نجمتي انا فقط ❤

١٣ ( نجوم السما )❤

تعرفي جربت ابعد يمكن المشاعر دي تختفي....( ابتسم و اكمل و هو ناظر بعينيها ) اليومين الي مشوفتكيش فيهم ولا سمت صوتك كنت عامل زي التور الهايج الي مش عافين يوقفوه كنت بكسر اي حاجه قدامي و كل شويه بتمرن ملاكمه لدرجه ان ايدي ورمت بس مش مهم ...انهارده جالي اتصال من جاك قالي ان الورق بتاع الملاهي خلاص اتمضي بأسمك ساعتها كنت نسيت حوار الملاهي خالص فقررت اني هشوفك انهارده و بما ان ابوكي مش راضي يخليكي تيجي الشركه فا اديكي اهو في المدينه بتاعتك و علي ارضك
+ ياااا سلااام و خروجي من البيت الساعه واحده بعد نص الليل ده عادي ؟
- هههههه مش عارف صدقيني بس انا كنت عايز اشوفك
( نجوم بحزن ) : طب و هنعمل ايه يا فادي اكيد مش هنقضي حياتنا هنا !
- لا طبعا ...بصي انا هستني شويه علي ابوكي و اخلي اهلي يجوا تاني يقنعوا فيه ....خمس ايام بالظبط و اجي اتقدملك
+ و هما اهلك مقتنعين اصلا ؟!
- اه طبعا
+ فادي ....انا مش عايزه اكون دخيله عليكوا ! و بعدين اشمعنا خمس ايام ؟!
- دخيله ايه يا نجمه انتي حبيبتي و خطبتي مراتي المستقبليه غصب عن العالم كله ، الخمس ايام علشان حصل مشاكل في الشركه ولازم اخلصها خلال خمس ايام
+ مشاكل ايه ؟
( تنهد و قال ) : مكتب ٦ ....مش عايزين يشتغلوا من غيرك ....بصراحه انا مش قادر افهم المكتب ده عمري ما لقيتوا بيشتعلوا مع بعض إلا لما انتي جيتي
+ هههههه اه انا بردو اتفجأت بان كل ما يجي مشروع واحد بس هو الي يعملوا و ياخدوها بالدور بس انا اعدت ازن عليهم اننا لازم نشتغل مع بعض ...بس مفهمتش ليه مش عايزين يشتغلوا
- فاكرين انك استقالتي بسببي فاهما كمان قدموا استقالتهم ......افتكروا اني عملتلك حاجه ..
+ ايه دول اتهبلوا ولا ايه ..لا لا سيبك من المشكله دي انا هتصرف معاهم متقلقش ايه المشاكل التانيه ؟
( تنهدء بتعب اكبر ) بعد ما انتي مشيتي جه عملاء من المانيا وعايزين مشروع جديد مصري فا اديت المشروع لمكتب ٦ علشان مبدعين ....لقيتهم مش راضيين يشتغلوا و لما جيت اسحب المشروع منهم بردو مش راضيين و فاضل خمس ايام علي تسليم المشروع و هما اصلا لسه مبدأوش
صدمت نجوم لتقول بمواساه
- متشلش هم يا فادي انا هروحلهم بكره و اقولهم كل حاجه
+ و ابوكي ؟
- متخافش هتصرف
( ابتسم بحب ) : كان لي حق قلبي لما قالي انك اطيب انسانه في الدنيا و اجملهم
نظرت نجوم النحيه الاخري لتبتسم بخجل ليسحب فادي ذقنها إليه ، فكان وجههم متقاري جدا حتي دقت قلوبهم بقوه شديده ليبتعد فادي بسرعه و تخجل نجوم بشده ليقول فادي مبررا
- مينفعش يا نجوم ...... انا اسف بس انا عايز لما نتجوز علشان تكون طعمها احلي
لتؤمي نجوم بخجل لتؤكد علي كلامه ليكمل و هو يحتويها في حضنه
- بس الحضن عادي علي الاقل يصبر الواحد هههههه
لتضحك هي بخجل و ينظرون للسماء و هي متكأءه علي صدره و يلعب هو بشعرها البني لتقول نجوم و هي تنظر للنجوم
- تعرف ان بابا بيعمل معايا زي ما جدو عمل معاه !
+ ازاي ؟
- جدو مكنش موافق علي ماما ابدا كان شايف ازاي ابنه يتجوز ظابطه
+ اممم قصدك يعني انو كان شايف انها هتكون قاسيه او صارمه مثلا !
