نجمتي انا فقط ❤

الفصل الاول ( المقابله )😉

الاحد :
نائمه بسلام و كأنها متيقنه من وجود ملاكها الحارس بجانبها رن منبهها ييقظها لتفتح عينيها بأبتسامه جميله لوجود يوم اخر ، تقوم و هي جميعها نشاط و حيويه لتغسل وجهها و تنعش نفسها و تذهب الي  امها في المطبخ و هي تعد الطعام
- صباح الفل يا قمر انت يا جميل
= هههه يا بكاشه همك علي بطنك طبعا مش عليا ههه
- هييييي ( شهقه 😂) اخس عليكي يا قمري كده تشكي فيا ها قوليلي بقي عامله فطار ايه ؟
= هههههه مش قولتلك همك علي بطنك ماشي يا ستي اديني اهو بسخن الفول و بقلي الطعميه يلا طلعي المخلل من التلاجه بقي
- هوا يا قمري
لتضحك الام علي ابنتها و جنانها المعتاد
( نجوم : البطله ، فتاة مرحه تحب الضحك و الهزار دوما و لكن حينما تغضب ينقلب عالمها رأسا علي عقب ليس لديها اصدقاء إلا واحده لانهم يخافوا غضبها المميت ، هي فقط تغضب عندما يفيض بها الكيل ، ذات شعر بني بلون عيناها و بشرتها قمحاويه جميله بشفاء بها حمره الكرز ووجه دائري صغير و لطيف ، اكثر ما يزعجها هو طولها ( متر و نص 😂) تخرجت من كليه الهندسه جامعه القاهره من قسم عماره )
( قمر : الام ، امراءه تملك حنان العالم اجمع اذا وزعته علي العالم يفيض و اكثر ، هي في اواخر الاربعينات من عمرها بوجهها البشوش و شعرها الاسود و عيونها البنيه ، ولا تسأل عن التجاعيد فهي تظهر و كأنها ذات الثلاثين عام لا اكثر امرأءه هادئة جدا جدا و حكيمه ايضا )
( شمس : اخ نجوم اخاها الاكبر مثل والدته تمام و لكنه يغضب بسرعه ، انسان كل ما يعرفه هو الدراسه و العمل ، ذو بشره قمحاويه و ملامح رجوليه بحتة لديه وسامه لا يعرف قدرها بعيونه العسليه ، خريج كليه الهندسه جامعه عين شمس قسم مدني )
( مدحت : الاب ، رجل مثل ابنته تماما يحب الضحك و الهزار و لكن غضبه شديد و لكن ليس بشده ابنته ( جينات بقي 😂) طويل القامه بعيون عسليه تسرح في ماضيها و حاضرها في العقد الرابع من عمره ( في الاربعينات بردو ) ظابط و رتبته لواء )
&&&&&&&&&&&&&&&&&&&&&&&
هؤلاء هم عائله نجوم و من كثره حب مدحت لقمر جعل اسماء اولاده مشابهون لما في السماء نجوم و شمس ، هم عائله متوسطه الحال بيت عباره عن ثلاث غرف بصاله هم عائله سعيده جدا و لكن هل الماضي سيعيقهم ؟ ام الحاضر ؟ ام المستقبل ؟ هيا لنعرف
&&&&&&&&&&&&&&&&&&&&&&&&
جالسين يتناولون الافطار في هدوء فهم معتادون وقت الطعام لا يتكلم احد ولا يضحك لكي لا يؤذي نفسه و يؤذي من حوله ، و بعدما انهو طعامهم سأل الاب
- ها يا نونو جالك رد من اي شركه من الي قدمتي فيها يا حبيبتي ولا لسه ؟
= لا يا بابا لسه و انا مش مستعجله عادي زي ما ربنا يريد انا اهو مستنيه و لو محدش رد هقدم في شركات تانيه عادي
- عين العقل عليكي يا حبيبتي و انت يا بشمهندس ايه اخبارك ؟
= اهو ماشي الحال الحمد لله الشمس امبارح كلت دماغي في الموقع مبالك بقي بالعمال ربنا يكون في عونهم
- يا رب يا حبيبي يا رب
= و انتي يا قمري ايه اخبارك سامحيني مش بلحق اشبع منك كل يوم زي الاول الشغل عندنا كتير و انتي عارفه المهمات عندنا ( لان قمر كانت واحده من الظابطات و كانت تعمل مع مدحت في مكتب واحد و لكنها استقالت لتفضى لزوجها و ابنائها )
