻣﺎﺩﺭﻳﺖ ﺍﻧﻚ ﻫﻨﺎ ﻭﻻ ﻛﺎﻥ ﻣﺎﺟﻴﺖ
ﻟﻴﻠﻰ : ﺷﻨﻮ ﻋﺮﻓﻚ ﺍﺳﻤﻲ ﺍﻧﺖ ! ؟
ﺧﻠﻒ ﺍﻟﻠﻲ ﻣﺎﻋﺎﺩ ﻳﻘﺪﺭ ﻳﻔﻜﺮ ﺑﺸﻲ ﺍﻻ ﺍﻥ ﺟﺎﺑﺮ ﺑﻴﺠﻲ ﻭﻳﺸﻮﻓﻬﻢ ﻭﺣﺰﺗﻬﺎ ﻳﺒﺘﻠﺶ ﺟﻤﻊ ﻛﻞ
ﺍﻏﺮﺍﺿﻬﺎ ﻭﻫﻮ ﻳﻌﻄﻴﻬﺎ ﻭﺩﻓﻬﺎ ﺑﺎﻟﻄﺮﻑ ﺍﻟﻤﻈﻠﻢ ﻣﻦ ﺍﻟﺴﻄﺢ ﻭﺭﺟﻊ ﺑﺎﺭﺗﺒﺎﻙ ﻟﻜﻦ ﺷﺎﻑ
ﺧﻠﺨﺎﻟﻬﺎ ﻃﺎﻳﺢ ﺑﻌﺪ ﻣﺎ ﺍﻧﻘﻄﻊ ﻣﻦ ﺭﺟﻠﻬﺎ ﺍﻭﻝ ﻣﺎﻃﺎﺣﺖ ﺍﺧﺬﻩ ﺑﺴﺮﻋﻪ ﻳﺤﻄﻪ ﺑﺠﻴﺒﻪ
ﻭﺟﻠﺲ ﻋﻠﻰ ﺍﻟﻜﺮﺳﻲ ﻣﺘﻮﺗﺮ
ﻭﺩﺧﻞ ﺟﺎﺑﺮ : ﺍﻟﻌﺬﺭ ﻭﺍﻟﺴﻤﻮﺣﻪ ﺻﻴﻔﺖ ﻋﻠﻴﻚ ! ؟
ﺧﻠﻒ : ﺍ ﻻ ﻋﺎﺩﻱ
ﺟﺎﺑﺮ: ﻭﺍﻟﻠﻪ ﻗﻌﺪﺕ ﺍﺣﻮﺱ ﺑﺎﻟﻤﻄﺒﺦ ﻣﺎ ﺍﺩﻝ ﻭﻳﻦ ﺍﻟﺴﻜﺮ ﻭﺍﻟﭽﺎﻱ ﺑﺲ ﺣﻤﺪﻟﻠﻪ ﺍﺧﻴﺮﺍً ﺯﻫﺐ
ﺍﺑﺘﺴﻢ ﺧﻠﻒ ﻭﻫﻮ ﻣﺮﺗﺒﻚ ﻭﻗﻠﺒﻪ ﻳﺪﻕ ﻭﺧﺎﻳﻒ ﻟﻴﻠﻰ ﺗﻄﻠﻊ ﻭﺗﺼﻴﺮ ﺑﻼﻭﻱ : ﻣﺎﻋﻠﻴﻪ
ﺍﻣﺎ ﻟﻴﻠﻰ ﺍﻟﻠﻲ ﺑﻌﺪ ﻣﺎ ﺳﻤﻌﺖ ﺻﻮﺕ ﺟﺎﺑﺮ ﻋﺮﻓﺖ ﺍﻧﻪ ﺟﺎﺏ ﺧﻠﻒ ﻭﺗﻔﺸﻠﺖ ﻣﻦ ﺧﻠﻒ
ﻭﺗﻔﺸﻠﺖ ﺍﻛﺜﺮ ﻣﻦ ﻭﺿﻌﻬﺎ ﻭﻫﻲ ﻣﺘﺨﺒﻴﻪ ﻭﺭﺍ ﺍﻟﻘﺮﺍﺷﻊ ﺍﻟﻠﻲ ﺑﺎﻟﺤﻮﺵ ﻧﺎﻇﺮﺕ ﻓﻲ ﺍﻏﺮﺍﺿﻬﺎ
ﺍﻟﻠﻲ ﻟﻤﻬﺎ ﺧﻠﻒ ﻟﻜﻦ ﺷﻬﻘﺖ ﻭﻫﻲ ﺗﺸﻮﻑ ﺑﺨﺎﺥ ﺍﻟﺮﺑﻮ ﻣﻌﻬﺎ ! ؟ ﻣﺎﺗﺪﺭﻱ ﻛﻴﻒ ﺟﺎﻫﺎ ﻟﻜﻦ
ﺧﻠﻒ ﻭﻫﻮ ﻳﻠﻢ ﺍﻻﻏﺮﺍﺽ ﺭﻣﺎﻩ ﻣﻌﻬﺎ ﻣﺎ ﺍﻧﺘﺒﻬﻪ ﺷﺪﺕ ﻋﻠﻴﻪ ﺑﻔﺸﻠﻪ ﻭﻫﻲ ﺗﻨﺎﻇﺮ ﻓﻴﻬﻢ ﻣﻦ
ﺑﻴﻦ ﺍﻻﻏﺮﺍﺽ ﻭﺗﺸﻮﻑ ﺧﻠﻒ ﺍﻟﻠﻲ ﻭﺍﺿﺢ ﻣﺎﻫﻮ ﻣﺮﺗﺎﺡ ﻣﺎ ﺗﺪﺭﻱ ﻟﻴﺶ ﺧﺒﺎﻫﺎ ﻋﻦ ﺟﺎﺑﺮ
ﻭﻫﻲ ﺗﺪﺭﻱ ﻟﻮ ﻋﺮﻑ ﺟﺎﺑﺮ ﺑﻴﺬﺑﺤﻬﺎ
ﻃﺎﻟﺖ ﺳﻮﺍﻟﻴﻒ ﺟﺎﺑﺮ ﻭﺧﻠﻒ ﻭﺍﻟﻠﻲ ﻛﺎﻥ ﺧﻠﻒ ﻓﻴﻬﺎ ﻳﺮﺩ ﺑﻬﺪﻭﺀ ﻭﺗﺮﻛﻴﺰ ﻻﻧﻪ ﻳﺪﺭﻱ ﻟﻴﻠﻰ
ﺗﺴﻤﻌﻪ ﻭﻗﻠﺒﻪ ﻣﻌﻬﺎ
ﺟﺎﺑﺮ: ﺍﻗﻮﻝ ﺧﻠﻒ ﺍﻧﺖ ﭼﻢ ﻋﻤﺮﻙ ! ؟
ﺧﻠﻒ : 27
ﺟﺎﺑﺮ: ﺍﻟﻠﻪ ﻳﻄﻮﻝ ﺑﻌﻤﺮﻙ ﺑﺲ ﻏﺮﻳﺒﻪ ﻣﺎ ﺗﺰﻭﺟﺖ ! ؟ ﺍﻧﺤﺒﺴﺖ ﺍﻧﻔﺎﺱ ﺧﻠﻒ : ﺍ ﻣﺎ ﺻﺎﺭ
ﻧﺼﻴﺐ ﻟﻠﺤﻴﻦ
ﺷﻬﻘﺖ ﻟﻴﻠﻰ ‏( ﺣﺴﺒﻲ ﻟﻠﻪ ﻋﻠﻴﻚ ﻳﺎ ﭼﺬﺍﺏ ! ﻋﻴﻞ ﻣﺎﻓﻴﻪ ﻧﺼﻴﺐ ﻭﺳﺤﺮ ﺍﻟﻤﺴﻴﻜﻴﻨﻪ ﺷﺘﺴﻮﻱ
ﻓﻴﻚ ﻳﺎﻟﻌﻴﺎﺭ‏)
ﺟﺎﺑﺮ : ﻭﺍﻟﻠﻪ ﺍﻧﺎ ﺍﺷﻮﻑ ﺑﻌﺪﻧﺎ ﺻﻐﺎﺭ ﻋﻠﻰ ﺍﻟﺰﻭﺍﺝ ﻭﺍﻟﻤﺴﺆﻭﻟﻴﻪ
ﺿﺤﻚ ﺧﻠﻒ : ﻻ ﻳﺴﻤﻌﻚ ﺍﺑﻮﻱ ﺍﻟﻠﻲ ﻳﺸﻮﻓﻨﻲ ﺍﻟﺤﻴﻦ ﺷﺎﻳﺐ
ﺿﺤﻚ ﺟﺎﺑﺮ : ﻛﻠﻬﻢ ﭼﺬﻳﻪ ﻣﺎ ﺍﺩﺭﻱ ﺷﻨﻮ ﺣﻜﻤﺘﻬﻢ
ﺧﻠﻒ : ﺍﺑﻮﻱ ﻟﻮ ﻫﻲ ﻋﻠﻴﻪ ﺯﻭﺟﻨﻲ ﻭﺍﻧﺎ ﺍﺑﻮ 20 ﺑﺲ ﺯﻳﻦ ﺍﻧﻲ ﻗﺪﺭﺕ ﺍﻫﺞ
ﺟﺎﺑﺮ : ﻭﺍﻟﻠﻪ ﺍﻧﺎ ﻛﻨﺖ ﻣﻊ ﺍﺑﻮﻱ ﻳﻮﻣﻴﺎً ﻧﺠﺮﻩ ﻭﻫﻮﺷﻪ ﻋﻠﻰ ﻫﺎﻟﺰﻭﺍﺝ ﻭﺑﻌﺪﻳﻦ ﺍﻗﺘﻨﻊ ﻣﺎﻋﺎﺩ
ﻳﻔﺘﺢ ﺍﻟﻤﻮﺿﻮﻉ
ﺧﻠﻒ : ﻭﺍﻧﺖ ﻭﺷﻮﻟﻪ ﻣﺎ ﺗﺰﻭﺝ !
ﺟﺎﺑﺮ : ﺑﻴﻨﻲ ﻭﺑﻴﻨﻚ ﺍﻧﺎ ﻣﺎ ﺷﺒﻌﺖ ﻣﻦ ﺍﻟﻌﺰﻭﺑﻴﻪ ﺷﺤﻼﺗﻲ ﺑﺮﻭﺣﻲ ﺻﺎﻓﻲ ﻗﻠﺒﻲ ﻭﻋﻘﻠﻲ
ﺍﺳﻬﺮ ﻋﻠﻰ ﻛﻴﻔﻲ ﻭﺍﻧﺎﻡ ﻋﻠﻰ ﻛﻴﻔﻲ ﻣﺎﺑﻲ ﻣﺴﺆﻭﻟﻴﻪ
ﺍﺑﺘﺴﻢ ﺧﻠﻒ : ﻣﻨﻄﻘﻲ ﻭﺍﻟﻠﻪ
ﻛﻤﻠﻮﺍ ﺳﻮﺍﻟﻒ ﻋﻦ ﻫﺎﻟﻤﻮﺍﺿﻴﻊ ﻭﻟﻴﻠﻰ ﺣﺎﻗﺪﻩ ﻋﻠﻰ ﺧﻠﻒ ﻭﻫﻲ ﻭﺩﻫﺎ ﺗﻘﻮﻡ ﻭﺗﻠﻌﻦ ﺧﻴﺮﻩ
ﻭﻫﻲ ﻣﺼﺪﻭﻣﻪ ﻟﻴﻪ ﻣﺎﻗﺎﻝ ﺍﻧﻪ ﺧﺎﻃﺐ ﻭﻳﻜﺬﺏ ﺑﻌﺪ
._______________________
ﻭﻋﻠﻰ ﺍﻟﺤﺪﻭﺩ
ﻭﻋﻨﺪ ﻋﻘﺎﺏ ﺍﻟﻠﻲ ﻛﺎﻥ ﻭﺍﻗﻒ ﻓﻲ ﺍﺳﺘﻼﻣﻪ ﻭﻫﻮ ﻣﻨﺴﺠﻢ ﻓﻲ ﺍﻟﺘﻔﻜﻴﺮ ﻣﺎﻋﺎﺩ ﻓﻲ ﺭﺍﺳﻪ ﺍﻻ
ﻭﻋﺪ ﻫﺎﻟﻠﻲ ﺧﺮﺑﺖ ﻛﻞ ﺷﻲ ﻭﻫﻮ ﻣﺘﺄﻛﺪ ﺍﻧﻬﺎ ﺳﺒﺐ ﻓﻲ ﺧﺮﺍﺏ ﺯﻭﺍﺝ ﺧﻠﻒ ﻭﺳﺤﺮ ﺭﻓﻊ
ﺭﺍﺳﻪ ﻋﻠﻰ ﺟﻴﺖ ‏( ﻣﺒﺎﺭﻙ ‏)
ﻣﺒﺎﺭﻙ : ﻋﻘﺎﺏ ﻭﺭﺍﻙ ﺟﺎﻟﺲٍ ﻟﺤﺎﻟﻚ
ﻋﻘﺎﺏ: ﻣﺎﺳﻚ ﺧﻔﺎﺭﺗﻲ ؟ !