- بالظبط
+ امم و بعدين ؟
- و بعدين يا سيدي بابا اتحدي جدو و قالوا انه هيسيبوا و مش هيشوف وشوا تاني
( و نظرت له بحزن ) و اديني اهو معرفش حتي شكل جدي ...كان نفسي اشوفه و اترمي في حضنه و اقوله وحشتني يا جدو بس دي حاجه تقريبا شبه مستحيل
+ ليه ؟!
( لتقول بسخريه ) : ليه ! تخيل اروح لجدي و اقوله انا حفيدتك من ابنك الي هجرك زمان تفتكر هياخدني بالاحضان ؟! هههههه ان مخادنيش بالرصاص مبقاش انا نجوم هههههه
( و ضمها إليه بقوه ) : بعد الشر عليكي بس عندي سؤال ...هو جدك منين ؟
- من المنصوره في منطقه ارياف بس هو ده الي اعرفوا عنوا .
صمتا هما الاثنان و نظرا للنجوم ليقول فادي بتغزل و مراوغه
+ اد ايه حلوة نجوم
- هههههه قصدك النجوم
( لينظر لها بخبث ) لا انا قولت نجوم ( ثم نظر لشفتيها ) و اسكتي بقي علشان انا ماسك نفسي بالعافيه
- انت قليل الادب علي فكره هههههه
+ هههههه عارف
- صحيح قولي انت ليك اخوات ؟
+ اه ليا اخت واحده اسمها حياة مجنونه حبتين بتحب السفر زي عنيها سافرت اول ما خلصت ثانوي و راحت امريكا تدرس طب سبع سنين المفروض ترجع السنادي
صمتا حتي مر الوقت و اصبحت الساعه الرابعه فجرا ليوصلها للمنزل و يودعها ليتواعدو بالقاء غدا
&&&&&&&&&&&&&&&&&&&&&&&&
دخلت نجوم غرفتها و لم يشعر بها احد حتي ليزا ، كانت فرحا جدا و تبتسم بخجل لفكره ان فادي يحافظ عليها و لكنها لعنت تهورها ايضا فهي منذ الان لن تعطيه الفرصه حتي يفكر ان يقترب منها خلدت الي النوم حتي اصبحت الساعه التاسعه صباحا ، تنهض و ترتدي ملابسها و تأخذ نفسا طويلا قبل ان تخرج لتستيقظ ليزا فجأءه و تسألها بنعاس
- كنتي فين امبارح ؟
اشارت نجوم لها بان تخفض صوتها ليتكلموا بالاشاره
+ ( هقولك بعدين )
- ( طيب )
ذهبت نجوم لكي تخبر والدها بانها ذاهبه للشركه كي تري اصدقائها و تحل مشكله مهمه فوافق بعد عناء مع تنبيه ألا تدخل عند فادي فوافقت هي و ذهبت متجهه للشركه .....
دخلت نجوم الشركه فأستقبلها الجميع بحفاوه و تذكرت بان زفاف كيرلس و روز تأجل بسبب هذا المشروع و تحدثت معهم كثيرا و قصت لهم ما حدث فحزنوا جدا لها و لكنها اخبرتهم بانها في حاله جيده لان فادي اخبرها بانه لن يتركها ابدا ، فقررو بان سحتفلوا ب نجوم و يبدأوا عمل فكان فادي ايضا يراقبهم بأبتسامه لطيفة .
ذهبت نجوم من الشركه و اخبرت فادي في رساله علي تحذير والدها لها فوافق علي مضد و هو مخنوق ، وصلت نجوم منزلها و لم تتحدث مع احد سوي ليزا التي قصت لها ما حدث في الامس و اليوم بهمس خفيف لكي لا يسمعهم احد ، فأخبرت نجوم ليزا بأنها ستتقابل مع فادي اليوم في تمام الساعه الواحده ليلا فيكون الجميع نيام
( نجوم ) انا هنام علشان مش قادره افتح عيني اصلا
( ليزا ) طيب و انا هروح اشوف ماما و جايه
ذهبت ليزا لتطمأن علي اهلها و بعدما جاء اليل قررت ان تنام ليزا بغرفتها حتي لا تزعج نجوم ،
&&&&&&&&&&&&&&&&&&&&&&&&
اليوم الثاني ❤
جهزت نجوم نفسها فكانت ترتدي بنطال جينز ازرق ثلجي فاتح و عليه بلوزه حمراء عليها رسمه ( الاميره و الوحش ) بلاسود ، اخرجت رأسها تتفقد ان كان احد مستيقظ ام لا فلم تجد احد خرجت و هي تتسحب و نزلت امام باب المنزل فكان البواب نائم كعادته فوجدت فادي امامها منتظرها و عندما رأها ابتسم بخبث ليقول
- جاهزه يا اميرتي ؟
+ ههههه طبعا جاهزه ..خلينا نمشي من هنا بس بدل ما البواب يصحي يلا
ذهبوا بعيدا حتي وصلوا لسياره فادي لتنفجر نجوم في الضحك و تقول
- بالاحنا بنعملوا ده ولا كأننا اطفال في ثانوي هههههه
( ليقول بغيره واضحه ) : و انتي كنتي بتعملي كده في ثانوي ؟
( لتقول ببرأه مزيفه ) : و فيها ايه !
