نجمتي انا فقط ❤

٨ ( رعب و حب ) ❤

مذكرات نجوم :
مر اسبوعين اخريين علي ذاك اليوم شمس لم يعد من السفر و تمت خطبه اسيا و محمود مع كتب كتابهم و اصبح زفافهم الاسبوع القادم ، ههههه اما عصافير الحب ( كيرلس و روز ) فقد اتفقوا اخيرا علي  ميعاد الزفاف و هو بعد ثلاثه اسابيع من الان ، مر الاسبوعين و لم يحدث بهم اي شئ سوي انني اشعر ببعض المشاعر تجاه فادي لا اعرف نتيجه ذالك و لكنني خائفه لا اعرف لماذا و لكن مشاعر الخوف ايضا تتولاني .
انهت كتابه في مذاكراتها و خبأتها و تسطحت علي السرير لتنام فالساعه الان ( ١٠ م ) و بطنها تؤلمها فنامت علي امل ان يخف هذا الالم ،....
في الصباح تيقيظها والدتها بخوف لتفتح عينيها ببطئ و بتعب لتقول بتعب شديد و صوت يكاد يخرج
- ايه يا ماما في ايه ؟
+ في ايه ؟ انتي بتسألي ؟! دا انتي جسمك مولع نار و عينيكي حمرا خالص
- اه ما انا خدت بالي و زوري كمان واجعني خالص
+ يا قلبي عليكي طب ارتاحي انهارده وبلاش شغل حتي لو هيتخصم من مرتبك مش مهم المهم انتي
- متقلقيش يا امي انا هكون تمام متخافيش و مش هروح الشغل انهارده يا ستي انا اصلا مش قادره اقف علي رجلي
+ اه بس استني انا لازم اعملك اسعافات اوليه قومي معايا لازم تغسلي وشك بميه ساقه يلا
- لا يا ماما الجو تلج انا متجمده
+ انا عارفه انك سقعانه مع اننا في الخريف اصلا بس معلش لازم نعمل كده علشان حرارتك تنزل يلا بقي يا حبيبتي
- حاضر
رفعت الغطاء من علي جسدها لتنزل قدميها علي الارض لتشعر بالدوار و تستند علي والدتها لكي تقف ، تقدمت خطوه ....اثنتان ...وقعت مغشي عليها لتصرخ ولدتها و تضعها علي السرير و تتصل ب زوجها و تطلب منه ان يحضر طبيب بسرعه .....
و بعد مرور ثلاث ساعات افاقت نجوم لتري امامها والديها و ليزا .....و كيرلس ؟! لتسأل عن ما حدث لتطمأنها قمر بانها بخير و درجه حرارتها انخفضت قليلا افضل من السابق و تخبرها ان كيرلس كان هنا بعدما اغشي عليها ، ليخرج والديها مع ليزا و ابقيا الباب مفتوح و تركا نجوم المريضه مع كيرلس ليقول بحزن
- الف سلامه عليكي
+ الله يسلمك يا عم كوكو ( و تسعل و تكمل ) بس قولي انت اكيد مكنتش جاي علشان تعبي
- الحقيقه اه ....( و يتابع بتوتر ) بصراحه يا نجوم انتي كنتي متهمه في انك بتبعتي ايميلات لشركه تانيه منافسه و هما فعلا لقوا الايميلات دي علي الجهاز بتاعك و اتبعتت رساله للميدير بيقولوا فيها انك مش هتروحي الشركه انهارده .....
لتنظر له بصدمه : .......و طبعا كلكوا صدقتوا الهبل ده صح و اول واحد هو انت مش كده صدقتوا اني جاسوسه صح ؟
لينظر لها بحزن و يقول : بامانه ابدا انا كنت متأكد انك مستحيل تعملي كده
+ و اتأكدت منين بقي
- ....علشان بنت الظباط مش هتسرق ولا تخون انااا....
و قبل ان يكمل دخل مدحت ليقدم غداء نجوم و ينظر لكيرلس بترقب و يقول
- ارتاحي انتي يا حبيبتي دلوقتي و كلي غداكي و ماما و ليزا جايين علشان ياكلوا معاكي و يساعدوكي، و انت يا بشمهدنس اتفضل معايا ....علشان نتغدي طبعا
ليؤمي كيرلس له و يبتسم لنجوم المتعبه و يخرج و تأتي قمر و ليزا 
---------------------------------------------------
في الخارج علي السفره يهمس مدحت لكيرلس و يقول
- ايه الجديد ؟
+ تقريبا كانوا عايزين يعملوا فيها حاجه علشان متوصلش الشركه و ياعالم ايه هي الحاجه دي
- تقب و تغتص و تعرفلي كانوا مدبرين ايه
+ حاضر
- و فادي ؟
+ مش فهمينوا هو مصدق ولا لا بس متهيألي لا
- ليه ؟
+ حاسس انو بيحبها و هي كمان
- بيحبوا بعض ؟!