ﻣﺒﺎﺭﻙ ﻗﺮﺏ ﻭﻫﻮ ﻳﻨﺰﻝ ﺍﻟﻘﻬﻮﻩ ﻗﺪﺍﻣﻪ : ﺗﻌﺎﻝ ﺗﻘﻬﻮ
ﺟﻠﺲ ﻗﺪﺍﻣﻪ ﻋﻘﺎﺏ ﻭﻫﻮ ﺳﺎﻛﺖ ﻭﻟﻒ ﻭﻫﻮ ﻳﺸﻮﻑ ﻣﺒﺎﺭﻙ ﺯﻋﻼﻥ ﻭﻣﻌﺼﺐ : ﻭﺵ ﻓﻴﻚ !
ﻣﺒﺎﺭﻙ ﺑﺎﻧﺪﻓﺎﻉ : ﻣﻠﻴﺖ ﻣﻠﻴﻴﻴﺖ ﻭﻃﻘﺖ ﻛﺒﺪﻱ
ﻋﻘﺎﺏ: ﻭﺵ ﻓﻴﻚ !
ﻣﺒﺎﺭﻙ : ﻣﺘﻬﺎﻭﺵ ﻣﻊ ﻣﺮﺗﻲ ﻭﻃﻘﻴﺘﻬﺎ ﻭﻃﻠﻘﺘﻬﺎ ﻭﺭﻣﻴﺘﻬﺎ ﻓﻲ ﺑﻴﺖ ﺍﻫﻠﻬﺎ
ﺍﺗﺴﻌﺖ ﻋﻴﻮﻥ ﻋﻘﺎﺏ ﺑﺬﻫﻮﻝ : ﻭﻟﻴﻪ ! ؟
ﻣﺒﺎﺭﻙ : ﻣﺎﺗﺴﺘﺤﻲ ﻋﻠﻰ ﻭﺟﻬﻬﺎ ﻭﻃﻮﻳﻠﻪ ﻟﺴﺎﻧﻚ ﻭﺍﻧﺎ ﻣﺎﻧﻲ ﻣﺎ ﺍﺗﺤﻤﻞ ﺍﻟﺤﺮﻣﻪ ﺍﻟﻠﻲ ﻟﺴﺎﻧﻬﺎ
ﻃﻮﻳﻞ
ﻋﻘﺎﺏ : ﺑﺲ ﺍﻟﻄﻼﻕ ﻣﺎﻫﻮ ﺣﻞ
ﻣﺒﺎﺭﻙ : ﻛﻨﺖ ﺍﻗﻮﻟﻪ ﻟﻜﻦ ﻭﺍﻟﻠﻪ ﻳﺎﻋﻘﺎﺏ ﺍﻧﻬﺎ ﻣﻦ ﻃﻮﻟﺔ ﻟﺴﺎﻧﻬﺎ ﺗﺠﺒﺮﻧﻲ ﺍﻃﻘﻬﺎ ﻟﻴﻴﻴﻞ ﻭﻧﻬﺎﺭ
ﻭﻻ ﺗﻔﻬﻢ
ﻋﻘﺎﺏ : ﺍﻧﺖ ﻣﺎ ﻋﻨﺪﻙ ﻋﻴﺎﻝ ! ؟
ﻣﺒﺎﺭﻙ : ﻻ ﻭﺍﻟﺤﻤﺪﻟﻠﻪ ﻣﺎ ﺟﺒﺖ ﻣﻨﻬﺎ ﻋﻴﺎﻝ ﻭﺑﻠﺸﺖ
ﺳﻜﺖ ﻋﻘﺎﺏ ﻳﻨﺎﻇﺮ ﻣﺒﺎﺭﻙ ﺍﻟﻠﻲ ﻣﻨﺪﻓﻊ ﻭﻳﻬﺎﻭﺵ ﻭﻳﻜﺴﺮ ﺣﻮﻟﻪ ﻛﻞ ﺷﻲ
ﻋﻘﺎﺏ : ﻭﺵ ﺑﺘﺴﻮﻱ ! ؟
ﻣﺒﺎﺭﻙ : ﺑﺨﻠﻴﻬﺎ ﺗﺬﻟﻒ ﻭﺍﺗﺰﻭﺝ ﻏﻴﺮﻫﺎ
ﺍﺑﺘﺴﻢ ﻋﻘﺎﺏ ﺍﻭﻝ ﻣﺎﻃﺮﺕ ﻟﻪ ﻓﻜﺮﻩ : ﻭﻣﻦ ﺑﺘﺰﻭﺝ ! ؟؟
ﻣﺒﺎﺭﻙ : ﺑﻨﺎﺕ ﺧﻠﻖ ﺍﻟﻠﻪ ﻭﺍﺟﺪ
ﻋﻘﺎﺏ ﺳﻜﺖ ﻭﺑﻌﺪﻳﻦ ﻗﺎﻝ : ﺍﻱ ﻭﻟﻠﻪ ﺗﺰﻭﺝ ﺍﻧﺖ ﺭﺟﺎﻝ ﻭﺳﻴﺪ ﺍﻟﺮﺟﺎﻝ ﻭﻛﻞٍ ﻳﺰﻭﺟﻚ ﺑﻨﺘﻪ
ﻭﻳﺘﺸﺮﻓﻮﻥ ﻓﻴﻚ
ﻓﺠﺄﻩ ﻟﻒ ﻣﺒﺎﺭﻙ : ﻭﺍﻧﺖ ﺗﺰﻭﺟﻨﻲ ! ؟
ﻋﻘﺎﺏ : ﺍﺑﺸﺮ ﺑﻌﺰﻙ
ﻣﺒﺎﺭﻙ : ﻋﻨﺪﻙ ﺧﻮﺍﺕ
ﻋﻘﺎﺏ : ﻋﻨﺪﻱ ﺧﻮﺍﺕ ﻟﻜﻦ ﻛﻠﻬﻢ ﻣﺰﻭﺟﻬﻢ ﻭﻭﺣﺪﻩ ﺻﻐﻴﺮﻩ ﻟﻜﻦ ﺍﺫﺍ ﻭﺩﻙ ﻋﻨﺪﻱ ﺑﻨﺖ ﻋﻤﻲ
ﻭﺍﻧﺖ ﺗﺴﺘﺎﻫﻞ ﺍﻟﺨﻴﺮ
ﻓﺰ ﻣﺒﺎﺭﻙ ﺑﻔﺮﺡ : ﺍﻟﻠﻪ ﻳﺴﻠﻤﻚ ﻳﺎﻋﻘﺎﺏ ﺑﺲ ﺍﻧﺖ ﺻﺎﺩﻕ !
ﻋﻘﺎﺏ : ﺍﻛﻴﺪ ﺻﺎﺩﻕ ﺷﺮﻭﺍﻙ ﻳﻨﺸﺮﻯ ﺑﺎﻟﺬﻫﺐ
ﻣﺒﺎﺭﻙ : ﺍﻱ ﻭﺍﻟﻠﻪ ﺑﺎﺭﻙ ﺍﻟﻠﻪ ﻓﻴﻚ ، ﻭﻣﺘﻰ ﻧﺨﻄﺐ
ﻋﻘﺎﺏ: ﺍﺑﺪ ﺑﻌﻄﻴﻚ ﺭﻗﻢ ﻋﻤﻲ ﻭﻛﻠﻤﻪ ﻭﺗﻔﺎﻫﻢ ﻣﻌﻪ ﻭﺗﺮﺍ ﺍﻟﺒﻨﺖ ﺍﻛﺒﺮ ﺑﻨﺎﺗﻪ
ﻣﺒﺎﺭﻙ : ﺯﻳﻦ ﺍﻟﻠﻪ ﻳﻮﺳﻊ ﺻﺪﺭﻙ ﺑﺎﻟﺮﺿﺎ ﻭﺍﻟﺴﺮﻭﺭ
ﺍﺑﺘﺴﻢ ﻋﻘﺎﺏ ﻭﻫﻮﻭ ﻣﺎﻳﺤﺐ ﻣﺒﺎﺭﻙ ﻛﺜﻴﺮ ﻭﻳﻌﺮﻑ ﺍﻧﻪ ﺍﻗﺸﺮ ﻭﺷﻴﻦ ﺑﺲ ﻫﺬﺍ ﻫﻮ ﺍﻧﺘﻘﺎﻣﻪ
ﺍﻟﻠﻲ ﺑﻴﻜﺴﺮ ﺑﻪ ﺷﻮﻛﻪ ﻭﻋﺪ ﻭ ﻳﺬﻭﻗﻬﺎ ﻧﻔﺲ ﺍﻟﻜﺎﺱ ﺍﻟﻠﻲ ﺫﺍﻗﺘﻪ ﺳﺤﺮ ﺑﻮﺟﻬﺔ ﻧﻈﺮﻩ
ﻋﻄﺎﻩ ﺭﻗﻢ ﻋﻤﻪ ﻭﺗﻜﺘﻒ ﻭﻫﻮ ﺑﺎﻗﻲ ﻟﺨﻄﺘﻪ ﺑﻘﻴﻪ ﻭﺑﻴﻜﻤﻠﻬﺎ
‏( ﻣﺒﺎﺭﻙ : ﺭﺟﺎﻝ ﻓﻲ ﺍﻻﺭﺑﻌﻴﻦ ﻣﺘﺴﻠﻂ ﻭﺍﻗﺸﺮ ﻭﺻﺎﺣﺐ ﺍﻣﺮﺍﺽ ﻭ ﻭﻣﺘﻌﺼﺐ ﺟﺪﺍً ﻭﺭﺟﻌﻲ
ﺑﺘﻔﻜﻴﺮﻩ ﻭﻛﺎﻥ ﻣﻦ ﺿﻤﻦ ﺍﻟﻜﺘﻴﺒﻪ ﺍﻟﻠﻲ ﻳﻨﺘﻤﻲ ﻟﻬﺎ ﻋﻘﺎﺏ ﻭﻳﻌﺮﻓﻪ ﻋﻘﺎﺏ ﻭﻋﺸﺎﻥ ﻛﺬﺍ
ﺍﺧﺘﺎﺭﻩ‏)
._______________________
ﻓﻲ ﺑﻴﺖ ﺍﻟﻨﻮﺧﺬﻩ
ﻭﻋﻨﺪ ﺧﻠﻒ ﻣﺎ ﺻﺪﻕ ﺍﻧﻪ ﻳﺘﻘﻬﻮﻯ ﻭﻻ ﻋﺎﺩ ﻗﺪﺭ ﻳﺠﻠﺲ ﻳﺤﺲ ﺍﻧﻪ ﺟﺎﻟﺲ ﻋﻠﻰ ﺷﻮﻙ ﻣﺘﻮﺗﺮ
ﻭﻗﺮﺭ ﺍﻧﻪ ﻳﻄﻠﻊ ﻭﺑﺎﻟﻘﻮﻩ ﻟﻲ ﺗﺨﻠﺺ ﻣﻦ ﺟﺎﺑﺮ ﻭﻃﻠﻊ
ﺍﻣﺎ ﻟﻴﻠﻰ ﺍﻭﻝ ﻣﺎﻧﺰﻟﻮﺍ ﺭﻛﻀﺖ ﻟﻐﺮﻓﺘﻬﺎ ﻭﻫﻲ ﺧﺎﻳﻔﻪ ﻳﻜﺸﻔﻬﺎ ﺟﺎﺑﺮ ﺩﺧﻠﺖ ﻭﻫﻲ ﺗﺮﻣﻲ
ﺍﻻﻏﺮﺍﺽ ﻳﺎﻟﺪﺭﺝ ﺑﺨﻮﻑ ﻟﻜﻦ ﻧﺎﻇﺮﺕ ﺑﺨﺎﺥ ﺧﻠﻒ ﻭﺍﺧﺬﺕ ﺑﻀﻴﻖ ﻭﻫﻲ ﻣﺎﺗﺪﺭﻱ ﻭﺵ
ﺗﺴﻮﻱ ‏( ﻭﻟﻴّﻴﻴﻪ ﺷﺴﻮﻱ ﻓﻴﻪ ﻫﺬﺍ ! ؟ ﺍﻛﻴﺪ ﺍﻧﻪ ﻣﺮﻳﺾ ﻭﻳﺤﺘﺎﺟﻪ ‏)
ﺩﺧﻠﺘﻪ ﺑﺴﺮﻋﻪ ﻭﺩﺧﻠﺖ ﺑﻔﺮﺍﺷﻬﺎ ﺗﻤﺜﻞ ﺍﻟﻨﻮﻡ ﺍﻭﻝ ﻣﺎ ﺳﻤﻌﺖ ﺻﻮﺕ ﺟﺎﺑﺮ ﻭﺍﻣﻬﺎ ﻭﺷﻴﺨﻪ
