نجمتي انا فقط ❤

٤ ( الحقيقه )🤫

يوم الاربعاء الساعه ٦ و نص صباحا
قامت نجوم من نومها و اخذت شاور و اصبحت الساعه ٧ ص جائت لتخرج من غرفتها وجدت والدتها تضع الطعام علي السفره الكبيره و تعطيها صنيه بها الافطار ينظر لها والدها و هو يقرأء جرنال الصباح و يعود ليكمل القراءه ، فتأخذ نجوم الافطار و هي مبتسمه من والدتها و تدخل غرفتها لتفكر بفكره مجنونه و تضع الصنيه علي السرير و تهاتف صديقتها في المكتب اسيا ، لترد اسيا بنعاس
- ايوه مين ؟
+ ازيك يا اسيا انا نجوم هو انا صحيتك ولا ايه ؟
- اه ازيك يا نجمه ، لا لا كويس انك صحتيني اصلا بدا ما كانت هتروح عليا نومه ، خير في حاجه ؟
+ لا بس انا متعاقبه اني افطر و اتغدا و اتعشي لوحدي و انا مش بعرف اكل غير و في صوت جمبي ممكن تخليكي معايا علي الخط كأننا بنفطر سوا ايه رأيك
- هههههههه حاضر يا ستي بس حطي الهاند فري علشان تعرفي تاكلي
+ تماما و انتي كمان
قامت اسيا و غسلت وجهها و احضرت لنفسها افطار و تصبح علي خالها و امرأته لتقول نجوم بتساؤل
+ هو انتي عايشه مع خالك ؟
- اه يا ستي عايشه مع خالي و مراته
+ ليه ؟
- علشان معنديش اهل غيرهم
+ اوو انا اسفه
- ولا يهمك عادي
+ طب قوليلي بقي مفيش حد كده ولا كده
- هههههه ( و قالت بهمس بعدما دخلت غرفتها ) لا يا ستي في بس لوح
+ لوح ازاي و هو مين و هو فين ؟؟
- براحه براحه هقولك هههههه بصي هو ابن خالي ، لما اهلي توفو و جيت عند خالي راح هو اشتري الشقه الي جمب شقه خالي و بقي اعد فيها علشان اخد راحتي من غير الحجاب يعني بس يا ستي و انا من ساعه ما جيت هنا و انا واقعه في بس انتي عارفه اني اصلا مش بعرف اتكلم و لا اعبر عن الي جوايا يمكن انا بقولك الكلام ده لاني حاسه انك دخلتي قلبي اوي
+ و انتي كمان صدقيني ، طب بصي هو انتي حاولتي وعملي حاجه تدل انك بتحبيه ؟
- لا طبعا اتكسف
+ تتكسفي ايه هو انا بقولك قوليلوا يلا نتجوز ما تسمعيني للاخر و هتستفادي
- ها قولي يا ستي اشجيني
+ سين هل انتي قريبه من مرات خالك ؟
- جيم اه جدا
+ طيب سين هل هي طيبه و بتعتبريها زي امك
- جيم اه جدا جدا
+ طيب ما هي سهله اهي احكي لمرات خالك و قوليلها انك بتكلميها زي ما بتكلمي مامتك و احكيلها علي الي في قلبك و هي ادري ب ابنها و اكيد هتساعدك لو بتحبك
- يا نهاااار ازرق انتي عايزاني احكي لمرات خالي اني بحب ابنها يخربيتك دا انا اتكسف اوريها وشي
+ طيب و بعدين هتفضلي كده لحد ما يجي يوم و يقولولك احنا رايحين نخطب ل هو اسمو ايه صحيح
- محمود
+ هل انتي مستنيه اليوم ده و لو جه هتزعلي و قلبك هيتكسر و تقولي يارتني كنت قولت او حكيت انتي دلوقتي قدامك فرصه ياما تستغليها و تتجوزي الي بتحبيه يا ما هتفضلي مكسوفه بقيت عمرك
- طيب يا نجمه هفكر
+ النهارده يا اسيا سمعاني انهارده بعد الشغل تحكي معاها و تتصلي بيا تقوليلي ايه الي حصل تمام
اسيا بحماس : تمام
اكملت نجوم طعامها و قالت لاسيا
- يلا بقي بسرعه علشان الساعه دلوقتي ٧ و نص مش عايزين نتأخر يلا سلام
+ سلام
و اخرجت نجوم الصنيه الي المطبخ و جائت لتذهب وجدت والدها اوقفها و هو يقول
- استني اوصلك الشغل بدل ما يغمي عليكي في الطريق ولا حاجه
صمتت و اومأت برأسها و خرجت مع والدها و اوصلها امام الشركه ليقول و هو ينظر للجانب الاخر
- معاكي فلوس ولا عايزه ؟
+ معايا يا بابا
لينظر لها فهو يعرف انها تملك القليل فاخرج من محفظته نقود و اعطاها
- متنسيش تشربي عصير ، انا عارف انك معكيش فلوس ( لينظر ثانيه في عينيها و يقول بحنيه ) متكدبيش تاني يا نجوم مفهوم
لتبتسم نجوم بحب : سوري يا بابي حاضر
ليبتسم هو الاخر و يذهب بعربته الي مقر عمله ، و تصعد الي مكتبها مع ابتسامه جميله و يمضي يومها دون جديد
&&&&&&&&&&&&&&&&&&&&&&&
في مكان اخر
يصرخ بغضب بعدما لم يجد للهدوء منفعه
- ما تخلص ياض ايه هتحايل علي اهلك علشان تعترف علي الباقي انت تعرف لو مقولتش عن باقي الناس دي ايه الي هيحصل ، اقولك انا انت هتاخد حكم من الاتنين يا اعدام يا سجن ٢٥ سنه فاهم انت فين ولا مش فاهم