+ اه معاملتوا ليها غير اي حد حتي البنات الي في الشركه مش بيعامل حد كده ابدا غيرها
- بيعاملها ازاي يعني ؟
+ يعني ...بيصالحها لما تكون زعلانه ، بيديها مكافأه علي كل شغل تخلصه ، قبل كده عزم الشركه كلها علي عصير علشانها هي
- ازاي ؟
+ اممم كانت في مره من اسبوعين جات الشركه زعلانه اوي علشان اخوها سافر فهو حاول يصالحها بانه يديها عصير و هي مردتش ابدا فعزم الشركه كلها علشان تاخدو بردو
و اكملوا غدائهم و ذهب كيرلس
( ملحوظه كيرلس ليس ضابط هو فقط ينقل اخبار نجوم لمدحت و شمس ليس إلا )
بعدما ذهب كيرلس بقيت ليزا مع نجوم فقط و هي حزينه لتسألها نجوم عن سبب حزنها لتقول
- يا ستي ارتاحي انتي في ايه ولا في ايه
+ اخلصي يا بت يعني انا هغفل علي البوز ده ، دا انا حفظاه و حفظاكي عايزه تقولي و تحكي ، قولي يا اختي قولي اصل ده وقت الحكي اصلا قولي
- ....جدي !
+ مالوا تعبان ؟
- عايز يجوزني لابن عمي
+ اممم يبقي تعبان اه
- انتي بتهزري يا نجوم ؟ بقولك جدي كلمتوا واحده بتمشي علي الكل
+ ايوه يعني ازاي بردو ؟ هتتجوزي ابن عمك الي انتي اصلا مش بطيقيه مثلا ؟
( لتظر لها بخوف ) : مش عارفه !
( لتقول نجوم بجديه ) : طب حاولي تتناقشي اعملي اي حاجه !
- اعمل ايه يا نجوم اهرب ؟!
+ لا مش للدرجادي يعني ! طب هو بيعمل كده ليه ؟
- بيقول دي عادات العيله اننا كلنا نتجوز من عيلتنا !
+ اه لا مادام كده يبقي ربنا معاكي بقي
- انا خايفه اوي يا نجوم مش بحبوا مش بطيقوا اصلا ياباااي ، حتي لما شوفتوا بيتصرف معايا علي اني خدامه عندو لحد ما اتخنقت معاه و هو جبله اصلا ، لا يا نجوم لا انا عندي الموت اهون
( لتبتسم نجوم ) : صدقيني يا بنتي لو شفتي الموت بعنيكي مره و يا رب ما تشوفيه هتعرفي ان اي جوازه اهون من الموت بالبطئ ، فاكره يا ليزا الي حصل معايا !
&&&&&&&&&&&&&&&
فلاش بااااك
عينيها مفتوحه و لكنا لا تري شئ ولا تسمع ، ينقلونها علي ترولي و يدخلونها غرفه ما فهي مع انها تري ما امامها تشاش و يصعب عليها التنفس كانت تموت بالبطئ و مستسلما و الدمع ينزل من عينيها ببطئ حتي وضعوا لها جهاز التنفس و لكن بعد فوات الاوان ....و هنا شعرت بالموت كم هو مؤلم في البدايه و لكنها راحه ابديه ....استيقظت بعدها بخمس ساعات لتنظر لها الممرضه و تهلل فرحا و تركض للطبيب و تخبره ليأتي الطبيب بسرعه و يقول فرحا
- حمد الله علي السلامه يا حلوه متخافيش انتي كويسه و ماما و بابا بره و هيدخلوا حالا تمام
لتؤمئ هي برأسها و يدخل والديها فارحين جدا لرأيتها سالمه
&&&&&&&&&&&&&&&
باااك
( ليزا بابتسامه ) : ساعتها ماما قالتلي صحبتك في المستشفي كنت هتجنن عليكي و لما رجعتي البيت مردتش اسيبك حتي اني بيت معاكي اسبوع بحالوا هههه
+ بصي يا ليزا سيبيها علي ربنا يا بنتي ، الي اراد اني اكمل حياتي و اعيش بعد استحاله اكيد هيظبط حياتك صح !