- ولا يهمك يا حبيبي انا عارفه انت بتمر ب ايه و عادي يا سيدي انا مسمحاك بس بشرط تنزل تجيب بيبسي و تيجي
= هههههه بس كده دا انت تؤمر يا جميل ،واد يا شمس انزل جيب ازازه بيبسي يلا
- ايه ده هو انتوا تدلعوا علي بعض و انا الي البس في النص
= انزل ياض بلاش غلبه
- ههههه حاضر علشان خاطر الاقمر بس هههه
و فجأءه رن هاتفها برقم غريب لتنظر للهاتف و لعائلتها و تجيب .....لحظه اثنتان ثلاث .....انفجرت في الزغاريط
- قبلت يا بابا قبلت في الشركه لاااا و مش اي شركه دي شركه انتر ناشونال يا بابا انا فرحانه اوي اوي
نظر مدحت الي قمر في حيره و خوف ليقول الاب
= مبروك يا بنتي
- مالك يا بابا انت مش فرحان ليه ؟
= لا طبعا يا حبيبتي انا فرحان طبعا بس خايف عليكي اوي
- خايف من ايه بس يا ريس دوحه يعني انت مش عارف بنتك متخفش بنتك بميت راجل متقلقش
= انا عارف ان بنتي بميت راجل بس معرفش الراجل في الزمن ده ب كمان ست
- متقلقش انا عارفه ازاي احط حد لاي حد و طز في الاسامي
= ربنا معاكي يا بنتي و ينور طريقك ، يلا يا بنت ارقعي زغروطه كمان بقلنا كتير مجلناش خبر حلوا
- لولولولولولولولولولولولولولولولولولوي
جاء شمس
= ايه في ايه مين هيتجوز ؟
- تعالي يا اهبل انا اتقبلت في شركه الفادي للمعمار
= ايه بجد لا بتهزري دي شركه كبيره اوي دي تقريبا اكبر شركه في مصر بس انا مش فاهم انت كاتبه ايه في السيفي علشان يقبلوكي
- اخس عليك يا شمس انت تعرف عني اني ممكن حتي افكر اني ازور ورق
= لا طبعا مش قصدي بس عايز اعرف بس انتي كاتبه ايه مش اكتر
- انا هفهمك مش انا متخرجه من كليه الهندسه جامعه القاهره
= اه
- و مش انا بردو كنت بشتغل و انا طالبه يعني خدت خبره سنتين صح
= اه
- و مش انا بردو معايا ست لغات ( عربي و انجليزي و الماني و روسي و اسباني و فرنساوي )
= اه
- طب ما دام هو اه اه هيرفضوني ليه يا ابو مخ تخين
= اه اه فهمت الف الف مبروك يا نجمه
- الله يبارك فيك يا شمسي ، و طبعا المقابله بكره يا رب سهلها عليا دا انا هبله و انت عارف
ضحك الجميع علي كلامها و ظلت العائله فرحه بخبر قبول نجوم في اكبر شركات مصر و الشرق الاوسط ، اتصلت بصديقتها الوحيده لتخبرها بهذا الخبر المفرح
- الو ايوه يا ليزا عامله ايه وحشتيني
+ انتي اكتر يا نجمتي ايه اخبارك كويسه
- اه الحمد لله اما انا عندي حته خبر قمر زي وشك كده
+ ايه قبلتي في شركه ؟
- و مش اي شركه دي شركه الفادي للمعمار
+ يا بنت اللذينا عملتيها ازاي دي ، دي اكبر شركه في مصر
- شوفتي بقي ، انا فرحانه اوي يا ليزا و قولت افرحك معايا
+ الهي ربنا يفرحك كمان و كمان يا نجوم يا بنت عموا مدحت و طنط قمر قادر يا كريم
- هههههههههه ايوه يا شيخه ادعيلي الله يخليكي انا محتاجه لكميه دعاوي الايام دي
+ هههههههه ربنا معاكي يا حبيبتي و ينور طريقك ، صحيح قبل ما انسي انتي هتبدأي شغل امتي ؟
- بكره
+ طب اسمعي بقي يا ست الحسن و الجمال سندوتشاتك في اديكي ، قلمك في كشكولك الي يقولك صحبيني غزيه اتفقنا
- هههههههههه يا مجنونه لا لا بجد فهميني ازاي دي دا شغلي كله مخليني لازم اكون صداقات
+ مليش دعوه انا محدش ياخد مكاني مفهوم
- يالهوي حد ياخد مكانك انتي يا بنتي دا انتي الملكه إيليزابس ملكه علي عرش قلبي ازاي اجيب حد مكانك بس فهميني
+ اه بتاكلي بعقلي حلاوه و انا بحبها ماشي هههههههه