ليقول الاخر بخوف : يا باشا والله ما اعرفهم معرفش اساميهم
ليقول الاخر بغموض : بس تعرف فين معتز
+ الله يحرق معتز علي اليوم الي شوفتو فيه اقولك يا باشا انا كل الي اعرفه عنه انا بيختفي في تلت اماكن
- حلوووو انا بقي عايز التلت اماكن دول و لو طلعوا غلط ياويلك يا سواد ليلك مني يا سعيد
+ صدقني ابدا انا متأكد انهم صح حتي اني رحتهم معاه قبل كده
- طب زي الشاطر كده ترصهم قدامي رص اتفضل
&&&&&&&&&&&&&&&&&&&&&&
في مكان اخر بعد فتره من الاستجواب
يقف شخص امام معتز ليقول له
- اسمه شمس مدحت صالح ابن اللوا مدحت صالح الاشرفي ، ظابط في امن الدولة و مش معرف اي حد انه ظابط اصلا حتي امه و اختوا ميعرفوش و كل الي الناس تعرفوا عنوا انو مهندس في قسم مدني بس
+ بس ؟ يعني هو مهندس فعلا
- اه خريج كليه الهندسه قسم مدني و دخل معهد الشرطه و نجح فيه بامتياز بسبب جسمه و نشاطه الغير طبيعي ، و اكتر عمليه خدت معاه وقت كانو تلت ايام و الباقي اقل من يومين
+ ( و نظر معتز للرجل ) طبعا ده مينفعش نختاله مصر كلها مش هتهدي غير لما تصفيني بعدها بثانيتين اصلا ، طب نسبه هروبي من مصر كام في الميه ؟
- ( ليقول الاخر بخجل ) حوالي ٢٠ في الميه دا في البدايه بس بعد كده هتكون مستحيله
ليقول معتز بغضب : في ايه يعني بعد العمر ده كله هتسجن لا اعملوا حاجه زورولي ورق باسور علي اي داهيه لما نشوف المصيبه دي
ليدخل شمس مبتسم بثقه الفله امام معتز ليقول
- للاسف مش هتلحق حتي ال ٢٠% نسبه هروبك مني يا معتز ( ليأخذ نفس و ينظر في عينيه ) و المعلومات الي انت خدتها دي انا الي مدهالك بمزاجي واخد بالك انت ( ليأمر بقيه الضباط من حوله ) هاتوهم
&&&&&&&&&&&&&&&&&&&&&&&
في امن الدولة
اللواء نور الدين : برافو يا شمس بجد مش عارف اوصف كميه فخري بيك يومين قدرت تجيب معتز الي ظباط الشرطه غلبوه معاه ، معتز ده مش شخص عادي دا متورط في كذا قضيه منهم قتل خمسه منهم ابن وزير و تجاره اثار و بلاوي سوده و المصيبه انو بعد كل عمليه يتمها يختفي بس انت قدرت تجيبوا ( ليبتسم و يقول ) مبروك يا شمس
- مبروك علي ايه يا فندم دا شغلي !
+ لا مبروك علي الترقيه يا شمس
- ترقيه اي يا فندم ؟
+ انت حاليا بقيت الرائد شمس مدحت الاشرفي و حاليا مكتبك جاهز يا سياده الرائد
-( ليقول شمس بفرحه )انا مش مصدق شكرا جدا لحضرتك شكرا جدا
&&&&&&&&&&&&&&&&&&&&&&&
في بيت خال اسيا ، رجعت للبيت و هي متوتره و طول الطريق و هي تفكر كيف تقول لمرات خالها ، و عندما جلست علي المائده تاكل معهم ( الجميع يتجمع علي الطعام حتي محمود ) لتقول شفق ( مرات خالها )
- مالك يا اسيا شكلك متغير ليه يا حبيبتي انتي مكلتيش في الشركه ولا ايه ؟
+ لا يا امي مكلتش مكنش ليا نفس
ليقول توفيق ( خال اسيا ) ليه بس يا بنتي مينفعش كده ...ليصمت لحظه ليفكر و يقول بحنان ) انتي محتاجه فلوس يا اسيا قوليلي يا بنتي متتكسفيش
- لا لا صدقني انت عمرك ما خلتني محتاجه حاجه انا بس تعبانه شويه انهارده مش اكتر
ليقول محمود بلهفه سريعه : ليه مالك ؟ احم قصدي يعني علشان تروحي لدكتور لو في حاجه
لتقول اسيا بخجل : لا مش مستاهله انا هشرب نعناع و اكون احسن انشاء الله
لتقول الام : ماشي يا حبيبتي نكمل الاكل و اعملك احلي كبايه نعناع يا روحي
لتقول اسيا بابتسامه : ربنا يخليكي ليا يا امي
الام ببسمه : و يخليكي يا روح قلبي
محمود بضحك : الله الله دي هتاخد الدلع كله و انا لا ولا ايه
لتضحك الام : هههههه اه عندك مانع اسيا دي قلبي من جوه
محمود : طب وانا
الام : امممم يمكن حته منه هههههه
و بعدما انتهي الطعام و شربوا الشاي دخلت شفق لغرفه اسيا لتقول بحنيه
- مالك بقي يا روح قلبي متوتره و مش علي بعضك في ايه ؟
لتنظر اسيا في عينيها و تقول
+ انا بحب يا امي
- لتقول شفق بترقب : بتحبي مين ؟
+ محمود
-................

#يتبع 🙈
( اسفه الحلقه صغيره اوي بس ايه رأيكوا فيها ؟ 🙈❤)