- اكيد صح .... خلاص هسيبها علي ربنا هو يظبطها
+ برافوا عليكي ، شيلي بقي البتاعه الي علي دماغي دي و هاتي الترمومتر
- حاضر
&&&&&&&&&&&&&&&&&&&&&&&&
اوقف سيارته امام منزلها فهو متأكد بانها لن تفعل عمل مثل هذا ، فيصعد للطابق و يطرق الباب ليفتح مدحت بعدما نظر في العين السحريه ، ليدخل فادي و يسأل عنها ليدله علي غرفتها و عندما دخل فوجئ بأنها علي السرير تتغطي و موضوع قماشه بها ماء علي جبينها فعلم بأنها مريضه لهذا هي لم تحضر اليوم للعمل ليدخل و تخرج ليزا و يجلس هو بجانب السرير لتبتسم له بتعب و تقول
- تعبت نفسك يا بشمهندس
+ قولنا قبل كده فادي ، ثانيا ولا تعب ولا حاجه
- حضرتك جيت تتطمن اذا كنت جاسوسه ولا لا صح ؟
+ لا ، و بعدين مين قالك ؟
- زميلي في المكتب
+ اسمعي يا نجوم انا مش عايزيك تنزلي من البيت انهارده ولا بكره ولا بعده من البيت خالص تمام
- ليه ؟
+ علشان ممكن يكونوا مدبرين حادثه ليكي و انا مش عايز اغامر بحد مهم
- مين المهم ؟
( ليقول بغموض ) : انتي يا نجوم....انتي
و ذهب دون ان ينطقوا حرف اخر
لتندهش نجوم و تقول في نفسها أانا المهمه ؟
&&&&&&&&&&&&&&&&&&&&&&&
في مكان اخر جاك يتصل ب فادي و تدور المحادثه
-ايوه يا فادي اتأكدنا ان سعد و ابنه هما الي عاملين الحوارات دي كلها
( ليحك ذقنه و يقول ) : ايه الدليل
+ جبت حد يهكر جهاز ابراهيم و طلع مهكر جهاز البشمهندسه و اتأكدت ان هو الي بعت ايميلات قديمه عن الشركه بأسم نجوم
- و كانو مخطتين ل ايه لما تخرج من البيت
+ كانو مخطتين انهم يخطفوفها و يساوموك بيها
- امممم و عملت ايه ؟
+ الي تؤمر بيه !
- .....يتربطوا و يترموا في الجراج القديم لحد ما اجيلهم
+ تمام
و بعدما اغلقوا الخط اخذ فادي يتوعد لسعد و ابنه
+ ماشي يا سعد الكلب اما اشوفك بس
-----------------------------------------------------------
اكمل فادي طريقه و ذهب لمحل ورد و طلب باقه كبيره بها ورد احمر و ابيض بلدي و به كثير من الشيكولاته و طلب ان يبعت لبيت نجوم مع رساله
----------&-----------&------------&------------&----
ذهبت قمر لتفتح الباب بعدما سمعت احدا يطرق و بعدما فتحت وجدت شخص يسلمها ورد لونه جميل لتمضي بانها استلمت الباقه و ذهب الشخص ، دخلت قمر لغرفه نجوم و نوالتها الباقه مع ابتسامه خبيثه لتقول قمر
- الله الله يا ست نجمه حد باعتلك ورد يا ستي لا و كمان في شيكولاته خدي الله يسهلوا ههههههه
( لتقول ليزا بضحك ) : هوووبااا البت انحرفت خلاص و بقت تحب لا مينفعش كده اخد انا الورد ده و انتي يا طنط قمر شوفي شغلك معاها اه
لتضحك نجوم و قمر و تقول نجوم
- طب يا ليزا شرفتي بقي يا حبيبتي ، يلا يا ماما انا تعبانه اصلا روحي علي اوضتك يا قمر هانم يلا روحي شوفي المز بتاعك بيناديكي يلا
قمر : شوفي البت باعتنا ازاي ؟ ههههههههههه
ليزا : عيله واطيه بامانه ماشي يا نجمه ماشي بعتيني انا و امك علشان بوكيه ورد و شيكولاته !
نجوم : يلا يا بت شطبنا ابقي تعالي بليل يلا
ليزا : ههههههه ماشي انا كده كده ماما بتناديني
و اخرجت لسانها ، لتخرج الاخري لها لسانها ردا لها ليضحكوا جميعهم و يتركوا نجوم وحدها ، لتنظر نجوم لباقه الورد و تبحث عن اي رساله لتجدها و تقرأء مضمونها
( الف سلامه عليكي و متخافيش لما تيجي الشركه كله هيبقي تمام )
لتبتسم فهي علمت بانه هو فادي
&&&&&&&&&&&&&&&&&&&&&&&
في مكان اخر بعد فتره جالس هو بمكانه علي كرسيه فهذا بالنسبه له مكان الحساب و من اخطأ يجازا امامه اولا ثم تجازيه الشرطه ثانيا ، يدخلا اثنان مربطين الي المكان فلم يرو وجهه لان المكان معتم جدا و فجأءه تضاء الانوار ليقول فادي و هو جالس بمكانه
- اهلا اهلا بالعصابه ...( و اكمل بسخريه ) الي فاكرين بفكره هبله زي دي اني هتوتر و افكر في الجسوسه و اسيب شغلي علشان حد يسرقوا !