ﻭﺗﺤﺖ ﻟﻒ ﺟﺎﺑﺮ ﻳﻨﺎﻇﺮ ﺍﻣﻪ ﻭﺷﻴﺨﻪ : ﻭﻳﻦ ﻟﻴﻠﻮﻩ ! ؟
ﺍﻡ ﻧﻬﻴﺎﻥ: ﻣﺎ ﺭﺿﺖ ﺗﺮﻭﺡ ﻭﻳﺎﻧﺎ
ﺷﻴﺨﻪ : ﻗﺎﻟﺖ ﺑﺘﻨﺎﻡ ﻟﻴﻪ ﻣﺎ ﺷﻔﺘﻬﺎ ! ؟
ﺟﺎﺑﺮ : ﻻ ﻭﺍﻟﻠﻪ ﺍﺻﻼ ﺍﻧﺎ ﻋﺰﻣﺖ ﺭﺟﺎﻝ ﻭﻣﻦ ﺷﻮﻱ ﺭﺍﺡ ﻣﺎ ﺳﻤﻌﺖ ﻟﻬﺎ ﺣﺲ
ﺍﻡ ﻧﻬﻴﺎﻥ: ﻳﻤﻜﻦ ﻧﺎﻣﺖ
ﺟﺎﺑﺮ: ﺯﻳﻦ ﺍﻧﻬﺎ ﻧﺎﻣﺖ ﻣﺎ ﺩﺭﻋﻤﺖ ﻋﻠﻴﻨﺎ
ﺭﺟﻌﺖ ﻟﻴﻠﻰ ﺑﺨﻮﻑ ﻟﻔﺮﺍﺷﻬﺎ ﻭﻫﻮ ﺗﻔﻜﺮ ﻭﺵ ﺑﻴﺴﻮﻱ ﺧﻠﻒ ﺑﺪﻭﻥ ﻫﺎﻟﺒﺨﺎﺥ ﻭﻫﻲ ﻗﻠﺒﻬﺎ
ﻳﺪﻕ ﻟﻠﺤﻴﻦ ﻣﻦ ﻣﻨﻈﺮﻩ ﻭﻫﻮ ﻭﺍﻗﻒ ﻗﺪﺍﻣﻬﺎ ﻭﺷﻠﻮﻥ ﻋﺮﻑ ﺍﺳﻤﻬﺎ
ﻭﺷﻬﻘﺖ ﺍﻭﻝ ﻣﺎﺗﺬﻛﺮﺕ ﺍﻟﻜﺎﻣﻴﺮﻩ ﺍﻟﻠﻲ ﻧﺴﺘﻬﺎ ﺑﺎﻟﺴﻄﺢ ﻭﺷﻐﺎﻟﻪ ﻃﻠﻌﺖ ﺗﺮﻛﺾ ﻟﻠﺴﻄﺢ ﻗﺒﻞ
ﺍﺣﺪ ﻳﺤﺼﻠﻬﺎ ﻭﺍﺧﺬﺗﻬﺎ ﻭﻃﻠﻌﺖ ﻟﻐﺮﻓﺘﻬﺎ ﻣﺴﺮﻋﻪ
._______________________
ﻋﻨﺪ ﺿﺎﺭﻱ
ﺍﻟﻠﻲ ﻛﺎﻥ ﻳﺪﻭﺭ ﺧﻠﻒ ﻭﺷﺎﻓﻪ ﺟﺎﻱ ﻳﻤﺸﻲ ﻭﻫﻮ ﺣﺎﻁ ﻳﺪﻩ ﻋﻠﻰ ﺻﺪﺭﻩ ﻭﻣﺒﺘﺴﻢ ﻭﻓﻲ ﻋﺎﻟﻢ
ﺛﺎﻧﻲ ﻛﺎﻥ ﻣﻨﻈﺮ ﻟﻴﻠﻰ ﻣﺎﻫﻮ ﺭﺍﺿﻲ ﻳﻄﻠﻊ ﻣﻦ ﻋﻴﻮﻧﻪ ﻭﻫﻮ ﺷﺎﻓﻬﺎ ﻗﺪﺍﻡ ﻋﻴﻮﻧﻬﺎ ﺷﺎﻓﻬﺎ ﺑﻜﻞ
ﺷﻲ ﻳﺤﺒﻪ ﻓﻴﻪ ﺣﺘﻰ ﺷﺎﻣﺘﻬﺎ ﺷﺎﻓﻬﺎ ﺯﻳﻦ ﻭﻭﺻﻠﻪ ﺣﺘﻰ ﺭﻳﺤﺔ ﻋﻄﺮﻫﺎ
ﻓﺰ ﻋﻠﻰ ﺻﻮﺕ ﺿﺎﺭﻱ : ﻫﻴﻴﻴﻲ ﻫﻴﻴﻲ ﻫﻴﻴﻴﻲ ﺍﻗﻠﻊ ﻭﻟﻴﺪﻧﺎ ﻭﺍﻟﻠﻪ ﻳﺴﺘﺮ ﻋﻠﻴﻪ
ﺿﺤﻚ ﺧﻠﻒ : ﻣﺘﻰ ﺟﻴﺖ ﺍﻧﺖ ! ؟
ﺿﺎﺭﻱ : ﻭﺑﻌﺪ ﻣﺎ ﺩﺭﻳﺖ ﻋﻨﻲ ﺑﻌﺪ
ﺧﻠﻒ : ﺗﻜﻔﻰ ﺍﺳﻜﺖ ﺍﺳﻜﺖ ﻣﺎﺑﻲ ﺍﻃﻠﻊ ﻣﻦ ﺍﻟﻠﻲ ﺍﻧﺎ ﻓﻴﻪ
ﺿﺎﺭﻱ : ﺟﻮﻙ ﺣﻠﻮ ﻳﺎ ﺍﻟﻄﻴﺐ ﺑﺲ ﻋﻠﻤﻨﻲ ﺍﻟﻠﻴﻠﻪ ﻣﻌﻲ ﻭﻻ
ﺧﻠﻒ : ﻻ ﻻ ﺭﻭﺡ ﻟﺤﺎﻟﻚ ﺍﻧﺎ ﺑﺮﺟﻊ ﺍﻟﺒﻴﺖ
ﺿﺤﻚ ﺿﺎﺭﻱ: ﺯﻳﻴﻴﻦ ﺯﻳﻦ ﺑﺲ ﻗﺒﻞ ﻧﺎﺩﺭ ﻭﻳﻨﻪ ! ؟
ﺧﻠﻒ : ﻣﺪﺭﻱ ﻳﻤﻜﻦ ﻣﺴﺎﻓﺮ ﺧﺒﺮﻱ ﻓﻴﻪ ﻳﻘﻮﻝ ﺑﻄﻠﻊ ﻟﻠﺨﺒﺮ ﻋﺎﺩ ﻣﺪﺭﻱ ﻃﻠﻊ ﻭﻻ ﺑﺎﻗﻲ
ﺿﺎﺭﻱ : ﻃﻴﺐ ﻭﺵ ﺻﺎﺭ ﻣﻊ ﺍﺑﻮﻙ
ﺧﻠﻒ : ﺍﻟﻴﻮﻡ ﻛﺒﺮﺕ ﺯﻳﺎﺩﻩ ﻟﻜﻦ ﻫﻲ ﺍﻻﺧﻴﺮﻩ ﻳﺎ ﺗﺰﻳﻦ ﻳﺎ ﺗﺸﻴﻦ
ﺿﺎﺭﻱ : ﺍﺳﺘﻬﺪﻱ ﺑﺎﻟﻠﻪ ﻭﻛﻞ ﺷﻲ ﻣﺤﻠﻮﻝ
ﺧﻠﻒ : ﺍﻥ ﺷﺎﺀ ﻟﻠﻠﻪ ﻳﻼ ﺍﻧﺎ ﺭﺍﻳﺢ ﺍﻧﺘﻬﻴﺖ ﻣﻦ ﺍﻟﺼﺒﺢ ﻟﻠﺤﻴﻦ
ﺿﺎﺭﻱ : ﺍﻟﻠﻪ ﻣﻌﻚ
ﺭﺟﻊ ﺧﻠﻒ ﻟﺒﻴﺖ ﺟﺪﻩ ﻭﻫﻮ ﻣﻦ ﻳﻮﻡ ﻃﻠﻊ ﻣﺎﻳﺪﺭﻱ ﻭﺵ ﺻﺎﺭ ﻭﻫﻞ ﺍﺑﻮﻩ ﺳﻮﺍ ﺷﻲ ﺍﻭ ﻻ
ﻟﻜﻦ ﻣﻦ ﺍﻟﻬﺪﻭﺀ ﻭﺍﺿﺢ ﺍﻥ ﺍﻟﻤﻮﺿﻮﻉ ﻣﺎ ﺯﺍﻟﺖ ﺑﻨﻔﺲ ﺍﻟﺴﻮﺀ
ﺍﻟﺘﻔﺖ ﻋﻠﻰ ﻣﻀﺎﻭﻱ ﺍﻟﻠﻲ ﻃﻠﻌﺖ : ﺯﻳﻦ ﺍﻧﻚ ﺭﺟﻌﺖ ﻗﺒﻞ ﺍﻧﺎﻡ
ﺧﻠﻒ : ﻟﻴﻪ ﻭﺵ ﺗﺒﻴﻦ ! ؟
ﻣﻀﺎﻭﻱ : ﻋﻘﺎﺏ ﻣﻮﺻﻴﻨﻲ ﻋﻠﻴﻚ
ﺿﺤﻚ ﺧﻠﻒ : ﻣﺐ ﺻﺎﺣﻲ ﻋﻘﺎﺏ
ﻣﻀﺎﻭﻱ : ﺧﻠﻒ ﺩﺍﻣﻚ ﺟﻴﺖ ﺗﻌﺎﻝ ﺑﺴﻮﻟﻒ ﻣﻌﻚ
ﺧﻠﻒ : ﺷﻜﻠﻚ ﻣﺮﻭﻗﻪ ﻭﺍﻧﺎ ﻭﺍﻟﻠﻪ ﺍﺑﻲ ﺍﻧﺎﻡ
ﻣﻀﺎﻭﻱ: ﻣﺎﻧﻲ ﻣﻄﻮﻟﻪ ﺗﻌﺎﻝ ﻏﺮﻓﺔ ﻣﺤﻤﺪ
ﺍﺗﺠﻬﻮﺍ ﻟﻬﺎ ﻭﺩﺧﻞ ﺧﻠﻒ : ﻻﻳﻜﻮﻥ ﺍﺑﻮﻱ ﺟﺎﺀ
ﻣﻀﺎﻭﻱ: ﻻ ﺑﺲ ﺍﺑﻲ ﺍﺳﺄﻟﻚ ﻋﻦ ﺍﻟﻜﻼﻡ ﺍﻟﻠﻲ ﻗﻠﺘﻪ ﻻﺑﻮﻙ ! ؟ ﺍﻧﺖ ﺻﺎﺩﻕ ﺍﻧﻚ ﻋﺎﻳﻒ ﺳﺤﺮ
ﻭﻣﺎﺗﺒﻴﻬﺎ ! ؟
ﺧﻠﻒ ﻏﻤﺾ ﺑﻀﻴﻖ : ﻣﻀﺎﻭﻱ ﻻ ﺗﺼﻴﺮﻳﻦ ﺧﺒﻠﻪ ﺍﻧﺘﻲ ﺑﻌﺪ !! ﺍﻛﻴﺪ ﻣﺎﻧﻲ ﻋﺎﻳﻒ ﺑﻨﺖ ﻋﻤﻲ
ﻟﻜﻦ ﺗﻌﺮﻓﻴﻦ ﺍﺑﻮﻱ ﻛﻴﻒ ﻳﻔﻜﺮ ﻫﻮ ﻃﻮﻝ ﻋﻤﺮﻩ ﻣﺴﺘﻮﻋﺐ ﺍﻧﻲ ﺑﺘﺰﻭﺝ ﺳﺤﺮ ﻭﻓﺠﺄﻩ ﻃﻠﻌﻨﺎ
ﻭﻗﻠﻨﺎ ﺳﺤﺮ ﺭﻓﻀﺖ ﻭﺍﻧﻬﺒﻞ ﺍﻛﻴﺪ ﺑﻴﻌﺎﺭﺽ ﻭﻫﻮ ﺯﻱ ﻣﺎ ﺗﻌﺮﻓﻴﻦ ﻭﻟﺪﻩ ﺍﻟﻜﺒﻴﺮ ﻭﻳﺸﻮﻓﻨﻲ
ﻋﻨﺪﻩ ﻣﺎﻓﻲ ﺍﺣﺪ ﻣﺜﻠﻲ ﺍﻛﻴﺪ ﺑﻴﺴﺘﺼﻌﺐ ﺍﻟﺮﻓﺾ ﻟﻲ ﻭﺑﻌﺘﺒﺮﻩ ﺍﻫﺎﻧﻪ ﻫﺬﺍ ﺍﺫﺍ ﻣﺎ ﻓﻜﺮ ﺍﻥ