- ههههههههههه يلا سلام بقي خليني اشوف ابويا الي بشوفه بالصدفه ده شويه قبل ما حد يتصل بيه و يقوله في شغل ولا حاجه
+ ماشي يا حبي سلام
اغلقت الخط مع صديقتها ووجدت والدها ورائها
- هههههه نور عيني البي من جوه مين غيره و غيره مين هو
+ دا تاعبي و بردو عاجبني ولا حول ليا و قوه ، كلي بعقلي حلاوه يا بت
لتقول نجوم بدرامه و شهقه
- هيييي و انا اقدر يا دوحه عيب عليك عيب تتهمني باطل عيب
ليمسك ياقع بجامتها بطريقه مضحكه مثل المجرمين
+ الكلام ده تقوليه لامك ساعه الضهريه و هي بتجهز الغدا او تقوليه لصحبتك مش ليا دا انا بابا يا نونه
- هههههه و انا قولت غير كده يا بابي
+ ياغتي علي البت شوفوا اتحولت في ملي ثانيه
- هههههه ما لازم طبعا و انا قدامي اي حد دا انا قدامي اللواء مدحت مجدي بذات نفسه هههههه
ليضحك الاب و يقبل جبهه ابنته و يجلسوا علي التخت و ينظر لها بحنان
+ تعرفي يا نجوم انا فاكر كويس اوي اليوم الي انك اتعينت فيه ظابطه في المكتب الي انا و زمايلي في ، امك دي الي انتي شايفاها احن امرأءه في الوجود كانت زمان ولا ميت راجل ولا حتي حد يقدر يقف قدامها و يقولها بم و زمايلي كانوا دايما عايزين يطفشوها و انا ساكت و في حالي لحد ما في يوم قرروا يعملوا مقلب فيها.......
-سكت ليه الي حصل يا بابا كمل و كان ايه المقلب
+ المقلب ....كانوا عاملين نفسهم سكرانين و قفلوا المكتب عليهم و حاولوا يخوفوها و هي طبعا لوحدها قصادهم فخاقت ..
- و انت كنت فين يا بابا
+ كنت بره في الكافيتريا و بعد ما رحت علي المكتب لقيته مقفول و هما بيحاولوا يخوفوها بالشكل ده فكسرت الباب و ضربتهم و هي كانت واقفه تتفرج فزعقت فيها ساعتها علشان تيجي و تكمل ضرب فيهم و متخافش و فعلا قمت انا و كملت ضرب فيهم طبعا كلهم اترفدو ، و من ساعتها و انا و امك مع بعض حتي المهمات كانت بتجيلنا احنا الاتنين و فضلنا نترقي مع بعض لحد ما اتجوزتها و بعيدن جبنا شمس و لما كمل ثلاث سنين لقيتها عملالي احلي مفجأءه في حياتي انها حامل فيكي و انا الي سميتك نجوم علشان تبقي نجوم في سما ليلي و سما امك و اخوكي يكون هو شمس البيت بعد ما اموت
- متقولش كده يا بابا صدقني ازعل منك
+ يا بنتي الموت علينا حق و انتي اكتر واحده عارفه ده كويس
- طب حضرتك اول مره تحكيلي القصه دي اقدر اعرف ليه دلوقتي
+ بالابتسامه الخبيثه الي علي وشك دي ؟ هههههه ماشي يا ستي انا قولت احكيليك بما انك خلاص مبقتيش نجمه الصغيره ام خمس سنين انتي دلوقتي عروسه حلوه تملي العين و القلب مع انك في قلبي لسه عندك خمس سنين بالظبط لسه حاسس اني عايز انزل اجبلك الصندل و الفستان
تنظر نجوم لوالدها بحنان ليأخذها في حضنه بشده و يربت علي شعرها لتراهم لام من الخارج
= ايه ده و انا مليش من الحب جانب ولا ايه لا لا انا زعلانه منكوا لا
+ هههههه و احنا نقدر تعالي يا قمري تعالي في حضني يا حبييبه قلبي و سنين عمري
لتجري علي زوجها و ابنتها و يراهم شمس و يرضك عليهم لتكمل العائله بحبها الجميل
&&&&&&&&&&&&&&&&&&&&&&&&
الاثنين : جاء اليوم التالي ليرن منبهها ييقظها لتقوم بسرعه و نشاط لتجهز لاول يوم عمل لها فهي في اول مقابله لها لم تقابل احد سوي ال HR و الان هي علي وشك مقابله المدير و زملاء عملها .....