ثم قام من مكانه و بدأت وجهه يحمر غضبا و لم سعد و ابراهيم كل منهم اول لكمه
- اممم دي بس علشان لسه متغاظ منكوا مش اكتر
( ليصرخ ابراهيم و يقول ) احنا معملناش حاجه احنا اصلا ملناش مصلحه في كل ده انا و ابويا فاتحين شركه صغيره ليه هنفكر نلعب معاك يعني فهمني
ليتقدم إليه فادي و يمسك وجه بقوه و يقول
- الدماغ الشيطانيه دي تقدر تفكر في اي حاجه بس تنفذها نو و انت و ابوك لعبتوا مع الشخص الغلط
( ليلكم ابراهيم ثاني لكمه و يكمل )
- لعبكوا مع اي حد من مواظفيني يعني بتلعبوا معايا انا ، لان الناس دي مش شغاله عندي بمعني اصح الناس دي شغاله معايا كأنهم كلهم شركاء معايا في الشركه و اذيت لاي واحد فيهم تعني اذيتي انا و انا مش بسامح الي يأذيني
( ليبدأ الضرب به و ينظر الي سعد و يقول بسخريه )
- احمد ربك انك راجل كبير مش هتستحمل في ايدي ضربه كمان كفايه عليك السجن انت و ابنك
( و قبل ان يذهب ركل كل منهم و ذهب )
و بعد مده كتبت كل الجرائد و المجلات عن حبس رجل الاعمال سعد و ابنه ابراهيم
&&&&&&&&&&&&&&&&&&&&&&&&
جاء الليل و كل منهم متسطح علي سريره و كل منهم يفكر بالاخر ،( عند نجوم )
سمعت طرق الباب لتقول في نفسها
- و ده مين جي دلوقتي ده ؟
و بعدما تفتح الباب تصرخ في فرحه و تقفذ لحضن اخاها فها هو جاء من سفره او بمعني ثاني انهي مهمته ، فخرج والديها و رحبو بأبنهم كثيرا و فرحا و لكن كانت نجوم مازالت متعبه فشعرت ببعض الدوران حولها ليسندها شمس بقلق
- ايه يا حبيبتي فيكي ايه ....اه صح مال وشك اصفر ليه في حاجه
لينظر الي والديه برعب ليصرخ بهم
- حصل حاجه و انا مش هنا ؟
لتقول نجوم بابتسامه متعبه : مفيش اي حاجه يا حبيبي كله تمام انا بس سخنت انهارده و تعبت شويه و بقيت احسن من الصبح بكتير
+ كده و احسن من الصبح امال الصبح كنتي عامله ازاي ؟
- ههههه اغمي عليا بس ههههه ولا يهمك متفكرش كتير انا بقيت كويسه اوي لما شوفتك ادخل ارتاح انت عقبال ما اساعد ماما في العشا بتاعك 
+ لا ملكيش دعوه بالعشا انا جبت معايا اكل انا و انتي من بره
لتنظر نجوم بقلق الي والدها الذي احتدت عيناه
مدحت : مش قولنا ميت مره مفيش اكل من بره !
شمس بابتسامه : معلش خليها عليك المرادي يا عم دوحه بقي مره من نفسنا
قمر بتصميم : اه يا مدحت خليهم ياخدو نفسهم شويه و دي بتكون نادرا يعني لما بتحصل و يجيبوا اكل من بره
مدحت بقله حيله : طيب بس متكتروش و انتي ( و نظر الي نجوم ) كلي قليل علشان انتي اصلا تعبانه ماشي
نجوم بحب : حاضر يا دوحه يا جميل
ليدخل مدحت مع قمر غرفتهم و يدخل شمس غرفته ليبدل ملابسه و يذهب الي نجوم

في غرفه نجوم
كانت تنتظره حتي جاء و معه العشاء و يقول
- ها يا ستي كلي اذان صاغيه تحكيلي من ساعة ما مشيت لحد دلوقتي ايه الي حصل في غيابي ها سامعك معاكي الميكرفون يا نجمه هانم ههههه
ليضحكوا و تبدأء نجوم في سرد ما حدث معها ليصدم شمس من سعد و ولده و يتوعد لهم

#يتبع😉