ﺍﻟﺮﺑﻮ ﺣﺠﻪ ﻋﺸﺎﻥ ﺗﺮﻓﻀﻨﻲ ﺳﺤﺮ ﻭﺍﻧﻬﺎ ﺑﺘﻘﻮﻝ ﻣﺎﺑﻲ ﺍﺗﺰﻭﺝ ﺍﻧﺴﺎﻥ ﻣﻦ ﺍﺩﻧﺎﺕ ﺍﻟﺪﻭﻥ
ﻳﻄﻴﺢ ﻭﻳﻨﻜﺘﻢ ، ﻣﻀﺎﻭﻱ ﺗﻌﺮﻓﻴﻦ ﺍﺑﻮﻱ
ﺍﺑﺘﺴﻤﺖ ﻣﻀﺎﻭﻱ ﺑﺮﺍﺣﻪ : ﻭﺍﻟﻠﻪ ﻛﻨﺖ ﺧﺎﻳﻔﻪ ﺍﻧﻚ ﺻﺎﺩﻕ ﻭﺣﺰﺗﻬﺎ ﻛﻨﺖ ﺑﻜﺮﻫﻚ
ﺩﻓﻬﺎ ﺧﻠﻒ ﺑﻀﺤﻚ : ﻣﻬﺒﻮﻟﻪ ﺍﻧﺘﻲ ﻗﻮﻣﻲ ﻗﻮﻣﻲ ﺗﻴﺴﺮﻱ ﻧﺎﻣﻲ ﻭﻻ ﺣﻄﻴﺘﻴﻨﻲ ﺑﺪﺍﻝ ﻋﻘﺎﺏ
ﺗﺤﺎﺭﺷﻴﻨﻲ
ﻣﻀﺎﻭﻱ : ﺍﺣﻤﺪ ﺭﺑﻚ ﺍﺑﻲ ﺍﻟﻨﻮﻡ ﻭﻻ ﻣﺎﺧﻠﻴﺘﻚ
ﻃﻠﻌﺖ ﻭﺗﺮﻛﺖ ﺧﻠﻒ ﺭﻣﻰ ﻧﻔﺴﻪ ﻋﻠﻰ ﺍﻟﺴﺮﻳﺮ ﺑﻬﺪﻭﺀ ﻭﺍﺑﺘﺴﻢ ﻋﻠﻰ ﻧﻬﺎﻳﺔ ﻟﻴﻠﺘﻪ ﺍﻟﺤﻠﻮﻩ
ﺗﺬﻛﺮ ﻭﺩﺧﻞ ﻳﺪﻩ ﺑﺠﻴﺒﻪ ﻭﻫﻮ ﻳﻄﻠﻊ ﺍﻟﺨﻠﺨﺎﻝ ﺍﺑﺘﺴﻢ ﻣﻦ ﻛﻞ ﻗﻠﺒﻪ ﻭﻫﻮ ﻳﻨﻌﺎﺩ ﻓﻲ ﺑﺎﻟﻪ
ﺣﺘﻰ ﻫﻮﺍﺷﻬﺎ ﻭﻏﻀﺒﻬﺎ ﺿﺤﻚ ﻭﻫﻮ ﻳﺮﺩﺩ ﺍﺳﻤﻬﺎ ﺑﻬﻤﺲ ﻭﺷﻠﻮﻥ ﺗﺠﺮﺃ ﻭﻧﺎﺩﻫﺎ ﺩﺧﻞ
ﺍﻟﺨﻠﺨﺎﻝ ﺑﺒﻮﻛﻪ ﻭﺭﺟﻊ ﻳﻨﺴﺪﺡ ﺑﺘﻌﺐ ﻭﻫﻮ ﺭﻏﻢ ﺭﻛﺎﻡ ﺍﻟﻤﺸﺎﻛﻞ ﺍﻟﻠﻲ ﻳﻨﺘﻈﺮﻩ ﺍﻻ ﺍﻧﻪ ﻧﺎﻡ
ﻭﻫﻮ ﻳﺤﻠﻢ ﺑﻠﻴﻠﻰ
._______________________
ﻭﻓﻲ ﺑﻴﺖ ﺍﺑﻮ ﺧﻠﻒ
ﻣﺎﻧﺎﻡ ﺍﺑﻮ ﺧﻠﻒ ﻭﻫﻮ ﻳﺪﻭﺭ ﺑﻬﺪﻭﺀ ﻭﻳﻔﻜﺮ ﺑﻜﻼﻡ ﺧﻠﻒ ﻭﻳﻔﻜﺮ ﺑﺘﺼﺮﻓﻪ ﺍﻟﻄﺎﻳﺶ ﻣﻊ ﻋﻴﺎﻝ
ﺍﺧﻮﻩ ﻣﻬﻤﺎ ﻛﺎﻥ ﻫﻢ ﺍﻳﺘﺎﻡ ﻭﺍﻣﺎﻧﻪ ﺍﺧﻮﻩ ﻋﻨﺪﻩ ﻛﻴﻒ ﺳﻤﺢ ﻟﻐﻀﺒﻪ ﻳﺴﻮﻱ ﻫﺎﻟﻠﻲ ﺳﻮﺍﻩ
ﻏﻤﺾ ﺑﻀﻴﻖ ﻭﻫﻮ ﻣﺎﻳﺒﻲ ﻳﻀﺎﻳﻘﻬﻢ ﺑﺲ ﺍﻧﻪ ﻛﺒﺮ ﺑﺨﺎﻃﺮﻩ ﺭﻓﺾ ﺳﺤﺮ ﻟﺨﻠﻒ ﻟﻜﻦ ﻛﻼﻡ
ﺧﻠﻒ ﺍﻟﻴﻮﻡ ﻟﺨﺒﻂ ﻣﻮﺍﺯﻳﻨﻪ ﻣﻌﻘﻮﻟﻪ ﺧﻠﻒ ﻣﺎﻳﺒﻴﻬﺎ ﻣﻌﻘﻮﻟﻪ ﻳﺴﻮﻳﻬﺎ ﻭﻳﺮﻭﺡ ﻭﻳﺨﻠﻴﻨﺎ
ﻛﺎﻥ ﻫﺎﻟﻮﺳﻮﺍﺱ ﻣﺎ ﺧﻼﻩ ﻳﻨﺎﻡ
ﻭﺍﻡ ﺧﻠﻒ ﺑﻌﺪ ﻣﺎﻧﺎﻣﺖ ﻣﺎﺗﺪﺭﻱ ﻭﻳﻨﻪ ﺧﻠﻒ ﻭﻻ ﺗﺪﺭﻱ ﻭﺵ ﺻﺎﺭ ﻟﻪ
ﺍﻣﺎ ﻭﻋﺪ ﻛﺎﻧﺖ ﺗﻔﻜﺮ ﻛﻴﻒ ﺑﺘﺤﻞ ﻫﺎﻟﺴﺎﻟﻔﻪ ﻭﻻﺯﻡ ﺗﺤﻠﻬﺎ ﻗﺒﻞ ﺍﻟﺒﻼﻭﻱ ﻃﻠﻌﺖ ﻭﻫﻲ ﺗﻔﻜﺮ
ﻓﻲ ﺍﻱ ﺷﻲ ﻣﻤﻜﻦ ﻳﺤﺴﺲ ﺍﺑﻮﻫﺎ ﺑﺎﻟﺬﻧﺐ
ﻭﻟﻒ ﺍﺑﻮ ﺧﻠﻒ : ﻭﻋﺪ ﻭﺵ ﻋﻨﺪﻙ ﺻﺎﺣﻴﻪ ﻫﺎﻟﻮﻗﺖ
ﻭﻋﺪ ﺑﺘﻤﺜﻴﻞ : ﺍ ﻣﺪﺭﻱ ﻳﺒﻪ ﺣﻠﻤﺖ ﺣﻠﻢ ﻓﺠﻌﻨﻲ ﻭﺻﺤﻴﺖ
ﺍﺑﻮ ﺧﻠﻒ : ﺑﺴﻢ ﻟﻠﻪ ﻋﻠﻴﻚ ، ﺧﻴﺮ ﻭﺵ ﻫﺎﻟﺤﻠﻢ
ﻭﻋﺪ ﻛﺎﻧﺖ ﺗﺴﺘﻐﻔﺮ ﻭﻭﻫﻲ ﺧﺎﻳﻔﻪ ﻣﻦ ﺍﻟﻠﻲ ﺑﺘﺴﻮﻳﻪ ﺑﺲ ﻣﺠﺒﻮﺭﻩ ﻋﺸﺎﻥ ﺗﺤﺴﺲ ﺍﺑﻮﻫﺎ
ﺑﻐﻠﻄﻪ : ﻳﺒﻪ ﺣﻠﻤﺖ ﺑﻌﻤﻲ ﻧﺎﻳﻒ ﻛﺎﻥ ﺯﻋﻼﺍﺍﻥ ﻋﻠﻴﻴﻴﻚ ﻣﺮﻩ ﻳﺒﻪ
ﺍﻟﺘﻔﺖ ﺍﺑﻮ ﺧﻠﻒ ﺍﻟﻠﻲ ﻛﺎﻧﺖ ﻧﻘﻄﺔ ﺿﻌﻔﻪ ﻧﺎﻳﻒ ﺍﺧﻮﻩ ﻭﺍﻟﻠﻲ ﺍﻧﻜﺴﺮ ﺑﻤﻮﺗﻪ : ﻭﺷﻮ ؟
ﻭﻋﺪ ﺟﻠﺴﺖ ﺟﻨﺒﻪ : ﻣﺪﺭﻱ ﻳﺒﻪ ﻛﺬﺍ ﺣﻠﻤﺖ ﺍﻧﻪ ﺯﻋﻼﻥ ﻣﺮﻩ ﻭﺗﻜﻠﻤﻪ ﻭﻻ ﻳﻜﻠﻤﻚ ﻭﺻﺎﺩ ﻋﻨﻚ
ﻣﺮﻩ ﻭﻭﺍﻗﻒ ﺟﻨﺐ ﺧﻠﻒ ﻭﺟﺪﻱ
ﺳﻜﺘﺖ ﻭﻫﻲ ﺗﺪﻭﺭ ﻛﻠﻤﻪ ﻗﻮﻳﻪ ﺑﺲ ﻗﺎﻟﺖ ﻭﻫﻲ ﺗﺴﺘﻐﻔﺮ ﺑﻨﻔﺴﻬﺎ ﻋﻠﻰ ﻛﺬﺑﻬﺎ : ﺍﻳﻴﻪ ﻭﻛﺎﻥ
ﻳﻘﻮﻝ ﺿﻴﻌﺖ ﺍﻟﻮﺻﻴﻪ ﻳﺎ ﻧﺎﺻﺮ
ﻓﺰ ﺍﺑﻮ ﺧﻠﻒ ﻭﺍﻗﻒ ﺑﺨﻮﻑ ﻭﻫﻮ ﻧﺎﻳﻒ ﻣﻮﺻﻴﻪ ﻋﻠﻰ ﻋﻴﺎﻟﻪ ﻭﻭﻗﻔﺖ ﻭﻋﺪ ﻭﻫﻲ ﺗﺪﻋﻲ
ﺑﻨﻔﺴﻬﺎ ﺍﻥ ﻫﺎﻟﻜﺬﺑﻪ ﺗﺄﺛﺮ ﻓﻲ ﺍﺑﻮﻫﺎ ﻭﻳﺤﺲ ﺑﻐﻠﻄﺘﻪ
ﻧﺎﻇﺮﻫﺎ ﺍﺑﻮ ﺧﻠﻒ ﻭﻗﺎﻟﺖ ﻭﻋﺪ : ﻳﺒﻪ ﺍﺧﺎﻑ ﻋﺸﺎﻥ ﺍﻟﺴﺎﻟﻔﻪ ﺍﻟﻠﻲ ﺻﺎﺭﺕ ﺍﻟﻴﻮﻡ ! ﻭﺑﻌﺪﻳﻦ
ﻳﺒﻪ ﺍﻧﺖ ﺗﺪﺭﻱ ﺍﻥ ﺍﻟﺰﻭﺍﺝ ﻣﺎﻫﻮ ﻏﺼﺐ ﻭﻻ ﻳﺠﻮﺯ ﺍﻟﻐﺼﺐ ﻓﻴﻪ ﻭﻣﻬﻤﺎ ﻛﺎﻥ ﻋﻴﺎﻝ ﻋﻤﻲ
ﺍﻣﺎﻧﻪ ﺑﺮﻗﺒﺘﻚ ﻭﺧﻠﻒ ﻣﻬﻤﺎ ﻛﺎﻥ ﻭﻟﺪﻙ ﻳﺒﻪ ﺍﻧﺖ ﺗﺪﺭﻱ ﺧﻠﻒ ﻣﺎ ﻳﺘﺤﻤﻞ ﺯﻋﻞ ﻭﺗﻮﺗﺮ ﻭﺿﻴﻖ
