<Uni>
အစ်ကိုကြီးဝံပုလွေ လဲကျသွားပြီး ငါကတော့ စိတ်ကြီး မဝင်ရဲသေးဘူး။ ငါ သခင့်ကို အမြှီးချ၊ ခေါင်းညွှတ်ပြီး အချက်ပြခဲ့တယ်။ ငါမျက်လုံးတွေကလဲ ရိုသေကျိုးနွံနေခဲ့တယ်။
သခင်က ငါ့ကိုစိုက်ပဲကြည့်နေပြီး သူ့မျက်လုံးတွေကိုပြန်ရုတ်သွားတယ်။ သူက အစ်ကိုကြီးဝံပုလွေဆီကို လျှောက်သွားပြီး ထိုင်ချလိုက်ပြီး သူ့နောက်မှာရှိတဲ့လူဆီကနေ သေတ္တာတစ်ခုလှမ်းယူလိုက်တယ်။ ပြီးတော့ မလှုပ်မယှက်ဖြစ်နေတဲ့ အစ်ကိုကြီးဝံပုလွေနဲ့ စတင် ကစားလိုက်တော့တယ်။
သခင်က ဆေးထိုးအပ်တစ်ခုကိုထုတ်ယူလိုက်ပြီး အစ်ကိုကြီးဝံပုလွေ ရဲ့ ခန္တာကိုယ် ထဲကို ဆေးထိုးသွင်းလိုက်တယ်။ ခဏအကြာတော့ အဲ့ဒါက အာဟာရဖြည့်ဆေး ဆိုတာသိလိုက်ရပြီး သခင်က အစ်ကိုကြီးဝံပုလွေကို အာဟာရဆေးထိုးပေးဖို့ မေ့ဆေးသုံးလိုက်ရတယ်ဆိုတာ ငါသိသွားတယ်။
သူက အပ်အလွတ်ကိုဆွဲထုတ်လိုက်တော့တယ်။ သခင်က တစ်ခြားသူရဲ့အကူအညီနဲ့ အစ်ကိုကြီးဝံပုလွေကို လှန်လိုက်တယ်။ အဲ့တာက ဆီနှင်းဖြူရောင်အဖြစ်ပေါ်လာ... မဟုတ်ဘူး။ နီရဲနေတဲ့ ဝမ်းဗိုက်ပဲ။ အစ်ကိုကြီးဝံပုလွေရဲ့ ဒဏ်ရာက ဆိုးရွားတဲ့ပုံပဲ။ အမွေးတွေနဲ့အတူ အသားစအကြီးကြီး ပျောက်ဆုံးနေပြီး ပုပ်သိုးခါနီးဖြစ်နေတဲ့ ဒဏ်ရာတစ်ခုပဲ ကျန်တော့တယ်။ သူ ဗိုက်ကို ပတ်တီးစည်းပြီးချိန်မှာ သခင်က အစ်ကိုကြီးဝံပုလွေရဲ့ နောက်ခြေကို ဂရုတစိုက်နဲ့ပဲ ရွေ့လိုက်တယ်။ နောက်ခြေနဲ့ ဖနှောင့်မှာ ကြွက်သားအပိုင်းအစတွေ ကိုက်ဖြဲခံထားရတဲ့ တိုက်စားတတ်တဲ့ နောက်ထပ် ဒဏ်ရာကြီး ရှိနေသေးတာ။
အစ်ကိုကြီးဝံပုလွေ သွေးချင်းချင်းရဲနေတဲ့ ဗိုက်ကို ဘယ်လိုလုပ် အားထည့်သုံးပြီး ဆိုးဆိုးရွားရွား ဒဏ်ရာရထားတဲ့ နောက်ခြေတွေနဲ့ သခင့်ပေါ်ကို ခုန်အုပ်ဖို့ ဘယ်လိုလုပ်သုံး နိုင်ရတာလဲဆိုတာ ငါနားမလည်နိုင်ဘူး။
အစ်ကိုကြီးဝံပုလွေက တော့ တကယ့်ကောင်ကြီးပဲ။ ငါ့မျက်လုံးတွေက သိချင်စိတ်အပြည့်နဲ့ လုံးဝန်းနေပြီးတော့ လှောင်အိမ်ကို ဗလာသက်သက်နဲ့ စိုက်ကြည့်နေခဲ့မိတယ်။ ညကအကြောင်းပြန်ပြောရမယ်ဆို ငါ့ကျောပေါ် ကြက်သီးထသွားလိုက်သလိုပဲ။
YOU ARE READING
ငါလေး ဝံပုလွေသားရဲတွင်းထဲပို့ခံလိုက်ရပြီ/ငါေလး ဝံပုေလြသားရဲတြင္းထဲပို႔ခံလိုက္ရၿ
RandomName- 被送进狼窝了怎么办 『I was sent to a wolf den』 《Complete》 Author -今夜无眠 English Translater - Wordrain Chapter- 35【Complete】 ✓✔ 〔4september 2021 →⇒⇛30october 2021〕 ခွေးလေးတစ်ကောင်နဲ့ ဝံပုလွေကြီး တို့ရဲ့အကြောင်း ခွေးလေးရဲ့ သတ္တိကြောင်မှုတွေကို အတိုင်းသားတ...