( ليقول بغضب ) : نجوم متستهبليش هو ايه الي فيها ايه لا فيها كتير يا هانم
( نجوم بمشاكسه ) : ايه بتغير ؟
ليضغط فادي علي شفته السفلي بغضب لتقول بخوف
+ محصلش حاجه والله محصل حاجه انا بس بهزر معاك
ليقول ببرود بعدما هدأت انفاسه
- اركبي
+ طب هتقتلني ولا ايه مش فاهمه
( ليصرخ بها قليلا ) : اركبي يا نجوم يلا
لتنتفض من مكانها و تركب بسرعه ليبتسم هو بخبث بخفيه ليقول في نفسه
- طبعا بغير علشان انتي ملكي انا و بس ، بس هتتعاقبي بردو علي اعصابي الي سيبتيها
دخل السياره و هو صامت و توجه الي السينما ، اوقف السياره و فتح لها الباب لم يمسك يدها فتجمعت الدموع بعينيها ، لاحظ دموعها فأحاط بها بالكامل ففرحت هي و ابتسمت حتي دخلا صاله العرض وسط الشباب و البنات لتسمع نجوم همس البنات و هن يقولن
- الحقي يا بت انتي و هي القمر ده !
+ يالهويييي عريسي جه
: انتو مش شايفين الطفله الي ماسكه فيه دي !
- يا شيخه اقعدي دي طفله يعني نقدر نوزعها بسهوله و بعدين هما مش لابسين دبل فممكن تكون اخته !
كانت نجوم تسمع حوارهم و هي تشطاط غضبا لتقف نجوم امام فادي و تقول بدلع
- حبيبي ممكن نجيب فشار و بيبسي
ليندهش فادي من تصرفها و زال اندهاشه سريعا عندما رأي مجموعه البنات ليبتسم بلعب
+ يا روحي انتي بتغيري ؟
- فااااادي !
ليضحك بصوت عالي و يمسك كف يدها و يقبلها ليقول بصوت يسمع الفتيات
+ يلا يا اميرتي
لتبتسم نجوم بخجل حتي غلقت اعينها من الابتسامه ، لتتشبك بيده و ترفع حاجبها للفتيات و تقول لهن بعينيها ( انه ملكي )
لينظرن الفتيات الي بعضهن بغيره من نجوم ، ذهب فادي و نجوم الي الكافيتيريا و بعدها الي الصاله ، جلسا علي مقاعدهم فكان الفيلم رومانسي و هذا ما تعشقه نجوم ، وبعد مده اقتربت نجوم منه و تقول بهمس
- انا اسفه ....
( ليقول بلا مبالاه) : علي ايه ؟
+ انا معرفش اي راجل في حياتي غير بابا و شمس اصلا و الباقي زمايل و مش بتعامل معاهم اصلا ...بليز متزعلش بجد مكنش قصدي ازعلك
لينظر لها ثم الي الفيلم ليأخذها في صدره و يقبل رأسها و يهمس في اذنها
- اه بغير و ممكن اهد الدنيا لو حد قربلك كمان ، زي ما انتي كنتي هتولعي في البنات هههههه
لتنظر لها بطرف عينيها و تكمل الفيلم بعدما ابتسمت و تمسكت به بقوه و كانها تخشي الفراق .