ﺍﺧﺎﻑ ﻳﺼﻴﺮ ﻟﻪ ﺷﻲ ﻭﺣﺰﺗﻬﺎ ﻣﺎﻳﻔﻴﺪ ﺍﻟﻨﺪﻡ
ﻭﻗﻒ ﺍﺑﻮ ﺧﻠﻒ ﺑﻐﻀﺐ ﻭﺍﺑﻌﺪ ﻭﺗﺮﻛﻬﺎ ﻭﻭﻋﺪ ﻣﺘﻜﺘﻔﻪ ﻭﻫﻲ ﺗﺪﻋﻲ ﺍﻥ ﺧﻄﺘﻬﺎ ﺗﻀﺒﻂ
ﻫﺎﻟﻤﺮﻩ
ﺍﻣﺎ ﺍﺑﻮ ﺧﻠﻒ ﺍﻛﻠﺖ ﻗﻠﺒﻪ ﺍﻟﻬﻮﺍﺟﻴﺲ ﻭﺍﻟﻈﻨﻮﻥ ﻭﺍﻟﻨﺪﻡ ﻭﻋﺠﺰ ﻳﻨﺎﻡ ﺍﻟﻠﻴﻞ ﻛﻠﻪ ﻳﻔﻜﺮ
._______________________
ﻭﻣﻦ ﺑﻜﺮﻩ ﻓﻲ ﺑﻴﺖ ﺍﻟﺠﺪ
ﻛﺎﻥ ﺧﻠﻒ ﻣﻦ ﺑﺪﺭﻱ ﺻﺎﺣﻲ ﻳﻨﺘﻈﺮ ﻋﺰﻭﺯ ﻭﺷﻬﺪ ﺑﻴﻮﺩﻳﻬﻢ ﺑﻨﻔﺴﻪ ﻟﻠﻤﺪﺭﺳﻪ
ﻃﻠﻊ ﻋﺰﻭﺯ ﻭﺟﻨﺒﻪ ﺷﻬﺪ ﺍﻟﻠﻲ ﻣﺘﻐﻄﻴﻪ ﻭﻫﻲ ﻣﺘﻔﺸﻠﻪ ﻣﻦ ﺧﻠﻒ
ﻃﻠﻌﺖ ﻣﻀﺎﻭﻱ ﻭﻫﻲ ﺗﻌﻄﻴﻬﻢ ﻣﺼﺮﻭﻓﻬﻢ ﺍﻟﻠﻲ ﻋﻄﺎﻫﺎ ﺍﻳﺎﻩ ﻋﻘﺎﺏ ﻓﻲ ﻏﻴﺎﺑﻪ ﻋﺸﺎﻥ
ﺗﻌﻄﻴﻬﻢ
ﻧﺰﻝ ﺧﻠﻒ ﺍﻟﻘﻬﻮﻩ: ﻳﻼ ﺟﺎﻫﺰﻳﻦ
ﻋﺰﻭﺯ: ﺍﻳﻪ
ﺍﺑﻮ ﻧﺎﺻﺮ: ﻭﺻﻠﻬﻢ ﻭﺍﺭﺟﻊ ﺑﺴﺮﻋﻪ ﻳﺎ ﺧﻠﻴﻒ ﺗﺪﺭﻱ ﻭﺭﺍﻧﺎ ﺷﻐﻞ
ﺧﻠﻒ : ﺍﺑﺸﺮ ﺍﺑﺸﺮ
ﺍﻡ ﻧﺎﺻﺮ ﻛﺎﻧﺖ ﺻﺎﺩﻩ ﺑﻀﻴﻖ ﻣﻦ ﺿﻴﻖ ﺍﺑﻮ ﺧﻠﻒ ﻭﻣﺎ ﺗﻜﻠﻢ ﺍﺣﺪ ﺑﺎﻟﺒﻴﺖ ﻛﻠﻪ
ﻃﻠﻊ ﺧﻠﻒ ﻭﻣﻌﻪ ﻋﺰﻭﺯ ﻭﺷﻬﺪ ﻭﻛﺎﻧﺖ ﺳﺤﺮ ﺗﺮﺍﻗﺒﻬﻢ ﻣﻦ ﻓﻮﻕ ﺑﻀﻴﻖ ﻭﻟﻔﺖ ﺑﻀﻴﻖ ﻭﻫﻲ
ﺗﻨﻬﺪ ﺑﻘﻬﺮ
ﻋﻬﺪ : ﻭﺵ ﻓﻴﻚ ! ؟ ﻣﺎ ﺷﺒﻌﺘﻲ ﺑﻜﻰ ﻭﺿﻴﻖ ﺧﻼﺹ
ﺳﺤﺮ : ﺯﻋﻼﻧﻪ ﻋﻠﻰ ﺍﺧﻮﺍﻧﻲ ﺷﻮﻓﻲ ﺍﺧﺮ ﺷﻲ ﻭﺵ ﺻﺎﺭ ﻓﻴﻬﻢ
ﻋﻬﺪ : ﻣﺎﺻﺎﺭ ﻓﻴﻬﻢ ﺷﻲ ﺑﺨﻴﻴﺮ ﻭﻋﺎﻓﻴﻪ ﻭﻣﺎ ﺍﺣﻨﺎ ﻣﺤﺘﺎﺟﻴﻦ ﻋﻤﻚ ﻋﺸﺎﻥ ﻧﻌﻴﺶ ﻭﺧﻠﻒ ﺫﺍ
ﺍﻟﻠﻲ ﻣﺴﻮﻱ ﺑﻄﻞ ﺑﻜﺮﻩ ﺑﻴﺠﻲ ﻋﻘﺎﺏ ﻭﻳﻔﻜﻨﺎ ﻣﻦ ﺧﺪﻣﺎﺗﻪ
ﺳﺤﺮ : ﻭﺵ ﻓﻴﻚ ﻋﻠﻴﻪ ﺍﻧﺘﻲ !
ﻋﻬﺪ : ﻭﺵ ﺍﻟﻠﻲ ﻭﺵ ﻓﻴﻨﻲ ﻋﻠﻴﻪ ! ؟ ﺍﻧﻬﺒﻠﺘﻲ ﺍﻧﺘﻲ ! ؟ ﻭﺵ ﺗﺒﻴﻦ ﺍﻛﺜﺮ ﻣﻦ ﻛﺬﺍ ! ؟ ﻣﻦ ﻫﺬﺍ
ﻋﻤﻚ ﻭﻋﻴﺎﻟﻪ ﺍﻟﻠﻲ ﻛﻨﺖ ﻣﺨﺪﻭﻋﻴﻦ ﻓﻴﻬﻢ ﻫﺬﺍ ﻫﻢ ﻃﻠﻌﻮﺍ ﻟﻚ ﻋﻠﻰ ﺍﻟﺤﻘﻴﻘﻪ
ﺳﺤﺮ : ﻻ ﺗﻨﺠﻨﻨﻴﻦ ﻋﻤﻲ ﻳﺤﺒﻨﺎ ﻭﻋﻴﺎﻟﻪ ﺑﻌﺪ ﻭﺧﻠﻒ ﻫﺬﺍ ﻫﻮ ﻭﺍﻗﻒ ﻣﻌﻨﺎ
ﺿﺤﻜﺖ ﻋﻬﺪ ﺑﺎﺳﺘﻬﺰﺍﺀ: ﺍﻳﻪ ﻭﺍﻗﻒ ﻟﻜﻦ ﻋﺸﺎﻥ ﻳﻐﻄﻲ ﺳﻮﺍﺩ ﻭﺟﻬﻪ ﻟﻜﻦ ﺍﻧﺎ ﻣﻦ ﺍﻟﺤﻴﻦ
ﺍﻗﻮﻟﻚ ﺍﻧﺎ ﻣﺎﻟﻲ ﺷﻐﻞ ﻓﻴﻬﻢ ﻛﻠﻬﻢ ﻋﻠﻰ ﺑﻌﻀﻬﻢ ﻭﻻ ﻟﻲ ﻋﻢ ﻭﻻ ﻋﻴﺎﻝ ﻋﻢ ﺑﻌﺪ
ﺩﺧﻠﺖ ﻫﻴﺎ ﻋﻠﻰ ﺍﺧﺮ ﻛﻼﻣﻬﺎ : ﻭﺵ ﺫﺍ ﺍﻟﻜﻼﻡ ! ؟
ﻟﻔﺖ ﻋﻬﺪ : ﺍﻟﻠﻲ ﺳﻤﻌﺘﻴﻪ
ﻫﻴﺎ: ﻣﺎﺷﺎﺀ ﺍﻟﻠﻪ ﻣﻦ ﻣﺘﻰ ﺻﺮﻧﺎ ﻣﺎ ﻧﺴﺘﺤﻲ
ﻋﻬﺪ : ﻣﻦ ﺍﻟﺴﺎﻋﻪ ﺍﻟﻠﻲ ﺳﻜﺮ ﺍﺧﻮﻙ ﺍﻟﺒﺎﺏ ﻓﻲ ﻭﺟﻴﻬﻨﺎ ﻭﺗﺒﺮﻯ ﻣﻨﺎ ﻭﻛﻠﻪ ﻋﺸﺎﻥ ﺧﺎﻃﺮ ﻭﻟﺪﻩ
ﺍﻟﻠﻲ ﻣﺎﺻﺪﻕ ﺍﻥ ﺗﺠﻲ ﻫﺎﻟﺴﺎﻟﻔﻪ ﻋﺸﺎﻥ ﻳﻔﺘﻚ ﻣﻦ ﻫﺎﻟﺰﻭﺍﺝ
ﻫﻴﺎ: ﺍﺳﺘﺤﻲ ﻋﻠﻰ ﻭﺟﻬﻚ ﻳﺎ ﻋﻬﺪ ! ﻭﺵ ﻫﺎﻟﻜﻼﻡ ﻧﺴﺘﻴﻨﻲ ﻛﻞ ﺍﻓﻀﺎﻟﻪ ﻋﻠﻴﻚ ! ﻋﺸﺎﻧﻪ ﻃﻠﻊ
ﻋﻦ ﻃﻮﺭﻩ ﻓﻲ ﻭﻗﺖ ﻏﻀﺐ
ﻋﻬﺪ : ﻣﺤﺪ ﻟﻪ ﻓﻀﻞ ﻋﻠﻲ ﺟﺪﻱ ﺭﺑﺎﻧﻲ ﻭﻋﻘﺎﺏ ﻳﺼﺮﻑ ﻋﻠﻴﻨﺎ ﻭﻣﺤﺪ ﻟﻪ ﻓﻀﻞ ﻋﻠﻴﻨﺎ
ﻃﻠﻌﺖ ﻋﻬﺪ ﺑﻘﻬﺮ ﻭﺗﺮﻛﺘﻬﻢ ﻭﺍﻗﻔﻴﻦ ﻭﺻﺪﺕ ﻫﻴﺎ ﺑﻀﻴﻖ : ﺍﻟﻠﻪ ﻳﻬﺪﻳﻬﺎ ﺍﻟﻠﻪ ﻳﻬﺪﻳﻬﺎ
._______________________
ﻭﻓﻲ ﺑﻴﺖ ﺍﺑﻮ ﺧﻠﻒ
ﺍﻟﻠﻲ ﻛﺎﻥ ﻳﺴﺘﻌﺠﻠﻬﻢ ﻛﺎﻟﻌﺎﺩﻩ ﻭﻭﻋﺪ ﺗﺮﺍﻗﺐ ﻣﻼﻣﺤﻪ ﺍﻟﻠﻲ ﻭﺍﺿﺢ ﺍﻟﻨﺪﻡ ﻭﺍﻟﻀﻴﻖ ﻓﻴﻬﺎ
ﻣﺎﻛﺎﻥ ﻭﺩﻫﺎ ﺗﻀﻴﻘﻪ ﻟﻬﺪﺭﺟﻪ ﺑﺲ ﻻﺯﻡ ﻳﺤﺲ ﺑﺎﻟﻨﺪﻡ
ﻓﻴﺼﻞ ﺑﻬﻤﺲ : ﻭﺵ ﻓﻴﻪ ﺍﺑﻮﻱ ! ؟
ﻭﻋﺪ : ﻣﺪﺭﻱ ﻟﻜﻦ ﺣﺎﻭﻝ ﺍﺫﺍ ﻃﻠﻌﺘﻮﺍ ﺗﻘﻮﻟﻮﻥ ﺑﺘﻤﺮﻭﻥ ﻋﻴﺎﻝ ﻋﻤﻲ ﻻ ﺗﺴﻜﺘﻮﻥ
ﺳﺎﻟﻢ : ﻭﺍﺍﺫﺍ ﻫﺎﻭﺵ !