وصلت للشركه لم تتخيل بانها بهذه المساحه فهي شركه ضخمه جدا سألت عن طابق المدير قالوا لها بانه في الطابق الرابع دخلت الاسنسير و دخل معها رجل ملامحه هادئه و مريحه ليقول لها
- صباح الخير انتي الباشمهندسه الجديده ؟
= احم ايوه انا ..نجوم اسمي نجوم
- اهلا بيكي يا نجوم اتشرفت بمعرفتك و انا كيرلس تقدري تناديني كوكو من مكتب ٦ اتمني تكوني معانا
= شرف ليا
- العفو
فتح باب الاسنسير ليمد كوكو يده بمعني تفضلي ، خرجت نجوم و هي سعيده و مستبشره خيرا ...وصلت الي باب المدير لتقف امام السكرتيره
- لو سمحتي المدير جوه ؟
لتنظر لها السكرتيره نظره تفحص فنجوم كانت ترتدي فستانا بعد ركبتها بكثير يغطي ارجلها بالكامل و ذو نصف اكمام و له حزام من الوسط نجوم كانت في قمه الشياكه و الحشمه ايضا و لكن السكرتيره كانت ترتدي بلوز قصير جدا جدا و ميني جيب يغطي بطنها و جزء من فخزيها
= مشغول المدير مشغول
- طب ممكن تقوليلوا اني انا المهندسه الجديده و محتاجه اعرف فين مكاني فلازم ادخل
= اف انتي هتقرفيني ليه قولتلك مشغول
- معلش تعالي علي نفسك و دخليني
= شكلك مش عايزه تجبيها لبر و انا شاكلي هجبلك السيكيرتي يرميكي بره
- ....انا لحد دلوقتي هاديه معاكي و بقولك لو سمحتي دخليني
= ايه ده لا تصدقي خفت يا مامي ..امشي يا سكر بدل ما هعمل حاجه مش هتعجبك
- كده ...طييييب
خبطت نجوم علي غرفه المدير بشده لتهرع سهر السكرتيره إليها
= انتي مجنونه دا يقتلنا كلنا امشي من هنا
- انتي الي اضطرتيني اعمل كده و قولتلك اني كنت هاديه اديكي طلعتي جناني شوفي بقي ازاي هتوقفيني
و هنا فتح الباب و نظرت سهر للمدير بخوف و ظلت نجوم علي موقفها فهي لا تأبه باحد ليتكلم المدير بعصبيه
+ ايه ده مين الي خبط كده
= هي يا فندم صدقني مش انا ، انا قولتها ان حضرتك مشغول و هي مردتش تستني
+ انتي مين يا انسه انتي و ازاي تخبطي بالطريقه دي
- هي قعدت تتكلم معايا ببجاحه و قله ادب و انا مقبلتش ده فخبط علي حضرتك بس كده مش اكتر
قالت جملتها و هي في منتهي الهدوء لدرجه اصارت حيره المدير ليقول لها
+ طب اتفضلي
دخلت نجوم و اقفل المدير الباب و جلس مكانه
+ نعم انتي مين اولا و عايزه ايه ثانيا
- ببساطه انا نجوم مدحت الباشمهندسه الي اتصلتوا بيها امبارح و قولتولي انكوا قبلتوني في الشغل و اني اقدر اشتغل من النهارده و اجي الشركه علشان اعرف التفاصيل بس كده
+ اممم طيب الي انا اعرفه طبعا من السيفي انك عندك خبره سنتين و معاكي خمس لغات غير العربي ده صحيح ؟
- طبعا صحيح
+ عظيم عظيم حاجه مشرفه جدا تمام انا نقلتك لمكتب ٦ علشان هما محتاجين فرد رابع اهلا بيكي في شركتنا ، و يا ريت متخبطيش كده تاني علشان بكره الصوت العالي
-  تمام ، شكرا 
خرجت نجوم وهي فرحه جدا و نظرت لسهر بقرف و ذهبت لتبحث عن مكتب ٦ لتبدأء التعرف علي زمالائها الجدد او بمعني اصح الضحايا الجدد فهي حتي لا تعرف كيف تحكمت بغضبها امام هذه السكرتيره

#يتبع 🥰
( علي قد ما بقدر بخلي الفصل يكون الفين كلمه او اكتر علشان مرخمش 🥰❤ )