&&&&&&&&&&&&&&&&&&&&&&&&
اليوم الثالث 😋
مر النهار فهو ممل في نظر نجوم تريد ان يأتي الليل لكي تسترد روحها و حبيبها ، نزلت امام باب العماره لتري بان البواب مستيقظ لتقول في نفسها
- يا نهاااار اعمل ايه انا دلوقتي ... بس لقيتها
ثم اتصلت علي ليزا لتقول لها بهمس
- لولو حبيبتي اصحي انا هبعتلك هديه ها
و اغلقت الهاتف وسط اندهاش ليزا لتتوجه ناحيه عم زكريا البواب لتقول مع ابتسامه
- ازيك يا عم زكريا
+ ازيك يا بنتي خير ايه الي منزلك دلوقتي
- اه كنت عايزه اشتري حاجات من السوبر ماركت الي في الشارع التاني
+ لا لا خليكي انتي انا هروح اشتري و اجبلك الي انتي عايزاه
- بجد تشكر يا عم زكريا ...طب لو مش هضايقك ممكن تطلع الحاجه علي بيت ليزا علشان احنا سهرانين مع بعض
+ ماشي يا بيني قوليلي انتي عايزه ايه و اطلعي
قالت له علي بعض المشروبات و المأكولات و تصنعت بأنها ستصعد و بعدما ذهب ركضت الي اول الشارع لتقابل فادي ليقول
- ايه في ايه كنت جاي اخدك انا اتأخرت ؟
+ لا لا البواب كان صاحي و ضحكت عليه و جيت يلا نمشي بسرعه بس بدل ما يجي و يشوفني
ركبا السياره و انطلقا ليقول
- طب و فيها ايه لما يشوفك مهو عارف اني خطيبك
+ انت متعرفش عم زكريا ده هو العصفوره بتاع بابا يعني بابا بكره هيسأل عم زكريا لو شافني خرجت ولا لا فعم زكريا هيقوله اني كنت سهرانه مع ليزا و نزلت اشتري حاجات للسهره
- اممممم فابوكي هيسألك بكره ان كنتي ساهرانه مع ليزا ولا لا !
+ بالظبط ...ايه وجهتنا انهارده ؟
- تحبي تروحي فين ؟
+ امممم هتتعصب ؟
- هههههه دي حاجه عائده علي الي هتطلبيه !
+ نفسي اروح .....ديسكو
كانت نجوم تترقب رده فعلوه و هو يفكر و يقول في النهايه
- اممم هي فكره مجنونه بس ماشي
+ ايه بجد هنروح ديسكو
- مش انتي كده هتكوني مبسوطه .... يبقي اه
+ هيياااااااا هنروح ديسكو هنروح ديسكو
ليضحك فادي و هي تهلل بجانبه ليأخذها الي ديسكو
( ملحوظه بس الديسكو غير الكباريه معلش 😂)
دخلا معا فكانت الموسيقي صاخبه فجلسا امام المشروبات فقدم لها مشروب خفيف فشربت كوب واحد ، بدأت نجوم بالضحك و شعرت بالدوار ليقول فادي بابتسامه
- انتي لحقتي !
+ هههههههه اووووو الدنيا حلوه اوي كده ليه ههههه يلا نقوم نرقص
فأخذت يده و دخلا صاله الرقص و بدأو بالرقص معا تسللت نجوم بسرعه عند الديجي لتقول له شئ بهمس ، كان فادي يبحث عن نجوم بجنون و خوف و فجأءه توقفت الموسيقي و بدأء مسيقى اخري لحماقي و تفجأء ب نجوم واقفه علي الاستاند و معها الميك لتغني اغنيه ( لا عتاب و لا حيره ) لحماقي ، لتبدأء بالغناء و تشير علي فادي في كل كلمه
- لا عتاب ولا حيره و لا نوم و غيره ولا قلبي ييات مرهوف .....
ولا يوم ولا ليله راح نبعد ليله دي الدنيا جميله و هنبعد ايه .....
قربلي تعالي يا شاغلني تعالي ..البعد انا لالا مقدرش عليه ......
و اكملت نجوم باقي الاغنيه و الجميع يرقص معها و يغني معها و بعد ان انتهت ذهب فادي إليها و ذهبا من الديسكو و ركبا السياره ليقول بغضب
- انا غلطان اني جبتك هنا و شربتك من الزفت ده
( لتقول و هي متصنعه الثمالا ) : ليه بس يا حبيبي
ليفهم هو بانها تتصنع الثمالا ليقول بخبث
- انتي متأكده انك دايخه !
+ هههههههه اه طبعا دي الدنيا بتلف بيا
- كده طيب
ليقترب فادي منها و يضع جبينه علي جبينها لتقول نجوم بتوتر و دقات قلبها تكاد تقف من سرعتها
+ انت مش قولت لما نتجوز !