ﻭﻋﺪ : ﺧﻠﻪ ﻳﻬﺎﻭﺵ ﻟﻜﻦ ﻻ ﺗﺨﻠﻮﻧﻪ ﻳﺘﺮﻛﻬﻢ ﺍﺑﺪﺍً
ﻭﺟﺪﺍﻥ : ﻃﻴﺐ ﻳﻼ ﻳﻼ
ﻗﺮﺑﺖ ﺍﻡ ﻭﻋﺪ ﺗﺼﺤﻲ ﻏﻴﺚ ﺍﻟﻠﻲ ﻧﺎﻳﻢ ﺑﺸﻨﻄﺘﻪ ﻭﻃﻠﻌﻮﺍ ﻭﺍﻭﻝ ﻣﺎ ﻟﻔﻮﺍ ﺷﺎﻓﻮﺍ ﺧﻠﻒ ﻭﺷﻬﺪ
ﻭﻋﺰﻭﺯ
ﻭﺭﻛﺾ ﻏﻴﺚ ﻟﺨﻠﻒ : ﺧﻠﻠﻠﻒ ﻟﻴﻪ ﻣﺎﺟﻴﺘﻨﺎ ﻳﻮﻣﻴﻦ
ﺍﺳﺘﻘﺒﻠﻪ ﺧﻠﻒ ﻭﻫﻮ ﻳﻨﺰﻝ ﻳﺴﻠﻢ ﻋﻠﻴﻪ ﻣﺒﺘﺴﻢ : ﺟﺪﻱ ﻳﺒﻴﻨﻲ
ﻟﻒ ﻳﻨﺎﻇﺮ ﺍﺑﻮﻩ ﺍﻟﻠﻲ ﻭﺍﻗﻒ ﻭﻫﻮ ﺿﺎﻳﻖ ﻭﻗﺎﻝ : ﻋﺰﻭﺯ ﻳﻼ ﺍﻧﺖ ﻭﺍﺧﺘﻚ
ﻟﻒ ﻋﺰﻭﺯ ﺑﺼﺪﻣﻪ ﻋﻠﻰ ﺧﻠﻒ ﻭﺍﻟﻌﻴﺎﻝ ﻛﻞ ﻭﺍﺣﺪ ﻳﻨﺎﻇﺮ ﺍﻟﺜﺎﻧﻲ ﻓﺮﺣﺎﻧﻴﻦ
ﻭﺍﺑﺘﺴﻢ ﺧﻠﻒ ﻭﻫﻮ ﻳﻬﻤﺲ ﻟﻌﺰﻭﺯ: ﺭﻭﺣﻮﺍ ﻭﺳﻠﻤﻮﺍ ﻋﻠﻰ ﺭﺍﺳﻪ ﺗﺮﺍ ﺍﺑﻮﻱ ﻳﺤﺒﻜﻢ ﻭﺑﻴﺮﺿﻰ
ﻋﻠﻰ ﻃﻮﻝ
ﺍﺑﺘﺴﻢ ﻋﺰﻭﺯ ﺑﻔﺮﺡ: ﻃﻴﻴﺐ ﻳﻼ ﺷﻬﺪ
ﺍﺗﺠﻬﻮﺍ ﻻﺑﻮ ﺧﻠﻒ ﺍﻟﻠﻲ ﺭﻛﺐ ﻭﻫﻮ ﻣﺎﻳﻨﺎﻇﺮ ﺧﻠﻒ ﻭﻗﺮﺏ ﻋﺰﻭﺯ ﻳﺒﻮﺱ ﺭﺍﺳﻪ: ﺻﺒﺤﺖ
ﺑﺎﻟﺨﻴﺮ ﻳﺎﻋﻤﻲ
ﺿﻌﻒ ﻗﻠﺐ ﺍﺑﻮ ﺧﻠﻒ ﻭﻫﻮ ﻳﻨﺎﻇﺮﻩ ﺑﻀﻴﻖ : ﻫﻼ ﺻﺒﺎﺡ ﺍﻟﻨﻮﺭ
ﻗﺮﺑﺖ ﺷﻬﺪ ﻭﻫﻲ ﻛﺎﻟﻌﺎﺩﻩ ﺗﺒﻮﺱ ﺭﺍﺳﻪ ﻭﻳﺪﻩ : ﻋﻤﻲ ﻛﻴﻔﻚ
ﺍﺑﺘﺴﻢ ﺍﺑﻮ ﺧﻠﻒ ﺑﺪﻭﻥ ﻣﺎﻳﺤﺲ : ﺑﺨﻴﺮ ﺍﻧﺘﻲ ﺑﺨﻴﺮ
ﺷﻬﺪ : ﺣﻤﺪﻟﻠﻪ
ﻗﺎﻝ ﺍﺑﻮ ﺧﻠﻒ ﺑﻀﻴﻖ : ﺍﻣﺲ ﺗﺎﺧﺮﺗﺘﻮﺍ ﺍﺣﺴﺒﻜﻢ ﻣﺎ ﺍﻧﺘﻢ ﻣﺪﺍﻭﻣﻴﻦ
ﻛﺎﻥ ﻳﻌﺘﺬﺭ ﺑﺲ ﺑﻄﺮﻳﻘﻪ ﻏﻴﺮ ﻣﺒﺎﺷﺮﻩ ﺍﺑﺘﺴﻢ ﻋﺰﻭﺯ ﻳﺠﺎﺭﻳﻪ : ﻣﺎﺻﺎﺭ ﺍﻻ ﻛﻞ ﺧﻴﺮ
ﻓﻴﺼﻞ ﻃﻞ ﻣﻦ ﺍﻟﺤﻮﺽ ﻣﺒﺘﺴﻢ: ﻳﻼ ﻋﺰﻭﺯ ﺍﺭﻛﺐ
ﺭﺍﺡ ﻋﺰﻭﺯ ﻭﻫﻮ ﻳﻤﺪ ﻟﻪ ﻳﺪﻩ ﻭﺭﻓﻌﻪ ﻓﻴﺼﻞ ﻣﻌﻪ ﻭﺭﻛﺒﺖ ﺷﻬﺪ ﺟﻨﺐ ﻭﺟﺪﺍﻥ ﺍﻟﻠﻲ ﻗﺮﺑﺖ
ﺗﻀﻤﻬﺎ ﺑﻔﺮﺣﻪ ﻭﻏﻴﺚ ﺑﻴﻨﻬﻢ ﻣﺒﺘﺴﻢ
ﻭﻛﺎﻥ ﺍﺑﻮ ﺧﻠﻒ ﻣﺒﺘﺴﻢ ﺑﻨﻔﺴﻪ ﻭﻫﻮ ﻳﺸﻮﻓﻬﻢ ﻓﺮﺣﺎﻧﻴﻦ ﺑﺒﻌﺾ ﻭﻟﻒ ﻟﻠﻤﺮﺍﻳﻪ ﻳﺸﻮﻑ ﺧﻠﻒ
ﺍﻟﻠﻲ ﻛﺎﻥ ﻭﺍﻗﻒ ﻣﺘﻜﺘﻒ ﻭﻣﺒﺘﺴﻢ ﻟﻜﻦ ﻛﺎﻟﻌﺎﺩﻩ ﻳﻜﺢ ﺑﺲ ﻫﺎﻟﻤﺮﻩ ﻛﺤﺘﻪ ﻗﻮﻳﻪ ﻳﺴﻤﻌﻬﺎ ﺍﺑﻮ
ﺧﻠﻒ ﻭﻫﻨﺎ ﺷﺎﻝ ﻫﻤﻪ ﻭﺿﺎﻕ ﺻﺪﺭﻩ ﺯﻭﺩ
ﺍﻣﺎ ﺧﻠﻒ ﺍﻟﻠﻲ ﻓﻲ ﻋﺰ ﻓﺮﺣﺘﻪ ﻫﺠﻤﺖ ﻋﻠﻴﻪ ﻛﺤﺘﻪ ﺍﺧﺬ ﺍﻟﻤﻮﻳﻪ ﻳﺸﺮﺏ ﺑﻬﺪﻭﺀ ﻭﺭﺟﻊ ﻟﻠﺒﻴﺖ
ﻣﺒﺘﺴﻢ: ﺟﺪﻱ
ﻭﻗﻒ ﺍﺑﻮ ﻧﺎﺻﺮ : ﻣﺴﺮﻉ ﺟﻴﺖ ! ؟
ﺿﺤﻚ ﺧﻠﻒ : ﻻ ﺍﺑﺸﺮﻙ ﺍﻟﻮﺍﻟﺪ ﺍﻟﻐﺎﻟﻲ ﺭﺿﻰ ﻋﻠﻴﻨﺎ ﺍﺧﺬ ﺍﻟﻌﻴﺎﻝ ﻭﺭﺍﺡ
ﺍﺑﻮ ﻧﺎﺻﺮ : ﻭﺍﻟﻠﻪ
ﺧﻠﻒ : ﺍﻳﻪ
ﺍﻡ ﻧﺎﺻﺮ : ﻧﺎﺻﺮ ﻗﻠﺒﻪ ﻛﺒﻴﺮ ﻟﻜﻦ ﺍﻟﻨﺎﺱ ﺍﻟﻠﻲ ﻣﺎ ﺗﺨﺎﻑ ﺍﻟﻠﻪ ﻭﺍﺟﺪ
ﺻﺪ ﺧﻠﻒ ﻣﺒﺘﺴﻢ : ﻫﺎﻩ ﻧﻄﻠﻊ ﻟﺪﻛﺎﻧﻨﺎ
ﺍﺑﻮ ﻧﺎﺻﺮ: ﺍﻱ ﻭﺍﻟﻠﻠﻪ ﻳﻼ ﻳﻼ ﻭﺍﻧﺎ ﺟﺪﻙ
ﺍﺧﺬ ﺍﺑﻮ ﻧﺎﺻﺮ ﻭﻃﻠﻌﻮﺍ ﻋﻠﻰ ﺟﻴﺖ ﻋﻘﺎﺏ ﺍﻟﻤﺒﺘﺴﻢ : ﻃﺎﻟﻌﻴﻦ
ﺍﺑﻮ ﻧﺎﺻﺮ: ﺍﻱ ﻭﺍﻟﻠﻪ ﺍﻧﺖ ﺧﻠﺼﺖ
ﻋﻘﺎﺏ : ﺧﻠﺼﺖ ﻭﻣﻴﻴﻴﺖ ﺍﺑﻲ ﺍﻟﻨﻮﻡ
ﺧﻠﻒ : ﺍﺩﺧﻞ ﺍﺩﺧﻞ ﻣﻀﺎﻭﻱ ﺗﺤﺘﺮﻳﻚ
ﺿﺤﻚ ﻋﻘﺎﺏ : ﺯﻳﻦ
ﺩﺧﻞ ﻭﺷﺎﻑ ﻣﻀﺎﻭﻱ ﻗﺪﺍﻣﻪ ﻭﻓﺰﺕ : ﻫﻼ ﻫﻼ ﻣﺎﺑﻐﻴﺖ ﺗﺸﺮﻑ
ﻋﻘﺎﺏ : ﺍﺑﺪ ﺭﺍﻳﺢ ﺍﺗﻤﺸﻰ ! ﺧﺒﻠﻪ ﺍﻧﺘﻲ ﻭﺵ ﺍﻟﻠﻲ ﻣﺎﺑﻐﻴﺖ ﺍﺷﺮﻑ ﺍﺷﺘﻐﻞ ﺍﻧﺎ ﺍﺷﺘﻐﻞ
ﻣﻀﺎﻭﻱ : ﻭﺵ ﻓﻴﻚ ﺍﻛﻠﺘﻨﻲ ﺑﻘﺸﻮﺭﻱ
ﺍﻡ ﻧﺎﺻﺮ : ﺍﺩﺧﻞ ﺍﻓﻄﺮ
ﻋﻘﺎﺏ: ﻣﺎﺑﻲ ﺷﻲ ﺑﻨﺎﻡ ﻣﺎﻓﻴﻨﻲ ﺣﻴﻞ ﺷﻲ ﺑﺲ ﻭﻳﻦ ﺍﻟﺒﻨﺎﺕ
ﻣﻀﺎﻭﻱ : ﻛﻞ ﻭﺣﺪﻩ ﻓﻲ ﺷﻐﻠﻬﺎ
ﻋﻘﺎﺏ : ﻭﺍﻧﺘﻲ ﺍﻛﻞ ﻭﻣﺮﻋﻰ ﻭﻗﻠﺔ ﺻﻨﻌﻰ
ﻣﻀﺎﻭﻱ : ﻣﺜﻠﻚ ﺑﺎﻟﻀﺒﻂ
ﺩﻓﻬﺎ ﻋﻘﺎﺏ ﻭﻃﻠﻊ ﻭﻫﻮ ﻣﺎ ﻳﺒﻲ ﻳﻘﺎﺑﻞ ﺍﺣﺪ ﻻﻧﻪ ﻣﺎﻳﺒﻲ ﻣﺸﺎﻛﻞ ﻭﻣﺎﻳﺒﻲ ﻳﻔﻜﺮ ﻭﻻ ﻳﻨﺤﺎﺱ
ﺗﻔﻜﻴﺮﻩ ﻋﺸﺎﻥ ﻳﻀﺒﻂ ﺍﻟﻔﻜﺮﻩ ﺍﻟﻠﻲ ﻓﻲ ﺭﺍﺳﻪ
._______________________
ﻓﻲ ﺑﻴﺖ ﺍﻟﻨﻮﺧﺬﻩ
ﻛﺎﻧﺖ ﻟﻴﻠﻰ ﺗﻨﺘﻈﺮ ﻟﻴﻴﻦ ﺻﺎﺭ ﻭﻗﺖ ﺍﻟﺴﻮﻕ ﻭﻧﺰﻟﺖ ﻷﻣﻬﺎ ﺍﻟﻠﻲ ﺟﺎﻟﺴﻪ ﺗﻨﻘﻲ ﺍﻟﺮﺯ ﻫﻲ ﻭﺷﻴﺨﻪ
ﻟﻴﻠﻰ : ﻳﻴﻴﻴﻤﻪ
ﺍﻡ ﻧﻬﻴﺎﻥ: ﻧﻌﻢ ﻭﺵ ﻓﻴﭻ ﺗﺼﺎﺭﺧﻴﻦ !