- اه بس انتي سكرانه يعني مش هتفتكري حاجه لما تفوقي
+ بس انا فايقه
- متأكده
+ ااااه اه متأكده
ابتعد فادي عنها و هو مبتسم بخبث و يشاهدها و هي تتنفس بسرعة و كأنها كانت في سباق للعداء ، لا ينكر هو ايضا بانه مثلها و اكثر و لكنه اخفي ذلك ، هو يريدها بشده و لكن بعد زواجهما ، انطلق فادي الي مطعم فخم و جلسا و نجوم مازالت خجله ليقول لها بخبث
- دا انا كده معملتش حاجه امال لما نتجوز بقي هتعملي ايه !
+ فاااادي !
- هههههه طيب طيب خلاص وشك بقي شبه الطماطم هههههه
جاء الطعام و ظلا يتحدثوا عن اي شئ و كل شئ حتي اوصلها المنزل لتصعد نجوم الي ليزا و تجدها مستيقظه لتحكي لها كل ما حدث لتضحك ليزا علي صديقتها المجنونه و حبيبها الاكثر جنونا منها ليناما معا ليرتاحا قليلا
&&&&&&&&&&&&&&&&&&&&&&&&
( اليوم الرابع )🤗
ركبا السياره لتسأل نجوم عن وجهتهم اليوم ليقول لها( مفجأه ) ، وصلا بعد ساعه للمكان المحدد لتندهش نجوم من طول المسافه و نزلا امام ارض كبيره واسعه بها زرع و بها كوخ متوسط الحجم شكله لطيف ليضمها من ظهرها فهي مازالت مندهشه ليقول بجانب اذنها
- الارض دي بتاعتي بمعني تاني مكاني الخاص الي بهرب من العالم كله ليه ...عمر ما كد جه هنا غيري و في ناس بتيجي تنضف و تزرع و تمشي ...ايه رأيك ؟
لتقول له بحب
+ جميل اوي اوي بمعني تاني المكان ده ساحر
- هههه طب يلا
و امسك يدها و دخلا ليقول
- تحبي نقعد علي الكراسي ولا المرجيحه ؟
+ لا تعالي ننام علي الارض و نعد نجوم السما
- هههه دايما افكارك جديده ..بس كده اللبس هيتوسخ
+ طب ما تجيب ملايه من البيت او الكوخ ده اكيد في حاجه
- طب تعالي نجيب منه ملايه و بالمره تتفرجي عليه
دخلا الكوخ و كان بالفعل جميل جدا فكان من طابقين الاول للجلوس و الثاني للنوم فقال لها فادي بعدما احضر الملايه
- تعرفي منكتش متوقع اني هجيب حد هنا
+ ليه
و اكملا بعدما خرجا من الكوخ و يفرشا الملايه و يناما عليها
- اممم يعني ...قولت انا كده كده حياتي ممله حتي لو اتجوزت هتكون جوازه صالونات و مش نجيب مراتي هنا كمان
+ ههههههه و اديني انا جيت
( لينظر لها بعشق ) : انتي ايه ؟ ملاك ولا بنت استثنائيه ..مش فاهم بتعملي فيا كده ازاي
- هههههه و انت كمان صدقني انت اول حد يأثر فيا كده اول مره احس اني بحب و مطمنه ...لان حبيبي عايزني بس بردو محافظ عليا ...انا بحبك اوي يا فادي
+ ( حين اراك اري العالم جنه ..و حين تغيبين اري الموت يقين )
- الله الله بقيت شاعر امتي يا نور عيني
+ بقيت اقرأء روايات و كتب عن الحب علشان اعيشك ملكه و مبخلش عليكي بذره حب جوايا
نظرا لبعضهم بعشق و استرخاء و طمأنينه لينظرا للنجوم ثانيا و تسأل نجوم
- فادي ... لو قولتلك اتمني اي امنيه هتتمني ايه ؟
+ اي امنيه اي امنيه ؟!
- اه
+ هههههه هي امنيه مجنونه حبتين بس اتمني لو احبسك جوايا و محدش يشوفك غيري
صمتت نجوم لتبتسم له ليعاود السؤال عليها
- انا !... امنيتي انك تفضل تحبني كده و اكتر حتي بعد ما نبقي انا تاتي و انت جدو
+ وعد ...وعد و هوفيه لاخر نفس فيا .....

#يتبع 🥰