ﻟﻴﻠﻰ : ﻳﻤﻪ ﺍﻟﻠﻪ ﻳﺨﻠﻴﭻ ﻗﻮﻣﻲ ﺑﻨﺮﻭﺡ ﺍﻟﺴﻮﻕ
ﻟﻔﺖ ﺍﻡ ﻧﻬﻴﺎﻥ ﺑﺎﺳﺘﻨﻜﺎﺭ : ﺷﻨﻮ ﺷﻨﻮ ! ؟ ﻣﺠﻨﻮﻧﻪ ﺍﻧﺘﻲ ﻣﻮ ﺻﺎﺣﻴﻪ ! ؟
ﻟﻴﻠﻰ : ﻟﻴﻴﻴﻴﺶ ﻳﻤﻪ
ﺷﻴﺨﻪ: ﺷﻨﻮ ﺍﻟﻠﻲ ﻟﻴﺶ ! ﺷﺘﺒﻴﻦ ﺑﺎﻟﺴﻮﻕ
ﻟﻴﻠﻰ : ﻣﻠﻴﻴﻴﺖ ﻣﻦ ﺍﻟﺤﻜﺮﻩ ﺑﻄﻠﻊ ﺑﺘﻤﺸﻰ
ﺷﻴﺨﻪ : ﻭﺍﻟﻠﻪ ﺍﺫﺍ ﺍﻧﺘﻲ ﻣﻠﻴﺘﻲ ﺗﻌﺎﻟﻲ ﺣﻄﻲ ﺇﻳﺪﭺ ﻭﻳﺎﻧﺎ ﻭﺳﺎﻋﺪﻳﻨﺎ
ﺍﻡ ﻧﻬﻴﺎﻥ: ﺷﻴﺨﻪ ﺻﺎﺩﻗﻪ ﺗﻌﺎﻟﻲ ﺗﻌﻠﻤﻲ ﺷﻮﻱ ﺷﻐﻞ ﺍﻟﺒﻴﺖ ﺧﻠﻴﭻ ﺳﻨﻌﻪ
ﻟﻴﻠﻰ : ﺷﻴﺨﻮﻭﻭﻩ ﺷﻬﺎﻟﻨﺤﺎﺳﻪ ! ؟ ﻻﺣﻘﻪ ﺍﻟﺸﻐﻞ ، ﻳﻤﻪ ﺍﻟﻠﻪ ﻳﺨﻠﻴﭻ ﻗﻮﻣﻲ ﻭﺍﻟﻠﻪ ﻣﺎ ﻧﻄﻮﻝ
ﺷﻮﻱ ﻭﻧﺮﺩ
ﻧﺰﻟﺖ ﺍﻡ ﻧﻬﻴﺎﻥ ﺍﻟﺼﺤﻦ : ﺍﺣﻤﺪﻱ ﺭﺑﭻ ﺍﻧﻲ ﺍﺑﻲ ﺍﺭﻭﺡ ﺍﻟﻌﻄﺎﺭ ﻭﻗﻮﻣﻲ ﻳﻼ ﺯﺗﭻ ‏( ﺍﺳﺮﻋﻲ‏)
ﻣﺎﻧﺒﻲ ﻧﺼﻴﻒ
ﻟﻴﻠﻰ : ﻣﻦ ﻋﻴﻮﻧﻲ
ﺭﻛﻀﺖ ﻟﻐﺮﻓﺘﻬﺎ ﻭﻫﻲ ﺗﻠﺒﺲ ﻋﺒﺎﻳﺘﻬﺎ ﻭﺗﻠﺒﺲ ﻧﻘﺎﺑﻬﺎ ﻭﺭﻛﻀﺖ ﺗﺎﺧﺬ ﺑﺨﺎﺥ ﺧﻠﻒ ﻭﻫﻲ ﺗﺪﻭﺭ
ﺷﻲ ﺗﺤﻄﻪ ﻓﻴﻪ ﺷﺎﻓﺖ ﻋﻠﺒﻪ ﺻﻐﻴﺮﻩ ﻭﺣﻄﺘﻪ ﻭﻫﻲ ﺗﺤﻄﻪ ﺑﺎﻟﺸﻨﻄﻪ ﻭﻛﺘﺒﺖ ﻭﺭﻗﻪ ﺳﺮﻳﻌﻪ
ﻭﺣﻄﺘﻬﺎ ﻭﻟﻔﺖ ﺗﺪﻭﺭ ﻭﺷﺎﻓﺖ ﺍﻟﺮﺍﺩﻳﻮ ﻭﺍﺧﺬﺗﻪ ﻣﻌﻬﺎ
ﺍﻡ ﻧﻬﻴﺎﻥ: ﺷﺤﻘﻪ ﺍﺧﺬﻩ ﺍﻟﺮﺍﺩﻳﻮ !
ﻟﻴﻠﻰ : ﻣﺪﺭﻱ ﺷﻔﻴﻪ
ﻭﻃﻠﻌﺖ ﻣﻊ ﺍﻣﻬﺎ ﻟﺴﻮﻕ
._______________________
ﻓﻲ ﺍﻟﺴﻮﻕ
ﻛﺎﻥ ﺧﻠﻒ ﺍﺧﺬ ﻃﺎﻭﻟﺘﻪ ﻭﺟﺎﻟﺲ ﻋﻠﻰ ﺍﻟﺒﺎﺏ ﻭﻳﺸﺘﻐﻞ ﺑﻬﺪﻭﺀ ﻭﺍﺑﺘﺴﻢ ﺍﻭﻝ ﻣﺎ ﺗﺬﻛﺮ ﻟﻴﻠﻰ
ﻭﺍﺳﺘﻨﺪ ﻋﻠﻰ ﺍﻟﻄﺎﻭﻟﻪ ﻭﻃﺮﺕ ﻟﻪ ﺍﻏﻨﻴﻪ ﺍﻟﺤﻴﻦ ﺑﺬﺍﺕ ﺧﺎﻃﺮﻩ ﻳﺴﻤﻌﻬﺎ ﺍﻟﺤﻴﻦ ﻫﻲ ﺗﺸﺮﺡ
ﻛﻞ ﺷﻲ ﻳﺤﺲ ﺑﻪ ﻃﻠﻊ ﺍﻟﺸﺮﻳﻂ ﻭﻫﻮ ﻳﺸﻐﻠﻪ ﺑﺎﻟﺮﺍﺩﻳﻮ ﻭﻳﻐﻨﻲ ﻣﻊ ﺍﻻﻏﻨﻴﻪ
ﻟﻜﻦ ﺭﻓﻊ ﺭﺍﺳﻪ ﻋﻠﻰ ﺻﻮﺕ ﺍﻟﺤﺮﻣﻪ ﺍﻟﻠﻲ ﻭﺍﻗﻔﻪ ﺑﻄﺮﻑ : ﻟﻮ ﺳﻤﺤﺖ ﻳﺎﻻﺧﻮ
ﻋﺮﻑ ﺧﻠﻒ ﻋﻴﻮﻥ ﻟﻴﻠﻰ ﻭﻓﺰ ﻭﺍﻗﻒ ﻭﻗﻠﺒﻪ ﻳﺪﻕ ﻭﺑﺎﻟﻘﻮﻩ ﻃﻠﻊ ﺻﻮﺗﻪ ﻭﻗﺎﻝ : ﺳﻤﻲ
ﺍﻡ ﻧﻬﻴﺎﻥ: ﻳﺎ ﻭﻟﻴﺪﻱ ﻋﻨﺪﻱ ﻫﺎﻟﺮﺍﺩﻳﻮ ﻣﺪﺭﻱ ﺷﻔﻴﻪ ﻣﺎﻳﺸﺘﻐﻞ
ﺧﻠﻒ ﺑﺎﺭﺗﺒﺎﻙ : ﺍ ﺍﺑﺸﺮﻱ ﺍﺑﺸﺮﻱ ﻋﻄﻴﻨﻲ ﻭﺍﻧﺎ ﺍﺷﻮﻑ ﻭﺵ ﻓﻴﻪ
ﺗﻘﺪﻣﺖ ﺍﻡ ﻧﻬﻴﺎﻥ ﺗﻌﻄﻴﻪ ﺍﻟﺮﺍﺩﻳﻮ : ﻣﺘﻰ ﺑﺘﺨﻠﺼﻪ !
ﺧﻠﻒ : ﺍ ﺳﺎﻋﻪ ﺑﺲ ﻭﺗﻌﺎﻟﻮﺍ ﺍﺧﺬﻭﻩ
ﺍﻡ ﻧﻬﻴﺎﻥ : ﺯﻳﻦ ﺑﺨﻠﺺ ﻏﺮﻳﻀﺎﺗﻲ ﻣﻦ ﺍﻟﺴﻮﻕ ﻭﺍﺭﺩ ﻟﻚ
ﺧﻠﻒ : ﺯﻳﻦ ﻛﺎﻧﻮﺍ ﻭﺍﻗﻔﻴﻦ ﺟﻨﺐ ﺍﻟﺮﺩﺍﻳﻮ
ﻭﻟﻜﻦ ﺍﻧﻠﺠﻢ ﺧﻠﻒ ﺍﻭﻝ ﻣﺎﺷﺎﻑ ﻟﻴﻠﻰ ﺗﻄﻠﻊ ﻋﻠﺒﻪ ﻣﻦ ﺷﻨﻄﺘﻬﺎ ﻭﻫﻲ ﻣﺨﺒﻴﺘﻬﺎ ﻭﺭﺍﻫﺎ
ﻭﺣﻄﺘﻬﺎ ﺑﺸﻮﻳﺶ ﻭﺣﺬﺭ ﻭﺭﺍ ﺍﻟﺮﺍﺩﻳﻮ ﻭﺳﺤﺒﺖ ﻳﺪﻫﺎ ﺑﺴﺮﻋﻪ
ﻣﺎ ﻳﻤﺪﻱ ﺧﻠﻒ ﺍﺳﺘﻮﻋﺐ ﺣﺮﻛﺘﻬﺎ ﺍﻻ ﺍﻧﺼﻌﻖ ﻣﻦ ﺻﻮﺕ ﺍﻻﻏﻨﻴﻪ ﺍﻟﻠﻲ ﺟﺎﺀ ﻓﻲ ﻭﻗﺖ
ﻣﺎﻳﺪﺭﻱ ﻳﻘﻮﻝ ﺧﻠﻒ ﺻﺢ ﺍﻭ ﻏﻠﻂ ﻭﻛﺎﻥ ﺻﻮﺕ ﺧﺎﻟﺪ ﻋﺒﺪﺍﻟﺮﺣﻤﻦ ﻳﺮﺩﺩ
‏( ﻻﻋﺘﻨﻲ ﺑﻨﻈﺮﻩ ﻭﺑﻌﺪ ﻣﺎ ﻛﻔﺎﻫﺎ
ﺣﻄﺖ ﺑﺠﻮﻓﻲ ﻣﻦ ﺍﻟﺠﻤﺮ ﺷﻮﻕ ﻣﻮﻗﻮﺩ
ﺷﺎﻣﻪ ﺗﻌﻠّﻰ ﺛﻐﺮﻫﺎ ﻣﻦ ﺣﻼﻫﺎ
ﺗﻈﻔﻲ ﻋﻠﻰ ﻧﻮﺭ ﺍﻟﺤﺴﻦ ﻧﻮﺭ ﻣﺮﺩﻭﺩ
ﺻﺎﺑﺘﻨﻲ ﺑﺪﺍﻫﺎ ﻭﻧﻔﺴﻲ ﺩﻭﺍﻫﺎ
ﻣﻦ ﺍﻟﻌﻴﻮﻥ ﺍﻟﺴﻮﺩ ﺩﻭﺍﻱ ﻣﻨﺸﻮﺩ‏)
ﺍﺭﺗﺒﻚ ﺧﻠﻒ ﻭﺍﻧﺼﺪﻣﺖ ﻟﻴﻠﻰ ﺍﻟﻠﻲ ﺑﺎﻧﺖ ﻓﻲ ﻋﻴﻮﻧﻬﺎ ﺻﺪﻣﺘﻬﺎ ﻭﻣﺸﺖ ﻭﺭﺍ ﺍﻣﻬﺎ ﺑﺴﺮﻋﻪ
ﻭﻗﻠﺒﻬﺎ ﻻ ﺷﻌﻮﺭﻳﺎً ﻳﺪﻕ
ﺳﺤﺐ ﺧﻠﻒ ﺍﻟﻌﻠﺒﻪ ﻳﺪﺧﻠﻬﺎ ﺑﻴﻦ ﺍﻻﻏﺮﺍﺽ ﺍﻟﺘﻔﺖ ﻳﺸﻮﻑ ﺍﺣﺪ ﺍﻧﺘﺒﻪ !
ﻭﺟﻠﺲ ﺑﺮﺍﺣﻪ ﻭﻫﻮ ﻣﺒﺘﺴﻢ ﻋﺠﺰ ﻳﺴﻴﻄﺮ ﻋﻠﻰ ﺍﺑﺘﺴﺎﻣﺘﻪ ﻋﺠﺰ ﻳﺘﺤﻜﻢ ﺑﻨﻔﺴﻪ ﻭﺍﻟﺘﻔﺖ
ﻟﺮﺍﺩﻳﻮ ﺍﻟﻠﻲ ﻣﺎﺯﺍﻝ ﻳﻐﻨﻲ
ﻭﺿﺤﻚ ﻭﻫﻮ ﻳﻜﻤﻞ ﻣﻌﻪ ‏( ﺍﻫﺎﻭﺩﻩ ﻗﻠﺐ ﺍﻧﺸﻐﻒ ﻓﻲ ﻫﻮﺍﻫﺎ
ﻣﺘﺤﻤﻠﻪ ﺻﺎﺭ ﺍﻟﺼﺒﺮ ﻣﻨﻪ ﻣﻔﻘﻮﺩ
ﻋﺰﺍﻩ ﻧﻔﺴﻲ ﺻﺎﺑﻬﺎ ﻣﺎ ﻃﻮﺍﻫﺎ
ﻃﻲ ﺍﻟﻮﺭﻕ ﺭﻃﺐٍ ﻣﻘﻄﻮﻑ ﻣﻦ ﻋﻮﺩ
ﺣﻖ ﺍﻟﻠﻪ ﺍﻋﻠﻢ ﺑﺎﻟﺤﺸﺎ ﻭﺵ ﻏﻼﻫﺎ
ﺗﻀﺤﻚ ﻟﻬﺎ ﻋﻴﻨﻲ ﻭﻟﻮ ﻛﻨﺖ ﻣﺰﻫﻮﺩ
ﺍﻟﻨﺎﺱ ﻣﺎ ﺗﺪﺭﻱ ﺑﺮﻭﺣﻲ ﻭﺧﻔﺎﻫﺎ
ﻳﻜﻔﻲ ﺍﺟﻨّﺐ ﻧﻔﺴﻲ ﻋﻦ ﻛﻞ ﻣﻨﻘﻮﺩ‏)
ﺗﻨﻬﺪ ﻭﻫﻮ ﻳﺘﻜﻲ ﻋﻠﻰ ﺍﻟﻄﺎﻭﻟﻪ ﻭﻣﺎﺯﺍﺍﻝ ﻣﺒﺘﺴﻢ ﻭﻫﻮ ﻣﺎﻳﺪﺭﻱ ﻭﺵ ﻓﻲ ﺍﻟﻌﻠﺒﻪ
ﺍﻣﺎ ﻟﻴﻠﻰ ﺍﻟﻠﻲ ﻛﺎﻧﻮﺍ ﻋﻨﺪ ﺍﻟﻌﻄﺎﺭ ﻭﻛﺎﻧﺖ ﺗﺤﺎﻭﻝ ﺗﺴﺮﻕ ﺍﻟﻨﻈﺮ ﻭﺗﻨﺎﻇﺮ ﺧﻠﻒ ﺍﻟﻠﻲ ﺍﺑﺘﺴﺎﻣﺘﻪ
ﺗﻨﺸﺎﻑ ﻣﻦ 10 ﺍﻣﺘﺎﺭ ﻭﻫﻮ ﻣﺘﻜﻲ ﺑﻬﻴﻤﺎﻥ ﺿﺤﻜﺖ ﻻ ﺷﻌﻮﺭﻳﺎً ﻣﻦ ﺷﻜﻠﻪ ﺑﺲ ﺳﻜﺘﺖ ﺗﻔﻜﺮ
ﺑﺎﻻﻏﻨﻴﻪ ﺍﻟﻠﻲ ﺳﻤﻌﺘﻬﺎ ﻭﺻﻮﺗﻪ ﺍﻣﺲ ﻭﻫﻮ ﻳﻨﺎﺩﻳﻬﺎ ﻭﻧﻈﺮﺍﺗﻪ ﻟﻬﺎ ﻭﺧﺎﻓﺖ ﺣﻴﻴﻴﻞ
ﻟﻜﻦ ﺧﻠﻒ ﺍﻟﻠﻲ ﺩﺧﻞ ﺍﻟﻤﺤﻞ ﺑﺒﺘﺴﺎﻣﻪ ﻭﻓﺘﺢ ﺍﻟﻌﻠﺒﻪ ﻭﺿﺤﻚ ﻣﻦ ﻗﻠﺒﻪ ﻭﻫﻮ ﻣﻦ ﺍﻣﺲ ﻳﺪﻭﺭ
ﺍﻟﺒﺨﺎﺥ ﺑﺲ ﻣﺎ ﺣﺼﻠﻪ ﻣﺎ ﺗﻮﻗﻌﻪ ﻣﻌﻬﺎ ﺍﺑﺪ ﺍﺧﺬ ﺍﻟﻮﺭﻗﻪ ﻭﻓﺘﺤﻬﺎ ﻭﻛﺎﻧﺖ ‏( ﺧﺬ ﻫﺬﺍ ﺩﻭﺍﻙ
ﻃﻴﺤﺘﻪ ﺍﻣﺲ ﻣﻊ ﺍﻏﺮﺍﺿﻲ ﻭﺭﺩﻳﺘﻪ ﻟﻚ، ﻭﺗﺮﺍ ﺍﻟﺮﺍﺩﻳﻮ ﻣﺎﻓﻴﻪ ﺷﻲ ﺑﺲ ﺣﻄﻴﺘﻪ ﺣﺠﻪ ﺧﻔﺖ
ﺗﻤﺮﺽ ﻣﺎ ﺗﺤﺼﻞ ﺩﻭﺍﻙ ‏)
ﺍﺧﺬ ﺍﻟﺒﺨﺎﺥ ﻭﻫﻮ ﻳﺒﺨﻪ ﺑﻔﻤﻪ ﻛﺎﻥ ﻓﻌﻼً ﻳﺤﺘﺎﺝ ﻧﻔﺲ ﻋﻤﻴﻖ ﻭﻧﻔﺲ ﻛﻠﻪ ﻋﻄﺮﻫﺎ ﺩﺧﻞ
ﺍﻟﻮﺭﻗﻪ ﺑﻤﺤﻔﻈﺘﻪ ﻭﺷﺎﻑ ﺍﻟﺨﻠﺨﺎﻝ ﻭﺍﺑﺘﺴﻢ : ﺍﻳﻴﻪ ﻭﺍﻟﻠﻪ ﺍﻧﻲ ﻣﺮﺿﺖ ﺑﻚ ﻭﺍﻧﺘﻬﻴﺖ ﻭ ﺻﺎﺭ
ﺩﻭﺭﻱ ﺍﺭﺟﻊ ﻟﻚ ﺍﻻﻣﺎﻧﻪ ﻳﺎﺑﻨﺖ ﺍﻟﻨﻮﺧﺬﻩ
ﺩﺧﻞ ﺍﻟﻌﻠﺒﻪ ﻭﻟﻒ ﻋﻠﻰ ﺻﻮﺕ ﺍﺑﻮﻭﻧﺎﺻﺮ : ﺧﻠﻒ ﻭﺵ ﻓﻴﻚ ﻣﺨﻠﻲ ﺍﻻﻏﺮﺍﺽ ﺑﺮﺍ
ﺧﻠﻒ : ﺑﺪﺧﻠﻬﺎ ﺍﻟﺤﻴﻦ ﻳﺎﺟﺪﻱ
ﺩﺧﻞ ﺍﻻﻏﺮﺍﺽ ﻭﻟﻒ : ﺟﺪﻱ
ﺍﺑﻮ ﻧﺎﺻﺮ: ﺳﻢ
ﺧﻠﻒ ﺑﺈﺣﺮﺍﺝ : ﻭﺩﻱ ﺑﺴﻠﻔﻪ ﻣﻨﻚ ﻟﻴﻦ ﺍﻟﺮﺍﺗﺐ
ﺍﺑﻮ ﻧﺎﺻﺮ: ﺍﻓﺎ ﺍﻟﺤﻼﻝ ﺣﻼﻟﻚ ﻳﺎﺧﻠﻴﻒ ﺍﺧﺬ ﺍﻟﻠﻲ ﺗﺒﻲ ﻭﺍﻧﺎ ﺟﺪﻙ ﻭﻣﺎﻫﻲ ﺳﻠﻔﻪ ﺑﻌﺪ
ﺍﺑﺘﺴﻢ ﺧﻠﻒ ﻭﻫﻮ ﻳﺒﻮﺱ ﺭﺍﺳﻪ : ﻳﺎ ﺑﻌﺪ ﻃﻮﺍﻳﻒ ﺧﻠﻴﻒ ﻭﺍﻟﻠﻪ ﻭﺍﻧﺎ ﺑﺮﻭﺡ ﺷﻮﻱ ﻭﺍﺭﺟﻊ
ﺿﺤﻚ ﺍﺑﻮ ﻧﺎﺻﺮ ﻭﺍﺧﺬ ﺧﻠﻒ ﺍﻟﻔﻠﻮﺱ ﻭﻃﻠﻊ ﻣﺴﺮﻉ ﻭﻭﺻﻞ ﻟﻠﻤﻜﺎﻥ ﺍﻟﻠﻲ ﺑﻴﺤﺼﻞ ﻓﻴﻪ
ﺍﻻﻣﺎﻧﻪ ﻭﺍﻟﻌﻮﺽ ﻟﻠﻴﻠﻰ ﻭﻗﻒ ﻓﻲ ﻣﺤﻞ ﺍﻟﺬﻫﺐ ﻭﻫﻮ ﻳﺪﻭﺭ ﺍﻟﺨﻼﺧﻞ ﻭﺍﺑﺘﺴﻢ ﺍﻭﻝ ﻣﺎﺷﺎﻑ
ﺍﻟﻠﻲ ﺍﻋﺠﺒﻪ ﻭﺍﺷﺘﺮﺍﻩ ﺑﺪﻭﻥ ﻣﺎﻳﺤﺲ ﻋﻠﻰ ﻧﻔﺴﻪ ﻭﻣﺸﺎﻋﺮ ﺍﻟﻔﺮﺡ ﺗﺪﻕ ﺑﻘﻠﺒﻪ ﻭﺗﺘﺤﻜﻢ
ﺑﺘﺼﺮﻓﺎﺗﻪ ﺍﺧﺬﻩ ﻭﻫﻮ ﻣﺴﺘﺎﻧﺲ ﻓﻴﻪ ﺣﻄﻪ ﺑﻈﺮﻑ ﻭﻫﻮ ﻛﺘﺐ ﻭﺭﻗﻪ ﻣﻌﻪ ﻭﺭﺟﻊ ﻣﺴﺮﻉ ﻭﻫﻮ
ﻳﺠﻠﺲ ﻋﻨﺪ ﺍﻟﺮﺍﺩﻳﻮ ﺣﻘﻬﻢ ﻭﻗﻠﺒﻪ ﻭﻫﻮ ﻳﻄﻠﻊ ﺍﻟﺒﻄﺎﺭﻳﺎﺕ ﻭﺣﻂ ﺑﺪﺍﻟﻬﺎ ﺍﻟﻈﺮﻑ ﻭﺳﻜﺮﻩ
ﻭﺟﻠﺲ ﻣﺘﻜﺘﻒ ﻭﻣﺒﺘﺴﻢ ﻭﻳﺪﻧﺪﻥ ﺍﻻﻏﻨﻴﻪ ﺑﺮﺍﺳﻪ ﻟﻠﺤﻴﻦ
ﻭﺑﻌﺪ ﺷﻮﻱ ﺭﺟﻌﺖ ﺍﻡ ﻧﻬﻴﺎﻥ : ﻫﺎﻩ ﻳﻤﻪ ﺧﻠﺼﺖ ؟ !
ﻓﺰ ﺧﻠﻒ : ﺍﻳﻪ ﻳﺎﺧﺎﻟﺘﻲ ﻫﺬﺍ ﻫﻮ ﻭﺗﺮﺍ ﺻﻠﺤﺘﻪ ﻭﺍﻟﺤﻴﻦ ﺻﺎﺭ ﺯﻳﻦ ﻭﻃﻠﻌﺖ ﺍﻟﺒﻄﺎﺭﻳﺎﺕ ﺑﺮﺍ
ﻓﺎﻟﺒﻴﺖ ﺭﻛﺒﻮﻫﺎ
ﻭﻟﻒ ﺑﻨﻈﺮﻩ ﺳﺮﻳﻌﻪ ﻳﻨﺎﻇﺮ ﻟﻴﻠﻰ ﻭﺍﺑﺘﺴﻢ ﻭﺍﺭﺗﺒﻜﺖ ﻟﻴﻠﻰ ﺍﻟﻠﻲ ﺑﺎﻟﻘﻮﻩ ﻣﺴﻜﺖ ﻛﻴﺲ ﺍﻟﺮﺍﺩﻳﻮ
ﻭﺍﺧﺬﻭﻩ ﻭﺭﺟﻌﻮﺍ ﻭﻫﻲ ﻣﻔﺠﻮﻋﻪ ﻣﻦ ﺍﺑﺘﺴﺎﻣﺘﻪ ﺍﻟﻠﻲ ﻛﺎﻧﺖ ﺣﻠﻮﻩ ﻟﻜﻦ ﻫﺰﺕ ﺭﺍﺳﻬﺎ ﻟﻴﻠﻰ
ﺑﻐﻀﺐ ﻭﻫﻲ ﺗﻬﺎﻭﺵ ﻧﻔﺴﻬﺎ ‏( ﻟﻴﻠﻰ ﺍﻧﻬﺒﻠﺘﻲ ! ؟ ﻻﻳﻐﺮﭺ ﺑﻀﺤﻜﺘﻪ ﻫﺎﻟﻌﻴﺎﺭ ﻻ ﺗﻨﺴﻴﻦ ﺍﻧﻪ
ﺧﺎﻃﺐ ﻭﻓﻮﻕ ﺫﺍ ﻋﻴﻨﻪ ﺯﺍﻳﻐﻪ ‏)
ﻣﺸﺖ ﻣﻊ ﺍﻣﻬﺎ ﻭﺗﺮﻛﺖ ﺧﻠﻒ ﻫﺎﺍﺍﺍﻳﻢ ﻭﻣﺒﺴﻮﻁ ﻭﻣﺴﺘﺎﻧﺲ ﻭﻣﻨﻄﺮﺏ ﻭﻧﺎﺳﻲ ﻛﻞ ﺍﻟﺒﻼﻭﻱ
ﺍﻟﻠﻲ ﺑﺎﻟﺒﻴﺖ ﺗﺤﺘﺮﻳﻪ...
*____________________*

لاتنسواااا متابعة صفحتي على الواتباد

________________
*ـــــــ(رابط قناتنا بالتلجرام @ahgeel )))ـــــــ*
*, #ﺃلى_هنا_اقفل_ﺣﺪﻳﻘﺘﻲ_ال5*

طبعا الرواية تم نشرها كامل في التلجرام لمن يريدها كاملة انضم بقناتنا على التلجرام
رابط القناة بالتلجرام ⇐ t.me/ahgeel
قم بنسخ الرابط وابحث في التلجرام ...

شاركنــا رأيك بالجزء  ...
ولاتنسوووا التصويت والتعليق ...